krime lufte

BOSNJE-KOMANDANTI-1280x907.jpg
ent ela19:38 | 11/10/2018

Autoritetet në Sarajevë kanë ngritur akuzë për krime lufte ndaj ish-komandantit të myslimanëve-boshnjakë. Atif Dudakoviç akuzohet për vrasjen e 300 serbëve, mes të cilëve civilë dhe ushtarë të dorëzuar.

Komandanti i boshnjakëve myslimanë gjatë luftës së viteve 1992-95 dhe 16 anëtarë të njësisë së tij janë akuzuar të enjten për kryerjen e masakrave ndaj serbëve në perëndim të Bosnjës. Atif Dudakoviç është akuzuar gjithashtu për krime kundër boshnjakëve që ishin anëtarësuar ose kishin mbështetur një fraksion rival në zonë gjatë konfliktit. Nga ana e tij, 65-vjeçari i ka hedhur poshtë akuzat duke i cilësuar të motivuara politikisht.

Bosnja qeverisej nga partitë nacionaliste serbe, kroate dhe boshnjake gjatë luftës që mori mbi 100 mijë jetë njerëzish. Dudakoviç ishte gjeneral i ushtrisë myslimano-boshnjake që udhëhoqi trupat që vepronin në enklavën Bihaç, e rrethuar dhe e sulmuar nga forcat serbe në vitet 1991-95.

Pas luftës, ai shërbeu si komandant i përgjithshëm i federatës autonome kroato-boshnjake, që më vonë u bashkua me forcat e armatosura të vendit. Sipas prokurorëve të çështjes, të pandehurit akuzohen për vrasjen e 300 serbëve, shumica e të cilëve civilë dhe të moshuar, por edhe ushtarë të dorëzuar. Trupat e një pjese të viktimave u gjetën në varre të shumta masive dhe individuale të zbuluara pas luftës, ndërkohë që për të tjerët kërkimet vazhdojnë.

Dudakoviç dhe 11 anëtarë të njësisë së tij u arrestuan në prill nën akuzën për krime lufte, por më vonë u lanë në liri të mbikëqyrur. Prokurorët kanë deklaruar se do të thërrasin 447 dëshmitarë në proces dhe do të publikojnë 1 mij e 100 dokumente si prova. Tashmë i takon gjykatës shtetërore të Bosnjës për të konfirmuar padinë. /abcnews.al

ministria-1280x850.jpg
ent ela08:40 | 06/10/2018

Ministria e Punëve të Jashtme ka bërë të ditur se ka pranuar informacionin e konfirmuar zyrtar që autoritetet në Serbi kanë ndaluar edhe një shtetas të Kosovës.

Sipas informacioneve të MPJ-së, shtetasi i Republikës së Kosovës po mbahet në Beograd nga Zyra e Prokurorit Special, me arsyetimin e krimeve të luftës.

Ministria e Punëve të Jashtme ka vlerësuar se “sjellja e autoriteteve serbe karshi shtetasve të Kosovës mbetet e ngjashme me politikat e Millosheviqit dhe veprime të tilla i konsideron thjeshtë si një “gjueti shtrigash” ndaj shtetasve tanë”.

“Autoritetet serbe para se të merren me shtetasit e shtetit fqinj – Republikës së Kosovës do të duhej duhej të merreshin me shtetasit e tyre serb, të implikuar në krimet e luftës, kundër njerëzimit dhe krimeve tjera në Kosovë, gjë të cilën ata kanë dështuar ta bëjë”.

“Kjo është dëshmia më e mirë se në Serbi nuk ka asnjë shenjë keqardhje, pendimi e as kërkim falje ndaj qytetarëve të Republikës së Kosovës, sikurse nuk ka pasur as me qytetarët e vendeve tjera në rajon”, thuhet në komunikatën e Ministrisë së Punëvë të Jashtme, njofton Klan Kosova.

Ministria e Punëve të Jashtme i ka bërë thirrje fqinjit verior që “urgjentisht të ndalë keqtrajtimet, maltretimet dhe shkeljet sistematike të të drejtave të njeriut ndaj shtetasve të Republikës së Kosovës”.

Ministria e Punëve të Jashtme e Kosovës i ka bërë thirrje Bashkimit Evropian, shteteve të Kuintit dhe komunitetit ndërkombëtar që urgjentisht t’i tërheqin vërejtjen shtetit fqinj ndaj sjelljeve të tilla duke kërkuar lirimin e menjëhershëm të shtetasit të Republikës së Kosovës. /klankosova

prishtina.jpg
G. P.12:30 | 21/09/2018

Sipas mediave serbe do të duhet më shumë se një vit për formulimin e akuzave të Gjykatës Speciale në Kosovë. E kjo vonesë sipas tyre bëhet pikërisht për shkak të dialogut mes Prishtinës dhe Beogradit që tashmë ka hyrë në fazë përfundimtare.

E përditshmja serbe “Blic” shkruan se Kosova është në kërkim të garancive si kusht për ecurinë e bisedimeve me Serbinë. Dhe një nga këto garanci është amnistia për ata që do të mund të akuzohen nga Gjykata Speciale në vend.

Më tej, kjo e përditshme raporton se akuzat nga Gjykata Speciale e Kosovës nuk do të formulohen për të paktën edhe një vit, derisa të përfundojnë bisedimet ndërmjet Kosovës e Serbisë.

Sipas gazetës, vetëkrijimi i Gjykatës Speciale “për krimet e UÇK-së” ka shkaktuar shqetësime dhe thekson se presidenti i Kosovës, Hashim Thaçi, përmendet si një një nga personat që pritet të akuzohet nga kjo gjykatë.

Mirëpo, sipas gazetës, duke pasur parasysh se Thaçi ka funksion të lartë politik, është pak e besueshme se ai, apo kryeministri i Kosovës Ramush Haradinaj dhe kryetari i Parlamentit të Kosovës, Kadri Veseli “do të dalin para drejtësisë”.

Gazeta citon avokatin serb Nebojsa Vlajiç, i cili do të përfaqësojë viktimat e “krimeve të UÇK-së”, i cili konfirmon se nuk pret një fillim së shpejti të gjykimeve./abcnews.al

SERBI-ARRESTIM-1280x720.jpg
G. P.08:42 | 08/05/2018

Një shtetas serb i akuzuar për pjesëmarrje në krimet e luftës gjatë konflikteve të viteve ‘90 në Ballkan është arrestuar nga policia rumune në portin e Galatit. Lajmi bëhet i ditur në një komunikatë për shtyp të shpërndarë nga garda kufitare rumune.

Personi, i quajtur Stevan Budac, ishte pjesë e ekuipazhit të një anijeje që po lundronte me një flamur serb kur është ndalur nga agjentët e kufirit, që e kanë identifikuar përmes fotos sinjalistike të INTERPOL-it.

Sipas njoftimit, për 50-vjeçarin ishte shpallur një urdhër-arrest ndërkombëtar për krime lufte dhe genocid, të kryera në periudhën shtator-dhjetor të vitit 1991.

Urdhër-arresti ishte lëshuar nga një gjykatë në Kroaci, e cila akuzon Budac se në periudhën mes viteve 91-95 ishte pjesë e një grupi paraushtarak të organizuar dhe ka marrë pjesë në krime ndaj qytetarëve kroatë dhe hungarezë.

Budac i është dorëzuar një skuadre policore speciale dhe deri në përfundim të procedurave të ekstradimit do të qëndrojë në arrest./abcnews.al

limaj-1280x642.jpg
ent ela13:52 | 09/03/2018

Fatmir Limaj është shpallur i pafajshëm ndaj akuzës për krime lufte. Vendimi është dhënë nga gjykata e Gjakovës pas rreth dy vitesh seances gjyqësore për vrasjen e dy civilëve në kohën e luftës, në tetor të 1998-ës.

Pas pothuajse dy vitesh nga akuzat për krime lufte ndaj Fatmir Limaj, gjykata e Gjakovës e ka shpallur të pafajshëm liderin e Nisma, njëkohësisht dhe ministrin actual të transportit në Kosovë Fatmir Limaj. Ai akuzohej për vrasjen e dy civilëve gjatë kohës së luftës, të cilët u ekzekutuan në tetor të 1998-ës në Malishevë. Prokuroria pretendonte se dy viktimat ishin rrëmbyer nga persona të maskuar e të armatosur me uniforma të UÇK-së. Në fjalën përfundimtare prokuroria kishte kërkuar dënimin e Fatmir Limajt për dhënien e urdhërit për këtë rrëmbim dhe për faktin se nuk kishte bërë asgjë për të ndaluar vrasjene tyre.

Limaj nga ana e tij, në fjalën përfundimtare, shprehu keqardhjen për familjet e dy të vrarëve të cilët dhe pas gjithë kësaj kohe ende nuk e dinin se kush është autori I vrasjeve.

Aktakuza ndaj Limajt për krime lufte ishte ngritur më 28 tetor 2016.

Prokuroria në aktakuzë pretendonte gjithashtu se Fatmir Limaj i ka parë kufomat e viktimave dhe ka qenë në dijeni të krimit por qëllimisht nuk ka marrë masa për të zbardhur cështjen dhe as e ka denoncuar si rast./abcnews.al

vlcsnap-error693-2-1280x720.jpg
G. P.20:16 | 22/02/2018

Duke iu rikthyer debatit për krimet e luftës, qeveria serbe ka deklaruar se ka qenë Ushtria Çlirimtare e Kosovës, ajo që kreu gjenocidin dhe spastrimin etnik më të madh, duke dëbuar serbët nga territori kosovar.

Shefi i zyrës për Kosovën në qeverinë serbe, Marko Gjuriç, thotë se në Kosovë është kryer gjenocid, por atë e kanë kryer shqiptarët dhe Ushtria Çlirimtare e Kosovës ndaj popullit serb. Ky reagim ka ardhur pas deklarimeve në Facebook të kreut të grupit parlamentar të Lidhjes Demokratike të Kosovës, Avudlla Hoti, i cili kishte shkruar se Vuçiç nuk e ndihmojnë petkat e reja për të mbuluar krimet dhe gjenocidin. Gjuriç i ka bërë këto komente gjatë promovimit të turizmit serb në Kosovë.

Marko Gjuriç, shef i zyrës për Kosovën-Serbi: “E vërteta është se UÇK-ja terroriste ka kryer krimet më të rënda dhe spastrimin etnik dhe janë shpërnglur 247 mijë njerëz nga Kosova e Metohia. Ne nuk do të heshtim. Z. Hoti mjafton të shëtisë në Prishtinë dha ta shohë se atje nuk ka më serbë”.

Hoti kishte shkruar edhe se Vuçiç do të duhej të lutej për viktimat e politikës së tij. Por Gjuriç ka thënë se Serbia ka një sjellje tjetër nga deklarimet e Hotit dhe politikës në Kosovë./abcnews.al

Idro Seferi, gazetar i ABC News, Beograd

vlcsnap-error239-1280x720.jpg
us er22:13 | 28/12/2017

14 ish-oficerë boshnjakë janë akuzuar nga prokuroria e Sarajevës për krime lufte kundër serbëve të Bosnjës. 10 prej tyre janë në paraburgim.

Prokuroria në Sarajevë ka ngritur akuza ndaj 14 ish-oficerëve dhe ushtarëve myslimanë boshnjakë të dyshuar për vrasje, tortura dhe persekutimit kryer kundër serbëve të Bosnjës në zonën Konjic gjatë luftës civile në vitet 1992 – 1995. Dhjetë prej të akuzuara tashmë janë në paraburgim, tha Zyra e Prokurorisë së Sarajevës në një deklaratë të bërë gjatë së enjtes. “Katërmbëdhjetë të pandehurit janë të akuzuar për krime lufte, për vrasjen e dhjetëra civilëve serbë, përfshirë gra dhe burra të të gjitha moshave, tortura, vjedhje dhe persekutimin e pothuajse të gjithë popullatës serbe në zonën Konjic” , thuhet në deklaratë.

Myslimanët dhe kroatët në republikën e ish-Federatës jugosllave, në ditët e para të Luftës Civile, bashkuan forcat në zonat ku ata ishin një shumicë, si Konjic dhe përndoqën banorët serbë para se të përballeshin në luftë me njëri-tjetrin. Më shumë se 100 mijë persona u vranë në konflikt dhe më shumë se dy milionë civilë u zhvendosën si pasojë e luftës në Bosnje.
Prokurorët në Sarajevë kanë ngritur akuza edhe kundër katër oficerëve të ushtrisë serbe të Bosnjës, për genocid kundër myslimanëve që iknin nga Srebrenica, në lindje të vendit, pasi qyteti u mor nga forcat serbe në korrik të vitit 1995. Forcat serbe të udhëhequr nga gjenerali Ratko Mlladiç ekzekutuan më shumë se 8,000 burra dhe djem myslimanë në Srebrenicë, duke shkaktuar masakrën më të rëndë që nga Lufta e Dytë Botërore.

Ratko Mlladiç u dënua me burgim të përjetshëm nga Gjykata Penale Ndërkombëtare për ish-Jugosllavinë në Hagë muajin e kaluar. Katër ish oficerë të tjerë serbo-boshnjakë nga Vlasenica, mes të cilëve edhe kryebashkiaku aktual i qytetit, janë akuzuar së fundi për vrasje, tortura dhe persekutimin e shumicës së popullsisë boshnjake të qytetit./abcnews.al

vlcsnap-error375-2-1280x719.jpg
us er13:56 | 26/12/2017

Mediat serbe shkruajnë se më shumë se 60 ish luftëtarë te UCK-së pritet të akuzohen për krime lufte nga gjykata speciale në Kosovë. Ndër emrat më të përmendur janë Daut Haradinaj, vëllai i kryeministrit të Kosovës dhe Azem Syla.

Daut Haradinaj, vëllai i kryeministrit kosovar Ramush Haradinaj dhe Azem Syla do të jenë mes personave të akuzuar për krime lufte nga ghjykata speciale në Kosovë. Mediat serbe shkruajnë se janë më shumë se 60 ish luftëtarët e UÇK-së që pritet të akuzohen nga kjo gjykatë.

Disa ditë pasi presidenti i Kosovës dhe kryeministri, Hashim Thaci dhe Ramush Haradinaj, u përpoqën të rrëzonimn një ligj në parlament i cili lejon krijimin e gjykatës speciale, mediat në prishtinë raportojnë se janë bërë gati akt akuzat për më shumë se 60 ish luftëtarë të UÇK-së.

Akuzat e para pritet të zyrtarizohen në mesin e muajit shkurt, sipas portalit Isajder, duke shtuar se presidenti i Kosovës Thaci dhe kryetari i parlamentit Kadri Veseli, figurojnë nën hetim për krime lufte.

Thaci po hetohet si një ish lider politik i UÇK-së dhe kreu i qeverisë së tranzicionit të krijuar nga komandantët e UÇK-së pas mbërritjes së forcave ndërkombëtare në Kosovë ne verën e 1999-ës. Ndërsa Veseli hetohet për rolin si kreu i shërbimit sekret të UÇK-së.

Isajder shkruan se Azem Syla, një nga themeluesit e Ushtrisë Çlirimtare të Kosovës, do të hetohet për një seri vrasjesh të kundërshtarëve politikë, një hetim që deri tani është drejtuar nga Eulex në kuadër të çështjes “Bllaca 2”

Sokol Dobruna është një tjetër emëri i cili pritet të hetohet për rolin e tij si ekzekutues i gjykatës së UCK-së e cila ishte aktive gjatë luftës dhe pak pas përfundimit të saj.

Daut Haradinaj pritet të akuzohet për rolin e tij në çështjen e njohur si liqeni Radonjic, ku u gjetën trupat e pajetë të 40 serbëve, shqiptarëve dhe romëve.

Prokurorët e gjykatës speciale po hetojnë për rreth 400 vrasje të serbëve dhge shqiptarëve pas vitit 2000, përfshirë dhe shumë vrasje të pazgjidhura të rivalëve politikë të partive që dolën nga UÇK-ja./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono