kriza financiare

KREDIA-GREKE-1280x720.jpg
ent ela15:35 | 23/06/2018

Përfundimin e monitorimit të trojkës për Greqinë, vendosur nga ministrat e Financës së vendeve anëtare të Bashkimit Europian, kryeministri grek Tsipras e konsideroi një marrëveshje historike dhe një fillim të ri për vendin.

Kryeministri i Greqisë Aleksis Tsipras ka përshëndetur marrëveshjen historike të arritur nga eurogrupi, sipas së cilës Greqia mund të lehtësojë kredinë e saj ndaj vendeve të zonës euro dhe të marrë një kredi të re prej 15 miliard eurosh. Një shumë që do e lejojë të jetë e pavarur për dy vjet.

Pas bisedës me presidentin grek Pavlopulos, ku e informoi për marrëveshjen e arritur në Luksemburg, kreu i ekzekutivit grek u shpreh se tashmë po hapej një kapitull i ri për Greqinë, port ë gjithë duhet të tregohen të kujdesshëm për të mos shkatërruar progresin e arritur falë reformave.

Kryeministri grek theksoi se marrëveshja në fjalë, ishte dhe një lloj borxhi moral i europianëve ndaj popullit grek I cili ka vuajtur për tetë vjet. Ai shpjegoi se do të respektohen gjithnjë objektivat e buxhetit por I takon qeverisë greke të vendosë se si do I arrijë, dhe ky është një ndryshim i madh.

Sipas tij në vitet e ardhshme Greqia do ketë të gjitha mjetet e duhura për tu përqendruar në rritjen ekonomike pa ankthin e kredisë. Tsipras premtoi për përfundimin e pasigurisë dhe një rikthim në normalitet për popullin grek.

Nga ana e tij Presidenti i Komisionit Europian Zhan Klod Junker u shpreh se do të luftonte gjithnjë për Greqinë në mënyrë që vendi të qëndrojë në zemmër të europës. Gjithashtu ai lavdëroi popullin grek për aftësitë për t’u rimëkëmbur.

Ministrat e financës së vendeve anëtare të bashkimit europian, pas një mbledhjeje që zgjati më shumë se gjashtë orë në Bruksel, vendosën që t’i japin fund monitorimit të Trojkës pas tre planesh shpëtimi dhe ndihmash për Greqinë. Në tetë vjet vendi ka marrë më shumë se 273 miliardë euro kredi në tre programe të ndryshme ndihmash. /abcnews.al

SEJKO-PER-STATISTIKAT-1280x720.jpg
G. P.16:22 | 13/06/2018

Banka e Shqipërisë në bashkëpunim me Bankën Qendrore Evropiane organizuan seminarin rajonal në fushën e statistikave të bankës qendrore. Guvernatori i Bankës së Shqipërisë, Gent Sejko, tha se kriza financiare ka rritur presionin për të siguruar statistika më cilësore dhe të besueshme. Sipas tij, zhvillimi i shpejtë i tregjeve financiare kërkon që statistikat të ecin me të njëjtin hap.

Statistikat e publikuara shpeshherë kontestohen edhe kur ato janë përllogaritur nga një institucionin i specializuar. Është ky një nga qëlllimet e organizimit të seminarit rajonal në fushën e statistikave të bankës qendrore organizuar nga Banka e Shqipërisë në bashkëpunim me Bankën Qendrore Evropiane.

Të dhënat e besueshme, të mjaftueshme dhe të ofruara në kohë, janë element i domosdoshëm për vendimmarrje sa më të mirë theksoi guvernatori Gent Sejko.

“Me zhvillimin e ekonomive, tregjeve dhe institucioneve, rritet edhe presioni mbi statistikat për të “ndjekur kahun dhe ritmin” e këtij zhvillimi. Shfaqja e të ashtuquajturit “hendek informacioni” është e pashmangshme në një botë që ndryshon me ritme të shpejta; megjithatë, detyra jonë si agjenci statistikore është të rrisim përpjekjet për ta mbyllur atë sa më shpejt”.

Guvernatori i Bankës së Shqipërisë tha se sot nevojitet që të jemi të informuar dhe t’i analizojmë të dhënat ekonomike në dimensione të ndryshme.Për këtë qëllim, Banka e Shqipërisë ka punuar në disa dimensione për pasurimin dhe përmirësimin e informacionit statistikor.

“Statistikat moderne nuk perceptohen pa mbështetjen e fuqishme të teknologjisë së informacionit për mbledhjen, hartimin dhe shpërndarjen e tyre. Në këtë drejtim, Banka e Shqipërisë, gjatë vitit 2017, ka përfunduar përfshirjen e të gjitha subjekteve raportuese pranë BSH-së në Sistemin Elektronik të Raportimit Rregullator.”

Sipas guvernatorit Sejko, bashkërendimi ndërinstitucional është çelësi i suksesit për prodhimin e të dhënave statistikore shumë dimensionale. Ai theksoi rëndësinë e bashkëpunimit midis Bankës së Shqipërisë dhe INSTAT, i cili deri tani tha Guvernatori i Bankës së Shqipërisë ka rezultuar mjaft i suksesshëm./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono