kriza politike

lulzim-basha-konferenca-1.jpg
nev ila21:31 | 25/11/2019

Kryetari i Partisë Demokratike, Lulzim Basha akuzoi kryeministrin Rama për krizën ekonomike në të cilën sipas tij është zhytur vendi.

Pas një takimi të zhvilluar në selinë blu me përfaqësues të Fondit Monetar Ndërkombëtar, Basha premtoi për një plan të fortë ekonomik të demokratëve kur të vijnë në pushtet, duke kujtuar se qeveria ka parashikuar që i gjithë buxheti për vitin 2020, të shkojë në duart e 13 oligarkëve.

Lulzim Basha është i bindur se demokratët me programin e tyre ekonomik do të nxjerrin vendin nga kriza e thellë që po kalon si pasojë e kapjesë ekonomisë nga njerëz afër kryeministrit Rama.

Gishtit të përgjegjësisë që Edi Rama i drejtoi për aksionet e ndërrmara nga opozita kundër interesave të vendit i kaloi me një këshillë të sinqertë për kreun e qeverisë.

Pas takimit me shefin e misionit të FMN-së, Jan Kees Martin, kryedemokrati premtoi se destinacioni i parave që sot shkojnë për oligarkët do të ndryshojë.

Në turin e tij “Rrugëtim për Shqipërinë Basha prezantoi edhe disa nga pikat kryesore të programit të tij ekonomik të cilin pret ta vërë në zbatim kur të marrë besimin e shqiptarëve./abcnews.al

ili-meta-1280x755.jpg
nev ila20:00 | 25/11/2019

Më 8 dhjetor, nuk do lëvizë nga sheshi deri kur shqiptarët të marrin të drejtën e tyre për t’u shprehur përmes referendumit. Kështu u shpreh presidenti Ilir Meta, duke paralajmëruar një lëvizje të re, të cilësuar si dhjetori i dytë nga Qyteti Studenti.

Krahas çështjeve të tjera politike, Meta theksoi se është gati për rishikimin e kompetencave të tij, por vetëm përmes referendumit të popullit.

Sipas kreut të shtetit e drejta për referendum qytetarëve duhet t’u jepet edhe për çështje lokale. Presidenti Meta tha se do të largohej nga politika vetëm kur nisma e tij për referendumin të realizohej.

Kreu i shtetit injoroi kërkesën e re të mazhorancës për të shtuar si objekt hetimi nga komisioni hetimore edhe emërimin e Marsida Xhaferllarit në Gjykatën Kushtetuese.

Sipas Kushtetutës të miratuar në vitin 1998, tre janë kushtet për të thirrur një referendum.

E para; nëpërmjet mbledhjes së 50 mijë firmave në popull; Kuvendi, me propozimin e jo më pak se një së pestës së deputetëve ose me propozimin e Këshillit të Ministrave./abcnews.al

META-1-1280x853.jpg
nev ila10:58 | 23/11/2019

Presidenti Ilir Meta, përmes një njoftimi në rrjetet sociale, ka njoftuar se ditën e hënë, do të propozoj disa ide konkrete, për zhvillimin e referendumit. Meta thotë se, janë bërë 21 vjet që klasa politike nuk nxjerr ligj, për zhvillimin e një referendumi, sepse kërkon, sipas Metës, të pengojë ushtrimin e demokracisë direkte.

Gjithashtu Meta thotë se, klasa politike shqiptare, di vetëm të thellojë krizat, dhe të mos mbajë përgjegjësi. Ndaj tashmë, është sovrani ai, që duhet të thotë fjalën e fundit.

Njoftimi i Metës:

“Të dashur qytetarë!

Ja çfarë ka vendosur populli shqiptar në referendumin për Kushtetutën:

Neni 150

  1. Populli, nëpërmjet 50 mijë shtetasve me të drejtë vote, ka të drejtën e referendumit për shfuqizimin e një ligji, si dhe t’i kërkojë Presidentit të Republikës zhvillimin e referendumit për çështje të një rëndësie të veçantë.
  2. Kuvendi, me propozimin e jo më pak se një së pestës së deputetëve ose me propozimin e Këshillit të Ministrave, mund të vendosë që një çështje ose një projektligj i një rëndësie të veçantë të shtrohet në referendum.
  3. Parimet dhe procedurat për zhvillimin e referendumit, si dhe vlefshmëria e tij parashikohen me ligj.

 

U bënë 21 vjet që klasa politike nuk nxjerr ligjin për zbatimin e këtij detyrimi kushtetues për të bërë të pamundur ushtrimin e demokracisë direkte!

Por tani nuk ka më tolerim dhe as justifikime!

Kjo klasë politike di vetëm të thellojë krizat dhe të mos mbajë përgjegjësi. Ajo nuk e njeh dialogun politik, interesin publik dhe kombëtar. Ndaj tani çdo gjë për t’ia dhënë fjalën sovranit përmes referendumeve.

Çfarë e keqe e gjeti Zvicrën nga Referendumet?

Le të pushojmë sot e nesër dhe të hënën do ju propozoj ide konkrete për Referendumin!”, shkruan Meta./abcnews.al

ilir-meta-shperthimi-1280x870.jpg
nev ila15:28 | 21/11/2019

Presidenti Ilir Meta sot priti në zyrë Bujar Nishanin për problematikën e lindur me Gjykatën Kushtetuese. Pas këtij takimi, kreu i shtetit Meta u shpreh lidhur me gjyatin e shkarkuar nga KPK-ja dhe për komunikimin me zyrë të huaj.

Presidenti Ilir Meta zgjodhi në këtë mënyrë të nderonte ushtarin e Gardës së Republikës, ndërsa ishte duke dalë para gazetarëve. Ky akt i Presidenti, siç u mësua më pas, është shoqëruar dhe me një  komunikim  mes tyre, ku Meta i ka thënë ushtarit se ai është ushtari i dytë pas tij, në mbrojtje të Republikës.

Këtë të premte, pas Mejdanit dhe Berishës, Meta priti në zyrën ish-Presidentin Bujar Nishani lidhur me ngërçin e Krijuar në Gjykatën Kushtetuese. Kreu i shtetit nuk u shpreh i surprizuar nga vendimi i sotëm që KPK mori për shkarkimin e të emëruarit në Kushtetuese, Besnik Muçin si i papërshtatshëm për të vijuar punën.

Ndërkohë këtë konsideratë pati për SHBA-të, pas kërkesës së selisë diplomatike për të çuar “ngërçin” në Komisionin e Venecias.

“SHBA-të janë si shpirt”. Këtë nuk e shprehu për diplomat të tjerë që i vuri në paralele me qeverinë.

Ndërsa ish-Presidenti Bujar Nishani deklaroi se nga Presidenti Ilir Meta nuk mori vetëm shqetësimet për Gjykatën Kushtetuese.

“Duan të marrin presidencën”, tha Nishani.

Kreu i shtetit do të vijojë edhe gjatë ditëve të ardhshme të takojë zyrtarë për çështjen e Kushtetueses./abcnews.al

background-1-1280x889.png
nev ila15:12 | 21/11/2019

Përmes një rezolute me 10 pika Partitë Popullore Europiane, forca kryesore politike në Parlamentin Europian i ka kërkuar maxhorancës dhe opozitës në Shqipëri të ulen në dialog për të zgjidhur krizën politike.

Në rezolutën e PPE-së apelohet edhe ngritja në një kohë sa më të shpejtë e Gjykatës Kushtetuese dhe Gjykatës së Lartë si nevojë për t’i dhënë përgjigje përfundimtare ccështjes së zgjedhjeve vendore të 30 qershorit.

Partitë Popullore Europiane i kërkojnë maxhorancës dhe opozitës në Shqipëri të ulen në dialog për zgjidhjen e krizës politike. Përmes një rezolute të miratuar në mënyrë unanime në Kongresin që po mbahet në Zagreb, PPE kërkoi që duke marrë parasysh rekomandimet e OSBE/ODIHR palët të ulen për miratimin e një Kodi të Ri Zgjedhor.

“Duke vlerësuar se Shqipëria po përballet me një krizë të thellë politike, nxit partinë në pushtet dhe opozitën në Shqipëri të ndërmarrin të gjitha përpjekjet për të tejkaluar menjëherë këtë krizë të thellë politike përmes dialogut. Risjellim në vëmendje se adoptimi konsensual nga partitë politike, i një reforme elektorale në përputhje me rekomandimet e OSBE-ODIHR që shtron rrugën drejt zgjedhjeve të lira dhe të ndershme, përfaqëson një kusht të rëndësishëm për të ardhmen e vendit dhe integrimin drejt BE-së”.

Ngërçi i krijuar në Gjykatën Kushtetuese sipas Partive Popullore Europiane duhet të zgjidhet sa më shpejt në mënyrë që të sqarohet në mënyrë përfundimtare çështja e zgjedhjeve vendore.

“Shprehim nevojën urgjente që Shqipëria të sigurojë funksionimin e duhur të Gjykatës Kushtetutese dhe Gjykatës së Lartë duke i plotësuar vendet e tyre me gjyqtarë; pret një vendim të shpejtë dhe final nga Gjykata Kushtetuese mbi legjitimitetin e zgjedhjeve vendore të 30 qershorit 2019. Nxisim Shqipërinë që të ngrejë Strukturën e specializuar për të luftuar korrupsionin dhe krimin e organizuar; bën thirrje për nisjen e procedimeve penale kundër gjyqtarëve dhe prokurorëve që janë akuzuar për vepra të ndëshkueshme nga procesi i vettingut”.

Mbështetjen për rezolutën e miratuar në Kongresin e PPE-ve u mbështet edhe nga kreu i demokratëve, Lulzim Basha.  Kryedemokrati thekson se Partitë Popullore theksuan se zgjidhja e krizës kalon përmes zgjedhjeve të lira dhe të ndershme.

Dhe kur vjen fjala te detyrimet, Basha tregon gadishmërinë e PD për të përmbushur çdo detyrim duke nisur me propozimet për reformën zgjedhore dhe miratimin e tyre, për ti hapur rrugën zgjedhjeve të lira dhe të ndershme./abcnews.al

75588232_2766330760084754_8156330215807647744_o.jpg
nev ila14:00 | 21/11/2019

Kryetari i partisë Demokratike Lulzim Basha, përmes një njoftimi në rrjetet sociale tha se, kriza po thellohet dhe se zgjidhja e vetme janë zgjedhjet e lira. Kreu i PD Basha ka bërë publike edhe rezolutën e kongresit të Partisë Popullore Europiane.

Sipas Rezolutës PPE nevojitet një zgjidhje urgjente për krizën politike aktuale në Shqipëri përmes dialogut dhe duke mbajtur parasysh rekomandimet e OSBE/ODIHR lidhur me reformën zgjedhore.

Gjithashtu PPE shpreh nevojën urgjente që Shqipëria të sigurojë funksionimin e duhur të Gjykatës Kushtetuese dhe Gjykatës së Lartë duke i plotësuar vendet e tyre si dhe të ngrejë sa më shpejt Strukturën e specializuar për të luftuar korrupsionin dhe krimin e organizuar.

Njoftimi i Bashës:

“Kriza sa vjen dhe thellohet, zgjidhja e vetme janë zgjedhjet e lira!

Mirënjohje Partisë Popullore Europiane për vëmendjen e veçantë ndaj Shqipërisë, përkrahjen për integrimin e vendit në BE dhe mesazhin se rruga e Shqipërisë drejt Europës kalon nga zgjidhja e krizës me zgjedhje të lira dhe të ndershme. PD dhe Opozita e Bashkuar është e përgatitur dhe e vendosur të permbushim çdo detyrim tonin duke nisur me propozimet për reformën zgjedhore dhe miratimin e tyre, për ti hapur rrugën zgjedhjeve të lira dhe të ndershme.

Më poshtë Rezoluta e Kongresit të Partisë Popullore Europiane:

• Duke mbajtur parasysh përfundimet e Këshillit Europian për Shqipërinë në 17-18 Tetor 2019 dhe Raportin e OSBE/ODIHR të 5 Shtator 2019;
• Duke njohur përkushtimin e fortë dhe të palëkundur të Partisë Demokratike të Shqipërisë (PDSH) për integrimin e Shqipërisë në Europë;
• Duke mbështetur angazhimin e BE për procesin e zgjerimit, mbi bazën e plotësimit të kritereve të anëtarësimit nga vendet aplikuese;
• Duke nënvizuar rolin mbështetës që luan procesi i integrimit për reformat, dhe duke mirëpritur përkrahjen që ky proces ka nga qytetarët e Shqipërisë;

Partia Popullore Europiane:

1. Duke vlerësuar se Shqipëria po përballet me një krizë të thellë politike, nxit partinë në pushtet dhe opozitën në Shqipëri të ndërmarrin të gjitha përpjekjet për të tejkaluar menjëherë këtë krizë të thellë politike përmes dialogut.

2. Risjell në vëmendje se adoptimi konsensual nga partitë politike, i një reforme elektorale në përputhje me rekomandimet e OSBE-ODIHR që shtron rrugën drejt zgjedhjeve të lira dhe të ndershme, përfaqëson një kusht të rëndësishëm për të ardhmen e vendit dhe integrimin drejt BE-së.

3. Duke rikujtuar theksin e përsëritur nga ana e OSBE/ODIHR, të rëndësisë që ka vullneti politik për të garantuar zbatimin e të gjitha kushteve për zgjedhje të lira dhe të ndershme, bën thirrje për zbatimin e reformës elektorale, në dobi të demokracisë dhe të funksionimit të institucioneve demokratike qendrore dhe lokale në Shqipëri.

4. Shpreh nevojën urgjente që Shqipëria të sigurojë funksionimin e duhur të Gjykatës Kushtetutese dhe Gjykatës së Lartë duke i plotësuar vendet e tyre me gjyqtarë; pret një vendim të shpejtë dhe final nga Gjykata Kushtetuese mbi legjitimitetin e zgjedhjeve vendore të 30 qershorit 2019.

5. Thekson se blerja e votave dhe përfshirja e krimit të organizuar në zgjedhje është e papranueshme për standartet europiane, dhe bën thirrje për rezultate të prekshme dhe në kohë të hetimit të suksesshëm të përgjegjësve, përfshirë dhe politikanët, zyrtarët e shtetit dhe grupet kriminale që janë përfshirë në blerjen e votës dhe krime të tjera elektorale gjatë zgjedhjeve.

6. Shpreh shqetësim të thellë për fenomenin e vazhdueshëm të personave me rekorde kriminale që kandidohen për poste në institucione apo emërohen si funksionarë publikë në shkelje të hapur të “Ligjit të Dekriminalizimit” dhe bën thirrje për zbatim pa ekuivoke të ligjit, dhe largimin nga detyra të zyrtarëve që e kanë shkelur atë.

7. Nxit Shqipërinë që të ngrejë Strukturën e specializuar për të luftuar korrupsionin dhe krimin e organizuar; bën thirrje për nisjen e procedimeve penale kundër gjyqtarëve dhe prokurorëve që janë akuzuar për vepra të ndëshkueshme nga procesi i vettingut.

8. Thekson domosdoshmërinë për rezultate bindëse në luftën kundër kultivitimit masiv dhe trafikimit të kanabisit dhe luftën kundër trafikut të drogës dhe pastrimit të parave; shpreh nevojën urgjente që Shqipëria të kryejë hetime aktive, ndjekje penale dhe dënime për korrupsion dhe krim të organizuar duke nisur dhe përfunduar procedime kundër të gjithë autorëve përfshirë dhe politikanë dhe zyrtarë të lartë.

9. Bën thirrje për progres të prekshëm në reformën e administratës publike, si një nga çështjet kyçe për Shqipërinë në rrugën e saj për integrimin në BE.

10. Mbështet Partinë Demokratike të Shqipërisë në përpjekjet e saj për të adresuar shqetësimet legjitime dhe aspiratën Europiane të popullit shqiptar“./abcnews.al

meta-palmer.jpg
nev ila10:53 | 21/11/2019

Presidenti, Ilir Meta, mësohet se ka zhvilluar ditën e mërkurë një telefonatë me të dërguarin e posaçëm të Departamentit të Shtetit për Ballkanin, Matthew Palmer.

Burimet për abcneës.al bëjnë me dije se në fokus të bisedimeve mes tyre kanë qenë përplasjet për emërimet në Gjykatën Kushtetuese dhe situata politike në Shqipëri si dhe betimi para presidentit të 8 porkurorëve të SPAK . Ndërkohë edhe Ambasada Amerikane ka konfirmuar telefonatën e brendshmë mes Metës dhe Palmer./abcnews.al

opozita-ne-presidence-1280x705.jpg
nev ila15:51 | 19/11/2019

Lulzim Basha preferoi të përdorte hyrjen kryesore të Presidencës, ndërkohë që përfaqësuesit e tjerë të opozitës mbërritën njëri pas tjetrit nga porta anësore e kreut të Shtetit.

Në takimin me dyer të mbyllura që zgjati për 90 minuta kreu i shtetit shprehu shqetësimin e tij lidhur me ngërçin e krijuar me emërimet në Gjykatën Kushtetuese.

“Manipulimi i procesit të emërimeve të anëtarëve të Gjykatës Kushtetuese, duke synuar kapjen e Gjykatës Kushtetuese përmes rrëmbimit të të drejtës kushtetuese të Presidentit të Republikës për të bërë emërimet e tij, është skandali më flagrant i Reformës në Drejtësi dhe shkeljes së Kushtetutës” sqaroi Presidenca në fund të takimit.

Grupi i punës që po punon për reformën zgjedhore, pritet të bëj publike fillimin e javës së ardhshme draftin final dhe ofertën kryesore të opozitës për reformën zgjedhore.

Si për të treguar se reforma zgjedhore është një kërkesë qendrore e ndërkombëtarëve, kreu i ambasadës së BE-së në Tiranë, Luigi Soreca zhvilloi edhe një takim 30 minutësh me kreun e demokratëve Basha.

Ditët e ardhshme opozita do të ketë gati produktin e saj të reformës, ndërkohë që OSBE pritet të jetë ndërmjetësues mes palëve për të shkrirë propozimet në një Kod të ri zgjedhor që të votohet brenda këtij viti në parlament./abcnews.al

lulzim-basha-3.jpg
ad min15:29 | 25/10/2019

OSBE përmes Sekretarit të Përgjithshëm të saj, Thomas Greminger pritet të jenë ndërmjetës mes palëve politike për miratimin e reformës zgjedhore. Lulzim Basha dhe aleatët e tij zhvilluan një takim paraditen e të premtes në selinë blu me Greminger, ku në fund të takimit Basha shprehu besimin se OSBE do të jap kontribut të rëndësishëm për krizën politike. Basha rikujtoi se kriza politike mund të zgjidhet përmes zgjedhjeve të parakohshme, ndërkohë që garantoi se dialogu me maxhorancën do të bëhet vetëm jashtë parlamentit. 

Sekretari i Përgjithshëm i OSBE, Thomas Greminger gëzon mbështetjen e aktorëve kryesore politike në Shqipëri për të qenë pikërisht ai ndërmjetësi për krizën politike.

Greminger zhvilloi një takim në selinë blu me kreun e opozitës, Lulzim Basha dhe aleatët e tij në koalicionin opozitar ku kryefjala ishin zgjedhjet. Mbështetjen e tij për të pasur Thomas Greminger si ndërmjetës për krizën, Lulzim Basha e shprehu edhe në fund të takimit.

Deri në momentin që Shqipëria do të ketë një parlament të ri të dalë nga zgjedhje të njohura nga opozita, dialogu mes socialistëve dhe demokratëve nuk do të zhvillohet në Kuvend.

Demokratët nuk do të marrin pjesë as në mbledhjet e Komisionit të Posaçëm të Reformës Zgjedhore, ndërkohë që produkti i grupit të ekspertëve të ngritur prej tyre duket se do të kaloj nga OSBE.

Brenda 30 ditëve Partia Demokratike dhe aleatët e saj do të përgatisin një draft për reformën zgjedhore me propozimet e tyre se ku duhet ndryshuar në Kodin Zgjedhor./ABC News Albania 

conte-1.jpg
ad min17:23 | 15/10/2019

Gjatë konferencës së përbahskët për shtyp mes kryeministrit shqiptar Edi Rama dhe atij italian, Giuseppe Conte, ky i fundit ka prekur edhe krizën politike në vend. Ai theksoi se Italia e ka në vëmendje se si Shqipëria do të zgjidhë krizën politike pasi kjo do të tregojë edhe sinjalin e pjekurisë politike dhe institucionale në vend.

Sipas Conte-s mazhoranca duhet t’i propozojë pozitës një platformë për qasjen e krizës. Ndërkohë në takimin që kryeministri italian do të zhvillojë me kreun e selisë blu, Lulzim Basha, tha se do t’i bëjë të ditur që dialogu mazhorancë-opozitë duhet të zhvillohet pa kushte.

“Një pjesë e diskutimit tonë u ndal edhe përsa i përket edhe në një bashkëpunim më të fortë ndaj luftës ndaj kriminalitetit. Vëmendja jonë është përqendruar edhe në aftësinë e Shqipërisë për të zgjidhur krizën e saj politike, dhe kjo do bëjë dhe një sinjal të pjekurisë politike dhe institucionale. Duke përfshirë këtu edhe atë përgjegjësi që qeveria dhe kryeministri Rama po e tregon dhe do vijojë ta tregojë. Mazhoranca dhe opozita kanë të dyja interes që ta zgjidhin këtë krizë në bazë të burimeve të tyre. Është e rëndësishme që mazhoranca t’i propozojë opozitës një platformë për të zgjidhur krizën dhe për të qasur një dialog më konstruktiv dhe unë do ta theksoj këtë dhe në takimet e tjera që ky dialog të zhvillohet më tej pa parakushte”, deklaroi kryeministri Conte.

Ndëtrkohë, kryeministri Conte theksoi se vendi i tij mbështet çeljen e negociatave për anëtarësim të Shqipërisë me BE-në./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono