kosova

ndryshime-ne-youtube.jpg
Vladimir Prenga13:18 | 22/01/2020

Yenisey bëri një gabim të rëndë, duke hedhur në kanalin “Youtube” videon e ndeshjes me titullin e gabuar. Aty specifikohej se po luhej me Gjilani (Serbi), por më pas është korrigjuar dhe është bërë Gjilani (Kosovë). Klubi dardan ka dalë edhe me një komunikatë, duke sqaruar gjithçka ndodhi dhe se si erdhi ai ndryshim.

“Gjilani po zhvillon ndeshje miqësore kundër skuadrës ruse Yenisey Krasonyarsk. Gjatë transmetimit të ndeshjes zyrtarë të klubit rus e kishin etiketuar në kanalin e tyre në “Youtube”, Gjilanin si klub nga Serbia.

Në marrëveshjen e ndeshjes të nënshkruara nga zyrtarë nga dy skuadrat, figurojnë vendet e origjinës së skuadrave të pranuara për zhvillimin e saj, nga ku skuadra e Gjilanit mjaft qartë figuron si ekip nga Kosova dhe ekipi rus kishte pranuar zhvillimin e takimit.

Pas reagimit të zyrtarëve të klubit të Gjilanit, nga ku dhe u shqyrtua mundësia e ndërprerjes së takimit, zyrtarë të klubit të Yenisey e përmirësuan gabimin e bërë gjatë transmetimit, duke e ndërruar vendin e origjinës së klubit tonë dhe tani figuron ekip nga Kosova”, shkruhet në reagimin e Gjilanit. /abcnews.al

avion-serbia.jpg
ger ta18:30 | 20/01/2020

Serbia dhe Kosova pritet të jenë të lidhura me linjë avioni pas më shumë se dy dekadash. Ky lajm që erdhi nga Berlini, pas ndërmjetësimit të ambasadorit amerikan në Gjermani, Richard Grenel, është pritur mirë edhe në Serbi. Kompania operuese do të jetë Lufthansa gjermane dhe jo AirSerbia. Një marrëveshje mbi qëllimet është konfirmuar edhe nga ministria e ekonomisë, e cila ka firmosur marrëveshjen. Këtë hap e kanë përshëndetuyr zyrtarët amerikan, shumë ambassador dhe sekretari i përgjithshëm i NATO-së.

Ministrja e transportit në qeverinë serbe, Zorana Mihajllovic, ka thënë se rivendosja e linjës është një gjë pozitive. Ministria është duke punuar që të krijoj kushtet administrative dhe pas një marrëveshje kjo mund të realizohet.

“Sigurisht që përmes një marrëveshje që do të bëhej me UNMIK-un do të rregullohej në momentin kur të pjeken kushtet për këtë. Është mirë që jemi duke biseduar edhe me kompani të caktuara që këto fluturime të ekzistojnë. Është duke u punuar prej kohësh dhe kjo nuk është e re është krijimi i kushteve administrative.

Por, nga zyra për Kosovën është bërë e ditur që kjo linjë mund të përjetësohet në momentin kur të hiqet taksa nga Qeveria e Kosovës. Linja ajrore në mes të dyja vendeve ka qenë e bllokuar pasi kjo hapësirë kontrollohet nga disa rregullatorë të huaj dhe avionet evitojnë fluturimin direkt apo tranzit nëpër këto linja ajrore”./abcnews.al

 

h-thaci.png
ger ta11:30 | 18/01/2020

Presidenti Hashim Thaçi, është shprehur se Kosova dhe Shqipëria shumë shpejt do të kenë një të ardhme të përbashkët pa kufij.

Këtë deklaratë kreu i shtetit e bëri në akademinë solemne “Faleminderit Shqipëri” në përkujtim të 21-vjetorit mikpritjes së Shqipërisë gjatë eksodit të popullit të Kosovës në vitin 1999.

“Kjo akademi me karakter falënderimi për Shqipërinë na sprovon mendjen tonë të përballë fjalës më sublime, fjalës atdhe. Vendit ku kanë jetuar të parët tanë ku jetojmë sot dhe ku do jetojnë brezat e ri. Atdheu është i përjetshëm, individi i përhoshëm duke qenë i përjetshëm atdheu është hyjnor. Sot këtu falënderohet Shqipëria e përjetshme, që sfidoi çdo ideologji, Shqipëria e tolerancës fetare, e flamurit tonë të përbashkët. Shqipëria me shpirt fryme dhe traditë evropiane, e himnit kombëtar”, tha Thaçi.

Thaçi në këtë fjalim tha se Kosova dhe Shqipëria duhet të jetojnë në një hapësirë pa kufij që i ndajnë.

“Në vitin 1999 ra përfundimisht kufiri më i blinduar në Europë, ai midis tokave shqiptare. Unë besoj që Kosova dhe Shqipëria shumë shpejt do të kenë një hapësirë pa kufi me një aktualitet të përbashkët dhe një të ardhme të përbashkët, pa kufi mes Kosovës dhe Shqipërisë dhe të gjitha hapësirave kudo që jetojnë shqiptarët në rajonin tonë në ombrellën euroatlantike”.

“Falendëerojmë Shqipërinë që mbrojti dhe pati kapacitete t’i strehojë shqiptarët e Kosovës dhe që përkrahu ngritjen e Kosovës edhe në vitin 1968 dhe 1981 në kërkesën për Kosovën Republikë. Pa Shqipërinë nuk do të kishim çlirim dhe nuk do të ishim të pavarur. Shqipëria që mbrojti dhe mbështeti fuqishëm  projektin e shenjtë të UÇK-së”.

“Në kulmin e luftës në vitet 1998-99, pavarësisht kushteve të vështira ekonomike, mbajti gjysmë milion shqiptarë të Kosovës. Sot një falënderim të veçantë dhe personal për ministrin e asaj kohe Pandeli Majko dhe presidentin aktual Ilir Meta”./abcnews.al

 

hashim.png
So Nila11:28 | 18/01/2020

Presidenti i Kosovës, Hashim Thaçi, falenderuar shqipërinë për ndihmën e dhënë ndaj shqiptarëve të Kosovës gjatë viteve të luftës dhe gjatë viteve sa ishte nën Jugosllavinë.

Në fjalën e tij para akademisë solemne “Faleminderit Shqipëri” , Thaçi ka theksuar se kjo akademi me karakter falënderimi na sprovon mendjen tonë të kthjellët dhe zemën tonë të pastër përa fjalës më sublime, atdheut.

“Atdheu është i përjetshëm dhe individi i përkohshëm. Atdheu është hyjnor, prandaj falënderohet përulësisht Shqipëria e përjetshme dhe historike, Shqipëria skënderbegiane që i mbijetoi shekujve, luftërave dhe pushtimeve. Shqipëria që qëndron mbi çdo ideologji, Shqipëria e tolerancës dhe unitetit fetar. E gjuhës dhe kulturës sonë të përbahskët që nuk u zhbë nga asnjë trysni. Shqipëria me frymë dhe traditë evropiane perëndimore, është shprehur presidenti i Kosovës.

Gjithashtu Thaçi ka deklaruar Kosova dhe Shqipëria duhet të jetojnë në një hapësirë pa kufij që i ndajnë.

“Në vitin 1999 ra përfundimisht kufiri më i blinduar në Europë, ai midis tokave shqiptare. Unë besoj që Kosova dhe Shqipëria shumë shpejt do të kenë një hapësirë pa kufi me një aktualitet të përbashkët dhe një të ardhme të përbashkët, pa kufi mes Kosovës dhe Shqipërisë dhe të gjitha hapësirave kudo që jetojnë shqiptarët në rajonin tonë në ombrellën euroatlantike”, tha Thaçi./abcnews.al

Kololli.jpg
Igli Nikolli13:26 | 14/01/2020

Shumë kampionate nuk kanë nisur ende dhe skuadrat vijojnë me ndeshjet miqësore. Zurich ka zbritur sot në fushën e blertë ndaj gjermanëve të Hallescher. Festival golash dhe ndeshja është fituar nga ekipi zviceran me rezultatin 4-3.

Në formë fantastike ka qenë sot Blerim Kololli. Mesfushori i Kosovës ka realizuar një trigolësh dhe i ka dhuruar fitoren ekipit të tij. 27-vjeçari dardan shënoi një gol në pjesën e parë dhe dy në të dytën.

Zurich e mbylli fazën e parë në Super League në vendin e katërt me 30 pikë dhe zona europiane është pesë pikë larg. Në këtë ekip aktivizohen edhe disa lojtarë të tjerë shqiptarë si Hekuran Kryeziu, Mirlind Kryeziu, Shpëtim Sulejmani, Lavdim Zumberi, Izer Aliu, Albin Sadrijaj dhe Toni Domgjoni. /abcnews.al

 

Blerim Kololli
Kosova-tifozet.png
Veronik Istrefaj17:34 | 12/01/2020

Është mbyllur takimi miqësor mes Suedisë dhe Kosovës, me fitoren e ngushtë 1-0 të nordikëve. Ka mjaftuar një gol i Hedlund në minutën e 75-të që Suedia të triumfonte në këtë takim.

Lojtarët e grumbulluar nga të dyja kombëtaret në këtë miqësore, nuk ishin titullarët fiks, për shkak të angazhimeve të tyre me ekipet ku luajnë.

Të dy trajnerët provuan shumë lojtarë në këtë sfidë miqësore, e cila u luajt në Doha, në stadiumin “Al Ahli”. Tekniku zviceran, Bernard Challandes, provoi plot 20 lojtarë në këtë ndeshje, duke bërë 9 zëvendësime./abcnews.al

Miqësore, 12 janar 2020

SUEDI – KOSOVA  0-0

Kosova: Visar Bekaj, Armend Thaqi, Fidan Aliti, Lirim Kastrati, Herolind Shala, Zymer Bytyqi, Florian Loshaj, Flamur Kastrati, Ylldren Ibrahimaj, Elbasan Rashani , Leotrim Bekteshi.

Suedia: Peter Abrahamsson, Simon Sandberg, Kristopher Da Graca, Jacob Une Larsson, Adam Andersson, Alexander Kacaniklic, August Erlingmark, Anton Salétros, Muamer Tankovic, Robin Söder, Simon Hedlund.

shqiperia-e-u17.jpg
Vladimir Prenga14:30 | 08/01/2020

Shqipëria U17 do të marrë pjesë në Mercedes Benz Aegean Cup 2020. Ky turne zhvillohet në Turqi dhe organizohet nga federata e këtij vendi. Sikurse njofton FSHF, në Altinordu do të zhvillohet ky turne në periudhën 15-21 janar.

Veç Shqipërisë, marrin pjesë edhe shtatë ekipe të tjera. Kuqezinjtë e drejtuar nga Elvin Berisha do të jenë në një grup me Ukrainën, Maqedoninë e Veriut dhe Korenë e Jugut. Ky është grupi B, kurse në grupin A konkurrojnë Turqia vendase, Republika e Irlandës, Kosova dhe Tanzania.

15, 17 dhe 19 janar datat e ndeshjeve në grupe. Më 21 janar zhvillohen takimet për vendin e shtatë, të pestë, të tretë dhe finalja e madhe për fituesin e turneut.

NDESHJET E SHQIPËRISË NË MERCEDES BENZ AEGEAN CUP 2020

15 Janar 2020 / Shqipëri – Maqedoni e Veriut ora 14:30
17 Janar 2020 / Ukrainë – Shqipëri ora 14:30
19 Janar 2020 / Korea e Jugut – Shqipëri ora 14:30
21 Janar 2020 / Finalet

/abcnews.al

rashkaj.jpg
Vladimir Prenga09:46 | 05/01/2020

Shkëndija e Tetovës ka bërë dy afrime deri më tani. Ardin Dallku është zyrtarizuar ende pa u hapur merkatoja, kurse një ditë më parë u prezantua edhe Valon Ahmedi. Sulmuesi anësor, i cili do të luajë për herë të parë në Maqedoninë e Veriut, nuk është afrimi i fundit te kuqezinjtë.

Raportohet së fundmi se një mesfushor qendre është në radarët e Shkëndijës dhe bëhet fjalë për futbollistin e Kosovës, Anel Rashkaj. Futbollisti 30-vjeçar e ka mbyllur pas tre sezonesh bashkëpunimin me AFC Eskilstuna në elitën e futbollit suedez.

Sezonin e fundit ai luajti 27 ndeshje si titullar, ndërkohë që është aktivizuar edhe me Kosovën në kualifikueset e EURO 2020. Cilësitë e tij nuk vihen në diskutim. Gjithsesi te Shkëndija duhet të zgjidhin kontratën me Zeni Husmanin dhe më pas të afrojnë një lojtar si Rashkaj. /abcnews.al

Kolinda-Grabar-Kitarović.jpeg
ger ta07:29 | 04/01/2020

Presidentja e Kroacisë Kolinda Grabar-Kitarović ka bërë së fundmi një gafë në lidhje me Kosovën. Ajo ka shkruar një postim në rrjetet sociale, ku në hartën e bashkëngjitur shihet se Kosova është pjesë e Serbisë.

Në postimin e saj, ajo kishte shkruar: ‘Kroacia ime nuk ka frikë, Kroacia ime tani po lufton për interesat e saj!’

Presidentja nuk ka vonuar dhe e ka fshirë fotografinë, por një avokat i cili e ka bërë ‘screenshot’, ka reaguar në Tëitter duke thënë se presidentja e ka shpërndarë hartën e Europës, ku Kosova shihej si pjesë e Serbisë./abcnews.al

besart-berisha.jpg
Vladimir Prenga21:07 | 01/01/2020

Besart Berisha është shënuesi më i mirë në histori në kampionatin australian të futbollin. Sulmuesi dardan, tashmë pjesë e Western United, vijon të shënojë gola dhe të thellojë rekordin.

Këtë sezon ka realizuar 6 gola, kurse në total numëron 122. Paraqitjet e bëra ndër vite, me Melbourne Victory dhe Brisbane Roar, janë vlerësuar nga tifozët në Australi, të cilët e kanë zgjedhur Berishën si lojtarin më të mirë të dekadës së fundit, të të gjithë kampionatit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono