krimi

basha111-1280x720.jpg
ent ela14:01 | 13/06/2019

Ndërkohë që parlamenti po vijon mocionin për dekretin e Presidentit Meta për shfuqizimin  zgjedhjeve të 30 qershorit, Kryetari i Partisë Demokratike Lulzim Basha në një bashkëbisedim me gazetarët tha se Shqipëria është në kushtet e grushtit të shtetit dhe nuk ka më pikë dyshimi që Edi Rama dhe bandat e krimit asgjësuan procesin zgjedhor të 2017-ës.

“Kjo konferencë në kuadër të kushteve të grushtit të shtetit. Tashmë nuk ka asnjë iluzion e pikë dyshimi se zgjedhjet e 2017 u diktuan nga krimi i organizuar, paratë e pista të drogës, kërcënimi masiv dhe satazhimi i votuesve shitblerja e votës, nga Avdulajt në Shijak te Shullazët në Tiranë, nga Bajrat në Shkodër te Habilajt në Vlorë, ku anembanë Shqipërisë rrjetet kriminale të cilësuara si të tilla mbi luftën kundër trafikut të drogës e parave të pista këto rrjet kriminale përmes një skeme dy vite më parë të mirëmneduar të Edi Ramës asgjësuan procesin zgjedhor 2017.

Raporti i ministrave teknikë i publikuar në fund të korrikut 17 zbuloi shkallën masive të vjedhjes së votës, raporti i OSBE ODIHR e cilëosi shitblerjen e votës problemin nr. 1 në Shqipëri .

Prokuroria e kapur nga Rama fjeti mbi dosjet 339 dhe 184 për të mbrojtur kriminelet e kapur në flagrancë duke bashkëpunuar me Gjiknurin, Dakon Tahirin, Ballën, Ndreun, Sterkajn me një duzinë zyrtarësh të lartë të PS përfshirë Ulsi Manjan dhe Xhemal Qefalinë, kjo shkallë masive e sistematike e kërcënimit të votuesve ishte shkaku i vetëm për rezultatin paradoksal të 2017 dhe kriminal të Ramës”.

Sipas Bashës bashkëpunimi i Ramës me rrjetet kriminale nuk nis në pranverën e 2017-ës, por qëkur Rama ishte në krye të Bashkisë së Tiranës.

“Bashkëpunimi i Ramës me rrjetet kriminale nuk nis në pranverën e 2017-ës. Të gjithë e mbajnë mend që Rama në 2015 kandidoi në Bashki njerëz të kërkuar nga Elvis Roshi te Artur Bushi, Termet Peçi e Klement Bardhi.

Rama e nisi bashkëpunimin me bandat e krimit që kur ishte në krye të bashkisë së Tiranës. Tiranës nuk iu dha kurrë një plan i përgjithshëm urban me qëllimin që Rama të ishte vetë ali e vetë kadi dhe të vendoste ku do ndërtohej e si do ndërtohej. Këto vite dëshmuan aleancën me krimin”. /abcnews.al

 

pranga-1.jpg
ad min08:15 | 21/05/2019

Observatori i Shoqërisë Civile Kundër Krimit të Organizuar: “Ballkani ka ende punë për të bërë. Sidomos kur vjen fjala tek lufta kundër krimit të organizuar në rajon, i cili ndryshe nga politika bën bashkë të gjithë grupet kriminale, pa dallim kombësie”.

Observatori i Shoqërisë Civile Kundër Krimit të Organizuar në Evropën Juglindore, si pjesë e Iniciativës Globale Kundër Krimit të Organizuar Ndërkombëtar, publikoi të hënën (20.05) në Vjenë raportin me të dhënat e mbledhura nga 20 ekspertë dhe gazetarë vendas nga shoqëria civile në Shqipëri, Bosnjë Hercegovinë, Kosovë, Mali i Zi, Maqedonia e Veriut, dhe në Serbi. Me temën “Zonat problematike të krimit të organizuar në vendet e Ballkanit Perëndimor”, raporti ka si qëllim forcimin e rolit të shoqërisë civile në luftën kundër krimit të organizuar dhe korrupsionit. Ai përmban të dhëna të detajuara mbi qytetet kryesore, zonat bregdetare, pikat kufitare ose nyjet kyçe që janë më të predispozuara për t’u përdorur nga trafikantët e drogës, armëve, qenieve njerëzore, cigareve dhe të tjera veprimtarive kriminale që kryhen në Ballkan.

Harta e zonave problematike të rajonit

Raporti evidenton se krimi i organizuar i përzgjedh vendet ku vepron. Së pari, është pozicioni gjeografik i favorshëm. Ballkani ka vendndodhje strategjike për grupet kriminale që e përdorin atë si tranzit, për të kaluar më pas në tregun e madh dhe fitimprurës të Evropës. Më pas renditet qeverisja e dobët dhe e korruptuar si dhe ekonomia e dobët.

“Janë rreth 40 zona problematike që kemi identifikuar. Janë vende si Durrësi në Shqipëri, për shembull, ose Bar në Malin e Zi. Ballkani është kthyer në një portë të madhe për kokainën që futet nga Amerika e Jugut dhe këto dy qytete janë parë si pika kyçe për hyrjen e kokainës në rajon. Një tjetër zonë është pika kufitare ndërmjet Malit të Zi dhe Kosovës që quhet Kulla, ku vërehet një numër në rritje i aktiviteteve kriminale, duke nisur nga trafiku i drogës apo kontrabanda e cigareve ndërmjet këtyre dy vendeve. Një tjetër zonë problematike është në pikat kufitare mes Malit të Zi dhe Bosnje-Hercegovinës, dhe aty kryesisht kalon kanabisi që vjen nga Shqipëria. Është shumë e lehtë të trafikosh kanabis nga njëri shtet tek tjetri sepse nuk ka shumë kontroll policor dhe nga ana tjetër policitë nuk janë të pajisura me teknologjitë më të fundit që mund t’u mundësojnë gjurmimin e drogave. Gjithashtu është i pranishëm edhe korrupsioni në radhët e forcave policore dhe një pjesë e konsiderueshme e lehtësirave që u krijohen këtyre veprimtarive kriminale mundësohen edhe nga korrupsioni. Jo vetëm korrupsioni nga policët kufitarë por edhe në instancat më të larta” – i tha Deutsche ëelle-s Fatjona Mejdini, koordinatore në terren e Ballkanit Perëndimor për Iniciativën Globale.

Rivalë në politikë, bashkëpunëtorë në trafiqe

“Përveç zonave problematike ne kemi evidentuar edhe pika që i kemi quajtur zonat më vulnerable rajonale dhe e tillë është veriu i Kosovës. Ajo është një zonë gri ku kryhen të gjithë llojet e kontrabandës dhe grupet kriminale shqiptare me ato serbe kanë një bashkëpunim shumë të ngushtë. Veriu i Kosovës është vendi ku krimit nuk i intereson aspak etnia. Ne shohim politikanë dhe qeveri të Ballkanit që nuk bashkëpunojnë pikërisht për çështje të kombësisë dhe etnisë dhe nga ana tjetër kemi krimin që nuk ka pengesa të tilla për të bashkëpunuar me njëri-tjetrin” – thekson koordinatorja Mejdini për DW.

“Karburanti është malli që kalon më shpesh kontrabandë, nga veriu në jug. Më pas vijnë materialet e ndërtimit, ilaçet, makinat, cigaret, ushqime, pije, dhe mallra të tjera. Llogaritet se nga këto aktivitete të paligjshme buxheti i Kosovës humbet çdo javë rreth 750,000 euro nga tarifa doganore të pambledhura. Një pjesë e mirë e këtyre mallrave nuk qëndrojnë në pjesën veriore me popullsi serbe, por transportohen për në jug në zona të Kosovës me popullsi shqiptare. Kjo tregon edhe njëherë se kur vjen puna tek rrjetet e kontrabandës, kriminelët bashkëpunojnë me njëri-tjetrin pavarësisht dasive etnike, apo ndarjeve gjeografike e administrative” – thuhet në raport.

A ka zgjidhje?

Raporti nënvizon, se “ndërtimi i mureve dhe mbyllja e kufijve nuk është zgjidhje afatgjatë e problemeve, të cilët mund të krijojnë më shumë stimuj për aktivitete kriminale. As injorimi apo minimizimi i problemit nuk është zgjidhje. Në këtë mënyrë vetëm sa i jepet më shumë pushtet elitave të korruptuara, çimentohen praktika të padrejta, stimulohet largimi i trurit, shtohet paqëndrueshmëria, dhe largohen investitorët e huaj. Në mënyrë paradoksale, ata politikanë që luajnë rolin e nacionalistit të flaktë shpesh janë përgjegjës për dobësimin nga brenda të sovranitetit të shtetit, dhe janë të gatshëm të venë në rrezik interesat kombëtare për përfitime personale – shpesh duke bërë pazare të fshehta me “armikun,” apo edhe me shtete të huaja”.

Sipas Mjedinit, “bashkëpunimi është zgjidhja më e mirë. Përfshirja më e gjerë e shoqërisë civile, të cilën nuk e shohim shumë të angazhuar në luftën kundër krimit të organizuar. Deri tani, kjo luftë është parë si një luftë që duhet bërë vetëm nga organet ligjzbatuese dhe ky koncept është shumë larg asaj çka duhet bërë”./DW

GJONAJ-TAKOHET-ME-MOSES-_ABC_M3-T2.mpg_snapshot_00.17-1280x720.jpg
ent ela15:45 | 26/04/2019

Lufta kundër korrupsioni dhe krimit të organizuar si edhe situata e rënduar politke në vend ishin në fokus të zyrtarit të lartë Austriak gjatë takimit të zhvilluar në Tiranë me ministren e Drejtësisë, Etilda Gjonaj. Sipas Josef Moser Shqipëria ka bëra hapa konkretë në Reformën në Drejtësi, ndërsa bëri apel që politika të jetë më e fokusuar në të mirë të vendit.

Për situatën politike në vend në një kohë kur opozita ka braktisur parlamentin ka folur edhe ministri Federal i Çështjeve Kushtetuese në Austri, Josef Moser.

Gjatë takimit me ministren e Drejtësisë, Etilda Gjonaj, Moser i bëri apel politikës Shqiptare, që të kenë në vemëndje të saj shtatasit e tyre dhe të fokusohen në të mirë të vendit.

“Pikëpamjet e ndryshme të politikanëve duhet të fokusohen në të mirën e vendit dhe të mos jenë thjesht mendime të diferencuara politike të cilat vështirësojnë situaten e vendit. Prandaj unë do bëj apel që përpjekjet e përbashkëta që janë bërë deri më tani për ta çuar vendin përpara dhe që  janë të parashikuara në një vend demokratik të vazhdojnë  dhe të jenë në qëndër të bisedimeve diplomatike dhe parlamentare. Në këtë mënyrë të funksionojnë në të mirë të vendit dhe të shtetasve të tij”.

Zyrtarin i lartë Austriak theksoi se, Shqipëria ka bërë hapa përpara sidomos në refomën në Drejtësi.

“Shqipëria i ka tejkaluar pritshmëritë për sa i përket fushës së drejtësisë. Ajo ka ndërmarrë hapa të besueshme dhe konkrete në luftën kundër korrupsionit dhe në Reformimin e Sistemit të Drejtësisë, duke krijuar një sistem drejtësie më të pavarur dhe duke minimizuar ndikimin që ka politika mbi të. Janë ndërmarrë hapa të cilat janë shumë të rëndësishme për integrimin, hapa të cilat duhet të njihen pavarësisht se kush i ka ndërmarrë, qeveria apo opozita. Unë do të mbeten mbështetës i fortë i këtyre hapave dhe masave të ndërmarra për faktin sepse janë hapa të domosdoshme për forcimin e të drejtës ligjore”.

Sfidë për qeverinë mbetet lufta kundër krimit dhe korrupsionit, pohoi ministrja e Drejtësisë Gjonaj.

“Jemi të vetëdijshëm që korrupsioni nuk luftohet në një ditë, por jemi duke ndërmarr cdo ditë masat e duhura për forcimin e politikave parandaluese ndaj fenomenit të korrupsionit, kemi ngritur mekanizmat e duhura për adresimin dhe masat ndëshkuese ndaj tij dhe kemi rezultate konkrete të cilat do të vijnë duke u thelluar.Unë jam besimplotë se nëpërmjet forcimit të shtetit të së drejtës, me reformën në drejtësi, luftën kundër korrupsionit dhe krimit të organizuar do t’ju japim qytetarëve tanë mundësinë jo vetëm për të patur një qeverisje edhe më të mirë, por njëherësh edhe një perspektivë të qëndrueshme evropiane”.

Në fund Gjonaj shtoi se qeveria ka vizionin e duhur për t’u përballur me fenomet si krimi dhe korrupsioni dhe sipas saj në ndihmë do të vijë shumë shpejt edhe ngrtija e SPAK-ut. /abcnews.al

 

basha-live11-1280x639.jpg
ent ela14:16 | 10/04/2019

Dëshmi të devizës së aksionit të tij opozitar se shteti ka rënë, sheh ngjarjet e fundit në vend.

“Dy ngjarje në një hark kohor prej më pak se 12 orësh janë dëshmi se shteti ka rënë. Se sot Shqipëria nuk ka rend publik dhe siguri. Se policia është kthyer në një bandë që për pushtetin ilegjitim të marrë me krimin i ka lënë dorë të lirë krimit dhe po dhunon në mënyrë shtazarake qytetarët”.

Përplasja e policisë me banorët e bregut të lumit, gjatë aksionit të prishjes së shtëpive në funksion të ndërtimit të bulevardit të ri, si dhe vjedhja në aeroportin e Rinasit tregon sipas Bashës funksionin e ri të Policisë së Shtetit.

Policia po përdoret për vetem një qëllim: luftën ndaj popullit, luftën kundër njerëzve të pafajshëm që mbrojnë shtëpitë e tyre, në këto dy muaj është përdorur gaz helmues më shumë se në të gjithë historinë e Shqipërisë.

Në orën 5 e 30 të mëngjesit policia hyri nëpër banesa dhe hodhi gaz lotsjellës brenda shtëpive ku ishin të pranishëm edhe të mitur nga mosha 3 vjeç e sipër.

Ndërkohë nuk ka asnjë përpjekje për të luftuar krimin. I vetmi aktivitet kundër krimit është: policia shkoi në vendin e ngjarjes Kur në Rinas, që është zona me sigurinë më të lartë në vend kryehet grabitje me armë e avionit të linjës ndërkombëtare në mes të ditës. Cdokush e kupton se në cfare niveli është policia, se në çfarë niveli është katandisur rendi dhe siguria”.

Për të ilustruar, liston shifra.

“Nga përplasja mes banorëve në mbrojtje të shtëpive të tyre 3 qytetare përfunduan në spital ndërmjet të cilëve një 76 vjeçar me çarje në kokë që u operua, një grua me thyerje këmbe dhe një tjetër grua me fraktura.

10 qytetarë u shoqëruan në polici të gjitha gra dhe 4 prej të cilave minorene dhe një fëmijë 5 vjeç.

Që nga protesta e 16 shkurtit janë shoqëruar 114 protestues dhe janë arrestuar 52”.

Kjo ndodh kur Shqipëria është kthyer në qendër të krimit ndërkombëtar, si rezultat direct i paktit mes krimit dhe qeverisë ilegjitime të ardhur në pushtet prej tij, deklaroi Basha duke i përsëritur ftesën qytetarëve për t’ju bashkuar protestës së 13 Prillit në orën 6 pasdite.

 

policia-3-1280x702.jpg
ent ela19:10 | 16/03/2019

Një atentat me armë zjarri i ka marrë jetën një 62-vjeçari nga Fieri. Haxhi Baçinozi është qëlluar për vdekje nga një person me kapele, në prani të një familjari. Policia po heton të kaluarën e viktimës, ndërsa mësohet se autori është identifikuar dhe shpallur në kërkim.

Një vrasje me armë zjarri ka ndodhur pasditen e kësaj të shtune pranë Liqenit Artificial në Tiranë. 62-vjeçari Haxhi Baçinozi nga Fieri, është qëlluar me armë zjarri, duke humbur jetën menjëherë.

Dyshohet se Baçinozi është qëlluar në prani të një familjari të tij. Burime të ABC News bëjnë të ditur se policia e ka identifikuar autorin, i cili mësohet se ka pasur një kapele dhe nuk ka pasur maskë në momentin kur ka qëlluar në drejtim të 62-vjeçarit.

Aktualisht ende nuk ka një pistë të qartë, ku është përqendruar policia, por mësohet se po hetohet e kaluara e autorit. Gjithashtu, uniformat blu kanë shoqëruar familjarët e 62-vjeçarit Haxhi Baçinozi për të mësuar nëse ka pasur apo jo konflikte me persona të tjerë. Viktima, sipas burimeve të ABC News nuk ka bërë ndonjë denoncim më parë. Në vendin e ngjarjes, kanë shkuar ekspertët, të cilët kanë bërë këqyrjen e vendit të ngjarjes.

Mësohet se Haxhi Baçinozi ka qenë i dënuar politik, nën akuzën e agjitacionit dhe propagandës në vitin 1982 dhe 1984.

Gazetar i ABC News: Andi Qosja

IMG_7170-1280x853.jpg
ent ela13:10 | 15/02/2019

Sekretari i përgjithshëm i Partisë Demokratike Gazment Bardhi përmes një deklarate për media i ka quajtur thirrjet e poliçisë sa qesharake edhe kriminale. Bardhi theksoi se Partia Demokratike nuk ka bërë asnjëherë thirrje për dhunë duke nënvizuar jo pa ironi se personat me rekorde kriminale, qe Rilindja veshi me pushtet, nuk do të jenë pjesë e protestës.

 Një ditë përpara protestës së 16 shkurtit, Partia Demokratike një përgjigje e ka për çdo lëvizje, sipas saj, të orkestruar nga frika e kryeministrit Edi Rama.

 Thirrja e policisë së Shtetit drejtuar organizatorëve, për t’u distancuar nga inkurajimi i dhunës, për sekretarin e përgjithshëmt ë demokratëve është..

“Sa qesharake, aq edhe kriminale. Partia Demokratike nuk ka nxitur kurrë dhunë dhe as nuk ka patur në radhët e saj njerëz të krimit!”

 Njoftimit të uniformave blu për përgatitje të personave me rekorde kriminale për ushtrim dhune gjatë protestës, Partia Demokratike i jep informacion shtesë.

 “Njoftojmë Policinë Politike se as shtetasi Vangjush Dako, as shtetasi Saimir Tahiri, as shtetasi Arben Ndoka, as shtetasi Armando Prenga, as shtetasi Mark Frroku, as shtetasi Artur Bushi, as shtetasi Artur Bardhi, as shtetasi Elvis Roshi, as shtetasi, Jurgis Çyrbja, as shtetasi Fatmir Xhafaj, nuk do të jenë në protestë”.

 Sa për punimet që Autoriteti Rrugor Shqiptar nisi dy ditë përpara protestës në autostradën Tiranë – Durrës dhe rrugën Tiranë – Kamëz…

“Asnjë nga rrugët në Tiranë nuk është më e rëndësishme se hapja e rrugës për të ardhmen, të cilët shqiptarët do ta realizojnë nesër me bashkimin më të madh pas pluralizmit politik”.

 Një përgjigje Bardhi ja dha edhe kufizimit që Policia e Shtetit i bën në njoftimin e saj, njoftimit për zhvillimin e protestës në rrugën “Ismail Qemali”, me arsyetimin se ndalon lirinë e veprtimtarisë , lëvizjes dhe qasjes së papenguar në mjedise të misioneve diplomatike dhe institucione shtetërore.

Se ku do të protestojë populli këtë e vendos populli dhe jo Policia Politike e kryeministrit të dalë boje në sytë e shqiptarëve dhe të partnerëve ndërkombëtarë”.

 Në ligjin për tubimet të Republikës së Shqipërisë, rastet se kur policia mund të ndalojë zhvillimin e tubimit apo të vendosë kohën dhe vendin e saj, parashikohen në nenin 8 dhe kërkon arsye të motivuar nga policia se zhvilimi në një shesh apo vendkalim publik përbën rrezik real për sigurinë kombëtare, sigurinë publike, parandalimin e krimit, mbrojtjen e shëndetit/moralit apo lirive dhe të drejtave të të tjerëve dhe ky rrezik nuk mund të ndalohet me masa më pak shtrënguese. /abcnews.al

pp-1280x703.jpg
ad min22:00 | 17/01/2019

I ftuar në studion e “Mbrëmja ABC”, deputeti i PS-së Pjerin Ndreu ka folur për shkallën e kriminalitetit në vend. Sipas tij, qeveria vitet e fundit ka punuar shumë dhe numri i vrasjeve është ulur.

Më tej deputeti i cili më parë ka punuar me policinë është shprehur se ka dy periudha kohore kur kriminaliteti është më i lartë në Shqipëri.

Ai ka folur për periushën kohore Dhjetor-Janar dhe Korrik- Gusht. Sipas tij gjatë këtyre muajve nëse do të bëhej një analizë do të vihej re se numri i vrasjeve është me i lartë në krahasim me periudhat e tjera.

“Në historinë e kriminalitet ka dy momente kur kriminaliteti trondit. Është Gushti që gjithmonë kemi pasur një nivel të lartë kriminaliteti. Gjithmonë në Korrik-Gusht atëherë kemi një nivel të lartë kriminalitëti. Moti i nxhetë, kthimi i emigrantëve, apo i personave me precedent apo atyre personave që atje ku jetojnë janë “skifterë”, mund të jenë indicie të rritjes së shkallës së krimit.

Por edhe në Dhjetor-Janar, moti i ftotë, ardhja e disa elementëve që jetojnë jashtë shtetit dhe vijë dhe ushtrojnë edhe kriminalitetin këtu, grricin plagë të konflikteve që kanë pasur. Këto janë dy momentet. Nuk është rritur kriminaliteti, por nuk ka shanse që në Shqipëri kriminaliteti të jetë zero. Vrasje do ketë, por që nga viti 2013 numri i vrajeve ka shkuar nën 50 kur numri ka qenë 100.

Kriminaliteti është si ai damari që shpërthen dhe duhet pak kohë për të ndaluar gjakun. Do kemi shpërthime të herëpashershme të kriminalitetit”. /abcnews.al

LAJMET-DT-17-JANAR-19-00001.mpg_snapshot_00.14-1280x720.jpg
ent ela19:48 | 17/01/2019

“Vetëdorëzimi i Balilit, fundi i hidhur i sistemit të drejtësisë dhe epitafi i një shteti”. Kështu e konsideron deputeti demokrat Enkeljed Alibeaj, vetëdorëzimin në polici të “Eskobarit të Ballkanit”, pas 15 dështimeve të operacioneve policore.

“Prej 3 vitesh janë bërë jo më pak se 15 aksione të policisë dhe nuk e kapën dhe te i 16 shkon vetë e dorëzohet”.

Sipas tij kjo është një përrallë e hidhur dhe groteske

Për të kupuar a është vërtet përballje e ligjit mbi antiligjin ku shteti fiton mjafton të sjell një paragraf të shkurtër teksa dëgjohej intervista kur e pyetën se ku kishte qenë. Ishte në Tiranë.

Si nuk ju gjeti policia? Se nuk koinçidova asnjëherë me të.

E kuptoni groteskun e madh të krimit. Në 15 operacione policia do kapte krimin, te i 16-ti krimi kapi shtetin dhe për të kuptuart atë se çdo të ndodhë nuk çuditem aspak se në një sistem të tillë kur qeveria është e zhytur me krimin, s’do çuditesha fare që e gjitha kjo është një përrallë e hidhur. Kaq e turpshme është kjo situatë, bën karshillëk ndaj qeverisë e drejtësisë, publikut e partnerëve”.

Duke qenë partener me DEA-n amerikane dhe drejtësinë greke, Alibeaj shprehet se partneri shqiptar nuk është i besueshëm, ndërsa e quan karikurë të shëmtuar negocimin sipas tij të shtetit me krimin.

“DEA amerikane është prej dy vitesh që e kërkon dhe që do thotë që një qeveri që do duhet të jetë partnere do të duhet të kishte bërë minimumin e përçapjeve për ta kapur.

Partneri shqiptar nuk ëhstë i besueshëm dhe ka çeduar për këtë episod që doli papritur e papandehur, kur të gjithë e kishin harruar na u vetëdorëzua, ku drejtori i policisë i bën taksistin kriminelit më të madh dhe nuk ka karikaturë më të shëmtuar të shtetit që shkon e negocion me krimin dhe kushtet i vendos krimi”. /abcnews.al

VOKSHI-SINKRON.mpg_snapshot_00.05-1280x720.jpg
ad min14:04 | 01/12/2018

Pas publikimit të raportit për lirinë e medias “Reportere pa Kufij” ku përfshihen edhe emrat e tre gazetarëve shqiptar ka reaguar Partia Demokratike. Sipas kryetares së Komsionit Parlamentar për median dhe edukimin Albana Vokshi, Shqipëria është një ndër pesë shtetet me krim të organizuar të rrezikshëm.

Albana Vokshi, kryetare e komisionit parlamentar të medias dhe edukimit: “Historitë e 3 gazetarëve: Klodiana Lala, Basir Çollaku dhe Alida Tota, janë 3 rastet që janë përfshirë në raportin e fundit të Reporterëve pa Kufij. Të treja historitë kanë një gjë të përbashkët, gazetarët janë kërcënuar, shantazhuar për shkak të denoncimeve që ata u kanë bërë lidhjeve të ngushta mes krimit të organizuar me pushtetin, Jurgis Çyrben, Emiljano Shullazin, Saimir Tahirin me drogën e Habilajve, Erion Veliajn me mafian e plehrave.”/abcnews.al

shkodrqa.jpg
ad min11:02 | 19/11/2018

Policia e Shkodrës parandalon përshkallëzimin e një konflikti të çastit, ku njëri prej personave ka qëlluar në ajër me pistoletë. Dy prej tyre të përfshirë në konflikt u arrestuan, por bashkë më ta u arrestuan dhe dy të tjerë që tentuan të mos kallëzonin krimin.

Sipas policisë në pranga u vendosën Enton Dushaj, 33 vjeç, Kristian Shkambi, 26 vjeç, Ardit Bajramaj, 27 vjeç dhe Eduard Bajramaj, 38 vjeç . Arrestimi i tyre u bë pasi në lagjen “Vasil Shanto”, në një lokal Enton Dushaj është konfliktuar me Eduard Bajramajn dhe në largim e sipër, i pari ka qëlluar një herë në ajër me pistoletë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono