krimet e renda

automjeti-i-ndjekesve.jpg
nev ila09:47 | 21/10/2019

Gjykata e Krimeve të Rënda ka vlerësuar masën e sigurisë për 8 personat e dyshuar si të përfshirë në vrasjen e ish-efektivit të policisë Santiago Malko. Togat e zeza pranuan kërkesën e prokurorit duke vendosur masën e sigurisë arrest me burg në mungesë për anëtarët e grupit kriminal Duka.

8  të dyshuarve për vrasjen e Santiago Malkos, u  është vlerësuar masa e sigurisë nga Gjykata e Krimeve të Rënda. Togat e zeza pranuan kërkesën e prokurorit, Behar Dibra, për caktimin e masës arrest me burg në mungesë për 8 personat e shpallur në kërkim.

Të dyshuar si të përfshirë në vrasjen e ish-efektivit të forcave të policisë Santiago Malko janë anëtarë të grupit kriminal “Duka”. Prokuroria dyshon se këta persona janë larguar jashtë vendit, dhe i ka shpallur në kërkim ndërkombëtar.

Të dyshuar janë dy vëllezërit Leonard dhe Elis Duka,  Xhoni Nica, Oltian Loka, Ilir Selmani, Aleksandër Maxhaku, Dritan Agaj, si dhe Fatmir Hyseni, i njohur ndryshe me nofkën “Doqja”.  Gjykata e krimeve të Rënda brenda pak ditëve do të vlerësojë masën edhe për Blendi Tetën, i vetmi i arrestuar  për këtë çështje.

Teta u hetua fillimisht vetëm për mos kallëzim krimi ndërkohë, prokuroria për krime të rënda i ka ndryshuar akuzën. Tata po hetohet për vrasje e kryer në bashkëpunim në kuadër të grupit të strukturuar kriminal.

Blendi Teta i ka mohuar fillimisht akuzat dhe faktin që ka lidhje më këtë ngjare por e tradhtuan bisedat telefonike të kryer me bashkëjetuesen ku i rrëfen se mund të akuzohet për vrasje.  Organi i akuzës dyshon se ishte pikërisht Teta ai që ka ndjekur dhe raportuar çdo lëvizje të Malkos.

Personi që ka qëlluar kundrejt ish policit dyshohet të jetë Fatmir Hyseni. Fillimisht dosja u hetua nga Prokuroria e Tiranës, e cila më pas shpalli moskompetencë duke e kaluar tek Krimet e Rënda.

Të shpallurit në kërkim akuzohet për veprat penale vrasje e kryer në bashkëpunim në kuadër të grupit të strukturuar kriminal, mbajtje pa leje e armëve luftarake dhe municioneve dhe  vjedhje.  Ish-polici u ekzekutua, mbrëmjen e 27 gushtit në rrugën “Xhanfize Keko” në kryeqytet, pasi ka dalë nga spitali i pediatrisë ku kishte shtruar djalin.

/abcnews.al

banoret-ne-shkoze.jpg
nev ila11:52 | 20/10/2019

Krimet e Rënda kanë caktuar sot masën e sigurisë ‘arrest shtëpie‘ për Petrit Dukin. Ai u arrestua katër ditë më parë pasi tentoi të përplasë me makinën e tij forcat e policisë qëishin vendosur në zonën e Shkozës, për të ruajtur rendin dhe mbarëvjatjen e aksionit të IKMT-së gjatë shembjes së banesave.

Fillimisht ai u arrestua nën akuzën “Vrasje me dashje në rrethana të cilësuara, e mbetur në tentativë”, por më pas Krimet e Rënda bënë ndryshimin e veprës penale në “Kundërshtim të forcave të policisë” dhe “Kanosje për shkak të detyrës”.

Gjatë caktimit të masës së sigurisë, në sallë ka qenë edhe ish-deputeti i PD Aldo Bumçi i cili nuk është pranuar në caktimin e masës së sigurisë. Burime bëjnë me dije se i pandehuri do të apelojë vendimin.

Banesat e shembura në zonën e Shkozës preken nga devijimi i Lanës në kuadër të projektit të Unazës së Re./abcnews.al

krimet-e-renda-1280x701.jpg
nev ila17:20 | 17/10/2019

Gjykata e Krimeve të Rënda ka dënuar me 4.6 vite burg gjyqtarin e Fierit Roland Hysi. I akuzuar për korrupsion pasi të gjyqtarëve dhe kërkese për favore seksuale. Për shaka të gjykimit të shkurtuar Hysi u dënua përfundimisht me 3 vite heqje lirie. Togat e zeza kërkuan dënim plotësues që për 5 vite Roland Hysi të mos ushtrojë funksione publike.

Kërkoi para dhe favore seksuale një nëne, në këmbim të dhënies së kujdestarisë së vajzës, togat e zeza të Krimeve të Rënda të kryesuar nga Sandër Simoni dënuan me 4 vite e 6 muaj burg gjyqtarin e Fierit Roland Hysi.

Gjyqtari ishte i akuzuar për korrupsion pasiv të gjyqtarëve dhe favore seksuale. Për shkak të gjykimit të shkurtuar, Hysit i ulet 1/3 e dënimit duke u dënuar përfundimisht me 3 vjet heqje lirie. Gjithashtu, Gjykata për Krime të Rënda i ka vendosur Hysit dënim plotësues duke i hequr të drejtën e ushtrimit të funksioneve publike për 5 vite.

Gjyqtari Roland Hysi që kërkoi favore seksuale nga një palë në proces nuk ishte i pranishëm në sallën e gjyqit, por u përfaqësua vetëm nga avokati i tij. Mbrojtësi i Roland Hysit, Ardi Leka, gjatë konkluzioneve u shpreh se prokuroria nuk ka kryer ekspertimin e zërit nga materialet origjinale që është regjistruar përgjimi, por nga videot e publikuar nga emisioni investigativ “Stop” në Tv Klan.

Leka u shpreh se teknologjia ka përparuar dhe se aty mund te jetë modifikuar zëri i të mbrojturit prej tij, në përfundim ai kërkoi që Roland Hysi të lirohet nga qelia.  Prokuroria për Krime të Rënda gjatë seancës për konkluzionet përfundimtare kërkoi 4 vite burg për gjyqtarin e Fierit.

Bashkë me gjyqtarin Hysi është nën procedim edhe psikologia Elona Mecani, e akuzuar për ushtrim ndikimi të paligjshëm. Çështja për psikologen është veçuar dhe hetimet ende vijojnë nga Prokuroria e Fierit.

Gjatë seancës paraprake, Gjyqtari Hysi ka pretenduar se video e përgjimit të transmetuar në emisionin “Stop” nuk mund të shërbejë si provë për akuzat e ngritura ndaj tij./abcnews.al

 

besim-hajdarmataj-1.jpg
ad min10:50 | 14/10/2019

Komisioni i Pavarur i Kualifikimit zhvilloi sot seancën dëgjimore për ish-drejtuesin e Prokurorisë për Krime të Rënda Besim Hajdarmataj. Pas hetimit administrativ, ai rezultoi i pastër në të tre kriteret e rivlerësimit. Prokurori Hajdarmataj ka patur në dorë disa dosje të cilësuara të nxehta.

Ish-drejtuesi i Prokurorisë për Krime të Rënda Basim Hajdarmataj, u përballë këtë të Hënë me Komisionin e Pavarur të Kualifikimit. Hetimi administrative nga KPK për Hajdarmatajn u bë për të tri kriteret e rivlerësimit, ku rezultoi i pastër.

Sipas raportit të ILDKPKI-së, subjekti ka bërë deklarim të saktë, nuk ka kryer fshehje pasurie dhe nuk është në situatën e konfliktit të interesit. Sipas Relatores Suela Zhegu, Hajdarmataj ka deklaruar dy depozita bankare 5 milionë dhe 1 milionë lekë, ku si burim i krijimit janë kursimet nga paga ndër vite.

KPK tha se deklarimi përputhet me të dhënat e bankës dhe se subjekti ka pasur mundësi financiare për të krijuar këtë shumë parash. KPK relatoi se Prokurori Hajdarmataj ka marrë dhuratë nga vëllai 6 mijë euro dhe 4 mijë paund.

Sipas KPK-së, subjekti paraqiti dokumentet që provojnë se vëllai kishte mundësi financiare t’ia bënte dhuratë. Për pastërtinë e figurës Drejtoria e Sigurimit të Informacionit të Klasifikuar ka dorëzuar një raport ku ka konstatuar përshtatshmëri për vijimin e detyrës.

Për kriterin e aftësive profesionale në raportin e dorëzuar nga Prokuroria e Përgjithshme thuhet se Prokurori Besim Hajdarmataj ka hetuar 40 procedime dhe nuk ka pasur masa disiplinore. Sipas raportit Hajdarmataj ka aftësi për të drejtuar hetimin dhe është vlerësuar shumë mirë. Ka aftësi të mira drejtuese dhe respekton parashikimet ligjore.

Pranë KPK kanë mbërritur 11 denoncime për prokurorin ku 3 prej tyre janë në mediat online. Sipas Komisionit të Pavarur të Kualifikimit pas hetimit rezultoi se në këto denoncime nuk ka fakte dhe prova që të faktojnë akuzat.

Në prill KPK ka rihapur hetimin për prokurorin pasi pran Operacionit Ndërkombëtare të Monitorimit kanë mbërritur 3 denoncime anonime ku e akuzonin prokurorin si person që ka lidhje me persona të botës së krimit, konkretisht me shtetasit M.L dhe V. K, që konsiderohen me rrezikshmëri të larte.

Në fund KPK ka konstatuar se Prokurori nuk ka lidhje me këto persona dhe se denoncimet janë të pabazuara në fakte dhe prova. Në përfundim të seancës Hajdarmataj kërkoi konfirmimin në detyrë. Besim Hajdarmataj është prokurori i cili ka drejtuar hetimet për disa nga çështjet më të bujshme.

Hajdarmataj ka firmosur kërkesën për heqjen e mandatit të deputetit për Ish-Ministrin e brendshëm Saimir Tahiri. Prokurori Hajdarmataj ka udhëhequr hetimet për dy dosjet bujshme si 184, ku u përgjuan për shit-blerje votash një sërë zyrtarësh të lartë të partisë Socialiste.

Për publikimin e përgjimeve në gazetën Gjermani BIld zëvendëskryeministri Erion Braçe, akuzoi Prokurorin Hajdarmataj si person që ka publikuar përgjimet. Ka firmosur nisjen e hetimit për dosjen 339, ku u proceduan penalisht edhe dy ish-deputet të mazhorancës aktuale. Besim Hajdarmataj së fundi kandidoi për të qenë pjesë e SPAK, por që KLP nuk e përfshiu në listën përfundimtare me 15 prokurorë.

/abcnews.al

saimir-tahiri.jpg
ad min14:57 | 03/10/2019

Ish-ministri i Brendshëm Saimir Tahiri nëpërmjet avokatit të tij ka bërë kërkesë për zënë afatet ligjore në gjykatën e Apelit për Krime të Rënda. Kërkesa është për të ankimuar vendimin e dhënë nga Gjykata e Shkallës së parë për Krime të Rënda.

Togat e zeza e shpallën fajtor ish-ministrin e Brendshëm Saimir Tahiri për “Shpërdorim Detyre” dhe e dënuan me 3 vite shërbim prove. Kërkesa është dorëzuar pa shkaqet e ankimimit pasi gjykata nuk ka zbardhur vendimin, duke e argumentuar se do respektojë afatet ligjore prej 30 ditësh.

Më 2 Tetor kërkesë për zënie të afateve ligjore kanë bërë edhe avokatët e ish-drejtorit të policisë së Vlorës Jelad Çela.

Burime nga Prokuroria për Krime të Rënda konfirmojnë për Abc News se prokurorët do të dorëzojnë më 4 Tetor ankimim në Gjykatën e Apelit për Krime të Rënda, kundër vendimit për ish-ministrin Saimir Tahiri dhe ish-drejtorin e policisë së Vlorës Jaeld Çela./ABC News Albania 24/7

sadetin-erkoceviq.jpg
ad min11:15 | 16/08/2019

I shumëkërkuari i Shkodrës Sadedin Erkoçeviq do qëndrojë në burg. Masa e sigurisë u dha nga Gjykata Penale. Para trupës gjykuese, 28-vjeçari, nuk dha asnjë sqarim se përse lëvizte i armatosur, duke thënë se do shprehej në një moment të dytë.

Gjykata Penale caktoi masën e sigurisë arrest me burg për Sadedin Erkoçeviq, i arrestuar dy ditë më parë për armëmbajtje pa leje. 28-vjeçari nuk dha asnjë sqarim para gjyqtarit Sokol Tone, se për çfarë i duhej arma.

Sadedin Erkoçeviq ishte një nga të shumë kërkuarit e Shkodrës, pasi për të ka një vendim të formës së prerë nga Gjykata e Rrethit Shkodër, të dhënë në Shkurt të 2018-s. I pyetur nga gjyqtari Tone nëse ka qenë i dënuar më parë 28-vjeçari ka rrëfyer se nuk ka pasur dijeni.

Sadedin Erkoçeviq është  dënuar me 20 vite burg në mungesë  për veprat penale “Vrasje me dashje” dhe “Prodhim dhe mbajtje pa leje te armeve e municioneve luftarake”. Në vitin 2014 ka vrarë me armë zjarri Indrit Yllin dhe ka plagosur Jetmir Beqirin.

Ditën kur ka ndodhur ngjarja Sadedin Erkoçeviq ka qenë në shoqërinë e Eljon Hatos një emër shumë i njohur për policinë dhe i akuzuar për kryerjen e disa vepra penale. 28-vjeçari ka pasur mbiemrin Lisi dhe njihet për lidhjet e tij të ngushta miqësore me Bajrajt, një nga grupet kriminale qe vepronte ne Shkodër./ABC News Albania 24/7

KPA-SINKRON-ABCM5T1.mpg_snapshot_00.25-1280x720.jpg
ent ela15:50 | 26/07/2019

Rikonfirmohet në detyrë për herë të dytë gjyqtarja e Apelit për Krime të Rënda, Nertina Kosova. KPA vendosi që ta lërë në detyrë pas kërkesës së Komisionerit Publik. Ndërkohë, Komisioni i Pavarur i Kualifikimit konfirmoi në detyrë prokurorin Klodian Braho, anëtar i SPAK.

Kolegji i Posaçëm i Apelimit ka vendosur të konfirmojë përfundimisht në detyrë, gjyqtaren e Apelit për Krimet e Rënda, Nertina Kosova.

Komisioneri Publik, në seancën kur relatoi konkluzionet përfundimtare, i kërkoi trupës gjykuese të Kolegjit që të linte në fuqi vendimin e Komisionit të Pavarur të Kualifikimit për Kosovën.

Më herët Komisionieri Florian Ballhysa e ankimoi vendimin e KPK-së me argumentin se nuk ka bërë hetim të plotë për gjyqtaren, por pas provave të paraqitura nga ana e Gjyqtares Nertina Kosova, Ballhysa ka kërkuar lënien e saj në detyrë.

Një tjetër konfirmim në detyrë ka vendosur sot edhe Komisioni i Pavarur i Kualifikimit. Prokurori Klodian Braho, anëtar i SPAK, do të vazhdojë të qëndrojë në detyrë.

Hetimi për Brahon u bazua në të tre kriteret e vlerësimit; atë të pasurisë, figurës dhe aftësive profesionale. Nga hetimi i KPK-së rezultoi se prokurori kishte pasuri të justifikuara, me burime të ligjshme krijimi, aftësi profesionale shumë të mira dhe sipas raportit të Drejtorisë së Informacionit të klasifikuar, pa asnjë kontakt me botën e krimit./ABC News Albania 24/7

SINKRON-BASHA-PAS-PYETJEVE-ABCM5T1.mpg_snapshot_00.49-1280x720.jpg
ent ela11:19 | 25/07/2019

Kreu i PD Lulzim Basha ishte në Prokurorinë për Krime të Rënda për atë që njihet si çështja Toyota Yaris. Basha ka deklaruar për mediat se ka dhënë informacione të reja në lidhje me këtë çështje.

Për rreth 1 orë e 30 minuta Kryetari i PD Lulzim Basha ka dhënë sqarime para grupit të prokurorëve belgë dhe dy prokurorëve shqiptarë për atë që njihet si çështja e Toyota Yaris. Jashtë dyerve të prokurorisë Kreu i opozitës deklaroi se ka dhënë më tepër informacione nga ato që kishte bërë publike.

Kryetari i PD vijoi akuzat për mazhorancën duke u shprehur se ata po përdorin koncesionet dhe tenderat për të pastruar paratë e drogës.

Më herët në prokurorinë për Krime të Rënda kishin mbërritur me letërporosi 3 pyetje për liderin e opozitës ku konsistonin në mënyrën sesi ai është informuar për mbërritjen në vendin tonë të 3.4 milonë eurove.  Basha u largua pa dhënë një përgjigjie.

Të martën prokurorët belgë kanë morën në pyetje 4 të pandehurit Edi dhe Klevi Lika, Alban Mollaymeri dhe Agim Çeka, të cilët ndodhen të arrestuar në vendin tonë. Ndërkohë në kërkim nga autoritetet e të dy vendeve janë kushërinjtë Alfred dhe Elvis Vladi. /ABC News Albania 24/7

 

 

 

TAHIRI-1280x713.jpg
ent ela12:20 | 22/07/2019

Ish-ministri i Brendshëm Sajmir Tahirir do të gjykohet me gjykim të shkurtuar. Nga banka e të pandehurit Tahiri kundërshtoi shtyrjen e procesit për në shtator duke u shprehur nëse për prokurorët është thjeshte një procedurë për të është vetë jeta. Sipas Tahirit organi i akuzës nuk pa prova të reja që nga 2017 kur ka nisur dhe hetimin ndaj tij.

“Procesi gjyqësore për ish-ministrin e Brendshëm Sajmir Tahirir shtyhet për në vjeshtë. Gjykata e Krimeve të Rënda pasi pranoi kërkesën për gjykim të shkurtuar i kërkoi prokurorisë që të paraqesë konkluzionet përfundimtare. Ish-ministri akuzohet për trafik droge me grupin e Habilajve”.

Tahiri jashtë godinës së xhamtë dukej mjaft i qetë pas pranimit të kërkesës për gjykim të shkurtuar nga togat e zeza por vazhdoi të thumbonte organin e akuzës ku u shpreh se nuk ka asnjë provë të re ndaj tij që nga 2017.

Gjatë seancës ish- ministri këmbënguli që procesi i tij të zhvillohej pa ndërprerje dhe të mos shtyhej për në 10 Shtator. pyetur nga gazetarët se si ndihet që ka ngelur për në vjeshtë Tahirir u shpreh: “Nuk shkova unë në vjeshtë, shkoi Prokuroria!”.

Tre janë akuzat e ngritura ndaj ish ministrit të brendshëm

“Trafikim i narkotikëve në bashkëpunim, në formën e grupit të strukturuar kriminal”, “Kryerja e veprave penale nga organizata kriminale” dhe “Grup i strukturuar  kriminal”. Prej dy vitesh tashmë Tahiri vijon betejën me drejtësinë e pas shtyrjes së katërt të gjyqit ndaj tij, duket se nuk e ka humbur humorin.

“Kjo histori në fillimet e shtetit ka nisur me burra me mustaqe dhe ka përfunduar me burra me botox, unë nuk jam ky model”.

Gjykata e Krimeve të Rënda ka pranuar kërkesën për gjykim të shkurtuar edhe për Jaled Çelën ish-drejtuesin e policisë së Vlorës./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono