Koreja e Veriut

raketa-ballistike.jpg
nev ila19:51 | 08/05/2019

Korea e Veriut ka shpërfillur shqetësimet e ngritura nga Uashingtoni dhe Seuli për testin e fundit raketor. Një zëdhënës ushtarak deklaroi se ky test kishte si qëllim testimin e sigurisë së brendshme.

Korea e Veriut ka mbrojtur kryerjen e një testi raketor javën e kaluar dhe të ndjekur nga lideri Kim Jong Un, duke deklaruar se ishte i rregullt dhe kishte qëllime vetëmbrojtëse.

Testi i kryer nga ushtria jonë nuk është asgjë më shumë se një stërvitje e rregullt ushtarake, që nuk ka vënë në shënjestër askënd dhe nuk ka rënduar situatën në rajon”, ka deklaruar një zëdhënës i Ministrisë së Jashtme.

Testi i zhvilluar të shtunën ishte i pari i një rakete balistike që Korea e Veriut kryen që prej nëntorit 2017, kur testoi një raketë ndërkontinentale me rreze të gjatë veprimi. Ai u krye në një kohë kur bisedimet me Shtetet e Bashkuara dhe Korenë e Jugut kanë hyrë në një ngërç që prej shkurtit, kur u mbajt dhe samiti i dytë mes Donald Trump dhe Kim Jong Un në Vietnam.

Tani të dyja vendet, të cilat synojnë çarmatimin bërthamor të Veriut, kanë shprehur shqetësimin e tyre për lëvizjet e fundit të Penianit. Të njëjtën ditë Seuli i bëri thirrje fqinjit të tij që të ndalonte aktet që përshkallëzojnë tensionin ushtarak në gadishullin Korean.

Por të mërkurën, një zëdhënës ushtarak në Penian është përgjigjur duke i bërë thirrje Jugut që të përmbahet nga deklarata të tilla dhe të kujtojë se çfarë ka bërë vetë përpara se mes tyre të arrihej marrëveshja ndërkoreane./ABC News Albania 24/7

kim-putin-1.jpg
G. P.23:08 | 24/04/2019

Në takimin me presidentin Putin, lideri koreano-verior Kim Jong Un mund të ketë përpara një mundësi të artë për të shtrirë interesat e tij diplomatike dhe ekonomike. Kim mund të përpiqet të ulë ndikimin e Uashingtonit në bisedimet për çështjen bërthamore dhe varësinë ekonomike nga Kina, i vetmi partner tregtar i Koresë së Veriut.

Kim Jong Un dhe Vladimir Putin takohen për herë të parë të enjten, por nuk kanë në plan të nënshkruajnë ndonjë marrëveshje, apo të bëjnë ndonjë deklaratë të përbashkët. Vizita e liderit koreano-verior në fqinjin verior vjen në një kohë kur bisedimet mes Penianit dhe Uashingtonit për çarmatosjen bërthamore kanë ngecur.

Takimi i Hanoit mes Donald Trump dhe Kim përfundoi pa një marrëveshje, me dy palët që kishin qëndrime të kundërta në lidhje me sanksionet amerikane, lehtësimi i të cilave do të ishte një hap përpara në çarmatosjen bërthamore.

Tani, analistët spekulojnë se takimi i Kim me Putin mund të jetë një mënyrë për liderin e vendit aziatik të parashtrojë opsionet e tij diplomatike jashtë panelit të bisedimeve me Shtetet e Bashkuara.

Sipas CNN, Peniani mund të shpresojë për mbështetjen e Rusisë në presionet ndaj Uashingtonit për të lehtësuar sanksionet, për të cilat Shtëpia e Bardhë ka deklaruar se do të hiqen vetëm atëherë kur Korea e Veriut të heqë dorë nga programet bërthamore.

Gjithashtu, Peniani mund të kërkojë të zbusë vartësinë ekonomike nga Pekini, i vetmi partner tregtar i Koresë së Veriut. Në reagimin e tyre, Shtetet e Bashkuara nuk janë shprehur të shqetësuara nga takimi Kim-Putin.

“Amerika dhe gjithë komuniteti ndërkombëtar është i angazhuar për të njëjtin qëllim: çarmatimin e plotë dhe të verifikueshëm të Koresë së Veriut”, ka deklaruar një zëdhënës.

Kim Jong Un mbërriti në Vladivostok të Rusisë paraditen e së mërkurës, në bordin e trenit të tij të blinduar, i shoqëruar nga një dyzinë truprojash./abcnews.al

880x495_cmsv2_a0d380d5-c4cc-579a-9e2c-18a9e3d76e09-3809942.jpg
Sej rie18:15 | 18/04/2019

Pas dështimit të samitit të Hanoit, Koreja e Veriut i ka bërë thirrje Uashingtonit që të largojë sekretarin e Shtetit Majk Pompeo nga tryeza e negociatave. Peniani e ka cilësuar Pomopeon një negociator të papërgjegjshëm dhe shkaktar për dështimin e dy raundeve të para të bisedimeve.

Korea e Veriut u ka kërkuar Shteteve të Bashkuara të zëvendësojnë sekretarin e Shtetit Majk Pompeo me një negociator më të kuptueshëm dhe më profesional në bisedimet për çarmatosjen bërthamore. Një zyrtar i Ministrisë së Jashtme koreano-veriore e ka akuzuar shefin e diplomacisë amerikane për paaftësi në interpretimin e qëndrimit të Penianit, duke penguar kështu ecurinë e bisedimeve.

“Sa herë që Pompeo fut hundët, bisedimet mes dy palëve përfundojnë pa rezultat, edhe në ato raste kur fillojnë me optimizëm për sukses”, ka deklaruar zyrtari korean. Ai e ka akuzuar sekretarin e Shtetit se flet dokrra, është moskokëçarës dhe ka paralajmëruar se çdo raund i mëtejshëm bisedimesh do të jetë i kotë nëse ai përfshihet. Ndërkohë, vetë lideri koreano-verior po përgatitet për një takim me presidentin rus Vladimir Putin më vonë gjatë prillit.

“Po përgatitet takimi. Sapo të kemi informacione mbi detajet e tij do t’i ndajmë me ju”, ka deklaruar zëdhënësi i Kremlinit, Dmitri Peskov për gazetarët. Sipas disa mediave, Kim dhe Putin mund të takohen në Vladivostok, pak përpara se kreu i Kremlinit të udhëtojë për në Pekin për forumin “Një brez, një rrugë”, i parashikuar për më 26 dhe 27 prill. Të dhënat e fundit vijnë pasi regjimi në Penian testoi një armë të re taktike, event të cilin lideri Kim Jong Un e cilësoi të një rëndësie të madhe. Bëhet fjalë për testin e parë publik që nga samiti i Hanoit, që u mbyll pa një marrëveshje./abcnews.al

170815123434-02-kim-jong-un-0814-exlarge-169.jpg
nev ila14:16 | 18/04/2019

Koreja e Veriut ka zhvilluar një tjetër test të raketës bërthamore, të cilin Kim Jong Un e vlerësoi si ngjarje të rëndësishme.

Testi i suksesshëm i llojit të ri të armës taktike të komanduar, është një ngjarje shumë e rëndësishme për aftësitë luftuese të forcave të armatosura koreano- veriore”, tha Kim Jong Un, teksa drejtonte provat.

Testi i kësaj rakete me rreze të shkurtër, ndodh në një fazë bllokimi të negociatave të Koresë së Veriut me Shtetet e Bashkuara të Amerikës./abcnews.al

kim-and-donald.jpg
G. P.22:55 | 22/03/2019

Presidenti Donald Trump ka anuluar papritur sanksionet e fundit të vendosura nga administrata e tij ndaj Koresë së Veriut. Në njoftimin e saj, Shtëpia e Bardhë nuk ka publikuar motivin e kësaj lëvizjeje të kreut të shtetit, por ka thënë vetëm se Trump ka simpati për liderin Kim Jong Un.

Presidenti Donald Trump ka deklaruar të premten se ka urdhëruar tërheqjen e një pakete sanksionesh të vendosura së fundmi ndaj Koresë së Veriut.

“Departamenti amerikan i Thesarit njoftoi sot vendosjen e sanksioneve shtesë krahas atyre ekzistuese ndaj Koresë së Veriut, por po sot unë kam urdhëruar tërheqjen e tyre”, ka deklaruar Trump në Twitter.

Ende nuk është e qartë se cilave sanksione Trump i është referuar, edhe pse vetëm të enjten Shtetet e Bashkuara futën në listën e zezë dy kompani transporti kineze që kishin ndihmuar Penianin t’i shpëtonte penalizimeve të vendosura për shkak të programit bërthamor.

As zëdhënësja e Shtëpisë së Bardhë, Sarah Sanders nuk ka saktësuar llojin e sanksioneve, por ka deklaruar vetëm se “presidenti Trump e pëlqen liderin Kim Jong Un dhe mendon se sanksionet nuk janë të nevojshme”.

Masat penalizuese ndaj kompanive kineze ishin të parat që nga samiti i dytë SHBA-Kore e Veriut i mbajtur muajin e kaluar. Vetëm disa orë pas njoftimit të sanksioneve, Peniani tërhoqi personelin nga një zyrë ndërlidhëse me Jugun, një lëvizje që shënon një kthim prapa në raportet me Seulin. Zyra në fjalë ishte ngritur në qytetin kufitar Kaesong, pas samitit historik mes liderin Kim Jong Un dhe presidentit të Jugut Mun Ja In vitin e kaluar./abcnews.al

koreja.jpg
G. P.17:25 | 09/03/2019

Sipas raportimeve të CNN, e cila citon disa burime, Koreja e Veriut mund të përgatisë një tjetër hedhje rakete. Përpjekjet vijnë pas samitit të dështuar në Hanoi mes presidentit amerikan Donald Trump dhe liderit koreanoverior Kim Jong Un.

Mediat amerikane raportojnë, duke u bazuar dhe në disa fotografi satelitore, se Koreja e Veriut është shumë pranë hedhjes së një rakete të re. Disa burime të cituara nga CNN raportojnë se përpjekja e radhës vjen pas samitit të dështuar në Hanoi mes presidentit amerikan Donald Trump dhe liderit koreanoverior Kim Jong Un.

Pamjet satelitore janë publikuar eksluzivisht nga faqja në internet e rrjetit radiofonik publik amerikan NPR. Në fotografi duken disa automjete të mëdha në një qendër të njohur ku Peniani ka mbledhur pjesën më të madhe të vektorëve balistikë. Kreu i Shtëpisë së Bardhë, Trump, reagoi duke thënë se do të ndihej shumë i zhgënjyer nëse do të kishte sërish hedhje raketash, por koha do e tregojë atë që do të ndodhë.

Fotografitë tregojnë dhe vagonë treni dhe dy vinça, lëvizje që në të kaluarën i kanë paraprirë testeve të raketave bërthamore. Por analistët mendojnë se në këtë fazë, Peniani po përgatitet për të lëshuar një satelit dhe jo të provojë një raketë. Gjithsesi sipas Uashingtonit dhe kjo lëvizje do të ishte në kundërshtim me impenjimet që lideri koreanoveriore mori përsipër gjatë dialogut me Trump.

Lajmi vjen pasi në fillim të kësaj jave, pamje të tjera satelitore treguan rifillimin e aktivitetit në një impiant për hedhjen e raketave në bregun perëndimor të vendit. Edhe sipas BBC, Koreja e Veriut po provokon Shtetet e Bashkuara të Amerikës pas dështimit të bisedimeve në Hanoi, duke shpresuar që Trump të ofrojë një marrëveshje më të mirë për të shmangur testimin e një rakete të re./abcnews.al

trump.jpg
G. P.09:51 | 06/02/2019

Donald Trump mbajti të martën fjalimin para Kongresit mbi gjendjen e vendit. Ai tha se nëse nuk do të rizgjidhej sërish President, Shtetet e Bashkuara do të jenë në luftë me Korenë e Veriut. Mirëpo gazetarëve u ka bërë përshtypje një pjesë e fjalisë që Trump nuk e lexoi në momentin e fundit.

Ai po tregonte disa detaje të reja nga takimi tjetër që pritet të mbajë me liderin e Koresë së Veriut.

“Nëse nuk do të zgjidhesha President i Shteteve të Bashkuara, do të ishim që tani, sipas mendimit tim, në luftë të madhe me Korenë e Veiut. Shumë punë mbetet për t’u bërë, por marrëdhënia ime me Kim Jong Un është e mirë. Kim dhe unë do të takohemi sërish më 27 dhe 28 Shkurt në Vietnam”, tha Trump.

Por versioni origjinal i fjalimit, i cili i ishte shpërndarë gazetarëve përpara, kishte edhe një fjali tjetër që u hoq nga vetë Trump.

“Nëse nuk do të zgjidhesha President i Shteteve të Bashkuara, do të ishim që tani, sipas mendimit tim, në luftë të madhe me Korenë e Veriut me miliona njerëz që mund të kishin vdekur, lexonte aty.

Donald Trump dhe Kim Jong Un u takuan fillimisht më 12 Qershor në Singapor. Qëllimi i Shteteve të Bashkuara është të bindin Korenë e Veriut që të heqin dorë nga programi bërthamor. Vietnami është zgjedhur si vendi ku dy liderët të takohen pasi edhe Shtetet e Bashkuara dhe Koreja e Veriut kanë marrëdhënie të mira me vendin komunist./abcnews.al

aj.jpg
G. P.11:37 | 03/01/2019

Ambasadori i Koresë së Veriut në Romë, ka kërkuar azil politik në Itali sëbashku me familjen e tij. Lajmi konfirmohet nga mediat koreanojugore të cilat shkruajnë se kërkesa është bërë në fillim të muajit Dhjetor e që tashmë ai është në një vend të sigurtë i mbrojtur nga autoritetet italiane. Por Roma zyrtare u shpreh se ambasadori nuk ka kërkuar azil politik.

Jo Song-gil, për më shumë se një vit ambassador i Koresë së Veriut në Romë ka kërkuar azil politik me familjen e tij që në muajin Dhjetor në Itali. Lajmi është publikuar nga mediat koreanojugore, që citojnë burime anonime diplomatike në Seul. Po sipas këtyre burimeve ambasadori është i mbrojtur nga autoritetet italiane dhe ndodhet në një vend të sigurtë.

Kërkesa për azil është e para për një diplomat të Koresë së Veriut që nga dezertimi në 2016-n numrit dy të ambasadës koreanoveriore në Londër. Jo, 48 vjeç, mbante këtë post që nga 9 Tetori i 2017-s pas dëbimit nga vendi të ambasadorit të atëhershëm si pasojë e testit me raketë bërthamore në muajin Shtator në Penian. Ai është gjithashtu djali ose dhëndri i një funksionari shumë të lartë në Korenë e Veriut, sqarojnë më tej mediat koreanojugore.

Në përgjithësi si një metodë pët të parandaluar arratisjet, diplomatët e Koresë së Veriut largohen nga atdheu duke lënë atje disa anëtarë të familjes sidomos fëmijët. Por Jo mori me vete në Romë të gjithë familjen e tij, duke konfirmuar se i përket një familjeje të privilegjuar në Penian./abcnews.al

shperthimi.jpg
G. P.14:57 | 22/11/2018

Dy Koretë kanë ndërmarrë hapa të mëtejshëm në afrimin mes tyre. Koreja komuniste shkatërroi me një shpërthim spektakolar një vendroje në kufi. Ndërsa është menduar edhe hapja e një rruge tokësore mes vendeve.

Hapa gjigandësh. Dy Koretë takohen në Zonën e Demilitarizuar, zonën e mbikqyrur që luan rolin e guzhinetës mes Koresë së Veriut dhe asaj të Jugut. Nga njëra anë është Pheniani, që ka shkatërruar një vendroje me një shpërthim jo të qetë dhe është angazhuar të bëjë të njëjtën gjë edhe për 20 vendroje të tjera, ndërsa nga ana tjetër janë ushtarët e jugut që janë angazhuar të bashkëpunojnë për gjetur zgjidhje paqeje me “vëllerërit”, e sipërm.

Fotografitë e fundit, të publikuara nga Ministri i Mbrojtjes e Koresë së Jugut, tregojnë ushtarë të dy palëve që qëndrojnë sëbashku në “Arrowhead Ridge”. Nuk është një vend çfarëdo, por tokë e përgjakur ku janë zhvilluar betejat e ashpra gjatë luftës së Koresë mes viteve 1950 dhe 1953. Ideja paqësore është ajo e ndërtimit të një rruge 3 kilometra të gjatë që do të kalojnë linjën e kufirit ushtarak brenda zonës së demilitarizuar.

Dy koretë do të jenë kështu të lidhura dhe do të mund të punojnë sëbashku në një projekt të përbashkët: atë të rikuperimit të trupave të ushtarëve të vrarë në konflikt. Pra është një rikthim në histori për të nisur të ardhmen, ndoshta sëbashku. Klima e çtensiomit është mbështetur edhe nga amerikanët. Stërvitjet ushtarake të përbashkështa mes SHBA-ve dhe Koresë së Jugut, të parashikuara për në pranverë të 2019-s, do të jenë të reduktuara për të favorizuar negociatat lidhur me programin bërthamor të Koresë së Veriut. Njoftimi është bërë nga sekretari i Mbrojtjes, Jim Mattis./abcnews.al

koreja-e-veriut.jpg
G. P.09:35 | 22/11/2018

Hakerët nga Koreja e Veriut vazhdojnë t’u shmangen me sukses masave mbrojtëse të sistemeve kompjuterike në mbarë globin duke arritur të depërtojnë brenda tyre. Por si ka arritur ky shtet i izoluar të bëhej kaq i aftë për të çarë sistemet dhe çfarë roli kanë monedhat dixhitale në financimin e regjimit? Korrespondenti i Zërit të Amerikës Steve Miller njofton nga Seuli.

Opeativët kibernetikë të Koresë së Veriut, si Grupi Lazarus, janë të lidhur me infiltrimet në sistemet kompjuterike si hakerimi në

vitin 2014 i studios “Sony Pictures” para daljes së filmit “The Interview” dhe përpjekja e vitit 2016 për të vjedhur rreth 1 miliard dollarë nga banka qendrore e Bangladeshit, duke përdorur rrjetin bankar botëror SWIFT.

Por si u bë Pheniani kaq i aftë për hakerim edhe pse nuk ka burime parash dhe duke qënë nën sanksione të rrepta ndërkombëtare?

Profesori i Universitetit të Koresë Seungjoo Kim thotë se përgjigja, pjesërisht, është se hakerët koreanoverior veprojnë në Kinë dhe Evropë ku qasja në internet është e lehtë.

“Koreja e Veriut praktikon zanatin në kushte reale, si hakerimin e monedhave dixhitale apo vjedhjen e të dhënave. Përsëritja e këtyre ushtrimeve i ndihmon në përmirësimin e aftësive.”

Sipas grupit disident Solidariteti i Intelektualëve të Koresë së Veriut, 6 mijë deri 7 mijë e 500 sulmues koreanoverior kibernetik janë të ndarë në

katër njësi për të kryer terrorizëm kibernetik kundër infrastrukturës shtetëtore, shërbimeve financiare dhe marrjen peng të teknologjisë mbrojtëse. Heung Kwan Kim drejton këtë grupim disident.

“Koreja e Veriut u frymëzua nga njësitë kineze të luftës kibernetike dhe mësuan nga ata. Duke kuptur forcën e tyre, Pheniani krijoi njësinë e parë brenda qeverisë qendrore në vitin 1993.”

Ndërsa sanskionet ndërkombëtare dëmtojnë të ardhurat e Phenianit, zoti Kim thotë se ai vend i drejtoi sulmet kibernetike mbi sistemet private në vend të rrjeteve qeveritare, sepse subjektet e vogla nuk kishin mbrojte aq të mirë.

“Koreja e Veriut ka aftësi të lartë përballë masave të ulëta të sigurisë.”

Kjo ka çuar në pretendime se Pheniani po hakeron rrjete të shkëmbimit të monedhave dixhitale për të vjedhur paratë virtuale, si Bitcoin. Seungjoo Kim me Universitetin e Koresë thotë se është e vështirë

gjurmimi i monedhave dixhitale tek pronari origjinal prandaj ato vihen në shënjestër.

“Për të fituar monedhat dixhitale në rrugë të ligjshme kërkohen kompjutera të fuqishëm. Pheniani nuk zotëron të tillë, ndaj ata sulmojnë kompjuterat jashtë vendit dhe hakerojnë programet ndërlidhëse.”

Kompjuterat e hakeruar pastaj dërgojnë monedhat virtuale të zbuluara në llogaritë e Koresë së Veriut e cila i konverton në para kesh.

Zoti Kim sugjeron uljen e tensioneve në botën virtuale të ngjashme me çtensionimin që po ndodh në gadishull. Por kjo mund të jetë e vështirë pasi do të kërkonte që Koreja e Veriut të pranojë se ka kryer akte të luftës kibernetike./VOA


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono