kruje

QAF-SHTAMA-KRUJE_ABC-M2-T1.mpg_snapshot_00.13-1280x680.jpg
G. P.17:32 | 11/11/2018

Në Qafë-Shtamë të Krujës, për shkak të mungesës së rrugës, kanë mundur të shkojnë vetëm vendasit. Por me rregullimin e rrugës u bë kohë që ky resurs i natyrës është kthyer në destinacion të preferuar për turistë të huaj.

25 kilometra larg qytetit të Krujës, Qafë Shtama është një nga parqet e preferuara të të huajve. Temperaturat e larta u kanë dhënë mundësi atyre të vizitojnë dhe shijojnë masivin pyjor prej 2 mijë hektarësh. Mbërritja për te parku nuk zgjat shumë. Rruga është e mirë, gjarpëruese. Përtej qytetit të Krujës bëhet malore.

Panorama është spektakolare. Janë ngritur bare e lokale me gatimet tradicionale. Pika më e rëndësishme është Kroi i Nanës Mbretëreshë, rreth 1100 metra mbi nivelin e detit. Uji është kristal.

Mban këtë emër për nder të Sadije Toptanit, të ëmës së Mbretit Ahmet Zogu. Në vitet ’30 u tha se burimet e Qafë-Shtamës qenë analizuar në një laborator në Vienë të Austrisë, nga ku qe certifikuar se ato kishin efekte kurative. Dhe në atë kohë një kamion nisej nga Tirana për në Qafë-Shtamë./abcnews.al

MBULIM-GROPOSJA-E-SHPENDEVE-KRUJE-ABC-M-3-T-2-HD.mpg_snapshot_00.36-1280x717.jpg
G. P.15:10 | 27/10/2018

Një ditë më parë ABC News transmetoi një kronikë për sëmundjen që ka prekur pulat dhe gjelat e detit në fshatin Bubq të Krujës. Ditën e sotme ka nisur groposja e shpendëve të ngordhur. Fermerët japin alarmin për pula të tjera që janë infektuar nga kjo sëmundje.

Ata kanë dyshime për medikamentin i cili nuk ka kryer efektin e duhur në eleminimin e kësaj sëmundjeje. Ata u bëjnë apel institucioneve shtetërore që të kryejnë verifikimet përkatëse për ilaçin që përdoret për shpendët dhe për dëmet e tyre./abcnews.al

 

SEMUNDJA-E-SHPENDEVE-KRUJE-1280x707.jpg
ent ela15:34 | 26/10/2018

Në fshatin Bubq të Krujës shpendët janë infektuar nga një sëmundje dhe një fermë e tërë me 150 kokë gjela deti është shfarosur. Fermerët kanë frikë mos kjo sëmundje u kalon njerëzve.

Prej 25 vitesh merret me rritjen e gjelit të detit. Por për këtë fund vit Gëzim Gjoni në Bubq të Krujës është i falimentuar. Pamjet tregojnë shpendë të ngordhura.

Jo pak por 150 gjela deti të fermës së tij janë gropusur. Pjesa e mbetur është e infektuar.

Gëzim Gjoni fermer: “Akoma nuk e dimë saktë se cila sëmundje është i kam bërë të gjitha ilaçet e kurimt dhe më vjen një ngordhje e papritur rreth 150 krerë më kanë ngordh deri më sot, akoma nuk e kam kontrollu tufën”.

Sëmundja ka infektuar shpendët e zonës, dhe pse fshatarët kanë kërkuar ndihmë të specializuar.

Thonë se mjekimet që marrin në farmacitë bujqësore janë të pakontrolluara dhe në rastin më të keq sëmurin shpendët, ose nuk i përmirësojnë shëndetin e tyre.

“Kjo është një katastrofë, neve kemi marrë fund, nuk ka kontroll dhe nuk ka kontroll, ka njerëz të paspecializuar në këto farmaci”.

Fermerët kanë sinjalizuar edhe Drejtorinë e Bujqësisë, por pa asnjë rezultat.

Madje ata as ndihmohen nga shteti për dëmet që u janë shkakuar.

Frika me e madhe e tyre është që mos sëmundja e shpendëve u ngjitet njerëzve. /abcnews.al

furra-hgelqere-ndotja.jpg
ent ela10:43 | 14/10/2018

Nëntë persona janë arrestuar nga policia e Krujës gjatë një operacioni kundër ndotjes. Gjatë prodhimit të gëlqeres në Krastë ata përdornin si material djegës materiale të ndryshme plastike, sintetike, mbetje fasonerie dhe goma automjetesh. Ky akitivitet ka sjelle shqetësime te madh për banorët e zonës duke rrezikuar shëndetin dhe jetën e tyre dhe shkaktohej një dëm i madh në ambient.

Në cilësinë e provës materiale është sekuestruar një mjet kamion i ngarkuar me mbetje fasonerie dhe plastike të rrezikshme që do të përdoreshin për djegie në këto furra në pronësi të shtetasit Ilir Babasi. Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Ndotja e ajrit”në bashkëpunim.

Njoftimi i Policisë Krujë

Arrestohen 9 shtetas, të cilët në mënyrë të përsëritur, gjatë prodhimit të gëlqeres përdornin si material djegës materiale të ndryshme plastike, sintetike, mbetje fasonerie dhe goma automjetesh.

Një aktivitet i tillë ishte shqetësim i madh për banorët e zonës duke rrezikuar shëndetin dhe jetën e tyre dhe shkaktohej një dëm i madh në ambient.

Sekuestrohet një kamion i ngarkuar me mbetje fasonerie.

Shërbimet e Komisariatit të Policise Krujë, pas informacioneve të siguruara nga Strukturat Policore, si dhe nisur nga shqetësimet e banorëve të cilët ndiheshin të rrezikuar nga ndotja e ajrit pasi disa shtetas në mënyrë të përsëritur në Krastë digjnin furra për prodhimin e gëlqeres, duke përdorur si material djegës mbetje të ndryshme lëkure të fasonerive, goma të përdorura automjetesh dhe materiale të ndryshme plastike dhe sintetike, mbrëmjen e djeshme kanë organizuar punën duke ushtruar kontroll të befasishëm në Krastë .

Si rezultat nga Poliia e Krujës janë arrestuar në flagrancë shtetasit:

• Lulian Agiçi 38 vjeç, banues në Krujë;

• Mirgen Sheta 37 vjeç, banues në Krujë;

• Atdhe Sula 43 vjeç, banues në Krujë;

• Ilir Sula 34 vjeç, banues në Krujë;

• Bajram Sula 64 vjeç, banues në Krujë;

• Liradin Kraja 61 vjeç, banues në Krujë;

• Fatmir Shullazi 47 vjeç, banues në Krujë;

• Ilir Babasi 48 vjeç, banues në Krujë;

• Dalip Islamaj 49 vjeç, banues në Krujë.

Në cilësinë e provës materiale është sekuestruar një mjet kamion tip Mercedez Benz i ngarkuar me mbetje fasonerie dhe plastike të rrezikshme që do të përdoreshin për djegie në këto furra në pronësi të shtetasit I.Babasi.

Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Ndotja e ajrit”në bashkëpunim, mbetur në tentativë parashikuar në nenin 201, 25, 22 të Kodit Penal.

Policia e Krujës falenderon qytetarët për bashkëpunimin dhe i fton të denoncojnë çdo shkelje të ligjit duke ju garantuar reagim të shpejtë dhe të paanshëm./abcnews.al

MBULIM-REXHEP-RAJA-NE-GJYKATE.mpg_snapshot_01.27-1-1280x648.jpg
G. P.11:57 | 13/10/2018

Rexhep Rraja kërkon lirimin nga masa e arrestit me burg duke apelur vendimin e Gjykatës së Krujës. Djali i deputetit socialist u akuza për përndjekjen e Xhisiela Malokut. Por mbrojtja pretendon në arsyetimin e kërkesës për prishjen e masës së arrestit se marrëdhënia mes dy të rinjve është normalizuar.

Pas “arrestit me burg” dhënë nga Gjykata e Krujës më 2 tetor për Rexhep Rrajën, i akuzuar se ka përndjekur ish të dashurën e tij Xhisiela Maloku, djali i deputetit Rrahman Rraja kërkon lirinë duke apeluar vendimin.

Gjyqtarja Shpresa Becaj do të shqyrtojë kërkesën e Rrajës për liri dorëzuar më 8 tetor nga avokati Ilir Murati, ndërsa hetimet për këtë dosjen janë ende të hapura nga prokurorja Mirela Kapo.

Ilir Murati, avokat i Rexhep Rrajës: “Rexhep Rraja nuk e ka kryer veprën penale për të cilën akuzohet. Pra, aktualisht ai mbahet në masën e sigurisë “arrest me burg” me dyshimin se ka kryer përndjekje. Nëse ka qenë kjo situatë, kjo ka qenë që në fillim, ditën e kallëzimit. Duket qartë që çdo ditë se e dëmtuara ose vitkima e veprës penale, Xhisiela, vazhdon gati proteston që nuk është e vërtetë që Rexhepi mua më ka dhunuar, më ka përndjekur etj etj. Ëhtë një motiv xhelozie.”

Ilir Murati, theksoi se, në gjykatën e Apelit Tiranë, do të kërkohet prishja e vendimit të Gjykatës shkallës së Parë Krujë “arrest me burg” për 25-vjeçarin dhe lirimin e menjëhershëm të tij.

“Ne shpresojmë që gjykata e apelit do të jetë objektive, do të verifikojë të gjithë aktet e fundit, qe janë ato të muajit shtator. Shpresojmë që të marrë parasysh dhe kallëzimet që bën viktima. Ka bërë kallëzim në një datë dhe të nesërmen e tërheq. Përsëri ka ndodhur dhe 3-4 herë gjatë muajit korrik.”

Ndërkohë nuk është përcaktuar ende dita se kur do të shprehet gjykata e e Apelit Tiranë për një nga historitë e dashurisë që trazoi edhe krerët e politikës në vend. ABC News ka siguruar nga grupi hetimor një përgjim ambiental ndërmjet Xhisiela Malokut dhe ish të dashurit të saj Rexhep Rraja, i bërë më 29 shtator në ambientet e prokurorisë së Krujës.

Xhisiela Maloku: Do ikim pastaj të hamë ndonje gjë se vdiqa?

Rexhep Rraja: Po a tu prit Indriti, pra do ikim me hanger bukë?

Xhisiela Maloku: A do vish ti?

Rexhep Rraja: Po vi, vi unë. Prandaj po t’them mos prish punë.

Xhisiela Maloku: Jo mor s’prish punë, po t’i m’hangre, m’çmene. I kam hudh fare, më kanë marrë në pyetje disa herë.

Të premten për dosjen “Xhisiela”, u pyet nga prokuroria e Tiranës për më shumë se 30 minuta kreu i opozitës Lulzim Basha. Ndërsa të kallzuar nga Kreu i grupit parlamentar të PS-së Taulant Balla, janë edhe deputetët e PD-së Edi Paloka dhe Enkelejd Alibeaj. Shkak janë bërë deklaratat e këtyre të fundit sa i takon çështjes se Xhisiela Malokut.

Në këtë padi thuhet se deputetët e PD kanë shpërndarë fakte të pavërteta për një ngjarje kriminale si ajo e Fushë-Krujës, për të cilën djali i deputeti të PS, Rexhep Rraja është në burg për përndjekje të ish-të dashurës së tij. Kallëzimi vjen pas denoncimit të ish oficerit të Krujës Emiljano Nuhu, i cili pretendon se është kërcënuar me armë për të mbyllur dosjen e djalit të deputetit të PS-së, Rrahman Rrahja, në prani të deputetit Taulant Balla. Gjithashtu Balla ka kallëzuar penalisht edhe ish oficerin Nuhu për ‘kallëzim të rremë’ si dhe gazetarin Basir Çollaku që realizoi intervistën./abcnews.al

xhisiela.jpg
G. P.16:32 | 08/10/2018

Policia e Krujës ka marrë në mbrojtje Xhisiela Malokun dhe familjen e saj. Policia ka ndërmarrë një plan masash pas shpërthimit me tritol në banesë.

Shpërthimi i tritolit ndodhi gjatë natës në fshatin Larushk të Fushë-Krujës. Policia njoftoi se ngjarja ka ndodhur tek të afërmit e Xhisiela Malokut. Vetë 24-vjeçarja pas ngjarjes u tha gazetarëve se tritoli është vendosur nga opozita dhe se nuk ndjehet e kërcënuar nga Rrajat./abcnews.al

policia.jpg
G. P.09:05 | 27/09/2018

Një 50 vjeçar është arrestuar nga policia e Krujës. Ai është Flamur Korriku 50 vjeç banor i Tiranës, por që fshihej në periferi të Fushë Krujës. Korriku ishte në kërkim ndërkombëtar i dënuar me 6 vite e 3 muaj burg nga drejtësia italiane, për veprat penale “Organizatë kriminale”,  “Shfrytëzim prostitucioni”, ” Trafik femrash”,  “Krime kundër fëmijëve”dhe  “Fallsifikim dokumentash” parashikuar në legjislacionin penal italian. Materialet i kaluan Prokurorisë së Rrethit Gjyqësor Krujë për veprime të mëtejshme./abcnews.al

shoqerim.jpg
G. P.22:05 | 12/09/2018

Policia e Shtetit dhe kreu i saj zbarkuan këtë mëngjes në Nikël të Krujës, në një operacion të befasishëm në fshatin e të ashuquajturit “grup i Niklës”.  Objektiv i operacionit ishte fisi Haka, dhe Bami të akuzuar në një seri ngjarjesh kriminale në harkun kohor të 20 viteve.

Kruja dhe e gjithë zona e Niklës ishin në shtetrrethim të plotë policor si nga toka ashtu edhe nga ajri. Efektivët e policisë ekzekutuan vendimet për kontrollin e banesave të nëntë personave, të dyshuar për përfshirje në veprimtari kriminale.  Në përfundim të kontrolleve u arrestuan në flagrancë Lutfi Haka, Marklen Haka, Ylli Çangu, Skënder Leza dhe Valter Bami, tre prej të cilëve të dënuar më parë. Numri i të shoqëruarve ishte më i madh. Ky është momenti shoqërimit të Durim Bamit, së bashku me vëllain e tij.

Lutfi Haka e nipi i tij Flamur Haka, i njohur ndyrshe me nofkën “Tuku” përfunduan në ambientet e policisë së Durrësit. Flamur Haka ka qenë i dënuar me 16 vite burg, për disa vepra të rënda kriminale si “vrasje” “rrëmbim personi me qëllim përfitimin” dhe  “vjedhjen me dhunë”. Siç duket edhe nga pamjet e ky operacion, u drejtuar nga kreu i policisë së shtetit, Ardi Veliu. Më shumë se 100 efektiv u angazhuan, me armatime të rënda dhe automjete të blinduara, teksa më hërë u ndërpre edhe energjia elektrike.

Burime të “ABC News” konfirmuan se nga kontrollet në banesat e të arrestuarve u gjetën një armë zjarri pistoletë, një armë zjarri revolver, 28 fishekë luftarakë kalibër 9 mm, tre armë gjahu dhe një pushkë sportive pneumatike. Kjo goditje e operacioni “Forca e ligjit”, vjen pasi atij të zhvilluar më herët në Shkodër dhe Elbasan,  ku shumë ngjarje të rënda kriminale kanë mbetur pa autor, duke rritur pasigurinë te qytetarët tek qendrat e mëdha urbane të vendit.

Armë të sekuestruara:

1       armë zjarri pistolete e markes “Bareta”

1       armë zjarri revolver “Trident”

28     cope Ffshekë luftarakë kalibër 9mm

3       arme gjahu

1       pushkë sportive pneumatike.

Të arrestuar:

Lutfi Haka, 67 vjeç, lindur dhe banues ne fshatin Zezë, Krujë, i dënuar më parë

Marklen Haka, 27 vjeç, lindur dhe banues në Zezë, Krujë, i dënuar më parë

Ylli Çangu, 42 vjeç, lindur dhe banues në fshatin Nikël, Krujë

Skënder Leza, 34 vjeç, lindur dhe banues në Larushk, Krujë, i dënuar më parë

Valter Bami, 32 vjeç, lindur dhe banues në Larushk, Krujë./abcnews.al

shoqerim.jpg
G. P.12:18 | 12/09/2018

Policia e Shtetit dhe kreu i saj zbarkuan këtë mëngjes në Nikël të Krujës, në një operacion të befasishëm në fshatin e të ashuquajturit “grup i Niklës”. Objektiv i operacionit ishte fisi Haka dhe Bami të akuzuar në një seri ngjarjesh kriminale në harkun kohor të 20 viteve.

Kruja dhe e gjithë zona e Niklës ishin në shtetrrethim të plotë policor si nga toka ashtu edhe nga ajri.

Të ashtuquajturit “të fortët e Niklës”, u ndaluan një e nga një, teksa më herët u kontrolluan edhe banesat e tyre. Ky është momenti shoqërimit të Durim Bamit, sëbashku me vëllain e tij.

Ndërkohë edhe Lutfi Haka e nipi i tij Flamur Haka, i njohur ndryshe me nofkën “Tuku” përfunduan në ambientet e Policisë së Durrësit. Flamur Haka ka qenë i dënuar me 16 vite burg, për disa vepra të rënda kriminale si “vrasje” “rrëmbim personi me qëllim përfitimin” dhe “vjedhjen me dhunë”.

Siç duket edhe nga pamjet, ky operacion u drejtua nga kreu i Policisë së Shtetit, Ardi Veliu. Më shumë se 100 efektivë u angazhuan me armatime të rënda dhe automjete të blinduara, teksa më hërë u ndërpre edhe energjia elektrike.

Burime kofidenciale nga Policia e Shtetit pohojnë se janë sekuestruar disa mjete të blinduara që lëviznin, pasi nuk janë të pajisur me dokumentacion të rregull ligjor.

Nga ana tjetër nuk konfirmohet zyrtarisht nëse në banesat e “të fortëve të Niklës”, u gjetën armë zjarri, U administruan disa municione luftare dhe lëndë shpërthyese të groposura, por uniformat blu nuk saktësojë se kujt i përkasin.

Operacioni “Forca e Ligjit”, vjen pasi atij të zhvilluar më herët në Shkodër dhe Elbasan, ku shumë ngjarje të rënda kriminale kanë mbetur pa autor, duke rritur pasigurinë te qytetarët tek qendrat e mëdha urbane të vendit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono