kroaci

policia-kroate-1280x623.jpg
nev ila12:06 | 18/11/2019

Policia kufitare në Kroaci ka qëlluar me armë zjarri ndaj një grupi emigrantësh, të cilët po përpiqeshin të kalonin kufirin për në Slloveni. Një emigrant ka mbetur i plagosur dhe ndodhet në gjendje kritike për jetën.

Kërkesa e fundit për t’u ndalur u shoqërua dhe me të shtëna armësh. Një grup emigrantësh po përpiqej të kalonte kufirin mes Kroacisë dhe Sllovenisë, në rrugën e tyre për në Europë, por policia kufitare kroate ka qëlluar me armë zjarri ndaj tyre, duke plagosur nëj person i cili tashmë është në gjendje kritike për jetën.

Ministri i brendshëm kroat, Davor Bozinovic komentoi ngjarjen duke deklaruar se grupi po përpiqej të kalonte në Slloveni por nuk dha një informacion për numrin e saktë të emigrantëve apo për origjinën e ture.

Ajo që dihet është se kjo është një nga pikat më të shkelura për emigrantët të cilët vijnë nga vendet e lindjes së mesme dhe Azisë qendrore, në përpjekje për të shkuar në qytetet më të pasura të Bashkimit Europian.

Ata mundohen të kalojnë një kujfi shumë të ndjeshëm për shtetin kroat, ende jo i përfshirë në zonën shengen të bashkimit europian. Këtu emigrantët përpiqen të arrijnë vendet kufitare europiane dhe përballen me policinë kufitare.

Minsitri i brendshëm kroat premtoi se autoritetet po hetonin për ngjarjen.

Një mjek i spitalit ku është operuar emigranti i plagosur u shpreh për agjencinë e lajmeve Reuters se ai ishte qëlluar mes kraharorit dhe stomakut, dhe pavarësisht ndërhyrjes është ende në rrezik për jetën./abcnews.al

kro.jpg
in a12:33 | 14/11/2019

Evropa lindore dhe qendrore është përfshirë nga moti i keq. Në Kroaci në disa zona të vendit është shpallur gjendja e jashtëzakonshme. Ndërsa në jug të Austrisë shkollat dhe kopshtet janë mbyllur si pasojë e reshjeve të dëborës

Reshjet e dendura dhe era e fortë që prej disa ditësh kanë krijuar një situatë alarmante përgjatë të gjithë bregut Adriatik të Kroacisë, shkaktuan përmbytje dhe ndërprerje të qarkullimit rrugor dhe të transportit detar. Në disa zona të vendit është shpallur gjendja e jashtëzakonshme. Ndërsa në Austri janë reshjet e dëborës që kanë shkaktuar shumë dëme në jug të vendit.

Me mijëra shtëpi janë pa energji elektrike, ndërsa në pothuajse të gjitha qytetet jugore, shkollat dhe kopshtet janë mbyllur. Autobusët e shkollave nuk arrijnë të qarkullojnë në rrugët e mbuluara nga dëbora. Por gjithashtu janë shënuar rrëshqitje toke dhe përmbytje. Trafiku i automjeteve është i rënduar pasi pjesa më e madhe e shoferëve nuk kanë marrë masat e duhura për të lëvizur në dëbore./abcnews.al

thumbs_b_c_1c0eeea212ab7b7209d3795eeae68502-770x433.jpg
in a08:48 | 14/11/2019

Pjesa më e madhe e qyteteve bregdetare në Kroaci janë goditur nga moti i keq me erëra të forta dhe reshje shiu. Në pjesën jugore të Adriatikut, uji i detit ka përmbytur bodrumet e Dioklecianit në Split, deri në Rijekë, ku ujërat arritën deri në treg.

Ministria e Brendshme e Kroacisë ka njoftuar se po bëhet monitorimi i situatës në terren për shkak se moti me stuhi ka sjellë dëmet e para në pjesën jugore të Kroacisë.

Deri më tani nuk raportohet për persona të dëmtuar ndërsa dëmet materiale ende nuk janë përcaktuar, raporton MPB-ja e Kroacisë.

Era e fuqishme jugore, me shpejtësi mbi 140 kilometra në orë në afërsi të Dubrovnikut, bëri që uji i detit të përmbytë brigjet e shumë qyteteve bregdetare në Adriatik, raporton Anadolu Agency. Meteorologët thonë se moti do të qetësohet gjatë ditës, por reshjet e shiut me erëra pritet që të jenë sërish në fillim të fundjavës./abcnews.al

tuci-dhe-uzuni.jpg
Vladimir Prenga08:25 | 07/11/2019

Indrit Tuci ishte vendimtarë në ndeshjen që Lokomotiva e Zagrebit fitoi kundër Varazdin në shtëpi. Sulmuesi mirditor shënoi në fillimin e pjesës së dytë golin e fitores, pas një krosimi perfekt që i dha Myrto Uzuni. I riu, së bashku me beratasin, më pas festoi me shqiponjë.

Së fundmi për Tucin ka ardhur edhe një vlerësim nga gazeta kroate Sportska, që e ka përfshirë futbollistin e Lokomotivës së Zagrebit në formacionin më të mirë të javës në Kroaci. Kjo është hera e parë për 19-vjeçarin që merr një vlerësim të tillë.

Tuci, në foamcionin më të mirë në gazetën Sportska

Këtë javë ka munguar në formacionin e më të mirëve të Telesport.hr i zakonshmi Ardian Ismajli, por bie në sy emri i ish-lojtarit të Tiranës, Merveil Ndockyt. Futbollisti kongolez luaji në 45 minutat e dyta me Osijek, që përmbysi Rijekën: nga 0-2 takimi përfundoi 3-2.

Merveil ishte ai që i dha ndezi ndeshjen, me driblime të sakta (3/3), 7 duele të fituara nga 11, 18 pasime të sakta, një prej tyre asist. Paraqitja e tij ka bërë që të marrë vlerësim të lartë në “Instat Sports” dhe kështu për herë të parë përfshihet mes “yjeve” të javës. /abcnews.al

lokomotiva.jpg
Veronik Istrefaj19:28 | 04/11/2019

Sulmuesi shqiptar, Indrit Tuci, ka shënuar sërish me fanellën e Lokomotivës së Zagrebi, madje duke i dhënë fitoren skuadrës së tij sot. Djaloshi nga Mirdita, i lindur në Laç, tregoi dhe njëherë tjetër formën e tij të mirë, duke shënuar golin e dytë për Lokomotivën e Zagrebit në sfidën ndaj Varazdin.

19-vjeçari e nisi këtë sfidë nga stoli, por u aktivizua tre minuta para përfundimit të 45 minutave të para. Dëmtimi i Sammir bëri që trajneri Tomic të hidhte në fushë Tucin. Shqiptarit i mjaftuan vetëm 12 minuta për të shënuar, duke e rikthyer në avantazh Lokomotivën dhe duke i dhënë fitoren. Krosimi i Uzunit u kthye në gol me një goditje perfekte me kokë.

Indrit Tuci, sulmuesi i Lokomotiva Zagreb

Ky ishte goli i dytë për Tucin në kampionatin kroat të futbollit, duke u shndërruar në një lojtar vendimtar. Për Lokomotivën, në fushë nga minuta e parë ishin edhe Çokaj, Uzuni, Mersinaj dhe Kastrati./abcnews.al

Kroaci HNL, java 14

Lok. Zagreb – Varazdin  2-1
Tolic 18′, Tuci 57′ / Glavina 41′

y2mate.com-prvi_ovosezonski_pixsell_plus_YPZvS2tlIWY_1080p.mp4_snapshot_00.03-1280x720.jpg
ent ela15:15 | 31/10/2019

Mëngjesi i së enjtes ka befasuar banorët e disa rajoneve malore në lidhe të Bosnje e Hercegovinës dhe Kroaci, të cilët sapo janë zgjuar kanë parë reshjet e para të borës për këtë sezon.

Reshjet e bores kanë nisur gjatë natës së të mërkurës për të vazhduar deri në mëngjes.

Edhe pse reshjet ishin simbolike, mjaftuan për të krijuar panorama mjaft të bukura dimërore. /ABC News Albania 24/7

ilir-meta-123-1280x820.jpg
ad min18:54 | 30/10/2019

Gjatë vizitës së tij në Kroaci, Presidenti i Republikës Ilir Meta është takuar edhe me kryetarin e parlamentit atje, Gordan Jandroković.

“Thellimi i bashkëpunimit ndërmjet dy parlamenteve do t’i japë një impuls të ri forcimit të marrëdhënieve të shkëlqyera mes dy vendeve, si dhe procesit të integrimit europian të Shqipërisë”, shprehet Meta në rrjetet sociale.

Gjithashtu ai thotë se është i lumtur që komuniteti shqiptar në Kroaci përfaqësohet në Kuvend me deputeten Ermine Lekaj Prljaskaj.

“Një tjetër tregues i lidhjeve të forta tradicionale shqiptaro-kroate”, thotë Meta për deputeten.

Më herët, kreu i shtetit u takua edhe me kryeministrin Andrej Plenkoviç, ku u diskutua mbi marrëdhëniet tradicionale dhe politike mes dy vendeve./abcnews.al

Hajduk.jpg
Veronik Istrefaj17:42 | 26/10/2019

Ajo që ka ndodhur në Kroaci, është e pabesueshme. Në sfidën mes Hajduk Splitit dhe Slaven Belupos, është shënuar një gol sa i rrallë, aq dhe i pabesueshëm. Kur dukej se miqtë barazuan në minutën e 74-ët, vendasit nisen në kundërsulm dhe me portën e boshatisur, shënojnë për të çuar shifrat në 2-0.

Pas disa momenteve kaosi, lojtarët e Slaven Belupos nuk i besojnë syve, pasi topi i goditur prej tyre nuk kishte tundur rrjetën, por rrëzimi i portierit.

Video më poshtë tregon gjithçka nga ky episod shumë i rrallë, që vështirë se mund të përsëritet më në fushat e blerta./abcnews.al

Belgjike.jpg
Veronik Istrefaj23:59 | 10/10/2019

Janë luajtur sot shumë sfida të vlefshme për kualifikueset e Euro2020. Ekipet e mëdha kanë arritur të fitojnë dhe nuk ka pasur asnjë hap fals. Qipro triumfoi 1-2 kundër Kazakistanit, ndërsa Bjellorusi-Estoni u nda në barazim pa gola.

Austria fitoi pastër 3-1 përballë Izraelit, ndërsa Belgjika ka tupëruar ekipin e San Marinos, duke i shënuar nëntë gola. Kroacia nuk është impenjuar shumë në takimin kundër Hungarisë, që e fitoi bindshëm 3-0, ndërsa Rusia e pati të thjeshtë ndaj Skocisë, në atë fitore 4-0. Rezultatet e plota të sfidave të mbrëmjes./abcnews.al

Euro2020, kualifikuese

Kazakistan 1 – 2 Qipro
Bjellorusi 0 – 0 Estoni   
Austri 3 – 1 Izrael
Belgjikë 9 – 0 San Marino
Kroaci 3 – 0 Hungari
Letoni 0 – 3 Poloni
Holandë 3 – 1 Irlandë e Veriut
Maqedoni e Veriut 2 – 1 Slloveni
Rusi 4 – 0 Skoci
Sllovaki 1 – 1 Uells

Modric.jpg
Veronik Istrefaj21:54 | 10/10/2019

Fituesi i “Topit të Artë”, Luka Modric, është padiskutim një nga lojtarët më të mirë të gjeneratës së tij. Kroati është titullar i padiskutueshëm si te Real Madrid, ashtu dhe te kombëtarja e Kroacisë. Sot, në takimin kundër Hungarisë, Modric shënoi një supergol, duke kaluar në avantazh ballkanasit.

Kapitenit kroat i mjaftuan vetëm 5 minuta për të gjetur rrugën e golit. Me zgjuarsinë e tij, Modric vjedh një top në mesfushë dhe nis slalomin e tij. Edhe pse në një moshë të madhe, shtatshkurtri vrapon më shpejt se të gjithë dhe e sheh veten përballë portierit. Me një qetësi të jashtëzakonshme, Modric arrin të shënojë, për t’i hapur udhë suksesit të kroatëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono