kroaci

SERBI-KROACI-IDRO.mpg_snapshot_00.01-1280x720.jpg
ent ela20:00 | 10/09/2019

Refuzimi i disa ushtarakëve serbë që të hynin në Kroaci ka rritur tensionet mes Beogradit dhe Zagrebit. Përmes një stërvitjeje ushtarake, Serbia ka konfirmuar garën e armatimit ku janë përfshirë 2 vendet.

Është vetëm një prej stërvitjeve ushtarako policore në Serbi. Presidenti serb, Aleksandër Vuçiç, duke sqaruar arsyen e armatimit ka thënë se edhe ushtritë tjera janë duke u armatosur. Këtu ka aluduar në kroatët. Shtypi ka ngritur cështje në të dyja palët nëse kaq ushtrime ushtarake nënkuptojnë ngritje tensionesh. Për ti ndihmuar kësaj për në Kroaci, për të kujtuar viktimat serbe të Luftës së Dytë Botërore, në një qender memoriale ishin nisur kadetët e ushtrisë serbe. Policia kroate ua pa uniformat dhe I ktheu në mungesë dokumentacioni.

 “Ata fëmijë kanë ofruar që ti lënë uniformat pasi stacioni policor në Kroaci ka qenë i informuar. Por, më mirë të mos e komentoj. Një ditë do thonë se nuk ka patur viktima fare”.

Por pretendimet e Serbisë për vizitën në qendrën memorial të Jasenovcit Kroacia i ka quajtur të pasakta dhe se vizita nuk ka qenë paralajmëruar. Pas kësaj nuk ka vonuar reagimi serb me notë proteste Zagrebit dhe reagimi kroat me notë proteste Beogradit, të dyja të refuzuara të pranohen nga ambasadorët. Alleksandar Radic, analist politiko ushtarak, thotë se këto janë incidente të inskenuara pa pasoja.

 “Fushata në Kroaci është duke zgjatur për zgjedhje, kurse Serbia është në përgatitje. Politikanët nga Beogradi dhe Zagrebi duan të bindin publikun që janë patriotë, por kjo nuk ka asnjë efekt konkret pasi ushtria vetëm përdoret si mjet. Çdo konflikt dramatik në Ballkan do të matej me minuta pasi do të përfundonte me ndërhyrjen e fuqive të mëdha ushtarake”.

Avion Mig dhe pajsije tjera sulmuese dhe mbrojtëse janë përmendur. Por, analisti thotë se edhe serbët edhe kroatët kanë ushtri me pajisje të dala mode. Rivitalizimi është normal, por historia e konflikteve politike Serbi-Kroaci është e thellë. /ABC News Albania 24/7

skenderbeu.jpg
G. P.14:50 | 28/08/2019

Dinamo e Zagrebit pritet të ketë një buxhet të jashtëzakonshëm pas kualifikimit për në Champions. Skuadra kroate arriti një sukses të madh, dy vjet pasi u eliminua nga Skënderbeu.

Dy vjet më parë, nuk ia dolën përballë një skuadre shqiptare. Dinamo e Zagrebit u eliminua në plej ofin e Ligës së Europës nga Skënderbeu i Ilir Dajës, por ndërsa ai ekip korçar sot është një e kaluar, kroatët janë rikthyer.

Eliminim i Rozenborgut dhe kualifikim në fazën e grupeve në Champions, madje me një buxhet të jashtëzakonshëm. Klubi ka qenë gjithnjë një pasanik i Ballkanit, por një “vogëlush” apo “adoleshent” në kontinent.

Gjithsesi, kjo duket se po ndryshon pasi, sipas mediave kroate, buxheti po arrin nivele të pandodhura kurrë më parë.  Kualifikimi pas suksesit në plej of, i siguron kampiones së vendit një pozicion financiar tepër të lakmuar.

Media “gol.dnevnik” shkruan se buxheti vjetor këtë herë mund të arrijë në 60-70 milionë euro, për shkak të kualifikimit për në fazën e grupeve të Championsit.

Edhe nëse Dinamo do t’i humbasë të gjitha ndeshjet në grup, fitimet e saj në total mund të arrijnë në 20 milionë euro, ndërsa çdo fitore jep 2.7 milionë euro, e çdo barazim 900.000.

Kualifikimi për në turin e dytë shton edhe 9.5 milionë euro, diçka realiste sipas analistëve në Kroaci.

Kaq i madh bëhet buxheti i Dinamos me pjesëmarrjen në fazën finale të Championsit, saqë klubi i kryeqytetit do të ketë financa dy herë më të fuqishme se të gjithë klubet e tjerë të Ligës së Parë Kroate, të marrë së bashku.

Kjo është hera e shtatë që Dinamo kualifikohet për në fazën e grupeve, duke qenë një nga skuadrat tradicionale. Rozenborgu ishte pengesë e fortë, për të kaltrit e kaluan me sukses pas fitores 2-0 të ndeshjes së parë në stadiumin “Maksimir”, dhe barazimit 1-1 në Norvegji, në ndeshjen e kthimit.

Në radhët e Dinamos është edhe futbollisti shqiptar nga Maqedonia, Arijan Ademi, që madje mban shiritin e kapitenit./ABC News Albania 24/7

emigrante-1.jpg
G. P.10:18 | 15/07/2019

Kishte kohё qё Kroacia i mohonte njoftimet pёr kthimin e refugjatёve ilegalё nё vendin fqinj Bosnje-Hercegovinё. Por presidentja kroate pranoi nё njё intervitё televizive, se ka tё ashtuquajtura push-backs.

Kroacia si vend anёtar i BE-sё ka njё qёllim tё rёnёdёsishёm – ajo do tё bёhet pjesё e hapёsirёs Shengen. Por kush e paguan ҁmimin pёr udhёtimin e lirё nga Hamburgu deri nё Dubrovnik? Gjatё 12 muajve tё fundit kjo ёshtё bёrё vazhdimisht e qartё: Ka shumё raportime pёr qendrimin brutal tё policёve kroat tё kufirit ndaj refugjatёve, qё janё pёrpjekur tё kalojnё pёrtej pikёkalimeve kufitare zyrtare. Mbrojtёsit kroatё tё kufijve tё jashtёm tё BE-sё duket se nuk stepen prej mizorisё. Mediet njoftojnё, se refugjatёt ndёr ta edhe fёmijё janё treguar para kamerave me plagё, qё u janё shkaktuar atyre nga policia pёr t’i ndaluar tё kalojnё nё anёn kroate.

Shumica e mediave kroate e kanё injoruar kёtё tragjedi, qё luhet vetёm 150 km larg kryeqytetit Zagreb. Ministria e Brendshme e Kroacisё i ka mohuar njoftimet pёr keqtrajtime tё refugjatёve nё kufirin me Bosnje-Hercegovinёn gjatё tё ashtuquajturave  push-backs, pra dёbimin e atyre qё udhёtojnё ilegalisht.

DW-Interview mit der kroatischen Staatspräsidentin olinda Grabar-Kitarovic (DW)

Mohim nё Zagreb, heshtje nё Bruksel

Amnesty International kritikoi ёshtё heshtjen e Brukselit ndaj kёtyre rasteve. “Shtetet europiane mbyllin sytё kundrejt sulmeve dashakeqe tё policёve kroatё dhe madje i financojnё aksionet e tyre”, shkruan organizata humanitare nё njё deklarim tё saj.
Qёkurse gazetarёt e televizionit SRF nga Zvicra nё maj i kanё filmuar dёbimet ilegale tё refugjatёve nё kufirin kroato-boshnjak, pёr autoritete nё Kroaci ёshtё bёrё e vёshtirё, qё t’i minimizojnё apo t’i heshtin kёto zhvillime.
Edhe presidentja e Kroacisё, Kolinda Grabar-Kitaroviq, nё fillim tё korrikut tha para gazetarёve vendas nё kufirin kroato-boshnjak, se “Nёse dikush kalon nё kёtё territor tё vёshtirё, ёshtё normale qё tё pёrballesh me gёrvishtje, hematoma dhe plagё. Duhet ta mendoni edhe kёtё, nёse herёn tjetёr dёgjoni pёr historitё mbi brutalitetin e policёve tanё. Ata nuk janё brutalё, ju garantoj pёr kёtё.”

Askohe u tha se nuk ka dёbime, push-backs. Presidentja shtoi edhe se nuk kemi tё bёjmё me refugjatё, por me migrantё ekonomikё.
Por vetёm pak ditё mё pas Grabar-Kitaroviq nё intervistё pёr televizionin SRF, nё kuadёr tё vizitёs nё Zvicёr pranoi, se policёt kroatё zbatojnё push-backs.

“Jam interesuar tek ministri i Brendshёm, shefi ipolicisё nё vend, dhe ata mё siguruan, qё nuk ushtrojnё dhunё tё ekzagjeruar. Natyrisht pak dhunё duhet, kur ata zbatojnё push-backs”, tha Kolinda Grabar-Kitaroviq para kamerave. Ajo konfirmoi pikёrisht atё, qё prej muajsh e mohonin politikanёt kroatё.

Jelena Sesar nga Amnesty International e cilёson si “shokuese” deklaratёn e presidentes kroate dhe nё bisedё pёr DW thekson, se: “Sipas sё drejtёs ndёrkombёtare dёbimet kolektive dhe push-backs janё gjithmonё ilegale.”

Eshtё skandaloze se si presidentja kroate pёrpiqet t’i paraqesё push-backs si masa legale dhe justifikon “pak dhunё” pёr zbatimin e tyre. Amnesty International kёrkon, qё Komisioni Europian tё ushtrojё presion ndaj Kroacisё, pёr t’u dhёnё fund kёtyre veprimeve nё kufirin kroato-boshnjak.

Komisioni i BE-sё i pyetur nga DW lidhur me deklarat e presidentes Kitaroviq, u pёrgjigj, se nuk ka koment pёr kёtё. /DW

ismajli.jpg
ent ela14:53 | 10/05/2019

Ardian Ismajli po zhvillon një sezon të madh në Kroaci. Mbrojtësi i kombëtares është një nga lojtarët më të mirë të skuadrës së shquar, Hajduk i Splitit.

Duhet të krenohemi me të. Ardian Ismajli është një nga lojtarët më të mirë të Hajdukut, gjatë këtij sezoni në Ligën e Parë të Kroacisë.

Mbrojtësi i Kombëtares shkëlqeu edhe në ndeshjen e fituar 3-2 ndaj Inter-Zapreshiqit në stadiumin “Poljud” të Splitit.

Media kroate, Telesport e vlerëson lart 22-vjeçarin me origjinë nga Vushtrria, duke e vendosur për herë të gjashtë në formacionin e javës të kampionatit kroat.

Komenti i Telesportit ishte i qartë: I saktë në pasime, sidomos në atë për golin e parë, një gjuajtje në kuadratin e portës, fitues i shumicës së dueleve, si dhe i zoti në mbrojtje dhe në driblim.

Ismajli e nisi sezonin pa ndonjë vlerësi shumë të madh, por pak nga pak u bë lojtar formacion dhe tepër i rëndësishëm për Hajdukun.

Falë edhe ndihmës së tij, skuadra më e vjetër e Kroacisë është ngjitur në vendin e katërt në renditje, me synim për t’u kualifikuar për në Ligën e Europës.

Në formacionin e javës edhe një shqiptar tjetër, lojtari i përfaqësueses së Kosovës, Amir Rrahmani.

Ish-mbrojtësi i Partizanit në Superligën shqiptare, arriti madje që të shënonte gol, në fitoren e Dinamos së Zagrebit, në derbin e kryeqytetit ndaj Lokomotivës. /ABC news Albania 24/7

goli-otok.jpg
G. P.17:00 | 01/03/2019

Në Zagreb është botuar libri “Historia e Goli Otokut” që hedh dritë mbi fatin e 13 mijë njerëzve të dënuar gjatë prishjes së miqësisë së Titos me Stalinin. Autori i tij, historiani Martin Previshiç, shprehet se midis të burgosurve ka pasur edhe rreth 350 shqiptarë.

Këto janë pamjet e njërit prej burgjeve më famëkeqe në botën komuniste, pamjet e Goli Otokut, në Kroaci, në të cilin për një periudhë shtatëvjeçare janë dergjur rreth 13 mijë njerëz. Drejtoria e Sigurimit Shtetëror jugosllav, më e njohur si UDB, e kishte ngritur burgun në këtë ishull të zhveshur, në vitin 1949, në kohën e qërimit të hesapeve të regjimit të Titos me ithtarët e Stalinit duke u dhënë nofkën “informbyroistë”.

Historiani i ri kroat, Martin Previshiç, është autori i parë që ka shfletuar arkivat e UDB-së dhe këtë fillim vit ka botuar një libër voluminoz “Historia e Goli Otokut” ku në mbi 600 faqe, e zbardh të vërtetën për fatet e hidhura të mijëra njerëzve. Një qërim i vrazhdët i hesapeve, thotë ai.

“Ishte i ashpër për shkak se metodat e përdorura në Goli Otok ishin shumë, shumë të rënda dhe tejet jo humane. Njerëzit kanë qenë të detyruar të punojnë edhe gjatë zhegut më të madh, të thyejnë e të mbajnë gurë, kanë pasur tri vakte të dobëta, disa filxhanë me ujë në ditë, bënin tri orë gjumë”.

Historiani Previshiç saktëson se atëbotë, në kohën e konfliktit Tito-Stalin, UDB-ja kishte identifikuar mbi 55 mijë e 600 “informbyroistë”, prej të cilëve ishin burgosur e dënuar 15 mijë e 737. Në kampet e përqendrimit dhe kazamatet e ndryshme, thotë ai, ishin vrarë 400 njerëz.

Duke folur për TV Klan, Previshiç zbardh edhe të vërtetën për shumë shqiptarë, nga Kosova, Maqedonia e Lugina e Preshevës, të cilët kishin përfunduar në Goli Otok:

“Unë kam arritur në shifrën prej rreth 350 shqiptarëve të cilët ishin në Goli Otok. Edhe ata janë trajtuar si dhe të gjithë të internuarit e tjerë”, thotë Martin Previshiç dhe shton:

“Ajo që është interesante në këtë rast është se nga dosjet e UDB-së, të cilat i kam studiuar, ka pasur shqiptarë të cilët kanë qenë kundër shkëputjes nga Stalini, por edhe kundër prishjes së marrëdhënieve me Shqipërinë. Ka pasur shumë shqiptarë, ithtarë të bashkimit të Jugosllavisë dhe Shqipërisë, apo edhe mbështetës të Enver Hoxhës”.

Sipas tij, sa i përket strukturës etnike të dënuarve, në burgun e Goli Otokut, më së shumti ka pasur serbë, por edhe malazezë. Në të përfundon Martin Previshiç nuk mbahej aq llogari për përkatësinë kombëtare sesa për atë ideologjike dhe kjo bëri që qërimi i hesapeve të ishte i pamëshirshëm./abcnews.al

abazaj.jpg
G. P.14:15 | 18/02/2019

Kristal Abazaj e nis me gol karrierën në Kroaci dhe lavdërohet nga mediat. Sulmuesi shqiptar shpreson të ketë sukses dhe të rikthehet në kombëtare.

Fundi i ndeshjes e gjeti të lumtur. Nuk e kishte menduar më mirë se kaq, debutimin e tij, Kristal Abazaj, me gol dhe me fitore. Iu deshën vetëm 10 minuta në fushë që të vendoste një ndeshje të vështirë të Osijekut, atë ndaj Istrës në Ligën e Parë të Kroacisë. Pasi hyri në minutën e 54-t, realizoi në të 64-n, ndonëse u duk në pozicion të dyshimtë për jashtë loje.

Ishte ndeshja e parë e tij në kampionatin kroat, pasi u largua nga Anderlehti i Superligës së Belgjikës, dhe shpresa është që karriera të vazhdojë ashtu siç shpresohej verën e kaluar. Gazeta e Osijekut, “Glas Slavonije”, kishte si artikullin më të lexuar të ditës, atë për fitoren e Osijekut falë Abazajt.

Titulli ishte: “Një gol, por sa shumë i vlefshëm, ai ishte i kristaltë”, duke iu referuar emrit të Abazajt, Kristal.

“Jutarnji List” e Zagrebit shkruajti se fitorja e Osijekut ishte shumë e vështirë, dhe se vendosi goli i shqiptarit.

I njëjti vlerësim edhe tek media sportive, “Sportnet.hr”: Osijeku vuajti ndaj Istrës, Abazaj dhuroi fitoren në debutim!

Abazaj është 22 vjeç dhe shpreson të rikthehet në kombëtaren shqiptare, pas një përvoje jo shumë të mirë tek Anderlehti, ku pati pak shanse për t’u aktivizuar, dhe ku luajti më shumë me skuadrën e dytë./abcnews.al

LOJTARET-SHQIPTARE-NE-EUROPE.mpg_snapshot_00.11-1280x720.jpg
ent ela14:40 | 14/02/2019

Mbrojtësi i ekipit përfaqësues, Ardian Ismajli, u zgjodh në formacionin më të mirë të javës në Ligën e Parë të Kroacisë. Ismajli shënoi gol, ndërsa u ndoq nga trajneri Kristian Panuçi.

Kombëtarja mezi i pret në një formë të tillë. Ardian Ismajli jo vetëm shënoi gol këtë javë në Ligën e Parë të Kroacisë, por edhe shkëlqeu si pak të tjerë.

Mbrojtësi i kombëtares ishte më i miri në fushë në ndeshjen e ekipit të tij, Hajdukut, ndaj Lokomotivës së Zagrebit, luajtur në stadiumin “Poljud” të Splitit.

Ai realizoi golin e parë në fitoren 2-1, sukses i rëndësishëm në një sezon të vështirë për klubin më të vjetër të Kroacisë.

Për paraqitjen e tij, Ismajli u përfshi në formacionin e lojtarëve më të mirë të javës së 20-të të kampionatit.

Media në internet, “24 orë”, informon se mbrojtësi u ndoq në tribunë nga trajneri i Shqipërisë, Panuçi, duke iu përgjigjur pra me një lojë shumë të mirë.

Në të njëjtën ndeshje, golin e gjeti edhe një lojtar që është mësuar të shënojë.

Sulmuesi i kombëtares, Myrto Uzuni, realizoi rrjetën e barazimit të përkohshëm, ndonëse nuk e shpëtoi ekipin nga humbja.

Gjithsesi, falë edhe lojës së Uzunit, Lokomotiva është në vend të katërt në tabelë, me pretendime reale për t’u kualifikuar për në Ligën e Europës.

Gol edhe nga një shqiptar tjetër, dhe pikërisht nga Elis Bakaj.

Sulmuesi realizoi për skuadrën bjelloruse, Shahtjor Soligorsk, në ndeshjen përgatitore ndaj rusëve të Rubinit të Kazanjit.

Bakaj shënoi golin e parë të takimit të zhvilluar në Belek, në zonën e Antalias në Turqi. /abcnews.al

SPORT-KRISTAL-ABAZAJ-KARRIERA-_ABC-M1-T1.mpg_snapshot_00.11-1280x720.jpg
ent ela15:01 | 13/02/2019

Transferimi në Kroaci ishte i vetmi i mundshëm për Kristal Abazajn. Sulmuesi i kombëtares synoi Italinë, Suedinë dhe Holandën, por pa sukses.

Ishte i tillë kur luante tek Luftëtari.

Kristal Abazaj shpreson të rikthehet te suksesi tashmë I harruar, ndërsa përfundoi transferimin e radhës në karrierë.

Sulmuesi 22-vjeçar u dha në formë huazimi nga Anderlehti tek Osijeku në Ligën e Parë të Kroacisë.

Për një vit, parashikohet që ai të provojë fatin dhe të ndihmojë skuadrën ku pak muaj më parë ishte edhe Eros Grezda, sot lojtar I rëndësishëm i kombëtares shqiptare, që luan tek Gllazgou Rejnxhëri në Skoci.

Abazaj kaloi një dhjetor dhe janar të vështirë, pasi menaxherët e tij, Elton Marini dhe Shkumbin Qormehmeti, nuk e patën aspak të lehtë për t’i gjetur një skuadër.

Pavarësisht cilësive, lojtari me origjinë nga Tropoja, luajti shumë pak me ekipin e parë të Anderlehtit, duke u kufizuar më shumë tek rezervat.

U bënë përpjekjet për t’i gjetur skuadër në Itali, Suedi apo Holandë, por ishte e pamundur.

Gjithsesi, besimi është se Kroacia do të jetë sukses, edhe sepse mënyra e lojës aty është më e përshtatshme për lojtarët shqiptarë, siç e ka treguar përvoja e Grezdës e Rrahmanit, apo më parë e Erion Bogdanit dhe Adrian Aliajt.

Abazaj pati kulmin tek Luftëtari, pasi Partizani nuk pranoi ta mbante lojtarin e dalë në akademinë e tij.

Po ashtu, provat tek Dinamo dhe Tirana nuk patën sukses, dhe ai kaloi tek Elbasani, për t’u bërë I njohur në Gjirokastër.

Skënderbeu bëri lëvizjen e duhur duke ia blerë kartonin e duke marrë pjesën më të madhe të parave të transferimit të Abazajt tek Anderlehti, që arriti në gati 700 000 euro. /abcnews.al

7.-GettyImages-529358575.jpg
ent ela22:55 | 20/01/2019

Prestigjozja britanike “The Sun” ka botuar një artikull mbi dhjetë destinacionet më të mira në botën për turizëm mes të cilave përmend edhe Rivierën Shqiptare.

“Nëse po kërkoni të filloni vitin me një aventurë të re, këtu janë disa sugjerime që do t’ju ndihmonin për udhëtimet tuaja,” shkruan gazeta.

Riviera Shqiptare

Pse është e njohur: Vendasit i kanë ruajtur me dinakëri plazhet dhe gjiret e detit për dekada të tëra. Por tani, Lonely Planet e ka quajtur vendin një destinacion të mirë për 2019. Mund të vini bast se është vetëm çështje kohe para se Shqipëria të bëhet një Kroaci e re.

Çfarë presin turistët: “Njerëzit shpesh kanë një imazh të ashpër për Shqipërinë. Prandaj, ata mbeten të befasuar kur shohin se sa idilik është ai vend”, tha Tom.

Në Drimadhë, vizitori ndjen shijen e parajsës shqiptare: Hotelet e bukura dhe baret rreshtohen përgjatë rërës së bardhë, plazhit dhe detit si pastër si kristali.

Gjithashtu, Shqipëria në mënyrë të konsiderueshme ia kalon Greqisë dhe Italisë fqinjë kur është fjala për koston. Vera nё Shqipёri ka temperaturat mё tё mira mbi 20°C, por edhe turmat më të mëdha për shkak të popullaritetit të saj në rritje.

Prandaj, provo tё vizitosh Shqipërinë në maj dhe shtator. “Mundohuni të vizitoni Shqipërinë gjatë majit ose shtatorit për të shmangur turmat e mëdha për shkak të popullaritetit të saj në rritje”, përfundon “The Sun”./abcnews.al

tahiraj.jpg
G. P.18:58 | 12/01/2019

Françesko Tahiraj do ta vazhdojë karrierën në Kroaci. Sulmuesi shqiptar do të largohet nga Sllovenia, për të luajtur me Hajdukun e Splitit.

Golat e tij tërhoqën vëmendjen, siç edhe pritej. Françesko Tahiraj, shqiptari i lindur në Itali, do të braktisë futbollin slloven, për të kaluar pak më në jug, në Kroaci. Sulmuesi 22-vjeçar, që luajti për një sezon e gjysmë me Aluminij të Kidriçevës në Superligën e Sllovenisë, do të jetë lojtar i Hajdukut të Splitit, klubit të dytë më të madh kroat.

Gazeta e Splitit, “Sllobodna Dalmacija”, informon se Tahiraj ka kaluar vizitën mjekësore me Hajdukun, dhe se pritet të bashkohet me “të bardhët” në fazën përgatitore të dimrit në Belek të Turqisë. Trajneri Oreshçanin pret që djaloshi i lindur në Torino, të jetë një mundësi më shumë për skuadrën e tij që synon të luajë sezonin e ardhshëm në Ligën e Europës.

Fillimisht, Tahiraj ishte pranë Dinamos së Zagrebit, madje trajnerit Bjelica i thanë se ishte punë e përfunduar, veçse kjo marrëveshje nuk u krye. Megjithatë, nga Sllovenia, thonë se 22-vjeçarin nuk do ta lejojnë të largohet.

Gazeta “Ekipa 24” shkruan se klubi nga Kidriçevo deklaron se do të përpiqen ta mbajnë sulmuesin deri në fund të sezonit. Tahiraj e nisi karrierën në akademinë e Juventusit, kaloi tek Torino, dhe u huazua te Karpi gjithnjë në Itali, por suksesin e gjeti në Slloveni, fillimisht tek Zavërci dhe pastaj tek Aluminij.

Gjatë fazës së parë të kampionatit luajti 18 ndeshje, shënoi 9 gola, dhe shërbeu 4 pasime për gol. Ai shpreson që në Kroaci të vëzhgohet nga trajneri i kombëtares Panuçi dhe të veshë fanelën kuqezi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono