kriza

INTERVISTA-EDMOND-SPAHO.mpg_snapshot_00.54-1280x720.jpg
ent ela15:40 | 16/09/2019

Bisedimet e fshehta për negociata mes PS dhe PD i mohon edhe nënkryetari i PD, Emond Spaho. Në një intervistë për “ABC News”, Spaho tha se PD është e gatshme të ulet në dialog, por sipas tij, Edi Rama refuzon të pranojë se ka krizë, duke refuzuar edhe ndërmjetësimin e ndërkombëtarëve.

Partia Demokratike është e gatshme të ulet në dialog për zgjidhjen e krizës politike nëse maxhoranca dhe vetë kryeministri Rama nuk do të refuzojë zhvillimin e negociatave. Nënkryetari i Partisë Demokratike, Edmond Spaho në një intervistë për ABC News tregon tentativat e vazhdueshme të ndërkombëtarëve për zgjidhjen e krizës të refuzuara nga Edi Rama.

Spaho mohon të ketë negociata të fshehura me maxhorancën, duke bërë të qartë se zgjedhjet e parakohshme janë e vetmja ofertë që opozita ka për kryeministrin Rama.

Platforma për zgjidhjen e krizës do të jetë edhe oferta e demokratëve për Partinë Socialiste për zgjidhjen e krizës. Në këtë platformë do të pasqyrohen qëndrimet e opozitës për reformën zgjedhore dhe çështje të tjera që do të kërkojnë dialog me shumicën.

Partia Demokratike përjashton në mënyrë kategorike një koalicion bashkëqeverisës me Partinë Socialiste. Për demokratët do të ishte vrastare për opozitën, pjesëmarrja në një tjetër proces zgjedhor të drejtuar nga Edi Rama kryeministër. /ABC News Albania 24/7

 

luftetari.jpg
G. P.12:51 | 14/09/2019

Në Gjirokastër do të luhet sot ndeshja mes dy skuadrave në krizë. Luftëtari e Flamurtari synojnë të fitojnë pikët e para në këtë sezon të Superligës.

Mund të quhet sfida mes më të dobtëve. Luftëtari-Flamurtari ka qenë duel me histori tjetër, por skuadrat nuk kanë asnjë pikë pas tri ndeshjeve të para të Superligës, duke mbajtur vendet e fundit. Luftëtari ka një tjetër ndryshim në stol, pasi tashmë trajner është greku Marantas, i cili sapo ka nisur të punojë me ekipin.

“Jam i lumtur që ndodhem tek Luftëtari, një ekip me histori të rëndësishme në Shqipëri. Shpresoj të kemi sukses dhe që tifozët të na ndjekin. Për ndeshjen ndaj Flamurtarit po punojmë fort, në kaq ditë sa kemi në dispozicion, dhe besoj se mund ta përballojmë. E njoh kundërshtarin, kam parë ndeshjet e tij, kam parë edhe lojtarët. Nga ekipi ynë janë larguar Muça dhe Morina, por nuk do t’i quaj mungesa, pasi rëndësi kanë lojtarët që kemi. Besoj se skuadra ka cilësi, që duhen përmirësuar”.

Flamurtari, ndërkaq, ka më pak shqetësime me trajnerin, pasi prej shumë javësh drejtohet nga Dritan Sadedini. Gjithsesi, problemet me financat e kanë dobësuar skuadrën, e cila i ka humbur të gjitha ndeshjet deri tani.

Për vlonjatët mungon Zeqaj, i pezulluar, ndërsa në dyshim janë mbrojtësit Sarris dhe Ibars. Sulmuesi shkodran Sukaj është rikthyer në skuadër pas dëmtimit, por nuk dihet nëse mund të luajë titullar, apo do ta nisë ndeshjen nga stoli./ABC News Albania 24/7

jorida-tabaku-1280x720.jpg
G. P.15:11 | 13/09/2019

Ish-deputetja e Partisë Demokratike, Jorida Tabaku shprehet kritike në lidhje me hapat e hedhura nga qeveria për çeljen e negociatave në Tetor me Bashkimin Europian. Në një intervistë për ABC News, Tabaku thekson se opozita ka bërë gjithçka për një vendim pozitiv, ndaj edhe pret një vendimmarrje në favor të negociatave me BE.

Demokratët besojnë se qeveria nuk ka marrë asnjë masë për të plotësuar kushtet e vendosura për çeljen e negociatave me Bashkimin Europian. Por pavarësisht kësaj, opozita do ta mbështesë dhe do të lobojë për një vendim pozitiv në Tetor. Në një intervistë për ABC News, ish-deputetja e Partisë Demokratike Jorida Tabaku  thekson se opozita nuk ka qenë kurrë pengesë për negociatat dhe se përgjegjësitë duhen parë gjithmonë nga qeveria.

“Është e vetmja qeveri që nga 5 kritere që i gjeti, i përkeqësoi dhe kaloi në 7 kritere. Opozita në asnjë nga këto pika nuk ka lidhje për të plotësuar. Opozita çfarë mund të bëjë? Opozita mund të thotë fjalën e saj dhe Basha e ka thënë në Bruksel dhe kushdo që ka pasur mundësi e ka thënë që ne jemi pro hapjes së negociatave. Nga 2013 e këtej kushdo që lexon raporte e shikon që nuk jepet opozita si pengesë”, tha Tabaku.

Formula e zgjidhjes së krizës me ndërmjetësim ndërkombëtar apo me tryezë të gjerë dialogu, pjesë e së cilës do të jetë i gjithë faktori politik mbetet e paqartë. Por për Tabakun e sigurt është se rruga e nisur nga demokratët është pa kthim.

“Nuk e di se kush është formula e artë për të dalë nga kriza, por di të them që PD ka nisur një rrugë pa kthim dhe ka nisur një rrugë të cilën e ka seriozisht duke pasur një vizion parasysh, duke pasur vizionin e një Shqipërie evropiane. Në një Shqipëri evropiane ne nuk mund të diskutojmë për zgjedhje ku mbushen kutitë e votimit, nuk mund të diskutojmë për standardet e demokracisë që janë në rrezik dhe nuk mund të diskutojmë për kriminelë që i caktojnë anëtarë parlamenti”, tha Tabaku.

Shqiptarëve shumë shpejt do t’i paraqitet nga Partia Demokratike, platforma për daljen nga kriza. Ish-nënkryetarja e Komisionit të Ekonomisë flet për një punë intensive në terren për të reflektuar në dokumentin final çdo shqetësim të grupeve të interesit.

“Ne i kemi prezantuar shtyllat kryesore të programit tonë nga pikëpamja fiskale dhe është duke u punuar për të gjithë pjesën tjetër programore dhe sektoriale. Kjo ka ardhur nga kontaktet e vazhdueshme me të gjitha grupet e interesit, qytetarët dhe kjo është duke u bërë në çdo fushë dhe çdo sektorë nga specialistët dhe përfaqësuesit e lartë të PD-së”, tha Tabaku.

Mënyra e zgjidhjes së krizës tani është e gjitha në duart e liderit të opozitës, Lulzim Basha. Pas takimeve në Bruksel dhe një takimi konfidencial në Presidencë me Metën, kryedemokrati ka folur pak për mënyrën se si vendi do dal nga kriza, por ka garantuar se pakt të ngjashëm me atë të 2017 me Ramën nuk ka për të pasur./ABC News Albania 24/7

MBULIM-ITALI-POLITIKA-ABCM5T1.mpg_snapshot_00.10-1280x720.jpg
ent ela14:30 | 03/09/2019

“Të gjithë 20 pikat që Lëvizja me Pesë Yje i ka prezantuar kryeministrit në detyrë Konte janë publikuar në marrëveshjen e arritur me partinë demokratike”. Në të këtë mënyrë liderii lëvizjes me pesë yje në Itali, Luixhi Di Maio, fton me një postim në Facebook të gjithë militantët e lëvizjes që ta votojnë atë on line duke shpjeguar se për çfarë bëhet fjalë. Ndër pikat më të rëndësishme janë ulja e taksave, rritja e pagës minimale, ndihmat për familjet në nevojë etj.

Ndërkohë është anuluar takimi i parashikuar në kryeministri mes Xhuzepe Kontes dhe përfaqësuesve të Partisë Demokratike.

Në radhët e lëvizjes me Pesë Yje ka dhe nga ata që kanë votuar kundër marrëveshjes në fjalë, të cilët kanë publikuar dhe në profile në Facebook mendimin e tyre për programin e përbashkët qeverisës.

Sipas mediave italiane benda dy orëve  të para të votimit, shprehën mendimin e tyre rreth 30 mijë anëtarë. /ABC News Albania 24/7

ITALI-DEMOKRATET-MBULIM.mpg_snapshot_00.03-1280x720.jpg
ent ela20:25 | 28/08/2019

Subjektet politike në Itali, Partia Demokratike dhe Lëvizja 5 Yjet kanë rënë dakord në parim për të bashkëqeverisur. Pasditen e së mërkurës, dy partitë i kanë komunikuar presidentit Matarela se janë pajtuar për emërimin e Xhuzepe Konte si kryeministër.

Partia Demokratike në Itali deklaroi të mërkurën se është gati të krijojë një koalicion qeverisës me Lëvizjen 5 Yjet, duke lënë pas vite të tëra armiqësi dhe duke shmangur shkuarjen e vendit në zgjedhje të parakohshme. Pas disa ditë negociatash të vështira, kryetari i PD Nikola Xingareti i tha presidentit të Italisë Serxho Matarela se është gati të pranojë kandidatin e 5 Yjeve, Xhuzepe Konte, që të mbajë sërish postin e kryeministrit. “Ne e duam Italinë dhe mendojmë se ia vlen ta provojmë këtë eksperiencë”, tha Xingareti për gazetarët. Në kohë të vështira si këto, shtoi ai, shmangia e përgjegjësive për të provuar diçka të re është një luks që nuk mund t’ia lejojmë vetes. Më herët tek presidenti i Republikës ishte vetë kreu i Lëvizjes 5 Yjet, Luixhi Di Maio, që gjithashtu kishte shprehur vullnetin për të bashkëpunuar me demokratët. “Ekziston një marrëveshje me PD që Xhuzepe Kontes t’i jepet mandati për të krijuar një qeveri afatgjatë”, tha Di Maio për mediat pas takimit me kreun e shtetit, duke shtuar se pas emrit të kryeministrit është koha për hartimin e programit qeverisës. Koalicioni i mëparshëm i përbërë nga Lëvja 5 Yjet dhe partia e ekstremit të djathtë Liga e Veriut u rrëzua më herët gjatë muajit, kur lideri Mateo Salvini u tërhoq me shpresën për të çuar vendin në zgjedhje të parakohshme, i nxitur nga rritja e popullaritetit. Por plani i tij dështoi tani që 5 Yjet dhe Partia Demokratike janë i dhanë fund armiqësive dhe janë në prag të formimit të qeverisë. Perspektiva e një administrate të re të udhëhequr nga Konte ka nxitur tregjet financiare, që shpresojnë se Italia do të ketë një qeveri që do të bëjë kujdes në aspektin fiskal dhe do të shmangë përplasjen me Europën.

/ABC News Albania 24/7

large960_blur-7068952f24dd0c88bc43892b8eb9dc63.jpg
ent ela21:25 | 26/08/2019

Mazhoranca qeverisëse në Rumani ndodhet në buzë të humnerës për shkak se liberalët kanë braktisur koalicionin. Sipas mediave vendase, vendi ndodhet i ndarë mes një aleance të re që mund të formohet dhe opsionit të zgjedhjeve të parakohshme.

Partia Social Demokrate në Rumani humbi të hënën mazhorancën e ngushtë parlamentare, pasi një anëtar i ri i koalicionit braktisi qeverinë. Partia Liberale u tërhoq nga aleanca dy ditë pasi lideri i saj, Tariçeanu dështoi të bëhej i vetmi kandidat i mazhorancës për zgjedhjet presidenciale të planifikuara për në nëntor. Në vend të tij, social-demokratët zgjodhën liderin e tyre, kryeministren Viorika Dancila për të sfiduar presidentin në detyrë Klaus Iohanis. Lëvizja e liberalëve, një vit përpara zgjedhjeve parlamentare, normalisht do t’i jepte jetë perspektivës për zgjedhje të parakohshme, por një fragment i opozitës mund të zëvendësojë boshllëkun e krijuar prej tyre. Kryetari i tyre, ish-kryeministri Tariçeanu deklaroi se PSD kishte patur një performancë të dobët në qeveri dhe kishte dështuar të merrte hapat e duhur për të reformuar kabinetin. Sidoqoftë, vendimi për t’u tërhequr nga koalicioni nuk ishte i lehtë – shtoi ai. Nga ana tjetër, kryeministrja në detyrë Dancila tha se PSD do të vazhdojë të qeverisë. “E rëndësishme është që ne të mos zhgënjejmë votuesit që na besuan në zgjedhjet kombëtare të vitit 2016”, tha ajo në profilin e saj në Facebook. Aleanca mes social-demokratëve dhe liberalëve ishte kritikuar ashpër nga BE dhe Shtetet e Bashkuara për shkak të rishikimit të statusit të gjyqësorit, që sipas tyre do të cënonte sundimin e rendit dhe ligjit në vend. /ABC News Albania 24/7

img800-mattarella-scrive-a-conte-ecco-cosapensa-della-manovra-139657.jpg
ent ela10:52 | 24/08/2019

Nga Dorina Kurtaj – Analistët në Itali e vlerësojnë si një çlirim për vendin rrëzimin e koalicionit qeverisës së Legës me Lëvizjen me pesë yje, që sipas tyre ka përfunduar me një spektakël nga ana e kryeministrit në largim Xhuzepe Konte.

Qeveria më e rrezikshme që nga pas lufta deri më sot ka përfunduar me një spektakël: populistët që luftojnë populizmin e të tjerëve. Në këtë mënyrë nis një nga analizat e shumta për krizën politike që ka përfshirë Italinë pas rrëzimit të koalicionit qeverisës mes Legës dhe Lëvizjes me Pesë Yje.

Arsyeja për të cilën do të mbahet mend fjalimi i fundit i Xhuzepe Kontes si kryeministër i vendit ka pak të bëjë me substancën e arsyetimit të avokatit të popullit; por nga ana tjetër lidhet shumë me rëndësinë simbolike të rrëzimit të qeverisë verdhë e gjelbër.

Ndërkohë pasi është takuar me liderët e partive në vend kreu i shtetit vendosi t’i japë kohë Lëvizjes me pesë yje dhe Partisë demokratike, dy palët më të përfolura për arritjen e një marrëveshjeje të mundshme, deri të mërkurën për krijimin e një mazhorance të re, por lideri i Legës, Mateo Salvini deklaroi se zgjidhja nuk mund të gjendet nëpërmjet lojërave në presidencë por vetëm nëpërmjet zgjedhjeve të reja.

«Kriza duhet të zgjidhet Brenda një kohe të shkurtër, ashtu si meriton një vend i madh si i yni”. Në këtë mënyrë presidenti Italian Serxho Matarela, duke përmbledhur konsultimet dy ditore me partitë i jep më shumë kohë Lëvizjes me pesë yje dhe Partisë Demokratike në përpjekjet për të krijuar një koalicion qeverisës.

Ai më tej u shpreh se duhet krijuar një qeveri që të marrë votëbesimin në parlament, me marrëveshjet e grupeve për një program për qeverisjen e vendit. Në rast se nuk do të ketë kushte për realizimin e kësaj qeverie atëherë vendimi do të shkojë në zgjedhje.

Vendimi për më shumë kohë, sipas Matarelës, u mor nga fakti se në orët e fundit të konsultimeve disa parti ndërmorën iniciativën për një marrëveshje të mundshme në parlament për një qeveri të re. dhe ishin vetë palët politike që kërkuan më shumë kohë nga kreu i shtetit.

Matarela nuk e ka fshehur faktin se do të preferonte një rrugë tjetër nga ajo e zgjedhjeve të reja. Kreu i shtetit u shpreh se ajo e zgjedhjeve të reja nuk është një rrugë që duhet marrë me të lehtë, vetëm pas 14 muajsh qeverisje, ndërkohë që kushtetuta parashikon që italianët tu drejtohen qendrave të votimit cdo pesë vjet. Por nëse parlamenti nuk do të ketë një mazhorancë të re, zgjedhjet janë të pashmangshme.

Ndërkohë kreu i grupit parlamentar të Lëvizjes me pesë yje, Luixhi di Maio, u shpreh se në takimin e javës së ardhshme me partinë demokratike, ai do të rendisë 10 pikat e planit qeverisës të partisë së tij. Sipas tij vendi aktualisht rrezikohet të përjetojë një krizë politike si ajo e vitit 2008, për këtë arsye ai theksoi se partia e tij është gati të jetë pjesë e një qeverie të re që do të përpiqet të realizojë një listë me 10 pika të objektivave prioritare.

Duke filluar që nga reduktimi i pagave të deputetëve, reforma e sistemit të kredisë, reforma në drejtësi si dhe përballja me fenomenin e emigrantëve. Di Maio konfirmoi se kanë nisur negociatat për krijimin e një mazhorance të qëndrueshme, dhe se partia e tij nuk i trembet aspak zgjedhjeve të reja, e as do t’i largohej mbajtjes së premtimeve që i janë bërë italianëve.

Në një deklaratë tjetër për mediat, kreu i Lëvizjes me Pesë yje theksoi se ata që votuan partinë e tij në 4 mars  të nëj viti më parë e bënë për të ndryshuar vendin nëpërmjet partisë së tij.

Nga ana tjetër lideri i Legës Salvini, këmbënguli se zgjedhjet janë e vetmja mënyrë për të zgjidhur krizën. Ai theksoi se Italia nuk mund t’i lejojë vetes që të humbasë kohë dhe nuk mund të ketë një qeveri që debaton dhe ku partnerët e koalicionit kanë këndvështrime të ndryshme. Sipas tij qeveria e Kontes u rrëzua për shkak të refuzimeve të shumta të lëvizjes me pesë yje. Këtë mesazh të qartë ministri i Brendshëm në detyrë ia transmetoi dhe presidenti Matarela.

Ai u shpreh se ka qenë i vetëdijshëm se ishte pjesë e një qeverie që kishte ndaluar në vend, dhe mënyra e vetme për të rimëkëmbur vendin nga e para, është duke mos parë mbrapa. Por ai njëkohësisht ka lënë hapur dhe një mundësi ripajtimi me lëvizjen me pesë yje duke thënë se nëse dikush do i kërkonte të arsyetonte sepse refuzimet mund të kthehen në pohime, dhe ekipi qeverisë mund të përmirëzohet, atëherë mund të ketë një mundësi shumë të vogël për të shmangur zgjedhjet. Para gazetarëve ai tha se nuk është një njeri që i mbetet hatri pasi sheh gjithnjë përpara.

Kreu i grupit parlamentar të demokratëve, Graciani Delrio, pas takimit me Matarelën u shpreh se ishin të gatshëm për një qeveri të re e cila do të përballej me problemet e vërteta të vendit. Por ata i shtuan lisrës së Lëvizjes me pesë yje, dhe reformën e ligjit electoral në mënyrë që të garantojë një përfaqëism demokratik në vend. Por një nga pikat ku Lëvizja me Pesë Yje dhe Partia Demokratike përplasen është pikërisht reduktimi i pagave të deputetëve.

Por kjo përpjekje e demokratëve ka krijuar përplasje me krahun që ndjek qëndrimet e ish kryeministrit Renzi. Anëtarë të tjerë të kësaj partie mendojnë se këndvështrimet mes dy partive janë shumë të ndryshme.

Por nuk kanë munguar as deklaratat që parashikojnë koalicione të mundshme mes palëve në rast se vendi do të shkonte në zgjedhje. Frateli D’italia konfirmoi bisedën më Salvinun sipas së cilës ëshët rënë dakord që të ketë një marrëveshje me Legën menjëherë pas zgjedhjeve. Por njëkohësisht pritet dhe qëndrimi i Forca Italia të Berluskonit i cili gjithashtu këmbëngul në mbajtjen e zgjedhjeve. Në rast të një mandate eksplorues, thënë ndryshe qeverie tranzitore, për Frateli D’Italia, mundësia më e mirë është ajo e një ekzekutivi të qendrës së djathtë.

Në mbështetje të kësaj ideje, ish kryeministri Berluskoni u shpreh se qendra e djathnë është mazhoranca që doli fituese në zgjedhjet e fundit dhe aktualisht është mazhoranca natyrale e italianëve. Ai theksoi se bendi sipas tij ka nevojë për një qendër të djathtë moderne me një qëndrim pro europian. Ai shtoi se ajo që ndodhi tregon qartë se projektet e qeverisë bëhen me ide që përputhen, jo pas zgjedhjeve por para tyre.

Takimi më i fundit mes partisë demokratike dhe Lëvizjes me pesë yje zgjati rreth dy orë, me delegacionet që u përpoqën të gjejnë një marrëveshje për krijimin e qeverisë së re.

Sinjalet e para duken positive për të dyja palët, dhe sipas zërave nuk ka asnjë problem të pakalueshëm. Burime nga lëvizja me pesë yje shpjegojnë se është diskutuar shumë për pikën ku të dyja palët përplasen: reduktimi I pagave dhe i numrit të deputetëve. Aktualisht parlamenti i Italisë ka 345 deputetë. Por partia demokratike ka kërkuar një qëndrim të qartë nga Lëvizja me pesë yje, para firmosjes së mundshme të një marrëveshjeje për krijimin e një qeverie të re.

Në radhët e demokratëve vijojnë përplasjet me ish kryetarin e partisë Renci i cili akuzon kreun aktual të partis Xhentilonin, pasi ky i fundit e akuzoi se po përpiqej të prishte negociatat. Huffington Post publikoi një regjistrim ku Renci shpjegon se është pikërisht Xhentiloni ai që në mënyrë të vetëdijshme bën propozime të cilat lëvizja me pesë yje nuk mund t’i pranojë për shkak të qëndrimeve të saj. Madje ai paralajmëroi dhe një përcarje të mëtejshme të Partisë Demokratike duke thënë se nëse dikush thyen rregullat e brendshme nuk është e thënë që Partia Demokratike të shkojë si e tërë në zgjedhjet e reja.

Di Maio reagoi duke thënë se italianët që e votuan në 4 mars të paktën në fund mund të thonë se dhe pse ishte një qeveri që zgjati pak, ia doli të reduktonte numrin e deputetëve.

Çdo gjë do të vendoset javën e ardhshme pas përfundimit të negociayave të tjera dy ditore. Pas deklaratave të liderëve të PD dhe Lëvizjes me pesë yje, shtohen zërar për arritjen e një marrëveshjeje për një qeveri të re. edhe pse Salvini nuk është i vetëm në këmbënguljen për të çuar vendin në zgjedhje të reja.

/abcnews.al

BASHA-1-1280x724.jpg
ent ela12:13 | 23/08/2019

Kryetari i opozitës, Lulzim Basha flet për një ndërgjegjsim ndërkombëtar për krizën politike që po kalon vendi. Në një intervistë për gazetarin Çim Peka, kryetari i PD ka deklaruar se pas takimeve të zhvilluara me përfaqësues ndërkombëtar ka konstatuar se ekziston një bindje që kriza mund të zgjidhet vetëm përmes zgjedhjeve të parakohshme parlamentare në të njëjtën ditë me zgjedhjet vendore.

Kriza politike në Shqipëri në javët dhe muajt e ardhshëm pritet të marrë një pikë kthese. Lideri i opozitës, Lulzim Basha pas takimeve të zhvilluara me diplomat të huaj dhe përfaqësues ndërkombëtare flet me bindje se ka një ndërgjegjësim se kriza politike në Shqipëri zgjidhet vetëm me zgjedhje të parakohshme në të njëjtën ditë me zgjedhjet të reja vendore.

Në një intervistë për gazetarin Çim Peka, kryedemokrati kujton se kriza politike po rrezikon edhe investimin kryesor ndërkombëtar në vendin tonë, reformën në drejtësi.

Shqetësimet e tij për krizën që po kalon vendi, Lulzim Basha pritet t’i bëjë publike edhe në Uashington.

Në  muajit shtator Shqipërinë pritet ta vizitojë një delegacion gjerman por edhe përfaqësues të OSBE/ODIHR në tentativa të vazhdueshme për t’i dhënë zgjidhje ngërçit politik që prej më shumë se 6 muajsh po kalon vendi. /ABC News Albania 24/7

KOSOVE-ZGJEDHJET-KOSTO.mpg_snapshot_00.00-1280x720.jpg
ent ela11:25 | 21/08/2019

Rreth 4 milion euro është shuma që mendohet se do të duhet për organizimin e zgjedhjeve të jashtëzakonshme në Kosovë. Komisioni Qendror i Zgjedhjeve shprehet i gatshëm për të nisur punën, nëse të enjten do të shpërndahet parlamenti i vendit, dhe presidenti Hashim Thaçi do të caktojë një datë për zgjedhjet e reja.

Mediat në Kosovë raportojnë se Komisioni Qendror i Zgjedhjeve  është i gatshëm për organizimin e zgjedhjeve të jashtëzakonshme, mirëpo ende i mungon një anëtar nga radhët e koalicionit PAN. Por kjo gjë nuk pritet të pengojë procesin zgjedhor. Në bazë të praktikave të mëhershme, KQZ-së në total i duhen 4 milionë euro për të mbuluar koston e zgjedhjeve.

Në rast të shpërndarjes së Kuvendit të Kosovës, më 22 gusht, Komisioni Qendror i Zgjedhjeve është i gatshëm t’i fillojë përgatitjet menjëherë pasi presidenti Hashim Thaçi ta caktojë datën e zgjedhjeve të jashtëzakonshme.

Pavarësisht se viti 2019 nuk është pritur të jetë vit zgjedhor, përfaqësues të këtij institucioni thonë se KQZ-ja është e gatshme për zgjedhje, ndonëse sipas tyre ende nuk është caktuar kostoja që do t’i mbulonte shpenzimet e tyre, shkruan më tutje Gazeta Zëri.

Zgjedhjet e fundit parlamentare të vitit 2017 buxhetit të Kosovës i kanë kushtuar rreth 4 milionë euro dhe një shumë e përafërt pritet të ndahet përsëri nga buxheti i shtetit për organizimin e tyre në këtë vit. /ABC news Albania 24/7

3072.jpg
Sej rie15:00 | 10/08/2019

Liga e Veriut dhe Lëvizja 5 Yjet në Itali, pas prishjes së koalicionit qeverisës kanë shpërthyer në fyerje dhe ofendime në rrjetet sociale. Partia e Mateo Salvinit ka ironizuar nismën e 5 Yjeve për të reduktuar numrin e parlamentarëve, ndërsa Luixhi Di Maio ka akuzuar ish-aleatin se nuk e ka idenë se çfarë është qeverisja.

Mocioni i mosbesimit ndaj qeverisë së Xhuzepe Konte, në Itali, nuk është votuar ende, por tashmë ish-aleatët kanë nisur fushatën duke sfiduar njëri-tjetrin me postime në Facebook dhe Tëitter.

“Fyerjeve dhe ofendimeve të 5 Yjeve me shokë u përgjigjemi vetëm me forcën e ideve tona”, ka thënë kryetari i Ligës së Veriut, Mateo Salvini në një postim, ku ka përsëritur parullën e tij, “Të parët italianët”.
Nga ana e saj, 5 Yjet ka deklaruar se Liga e Veriut nuk ka asnjë ide se si të financojë taksën e sheshtë dhe kjo sipas saj, sepse personazhe të inkriminuara që vërtiten pranë legistëve prej muajsh punojnë që normat anti-korrupsion të cenohen.

Edhe akuzave të Salvinit që aludonte për një aleancë mes Luixhi Di Maios dhe ish-kryeministrit Mateo Renzi, 5 Yjet iu përgjigj: “Salvini po deliron. Le të shpikë diçka më të mirë”. Gjithashtu, partia e udhëhequr nga Di Maio ka deklaruar se po mbledh firmat për reduktimin e numrit të deputetëve. “Do të shkurtojmë 345 vende parlamentarësh dhe rrogat e tyre.
Mund ta bëjmë shumë shpejt pasi na duhet vetëm një votë”, ka thënë Di Maio në Facebook. Sipas tij, në këtë mënyrë mund të kursehen gjysmë miliard euro dhe të investohen për ndërtimin e rrugëve, shkollave dhe spitaleve. Por për Salvinin, çështja e shkurtimit të parlamentarëve është vetëm një pretekst që 5 Yjet të ruajnë kolltukët e saj.
Gjithashtu, Salvini ka sulmuar ish-aleatët për mbështetjen që i kanë dhënë Ursula fon der Lejen, ish-ministrja gjermane që u bë presidente e Komisionit Europian.
“Ata votuan si presidente të Europës shoqen e Angela Merkel, ju kujtohet?”, ka vijuar Salvini, i cili akuzon kancelaren gjermane se ka kolonizuar ekonominë italiane. Fyerjet dhe ofendimet mes palëve, që dikur pretendonin se qeveria e tyre do të zgjaste 5 vjet, janë pa fund dhe sipas mediave italiane, pritet që në ditët e ardhshme të dalin edhe nga kornizat e rrjeteve sociale. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono