kosova

pac.jpg
G. P.10:42 | 26/09/2018

Një përplasje deklaratash është regjistruar mes delegacionit të Kosovës dhe Marokut. Kryeministri i vendit afrikan ka përgënjeshtruar deklaratën e ministrit të jashtëm Pacolli pas një takimi mes tyre, se Maroku dhe Kosova do të vendosin mardhëniet diplomatike.

Ministri i jashtëm i Kosovës, Behgjet Pacolli ka zhvilluar një sërë takimesh me përfaqësues nga vende të ndryshme të botës gjatë Asamblesë së Përgjithshme të Kombeve të Bashkuara. Shefi i diplomacisë, siç dhe njofton vetë me anë të publikimeve në profilin e tij në Twitter, ka diskutuar gjerësisht për zhvillimin e mardhënieve dypalëshe dhe ka lobuar për njohjen e Kosovës. Por duket se Pacolli ka hasur në një problem shumë serioz, lidhur me takimin me përfaqësuesit e Marokut.

Kryeministri i këtij vendi ka reaguar me tone të ashpëra në Tuiter pas njoftimeve të Ministrit të Jashtëm të Kosovës, se ka pasur me të biseda për vendosjen e mardhënieve diplomatike. “Gjatë pushimit me delegacionin tim një zotëri nga Kosova na u imponua me prezencën e tij. Ne nuk kemi diskutuar marrëdhëniet bilaterale as vazhdimin e kontakteve”, ka shkruar kryeministri i Marokut Saadeddine Othmani në Twitter.
“Qëndrimi i Marokut mbetet i njëjtë. Maroku nuk e njeh Kosovën dhe nuk ka asnjë mardhënie me të”, shton ai. Ndërkohë Pacolli përtej këtij incidenti, ka treguar me imazhe disa nga takimet e tij, ky bien në sy vende jo shumë të njohura për ndikim në botë. Ndër të tjera, ministri i jashtëm kosovar ka zhvilluar biseda edhe me liderë të vendeve të BE-së si dhe është përshëndetur nga presidenti amerikan Donald Trump./abcnews.al

MBULIM-HAHN-VIZAT.mpg_snapshot_00.00-1280x720.jpg
G. P.10:00 | 26/09/2018

Komisioneri për Zgjerim i Bashkimit Evropian Johanes Hahn gjatë bisedës me ministrin e Jashtëm të Kosovës Begjet Pacolli, është angazhuar për përparimin në dialogun me Serbinë. Ai nënvizon se një zgjidhje gjithëpërfshirëse dhe e detyrueshme do të ishte në të mirë të rajonit. Hahn ka shtuar se Kosova është afër liberalizimit të vizave me vendet e Shengenit pasi Komisioni Evropian miratoi propozimin e raportueses Tanja Fajon. Takimi midis eurokomisionerit Hahn dhe ministrit Pacolli është zhvilluar gjatë punimeve të Asamblesë së Përgjithshme të OKB-së./abcnews.al

dacic.jpg
G. P.16:38 | 25/09/2018

Ministri i Punëve të Jashtme të Serbisë, Ivica Daçiç, gjendet në Nju Jork për Asamblenë e Përgjithshme të Kombeve të Bashkuara. Shefi i diplomacisë së Beogradit tha se arritja e një zgjidhjeje për çështjen e Kosovës është prioritet kombëtar për Serbinë.

“Duke mbrojtur sovranitetin e saj dhe integritetin territorial, Serbia mbron të drejtën ndërkombëtare, Kartën e Kombeve të Bashkuara, ruajtjen e paqes dhe sigurisë ndërkombëtare, por edhe identitetin e saj kombëtar dhe historik”.

Kështu u shpreh Daçiç gjatë një seance që u mbajt për përvjetorin e lindjes së Nelson Mandelës në OKB. Ndërkohë, Kosova dhe Serbia janë duke bërë përpjekje për gjetjen e një zgjidhjeje përfundimtare përmes dialogut në Bruksel./abcnews.al

VUCIC-TAKIMET.mpg_snapshot_00.12-1280x762.jpg
G. P.16:14 | 25/09/2018

Sipas mediave serbe, zyrtarë të lartë ndërkombëtarë i kanë thënë presidentit të Serbisë Aleksandër Vuçiç se mund të zvarrisë dhe për disa vite të tjera marrëveshjen me Kosovën. Kjo për arsye se një zgjidhje e mundshme mes dy palëve as nuk duket në horizont.

Presidentit serb Vuçiç i kanë thënë se mund të zvarrisë zgjidhjen me Kosovën. Sipas të përditshmes serbe Blic, duket se një zgjidhje mes dy vendeve nuk do të gjendet as këtë vit, por as në vitin 2019, pavarësisht dëshirës së komunitetit ndërkombëtar. Blic thekson se ka konfirmuar nga burime diplomatike se presioni nga vendet europiane për zgjidhjen përfundimtare mes Serbisë dhe Kosovës po zbehet. Burimi diplomatik në Bruksel, ndër të tjera ka thënë për të përditshmen e Beogradit se Gjermania dhe Franca e kanë kuptuar se zgjidhja përfundimtare për çështjen e Kosovës as nuk duket në horizont. Për këtë arsye është marrë vendimi që të mos këmbëngulet më në gjetjen e një zgjidhjeje për momentin ky mesazh iu ëshët dhënë dhe zyrtarëve të lartë serbë, dhe sipas Blic, presidentit të Serbisë Vuçiç i është thënë në takime të ndryshme se mund të zvarrisë çështjen e Kosoëvs dhe për disa vjet të tjera.

Arsyeja për këtë sipas medias serbe është se Prishtina nuk pranon të bëjë asnjë lloj kompromisi në një kohë që Serbia dhe presidenti i saj janë të vendosur të gjejnë një zgjidhje nëpërmjet një kompromisi. Gjithësesi vullneti vetëm i njërës palë nuk është i mjaftueshëm. Në të njëjtën kohë, vijon më tej artikulli, problem tjetër është se presidenti i Kosovës Hashim Thaçi, nuk ka mbështetjen e duhur politike në vend, ndërsa Vuçiç e ka. Dhe për këtë arsye Thaçi nuk guxon të ndërmarrë një zgjidhje konkrete përveç të flasë shpesh për ndryshim kufijsh. Por kreu i shtetit kosovar gjatë gjithë kohës refuzon krijimin e asocacionit të komunave serbe në veri të Kosovës. Raundi i fundit i dialogut në Bruksel, përfundoi para se të niste pasi Vuçiç refuzoi të takohet me Thaçin. Në një kohë që sipas Blic janë disa nga vendet më të fuqishme që kanë nisur të ndërrojnë qëndrimin e tyre ndaj Prishtinës. Duke pritur që Shtetet e Bashkuara të Amerikës të ushtrojnë një presion përfundimtar në përfaqësuesit e qeverisë së Kosovës, një gjë që gjithqësesi nuk ka ndodhur

Blic thekson se administrate e presidentit amerikan tramp, ka zbutur qëndrimin ndaj Beogradit Brenda javëve të fundit. Nga deklarata: Marrëveshja është bërë, Kosova është një shtet i pavarur; ka kaluar në frazën: Uashingtoni nuk do të ndërhyjë në proces, do të mbështesë çdo marrëveshje për të cilat është rënë dakord nga të dyja palët. Shtuar këtu dhe qëndrimin e qartë të Rusisë e cila shprehet se do të mbështesë çdo zgjidhje që bie dakord Beogradi./abcnews.al

LE-MONDE-KOSOVA_ABC-M2-T1.mpg_snapshot_00.29.jpg
G. P.21:48 | 24/09/2018

Gazeta “Le Monde” ka publikuar një hartë të Kosovës me ndarje etnike, ku pjesa e veriut do t’i kalojë Serbisë, ndërsa Mevdegja dhe Presheva do të kalojnë në territorin kosovar. Gjithashtu media franceze ka publikuar edhe dy artikuj lidhur temën e rishikimit të kufijve.

E përditshmja franceze “Le Monde” botoi dy artikuj rreth shkëmbimit të mundshëm të territoreve mes Beogradit dhe Prishtinës. Gjithashtu në llogarinë në Tuiter, gazeta në fjalë botoi një hartë të Kosovës, së bashku me mbishkrimin: “Midis Kosovës dhe Serbisë, mozaiku etnik, infrastruktura kryesore dhe ndërtesat kulturore janë pengesa për projektin e ri-përcaktimit të kufirit”. Në hartë është treguar sesi do të duken “kufijtë e rinj në mes të Serbisë dhe Kosovës”, ku pjesa veriore e Kosovës, me komunat serbe të Leposaviçit, Zveçanit, Zubin Potokut dhe Mitrovicës, do të kalonin në Serbi, ndërsa Kosovës do t’i bashkoheshin territoret e komunës së Medvegjës dhe Luginës së Preshevës, e populluar kryesisht me popullsi shqiptare.

Në hartë janë theksuar katër komunat me shumicë serbe në veri të Kosovës, për të cilat thotë se janë “jashtë kontrollit, nuk janë të rregulluara me ligj dhe janë pre e grupeve mafioze”. Gazeta vë në dukje se “shkëmbimi i territorit në bazë të kritereve etnike përbën shqetësim” dhe se “në debatin për shkëmbimin e mundshëm të kufirit midis të dy palëve përplasen me njëra-tjetrën etika dhe pragmatizmi”. Gazeta raporton një shpjegim të gjeografit francez Michel Foucher. “Kufijtë janë të paprekshëm nga pikëpamja e të drejtës ndërkombëtare”, Tha Foucher duke nënvizuar se kufijt mund të zhvendoset në qoftë se të dy palët të arrijnë një marrëveshje.

Gazeta franceze vë në dukje se, në rastin e shkëmbimit territorial mes Beogradit dhe Prishtinës, është hera e parë që bëhet fjalë në lidhje me kufijtë e rinj të vizatuar mbi baza krejtësisht etnike, dhe jo në linjat e mëparshme administrative të republikave përbërëse ose rajoneve autonome të ish-Jugosllavisë. Gjithashtu “Le Monde”, nënvizon se projekti i ri-vendosjes së kufijve të Ballkanit Perëndimor paraqitet si një zgjidhje për stabilitetin pas 20 viteve të konfliktit të ngrirë, por thekson se banorët e zonave përkatëse kanë përsëri frikë nga një “spastrim etnik”./abcnews.al

MBULIM-DEPUTETJA-GJERMANE.mpg_snapshot_00.01-1280x720.jpg
G. P.20:24 | 24/09/2018

Deputetja gjermane liberale, Renata Alt kërkon nga qeveria gjermane që të bëjë më shumë presion për njohjen e Kosovës nga vendet anëtare të BE-së. Ajo bën me dije se nuk e mbështet planin për ndryshimin e kufijve. “Nuk është e këshillueshme që në Ballkan të ketë ndryshime kufijsh mbi baza të pastra etnike.

Është një lojë e rrezikshme që mund të ketë pasoja të paparashikueshme që nuk i merr dot me mend askush në këtë moment”, shprehet ajo në një intervistë për Dojçe Vele. Deputetja e Bundestagut nënvizoi se Gjermania do të mbështesë Prishtinën dhe Beogradin në transformimin e tyre në një sistem të mirëfilltë demokratik, në mbështetjen e shtetit të së drejtës dhe të të drejtave të njeriut./abcnews.al

DURRESI-PLAZHI-VAZHDON-ABC-M5-T1.mpg_snapshot_00.57-1280x713.jpg
G. P.15:43 | 22/09/2018

Plazhi i Durrësit nuk është braktisur nga pushuesit. Në bregdet ka ende qytetarë nga Kosova të cilët preferojnë të pushojnë në shtator të favorizuar edhe nga temperaturat e larta.

 

Ata që kanë më pak angazhime shijojnë detin. Plazhi i Durrësit nuk është braktisur ende nga pushuesit. Qytetarët e ardhur kryesisht nga Kosova mbeten frekuentuesit më të rregullt.

Pushuesi 1: “Shumë bukur, me njerëz, me plazh, me të gjitha. Është e treta herë që po vij.”

Pushuesi 2: “Pushimi është fantazi. Unë prej vitit 2000 kam ardhë çdo verë.”

Pasi kanë pushuar në plazhet e tjera të Adriatikut gjatë verës, vjeshtën preferojnë ta kalojnë në Durrës.

Pushuesi 3: “U bënë 20 vjet që vijmë në shtator. Kemi qenë 2 javë në Velipojë, tani këtu 1 javë. ”

Në këtë periudhë plazhistët gjejnë më shumë hapësirë në plazh, qetësi dhe oferta më të lira.

Pushuesi 4: “Komplet me klimë edhe me të gjitha janë paraqitur siç e duam ne.”

Pushuesi 5: “Unë vij që prej 3-4 viteve në këtë kohë dhe është shumë mirë.”

Me të njëjtin numër pushuesish, plazhi i Durrësit pritet të përballet për aq kohë sa vapa të zgjasë./abcnews.al

PROVOKACIJA-QËNDRESA-HALILI-PJ-3.mpg_snapshot_16.19-1280x720.jpg
ent ela22:15 | 21/09/2018

Në pjesën e tretë të emisionit “Provokacija” nga gazetari Mustafa Nanon u realizua një lidhje me skype me shkrimtaren e re nga Kosova, Qëndresa Halili, e cila jeton në SHBA. Në këtë intervistë Halili foli për librin e saj në anglisht “War Diary” dhe kujtimet e saj nga lufta në Kosovë.

Ky libër është i shkruar sot, por më logjikë fëmije të ndodhur me rrethana lufte, atë të Kosovës. Ajo tha se arsyeja që ka vendosur ta shkruajë këtë libër në anglisht është sepse kishte dëshirë që tematikën e tij ta bëntë të ditur në të gjithë botën.

“Kam dashur ta tregoj historinë tonë, nga ana ime si fëmijë, me të gjithë traumat dhe frikën e saj. Fillimisht e shkruajta në shqip dhe e publikova në Ferizaj në vitin 2009 dhe vitin e kaluar e botova edhe në gjuhën angleze.”

Për marrëdhënien e saj me Shtetet e Bashkuara ajo tregoi se tokën amerikane e konsideron si atdhe të dytë sepse ishte si fole për të. Ajo tregoi se nuk duhet të ketë diferenca ndërmjet shqiptarëve të kosovës dhe Shqipërisë sepse, sipas saj, të gjithë “jemi një”.

E pyetur për mendimin për serbët ajo tha:
“Gjithmonë nëna më ka treguar se lufta është e keqe, kështu më ka edukuar, mirëpo asnjëherë nuk e kam dëgjuar të më thotë se duhet të urrejmë serbët. Nuk i urrej serbet, por nuk kam as dashuri për ta absolutisht jo. Por mbetet mllefi dhe trishtimi se edhe tani, kudo që shoh serbë, e kam ndjenjën që kthehem prap mbrapa në memorie dhe kujtime.”

E pyetur nëse do të krijonte një marrëdhënie me një djalë serb, ajo shprehet se diçka e tillë absolutisht nuk do të ndodhte.
Halili tregoi dhe për lidhjen e ngushtë me figurën e Nënë Terezës dhe se do ta mbronte punën se saj kudo. Ajo tregoi se dramat gjatë jetës i bëjnë ata më të fortë më vonë sepse edhe pse negative ato na bëjnë që të krijojmë një personalitet më të fortë.

“Libri që kam shkruar i përket fëmijëve të Kosovës dhë fëmijëve të botës, që në një mënyrë apo në tjetrën e kanë përjetuar luftën.”/abcnews.al

vlcsnap-2018-09-21-17h41m28s890-1280x720.png
G. P.18:10 | 21/09/2018

Presidenti serb Aleksandar Vuçiç ka deklaruar se askush nuk mund ta detyrojë të njohë pavarësinë e Kosovës. Në fjalimin e radhës, Vuçiç është shprehur se bisedimet me Prishtinën janë sa të qarta aq edhe komplekse dhe ka akuzuar Bashkimin Europian se e ka braktisur Serbinë.

Presidenti serb, Alleksandar Vuçiç, ka thënë se nuk ka fuqi në botë ta detyrojë ta njoh pavarësinë e Kosovës. Ka thënë se ndjehet i vetmuar në idenë e tij për zgjidhje të problemit të Kosovës dhe ka akuzuar bashkësinë ndërkombëtare për standarde të dyfishta. Ka kritikuar idenë e hapjes së kufirit mes Kosovës dhe Shqipërisë duke thënë se nëse Serbia do ta bënte një gjë të tillë me serbët e Bosnjës, kjo do të dëgjohej shpejt në mbledhje të jashtëzakonshme në OKB.

Alleksandar Vuçiç, President i Serbisë: “Jemi gjithmonë të gatshëm për dialog, por duhet ta di për cfarë do të bisedojmë. Pasi të më thonë ‘do të ishte bukur ta njihni pavarësinë e Kosovës’, apo ‘nëse e njihni do të bëheni lider botëror’, atëherë po e them, nuk dua. Nuk largohem që këtej”.

Vuçiç tha se dialogu i Brukselit sa afër duket edhe larg. Beogradi pret përgjigje të qartë nga BE nëse dialogu do të thotë që Serbia të humbasë gjithçka.

“Jam i vetmuar në Serbi, në rajon, por edhe në Evropë. Të gjithë thonë se Kosova është e pavarur, por dua ta shoh se si do ta detyrojnë Serbinë ta pranojë një gjë të tillë. Nuk ka fuqi, njeri dhe asgjë në botë që të më detyrojë ta bëj këtë. Dhe çfarë pastaj? Do më vrisni?”

Ishte folur për mundësinë e takimeve së shpejti në kryeqendrën evropiane, ose në Nju Jork, por presidenti serb nuk do të shkojë atje./abcnews.al

aleksander-vucic-1280x657.jpg
G. P.16:35 | 21/09/2018

Në një konferencë për shtyp Presidenti i Serbisë, Aleksandër Vuçiç, theksoi se askush dhe asgjë nuk mund ta detyrojë atë të njohë pavarësinë e Kosovës. Ndërsa për sa i përket dialogut me Prishtinën ai shtoi se Beogradi kërkon të dijë qartë se për çfarë do të flitet.

Presidenti i Serbisë, Aleksandër Vuçiç, deklaroi se asnjë forcë nuk do të mund ta detyrojë të njohë pavarësinë e Kosovës. Në një deklaratë për shtyp në Beograd, ai shtoi se Serbia mbështet gjithmonë dialogun me Prishtinën dhe me të gjithë. Megjithatë, ai theksoi se pala serbe duhet ta ketë të qartë se për çfarë po diskutohet.

Gjatë fjalës së tij, kreu i shtetit serb nuk i kurseu kritikat ndaj Bashkimit Europian, që sipas Vuçiç zgjedh të qëndrojë në heshtje përballë deklaratave të kryeministrit të Kosovës, Ramush Haradinaj. Ky i fundit ka përsëritur në disa raste se lëvizja e kufijve të vendit do të shkaktonte luftë.

Edhe ministri i Jashtëm serb Daçiç ka qenë në të njëjtën linjë. Ai reagoi ndaj deklaratës së Presidentit të Kosovës, Hashim Thaçi, sipas së cilës, asgjë smund të detyrojë Serbinë të njohë pavarësinë e Kosovës pa një marrëveshje mes dy vendeve. Daçiç theksoi se Thaçi ka të drejtë kur thotë se askush smund ta detyrojë Serbinë që ta njohë Republikën e Kosovës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono