KQZ

kqz-kosove.jpg
ger ta15:56 | 19/11/2019

Rinumërimi i votave në Kosovë, duket se ka ndërprerë procesin e negociatave mes Vetëvendosjes e Lidhjes Demokratike të Kosovës. Kjo e fundit kërkon që të pritet certifikimi i rezultateve, që mund të ndodhë në fillim të javës së ardhshme. Llogaritë kanë nisur tashmë, se me kë mund të bashkohen dy partitë fituese për të krijuar qeverinë.

Komisioni Qendror i zgjedhjeve deri më tani ka arritur të rinumërojë mbi 50% të vendvotimeve.

Pritet që ky process të përfundojë  në fillim të javës së ardhshme.

Ndërsa Nisma për Kosovën sipas Ismet Krasniqit nga Demokracia në Veprim që është marrë me vëzhgimin e procesit zgjedhor aktualisht ka vetëm 21 vota mbi pragun zgjedhor.

Ndërkohë LVV e LDK nuk po vazhdojnë takimet e tyre pa u certifikuar rezultatet.

Të dyja palët nuk kanë pranuar të flasim për media, zyrtarë të LDK-së thonë se po presin certifikimin e rezultateve, e ata të LVV-së  thonë se po e respektojnë këtë qëndrim të LDK-së.

Në rast të hyrjes së koalicionit Nisma AKR në Kuvend të dyja këto parti refuzojnë të bashkëqeverisin me këtë koalicion ani pse tashmë bashkë nuk arrijnë të kenë 61 deputetë, por mbeten me 57.

Edhe analisti Armend Muja thotë se koalicioni Nisma AKR duhet të qëndrojë në opozitë.

Unë mendoj që këtë herë ka pas mesazh që qeverisja duhet të jetë e re dhe qëndrimi i sovranit të Kosovës ka qenë që tia japin mandatin opozitës. Në këtë rast Nisma duhet të tërhiqet nga procesi sepse nuk ka logjikë që të hyjë në qeveri“.

LVV-ja tashmë ka zyrtarizuar se në grupin e saj parlamentar do të ketë deputetin e partisë egjiptinae  IRDK Elbert Krasniqi. Megjithatë do ti duhen edhe 3 vota të tjera për të arritur shumicën.

Këto dy parti mësohet se janë të interesuar të marrin në koalicion partitë e komunitetit joserb por jo edhe të Listës Serbe./abcnews.al

 

 

kqz-kosove-1-1280x693.jpg
nev ila15:03 | 19/11/2019

Në Kosovë, koalicioni Nisma ka vetëm 21 vota mbi pragun zgjedhor nderkohë që janë rinumëruar mbi 50 përqind e vendvotimeve të përcaktuara nga PZAP. Ndërkohë LVV e LDK nuk po vazhdojnë takimet pa u certifikuar rezultatet e zgjedhjeve dhe të dyja thonë se nuk dëshirojnë koalicion me Nismën.

Komisioni Qendror i zgjedhjeve deri ka arritur të rinumërojë mbi 50% të vendvotimeve. Pritet që ky proces të përfundojë  në fillim të javës së ardhshme.

Ndërsa Nisma për Kosovën sipas Ismet Krasniqit nga Demokracia në Veprim që është marrë me vëzhgimin e procesit zgjedhor aktualisht ka vetëm 21 vota mbi pragun zgjedhor. Ndërkohë LVV e LDK nuk po vazhdojnë takimet e tyre pa u certifikuar rezultatet.

Të dyja palët nuk kanë pranuar të flasim për media, zyrtarë të LDK-së thonë se po presin certifikimin e rezultateve, e ata të LVV-së  thonë se po e respektojnë këtë qëndrim të LDK-së.

Në rast të hyrjes së koalicionit Nisma AKR në Kuvend të dyja këto parti refuzojnë të bashkëqeverisin me këtë koalicion ani pse tashmë bashkë nuk arrijnë të kenë 61 deputetë, por mbeten me 57.

Edhe analisti Armend Muja thotë se koalicioni Nisma AKR duhet të qëndrojë në opozitë.

“Unë mendoj që këtë herë ka pas mesazh që qeverisja duhet të jetë e re dhe qëndrimi i sovranit të Kosovës ka qenë që tia japin mandatin opozitës. Në këtë rast Nisma duhet të tërhiqet nga procesi sepse nuk ka logjikë që të hyjë në qeveri“, deklaroi analisti Armend Muja.

LVV-ja tashmë ka zyrtarizuar se në grupin e saj parlamentar do të ketë deputetin e partisë egjiptinae  IRDK Elbert Krasniqi. Megjithatë do ti duhen edhe 3 vota të tjera për të arritur shumicën.

Këto dy parti mësohet se janë të interesuar të marrin në koalicion partitë e komunitetit joserb por jo edhe të Listës Serbe./abcnews.al

celibashi.jpg
ger ta13:48 | 17/11/2019

Ish-kreu i KQZ, Ilirjan Celibashi beson se ka ardhur koha që Komisioni Qëndror i Zgjedhjeve të reformohet dhe të ndërtohet një institucion larg ndikimit të politikës.

Në një intervistë për ABC NEWS, Celibashi flet për draftin e reformës zgjedhore që po diskutohet në Kuvend duke e kundërshtuar propozimin e shumicës për administrim të zgjedhjeve nga administrate shtetëtore.

Përmbyllja e Reformës Zgjedhore është një nga kushtet që Bundestagu gjerman i caktoi Shqipërisë në rezolutën e tetorit dhe duket se rolin e ndërmjetësit mes partive politike në Shqipëri ka vendosur ta bëj OSBE. Në zyrat e partive politike kanë mbërritur tashmë ftesat zyrtare nga zyra e OSBE në Tiranë për takimin e 19 nëntorit ku në fokus të diskutimeve do të jetë çështja e Financimit të Partive Politike dhe fushatës Zgjedhore. Ish-kreu i KQZ dhe eksperti zgjedhor, Ilirjan Celibashi në një intervistë për ABC News beson se drafti që po diskutohet në Kuvend për reformimin e Komisionit Qëndror të Zgjedhjeve është piknisja e krijimit të një institucioni larg ndikimit të partive politike.

Mendoj që ai draft revulocianizon tërësisht mënyrën se si KQZ do të funksinojë. Në opinionin tim duket si një hap i parë dhe duket që ka nevojë për përmirësim të atij drafti. Ajo që ngelet kryesore për tu evidentuar në draftin e paraqitur është institucioni i KQZ-së, të paktën drejt përsëdrejti do të jetë larg ndikimeve politike si institucion. Me disa ndryshime dhe përmirësim e të atij drafti unë mendoj se qëllimi për ta shkëputur plotësisht institucionin e KQZ nga patronazhi i partive politike do të jemi në drejtimin e duhur”, është shprehur ai.

Por për ish-ministrin është ende herët që partitë politike t’i largosh plotësisht nga procesi zgjedhor.

Unë mendoj se në Shqipëri për kushtet që jemi është ende herët për të shmangur tërësisht nga administrimi i procesit zgjedhor veçanërisht në nivelet në nivelet e komisioneve te qendrës së votimit dhe komisionit zonal të administrimit të zgjedhjeve”, ka thënë Celibashi.

Thirrjen e ka për maxhorancën dhe opozitën kur vjen fjala te rëndësia që ka reforma zgjedhore për realizimin e proceseve të rregullta dhe demokratike në vend.

Paralelisht me Komisionin e Reformës Zgjedhore në Kuvend, opozita po punon me një grup ekspertësh të saj për hartimin e një drafti alternative për Reformën./abcnews.al

kosove-2.jpg
in a12:20 | 14/11/2019

Në Qendrën e Numërimit dhe Rezultateve në Kosovë ka nisur mbrëmë rinumërimi i votave të 1 mijë e 472 vendvotimeve. Zëdhënësi i KQZ-së, Valmir Elezi, ka deklaruar për mediat në Kosovë se deri tani janë rinumëruar votat e 50 vendvotimeve. Ky proces filloi të mërkurën pasdite dhe pritet të zgjasë deri në tri javë.

Rinumërimi filloi pasi PZAP mori vendimin për rinumërim e votave të 1472 vendvotimeve, vendim që filloi të zbatohej menjëherë nga KQZ-ja. Eugen Cakolli nga Instituti Demokratik i Kosovës tha se duke marrë parasysh ecurinë e procesit të rinumërimit të dy raundeve të kaluara, procesi i rinumërimit votave të rreth 1500 vendvotimeve pritet të përfundojë pas rreth 3 javësh./abcnews.al

KRON9IKE-SHKRIRJA-E-KQZ.mpg_snapshot_00.26-1280x720.jpg
ent ela16:24 | 06/11/2019

Ekspertët e komisionit të reformës zgjedhore kanë bërë gati formulën për depolitizimin e plotë të administatës së votimeve. Sipas dokumentit të siguruar nga ABC News, KQZ parashikohet të shkrihet dhe të ngriheen 3 organe të reja, me përfaqësues jo politikë, ndërsa komisionerët dhe numëruesit do të jenë nga nëpunësit civilë, dhe më të paktë në numër se sa duhen aktualisht.

Komisioni Qendror i Zgjedhjeve do të shkrihet dhe e gjithë administrata zgjedhore do të jetë jo politike dhe e përbërë vetëm na nëpunës shtetërore. Kjo është formula e ekspertëve të reformës zgjedhore për të zbatuar një nga rekomandimet kryesore disa vjecare të ODIHR për depolitizimin  e administatës zgjedhore.

Ekspertët kontaktuar nga Kuvendit propozojnëë që KQZ-ja aktuale  me 7 anëtare, 4 mazhorance dhe 3 opozitë kalon në një institucion që përbëhet nga 3 organe.

I pari, Komisioneri Shtetëror i Zgjedhjeve, me mandat 7 vjet që kryen rolin e administratorit zgjedhor. Organi i dytë propozihet të jetë Komisioni Rregullator me 5 anëtarë, mandati 5 vjet ka të gjitha kompetencat që ka sot KQZ për nxjerrjen e akteve ligjore për procesin zgjedhor, por pa të drejtë të shqyrtojë ankimimet e palëve.

Ankesat do të shqyrtohen nga organi i tretë: Komisioni i Ankimimeve dhe Sanksioneve, i përbërë nga 3 anëtare me mandat 9 vjeçar- ka te gjitha kompetencat e KQZ aktuale për fazën e ankimeve.

Këto komisione zgjidhen me 84 vota nga Kuvendi, nëse nuk ka konsensus, mekanizmi zhbllokues që do të përdoret, është shorti.

KQZ i kane lënë kompetencë të zbatojë teknologjinë në zgjedhje që është kusht i PD dhe votimin e emigrantëve që eshte kusht i PS. Vota e emigranteve do të grupohen  dhe do të llogariten në mandatet e qarkut Tiranë.

Sakaq, të gjitha nivelet e administratës zgjedhore depolitizohen, për këtë qëllim KQZ krijon bazën e zyrtarëve zgjedhorë të cilët vijnë nga radhët e nenpunësve civile.

Nëse një zyrtar zgjedhor shkarkohet për shkelje të ligjit në zgjedhje ai shkarkohet edhe nga puna në adninistratë.

Në vend të KZAZ do të ngrihet Njësi e Administrimit të Zgjedhjeve me 4 anëtare e 2 sekretare, një më pak se sa komisionet zonale kanë tani.

Ne vend te komisioni te qendrës së votimit ngrihet njesia e administrimit të votimit me 3 anëtarë, nga 7 që kanë aktualisht komisionet.

Grupet e numërimit nga 4 anëtare që kanë aktualisht, bëhen me 2 anëtarë të emëruar nga KQZ. /abcnews.al

kqz-shqiperi-1280x712.jpg
nev ila13:38 | 01/11/2019

Nga sot, Agim Kajmaku nuk është më kryebashkiak i Vorës. Komisioni Qendror i Zgjedhjeve, me unanimitet vendosi ndërprerjen e mandatit të tij, pasi prokuroria konfirmoi akuzat e Partisë Demokratike, se Kajmaku kishte fshehur një procedim në Greqi, në vitin 2003 me emrin Jorgo Toto.

Nga ky moment, Agim Kajmaku nuk është më kryebashkiak i Vorës. KQZ i ndërpreu mandatin, 71 ditë, pasi PD e akuzoi se kishte fshehur një procedim penal në Janinë në vitin 2003.

Prokuroria konfirmoi se Kajamaku dhe Toto ishin i njëjti person, e kërkoi ndërprerjen e mandatin, por avokati i qytetarit të parë të Vorës akuzon prokurorinë për hetim të paplotë.

Denar Biba tha se pavarësisht se Kajmaku ka fituar pafajësinë, një vendim i Kuvendit është në fuqi dhe duhet zbatuar.

Pak metra më tutje, Edi Rama nuk pati shumë fjalë për të thënë mbi djegien e të përzgjedhurit të tij për Vorën.

Pasi mori pak kohë, Rama, u divorcua në twitter me Kajmakun.

KQZ ka provuar sot përsëri, se është një institucion i shtetit shqiptar që mbron ligjin dhe interesin publik, jo vegla e vjetër e partive siç ishte deri dje. Po ashtu Partia Socialiste ka riprovuar sot, se s’bëhet strehë e askujt që merr përsipër të shkelë ligjin e besimin tonë”.

Rama, më herë e kishte mbrojtur kryebashkiakun e Vorës, ndërsa tani sheh si meritë të tijën, faktin që KQZ vepron si e pavarur. Kajmaku është “dëshmori” i dytë i dekriminalizimit nga zgjedhjet e 30 qershorit, pas Valdrin Pjetrit. Ndërsa nën hetim ende nga prokuroria është dhe kryebashkiaku i Vaut të Dejës, Mark Babani./abcnews.al

agim-kajmaku-kqz.jpg
nev ila11:00 | 01/11/2019

Ora 11.00- Komisioni Qendror i Zgjedhjeve është tërhequr për të marrë vendimin nëse do të shkarkojë ose jo kryebashkiakun e Vorës Agim Kajmaku. Agim Kajmaku ka vetëm 3 muaj në detyrën e kryebashkiakut. Ai akuzohet se ka fshehur të dhënat dhe nuk ka deklaruar se ka qenë i dënuar më parë në shtetin grek duke shkelur kështu ligjin për dekriminalizimin.

Komisioni Qendror i Zgjedhjeve ka nisur sot mbledhjen për të vendosur shkarkimin ose jo të kryebashkiakut të Vorës Agim Kajmaku.

Sipas raportimit të gazetares së ABC News, Esjona Konomi, nga zërat që qarkullojnë brenda KQZ anëtarët janë shprehur se do të merret vendim për shkarkimin e Agim Kajmakut.

Nga dita e hënë deri ditën e djeshme anëtarët e KQZ kanë qenë me mendime të ndryshme por me sa duket presioni politik për shkarkimin e tij ka qenë më i lartë.

Po ashtu ditën e djeshme Sekretari Juridik i Partisë Demokratike Çlirim Gjata deklaroi në emisionin Mbrëmje Abc me gazetaren Mirela Milori, se kishte informacione se do të diskutohej procedura e hetimit që ka zhvilluar prokuroria ndaj Agim Kajmakut. Gjata u shpreh se kjo ishte e gabuar për më tepër shkelje ligjore.

Mbetet për tu parë se çfarë vendimi do të marrë KQZ në përfundim të mbledhjes që sapo ka nisur.

Disa ditë më parë, Prokuroria e Përgjithshme përmes një shkrese nga prokurori Arben Kraja, i bënte të qartë Komisionit Qëndror të Zgjedhjeve se ka përfunduar hetimet për shtetasin Agim Kajmaku, duke bërë edhe vlerësimin e tij se kryebashkiaku i Vorës, nuk është subjekt i ligjit të dekriminalizimit me veprën që ka kryer, por mandati i tij duhet të përfundojë menjëherë, për shkak se ai nuk ka deklaruar veprën për të cilën ishte nën hetim në shtetin grek.

“Nga verifikimet e kryera rezulton se subjekti ka qenë në hetim dhe është arrestuar në flagrancë për qarkullim monedhash të falsifikuara. Ndërkohë në vendimin datë 13.09.2019, Nr.236/2019 të Gjykatës së Janinës, është shpallur i pafajshëm. Gjithashtu ka qenë në hetim për dy raste nga Prokuroria e rrethit Gjyqësor Tiranë, por në të dy rastet procedimet penale janë pushuar. Për këtë arsye subjekti nuk përfshihet në asnjë nga rastet e ndalimeve parashikuar në nenin 2 të ligjit Nr.138/2015. Ndërkohë, konstatohhet se subjekti deklarues, Agim Kajmaku(Jorgo Toto) përfshihet në përcaktimet e pikës 3, gërma “ç”, kreu III,  i vendimit nr.17/2016 të Kuvendit të Shqipërisë”, shkruhet në shkresën e prokurorisë drejtuar KQZ.

Mosdeklarimin e këtij rasti në formularin e dekriminalizimit, Kajmaku e justifikoi me mosdijeni të hetimit ndaj tij në Greqi.

Por prokurori që ka hetuar rastin e Agim Kajmakut hodhi poshtë edhe këtë pretendim të tij.

“Nga verifikimet e kryera konfirmohet se subjekti Agim Kajamaku ka patur dijeni të plotë në lidhje me faktin që ka qenë në hetim penal në Greqi dhe se ndaj tij kishte një process gjyqësor penal në zhvillim. Kjo, sepse ai është arrestuar në flagrancë dhe ka dalë para gjykatës greke ku i është bërë e ditur e gjithë procedura që do ndiqet ndaj tij. Nga ana tjetër rezulton se subjekti ka kryer veprime konkrete për fshehjen këtij fakti para autoriteteve shqiptare,duke ndryshuar në datë 30.3.2004 emër/mbiemër nga “Jorgo Toto” në “Agim Kajmaku”, si dhe duke mos e deklaruar këtë fakt në formularin e Vetëdeklarimit”, shkruhet në dokumentin e prokurorisë.

Ndërkohë, avokati i Kajmakut, Isfus Shehu hodhi dyshime mbi procesin e verifikimit nga ana e Prokurorisë së Përgjithshme ndaj kryetarit të Bashkisë së Vorës.

“Prokuroria nuk ka mundur të administrojë asnjë vendim të formës së prerë për Agim Kajmakun. Administrimi i akteve nga ana e Prokurorisë duhet të bëhet vetëm në rrugë zyrtare, dhe duhet të ishin bërë përmes letërporosiv.”-ka deklaruar Isuf Shehu. /abcnews.al

VOTAT-E-DIASPORES-KQZ.mpg_snapshot_00.21-1280x720.jpg
ent ela15:40 | 31/10/2019

Komisioni Qendror i Zgjedhjeve në Kosovë vendosi të zbatoje vendimin e Gjykatës Supreme të marrë të mërkurën, që kërkoi numërimin e votave të diasporës të ardhura me vonesë. 

Kryetarja e KQZ-së Valdete Daka tha se Komisioni Qendror i Zgjedhjeve është i detyruar të zbatojë vendimin e Gjykatës Supreme për numërimin e votave të diasporës, të cilat erdhën me vonesë në Kosovë.

Valdete Daka- Kryetare e KQZ-së: “E kemi aktgjykimin e Gjykatës Supreme dhe jemi të obliguar që t’i numërojmë fletëvotimet e votave nga jashtë vendit. Na pëlqeu apo jo e kemi obligim ta zbatojmë siç është”.

Por pati ankesa nga anëtarët e KQZ-së, duke e quajtur këtë vendim të supremes si precedent të keq.

Ilir Gashi -Anëtar i PDK-së në KQZ: “Realisht po bëhet precedent për këtë çështje se me këtë vendim po ndryshohet edhe ligji për zgjedhje”.

Sami Hamiti  -Anëtari i LDK-së në KQZ:Procesi i votimit deri në ditën e zgjedhjeve ka shkuar shumë mirë, ne po e bastardojmë me këto vendime”.

Një ditë më parë gjykata Supreme ka miratuar si të bazuar ankesën e Lëvizjes Vetëvendosje që të ndryshohet vendimi i Panelit Zgjedhor për Ankesa dhe Parashtresa me të cilin ndalohej numërimi i 4 639 zarfe me vota të ardhura nga jashtë Kosovës.

Ndryshe kryetarja e KQZ-së Valdete Daka nuk ka përjashtuar mundësinë që certifikimi i rezultatit të zgjedhjeve të 6 tetorit të ndodh në muajin dhjetor.

Raporti: Blerta Dalloshi Berisha

Kamera: Visar Kryeziu

/abcnews.al

edi-rma.jpg
ad min11:44 | 31/10/2019

Sipas Partisë Demokratike Edi Rama tregon se antiligji është modeli i tij i qeverisjes, pasi vazhdon të mbrojë Agim Kajmakun edhe pasi prokuroria verifikoi zyrtarisht se ai ka shkelur ligjin e dekriminalizimit. Në një deklaratë për mediat këtë të enjte, ish-deputetja Dhurata Çupi se Rama ka tre ditë që ka marrë në mbrojtje kryebashkiakun e Vorës.

Deklarata e plotë:

Sot bëhen 3 ditë që Edi Rama është zyrtarisht në mbrojtje të Agim Kajmakut, i cili fshehu me qëllim arrestimin e tij në Greqi disa vjet më parë me emrin Jorgo Toto.

Edi Rama duhet ta kishte shkarkuar Agim Kajmakun që në momentin, kur prokuroria verifikoi zyrtarisht se ai kishte shkelur ligjin e dekriminalizimit, duke fshehur krimin për të cilin ishte arrestuar dhe ishte në kërkim në Greqi dhe në kërkim europian deri pak kohë më parë.

Duke mbajtur në detyrë një funksionar të lartë publik që shkel ligjin, që kryen vepra të rënda penale dhe mashtron qytetarët, Edi Rama tregon se antiligji është modeli i tij i qeverisjes.

Gjatë gjithë kësaj kohe, Edi Rama ka qenë në mbrojtje të Agim Kajmakut, edhe pse e dinte se ai ishte subjekt i ligjit të dekriminalizimit. 3 javë më parë, Edi Rama e mbrojti atë edhe publikisht.

Qendrimi i Edi Ramës në mbrojtje të një funksionari publik që e ka vendin në burg dhe jo në krye të një bashkie, tregon se Edi Rama dhe Agim Kajmaku ndajnë të njëjtin moral. Për ta ligji nuk ka vlerë, kur cënon pushtetin e tyre.

Duke kandiduar persona me të kaluar kriminale, si në Shkodër, Vorë apo Vaun e Dejës, Edi Rama dëshmon se nuk ka ndërmend të marrë seriozisht plotësimin e 9 kushteve të Bundestagut, që është e vetmja rrugë për të hapur derën e mbyllur të Europës për të katërtën herë radhazi.

Marrja në mbrojtje e Agim Kajmakut, siç ka bërë më çdo kriminel tjetër që ka futur në politikë, dëshmon, gjithashtu, se Edi Rama as nuk ka bërë ndonjëherë shtet, as nuk ka ndërmend të respektojë shtetin ligjor.

Në shtetin e Edi Ramës ligji nuk është i barabartë për të gjithë. Njësoj si në “Fermën e kafshëve” të Orwellit, kriminelët e Edi Ramës, janë më të barabartë se qytetarët e zakonshëm. Ata janë të paprekshëm, veçanërisht nëse janë politikanë apo klientë biznesi të Edi Ramës.

Fshehja pas vendimit të Komisionit Qendror të Zgjedhjeve është një qëndrim prej burracaku i Edi Ramës. Ai e di shumë mirë se, siç thotë Zëri i Amerikës, për Agim Kajmakun nuk ka shpëtim.  Edi Rama e di, po aq mirë, se shumë shpejt do t’i vijë radha edhe atij!/abcnews.al

KOSOVE-KQZ-1280x720.jpg
ent ela13:24 | 30/10/2019

Dy muaj janë procedurat më të gjata për konstituimin e institucioneve të Kosovës pas certifikimit të rezultateve të zgjedhjeve të 6 tetorit. Ndërsa ato më të shkurtra janë nga 15-20 ditë. KQZ ende nuk ka publikuar rezultatet përfundimtare të zgjedhjeve.

Kanë kaluar më shumë se tri javë e Komisioni Qendror i Zgjedhjeve ende nuk ka shpallur rezultatet përfundimtare të zgjedhjeve të përgjithshme të 6 tetorit që u mbajtën në Kosovë.

Në KQZ, janë në pritje të vendimit të Gjytaës Supreme pas ankesës së sërishme të Vetëvendosjes për refuzimin dy herë radhazi të PZAP-së që të mos numërohen votat e diasporës të ardhura pas afatit të përcaktuar nga KQZ-ja.

Në mbledhjen e së mërkurës KQZ-ja votoi pro rekomandimit të koordinatorit të Qendrës së Numërimit dhe Rezultateve  që të përfshihen në rezultate përfundimtare edhe votat e një vendvotimi ku kanë munguar 450 fletëvotime.

Politologu Ramush Tahiri thotë se pas certifikimit të rezultateve, Kosova ka afat prej 30 ditësh për konstituimin e Kuvendit.

Ky është afati maximal, mirëpo Kuvendi mund të konstituohet brenda 10-15 ditësh. Mbledhja e Kuvendit duhet të thirret 5 ditë përpara dhe të përgatiten deputetët e rinjë.

Pas konstituimit të Kuvendit presidenti ka afat 15 ditë që të nimonoj kryeministrin nga partia fituese emrin e të cilit duhet ta dërgojë në Kuvend.

Kryeministri prej datës që emërohet nga kryeministri nga presidenti I ka 15 ditë që të fromojë kabinetin qeverisës që ta prezantojë në Kuvend për votim.

Kosova më 6 tetor mbajti zgjedhjet e jashtëzakonshme parlamentare pas dorëheqjes të Ramush Haradinajt nga posti i kryeministrit. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono