kote

MASA-PER-VRASJEN-VLORE-MBULIM_ABC-M2-T1.mpg_snapshot_00.14-1280x720.jpg
ent ela10:55 | 15/06/2019

Gjykata e Vlorës vendosi arrest me burg për tre autorët e ndaluar për vrasjen e kreut të njësisë administrative Kotë Argjil Gjoka. Ata kanë mohuar para trupit gjykues që të jenë përfshirë në krim. Ndërsa është shpallur në kërkim Mersin Bejtaj, personi që dyshohet se qëlloi me armë ndaj administratorit Gjoka.

Arif, Jace dhe Namik Bejtaj u paraqitën në gjykatën e Vlorës për masë sigurie. Të tre akuzohen si të përfshirë në vrasjen e kreut të Njësisë Administrative Kotë Argjil Gjoka.

Seanca gjyqësore u drejtua nga Hektor Sinanaj, ndërsa prokuror i çështjes ishte Klodian Llaho.

“Ne shkuam me vonesë në vendin e ngjarjes” – thanë para trupit gjykues Namik dhe Jaçe Bejtaj.

Ndërsa 19 vjeçari Arif Bejtaj deklaroi se ka ndërhyrë në momentin e përleshjes duke marrë edhe një plumb në krah.

Në kërkim për ngjarjen është shpallur edhe Mersin Bejtaj i cili dyshohet se është personi që ka qëlluar në drejtim të administratorit të Kotës.

Trupi gjykues pasi dëgjoi prokurorinë, palën mbrojtëse, si edhe deklaratat e te arrestuarve vendosi t’i lërë në qeli të tre deri në përfundim të hetimeve për ngjarjen e rëndë.

Konflikti ndodhi katër ditë më parë për hapjen e një rruge në fshatin Mavrovë.

Pjestarët e familjes Bejtaj debatuan ashpër me punëtorët e rrugës, ngjarja e cila përfundoi me një të vrarë.

Argjil Gjoka ndërhyri për të qetësuar situatën, por mori një plumb në kraharor i cili i shkaktoi edhe vdekjen.

ABC News Albania 24/7

kote-1280x707.jpg
ent ela12:00 | 12/06/2019

Policia e Vlorës ka vendosur në pranga autorët e ngjarjes ku mbeti i vrarë kryeadministratori i Kotës Argjil Gjoka. Ata janë tre kushërinjtë Bejtaj dhe sipas hetimeve të deritanishme, Gjoka u vra aksidentalisht gjatë sherrit të autorëve me dy vëllezër. 

Tre persona u arrestuan për vrasjen e kryetarit të Njësisë së Administrative të Kotës Argjil Gjoka.

Sipas policisë ata janë Arif Bejtaj 19 – vjeçar i cili mbeti i plagosur gjatë konfliktiti, Jaçe dhe Namik Bejtaj përkatësisht 22 vjeç dhe 30 vjeç.

Të tre këta  janë me banim në fshatin Mavrovë. Gjithashtu u shpall në kërkim Mersin Bejtaj 32 vjeç nga Vlora.

Në bashkëpunim me njëri-tjetrin kushërinjtë Bejtaj tentuan të vrasin me pistoletë dy vëllezërit Fatmir Osmenajn dhe Arif Osmenajn 70 dhe 65 vjeç.

Por pas ndërhyrjes për të shuar konfliktin humbi jetën Kryetari i Njësisë Administrative Kotë, Argjil Gjoka.

Debati nisi fillimisht me fadromistin që po punonte në rrugën e fshatit dhe ishte Mersin Bejtaj ai që ka nxjerrë armën dhe shtiu pa kontroll.

Dy plumba prekën Gjokën, i cili ndërroi jetë në spital dhe kushëririn e autorit, 19 vjeçarin Arif Bejtaj, aktualisht jashtë rrezikut për jetën.

Një vit më parë në këtë Njësi u vra parardhësi i tij 63-vjeçari Fatmir Hodo.

Për ngjarjen në atë kohë u arrestua 44-vjeçari Admir Delaj nga fshati Gumenicë. Ai e qëlloi Hodon me armë gjahu pas një bisede të tensionuar për çështje pronësie, në hyrje të një lokali ndërsa të dy kishin konsumuar pije alkoolike se bashku.

Pas vrasjes së Fatmir Hodos, vendin e tij e zuri Argjil Gjoka i cili u qëllua sërish pas një konflikti pavarësisht se ai nuk ishte objektivi./ABC News Albania 24/7

vrasja-ne-vlore-1280x720.jpg
G. P.15:05 | 11/06/2019

Vritet aksidentalisht me armë zjarri kryetari i Njësisë Administrative të Kotës në Vlorë, Argjil Gjoka. Ai u qëllua me plumb, pasi ndërhyri për të shuar një konflikt mes banorëve dhe punëtorëve, që po punonin për hapjen e rrugës në fshatin Mavrovë. Nga ngjarja mbeti i plagosur edhe një 19-vjecar, ndërsa u shpall në kërkim kushëriri i tij, si autor i krimit.

Kryetari i Njësisë Administrative të Kotës në Vlorë u vra gjatë një konflikti për një rrugë në fshatin Mavrovë.

Në këtë ngjarje ka mbetur i plagosur dhe 19-vjeçari Arif Bejtaj, i cili ndodhet jashtë rrezikut për jetëb. Ky i fundit është kushëriri i autorit të dyshuar për ngjarjen Mersin Bejtaj dhe po kërkohet nga policia.

Mësohet se fillimisht ka patur një debat mes familjes Bejtaj dhe fadromistit që po punonte në rrugë. Në këtë moment ka ndërhyrë administratori lokal, Argjil Gjoka, për të qetësuar situatën, por një plumb e ka prekur aksidentalisht  në kraharor duke i marrë edhe jetën.

Banorët nuk kanë dijeni për shkakun e konfliktit , por vlerësojnë shumë punën e 60-vjeçarit në zonë. Një vit më parë në këtë njësi u vra paraardhësi i tij 63-vjeçari Fatmir Hodo.

Për ngjarjen në atë kohë u arrestua 44-vjeçari Admir Delaj nga fshati Gumenicë. Ai e qëlloi Hodon me armë gjahu pas një bisede të tensionuar për çështje pronësie, në hyrje të një lokali ndërsa të dy kishin konsumuar pije alkoolike së bashku.

Pas vrasjes së Fatmir Hodos, vendin e tij e zuri Argjil Gjoka i cili u qellua sërish pas një konflikti pavarësisht  se ai nuk ishte objektivi./ABC News Albania 24/7

KRYETARI-KOTE-VRASJA-ABC-1280x696.jpg
G. P.16:31 | 09/11/2018

Vritet me çifte Kryetari i Njësisë Administrative Kotë në Vlorë. Sipas policisë autori ka qenë duke konsumuar alkool me viktimën në një lokal të fshatit para se të ndodhte krimi. 44 vjeçari është arrestuar në banesën e tij.

Kryetari i Njësisë Administrative Kotë pas një konflikti që pati me personin me të cilin po konsumonte alkool në një lokal përfundoi i vrarë me çifte.

Viktima ishte ulur në të njëjtën tavolinë me autorin. Policia njoftoi se krimi ndodhi rreth orës 14:55 në lokalin e fshatit. Fillimisht Fatmir Hodo ka debatuar me Admir Delaj. Më pas ky i fundit është larguar për t’u rikthyer i armatosur me synimin për të vrarë 64 vjeçarin. Pasi e ka qëlluar disa herë kryetarin e njësisë administrative Kote ka braktisur lokalin dhe është nisur me automjetin  e tij drejt banesës.

Forcat e Policisë u vunë në kërkim të autorit ku pas afro një orë ndjekje, u bë i mundur arrestimi i  44 vjeçarit.

Delaj ka deklaruar në momentin e ndalimit se ishte grindur me Hodon prandaj e qëlloi me armë.

Grupi hetimor ka sekuestruar në cilësinë e provës materiale armën e krimit, automjetin dhe një armë tjetër gjahu e cila nuk ka lidhje me ngjarjen, por rezulton pa leje.

Viktima njihej nga banorët e fshatit Kote si një njeri i qetë.

Banor 1: Nuk e di cila është arsyeja, kur e mora vesh u tronditëm njeri me respekt, autorin nuk e njoh.

Banor 2: Shumë i mirë, i komunikuar me shoqërinë, me punën, shumë njeri i mirë ishte.

Nga hetimet dyshohet se ngjarja ka ndodhur nga një konflikt i çastit. Autori dhe viktima kishin konsumuar alkool disa minuta para se të ndodhte vrasja./abcnews.al

Gazetar ABC News: Elton Nika

 

 

AKSIDENT-NE-VLORE-MBULIM_ABC-M2-T1.mpg_snapshot_00.12-1280x703.jpg
G. P.14:12 | 01/10/2018

Tre persona janë plagosur, njëri prej tyre në gjendje të rëndë në një aksident rrugor në Vlorë. Sipas policisë një makinë ka dalë nga rruga në segmentin Vlorë- Kotë. Njëri nga të dëmtuarit ndodhet në sallën e Reanimacionit të Spitalit Rajonal Vlorë. Ende nuk dihen shkaqet e këtij aksidenti, por sipas policisë, të dëmtuarit janë: G. Dautaj, A. Bejtaj dhe N. Bejtaj. Policia po punon për zbardhjen e plotë të ngjarjes./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono