kristaq leci

ARTAN-CUKU-JAMBELLI-1280x720.jpg
ad min10:14 | 31/10/2019

Dështon nisja e procesit gjyqësor për vrasjen e ish-komisarit Artan Cuku. Shkak është bërë mos marrja dijeni e dy të pandehurve për nisjen e procesit, Bledar Jamblelli dhe Krsitaq Leci, të cilët janë liruar nga autoritetet greke. Avokati i familjes Cuku ka bërë akuza të forta në Gjykatë duke i cilësuar kriminale flete-thirrjet e policisë që i kërkonte dy të pandehurit në banesat e tyre.

Dështoi nisja e procesit gjyqësorë për Bledar Jambellin dhe Kristaq Lecin pas një vit pezullimi, tëgjykimit për vrasjen e Kryekomisarit Artan Cuku. Shkak për dështimin e seancës është bërë mos marrja dijeni e dy të pandehurve për nisjen e procesit gjyqësor në Shqipëri.

Gjithashtu në seancë mungonte edhe avokati i Bledar Jambellit, Petrit Isamili pasi ishte me raport mjekësor. Trupa gjykuese e kryesuar nga Flora Hajredini relatoi një sërë shkresash që ishin bërë nga ana e Policisë Fier dhe Berat për arrestimin e dy të pandehurve, por pa rezultate konkrete.

Babai i Jambellit, Idajet Muho, ka firmosur fletëthirrjen për marrjen dijeni për nisjen e procesit gjyqësor, por është shprehur se nuk ka dijeni ku ndodhet Bledar Jambelli ose Rikardo Muho. Prokurori i çështjes Behar Dibra relatoi se është njoftuar nga Prokuroria e Përgjithshme se në 10 Korrik 2019 Bledar Jambelli është liruar nga Gjykata Supreme greke, me argumentin se i rrezikohej jeta, pasi ka ai mbiemër minoritar.

Sipas Prokurorit po në 15 Tetor 2019 është njoftuar nga Prokuroria e Përgjithshme se është liruar edhe bashkëpuntori i Jambellit, Kristaq Leci. Këshilli i Lartë i Porkurorisë në Athinë e ka rrëzuar kërkesën e drejtësisë shqiptare me argumentin se nuk ka pasur prova dhe fakte bindëse për të ekstraduar të dyshuarin drejt vendit tonë.

Ndërsa avokati i familjarëve të viktimës Neshat Fana debatoi ashpër në seancë me gjykatën pasi i quajti qesharake dhe kriminale fletëthirrjet dhe shkresat e policisë të cilët i kërkonin dy të pandehurit në banesat e tyre.

Sipas avokatit, shteti ynë ka dështuar pasi për dy të pandehur janë bërë procese gjyqësore më dëshmitarë të rreme duke i quajtur gjykatat shqiptare të Korruptuara dhe se këtë nuk mund të vendosej drejtësi.

Avokati Fana i mëshoi faktit se është e habitshëm që gjykata nuk ka dijeni, për lirimin e Bledar Jambellit dhe Kristaq Lecit pasi janë bërë kronika në media, duke ju referuar se fundmi edhe ABC Neës, pasi vetëm pak ditë më parë bëri një lajm ku shpjegonte se Kristaq Leci ose Gerti Kajo është lënë i lirë, nga autoritetet greke.

Sipas informacioneve të bëra publike  dhe hetimeve të prokurorisë, thuhet se Leci ka informuar Mikel Shallarin për lëvizjet e kryekomisarit Cukut. Mikel Shallari mbrëmjen e 8 Prillit 2017 ekzekutoi poshtë banesës së tij Kryekomisarin Artan Cuku. Shallari ka rrëfyer në Gjykatën e Krimeve të Rënda të gjithë ngjarjen e plotë duke zbuluar edhe emrin e porositësit që është Bledar Jambelli i cili është larguar nga Shqipëria menjëherë pas vrasjes së Cukut./ABC News Albania

ARTAN-CUKU-JAMBELLI-1280x720.jpg
ad min17:42 | 22/10/2019

Gjykata greke ka liruar bashkëpunëtorin e vrasjes se ish-kryekomisarit Artan Cuku.

Kristaq Leci u arrestua në Greqi më datë 12 gusht me kërkesë të autoriteteve tona, por për arsye ende të paqarta u lirua ndërkohë që duhej të sillej në Shqipëri për t’u përballur me drejtësinë për akuzat ndaj tij.

Më parë, Greqia kishte refuzuar ekstradimin drejt vendit tonë të Kristaq Lecit, i dyshuar si bashkëpunëtor në vrasjen e ish-kryekomisarit Artan Cuku më 8 prill të 2017-s, ndërsa mbetet ende i paqarta shkaku që çoi në lirimin e tij.

“Abc News” kontaktoi me Ministrinë e Drejtësisë duke kërkuar informacion në lidhje me rrethanat që çuan në lirimin e Lecit, por si përgjigje mori vetëm heshtjen.

Zëdhënësja e ministrisë e kontaktuar zyrtarisht nga “ABC News” u shpreh se do të interesohej, por më pas nuk iu përgjigj interesin tonë.

Më herët Gjykata e Lartë greke kishte refuzuar edhe ekstradimin e Bledar Jambellit me argumentin se në vendin tonë i rrezikohej jeta, duke e lënë më pas të lirë.

Sipas hetimeve të prokurorisë shqiptare kjo vrasje është porositur nga Bledar Jambelli, një person që ishte arrestuar më parë nga komisari Cuku.

Pikërisht ky arrestim dyshohet të ketë qenë edhe shkaku për urdhërimin e vrasjes se ish-drejtorit të policisë, në shenjë hakmarrjeje. Ndërkohë në Gjykatën e Krimeve të Rënda është vendosur data 31 tetor për nisjen e procesit gjyqësor për Bledar Janbellin.

Kristaq Leci,  dyshohet si bashkëpunëtori i Mikel Shallarit në ekzekutimin e drejtuesit të lartë të policisë Artan Cuku pranë banesës së tij në Tiranë.

Kristaq Leci, sipas informacioneve të bëra publike  dhe hetimeve të prokurorisë, thuhet se ka qenë ai që ka informuar Mikel Shallarin për lëvizjet e komisar Cukut.

Leci gjithashtu njihej edhe me emrin Gerti Kajo.

Komisari Artan Cuku u ekzekutua nga Mikel Shallari i cili ka rrëfyer në gjykatën e krimeve të rënda të gjithë ngjarjen e plotë duke zbuluar edhe emrin e porositësit. Bledar Janbelli ishte larguar nga Shqipëria menjëherë pas vrasjes se Cukut. /abcnews.al

mikel-shallari.jpg
ad min18:55 | 21/05/2018

Prokuroria për Krimet e Rënda mbyll hetimet për Mikel Shallarin, të akuzuar për vrasjen e komisarit Artan Cuku. Këtë javë, gjykata do të miratojë kërkesën e prokurorisë për ligjërimin e statusit të bashkëpunëtorit të drejtësisë për të. Në rast pranimi, 24-vjeçari që ka pranuar vrasjen e babait të dy fëmijëve, i shpëton burgut përjetë. 

Prokuroria për Krimet e Rënda ka përfunduar hetimet për Mikel Shallarin, 24-vjeçarin nga Kuçova, të dyshuar si ekzekutorin e ish-shefit të Policisë së Vlorës, Artan Cuku. Shallari akuzohet për veprën penale të “vrasjes së punonjëse të Policisë së Shtetit”, të kryer mbrëmjen e 8 Prillit 2017 në Tiranë, vepër për të cilën Kodi Penal parashikon një dënim nga 30 vjet deri në burgim të përjetshëm. Por gjasat janë që ai të dënohet shumë më pak se aq.

Pas arrestimit, Mikel Shallari shfaqi pendesë. Ai pranoi autorësinë e krimit dhe bashkëpunoi me prokurorinë duke rrëfyer emrat personave që e rekrutuan, punësuan dhe paguan për vrasjen e ish-zyrtarit të lartë të policisë.

Burime pranë Krimet e Rënda bënë me dije për ABC News se bazuar në ndryshimet që ka pësuar Kodi i Procedurës Penale, ditët e fundit Prokuroria i ka kërkuar gjykatës të ligjërojë këtë marrëveshje bashkëpunimit me drejtësinë. Kjo kërkesë pritet të shqyrtohet ditën e enjte.

Në rast miratimi të marrëveshjes nga gjykata, Shallari shmang përfundimisht rrezikun e dënimit përjetë. Burime jozyrtare konfirmuan se prokuroria kërkon një masë dënimi 10 vjet burg në marrëveshjen paraprake mes Shallarit dhe organit të akuzës.

Do të jetë gjykata, ajo që do të vlerësojë marrëveshjen dhe masën e dënimit për 24-vjeçarin.

Nga ana tjetër, familjarët e ish-drejtuesit të lartë të policisë të vrarë për shkak të detyrës, të cilët janë palë në hetim si të dëmtuar nga ngjarja, kanë kundështuar propozimin e prokurorisë, pretendim ky që do të shqyrtohet nga gjykata.

Sipas prokurorisë, komisari Artan Cuku u vra për shkak të shkak të detyrës së tij në Policinë e Shtetit. Ai ka qenë në krye të Policisë së Vlorës në vitin 2012, kur ka arrestuar Bledar Jambellin, si person të dyshuar për një vrasje të ndodhur në qytetin bregdetar. Jambelli fitoi lirinë disa muaj më vonë, por duket se la hapur konfliktin me Cukun.

Dosja penale në ngarkim të Jambellit dhe Kristaq Lecit, të akuzuar si të  përfshirë në këtë ngjarje është veçuar nga Krimet e Rënda, pasi hetimet janë në vazhdim. Ata janë shpallur në kërkim ndërkombëtar, ndërsa fotot e tyre gjenden në kategorinë “wanted” të Interpolit. Kërkimet policore të deritanishme për vendodhjen e tyre kanë rezultuar të pasuksesshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono