korrupsioni

zvkryeministri-770x400.jpg
Sej rie19:00 | 18/05/2019

Një ditë pas skandalit të korrupsionit në të cilin u përfshi, zv/kancelari austriak Strahe ka dhënë dorëheqjen. Edhe pse gjatë deklaratës për media t’ia pretendoi se ishte viktimë e një sulmi politik

Zëvendës kancelari austriak Heinz Kristian Strahe, ka dhënë dorëheqjen një ditë pas publikimit të një filmimi sekret që e përfshinte atë në një skandal korrupsioni.

Sipas videos Strahe po diskutonte kontrata qeverie me një investitor rus në shkëmbim të mbështetjes financiare për fushatën elektorale. Ai gjithashtu tregon për ngritjen e një sistemi donacionesh jot ë ligjshëm për partinë e ekstremit të djathtë të cilën drejton: Partia e Lirisë.

Në konfirmimin për dorëheqjen e tij ai u shpreh se do të zëvendësohej nga ministri i Transportit. Ai theksoi se po largohej që të shmangte dëme të mëtejshme ndaj qeverisë duke pretenduar se kishte qenë një viktimë e shënjestruar e një sulmi politik. Ai tha se mënyrat e këtij sulmi ishin të paligjshme

Më parë kancelari austriak Sebastian Kurz i Partisë së Qendrës: partia e njerëzve, kishte ndërprerë çdo marrëdhënie pune me zëvendësin e tij

Filmimi u publikua të premten në një reportazh të përbashkët të “Der Shpigel” dhe të përditshmes Süddeutsche Zeitung.

Takimi është zhvilluar në Ibiza mes politikanit dhe mbesës joshëse të një oligarku rus. Kjo e fundit pranonte të investonte 250 milion euro për të blerë të përditshmen austriake “Kronen Zeitung”. Burimi i këtyre parave ishte i panjohur. Strahe i thotë se nëse ajo do të blinte gazetën dhe tre javë para zgjedhjeve rendit partinë e tij sit ë parën, atëherë më vonë të dy mund të flisnin për gjithçka.

Gruaja në të vërtetë ishte e infiltruar. Në shtatë orë takim ish zv/kancelari austriak dhe krahu i tij i djathtë Johan Gudens lavdërojnë sistemin e kryeministrit hungarez Viktor Orban, dhe kontrollin që ai i bën medias në vend./ABC News Albania 24/7

GJONAJ-TAKOHET-ME-MOSES-_ABC_M3-T2.mpg_snapshot_00.17-1280x720.jpg
ent ela15:45 | 26/04/2019

Lufta kundër korrupsioni dhe krimit të organizuar si edhe situata e rënduar politke në vend ishin në fokus të zyrtarit të lartë Austriak gjatë takimit të zhvilluar në Tiranë me ministren e Drejtësisë, Etilda Gjonaj. Sipas Josef Moser Shqipëria ka bëra hapa konkretë në Reformën në Drejtësi, ndërsa bëri apel që politika të jetë më e fokusuar në të mirë të vendit.

Për situatën politike në vend në një kohë kur opozita ka braktisur parlamentin ka folur edhe ministri Federal i Çështjeve Kushtetuese në Austri, Josef Moser.

Gjatë takimit me ministren e Drejtësisë, Etilda Gjonaj, Moser i bëri apel politikës Shqiptare, që të kenë në vemëndje të saj shtatasit e tyre dhe të fokusohen në të mirë të vendit.

“Pikëpamjet e ndryshme të politikanëve duhet të fokusohen në të mirën e vendit dhe të mos jenë thjesht mendime të diferencuara politike të cilat vështirësojnë situaten e vendit. Prandaj unë do bëj apel që përpjekjet e përbashkëta që janë bërë deri më tani për ta çuar vendin përpara dhe që  janë të parashikuara në një vend demokratik të vazhdojnë  dhe të jenë në qëndër të bisedimeve diplomatike dhe parlamentare. Në këtë mënyrë të funksionojnë në të mirë të vendit dhe të shtetasve të tij”.

Zyrtarin i lartë Austriak theksoi se, Shqipëria ka bërë hapa përpara sidomos në refomën në Drejtësi.

“Shqipëria i ka tejkaluar pritshmëritë për sa i përket fushës së drejtësisë. Ajo ka ndërmarrë hapa të besueshme dhe konkrete në luftën kundër korrupsionit dhe në Reformimin e Sistemit të Drejtësisë, duke krijuar një sistem drejtësie më të pavarur dhe duke minimizuar ndikimin që ka politika mbi të. Janë ndërmarrë hapa të cilat janë shumë të rëndësishme për integrimin, hapa të cilat duhet të njihen pavarësisht se kush i ka ndërmarrë, qeveria apo opozita. Unë do të mbeten mbështetës i fortë i këtyre hapave dhe masave të ndërmarra për faktin sepse janë hapa të domosdoshme për forcimin e të drejtës ligjore”.

Sfidë për qeverinë mbetet lufta kundër krimit dhe korrupsionit, pohoi ministrja e Drejtësisë Gjonaj.

“Jemi të vetëdijshëm që korrupsioni nuk luftohet në një ditë, por jemi duke ndërmarr cdo ditë masat e duhura për forcimin e politikave parandaluese ndaj fenomenit të korrupsionit, kemi ngritur mekanizmat e duhura për adresimin dhe masat ndëshkuese ndaj tij dhe kemi rezultate konkrete të cilat do të vijnë duke u thelluar.Unë jam besimplotë se nëpërmjet forcimit të shtetit të së drejtës, me reformën në drejtësi, luftën kundër korrupsionit dhe krimit të organizuar do t’ju japim qytetarëve tanë mundësinë jo vetëm për të patur një qeverisje edhe më të mirë, por njëherësh edhe një perspektivë të qëndrueshme evropiane”.

Në fund Gjonaj shtoi se qeveria ka vizionin e duhur për t’u përballur me fenomet si krimi dhe korrupsioni dhe sipas saj në ndihmë do të vijë shumë shpejt edhe ngrtija e SPAK-ut. /abcnews.al

 

SINKRON-ETILDA-GJONAJ.mpg_snapshot_00.04-1280x720.jpg
G. P.14:40 | 19/12/2018

Ministrja e Drejtësisë, Etilda Gjonaj gjatë një deklarate për mediat nënvizoi se lufta ndaj korrupsionit vazhdon të jetë në fokusin e qeverisë, ku vetëm gjatë dy javëve të fundit janë evidentuar 55 vepra penale në fushën e korrupsionit dhe shpërdorimit të detyrës nga funksionarët publikë, si dhe janë proceduar penalisht 80 persona, nga të cilët 11 janë arrestuar./abcnews.al

 

watson.jpg
ent ela11:24 | 21/08/2018

Autoritetet gjermane duke parë rastet e korrupsionit në rritje kanë ndërhyrë për të shmangur përkeqësimin e situatës. Prokuroria ka prezantuar një program kompjuterik, i cili do të punojë në luftimin e fenomenit të korrupsionit apo mashtrimit ekonomik.

Në hartat e Transparency International gjendja më e keqe lidhur me korrupsionin është regjistruar në kontinentet më të varfra: në Afrikë, në Azi, në Amerikën Latine. Për Evropën dallimi në mes të Veriut dhe Jugut është i fortë, dhe vendet e Mesdheut, Italia në krye, nuk bëjnë një shifër të madhe. Por Gjermania, e cila në këto tabela shfaqet midis kombeve më të virtytshme, meriton rekordin? Sipas një hetimi nga Berliner Zeitung, jo, të paktën kryeqyteti nuk e meriton atë. Në të vërtetë, në Berlin, rastet e korrupsionit janë shumë më tepër se sa pritej. Prokurori i Përgjithshëm Rüdiger Reiff, kreu i Zyrës Qendrore për Luftën Kundër Korrupsionit vazhdon të jetë i zemëruar me mangësitë e sistemit të kontrollit, i cili lejoi rastet e mashtrimit, siç është ajo e dy grave që kanë përfituar 500 mijë euro në sistemin shëndetësor kombëtar, me receta të rreme. Ose skandali i La.Ge.So., zyra për shëndetësi dhe çështje sociale, menaxheri i të cilës, i thotë gazetës, mori një valë prej 143 mijë eurosh për të mbyllur një sy në një kompani që ndërtoi hostele për refugjatët, por nuk paguan taksat apo kontributet.

Vitin e kaluar qëndra antikorrupsion ka hapur hetime paraprake për 114 raste. Vetëm në 12 raste ka pasur prova të mjaftueshme për të ngritur akuza zyrtare. Sipas prokurorit Rudiger, rastet e korrupsionit vijnë gjithnjë e në rritje. Por tashmë ai ka një bashkëpunëtor të ri, në të cilin mbështetet për të zbuluar rastet e korrupsionit: është program i quajtur “Watson”. Programi analizon sasi të mëdha të të dhënave dhe zbulon çdo mospërputhje që mund të fshehë parregullsitë: pagesat mbi mesataren, pagesat në kohë të pazakonshme etj., Bazuar në algoritme që janë përsosur vetë.

Pasiguritë e para lidhen me rregulloret e privatësisë, por Watson gjithashtu mund të punojë në të dhëna të pa identifikueshme, dmth të bazuara në pseudonime. Problemi i kontrollorëve mbetet: futja e softuerit të dedikuar ka zhdukur një punë në katër. Ekspertët kanë frikë se inteligjenca artificiale e aplikuar ndaj kontrolleve mund të bëjë gabime fatale, duke diskredituar madje edhe ata që punojnë me ndershmëri. /abcnews.al

IMG_1877-1280x853.jpg
ent ela12:52 | 07/08/2018

Situata ekonomike dhe vendimmarrja e qeverisë ishin në fokus të denoncimeve të Partisë Demokratike. Sipas demokratëve nga korrupsioni i qeverisë, çdonjërës prej 800 mijë familjeve shqiptare i është vjedhur mesatarisht 5 mijë euro.

Shqiptarët nuk janë vetëm të papunë dhe në gjendje të keqe ekonomike në përshkrimin e Partisë Demokratike, por edhe të zhvatur nga qeveria.

Shehaj: “Sipas raportit të Kontrollit të Lartë të Shtetit, 3.7 miliardë euro është abuzimi me buxhetin i qeverisë Rama.

Duke pasur parasysh që janë 800.000 familje që jetojnë në Shqipëri i bie që kjo qeveri i ka vjedhur pothuajse 5000 euro çdo familjeje shqiptare”.

Kjo është vjedhje e certifikuar thotë deputeti Agron Shehaj, sipas të cilit një konstatim të njëjtë e ka bërë edhe departamenti amerikan i shtetit.

Shehaj: “Kjo qeveri nuk përdor tenderat për të ndërtuar infrastrukturën, si këshillojnë të gjitha institucionet ndërkombëtare, por partneritetet sepse ne kete menyre  thela bëhet me e majme, vidhet me shume dhe për një kohë të gjatë.

Mjafton një fakt, nga mbi 200 partneritete që qeveria Rama ka bërë, pothuajse asnjë prej atyre me vlerë të rëndësishme nuk është bërë me një kompani perëndimore”.

Sipas deputetit Agron Shehaj projekti 1 miliardë është shumë i mire për Ramën dhe partnerët e tij por jo për shqiptarët.

Shehaj: “Nëse me tender rrugët ndërtoheshin me 1 milionë  euro për çdo km , me partnerët e Ramës ato do kushtojnë 10 milion euro për km. 

Nuk bëhet Shqipëria me ministra dhe politikanë të pandershëm, të etur për pushtet dhe që mendojnë vetëm për vete”. 

 Anulimi i të gjitha koncesioneve korruptive do të jetë Akti i parë që Partia Demokratike do bëjë kur të marrë votëbesimin e shqiptarëve dhe jo vetëm.

Pelinku: “Rishikim i ligjit të koncesoneve e prokurimeve për të siguruar konkurrencë të lirë, do të jetë prioritare së bashku me Ligjin Antimafia që do të kthejë çdo qindarkat të vjedhur nga qeveria nëpërmjet krimit e korrupsionit të shqiptarët”. /abcnews.al

LANGE-PER-TAHIRIN-E-XHAFAJN-1280x720.jpg
ent ela20:08 | 13/06/2018

Çështjet  “Tahiri “ dhe “Xhafaj “ nuk janë kushte të Gjermanisë për hapjen e negociatave me Shqipërinë. Sekretari i Shtetit në Ministrinë Federale të Drejtësisë, Kristan Lange, tha ne Tirane se Gjermania sheh si problem korrupsionin dhe kërkon përshpejtimin e procesit të vettingut.

 Çështja “Tahiri” nuk është një kusht i Gjermanisë për hapjen e negociatave me Shqipërinë. E thote kete ne Tirane Sekretari Parlamentar i Shtetit në Ministrinë Federale të Drejtësisë dhe Mbrojtjes së Konsumatorit, Christian Lange.

Christian Lange   Sekretar Parlamentar i Shtetit në Ministrinë Federale të Drejtësisë: “Nuk është e zakonshme që raste të veçanta të kthehen kusht për projekte europiane”.

Të njëjtin qëndrim zyrtari i lartë gjerman mbajti edhe për çështjen “Xhafaj”, teksa komentoi deklaratën e bërë nga nr dy i kancelares Merkel, në CDU/CSU, Johan David Vadeful, i cili u shpreh pak dite me pare se Ministri i Brendshëm i Shqiperise është në konflikt interesi.

Christian Lange   Sekretar Parlamentar i Shtetit në Ministrinë Federale të Drejtësisë: “E kam dëgjuar deklaratën e kolegut Vadephul dhe mund t’u them se Gjermania nuk e ka traditë të mbajë qëndrime për politikat e brendshme të shteteve. Dhe kjo gjë më ka surprizuar.”

Shqetësim për të në Shqipëri vijon të mbetet korrupsioni. Si dëshmi të këtij fenomeni solli shqetesimin e disa investitoreve te vendit te tij qe operojne ne Shqiperi.

Christian Lange   Sekretar Parlamentar i Shtetit në Ministrinë Federale të Drejtësisë: “Investitorët gjermanë më sollën në vëmendje se problemi kryesor që kanë është korrupsioni. Korrupsioni mbështet krimin e organizuar, terrorizmin dhe është risk për aparatin e sigurisë. Korrupsioni në sistemin e drejtësisë pengon qasjen në gjyqësor, që është baza për sistemin e drejtësisë dhe për një proces të ndershëm”.

Ndaj dhe vazhdimin e zbatimit të vetingut e quan shumë i rëndësishëm e kërkon një tjetër ritëm.

“Ky proces jo vetëm duhet të vijojë por edhe duhet përshpejtuar”

Gjermania ende nuk ka një vendim lidhur me Shqipërinë, por për zyrtarin e lartë gjerman, reforma në drejtësi  do të jetë kyçe në vendimmarrjen për hapjen e negociatave. /abcnews.al

kapshtice-dogana-1280x720.jpg
ent ela09:46 | 24/05/2018

Një doganier u arrestua në pikën e kalimit kufitar të Kapshticës. Ai është Genci Laçaj, 50 vjeç, nga Vlora, por me detyrë në doganën e Kapshticës. Arrestimi i tij u bë pasi, dyshohet që ka lejuar kalimin e një kamioni mbi të cilin ishte ngarkuar një mjet tjetër tip kamionçinë e dëmtuar, me targa dhe dokumentacion të dyshuar si të falsifikuara, duke shmangur detyrimet doganore për këtë të fundit. Materialet i kaluan Prokurorisë të Rrethit Gjyqësor Korçë, për veprime të mëtejshme.

Njoftimi i Policisë

Arrestohet një doganier për veprën penale “Korrupsioni pasiv i personave që ushtrojnë funksione publike”.

Specialistët e Sektorit të Hetimit në Drejtorinë Vendore të Kufirit dhe Migracionit Korçë, në bashkëpunim me Prokurorinë e Rrethit Gjyqësor Korçë, mbi bazën e një hetimi të kryer me metoda speciale, bënë të mundur arrestimin e shtetasit:

Genci Laçaj, 50 vjeç, banues në Vlorë, me detyrë doganier pranë PKK Kapshticë.

Arrestimi i tij u bë pasi, dyshohet së ky shtetas më datë 10.05.2018, në hyrje të Republikës së Shqipërisë, ka lejuar kalimin e një mjeti tip kamion me drejtues shtetasin L.A, mbi të cilin ishte ngarkuar një mjet tjetër tip kamionçinë e dëmtuar, me targa dhe dokumentacion të dyshuar si të falsifikuara, duke shmangur detyrimet doganore për këtë të fundit.

Materialet i kaluan Prokurorisë të Rrethit Gjyqësor Korçë, për veprime të mëtejshme, bazuar në nenin 259 të Kodit Penal. /abcnews.al

ekonomia.jpg
G. P.14:20 | 02/05/2018

Dy ekonomistë të BERZH, në një studim të tyre, arrijnë në përfundimin se 15 % e humbjeve vjetore të sipërmarrjeve private në Shqipëri kanë shkaqe jashte biznesit si, pagesat korruptive, cilësia e rrugëve apo mungesa e energjisë elektrike.

Dy ekonomistë të Bankës Europiane për Rindërtim dhe Zhvillim konstatojnë se sipërmarjet shqiptare humbin 15% të të ardhurave të tyre vjetore, vetëm nga tre faktorë: krimi, mungesa e energjisë elektrike dhe infrastruktura e dobët.

Studimi i ekspertëve Peter Sanfey dhe Jakov Milatoviç, të cilit i referohet revista ekonomike “Monitor”, konstaton se rrugët jo të mira dhe pagesat korruptive janë gjithashtu një kosto e shtuar për bizneset në Shqipëri.

Në Ballkan në tërësi ky tregues është 13.2% e shitjeve vjetore të sipërmarrjeve, sipas dy ekonomistëve të BERZH. Për pasojë, produktiviteti i firmave në Ballkan është dukshëm më poshtë standardeve të BE-së, duke reflektuar institucionet e dobëta dhe një mjedis të vështirë biznesi, thuhet në studim.

Ekonomistët e BERZH kanë gjetur se rajoni i Ballkanit Perëndimor rezulton i dobët në krahasim me vendet e BE-së, veçanërisht në fushat e konkurrencës dhe qeverisjes së mirë. Këto rezultate sipas tyre theksojnë nevojën për zbatimin e një reforme gjithëpërfshirëse dhe të gjerë në rritjen e konkurrueshmërisë dhe përmirësimin e ambientit të biznesit./abcnews.al

dash.jpg
G. P.09:19 | 21/04/2018

Një shuplakë i vjen qeverisë nga Departamenti Amerikan i Shtetit. DASH ka publikuar raportin vjetor për të Drejtat e Njeriut ku thekson se korrupsioni në Shqipëri është i përhapur në të gjitha nivelet e qeverisjes.

Korrupsioni në Shqipëri është i përhapur në të gjitha nivelet. Konstatimi vjen nga Departamenti Amerikan i Shtetit, i cili ka publikuar raportin vjetor për të drejtat e njeriut.

Problemet më të konsiderueshme të të drejtave të njeriut vitin qe lam pas në vendin tone sipas raportit ishin:

“Kufizimet në lirinë e shprehjes dhe të shtypit, përfshirë autocensurën dhe frikësimin e gazetarëve shkaktuar nga interesat financiare dhe politike; dhe korrupsioni i përhapur në të gjitha degët e qeverisë”.

Ndërkohë që pandëshkueshmërinë Departamenti Amerikan i Shtetit e konsideron një problem serioz.

“Ndjekja penale dhe veçanërisht gjetja fajtorë e zyrtarëve që kanë kryer shkelje ishte sporadike. Zyrtarët, politikanët, gjykatësit dhe persona me interesa të fuqishme biznesi ishin shpesh në gjendje të shmangnin ndjekjen penale”,  thuhet ne raportin vjetor i cili vë në dukje se:

“Mes Janarit dhe Gushtit të vitit të shkuar, zyra e Prokurorit të Përgjithshëm regjistroi 185 hetime të reja korrupsioni. Gjatë së njëjtës periudhë, 122 persona dolën në gjyq për shkelje të lidhura me korrupsionin dhe 99 u shpallën fajtorë”,

“Ndërsa prokurorët shënuan përparim të konsiderueshëm në ndjekjen e rasteve të korrupsionit në nivele të ulëta, përfshirë prokurorë dhe gjykatës të korruptuar, ndjekja penale e krimeve të niveleve më të larta nuk po ndodh, për shkak të frikës së hetuesve për hakmarrje, një mungese të përgjithshme burimesh dhe korrupsionit brenda vetë gjyqësorit”, thekson raporti për të Drejtat e Njeriut.

Probleme të ngjashme përmenden edhe për gjyqësorin.

“Presioni politik, frikësimi, korrupsioni i përhapur dhe burimet e kufizuara disa herë nuk e lejuar gjyqësorin të funksiononte në mënyrë të pavarur dhe efektive”, thuhet në raport.

Politizimi i emërimeve në Gjykatën e Lartë dhe atë Kushtetuese sipas Departamentit Amerikan te Shteit vunë në rrezik pavarësinë dhe integritetin e këtyre institucioneve dhe se Ministria e Drejtësisë nuk mori masa të duhura disiplinare ndaj gjykatësve.

Raporti thekson se në përgjithësi autoritetet mbajtën kontroll efektiv mbi policinë, Gardën e Republikës, Forcat e Armatosura dhe shërbimin e zbulimit, “megjithëse zyrtarët herë pas here përdorën burime shtetërore për përfitime personale dhe pjesëtarë të forcave të sigurisë kryen shkelje”.

“Policia jo gjithmonë e zbatoi ligjin në mënyrë të balancuar. Lidhjet personale, ato politike ose kriminale, infrastruktura e dobët, mungesa e paisjeve ose menaxhimi i papërshtatshëm kontribuan në korrupsionin e vazhdueshëm dhe sjellje joprofesionale. Autoritetet vazhduan të bëjnë përpjekje për t’i trajtuar këto probleme duke riparuar ambjentet e policisë, duke marrë automjete më të reja dhe duke nxjerrë në pah masat antikorrupsion”, thuhet në raport.

Sa i përket zgjedhjeve Departamenti Amerikan i Shtetit thotë se u “respektuan liritë themelore, por u ndikuan negativisht nga akuzat për blerje votash dhe presion ndaj votuesve”, për këtë çështje i referohet OSBE-së.

Ndërsa për lirinë e shprehjes dhe medias, raporti thotë se qeveria në përgjithësi i respektoi këto të drejta, por shton se pati njoftime se qeveria, bizneset dhe grupet kriminale u përpoqën të ushtrojnë ndikimi tek media në mënyrë të papërshtatshme.

Po ashtu, “presioni politik, korrupsioni, mungesa e fondeve e ndrydhën median e pavarur të shkruar dhe problem mbeti autocensura”./abcnews.al

1523901519_tomdoshi1.jpg
ent ela19:23 | 18/04/2018

Departamenti Amerikan i Shtetit thotë se ka informacione të besueshme për përfshirjen e deputetit shqiptar Tom Doshi në afera korruptive. Në një përgjigje për Tv Klan, zëdhënësi i Departamentit të Shtetit thotë se po shqyrtohen edhe raste të tjera të cilat do tu komunikohen personave në fjalë publikisht ose privatisht sipas rastit.

Departamenti Amerikan i Shtetit thotë se vendimin për të shpallur “non grata” të deputetit shqiptar Tom Doshi e mori në bazë të informacioneve të besueshme se ai ka qenë i përfshirë në afera korruptive gjatë mandatit të tij si anëtar i Kuvendit. Pas interesimit te Tv Klan, zëdhënësi i Departamentit Amerikan të Shtetit nuk përmend çështje konkrete ku Doshi është i përfshirë, por thotë se korrupsioni prek interesat e sigurisë kombëtare amerikane, por edhe të vendeve partnere.

“Departamenti ka informacione të besueshme se z. Doshi ka qenë i përfshirë në korrupsion të rëndësishëm gjatë mandatit të tij si deputet. Në përgjithësi, korrupsioni shkakton kosto të konsiderueshme për ekonominë, shoqërinë dhe sigurinë; mund të lehtësojë krimin e organizuar; dhe degradon besimin në sundimin e ligjit dhe qeverisjes. Kjo ndikon drejtpërsëdrejti interesat e sigurisë kombëtare të SHBA-ve, ekonomike dhe të jashtme, dhe, ne besojmë, dhe të vendeve partnere”.

Vendimi për të ndaluar hyrjen në Shtetet e Bashkuara të deputetit Tom Doshi vjen pas atij të dhënë në fillim të vitit për ish-Prokurorin e Përgjithshëm Adriatik Llalla. Por a ka të tjerë zyrtarë të lartë shqiptarë për të cilët do të merret e njëjta masë? Në Departamentin e Shtetit thonë se rastet janë në shqyrtim.

 “Kur Departamenti i Shtetit merr informacion të besueshëm se një zyrtar ka qenë i përfshirë në korrupsion të rëndësishëm dhe /ose shkelje të rënda të të drejtave të njeriut, Departamentit i kërkohet të caktojë zyrtarët dhe anëtarët e tyre të ngushtë të familjes sipas nenit 7031 (c). Ne po shqyrtojmë në mënyrë aktive rastet dhe e zbatojmë këtë autoritet globalisht. Varësisht nga rrethanat e veçanta, disa përcaktime bëhen publikisht, ndërsa të tjerat bëhen privatisht”.

Vetë deputeti i Shkodrës, nuk ka pranuar të bëjë komente pas vendimit të departamentit të shtetit. Kundër tij ka pasur në të kaluarën një reagim të Ambasadës Amerikane në Tiranë e cila përshëndeste përjashtimin e Doshit nga grupi parlamentar i Partisë Socialiste më 2 mars 2015. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono