kroaci

Uzuni-e1581706781590.jpg
Igli Nikolli19:54 | 14/02/2020

Myrto Uzuni kaloi një pasdite fantastike. Sulmuesi i kombëtares kuqezi shënoi dy herë dhe i dhuroi fitoren Lokomotivës së Zagrebit në përballjen shtëpiake me Istra. 24-vjeçari nga Berati realizoi dy herë brenda tre minutave, konkretisht në minutën e 63-të dhe 66-të.

 

Si titullar e nisën sfidën edhe Mersinaj, Çokaj dhe Kastrati, teksa kjo fitore e ngjit Lokomotivën në vend të pestë me 34 pikë, një pikë larg zonës që të kualifikon në Europa League. Me dy golat e sotëm Uzuni është ngjitur në shifrën e 5 golave në kampionat gjatë këtij sezoni me skuadrën kroate.

Lojtari shqiptar kreu një driblim shumë të bukur brenda zonës te goli i parë, u lirua mirë nga mbrojtja mike dhe zhbllokoi shifrat. Uzuni tregoi nuhatjen e tij edhe te goli i dytë, aty ku devijoi me kokë drejt portës së Istrës për të vulosur fitoren e Lokomotivës. /abcnews.al

Grezda.jpg
ad min16:54 | 13/02/2020

Nesër është “Shën Valentini” dhe shumë çifte po merren me detajet e fundit të dhuratave për partnerët. Eros Grezda dhe Oriola Marashi janë një nga çiftet e rinj të showbizit shqiptar, teksa lidhja e tyre u konfirmua nga një foto ku dy të rinjtë ishin kapur për dore.

Anësori ofensiv i kombëtares kuqezi la Rangers në merkaton e janarit dhe u rikthye te Osijek në Kroaci, aty ku zhvilloi sezonin më të mirë të karrierës (2017-2018).

Modelja bukuroshe ka treguar dhuratën e dëshiruar për Shën Valentin nëpërmjet një InstaStory dhe tani pritet nëse futbollisti gjakovar do ia plotësojë dëshirën apo do i dhurojë ndonjë surprizë edhe më të bukur. /abcnews.al

Ismajli.jpg
Vladimir Prenga10:12 | 12/02/2020

Ardian Ismajli po shkëlqen në Kroaci dhe për të shtatën herë është përfshirë në formacionin më të mirë të javës, duke barazuar Dominic Livakovic të Dinamo Zagreb. Mbrojtësi i Hajduk Split ka spikatur në fundjavë sërish.

Referuar Instat Sport, Telesport.hr ka publikuar 11 më të mirët e javës. Ismajli ka fituar 11 duele nga 15, ndërkohë që ka fituar 6 topa. Tre prej tyre në gjysmëfushën e kundërshtarit. Mbrojtësi si zakonisht ka vijuar të regjistrojë një numër të lartë pasimesh të sakta, is dhe ka ndërprerë 10 aksione.

Një javë më parë kishte më shumë shqiptarë në formacionin më të mirë, pasi kishin shkëlqyer Jon Mersinaj, Francesco Tahiraj dhe Lirim Kastrati. Ky i fundit madje ishte lojtari më i mirë i javës. /abcnews.al

 

Formacioni më i mirë i javës së 21-të në Kroaci
kastrati-dhe-Mersinaj.jpg
Vladimir Prenga09:27 | 05/02/2020

Katër gjuajtje, tre në portë dhe dy prej tyre përfunduan në rrjetë. Lirim Kastrati është lojtari më i vlerësuar në Kroaci, teksa përzgjidhet si lojtari më i mirë i javës. Telesport.hr, që çdo javë publikon formacionin më të mirë, referuar të dhënave të marrë nga Instat Sports, ka publikuar yjet e javës dhe Kastrati ka një indeks vlerësimi që kap shifrën 364, më shumë se kushdo.

Një tjetër lojtar i Lokomotiva Zagreb është vlerësuar. Jon Mersinaj ka bërë një ndeshje mjaft të mirë në fitoren kundër Rijeka, teksa ia ka dalë të ndalojë 14 pasime të kundërshtarëve. I saktë edhe në pasime, 44 në 54, ndërkohë që ka qenë i pakalueshëm në duelet një për një, duke i fituar të gjashta. Gjithashtu ka nxjerrë tre herë me sukses ekipin e tij në sulm, në po aq herë sa ka provuar.

RISIA – Pozicioni ri për Francesco Tahiraj, në të majtë të mbrojtjes. Vlonjati është përfshirë direkt në formacionin më të mirë, pas në takimin e Hajduk Split (mposhti 0-3 Varazdin) ai ka krijuar dy mundësi shënimi goli, ka dhënë një asist dhe ka bërë një gjuajtje në kuadrat. Në pasime ka qenë i saktë, duke realizuar 43 nga 50. Gjithashtu ai ka fituar 6 nga 12 duelet, ndërkohë që ka bërë edhe dy driblime. /abcnews.al

 

Formacioni i javës së 20-të në Kroaci
zjarr-1.jpg
ger ta07:52 | 12/01/2020

Gjashtë persona kanë humbur jetën si pasojë e një zjarri që përsfhiu një azil në Zagorje të Kroacisë. Lajmi është konfimruar nga autoritetet vendase.

“Aktualisht kemi informacione se gjashtë persona kanë vdekur. Inspektimi po vazhdon. Pas kësaj, do të dihen më shumë detaje”, konfirmoi zyrtari i policisë për marrëdhënie me publikun, Vjekoslav Maxhariç./abcnews.al

grezda.jpg
Vladimir Prenga09:32 | 08/01/2020

Futbollisti i kombëtares, Eros Grezda, është prezantuar si futbollisti më i ri i skuadrës së Osijek. 24- vjeçari u shpreh i lumtur për rikthimin në kampionatin kroat.

Marrëveshja ishte mbyllur pak ditë më parë, por Eros Grezda është prezantuar si futbollisti më i ri i skuadrës së Osijek ditën e djeshme. Pas një sezoni e gjysmë në hije te skuadra e Rangers, futbollisti i kombëtares vendosi të rikthehej te skuadra ku ka kaluar momentet më të mira në karrierë.

24 vjeçari u transferua me shume bujë në Skoci në verën e vitit 2018, por aventura e tij ishte krejtësisht për t’u harruar. Futbollisti u kërkua me ngulm nga legjenda Stiven Gerard, por karakteri i tij i prishi planet teknikut të Rangers, i cili vendosi ta dërgonte futbollistin në skuadrën e të rinjve. As aty telashet nuk përfunduan.

 

Grezda gjatë prezantimit tek Osijek

Tani është pjesë e Osijek dhe në prezantimin para mediave Grezda nuk e fshehu aspak lumturinë për këtë rikthim si dhe zbulon ofertat e skuadrave të tjera. “Kam pasur disa oferta nga Kroacia, por edhe nga shtete të tjera. Janë interesuar për mua edhe klube si Rijeka e Hajduk Split, por vendosa të rikthehem tek Osijek. Jam shumë i lumtur për këtë”, ka thënë mes të tjerash gjakovari.

Drejtuesit e klubit të Osijek besojnë se skuadra ka bërë një goditje fantastike, duke llogaritur edhe termat ekonomike të këtij transferimi.  Kujtojmë që Grezda ka humbur vendin edhe në Kombëtaren shqiptare, që kur drejtimin e skuadrës e mori tekniku Reja. Synimi më vete mbetet edhe rikthimi tek kuqezinjtë dhe kjo gjë mund të ndodhë, nëse rikthehet të luajë si më parë. /abcnews.al

eros-grezda-e1578319279957.jpg
Igli Nikolli14:56 | 06/01/2020

Eros Grezda i ka dhënë fund aventurës me Rangers. Klubi i famshëm skocez pagoi 2 milionë sterlina tek Osijek gushtin e vitit 2018 dhe gjakovari i kombëtares firmosi një kontratë 4-vjeçare.

Aventura në ishull nuk ka shkuar mirë për të. Sezonin e kaluar ia doli të zhvillonte disa paraqitje pozitive dhe shënoi 2 gola, ndërsa këtë sezon u aktivizua me ekipin U21 të Rangers. Palët kanë ndërprerë marrëveshjen dhe 24-vjeçari, i cili numëron 12 ndeshje dhe 1 gol me Shqipërinë, ka zgjedhur ekipin e ri.

Grezda do të rikthehet në Kroaci tek Osijek, ekipi ku zhvilloi performanca pozitive dhe shpërtheu në sezonin 2017-2018. SunSport raporton se klubi skocez ka përfshirë një klauzolë që do i sjellë fitime nëse lojtari i kombëtares shqiptare shitet në të ardhmen. /abcnews.al

416941c61cbd79ef065e816bb700c0a9_XL.jpg
R D20:18 | 05/01/2020

Zoran Milanoviç fitoi sot zgjedhjet presidenciale në Kroaci, duke mundur Kolinda Grabar-Kitaroviç. Sipas Exit-Poll, social-demokrati Milanovic ka marrë 53,75% te votave, ndërsa konservatorja Kolinda Grabar-Kitaroviç ka marre 46,75%. Milanoviç, në rrjetin facebook ka falënderuar mbështetësit e tij, ndërsa Kitaroviç ende nuk është prononcuar.

Posti i presidentit në Kroaci është kryesisht ceremonial, por ekspertët thonë se humbja e Grabar-Kitaroviç dobëson pozitat e partisë në pushtet HDZ dhe kryeministrit Andreqj Plenkoviç.

/abcnews.al

balotazh-1280x673.jpg
in a14:47 | 05/01/2020

Shënohet pjesëmarrje e madhe në balotazhin për zgjedhjet presidenciale në Kroaci me rreth 3 për qind më shumë votues se në raundin e parë. Shifrat janë konfirmuar nga komisioni electoral i zgjedhjeve.

Në garë për postin e kreut të shtetit janë presidentja në largim Kolinda Grabar Kitarovic, nga rradhët e konservatorëve dhe ish kryeministri socialdemokrat dhe kandidat I qendrës së majtë Zoran Milanovic.

Sondazhet më të fundit nxjerrin një rezultat të barabartë mes dy kandidatëve. Një incident ka ndodhur në një qendër votimi në Zagreb ku një votues ofendoi Milanovic duke e quajtur komunist. Ish kryeministri i zgjati dorën, por qytetari e refuzoi. Qendrat e votimit do të jenë të hapura deri në orën 19.00, ndërsa rezultatet e para do të publikohen në orën 20.00./abcnews.al

Dani-Olmo.png
Igli Nikolli11:47 | 25/12/2019

Dani Olmo është ylli i Dinamo Zagreb dhe një nga surprizat e bukura të këtij sezoni në Champions League. Ekipi kroat nuk ia doli për pak të kualifikohej në raundin e 1/8 në kompeticionin më të rëndësishëm për klube, aty ku 21-vjeçari shënoi 1 gol dhe dhuroi 2 asiste në ndeshjen e grupeve.

Interesimi për talentin spanjoll është i madh dhe largimi nga gjiganti kroat është i paevitueshëm. Vetë mefushori ofensiv e pranon në një deklaratë për Jugones, teksa e ardhmja mund të vijojë në Serie A. Dinamo Zagreb kërkon 40 milionë euro për kartonin e Olmo, i cili pëlqehet shumë nga Juventus, Milan dhe Napoli.

Vera e kaluar ishte momenti i duhur për t’u larguar nga Kroacia, por gjërat nuk u konkretizuan në momentet e fundit dhe unë isha i lumtur që do të luaja në Champions League. Gjithsesi, tani mendoj se cikli im te Dinamo është mbyllur dhe dua të hedh hapin e radhës për t’u përmirësuar edhe më shumë“,thekson Dani Olmo. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono