krijimi i ushtrise

QEVERIA-KOSOVE-URIMI-1280x561.jpg
ent ela14:47 | 14/12/2018

Me anë të një deklarate të gjatë për media qeveria e Kosovës ka uruar popullin me rastin e krijimit të ushtrisë. Ndër të tjera në deklaratë thuhet se ushtria është një e drejtë që Kosova e ka fituar me shumë gjak e sakrifica.

“Kosova është NATO dhe NATO është Kosovë. Për këtë askush mos të ketë asnjë dyshim. Së bashku me aleatët, NATO-n do të jemi vetëm në shërbim të demokracisë, sigurisë, paqes dhe zhvillimit në Kosovë, rajon e kudo që kërkohet”. Këthu thuhet ndër të tjera në urimin e gjatë që qeveria e Kosovës I bën popullit me rastin e krijimit të ushtrisë së vendit. Më tej aty theksohet se Kosova e ka fituar këtë të drejtë me anë të sakrificave të shumt. Dhe për këtë arsye është e drejta e Kosovës që të ketë ushtri, një forcë multietnike e profesionale të ndërtuar sipas standardeve më të larta të NATO-s.

Duke kujtuar dhe nderuar të gjithë burrat dhe gratë që bënë sakrifica të mëdha për lirinë dhe shtetin tonë dhe duke shprehur mirënjohje për misionin e NATO-s, KFOR-it, të gjithë trupave ushtarake të vendeve aleate: SHBA-së, Gjermanisë, Britanisë së Madhe, Francës, Italisë, e të gjitha atyre vendeve që i shërbyen paqes në Kosovë, Qeveria e Republikës së Kosovës thekson se sot u kurorëzua rrugëtimi për konsolidimin e plotë e të brendshëm shtetëror të Republikës së Kosovës.

Qeveria e Republikës së Kosovës konsideron se me miratimin e Projektligjit për Forcën e Sigurisë së Kosovës, Kosova përcakton kompetencat, organizimin dhe funksionimin e FSK-së, si forcë multietnike, profesionale, e armatosur dhe e autorizuar për të shërbyer në vend dhe jashtë vendit, në pajtim me mandatin e dhënë kushtetues dhe ligjor në mbrojtje të integritetit territorial, qytetarëve, pronës dhe interesave të Republikës së Kosovës, dhe e cila i nënshtrohet kontrollit civil demokratik. /abcnews.al

jens-stoltenberg123.jpg
ent ela13:18 | 14/12/2018

Në një reagim pas miratimit nga Kuvendi i Kosovës të tre ligjeve që çojnë para procesin e transformimit të Forcave të Sigurisë së Kosovës, kreu i NATO-s Stoltenberg shpreh keqardhje që ky vendim u mor pavarësisht shqetësimeve të shprehura nga NATO.

“Edhe pse transformimi i Forcave të Sigurisë së Kosovës në parim janë një çështje e brendshme e Kosovës, ne e kemi bërë të qartë qëndrimin tonë se nuk është momenti i duhur për një lëvizje të tillë” – thuhet në një deklaratë zyrtare.

Më tej bëhet e qartë se NATO mbështet zhvillimin e Forcës së Sigurisë së Kosovës në bazë të mandatit aktual. Por me ndryshimin e këtij mandati, Këshilli i Atlantikut të Veriut detyrohet të rishqyrtojë nivelin e bashkëpunimit të NATO-s me FSK-në.

Më tej sekretari Stoltenberg shton se NATO mbetet e angazhuar përmes misionit të KFOR-it për të mbajtur një ambjent të sigurt në Kosovë dhe për një stabilitet në mbarë Ballkanin Perëndimor. Të gjitha palët, sipas tij,  duhet të sigurohen që vendimi i sotëm nuk do të përshkallëzojë tensionet në rajon. Stoltenberg kërkon qe të gjithë aktorët politikë të fokusohen tek avancimi i reformave dhe dialogu. Sekretari i përgjithshëm i NATO-s i bën thirrje Prishtinës dhe Beogradit të ruajnë maturinë dhe të vetëpërmbahen nga veprime që mund të çojnë në një degradim të situatës. NATO vazhdon të mbështesë dialogun Prishtinë-Beograd të negociuar nga Brukseli, si e vetmja rrugë për një zgjidhje politike për rajonin. /abcnews.al

hhhh.jpg
ent ela12:14 | 14/12/2018

Shenjë se Kosova është e aftë të marrë përgjegjësi të reja në ndërtimin e institucioneve demokratike dhe për të kontribuuar vendosmërisht për paqen, stabilitetin e rajonit dhe fqinjësinë e mirë. Të tillë e komenton kreu i shtetit shtiptar Ilir Meta vendimin historik të Kosovës për krijimin e Forcave të Armatosura. Përmes një postimi në rrjetin social Facebook presidenti Meta gjen frymën euro-atlantike në themel të këtij ndryshimi historik.

Edhe kreu i qeverisë Edi Rama ka shprehur urimet e tij ndaj shtetit të Kosovës duke shpërndarë në rrjetin social facebook një fotografi të kreut të shtetit Kosovar Hashim Thaçi.

Urime Kosovës për Ushtrinë i shprehu edhe kreu i demokratëve Lulzim Basha, i cili e quan ngritjen e Ushtrisë së Kosovës si ngjarjen e dytë të përmasave kombëtare dhe historike pas shpalljes së pavarësisë.  Me këtë votim – vijon Basha – Kosova do të jetë më e sigurtë, rajoni më në paqe dhe kombi shqiptar i integruar dhe më i fortë. /abcnews.al

MEDIAT-THACI-1280x729.jpg
ent ela12:05 | 14/12/2018

Mediat ndërkombëtare i kanë dhënë një hapësirë të veçantë vizitës së djeshme të Presidentit të Kosovës Hashim Thaçi në kazermën Adem Jashari, ku ka inspektuar forcat e sigurisë. Ajo që ka rënë në sy ka qenë fakti se kreu i shtetit kosovar ka zgjedhur të veshë uniformë ushtarake në këtë rast, vetëm një ditë para krijimit të ushtrisë së vendit.

Agjencia e Lajmeve Spanjolle “EFE” publikoi një fotografi, ku shihet presidenti Thaçi, duke parakaluar para rreth 400 ushtarëve të FSK-së.

Edhe portali evropian “EurActiv”, ka publikuar një foto nga ky event i rëndësishëm, ndërsa media të tjera botërore kanë cituar pjesë të fjalimit të presidentit Thaçi. /abcnews.al

KFOR-NE-VERI-1280x538.jpg
ent ela12:02 | 14/12/2018

Forca ushtarake të kontigjentit austriak të KFOR janë vendosur mëngjesin e sotem në Urën e Ibrit nga ku po monitorojnë situatën në veri të Kosovës. Ndërkohë banorët serbë në këtë pjesë të Kosovës kanë vendosur flamuj serbë kudo, në shtëpi, lokale dhe shtylla.

Mediat serbe vijojnë të raportojnë për forcat të KFOR dhe automjete që janë vendosur në veri të Kosovës, ditën ku në parlamentin e Kosovës votohet për krijimin e ushtrisë. Tanjug shkruan se në hyrje të Urës së Ibrit janë vendosur ushtarë të kontigjentit austriak të KFOR-it.

Mbështetjen për krijimin e Ushtrisë e kanë dhënë të gjitha shtetet aleate, përfshirë SHBA-në, Gjermaninë, Britanin e Madhe dhe gjithashtu edhe NATO e KFOR-i.

Nga ana tjetër, veriu i Mitrovicës është zgjuar mëngjesin e sotëm i mbushur me flamuj serbë.

Burime të agjencisë së lajmeve KosovaPress bëjnë të ditur se mijëra flamuj serb kanë hyrë pasditen e të enjtes nga Serbia në territorin e Kosovës dhe janë vendosur nëpër institucione e shtylla të rrugëve të veriut, ndërsa u janë shpërndarë qytetarëve serbë të kësaj zone si edhe nëpër shtëpi.

Mësohet se e gjithë kjo situatë në veri po zhvillohet si kundërpërgjigje nga ana e serbëve në lidhje me votimin e projektligjeve për formimin e Ushtrisë së Kosovës. /abcnews.al

GJURIC-_ABC-1280x720.jpg
G. P.18:27 | 18/10/2018

Beogradi ka reaguar i alarmuar ndaj krijimit të ushtrisë së Kosovës, duke paralajmëruar se kjo lëvizje mund të ketë pasoja të paparashikueshme për sigurinë rajonale. Qeveria serbe ka kërkuar ndërhyrjen e ndërkombëtarëve për të shmangur një përshkallëzim të mundshëm të situatës.

Serbia pret reagim të ashpër të bashkësisë ndërkombëtare për votimin në Kuvendin e Kosovës. I pari në emër të qeverisë serbe dhe pushtetit ka reaguar shefi i zyrës për Kosovën, Marko Gjuric, i cili tha se ky është një rrezik dhe kërcënim për sigurinë në rajon.

Marko Gjuriç: “Mund të ketë pasoja të paparashikueshme për sigurinë në rajon, ndaj presim nga bashkësia ndërkombëtare, e cila është e autorizuar politikisht për të vepruar, që të ndalojë militarizimin dhe përshkallëzimin. Serbia do të mbrojë interesat e saj në tërë territorin dhe do të mbrojë sigurinë e të gjithë qytetarëve, pavarësisht përpjekjeve për destabilitet”.

Ai gjatë një konferencë në Forumin e Sigurisë në Beograd, duke debatuar për Kosovën tha se Serbia nuk kërkon t’i falet asgjë, por një marrëveshje të drejtë.

Marko Gjuriç: “Pa një zgjidhje politike, qoftë edhe vetëm në horizont, dikush po bën hapa të njëanshëm duke tentuar të ndryshojnë realitetin në terren dhe duke na çuar në militarizim. Këto veprime mund të sjellin vetëm përshkallëzime. Kjo do të thotë se veprimet e njëanshme duhet të ndalojnë”.

Ushtria e Kosovës ka qenë një nga temat që Serbia ka kundërshtuar më së shumti, duke kërkuar prezencën e misionit të OKB-së UNMIK në Kosovë dhe NATO-n si garantues të sigurisë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono