krimi

tabaku-1280x853.jpg
eri Ida11:13 | 22/02/2020

Partia Demokratike këtë të shtunë është shprehur se Shqipëria është vendosur në listën gri të pastrimit të parave nga Moneyval, institucioni që merret me shqyrtimin e vendeve ku pastrohen paratë.

Ish deputetja e PD-së Jorida Tabaku përmes një postimi në rrjetin social Facebook shkruan se këtij pushteti i mungon ky vullnet sepse siç është vërtetuar ai është i lidhur drejtpërdrejt me pastrimin e parave.

Shqiperia ne listen gri te pastrimit te parave!Fatkeqësisht dje Shqipëria është vendosur në zonën gri nga Moneyval,…

Gepostet von Jorida Tabaku am Samstag, 22. Februar 2020

Postimi i plotë:

Fatkeqësisht dje Shqipëria është vendosur në zonën gri nga Moneyval, institucioni që merret me shqyrtimin e vendeve ku pastrohen paratë. Jemi vendi i vetëm në Europë që jemi përfshirë në këtë listë dhe kjo tregon që mekanizmat dhe vullneti politik për të luftuar paratë e pista mungon.
Afërmendsh, milionat që shpenzohen sa nga ndërtimi e në fusha të tjera, droga që qarkullon në vend që prej shtatë vitesh me një volum qindra herë më të lartë, siç raporton edhe Guardia Di Finanza, janë prova të qarta.
Lufta kundër pastrimit të parave të pista ka qenë një nga kauzat që PD ka ngritur që në fillim duke kërkuar angazhim serioz kundër një prej krimeve ekonomike më vdekjeprurëse për ekonominë, punësimin dhe shoqërinë.
Këtij pushteti i mungon ky vullnet sepse siç është vërtetuar ai është i lidhur drejtpërdrejt me pastrimin e parave. Spektakli politik me zyrtarë të kamufluar që thërrasin emrat e të fortëve që më pas shpallen të pafajshëm, është pastrim figure dhe jo luftë ndaj krimit.
Shqipëria është në ditë të vështirë, shqiptarët janë viktima të një keq qeverisje me dashje. Ne nuk meritojmë një vend të prapambetur dhe çerdhe e pastrimit të parasë.
Prandaj PD ka propozuar një ligj që do të luftojë deri në fund logjikën e sotme të ekonomisë së pastrimit të parave. Ligji Anti-mafia do të luftojë jo vetëm oligarkinë për ta çliruar tregun nga duart e oligarkëve por edhe do të mundësojë luftën ndaj pastrimit të parave. Me parimin ndiq paranë ne do të mundësojmë sekuestrimin e aseteve të vendosura nga krimi i organizuar , do të luftojmë në çdo ind të ekonomisë krimin ekonomik dhe të vendosim përpara drejtësisë fajtorët.
Ne, nuk do të ndërtojmë një infrastrukturë që do të justifikojë pasurinë e të inkriminuarve. Përkundrazi do të angazhojmë gjithë fuqinë e shtetit për të evidentuar dhe dënuar ata që sot po pastrohen në rrugë antiligjore nga qeveria./abcnews.al

anti-pellumb.jpg
eri Ida09:14 | 11/02/2020

Eksperti i çështjeve Ligjore Pëllumb Nako këtë të martë nga ABC-ja e Mëngjesit është shprehur se paketa Anti-KÇK është një paketë që nuk ishte e nevojshme që të miratohej. Sipas ekspertit qeveria me miratimin e një pakete të tillë nuk ka vizion për të përballuar realitetin, por ka vetëm nisma që në sfond kanë vetëm përfitim të natyrës politike sesa përballjen reale.

Një akt normativ zakonisht del në kushtet kur vendi është në një gjendje emergjente dhe atëherë është dhe nevoja për miratimin e një akti të tillë normativ. Por në kushtet në të cilat ndodhet vendi ynë në mungesë të gjykatës së lartë një akt i tuillë lë diçka për të dyshuar, por jo shumë kohë më parë vendi ynë nisi dhe një reformë të qartë ndaj organeve të drejtësisë, por ajo që duhet të kishte parasysh plitika kur mori parasysh këtë akt duhet të ishte e fokusuar në mënyrën më serioze në drejtim të problemeve të kriminalitetit, nuk duhet të kishte nevojë për këtë akt, pasi duhej të futej në kohen që u bë reforma ligjore. Para këaj pakete kishte një paketë antishpifja me të gjithë peripecitë e saj tashmë kemi paketën Anti KÇK. Qeveria nuk ka një vizion për të përballuar realitetin, por ka vetëm nisma që në sfond kanë vetëm përfitim të natyrës politike sesa përballjen reale”, tha Nako.

Në një bisedë në studio me gazetarin Enkel Demi eksperti ka theksuar ndër të tjera se organizatat kriminale nuk mund të luftohen me aksione policore. Sipas tij me këtë paketë qeveria më shumë po përdor propagandën dhe shoën për të qenë joshës tek publiku sesa goditjen reale të krimit.

Sot kemi një paketë që është futur në kushtet e urgjencës, një paketë që i jep fuqi policisë, që ka ndryshime thelbësore nga aktet tradicionale, pikërisht për të goditur grupet kriminale që thuhej më parë se nuk ekzistonin.  Të gjithë këto gjëra nëse do të ishijn menduar mirë për të vendosur një sistem zgjedhor duhet të ishin bërë në momentin që u vendos reforma. Propaganda ka marrë një rëndësi të madhe dhe qeveria i ka kushtuar një rëndësi të madhe që nuk është e keqe,  për kur ajo kthehet në shoë dhe kthehet në një shfaqje të madh te një person që mban syze në një konferencë kjo mund të jetë joshëse, por thelbi është sa efiçent do të jetë ky aksion, asetet nuk mund të sekuestrohen me aksione. Organizatat kriminale nuk mund të luftohen me operacione,”eshte shprehur eksperti.

Gjithashtu ai është shprehur se tashmë çdo gjë ngelet për tu parë nëse ky aksion do të jetë në monitorim, sa do të zbatohen rregullat e drejtësisë dhe sa selektiv do të jetë kjo si nismë./abcnews.al

maxresdefault.jpg
eri Ida17:14 | 06/02/2020

Ish-ministri i Drejtësisë, Ylli Manjani ka reaguar për operacionin Forca e Ligjit që është ndërmarrë nga qeveria në kuadër të paketës Anti-KÇK. Manjani në reagimin e tij thekson se Rama e ka konfirmuar faktin se fushatën elektorale po e bën me KÇK. Po ashtu ai thekson se Rama po tenton që të heqë njollën e lidhjes me krimin.

Ish ministri përmes një postimi në rrjetin social Facebook shkruan se Edi Rama sikur nuk është kryeministër, përpiqet të ngulë në mendjet e njerëzve se ai ska lidhje fare me këto gjëra., por se krimi sipas tij lulzon vetë.

Postimi i Plotë:

Nuk më surprizon më hiç, udhëheqësi! Është bërë bajatshmërisht i lexueshëm. Vetëm 1 orë nga konstatimi që bëra se “Ai po bën fushatë elektorale me KÇK”, e konfirmoi.

Iu sul gazetarëve që e kritikojnë, por pranoi hapur që ai po tregon se “… nuk ka lidhje me krimin siç i thonë..”

Pra do të heqë njollën e lidhjes me krimin. Qartësisht është kështu.

Ai nuk kishte e as ka përgjigje bindëse se përse krimi bën vota për të? Përse gjenden kaq shumë ish të dënuar në skalionin e tij politik? Përse jepen garanci qeveritare para gjykatave për lirimin para kohe të të dënuarve? Përse trafiku i drogës në qeverisjen e tij është më i madhi i të gjitha kohërave? Përse kriminalizohet masivisht shoqëria e orientuar drejt maleve për mbjellje hashashi?

Përse, përse e përse?! Por nuk ka përgjigje Kryeministri. Ose më saktë ka përgjigjen tip: “fajin e ka Saliu/drejtësia/media/opozita/europa, madje edhe rektori i UT ka faj…” .

Ama Edi Rama sikur nuk është kryeministër, përpiqet të ngulë në mendjet e njerëzve se ai ska lidhje fare me këto gjëra. Se medemek krimi lulzon vetë…

Se 600 e kusur kile kokainë e trafikuar e të paktën tre qendra përpunimi të kapura në vend marrkan guximin të bëhen vetë. E ku? Bash në vendin ku qeveria kontrollon çdo fjalë e jo më çdo lëvizje apo afferë.

O logjikë! Plaç në vend më mirë!

Nejse, Ai këtë ka për të shitur këtë radhë. Pra KÇK dhe OFeLi-në. Kush ja blen ja paftë hajrin.

Por, ndërkohë dëmi që sundimi i Edi Ramës ka sjellë është vështirësisht i rikuperueshëm.

Vini re me vëmendje!

A keni parë që na janë zgjatur minutat e kontrollit të pasaportave në kufirin Europian?

Kjo vjen thjesht nga fakti se çdo polic në Europë, pavarësisht qendrës apo humbëtirës kufitare ku shërben, kur ndeshet me një pasaportë shqiptare ka të ngulitur thellë dyshimin e arsyeshëm se:

  1. Personi përballë është i kërkuar nga Interpol.
  2. Në çantën e tij/saj ka drogë ose para droge.
  3. Ka ardhur në shtetin tim për të kërkuar azil.

Të tre këto dyshime i ka çdo polic në BE. E këto dyshime me siguri i kanë nga fobitë ndaj nesh jo nga sundimi i mrekulkueshëm që i bën Edi Rama vendit të vet.

Sundim që i vuri popullit të vet një damkë të tmerrshme. Një damkë që do dojë kohë të na hiqet, jo vetëm kur Edi të mos jetë në qeveri, po kam frikë as në kët botë…

Ja për këtë do ngelet i përhershëm në memorien e Shqipërisë./abcnews.al

84009243_1510401909120711_3758641123292086272_n.jpg
eri Ida14:38 | 06/02/2020

Ish kryeministri Sali Berisha  ka nxjerrë emrin e një të dënuari me 15 vite burg i cili është lënë I lirë nga burgu. Përmes një mesazhi nga qytetari digital siç e cilëson ish kryeministri thekson se për lirimin e tij janë paguar edhe “150000€ për të transferuar prokurorin që vazhdonte hetimet.

Përmes një postimi në rrjetin social Facebook, Berisha shkruan se Jurgen Molla, në vitin 2018 ishte dënuar me 15 vite burg për trafik ndërkomb1tar lëndesh narkotike të tipit heroine, ndërkohë që në 2020 i lirë.

Ndër të tjera në postimin e tij Berisha, shkruan se asnjë media nuk është marrë me këtë fakt ndërkohë që në burg qëndrojën njerëzit e varfër dhe të pamundur, kokat e krimit bëhen gati për krimet e rradhës.

Postimi i plotë:

Del nga burgu trafikanti i denuar ne vitin 2018 me 15 vite burg.

Implikohet narkoqeveria dhe kreu i KCK.

U paguan 150000€ per te transferuar prokurorin qe vazhdonte hetimet!

Lexoni denoncimin e qytetarit dixhital. sb

Ne vitin 2018 Jurgen Molla u denua me 15 vite burg per trafik nderkombetar Lendesh narkotike te tipit Heroine.

U zbulua nga sherbimet partnere te DEA amerikane…

Sot ne 2020 eshte i lire….

Asnje media nuk guxon te flase per kete fakt.

Ju lutem demaskojeni kete maskarade pasi po bejne burg njerezit e varfer dhe te pamundur.

E kokat e krimit po behen gati per krimet e rradhes.

Ka lidhje shume te forta me te majtet ne Qytetin e Lezhes oor edhe ne qeveri.

Njihet publikisht si financues dhe mbeshtetes i tyre….

Nuk kam info se si mund te jete liruar.

Por nga 15 vite burg,te dale per me pak se 2 vite,kjo eshte e pakuptimte….

Fale aktivitetit te tij kriminal,ka arritur te investoje ne fushen e ndertimit dhe hidrokarbureve.

Gjate kohes qe ka qene ne burg,biznesin e drejtonte vellai i tij….

Ky ka dale ne pergjime,per pagesa mbi 150.000 € per te transferuar prokurorin.

Pasi nuk po e korruptonin dote dhe po u hapte telashe me hetimet./abcnews.al

spahooo.png
eri Ida14:07 | 06/02/2020

Partia Demokratike ka deklaruar këtë të enjte se nuk është kundër ligjeve që luftojnë krimin e organizuar, por nuk besojnë që kjo luftë të bëhet me kryeministrin Rama, i cili sipas opozitës erdhe në pushtet me krimin e organizuar.

Nënkryetari i PD, Edmond Spaho në një deklaratë për mediat ka deklaruar  se figura të krimit të organizuar janë përfshirë në fondet shtetërore.

Spaho në fjalën e tij është shprehur se nëse në kohën e PD-së 285 grupe të strukturuara kriminale, prej të cilave 18 organizatat më të rrezikshme mafioze në vend, shkuan prapa hekurave të burgut, me qeverinë e Edi Ramës dhe të Taulant Balles, ata po fitojnë një nga e një lirinë.

Deklarata e plote:

Edi Rama dhe shërbëtorët e tij si Taulant Balla kanë nisur një strategji të dështuar për të na identifikuar ne me krimin, kur ata vetë ndajnë para dhe pushtet me krimin.  Ne nuk jemi njësoj me Edi Ramën. Ne nuk padisim në gjykatë asnjë ligj kundër krimit të organizuar, siç bëri Edi Rama në vitin 2009 me Ligjin Antimafia. Me Vasilika Hysin dhe Etilda Gjonin të Komitetit Shqiptar të Helsinkit, Edi Rama e ankimoi atë në Gjykatën Kushtetuese me shqetësimin se shkelte të drejtat e anëtarëve të krimit të organizuar.

Gjatë qeverisë së Partisë Demokratike 285 grupe të strukturuara kriminale, prej të cilave 18 organizatat më të rrezikshme mafioze në vend, shkuan prapa hekurave të burgut.  Sot, në qeverinë e Edi Ramës dhe të Taulant Balles, ata po fitojnë një nga e një lirinë, sepse drejtori i burgut të Edi Ramës dhe Kryetari i Bashkisë së Edi Ramës kanë dalë garantë për sjelljen e mirë të kriminelit të rrezikshëm, që ka blerë vota për Edi Ramën.

Ky është shqetësimi i vetëm i Partisë Demokratike, i opozitës dhe i shumicës së shqiptarëve, që nuk beson se banda që është sot në qeveri do të luftojë banditët që ka liruar nga burgjet dhe aq më pak t’u marrë pasuritë e tyre.  Shqiptarët nuk besojnë se Taulant Balla psh do të luftojë pasurinë e mikut të vet trafikant droge, Edmond Bego. Apo Edi Rama të urdhërojë hetimin e pasurisë së Saimir Tahirit apo Ermal Hoxhës, bashkëpunëtorit të Olsi Ramës në laboratorin e kokainës në Xibrakë.  Propaganda dhe mashtrime publike nuk e ndryshojnë dot të vërtetën. Edi Rama është kreu i KÇK-së, bashkëqeveris me krimin e organizuar, i jep krimit tendera, koncesione dhe pasuri publike./abcnews.al

salianjiii.jpg
nev ila23:07 | 29/01/2020

Ish deputeti i Partisë Demokratike Ervin Salianji këtë të mërkurë nga studio e “Byrosë Politike”, në ABC News është shprehur se  krimi në vendin tonë është i lidhur me shtetin.

Gjithashtu Salianji ka bërë me dije se personat e përfshirë në krim e cilësojnë veten se janë në territorin e tyre dhe kane mbrojtjen e PS-se.

“Ky personi ka ikur nga kërkimi 8 muaj apo një vit para zgjedhjeve dhe hiqet nga kërkimi unë kam parë kryetarin e bashkisë së Durrësit që i përdor në çdo qep. Këta janë persona që kanë pasur mbështje nga PS-ja, edhe dyshimi te pyetja jote se pse këta persona nuk kanë hequr kamerat e sigurisë është se ato mendojnë se janë në territorin e vet. Gjithçka që ka të bëjë me shtetin e kanë të vetin pasi emërojnë drejtues policie shkarkojnë drejtues policie në çdo vend ku ju duhet për të falicituar vepra”.

Ndër të tjera ish deputeti demokrat ka theksuar se shteti nuk ka forcë të hetojë pasi është bërë një me mafjan.

“Nuk ka funksionuar gjithmonë kështu po të dëgjosh gazetaret e kronikës mëson se nuk ka film që se ka arrit këtë imagjinatë që po ndodh këtu në realitet prandaj po ikin njerëzit. Nuk ka forcë shteti nuk dihet me ku fillon shteti dhe ku mafja ato janë të bëra në një. Mjafto që të bësh një bisedë me një qytetar të thjeshtë dhe e mëson se cili është banori i tij”, tha Salianji./abcnews.al

EMISIONI I PLOTË

vrasja-korce-1.jpg
nev ila15:16 | 28/01/2020

Zbardhen detaje nga ngjarja e rëndë që ndodhi në Korçë, ku pas një konflikti për motive të dobëta, u masakrua barbarisht me sëpatë 47-vjeçari, Dashnor Osmani.

Osmani, shitës ambulant bananesh vinte çdo ditë nga fshati Pocestë drejt Pazarit në Korçë, për të fituar bukën e gojës.

Viktima dhe autori, i identifikuar si Zamir Topi, nuk raportohen të kenë patur njohje të mëparshme, por një konflikt i çastit, ka sjellë edhe krimin makabër e cila është zhvilluar në sy të disa qytetarëve, bashkëshortes dhe vajzës së tij.

Lexo edhe: EKSKLUZIVE/ U zunë për një varr, zbulohet dëshmia e autorit të krimit makabër në Korçë

Menjëherë pasi ka kryer krimin e rëndë, autori ka tentuar të largohet, por policia ka arritur ta ndalojë në kohë, duke bërë arrestimin e tij./abcnews.al

 

korce-1-1-1280x720.jpg
nev ila14:47 | 28/01/2020

Një ngjarje e rëndë është shënuar sot në Korçë, në afërsi të Pazarit, ku një tregtar ambulant, është gjetur i shtrirë përtokë i pajetë. ABC News ka mësuar se, se viktima, Dashnor Osmani, është  masakruar me sëpatë, duke ndërruar jetë menjëherë.

Ngjarja e ndodhur në afërsi të Pazarit në Korçë, shton dyshimet se ngjarja ka ndodhur për shkak të një konflikti. Autori i dyshuar Zamir Topi e ka goditur viktimën mbi 10 herë me sëpatë në kokë ndërkohë që të pranishëm ishine dhe gruaja me vajzën e këtij të fundit. Ka qenë ndërhyrja e vajzës që largoi autorin duke mos vijuar ta qëllonte Osmanin.

VIDEO/ E goditi 10 herë me sëpatë, si u masakrua në sy të vajzës dhe gruas shitësi në Korçë

Në momentin që është vrarë me sëpatë, ai kishte në duar banane siç shihet edhe në foto.

Njoftimi i policisë:

“Korçë/Informacion paraprak

Më datë 28.01.2020, në lagjen nr. 9, në Korçë, pas një konflikti për motive të dobëta shtetasi Z. T., 42 vjeç, banues në fshatin Pocestë, dyshohet se ka goditur me mjet prerës shtetasin D. O., rreth 50 vjeç, banues në fshatin Pocestë, i cili për pasojë ka ndërruar jetë.

Shërbimet e Policisë kanë reaguar menjëherë ku kanë kapur autorin e dyshuar, të cilin e kanë shoqëruar në ambientet e Policisë për veprime të mëtejshme.

Grupi hetimor po punon për të sqaruar rrethanat e ngjarjes”./abcnews.al

lleshaj.jpg
nev ila11:15 | 17/01/2020

Duke marrë shkas edhe nga aksidentet e rritura gjatë kohëve të fundit në vend, ministri i brendshëm Sander Lleshaj, gjatë një fjale të mbajtur për prezantimin e një paketë masash në një takim për sigurinë rrugore, tha se deri në fund të muajit shkurt, do të ketë një listë të masave që do të merren, për të gjithë përdoruesit e automjeteve që ecin me shpejtësi.

Lleshaj tha se aksidentet janë burimi më i madh i  humbjes së jetëve. Ai deklaroi se më shumë jetë njerëzish, kanë humbur për shkak të aksidenteve, se sa nga krimi.

Sipas grafikut shihet që gjatë vitit 2019, numrin më të madh të aksidenteve e ka Tirana, pasuar nga Durrësi e më pas Fieri.

“Do të bëjmë shtim të masave të akteve ligjore për kufizimin e celularit gjatë përdorimit të mjetit, alkooli po ashtu. Ende ka një sjellje të lartë të papranueshme, gara e shpejtësi. Kur udhëtohet me fëmijë, duhet e njëjta mbrojtje si në BE, me karrige të posaçme.

Sjelljet agresive që bien në sy në rrugë, presioni ndaj atyre që ecin normalisht, ky presion që i shkon tjetrin ngjitur, që e detyron tjetrin të largohet, ose të eci shpejtë, kjo do të rregullohet.

Kërkohet një program i gjerë masash. Teste të vazhdueshme psikologjike, në raste e drejtuesve që nuk sillen normal. Do bëjmë “testin e idioteve” që quhet në vendet e tjera, si dhe trajnimin e vlerës së lejes së drejtimit.

Përdorimi i teknologjisë moderne në përmirësim, sensor dhe pajisje të tjera. Do të kursej burimet e policisë. Targat inteligjente do të vijojmë me to”, deklaroi Ministri i Brendshëm.

Më tej ministri Lleshaj u shpreh se në shumë raste autoshkollat janë të papërgjegjshme pasi ato duhet të nxjerrin nxënës të aftë për drejtimin e mjetit, për këtë Lleshaj tha se do të kërkonte akreditimin e autoshkollave që certifikojnë drejtuesit e mjeteve.

“Një aspekt tjetër është kërkimi i masave për të rritur përgjegjësinë e autoshkollave. Nuk është vetëm thashethem por në shumë raste autoshkollat nuk plotësojnë detyrat për shofer të aftë. Kanë një armë të madhe që e merr me vete kur përdoret keq. Do gjejmë mënyra për këto autoshkolla për nxënësit që nxjerrin. Do të kërkojmë akreditim. Bashkëpunim me agjencitë shtetërore, psh mes dy ministrive.

Duhet të ndërtojmë instrumente të përshtashme për trafikun rrugor ti monitorojmë të koordinojmë. Pushteti vendor të futet më mirë në këtë punë. Semafori është vetëm në Tiranë, në Shqipëri nuk ka semafore përveç në Tiranë. Ka ardhur koha të investojmë në këtë fushë. Të shtohen në kryqëzime semaforët.

Në fund të muajit shkurt do të kemi një tryezë tjetër në vijimësi të kësaj”, tha Lleshaj.

Po ashtu Lleshaj u shpreh edhe për vrasjet mafioze, që sipas tij në shumicën e tyre, kanë ndodhur si rezultat të përdorimit të makinave të vjedhura, kur janë kryr krimet.

“Kufizimi i elementeve të krimit në rrugë. Vrasjet mafioze ndodhin me mjete të vjedhura më së shumti. Do ta kufizojmë këtë, me targat e reja që të mos bëhet në dy mjete. Ta kufizojmë hapsirën për të përdorur makinat si armë.

Mjetet e blinduara. Janë në përdorim masiv të krimineleve. Anëtarë grupesh kriminale dhe kjo nuk do të tolerohet.  Nuk e lemë policinë në këtë situatë, policiaka shumë  pak automjete të tilla“, tha ministri./abcnews.al

gazment-bardhi-1.jpg
ent ela14:17 | 25/11/2019

Partia Demokratike ka akuzuar kryeministrin Edi Rama se kërkon që dështimin e tij ta shesë për sukses. në një deklaratë për mediat sekretari i Përgjithshëm i PD, Gazmend Bardhi tha se Rama nuk ka asnjë masë të re kundër krimit të organizuar dhe mafias. Sipas tij SPAK është mekanizmi i duhur kushtetues, për t’i dhënë fund krimit të të fortëve, por që ka përballë të njëjtin kundërshtar që  e pengoi për 3 vjet.

Bardhi theksoi gjithashtu se Rama e di mirë se SPAK-u dhe BKH-ja e pavarur është rrezik për të dhe bandën e tij.

Deklarata e plotë e Bardhit

Kjo është një përpjekje e dëshpëruar për të ringjallur një plan të vjetër, të paligjshëm dhe të dështuar, nga një njëri që i kanë shteruar idetë dhe kërkon që dështimin e tij ta shesë për sukses.

Shqiptarët e dinë mirë që shfaqjet propagandistike dhe krekosjet e kota nuk do ta rikthejnë sigurinë e vërtetë në rrugët tona, fjalët boshe të një Kryeministri të lidhur me krimin nuk do ta ringjallin ekonominë dhe as nuk do të sjellin lekë për xhepat e boshatisura të shqiptarëve nga korrupsioni dhe keqqeverisja e tij.

Rikthimi i modelit të shtetit policor, i rrëzuar më parë si antikushtetues, është tentativë e qartë për të penguar dhe ndërhyrë në punën e SPAK dhe BKH, në ditën e ngritjes së tyre, për të luftuar krimin e organizuar dhe korrupsionin mes zyrtarëve të lartë dhe politikanëve.

Ligji është një mashtrim që synon të nënshtrojë drejtësinë dhe të pengojë veprimin e saj kundër krimit të organizuar dhe korrupsionit, duke krijuar zyrtarisht shtetin policor.

Edi Rama e di mirë se SPAK-u dhe BKH-ja e pavarur është rrezik për të dhe bandën e tij!

Të gjitha rastet kur Rama mbrojti krimin që promovoi në politikë. “Shqipërisë i duhet një qeveri e palidhur me krimin”

Edi Rama nuk mund ta luftojë krimin, pavarësisht spektaklit me të cilin jep premtimet. Ai ka dhënë prova se ka marrë në mbrojtje të gjithë bashkëpunëtorët e tij të kapur në flagrancë me krimin, që nga Elvis Rroshi, Saimir Tahiri, Fatmir Xhafa, Vangjush Dako, Mark Frroku, Agim Kajamaku. Ai kishte të gjithë shtetin nën kontroll, në dispozicion për t’i hetuar, por bëri të kundërtën, i mori në mbrojtje, fshehu urdhërarrestin ndërkombëtar për kriminelët që futi në parlament, duke u dhënë atyre imunitet, pengoi  për 3 vjet hetimin për vjedhjen e zgjedhjeve me dosjet 184 dhe 339.

Kuadri ligjor në Shqipëri për të luftuar krimin e organizuar është i plotë dhe madje shumë i fortë.

Qytetarët presin ngritjen e SPAK dhe BKH për ta zbatuar atë. Qytetarët nuk presin që SPAK-un dhe BKH-në, e ngritur me ndihmën e Shteteve të Bashkuara të Amerikës, ta zëvendësojë Edi Rama, Sandër Lleshaj apo Ardi Veliu.

Nën drejtimin e Edi Ramës, Saimir Tahirit, Fatmir Xhafës dhe Sandër Lleshit, Policia e Shtetit është provuar që mbron dhe nuk lufton krimin e organizuar, është provuar që mbron dhe nuk lufton trafikun e drogës, sepse në krye të KÇK është vetë Kryeministri. Ai është kapur në bashkëpunim me krimin e organizuar për të vjedhur vota, ai është kapur me klientët e tij duke vjedhur tendera dhe e koncesione.

E keqja është në krye të Qeverisë mafioze të Shqipërisë. Shqipëria nuk ka kohë për të humbur me nisma propagandistike, që Rama shpall me bujë sa herë Shqipërisë i mbyllet dera e Europës!

Shqipërisë i duhet një qeveri e dalë nga zgjedhjet e lira e të ndershme, që mbështet dhe nuk pengon drejtësinë dhe që ka vullnet të vërtetë për të luftuar krimin e organizuar dhe korrupsionin! /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono