kosova

Amir.png
Igli Nikolli08:05 | 15/11/2019

Amir Rrahmani ka folur pas ndeshjes kundër Çekisë në SuperSport Kosova. Kapiteni vlerëson forcën e ekipit kundërshtar, teksa zbulon edhe bisedën e bërë me arbitgrin Rocchi.

“E prekëm për disa minuta ëndrrën Evropian, por dy situata vendosën ndeshjen. Gjatë gjithë lojës nuk ishim në nivelin e duhur, gjithmonë ka vend për përmirësime. Çekia është e përgatitur, e kam thënë edhe përpara ndeshjes. Ata kanë lojtarë shumë të mirë dhe të rrezikshëm. E kanë treguar edhe në Kosovë”.

ARBITRI – “Isha i vetmi që po insistoja te arbitri kryesor. Fola italisht, i thashë që po bënin kore kundrejt nesh. Më pyeti nga e kupton? I thashë që di pak nga gjuha e tyre. Ai më tha pas dy minutash se po të ndodhte edhe njëherë do ndërpritej ndeshja. Kishte kore raciste dhe Rocchi e kuptoi pas insistimit tim që të reagonte ose t’i ndalonte”. /abcnews.al

 

nuhiu-feste.png
Vladimir Prenga23:59 | 14/11/2019

Atdhe Nuhiu i shënoi Çekisë, por në fund Kosova nuk fitoi. Sulmuesi, për Supersport Kosova u shpreh se ndihet keq që Muriqi mungoi. “Jam i gëzuam që më erdhi rasti për të luajtur, por jemi pak të mërzitur për lëndimin e Vedatit. Ai e ka merituar gjithmonë, ka bërë paraqitje të mira. Trajneri më dha besimin dhe mendoj që dhashë maksimumin”.

Më tej ai foli për vështirësinë e takimit me Çekinë: “Për fat shënova, por normal e dinim që Çekia do ishte agresive dhe do na sulmonte prej fillimi. Deri diku luftuam, por ishte ndeshje e vështirë. Të flasim realitetin, ata kanë superlojtarë dhe e meritojnë kualifikimin.  Kjo ndeshje është njëfarë mësimi. Kjo ishte loja e parë me agresivitet. Duhet të mësojmë nga kjo ndeshje. Kemi lojtarë të rinj, të cilët nuk janë mësuar me këto lloj ndeshjesh”.

“Anglia? Prapë do të jetë një ndeshje ku ne të gjithë të shohim përpara. Ardhja e Anglisë është një gjë e mrekullueshme për historinë e shkurtër të Kosovës. Jam krenar për të gjithë, thjeshtë për mundësinë e kualifikimit. Me Anglinë do të jetë sërish festë për historinë e vogël që ka Kosova”, përfundoi Nuhiu.

VALON BERISHA – Mesfushori i Lazios, foli për ndeshjen me Çekinë: “Nuk treguam vetveten, e nisëm mirë pjesën e dytë. Duhet të luftonim për golin e dytë. Çekia luftoi shumë fizikisht dhe fitoi. Nuk e di pse nuk luftuam 100% për njëri-tjetrin dhe gjithë Kosovën. S’di çfarë të them. Pjesa e parë ishte më e dobëta në eliminatore”.

“Goli duhet të na jepte energji, por nuk ndodhi kështu. Humbje shumë e keqe për ne, na vjen keq për tifozët që na mbështetën, ato që erdhën dhe ata që nuk kishin mundësi. Kemi edhe një shans kundër Maqedonisë. Personalisht nuk luajta mirë, edhe unë edhe të gjithë nuk e treguam kualitetin që kemi në fushë. U munduam, por nuk funksionuam ashtu si në ndeshjet e tjera. Vështirë të gjejmë problemin e sotëm. Ndoshta deshëm tepër, por nuk treguam as 50% tonë”. /abcnews.al

richard.jpg
ger ta23:45 | 14/11/2019

I dërguari presidencial amerikan për bisedimet Kosovë – Serbi, ambasadori Richard Grenell,  ka deklaruar se e mirëpret nismën për “shëngenin ballkanik”.

Zyrtari amerikan ka theksuar se kjo nismë mund të jetë e suksesshme nëse përfshihen të gjithë në rajon, përfshirë edhe Kosovën.

Deklarata e ambasadorit është bërë publike në  faqen e internetit të ambasadës amerikane në Berlin, ku mes të tjerash thuhete se: “ne mirëpresim nismën për “mini-Shengenin” e Ballkanit Perëndimor si një mënyrë për të filluar lëvizjen e lirë të njerëzve dhe mallrave. Ne besojmë se që kjo nismë të jetë e suksesshme, ajo duhet të përfshijë të gjithë në rajon, përfshirë qeverinë e Kosovës. Administrata Trump është e përqendruar për të ndihmuar gjithë rajonin të krijojë mundësi ekonomike dhe punë për të rinjtë“, thuhet në deklaratë./abcnews.al

Rashica.png
Igli Nikolli23:26 | 14/11/2019

Të gjithë prisnin shumë nga Milot Rashica, por sulmuesi i Werder Bremen dhe shokët e tij nuk zhvilluan një ndeshje pozitive kundër Çekisë. Rashica analizoi “finalen” e humbur në SuperSport Kosova, aty tregon problemet e hasura. 23-vjeçari ka fjalë pozitive vetëm për tifozët, teksa thekson se mungesa e eksperiencës bëri të veten.

Zhgënjimi është shumë i madh. Nuk ditëm të luanim ashtu siç dimë. Pjesa e parë është ndër më të dobëtat që kemi zhvilluar deri tani. Nuk e di pse ndodhi një paraqitje e tillë, por Çekia luajti shumë mirë. E nisëm mirë pjesën e dytë, shënuam, por nuk e mbajtëm avantazhin.

Ne provojmë të dalim me pasime, por shumë gjëra nuk funksionuan. Humbëm shumë topa në mesfushë dhe sulm. Hasëm vështirësi në daljet para. 15 minutat e para të pjesës së dytë e nisëm mirë, shënuam, por nuk mbajtëm avantazhin. Hijeshia e vetme sot ishin tifozët. Na kanë përkrahur dje dhe sot. Ne i zhgënjyem, por na mbështetën edhe pas humbjes.

Besoj që shumica e lojtarëve nuk kemi zhvilluar shumë ndeshje ndërkombëtare më herët. Ka qenë një përvojë e mirë kjo fazë eliminatoresh, besoj se kemi shumë gjëra të mira për të marrë dhe gjëra të tjera për t’u përmirësuar“, përfundon Milot Rashica. /abcnews.al

Aliti-1.png
Igli Nikolli23:18 | 14/11/2019

Fidan Aliti e pranon forcën e Çekisë. Mbrojtësi i Kalmarit analizon sfidën e humbur në SuperSport Kosova, nuk pranon të komentojë golin e parë të pësuar dhe ka një thirrje pozitive për të gjithë shqiptarët. Mërzitja është e madhe, por nesër gjithçka do jetë ndryshe.

DISFATA – “Djemtë dhanë 100%, por Çekia u tregua më e fortë se në. Janë ekip me kualitet, zhvilluan një ndeshje fenomenale. Ne nuk luajtëm futbollin që dimë të bëjmë, por edhe Çekia na vështirësoi gjithçka”.

GOLAT E PËSUAR – “Muric na shpëtoi në 2-3 raste. Nuk dua të komentoj, se kam të qartë në kokë aksionin. Nuk është momenti për të komentuar”.

MESAZHI – “Sot është dita për t’u mërzitur, është normale. Të gjithë shqiptarët janë të mërzitur, por nesër kur të zgjohemi nga gjumi duhet të jemi pozitiv. Në mars kemi finalen e radhës”. /abcnews.al

Muric.png
Igli Nikolli23:10 | 14/11/2019

Arijanet Muric kreu disa pritje të bukura përballë Çekisë, por goli i parë mund të ishte evituar. Avantazhi i Atdhe Nuhiut nuk u mbajt dot dhe Kosova doli pa pikë nga transferta e sotme, duke i dhënë fund shpresave për t’u kualifikuar.

Portieri i Kosovës, pjesë e Nottingham Forest, foli pas ndeshjes së humbur në SuperSport Kosova. 21-vjeçari shpjegon golin e parë të Çekisë, teksa zbulon se pati edhe thirrje raciste nga tifozët çekë.

Sonte Çekia ishte e aftë, bënë presing lart dhe nuk i përballuam dot.  Goli i parë? Nuk e pashë topin, lojtarët u munduan ta bllokonin dhe e pashë vonë. Tifozët çekë? Kanë thënë gjëra raciste në gjuhën e tyre, por ne reaguam si profesionistë. Nuk i dëgjova saktësisht se çfarë thanë“, përfundon Muric.

Challandes.jpg
Igli Nikolli23:04 | 14/11/2019

Bernard Challandes tregohet realist në prononcimin e dhënë në SuperSport Kosova pas humbjes me Çekinë. Trajneri i Kosovës pranon disfatën, tregon pengun e vetëm dhe uron kundërshtarët. Trajneri i dardanëve vlerëson fazën eliminatore të djmeve të tij dhe thekson se Kosova duhet të ndihet krenare me ekipin që ka.

HUMBJA – “Nuk luajtëm ndeshjen tonë. Kishim përballë një skuadër shumë të fortë. Ata ishin më të mirët sonte dhe urime për kualifikimin. Mendoj se nuk kemi marrë sa duhet rrezik në ndërtimin e aksioneve”.

KËRKESA – “U kërkova lojtarëve që të luajnë futbollin e tyre dhe të ndërmerrnin risk. Nuk ia dolëm, por edhe Çekia luajti me intensitet të shkëlqyer. Jemi të zhgënjyer, mund të luanim futboll, por nuk e bëmë”.

BEFASIA – “Nuk e kuptoj pse skuadra nuk tentoi ndërtimin e aksioneve. Çekia ishte shumë e fortë, agresive, por duhet të kishim provuar të sulmonim. Kualifikimi nuk arrihet ashtu si luajtëm në pjesën e parë ose 20 minutat e fundit”.

URIMET – “Duhet të tregoheshim të qetë, por urime skuadrës, jo për sonte, por i falënderoj për gjithçka kanë bërë. Kosova duhet të jetë krenare, jo për rezultatin e sotëm, por për çfarë kanë bërë deri tani”.

PENGU – “Nuk mund të ndryshojmë asgjë deri tani. Çekia kontrolloi ndeshjen, nuk mund të jem i acaruar me skuadrën. Ndihem i nevrikosur që nuk luajtëm sa mundëm, ky është pengu i vetëm. Kishim dëmtime, nuk kemi 50 lojtarë, por i uroj të gjithë futbollistët për atë që kemi bërë”. /abcnews.al

cekia-feston.png
Vladimir Prenga22:37 | 14/11/2019

Çekia në Euro 2020. Triumfi ndaj Kosovës me rezultatin 2-1 bën që populli çek të festojë. Golit të Nuhiut ju përgjigjën Kral dhe Celustuka. Dardanët tani do të duhet të tentojnë Europianin nga Nations League. Sot Çekia e meritoi fitoren, pasi dominoi nga fillimi në fund.

PJESA E PARË – Çekia, si pritëse nga fillimi u hodh në sulm për të shënuar. Kosova nga ana tjetër tregohet e kujdesshme. Aventurat nuk pranohen dhe djemtë e Bernard Challandes presin momentin për të goditur me kundërsulm. Nuk është aspak e lehtë në fakt.

Vendasit dominojnë në 45 minuta, por rastet nuk i kanë të shumta. Mund të përmendet një i minutës së shtatë, kur Krmencic me kokë vuri në provë Muric. Shtatlarti i Kosovës ishte në lartësinë e duhur dhe së bashku me shokët e skuadrës e ruajtën portën të paprekur në pjesën e parë.

PJESA E DYTË – Challandes e nisi me zëvendësim, duke aktivizuar Halimin në vend të Rashkajt. Kosova pesë minuta nga fillimi i pjesës së dytë arriti të befasojë vendasit,teksa Nuhiu pas një krosimi të Hadërgjonajt ia doli të shënonte në portën e Çekisë. Festë e madhe, por vendasit nuk u dorëzuan.

Sulmet ishin të shumta dhe zgjidhaj do të vinte prej një goditjeje nga distanca, me Kral që befasoi Muric. 1-1 dhe më pas shtylla e traversa shpëtuan Kosovën në dy raste. Më pas i njëjti Celustuka do të realizonte edhe golin e avantazhit, pas një rrëmuje në zonë. Feston Çekia, që deri në fund ruan epërsinë dhe siguron pjesëmarrjen në Euro 2020.

E enjte, më 14 nëntor 2019, 20:45
Stadiumi “Štruncovy Sady”, Plzen

ÇEKI-KOSOVË 2-1
Shënues:
Kral 71′, Celustuka 79′ / Nuhiu 50′

Çeki: Vaclik, Celustuka, Brabec, Coufal, Darida, Krmencik, Masopust (Sevcik 76′), Jankto, Soucek, Boril, Kral. Trajner: Jaroslav Silhavy
Kosova: Muric, Vojvoda, Rrahmani, Aliti, Kololli, Rashkaj, Berisha, Celina (Rashani 85′), Hadërgjonaj (Zhegrova 77′), Rashica, Nuhiu. Trajner: Bernard Challandes

Gjyqtarë: Gianluca Roçhi, Filippo Meli, Ciro Carbone, Massimiliano Irrati (ITA)
Kartonë të verdhë: Boril 30’/ Rashkaj 16′, Aliti 23′, Nuhiu 32′, Zhegrova 92′

EPISODET

79′ Gooooooooooooooooooooooool dhe sërish Çekia. Kral sërish e dërgoi topin në rrjetë pas një goditjeje këndi.

74′ – Soucek i afrohet golit të dytë. Për dy minuta çekët godasin traversën dhe shtyllën, duke iu afruar shumë golit.

71′ Goooooooooooooooooooool Çekia. Kral me një goditje nga jashtë zone mposhti portierin Muric dhe në Çeki rezultati është 1-1

67′ – Çekia shënon, por arbitri Rocchi sinjalizon goditje dënimi në favor të portierit Muric. Pas porte tifozët ofendojnë portierin dhe duhet ndërhyrja e kapitenit të Çekisë

61′ – Krmencik, brenda zonën, nuk ia del ta dërgojë topin në rrjetë. Topi i devijuar prej tij u ndal nga portieri Muric i Kosovës

50′ Goooooooooooooooooooool Atdhe Nuhiu. Hadërgjonaj kroson në zonë dhe sul,musi me kokë theu porterin çek.

46′ – Anel Rashkaj u la në dhomat e zhveshjes në pushim. Në vend të tij u aktivizua mesfushori Besar Halimi.

29′ – Krmencik rrëzohet në zonë dhe pretendon për penallti. Arbitri i ndeshjes, italiani Rocchi, as që e mori në konsideratë.

7′ – Krmencik, me një goditje me kokë rrezikoi portën e Kosovës. Portieri Muric ia doli ta devijonte topin dhe të shmangte golin e Çekisë. Minuta të mira për vendasit.

/abcnews.al

rashica.jpg
Vladimir Prenga17:52 | 14/11/2019

Kosova nuk do të jetë vetëm sonte në Çeki. Tifozët e saj, Dardanët, do të mbështesin beniaminët e tyre në stadium dhe presin një rezultat pozitiv, që do t’i afronte me kualifikimin në Euro 2020. Ndërkohë, nëpër rrugët e Çekisë spektakli ka nisur prej kohësh.

Milot Rashica, një prej lojtarëve më të mirë të Kosovës, tashmë e ka një këngë që ia këndojnë fansat. Një “remake” i këngës “Zemër”, që këndohet nga Dhurata Dora dhe Solking. Videoja e tifozëve që këndojnë po bën xhiron e internetit dhe komentet për të kanë qenë të shumta. /abcnews.al

74283295_469402560449389_4595249096981217280_n-800x600.jpg
nev ila14:13 | 14/11/2019

Mediat në Kosovë raportojnë duke publikuar dhe fotografi, se policia çeke ka hyrë në hotelin ku qëndron Kombëtarja Kosovare e Futbollit. Kosova do të luajë sonte ndeshjen e saj të shtatë, në kuadër të kualifikimeve të Kampionatit Evropian, shkruan zeri.info.

Verdh e kaltrit do të luajnë në Republikën Çeke. Ndeshja do të zhvillohet në Plzen, në orën 20:45. Para pak momenteve, hoteli ku po qëndron ekipi i Kosovës është vizituar nga policia çeke. Policia ka qëndruar aty për disa minuta, ndërsa arsyet nuk dihen./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono