kosove

929f2ffe-1fc3-4f59-9a15-b35a270a6434.jpg
Autor E13:20 | 18/02/2020

Gjilani është tronditur nga një tragjedi mesditën e sotme. Policia e Kosovës bën me dije se vajza police ka qëlluar fillimisht ndaj prindërve dhe vëllezërve të saj duke i lënë të katërt të vdekur. Në fund, vajza ka qëlluar edhe ndaj vetes duke e çuar numrin e viktimave në pesë.

Ngjarja e rëndë ka ndodhur në lagjen “Bojanina” në Gjilan.

Lexoe dhe: VIDEO/ Pesë të vdekur, dalin pamjet e para nga vendi i tragjedisë në Gjilan

Policen e kanë larguar fillimisht nga policia pasi kishte probleme psiqike, por më pas ajo është rimarrë në punë duke i dhënë një detyrë civile. Me këtë detyrë ajo nuk ka të drejtë të mbajë armë, ndërsa mbetet ende e paqartë se ku e ka gjetur pistoletën me të cilën shoi familjen.

Gazetarja e ABC News gazetarja Blerta Dalloshi Berisha raporton se policia e Kosovës deri më tani nuk  ka dhënë asnjë detaj në lidhje me këtë ngjarje të rëndë.

Komunikata e policisë: 

Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje.

Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.

Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë.

Abcnews.al do t’ju mbajë të informuar në vijim për këtë ngjarje.

 

se.jpg
in a13:45 | 17/02/2020

Sekretari amerikan i Shtetit Michael R. Pompeo permes një postimi në rrjetin social “Facebook” ka uruar pavarësinë e Kosovës.

Pompeo në urim shkruan se të dyja vendet kanë gëzuar një marrëdhënie me vlera të përbashkëta dhe se pavarësia e Kosovës mbetet kyçe për sigurinë dhe stabilitetin e Ballkanit Perëndimor.

Po ashtu, në urim theksohet se SHBA mbështet Kosovën në rrugën drejt integrimit në institucionet euroatlantike.

Statusi:

Në emër të populli dhe qeverisë së SHBA-së, uroj Kosovës teksa feston ditën e pavarësisë. Për më shumë se një dekadë, dy vendet tona kanë gëzuar një marrëdhënie të bazuar në vlera të përbashkëta. Sovraniteti dhe pavarësia e Kosovës mbetet kyçe për sigurinë dhe stabilitetin e Ballkanit Perëndimore.

SHBA mbështet Kosovën në rrugën drejt integrimit në institucionet euroatlantike dhe do të vazhdojë që të punojë për mbështetjen e ligjit, luftën nga korrupsionit dhe për rritjen e mirëqenies ekonomike për të gjithë qytetarët e Kosovës.

Pas zgjedhjeve të fundit dhe formimit të qeverisë, Kosova ka një mundësi të re për të përmbushur potencialin e saj të plotë, si për qytetarët e vet si dhe për marrëdhëniet me vendet fqinje. 

Jemi inkurajuar nga ndodhitë e fundit të cilat sinjalizojnë një lëvizje kundrejt lehtësimit të investimeve, turizmit, tregtisë dhe marrëdhënieve njerëzore me Serbinë, çka do të shtojë themelet për një progres të mëtejshëm në normalizimin e marrëdhënieve në të ardhmen.

I shprehim urimet më të përzemërta popullit të Kosovës dhe presim që të ndërtojmë mbi energjinë e momentit në javët dhe muajt në vazhdim./abcnews.al

ko-2.jpg
in a12:44 | 17/02/2020

17 janari është një ditë e shënuar për gjithë shqiptarët kudo që janë, pasi përkon me datën kur Kosova u shpall e pavarur. Në kuadër të 12-vjetorit të pavarësisë së Kosovës, do të organizohen një sërë aktivitetesh nga institucionet qendrore dhe lokale kosovare.

Gzetarja, Bleta Dalloshi Berisha, në një lidhje me “ABC News” tha se  në orët e para të ditës së sotme Kryeminstri ka ngritur flamurin.

“Është hera e parë që Albin Kurti viziton varrin e presidentit Rugova. Pritet të zhvillohet një tjetër ceremeoni në orën 16:00. Hera e parë që pas 12 vjetësh demokraci që organizohen dy ceremoni ushtarake. Nuk ishte një ceremoni shumë e madhe, pasi qeveria e Kosovës ka bërë një organizinm të thjeshtë. Nuk është bërë e ditur se kush do të jetë i ftuar. Kryetarja e Parlamentit Vjosa Osmani dhe kryministri i Kosovës do të jenë në ceremoni të ndara”, raportoi gazetarja./abcnews.al

albin-kurtiiii.jpg
in a14:03 | 16/02/2020

Kryeministri Albin Kurti ka shprehur rezerva për marrëveshjet e nënshkruara ndërmjet Kosovës dhe Serbisë për hekurudhat dhe autostradën.

Gjatë qëndrimit të tij në Mynih për Konferencën e Sigurisë, Kurti ka pohuar se pavarësisht se marrëveshjet janë ndërmjetësuar nga i dërguari i Shtëpisë së Bardhë për dialogun Kosovë-Serbi, ambasadori Richard Grenell, ai nuk ka qenë pjesëmarrës në negociata si Kryeministër.

Për palën kosovare, marrëveshjet për autostradën dhe hekurudhat i kanë nënshkruar Xhemë Veseli, drejtor i Transportit Rrugor dhe Ramë Qupeva, drejtor i Infrastrukturës Rrugore. Kurse nga pala serbe, të dy marrëveshjet i ka nënshkruar drejtori i të ashtuquajturës Zyrë për Kosovën në Qeverinë e Serbisë, Marko Gjuriq.

I pyetur se nëse kritikat e shprehura nga ai lidhur me marrëveshjet për autostrada dhe hekurudha kanë bërë që ambasadori Grenell të mos e takojë atë në Mynih, kryeministri Kurti thotë se komunikimi me amerikanët është i mirë dhe se gjatë qëndrimit në Mynih nuk ka qenë në plan që të takohet me të dërguarin e Shtëpisë së Bardhë.

Ambasadori Grenell më herët ka ndërmjetësuar po ashtu edhe marrëveshjen për hapjen e linjës ajrore Prishtinë- Beograd.

Së fundmi, ambasadori Amerikan ka kërkuar nga qeveria e udhëhequr nga Albin Kurti që të heqë taksën 100 për qind ndaj produkteve që vijnë nga Serbia, pasi kjo masë shihet si pengesa kryesore për rinisjen e dialogut me Serbinë. Kurti është zotuar se taksën do ta zëvendësojë me reciprocitet, por Grenell ka kërkuar që taksa të hiqet pa u vendosur reciprociteti./abcnews.al

voa.jpg
in a09:29 | 16/02/2020

Dy herë me radhë brenda kësaj jave presidenti francez, Emmanuel Macron, tha se Kosova duhet të heqë tarifat ndaj mallrave serbe, ndërsa Beogradi duhet të ndalë fushatën për tërheqjen e njohjeve të pavarësisë së Kosovës, në mënyrë që të rifillojnë bisedimet ndërmjet të dyja palëve.

Në një letër urimi për kryeministrin e ri të Kosovës Albin Kurti me rastin e zgjedhjes së tij dhe një urim për presidentin Hashim Thaçi në përvjetorin e pavarësisë së Kosovës, presidenti Macron, tha se është i gatshëm për të organizuar një takim në Paris ndërmjet të dyja palëve, por për këtë duhet të hiqen tarifat ndaj mallrave serbe dhe Beogradi të heqë dorë nga fushata kundër pavarësisë së Kosovës.
Kërkesa e tillë ndaj të dyja palëve, tashmë e përsëritur edhe nga evropianët, është shtruar nga diplomacia amerikane e cila është vënë në përpjekje për të ripërtërirë procesin e normalizimit të marrëdhënieve ndërmjet Kosovës dhe Serbisë. Të premten ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi ndërmjetësoi nënshkrimin e një marrëveshjeje për linjën hekurudhore dhe autostradën që lidhë të dyja vendet.

Nënshkrimi i saj u bë në prani të presidentit të Kosovës, Hashim Thaçi dhe atij të Serbisë, Aleksandar Vuçiç, ndërsa disa orë më vonë kryeministri i Kosovës, Albin Kurti tha nga Munihu se nënshkruesit e marrëveshjes nuk ishin të autorizuar nga qeveria e tij.

Por, brenda qeverisë së tij zërat ishin të ndryshëm. Marrëveshja u mbështet nga zyrtarë të koalicionit qeverisës nga radhët e Lidhjes Demokratike të Kosovës. Për diplomatët amerikanë, marrëveshja Munihut është një përparim historik dhe të dyja palët duhet të shfrytëzojnë situatën e krijuar me ri angazhimin e administratës amerikane.

Bisedimet Kosovë – Serbi janë pezulluar që nga nëntori i vitit 2018, kur qeveria e Kosovës vendosi tarifat prej 100 për qind ndaj mallrave serbe në shenjë kundërshtimi ndaj qasjes së Beogradit ndaj shtetësisë së Kosovës. Beogradi kushtëzon vazhdimin e bisedimeve për normalizim marrëdhëniesh me Kosovës me heqjen e këtyre tarifave.

Kurti është zotuar ta bëj një gjë të tillë, por duke kushtëzuar heqjen e tarifave me vendosjen e masave të reciprocitetit të plotë më Serbinë. Ai ritheksoi një synim të tillë edhe gjatë debatit në një panel në kuadër të konferencës së Munihut ku ishte i pranishëm edhe presidenti serb Aleksandër Vuçiq, i cili tha më pas se “pati shkëmbime të rrepta” me kryeministrin Kurti.

Debati është zhvilluar me dyer të mbyllura, por në rrjetet sociale rrodhi një video ku kryeministri Kurti paraqet tri parime për vazhdimin e bisedimeve me Serbinë. Sipas tij nuk ka marrëveshje pa dialog, nuk ka dialog me harta dhe së fundmi pa presidentë rreth hartave, duke kritikuar kësisoj idetë që ishin hedhur në vitin 2018 nga presidenti i Kosovës Hashim Thaçi dhe presidenti Serbisë Aleksandër Vuçiq për prekjen e kufijve në kuadër të procesit të normalizimit ndërmjet tyre.

Kryeministri Kurti kishte nxitur reagimin e presidentit serb gjatë debatit duke thënë se ndërsa 20 vjet më parë Kosova është çliruar nga pushtimi serb, tash është koha që Serbia të çlirohet nga Kosova.
Presidenti serb tha të shtunën se në Munih kishte mbrojtur autoritetin e Serbisë. “Ashtu sikundër bëra mbrëmë pas disa fjalëve të tmerrshme në një panel ku u tha se e kemi okupuar Kosovën, se kemi kryer krimet më të rënda dhe gjenocid”, tha ai.

Të hënë më 17 shkurt Kosova shënon 12 vjetorin e pavarësisë së saj që u shpall me mbështetjen e Shteteve të Bashkuara dhe vendeve kryesore të Bashkimit Evropian, ndërsa kundërshtohet nga Serbia dhe aleatja e saj Rusia. Por, të dyja palët synojnë integrimin në Bashkimin Evropian dhe kusht për këtë është normalizimi gjithëpërfshirës i marrëdhënieve ndërmjet tyre. /VoA

hekurudhaaa.jpg
eri Ida13:56 | 15/02/2020

Drejtuesi i linjës hekurudhore në Fushë-Kosovë e sheh me mjaft entuziazëm nënshkrimin e marrëveshjes për rikthimin e linjës hekurudhore Prishtinë-Beograd që u nënshkrua dje në Mynih të Gjermanisë.

Faik Gërbeshi thotë për “Abc News” se do të ishte mirë që kjo marrëveshje të pasohet edhe me nisjen e funksionimit te linjave të tjera ndërkombëtare.

“Nga viti 85’ e këtej ka pasur shumë linja hekurudhore ka pas shumë trena, ka pas qarkullim të mallrave ka pas dhe lëvizje nga ndërkombëtare. Kur vinte treni ka pas shumë lëvizje sa kishte dhe vështirësi me u fut në tren”, tha Gërbeshi.

Gazetarja e ABC News gazetarja Blerta Dalloshi Berisha bën me dije se linja hekurudhore është ndërprerë në vitin 1999 menjëherë pas luftës ishte rikthyer linja hekurudhore deri në kufi me serbinë që administrohej nga UNMIKU por kishte funksionuar deri në vitin 2008.

“Ky tren ka filluar që të lëvizë deri në vitin 2008 kur me shpalljen e pavarsisë së Kosovës filluan acarimet. Personeli jonë ka qenë i rrezikuar nga njerëz të proparcioneve të ndryshme të nacionalitetit serb”, thekson një nga pjestarët e stafit.

Ndërkohë sot janë funksionale vetëm dy linja hekurudhore, Fushë Kosovë-Shkup dhe Fushë Kosovë-Pejë. Ndër të tjera gazetarja Berisha raporton ndër të tjera se Gërbeshi i gëzohet marrëveshjes për linjën hekurudhore Prishtinë-Beograd me shpresën se kjo do të hape rrugën dhe rinisjen e linjave të tjera ndërkombëtare./abcnews.al

 

auto_43377729-09D5-47A1-BDFA-D3FCD612377A_w650_r11581749368.jpg
eri Ida08:56 | 15/02/2020

Kryeministri i Kosovës, Albin Kurti, është shprehur se nuk e konsideron takim me presidentin e Serbisë, Aleksandar Vuçiç, pjesëmarrjen e përbashkët në një tryezë në Mynih.

Kurti ka thënë se nuk është takuar me Vuçiç pasi diskutimi është zhvilluar në margjina të Forumit Ndërkombëtar të Sigurisë, i cili nisi punimet të premten në Mynih, me pjesëmarrjen e rreth 35 udhëheqësve të shteteve dhe qeverive.

“Unë nuk jam takuar me Vuçiçin. Kemi qenë në një tryezë të rrumbullakët, ku kanë qenë të ftuar të gjithë udhëheqësit e Ballkanit Perëndimor”, tha Kurti.

Në një intervistë për Radio Evropa e Lirë, kryeministri i Kosovës është shprehur se në këtë takim presidenti serb ka qenë “i ashpër”. Ai ka theksuar se nuk dëshiron të japë detaje, duke u thirrur në rregullat e organizatorit të panelit, që nuk lejojnë të bëhen publike pikëpamjet e pjesëmarrësve (Chatam House Rules).

Gjithashtu Albin Kurti ka pranuar se ka pasur tensione në tryezën e rrumbullakët.

“Vuçiç ndjeu shumë presion për shkak të asaj që thashë. Pastaj pasoi reagimi i tij me nervozizëm”, ka thënë Kurti.  Ndërsa në lidhje me taksën po i bëhet apo jo presion për heqjen e saj, Kurti ka thënë se “do ta heqin taksën sapo të zbatojmë reciprocitetin me Serbinë, si një parim të mirë për marrëdhënie konstruktive fqinjësore”./abcnews.al

borrell.jpg
eri Ida07:36 | 15/02/2020

Përfaqësuesi i Lartë i Bashkimit Evropian, Josep Borrell, është shprehur se dialogu është e vetmja mënyrë për zgjidhjen e mosmarrëveshjeve mes Serbisë dhe Kosovës.

“Na duhet zbutje e tensioneve dhe nisje nga e para, përndryshe bisedimet nuk do të jenë të mundshme”, ka shkruar kryediplomati i BE’së, në rrjetin social Twitter.

Komentet e spanjollit vijnë pas takimit të përbashkët të tij me udhëheqësit e gjashtë vendeve të Ballkanit Perëndimor, në Munih, ku po mbahet Konferenca për Sigurinë.

Përmes një postimi në profilin e tij në Tëitter Borrell shkruan se negociatat duhet të fillojnë sa më shpejt të jetë e mundur. “Na duhet zbutje e tensioneve dhe nisje nga e para, përndryshe bisedimet nuk do të jenë të mundshme”.

Borrell ka folur edhe për procesin e zgjerimit të BE’së në të ardhmen.

“Zgjerimi – na është dashur të ndalemi. Të riorganizohemi. Të rimendojmë. Qëllimi i metodologjisë sonë të re është që tani ta bëjmë procesin më të besueshëm, më dinamik dhe më të parashikueshëm”, ka shkruar ai në Twitter./abcnews.al

Screenshot_1-9.png
R D17:38 | 14/02/2020

Kosova dhe Serbia kanë nënshkruar në Mynih të Gjermanisë dy letra të shprehjes së interesit, për autostrada dhe për hekurudha, ku të dyja vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

President i Kosovës, Hashim Thaçi është shprehur se “ky është mesazhi më i mirë që rajoni do të ketë më tepër paqe, zhvillim ekonomik, vende të punës atë që i duhet njerëzve në Kosovë, në Serbi dhe tërë Ballkanin Perëndimor”.

Ndërsa Presidenti i Serbisë, Aleksandër Vuçic, tha se “marrëveshjet që janë nënshkruar janë domethënëse për shkak të lirisë së lëvizjes, lëvizjes së mallrave, kapitalit, shërbimeve dhe njerëzve”.

Ndërsa ambasdori Grenell ka thënë se marrëveshjet janë nënshshkruar falë direktivave të qarta të Presidentit Donald Trump.

Richard Grenell, I dërguari i SHBA-së për dialogun Kosovë Serbi tha se “tani kemi dy marrëveshje më shumë dhe ajo që unë kam biseduar me të dy presidentët është që të përqendrohemi sa më shumë në zhvillimin ekonomik”.

Kryeshefi ekzekutiv i hekurudhave të Kosovës Agron Thaçi ka thënë se Kosova është e gatshme për linjën hekurudhore Fushë Kosovë-Mitrovicë Leshak-Beograd ndërsa për linjën tjetër hekurudhore Prishtinë-Merdare-Beograd nevoitet investim i tërësishëm i infrastrukturës hekurudhore.

Linja hekurudhore Prishtinë Beograd ishte ndërprerë gjatë luftës së fundit në Kosovë për tu rivënë në funksionë menjëherë pas luftës deri në Leshak kufi me Serbinë nën administrimin e UNMIK-ut për tu ndërprerë sërish në vitin 2008 kur edhe u shpall pavarësia e Kosovës. /abcnews.al

kosove-1280x704.jpg
in a16:10 | 14/02/2020

Shumica e serbëve dhe shqiptarëve të Kosovës dëshirojnë pajtimin ndëretnik, tregojnë rezultatet e një studimi të paraqitur nga UNDP. 46 përqind e serbëve janë të shqetësuar për sigurinë e tyre, duke thënë se ata nuk ndjehen të sigurt në vendet publike.

Sondazhi i quajtur Pulsi i Publikut tregoi gjithashtu se 60 përqind e të anketuarve nga Mitrovica e veriut mendonin se pajtimi nuk ishte i nevojshëm, ndërkohë që 73 përqind e të anketuarve nga ajo komunë dhe 92 përqind nga Graçanica thanë se nuk ndjeheshin mirë të jetonin në mjedis multi-etnik. “Përveç kësaj, pjesëmarrësit e grupeve të fokusit besojnë se ka shumë  “plagë të hapura” nga lufta që duhet të zgjidhen para se të arrihet pajtimi.

Shqiptarët e Kosovës gjithashtu thanë që çështja e personave të zhdukur gjatë konfliktit ishte një pengesë e rëndësishme për këtë.

Pothuajse gjysma e të anketuarve janë të pakënaqur me punën e institucioneve publike të Kosovës për të promovuar pajtimin dhe besojnë se institucionet nuk bënë sa duhet për të mbështetur viktimat që pësuan shkelje të drejtave të njeriut gjatë luftës.

Të anketuarit përmendin ndryshimet kulturore, përfshirë barrierat gjuhësore, si një nga pengesat kryesore për pajtimin. Sondazhi gjithashtu zbuloi se 47 përqind e të anketuarve thanë se përfshirja e bashkësisë ndërkombëtare në arritjen e pajtimit ishte shumë e rëndësishme, ndërsa 31 përqind thanë se ishte disi e rëndësishme.

Edhe pse grupet etnike ndryshojnë në kuptimin e tyre të konceptit të pajtimit, ata të gjithë pajtohen se dënimi i atyre që kanë kryer krime gjatë luftës në Kosovë dhe ndërtimi i marrëdhënieve të mira ndëretnike janë thelbësore për arritjen e pajtimit në Kosovë, përfundoi studimi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono