kriza politike

dashamir-shehii.jpg
G. P.21:56 | 19/09/2019

Kreu i LZHK-së, Dashamir Shehi kërkon që opozita e bashkuar, t’i vendosë si kusht qeverisë për zgjidhjen e krizës, 9 kërkesat e Gjermanisë për çeljen e negociatave. Për ABC Neës, Shehi ka deklaruar se opozita nuk ka thirrur protesta, pasi nuk do t’i japë alibi mazhorancës për çeljen e negociatave, ndërkohë që thekson se i gjithë spektri opozitar duhet të punojë për zgjedhje të parakohshme.

Aleati i Partisë Demokratike, Dashamir Shehi do t’i propozojë koalicionit opozitar që në tryezë me mazhorancën të ulen me të gjitha kushtet që Gjermania pritet të vendosë për Shqipërinë për çeljen e negociatave.

I ftuar në studionin e ABC News, Shehi tha se kërkesat e Gjermanisë përmbushin plotësisht kërkesat e opozitës për hetim të krimeve zgjedhore dhe zhvillimin e zgjedhjeve të lira dhe të ndershme.

Kreu i LZHK-së thekson se opozita në çdo situatë do të pranonte vetëm opsionin e zgjedhjeve të parakohshme dhe largimin e Edi Ramës si kryeministër.

Shehi ka shpjeguar edhe arsyen përse opozita nuk ka thirrur protesta kombëtare, duke theksuar se faturën për një dështim të mundshëm për negociatat duhet ta mbajë vetëm mazhoranca.

Partitë opozitare kanë dakordësuar hartimin e një platformë për daljen nga kriza, të cilën pritet ta bëjnë publike edhe si ofertën  e tyre për mazhorancën, duke kërkuar një tryezë dialogu për zgjidhjen e ngërçit politik. /ABC News Albania 24/7

pakti-rama-basha.jpg
G. P.14:41 | 14/09/2019

Mundësia e një pakti të ri Rama-Basha, i nxitur nga ndërkombëtarët, trazoi jo pak politikën e brendshme këtë javë. Hapja e negociatave të anëtarësimit me kushte është opsioni që po artikulohet më qartë, e që mund të diktojë fort zhvillimet e ardhshme në vend. Ndjekim Mimoza Koçiun me Politika në ABC News./abcnews.al

173c772c-8624-11e9-b861-54ee436f9768-1280x720.jpg
nev ila11:02 | 30/08/2019

 

Giuzeppe Conte vazhdon ditën e dytë të takimeve me delegacionete partive në përpjekje për ti dhënë fund krizës politike që ka përfshirë Italinë. Mateo Salvini lideri i Legës i ka kërkuar presidentit Matarela që të cojë vendin në zgjedhje të parakohshme.

Është dita e dytë e konsultimeve për Giuzeppe Conte, në përpjekje për t’i dhënë fund krizës politike në Itali.

Mediat italiane raportojnë se mund të ketë surpriza për avokatin – kryeministër, i cili 14 muaj më parë nga një arbitër i palëve u kthye në një protagonist, të respektuar sidomos nga ndërkombëtarët.

I vetmi armik i një zgjidhjeje të situatës mbetet Mateo Salvini, i cili nuk kursen kritikat dhe akuzat ndaj mazhorancës së krijuar. Ministri i brendshëm në largim akuzoi Conten se është i blerë nga demokratët, dhe  refuzoi njëherë më shumë që të ulet në tryezën e bisedimeve në përpjekje për të krijuar një koalicion të ri qeverisës.

Nëpërmjet rrjeteve sociale Salvini i kërkoi kreut të shtetit Matarela që t’i jepte mandatin popullit Italian duke çuar vendin në zgjedhje të parakohshme.

Takimet e të premtes me Conten janë me delegacionet e partisë demokratike, lëvizjes me pesë yje, Forza Italia dhe Fratelli d’Italia./ABC News Albania 24/7

ITALI-NEGOCIATAT_ABC-M4-T2.mpg_snapshot_00.14-1280x720.jpg
ent ela20:30 | 26/08/2019

Lëvizja 5 Yjet dhe Partia Demokratike në Itali duket se kanë përafruar qëndrimet me qëllim formimin e një koalicioni të ri qeverisës. Një marrëveshje mes tyre do të shmangte shkuarjen e vendit në zgjedhje të parakohshme, një opsion ky i kërkuar nga ekstremistët e Ligës së Veriut.

Një marrëveshje për formimin e qeverisë mes Lëvizjes 5 Yjet dhe Partisë Demokratike në Itali u duk më e mundur të hënën, pasi PD njoftoi se kishte hequr dorë nga vetoja ndaj kthimit të Xhuzepe Kontes në postin e kryeministrit. Konte, i cili nuk i përket asnjë partie, dha dorëheqjen javën e kaluar. Riaktivizimi i tij, me insistim të partisë anti-sistem 5 Yjet por me refuzim të partisë së qendrës së majtë, ishte kthyer në pengesën kryesore për një marrëveshje mes dy palëve, tradicionalisht armiqësore me njëra-tjetrën.

“Nuk ka veto, ajo që ne duam është të bisedojmë”, deklaroi kryetari i PD-së në Senat, Andrea Markuçi kur u pyet nga gazetarët në lidhje me bllokimin e figurës së Kontes. Ndërkohë, krerët e Lëvizjes 5 Yjet u takuan në një apartament në qendër të Romës për të vendosur mbi përgjigjen e tyre. Lëvizja është e ndarë në disa fraksione, disa prej të cilave janë në favor të një marrëveshjeje me demokratët dhe disa të tjera që vlerësojnë se një bashkëpunim i tillë do të copëtonte imazhin anti-sistem të partisë dhe do të çonte në rënien e mbështetjes në radhët e elektoratit. Dorëheqja e kryeministrit Konte javën e kaluar erdhi pasi partia e ekstremit të djathtë, Liga e Veriut, që synon të kapitalizojë mbështetjen në rritje të shprehur për të në sondazhe, e deklaroi koalicionin qeverisës me 5 Yjet “të vdekur” dhe kërkoi mbajtjen e zgjedhjeve të parakohshme. /ABC News Albania 24/7

RAMA-PER-TATRIN-DHE-EKONOMINE.mpg_snapshot_00.02-1280x720.jpg
ent ela17:50 | 30/07/2019

Edi Rama zhvilloi sot konferencën e fundit të sesionit me gazetarët, ku tha se nuk do të humbasë kohë për t’ju lutur opozitës për dialog, por do të vazhdojë të qeverisë vendin. Kryeministri u shpreh i gatshëm për dialog, vetëm për reformën zgjedhore, ndërsa foli edhe për marrëdhëniet me BE-në, Greqinë dhe Ramush Haradinajn.

Kryeministri thotë se nuk do të harxhojë energji për t’ju lutur opozitës. Nëse nuk reflektojnë, kreu i mazhorancës ju tregon rivalëve se çfarë i pret.

Vetë thotë se nuk është komod që nuk ka një opozitë funksionale. Edi Rama i sheh të bashkuar dhe një lloj me keqardhje, si Lulzim Bashën, ashtu edhe Ilir Metën.

Me ironi përcjell dhe shqetësimin e Presidentit për një tërmet të rrezikshëm. Kryeministri nuk është optimist se Shqipëria mund të hapë negociatat në tetor.

Për herë të parë, Edi Rama shpjegon se pse nuk komentoi dorëheqjen e Ramush Haradinajt si kryeministër. Një përgjigje patriotike kryeministri e ka për eksponentë të qeverisë së re greke, që e konsiderojnë me prejardhje helene.  /ABC News Albania 24/7

 

 

 

AMBASADORJA-FRANCEZE-KORCE_ABC-M2-T1.mpg_snapshot_00.22-1280x720.jpg
ent ela12:00 | 27/07/2019

“Shqipëria është futur në një krizë politike dhe të gjitha palët duhet të jenë në kërkim të një zgjidhje të arsyeshme”.Kjo është deklarata e bërë nga ambasadorja franceze Christine Vasac gjatë një aktiviteti në Korçë.

Ambasadorja franceze Christine Vasac nga Korça ka komentuar situatën politike në vend.

Në një deklaratë për mediat, diplomatja tha se vendi është në krizë dhe shpreson që të gjitha palët janë duke kërkuar një zgjidhje.

“Nuk mund ta fsheh, të gjithë e dimë që situata është e tillë, jemi në një krizë politike, nuk kam asnjë dyshim që në të gjitha anët dhe nivelet ka njerëz të arsyeshëm që janë duke kërkuar një zgjidhje.

Ju e dini mire që nuk është një diplomat i huaj që t’i japë një zgjidhje kësaj situate, por njerëzit e këtij vendi meritojnë një zgjidhje të arsyeshme”.

Për integrimin e Shqipërisë në BE ambasadorja franceze u shpreh se ka ende kohë deri në muajin tetor dhe deri atëherë mund të ketë shumë ndryshime.

“Ju duhet të dini dhe vetë populli shqiptar duhet të jetë i qartë nëse është gati për Bashkim Europian. Politika është gjithashtu, të gjithë njerëzit, ju po me drejtoni pyetjen mbi qëndrimin e Hollandës dhe Gjermanisë, nuk di t’u them, por edhe me Francën nuk di t’u them dçka, por nuk është diçka e mbyllur.

Nuk ka diçka të mbyllur, sepse ka ende kohe deri në muajin tetor dhe mund të ndodhin shumë gjëra deri në tetor”.

Këto deklarata ambasadorja franceze i bëri gjatë ekspozitës së fotografit Roland Tasho, “Notre-Dame, një vështrim fotografik” në pedonalen e qytetit të Korçës. /ABC news Albania 24/7

ilir-meta.jpg
G. P.19:17 | 26/07/2019

Presidenti Meta i kërkon zyrtarisht OSBE-së që të ndërmjetësojë krizën në Shqipëri. Përmes një letre zyrtare drejtuar kryesuesit të radhës Lajçak dhe sekretarit të përgjithshëm Greminger, kreu i shtetit thotë se zgjidhja për këtë situatë është mbajtja e zgjedhjeve të lira, të ndershme e gjithëpërfshirëse.

Presidenti i Republikës i kërkon OSBE-së, të ndërmjetësojë për atë që e quan krizë institucionale dhe përfaqësuese e vendit tonë, teksa përgatitet të marrë kryesimin e Organizatës për Siguri dhe Bashkëpunim në Europë, në Janar të vitit 2020.

Kërkesa është bërë përmes një letre zyrtare drejtuar kryesuesit të radhës të OSBE, ministrit të jashtëm të Sllovakisë Miroslav Lajçak dhe sekretarit të përgjithshëm Tomas Greminger, të cilët kreu i shtetit i ka takuar gjatë vizitave të tyre në Tiranë në qershor e korrik.

“Do të doja t’i kërkoja zyrtarisht OSBE-së që të ndërmjetësojë një dialog politik gjithëpërfshirës në Shqipëri, me qëllim arritjen e një zgjidhje të gjithanshme, e cila të parandalojë përshkallëzimin e mëtejshëm e krizës aktuale politike, institucionale dhe sociale në vend. OSBE-ja është institucioni i duhur për ta ndihmuar Shqipërinë në këto çaste kritike”.

Meta nënvizon nevojën për arritjen e një zgjidhje të gjithanshme, e cila të parandalojë përshkallëzimin e mëtejshëm e krizës aktuale politike, institucionale dhe sociale në vend.

“Shqipëria aktualisht po përjeton një situatë të rrezikshme dhe të pashembullt politike, ku shumica qeverisëse në pushtet kërkon të shtijë në dorë politikisht të gjitha institucionet e kontrollit dhe balancimit të pushtetit, ndërsa opozita kërkon delegjitimitetin e institucioneve”

Kreu i shtetit e ka edhe zgjidhjen për këtë situatë, përshkallëzimi i të cilës sipas tij, ka gjasa të ndikojë negativisht në procesin e integrimit të Shqipërisë në Bashkimin Evropian por edhe stabilitetin e Ballkanit Perëndimor e më gjerë.

“Zgjidhja e vetme e kësaj krize është mbajtja e zgjedhjeve të lira, të ndershme dhe gjithëpërfshirëse, gjithashtu të domosdoshme për kredencialet demokratike të Shqipërisë, të cilës i është besuar kryesimi i ardhshëm i OSBE.”

Kreu i shtetit shpreh bindjen se OSBE-ja mundet dhe duhet të luajë një rol më aktiv në këto çaste kritike./ABC News Albania 24/7

66475977_2369841156395477_6521085541717377024_o-1280x807.jpg
Sej rie13:40 | 11/07/2019

Situata aktuale në Shqipëri dhe kriza kushtetuese e institucionale ishte në qendër të takimit që presidenti Ilir Meta pati sot me delegacionin e komitetit Hebreo-amerikan ne qendër në Nju Jork.

Gjatë takimit, Meta e njohu kreun e këtij komiteti Dejvid Harris, edhe me zgjidhjen që ka ofruar për t’i dhënë fund krizës, që sipas tij është dekreti i 13 tetorit për zgjedhjet vendore, parlamentare dhe të Presidentit nga populli.

“I vetmi ilaç që shëron vendin nga kjo krizë e thellë përfaqësimi dhe legjitimiteti është vetëm respektimi i votës së lirë dhe direkt të të gjithë qytetarëve shqiptarë, dhe pranimi i verdiktit të tyre final nga të gjithë ne”, – u shpreh kreu i shtetit.

Nga ana e tij, Harris ofroi mbështetje për të rritur rolin e diasporës shqiptare në SHBA, me qëllim ndikimin në politikën dhe administratën amerikane./ABC News Albania 24/7

iliri-1280x607.jpg
nev ila11:28 | 02/07/2019

Kreu i Shtetit Ilir Meta ka folur me tone të forta sot në konferencën për shtyp, duke dhënë mesazhe direkte për kryeministrin Edi Rama, madje edhe George Sorosin.

Duke i kujtuar se tashmë mesazhi për kryeministrin është “Edi thellohu”, ai ka folur hapur duke deklaruar se ai nuk është i rracës së Gruevskit, por i Avni Rustemit.

“Unë dhe shqiptarët do ta mbrojnë vendin nga ata miliarderë që u duket Shqipëria një mizë lisi që mund të tallen si të duan. Kam dy fjalë për miliarderin Soros, ju uroj jetë të gjatë, suksese dhe të birit që vjen shpesh në Shqipëri, ti gëzojë miliardat, Ilir Meta nuk është i racës së Gruevskit është presidenti i vendit dhe i del për zot vendit,

Jam i racës së tipit Avni Rustemi, Mic Sokolit, Vojo Kushi.

Jam  i gatshëm të bëj testin e shëndetit mendor dhe pas kësaj krize duhet të vëmë në kushtetutë testin e shëndetit mendor dhe jam gati të bëj edhe testin e drogës, kurse për testin e shqiptarit, e dinë mirë ata që e kam bërë, e do ta bëj në çdo kohë”, deklaroi presidenti Meta./abcnews.al

Business-Forum-with-GCD-51-1280x854.jpg
nev ila10:30 | 22/06/2019

Drejtori Ekzekutiv i Dhomës Amerikane të Tregtisë, Ilir Trimi, tha se bizneset që ushtrojnë aktivitet në Shqipëri janë të shqetësuara dhe të frustruara nga kriza politike. “Çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”. Askush nuk do të investojë apo të ndërmarrë hapa biznesi në një vend ku risku politik dhe ai ekonomik, është i lartë…

A janë stresuar kompanitë e Dhomës Amerikane të Tregtisë që ushtrojnë aktivitet në vendin tonë nga thellimi i krizës në vend?

Pyetja vjen pas një deklarate të Dhomës Amerikane, DIHA dhe ICC Albania e cila vendosi theksin pikërisht te shqetësimi dhe frustimi i bizneseve në vend, për shkak të situatës së rënduar politike. Pra, përgjigjja është po. Bizneset jetojnë nën presionin dhe pasigurinë që klima politike reflekton në ekonominë shqiptare. Bizneset janë në raporte të vazhdueshme pune me homologë në rajon dhe jashtë vendit, të cilët kufizohen për të punuar me një vend ku zhvillohen kriza politike.

Për fatin e keq, situata politike, nuk është çështje emergjente e javës së fundit. Ky tension politik vazhdon prej kohësh dhe nuk po përmirësohet. Nuk është e rastit që në Indeksin e Biznesit që Dhoma e publikoi në prill 2019, një nga indikatorët më të përkeqësuar ishte “Klima e brendshme politike”. Mund të them se ky indikator kishte pësuar një përkeqësim me -3.02% në raport me një vit më parë, çfarë reflektoi shqetësimin e anëtarëve të Dhomës Amerikane për klimën ku po punojnë. Me këtë përgjigje ata adresuan qartë problemin që vjen nga konflikti politik dhe që shkakton pasiguri tek ata por dhe te komuniteti i biznesit.

Nga takimet tona me organizata homologe, ne kuptuam se dhe anëtarët e tyre ndajnë të njëjtin opinion dhe kjo na çoi në një deklaratë të përbashkët drejtuar së gjithë politikës shqiptare, opozitës, por dhe qeverisë. Përmes kësaj deklarate, ne u bëmë thirrje të gjithë forcave politike se kanë detyrimin ligjor dhe moral të punojnë dhe të gjejmë një zgjidhje për të mos e lënë Shqipërinë të humbasë shanset e veta, disa prej të cilave vijnë pikërisht nga bizneset që orientojnë zhvillime ekonomike dhe ata që pritet të vijnë në vend.

Nëse kriza zgjat, a ndikon kjo në vendimet e investitorëve për të mos u zgjeruar më tej në Shqipëri ose, në rastin më të keq, për t’u tërhequr nga vendi ynë?

Pikërisht, këtë po thosha. Ne e theksuam edhe në deklaratën publike që bëmë se “çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”. Askush nuk do të investojë apo të ndërmarrë hapa biznesi në një vend ku risku politik dhe ai ekonomik është i lartë. Investitorët, bëjnë një analizë të hollësishme kur i drejtohen një vendi, duke kontrolluar të gjithë faktorët makroekonomikë, politikat fiskale, fuqinë punëtore dhe sistemin e drejtësisë. Ndërsa jemi duke punuar shumë për të stabilizuar parametra optimalë që e bëjnë vendin interesant, kemi përpjekje të forta për të krijuar tregje dhe siguri rajonale, të përballësh një investitor me një situatë politike që nuk garanton stabilitet, sigurisht që është e dëmshme.

Në cilin drejtim po e cenon më së shumti kriza ekonomike aktivitetin e biznesit?

Turizmi është i pari që e reflekton këtë fenomen. Nga statistikat duket se ka rënë fluksi i turistëve të huaj. Operatorët turistikë ankohen se turistët e huaj, shqetësohen nga situata dhe kanë tendencën të anulojnë rezervimet. Vera sapo ka filluar dhe kjo do të ndihet shumë nga një sektor që tenton të bëhet vital për vendin dhe ku punësohen gjatë sezonit me mijëra punonjës, të cilët shërbejnë jo vetëm në ambientet akomoduese, por dhe në sektorin e tregtisë, shërbimeve etj. Edhe sektorët e tjerë që lidhin kontrata pune me biznese homologe siç mund të jenë fasoni, eksportet, rrezikojnë shumë nga kjo situatë.

Sektorët e rëndësishëm si energjia, infrastrukturat, apo minierat, që pritet të bëhen të tilla falë investimeve strategjike në to, rrezikohen më shumë. Sikurse e thashë dhe më parë, asnjë investitor strategjik nuk vjen të investojë miliona euro në një vend, ku protestat ndonjëherë edhe të dhunshme, synojnë të largojnë një qeveri e cila ju ka dërguar ftesën për të investuar.

Ndërsa po shikojmë me mjaft interes dhe po përgatisim komentet tona, për ligjin e unifikuar të investimeve, i cili u jep përparësi investimeve vendase krahas dhe atyre të huaja, kuptojmë se më parë duhet të gjithë bashkë të influencojmë që kjo situatë e rënduar të përfundojë në favor të shqiptarëve, ekonomisë së tyre dhe potencialeve që ofron ky vend. Ne kemi besim se forcat politike, do të gjejnë një zgjidhje për të dalë nga kjo situatë dhe ecuria e reformës dhe një sistem drejtësie i konsoliduar do të jenë një bazë e qëndrueshme për investitorët e huaj dhe zhvillimet në ekonominë e vendit./monitor


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono