KPK

faqolli.jpg
G. P.09:32 | 18/04/2019

Kolegji i Posaçëm i Apelimit shfuqizoi këtë të enjte vendimin e Komisionit të Pavarur të Kualifikimit që konfirmonte në detyrë gjyqtarin Astrit Faqolli. Vendimin e KPK-së e apeloi Komisioneri Publik dhe sot u vendos nga KPA-ja shkarkimi i gjyqtarit të Gjykatës së Tiranës.

Astrit Faqolli u konfirmua pavarësisht konsiderimit si i papërshtatshëm për vijimin e detyrës në seancën dëgjimore nga raporti i Drejtorisë së Sigurimit të Informacionit të Klasifikuar, DSIK.

Në vendimin e sotëm, trupa gjykuese ka theksuar se shkak për shkarkimin e gjyqtarit Faqollit, është bërë pasuria e pambështetur, shkak për të cilën e kishte ankimuar edhe Komisioni Publik. Astrit Faqolli e ushtronte detyrën si gjyqtar në Gjykatën e Tiranës që prej vitit 2013. /abcnews.al

ceka.jpg
G. P.13:42 | 16/04/2019

Kryetarja e Gjykatës së Lushnjës, Esmeralda Çeka, ka dalë sot para Komisionit të Pavarur të Kualifikimit, për Vettingun.

Nga deklarata në Inspektoriatin e Lartë të Deklarimit dhe Kontrollit të Pasurive e Konfliktit të Interesit dhe nga hetimet e KPK-së, rezulton se Çeka ka deklarim të saktë të pasurisë dhe në përputhje me ligjin.

Sipas KPK-së, ajo ka burime të ligjshme, nuk ka kryer fshehje të pasurisë dhe nuk gjendet në kushtet e konfliktit të interesit.  Në lidhje me një hua të marrë nga subjekti i rivlerësimit dhe bashkëshorti i saj, Komisioni kërkoi shpjegim nga kryegjyqtarja.

Ajo deklaroi se shtetasi që ka dhënë huanë, kishte mundësi ekonomike. Në lidhje me pastërtinë e figurës, Esmeralda Çeka ka plotësuar saktë formularin dhe është i përshtatshëm për vazhdimin e detyrës.

Ndërsa lidhur me kriterin e tretë, sipas KPK, kryegjyqtarja ka treguar aftësi profesionale, nivel të lartë etike dhe angazhim profesional. Vendimi për Çekën do jepet në 18 prill./abcnews.al

EDISON-ADEMI-KPK-MBULIM.mpg_snapshot_00.33-1280x720.jpg
ent ela11:27 | 05/04/2019

Drejtuesi i prokurorisë së Sarandës Edison Ademi ka dalë sot para Komisionit të Pavarur të Kualifikimit për procesin e rivlerësimit. Sipas ILDKPKI, prokurori Ademi ka deklarim të pasaktë, fshehje pasurie, konflikt interesash.

Për disa pasuri të tij nuk ka justifikim me të ardhurat e deklaruara.

Subjekti gjithashtu ka deklaruar të ardhura nga vëllai në emigracion, por nuk ka dorëzuar dokument provues për këto të ardhura, duke rezultuar nga analiza financiare me një bilanc negativ. /abcnews.al

 

kpa.jpg
G. P.11:28 | 04/04/2019

Kolegji i Posaçëm i Apelimit nuk pranoi motrën e prokurores Rovena Gashi si ndihmësen e saj ligjore në procesin që ka nisur për të në shkallën e dytë të Vettingut. Ish-prokurorja e Prokurorisë së Përgjithshme, Rovena Gashi, ka ankimuar vendimin e KPK-së për shkarkimin e saj dhe kërkon rikthimin në detyrë.

Në seancën e parë në Kolegjin e Posaçëm të Apelimit, trupa gjykuese i hoqi subjektit të rivleresimit Rovena Gashi të drejtën për të pasur ndihmëse ligjore motrën e saj Ema Gashi. Pas një tërheqje për vendimmarrje lidhur me kërkesën e paraqitur nga Ema Gashi, kryesuesja e trupës së Kolegjit, Albana Shtylla, deklaroi se subjekti Rovena Gashi duhet të përfaqësohet në ketë proces nga një avokate dhe jo nga nj ndihmëse ligjore.

Trupa gjykuese nuk i dha fjalën kërkueses Ema Gashi, e cila pas përfundimit të seancës, në një deklaratë para mediave e cilësoi vendimin e Kolegjit një shkelje të paprecedente ligjore.

“Më vjen shumë keq ta them që KPA që është mundësia e vetme brenda juridiksionit kombëtar që të shqyrtojë ankimet e subjekteve të rivlerësimit e filloi punën e vet sot, ndaj subjektit të rivlerësimit Rovena Gashi me një shkelje të paprecedentë procedurale. Të drejtën e ndihmësit  ia hoqi sot publikisht përpara mediave. Pas vendimit të ndërmjetëm të KPA-së, unë që jam Ema Gashi, motra e subjektit të rivlerësimit Ema Gashi nuk mund të legjitimohem në cilësinë e ndihmëse së saj në këtë procedurë. Argumenti i KPA-së ishte: “Në rastin e shqyrtimit në Kolegjin e Apelimit të ankimeve të subjekteve të rivlerësimit nuk gjen zbatim neni 39 i Kodit të Procedurave Administrative në lidhje me ndihmësin”. KPA u tërhoq për të marrë këtë vendim pa na kërkuar ne mendimin dhe qëndrimin tonë paraprak në lidhje me këtë çështje, në qoftë se kjo çcështje do bënte problem. Ne nuk e dinim deri tani si në aspekt të ligjit, si në aspekt të qëndrimit të KPA-së që kjo do të përbënte problem”, tha Ema Gashi.

Në nisje të seancës, Ema Gashi i kujtoi trupës gjykuese se Rovena Gashi është njoftuar se vëzhgues ndërkombëtar do të ishte Mia Rosing dhe se zëvëndësimi i saj me Theo Jacobs nuk është i arsyetuar. Për këtë, Jacobs replikoi duke thënë se ai përfaqëson Operacionin Ndërkombëtar të Monitorimit dhe ishte aty për të ndjekur ecurinë e procesit. Seanca e radhës për Rovena Gashin në Kolegjin e Posaçëm të Apelimit do të mbahet në datën 23 Prill.

Rovena Gashi ka ankimuar vendimin e KPK për shkarkimin e saj dhe kërkon rikthimin në detyrë si prokurore. Në Maj të 2018-s, Prokuroria regjistroi procedimin penal ndaj Rovena Gashit dhe bashkëshortit Dritan Gina.

Ata u hetuan për pasurinë e tyre dhe kjo solli dhe shkarkimin e tyre nga detyra. Ndërsa në Korrik po të atij viti, Gashi u shkarkua nga Komisioni i Pavarur i Kualifikimit, me argumentet se nuk mundi të justifikojë pasurinë dhe se kishte bërë deklarime të pavërteta dhe të pasakta./abcnews.al

kpk.jpg
G. P.13:43 | 02/04/2019

Kreu i Gjykatës së Apelit për Krime të Rënda, Femi Petku, ka dalë sot para Komisionit të Pavarur të Kualifikimit. Gjatë seancës dëgjimore relatori i seancës deklaroi se ILDKPKI ka konstatuar deklarim të rremë nga ana e gjyqtarit dhe fshehje pasurie.

Sipas hetimit të KPK-së, kreu i Apelit të Krimeve të Rënda, Fehmi Petku, ka pasuri të pajustifikuara. Pjesa më e madhe e pronave të tij janë të trashëguara nga i ati. DSIK ka dorëzuar një raport të pjesshëm pasi ngrihen dyshime për korrupsion gjatë gjykimit të disa çështjeve gjyqësore.

KPK ka kryer një hetim të thelluar, por këto informacione nuk vihen në dispozicion pasi janë informacione të klasifikuara. Pranë KPK-së janë administruar ankesa për Femi Petkun. Por kreu i Gjykatës së Apelit të Krimeve të Rënda kërkoi konfirmimin në detyrë dhe deklaroi se hetimet nuk janë të sakta./abcnews.al

pashk-gjaci-1280x683.jpg
ent ela10:05 | 21/03/2019

Kryetari i Gjykatës së Përmetit Pashk Gjaçi shkarkohet nga Komisioni i Pavarur i Kualifikimit, për problemet mbi pasurinë. KPK mori vendimin paraditen e 21 Marsit. Në seancën dëgjimore të 19 Marsit u evidentuan problemet që gjyqtari kishte në pamundësinë për të dokumentuar burimin e krijimit të pasurive që zotëron. Kjo ishte fatale për gjyqtarin, ndërsa ai  mund të apelojë brenda 15 ditësh në Kolegjin e Posaçëm të Apelimit.

Pashk Gjaci ka punuar si avokat deri në vitin 2010 kur u emërua kryetar i Gjykatës së Përmetit, ndërsa të ardhurat e tij të vetë-deklaruara vijnë nga puna si avokat, nga paga si gjyqtar, nga paga e bashkëshortes si dhe nga fitimet nga pronat e patundshme./abcnews.al

KPK-SHKARKON-DRITAN-SECIN_ABC-M1-T1.mpg_snapshot_00.01-1280x720.jpg
ent ela09:16 | 11/03/2019

Komisioni i Pavarur i Kualifikimit ka shkarkuar nga detyra kreun e Gjykatës së Tropojës, Dritan Seci. Në hetimin e thelluar, KPK vlerëson se Seci ka fshehur pasurinë e ka probleme edhe në kriterin profesional.

Drejtuesi i Gjykatës së Tropojës Dritan Seci është shkarkuar nga Komisioni i Pavarur i Kualifikimit, pasi rezulton me probleme në të 2 kriteret e rivlerësimit, për pasuri dhe aftësi profesionale. Në raportin e Inspektoratit të lartë të Deklarimit dhe kontrollit të pasurive dhe konfliktit të interes shkruhej se gjykatësi kishte kryer deklarim të rremë e kishte fshehur pasurinë.

Në hetimin e thelluar të KPK evidentohet mospërputhja e deklarimit të një apartamenti 76 m2 në Tropojë, i blerë në 2012, ndërsa subjekti dhe bashkëshortja nuk kanë pasur të ardhura të ligjshme për atë investim. Vlera e apartamentit në dy deklarimet ishte e ndryshme: Fillimisht, kjo pasuri sipas Komisionit është deklaruar 2 milionë e 100 mijë lekë, ndërsa në veting është deklaruar 2 milionë e 200 mijë lekë.

KPK kishte  konstatuar edhe fshehjen e përdorimit të një apartamenti në Tiranë nga ana e gjyqtarit, si dhe të shumës prej 20 mijë euro,  sipas gjyqtarit, dhuratë nga miku i tij, shtetasi me inicialet B.M.

Probleme KPK ka konstatuar edhe me blerjen e automjetit. Ka dy deklarime të ndryshme edhe për vlerën, edhe për vitin e blerjes. Dyshime u ngritën edhe në lidhje me përdorimin nga gjyqtari të një tjetër automjeti, që figuron në emër të vëllait të tij, shtetasit A.S.

KPK ka vërejtur mangësi edhe në kriterin profesional. Nga shqyrtimi i disa dosjeve të gjyqtarit, në njërën prej tyre, që kishte si objekt zgjidhjen e një martese, është konstatuar mangësi procedurale për vendimin e ndërmjetëm për vendosjen e detyrave për psikologen./abcnews.al

ARQILE-KOÇA-MBULIM.mpg_snapshot_00.23-1280x720.jpg
ent ela11:12 | 06/03/2019

Prokurori i Prokurorisë së Përgjithshme, Arqile Koça, nga deklarata e Inspektoriati të Lartë të Deklarimit dhe Kontrollit të Pasurive e Konflikteve të Interesit dhe nga hetimet e KPK-së, rezulton se ka deklarim të saktë dhe në përputhje me ligjin. Ka burime të ligjshme, nuk ka kryer fshehje të pasurisë dhe nuk gjendet në kushtet e konfliktit të interesit.

Komisioni i Pavarur i Kualifikimit, zhvilloi sot seancën dëgjimore për prokurorin Arqile Koça.

Në një hetim të kryer nga KPK për pasuritë, apartamente, dy garazhe, rezultoi se janë përfituar nga një shoqëri private, për të cilat është verifikuar origjina. Gjatë hetimit rezultoi se subjekti nuk është favorizuar nga kjo shoqëri.

Edhe për likuiditetet përputhen deklarimet dhe janë krijuar me burime të ligjshme. Probleme nuk janë konatatuar as në blerjen e dy makinave në pronësi të subjektit. Për kriterin e aftësive profesionale, ka rezultuar se prokurori Koça, ka treguar aftësi profesionale, nivel të lartë etike dhe ka treguar angazhim profesional. Ndërsa për kriterin e figurës, subjekti ka plotësuar saktë formularin dhe është i përshtatshëm për vazhdimin e detyrës. /abcnews.al

KONFIRMOHET-DRITAN-PEKA-MBULIM.mpg_snapshot_00.27-1280x720.jpg
ent ela10:24 | 04/03/2019

Drejtuesi i prokurorise së Apelit Tiranë, Dritan Peka kalon vetingun. Ai u konfirmua në detyrë nga Komisioni i Pavarur i Kualifikimit, pas analizimit të tre kritereve.

Komisioni i Pavarur i Kualifikimit konfirmon në detyrë Dritan Pekën, Drejtuesin e Prokurorisë së Apelit në Tiranë. Vetingu i i Pekës nga trupa e kryesuar nga Roland Ilia, u bë për të tre kriteret e rivlerësimit

Vendimi i trupës së KPK përfshin edhe një tjetër procedurë.

Në seancën dëgjimore ne KPK më 18 shkurt, relatori i çështjes pasqyroi raportin e Inspektoratit  të Lartë të Deklarimit e Kontrollit të Pasurive dhe Konfliktit të Interesit (ILDKPKI). Sipas ketij raporti, prokurori Dritan Peka kishte kryer deklarim të saktë të pasurisë në përputhje me ligjin, ka pasur burime të ligjshme, nuk ka kryer fshehje të pasurisë apo deklarim të rremë dhe se nuk ka konflikt interesi.

Dritan Peka ka punuar si prokuror i Prokurorisë së Tiranës nga 1997 deri në vitin 2008, kur kaloi në Apelin e Tiranës. Këtë prokurori ai e drejton prej  4 vitesh.

/abcnews.al

irma-balli.jpg
G. P.11:17 | 19/02/2019

Komisioni i Pavarur i Kualifikimit shkarkon nga detyra drejtuesen e Prokurorisë së Korçës, Irma Balli. Sipas organit bazë të Vettingut, prokurorja Balli kishte probleme me deklarimin e pasurisë, pasi ajo nuk kishte deklaruar një kat të ndërtesës në kërkesën për leje ndërtimi të karburantit që kishte në pronësi me bashkëshortin e saj. Për këtë arsye, janë ngritur dyshime për ndërhyrje të pajustifikuara në dokumentacionin për ndërtesën.

Por këtë pretendim të Komisionit të Pavarur të Kualifikimit, drejtuesja e Prokurorisë së Apelit në Korçë e ka kundërshtuar e argumentin se regjistrimi i pronës nuk është bërë nga ajo, por nga babai i saj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono