Koreja e Veriut

koreja-e-veriut1.jpg
G. P.12:15 | 02/10/2019

Ushtria koreano-jugore denoncoi testimin e dy raketave të reja nënujore të lëshuara nga një nëndetëse në Korenë e Veriut. Dhe Japonia nga ana e saj denoncoi këtë fakt duke thënë se një nga raketat kishte përfunduar në ujërat e detit të Japonisë.

Koreja e Veriut mund të ketë testuar një raketë balistike që është lëshuar nga një nëndetëse. Lajmi është konfirmuar nga ushtria koreano-jugore, e cila shton se kjo është hera e parë që nga Gushti i vitit 2016.

Seuli pretendon se hedhja e parë është kryer në mesnatë me orën tonë, nga deri drejt verilindjes dhe mendohet se ka qenë një raketë e llojit të Yllit Polar, e cila arriti një lartësi prej 910 kilometrash dhe një distancë prej 450 kilometrash.

Sipas qeverisë japoneze, Peniani ka hedhur dy raketa balistike një prej të cilave ka përfunduar në ujërat e detit të Japonisë. Dhe agjencia shtetërore e lajmeve në Korenë e Jugut sinjalizoi për testim raketash me rreze të shkurtër.

Testi i radhës u kritikua nga kryeministri japonez, Shinzo Abe, si një shkelje e rezolutave të këshillit të sigurisë së Kombeve të bashkuara ndërsa Këshilli i Sigurisë Kombëtare të Koresë së Jugut u shpreh i shqetësuar për lëvizjet e Penianit.

Shërbimi inteligjent koreano-jugor nuk përjashton faktin se nëndetësja mund të mbajë tre raketa. Ky test është i nënti që nga takimi i fundit mes presidentit amerikan Donald Trump dhe liderit të Koresë së Veriut, Kim Jong-Un./ABC News Albania 24/7

trump-kim-summer-2019-1280x720.jpg
nev ila22:44 | 01/10/2019

Shtetet e Bashkuara dhe Korea e Veriut do të rifillojnë shumë shpejt bisedimet dypalëshe. Takimi i parë i nivelit të lartë pas dështimit të samitit të fundit Trump-Kim do të mbahet në javën e parë të tetorit. Autoritetet në Penian janë optimiste se do të ketë zhvillime pozitive.

Korea e Veriut dhe Shtetet e Bashkuara kanë rënë dakord të rifillojnë bisedimet mbi çështjen bërthamore me një takim të nivelit të lartë që do të mbahet më 5 tetor.

Sipas agjencisë koreano-veriore të lajmeve KCNA, bëhet fjalë për një zhvillim që do të ndërpresë muaj të tërë ngërç, të verifikuar pas dështimit të samitit të muajit shkurt mes liderëve Donald Trump dhe Kim Jong Un.

Bisedimet do të kenë në fokus asgjësimin e programeve ushtarake të Penianit, konkretisht atë bërthamor dhe atë të raketave balistike.

Trump dhe Kim kishin rënë dakord për të rifilluar bisedimet mes dy administratave pas takimit surprizë të mbajtur në kufirin mes dy Koreve në qershor.

Sidoqoftë, parashikimet për rezultatin mbeten të zymta pasi Veriu vazhdimisht ka testuar së fundmi raketa balistike me rreze të shkurtër veprimi dhe ka akuzuar Shtetet e Bashkuara për stërvitjet e vazhdueshme ushtarake me Korenë e Jugut.

Dy vendet kanë rënë dakord për të patur një kontakt paraprak më 4 tetor, që do të pasohet nga takimi i nivelit të lartë – ka bërë të ditur agjencia KCNA duke cituar një deklaratë për shtyp të shpërndarë nga zëvendës ministrja e Jashtme, Ço Son Hui.

Megjithatë, në deklaratë nuk thuhet se ku do të mbahet takimi dhe nuk jepen detaje të tjera.

“Delegatët tanë janë gati për takim. Jam e bindur se bisedimet e nivelit të lartë do të përshpejtojnë zhvillimet pozitive në marrëdhëniet mes Koresë së Veriut dhe Shteteve të Bashkuara”, ka deklaruar numri dy i diplomacisë së Penianit./ABC News Albania 24/7

koreja.jpg
G. P.08:26 | 09/09/2019

Gadishulli korean në Azi është goditur nga tajfuni “Lingling”. Në Korenë e Veriut stuhia shkaktuar vdekjen e disa personave, ndërsa ka rrafshuar edhe një pjesë të mirë të të mbjellave, në një moment kur vendi ndodhet në krizë ushqimore.

Tajfuni i fuqishëm “Lingling” ka kaluar nëpër gadishullin korean, duke lënë 5 të vdekur dhe 460 shtëpi të shkatërruara vetëm në Korenë e Veriut. Sipas medias shtetërore të vendit aziatik, stuhia ka përmbytur 460 kilometra katrorë tokë të mbjellë, në një kohë kur vendi vuan nga rezervat e tkurrura ushqimore.

Ndërkohë, autoritetet druhen se situata mund të përkeqësohet në orët e ardhshme. Më herët gjatë vitit, Kombet e Bashkuara paralajmëruan se deri në 10 milionë koreano-veriorë kishin nevojë urgjente për asistencë ushqimore.

Lideri Kim Jong Un mbajti të premten një mbledhje të jashtëzakonshme me zyrtarët përgjegjës, të cilët i kritikoi për mungesë veprimi në parandalimin e dëmeve të tajfunit. Sipas agjencisë së lajmeve “KCNA”, qeveria po u kushton vëmendje mbrojtjes së të mbjellave, si dhe digave e rezervuarëve.

Ditën e shtunë “Lingling” goditi Korenë e Jugut, ku u mori jetën të paktën 3 personave, la pa energji dhjetëra mijëra shtëpi dhe çoi në anulimin e shumë fluturimeve. Aktualisht vendi po merr veten nga dëmet e shkaktuara, me energjinë elektrike që është rikthyer në rreth 160 mijë shtëpi dhe fluturimet që po rifillojnë gradualisht. Me erëra që fryjnë deri në 140 kilometra në orë, “Lingling” është ndër tajfunet më të fuqishme që godet gadishullin Korean./ABC News Albania 24/7

macron.jpg
G. P.09:37 | 26/08/2019

Presidenti amerikan Donald Trump këmbëngul se diskutimet po shkojnë mirë në samitin e G-7 në Biarritz të Francës, megjithë mosmarrëveshjet e dukshme me liderët për një numër çështjesh, përfshirë luftën tregtare me Kinën, Iranin, kërcënimin e paraqitur nga Koreja e Veriut dhe kthimin i Rusisë në grupimin e demokracive më të përparuara në botë.

Të dielën në mëngjes presidenti Trump dukej se po zbuste qëndrimin e tij për luftën e tij tregtare me Kinën.

“Po e mendoj përsëri gjithçka”, tha presidenti kur u pyet për këtë çështje.

Disa orë më vonë Sekretarja e tij e Shtypit Stephanie Grisham tha se deklarata e presidentit është “keqinterpretuar shumë”. Ajo shtoi se, “Presidenti Trump u përgjigj në atë mënyrë – duke shprehur keqardhje që u ngriti edhe më shumë “tarifat për mallrat kineze “.

Deklarata duket se është përpjekje e Shtëpisë së Bardhë për të kontrolluar mesazhin. Presidenti Trump shpesh thekson se ai është i vetmi udhëheqës amerikan që mund të “përballet me Kinën”, dhe po vë bast se qëndrimi i tij agresiv do ta ndihmojë atë të fitojë mbështetjen e bazës së tij, në përpjekjet për t’u rizgjedhur në vitin 2020.

Drejtuesit e G-7 kanë shprehur shqetësim për përshkallëzimin e luftës tregëtare, me presidentin francez, Emmanuel Macron që tha se shpreson që liderët të tërhiqen nga një luftë gjithëpërfshirëse.

“Unë dua t’i bind të gjithë partnerët tanë që tensionet, dhe veçanërisht tensionet tregtare janë të këqija për të gjithë,” tha ai në një fjalim.

Duke folur përkrah presidentit Trump gjatë takimit të tyre në mëngjes, Kryeministri britanik Boris Johnson kundërshtoi publikisht deklaratën e zotit Trump se drejtuesit e tjerë nuk i kanë bërë presion të hiqte dorë nga lufta tregtare me Kinën, që besohet se po shkaktonte pasiguri në ekonominë globale dhe paqëndrueshmëri në tregjet e aksioneve.

“Për të qënë të saktë, për pikëpamjen tonë në luftën tregtare, ne jemi në favor të paqes tregtare në tërësi, dhe për ta zbutur atë nëse kemi mundesi,” tha kryeministri Johnson.

Johnson shihet si një aleat i natyrshëm i presidentit Trump për shkak të ngjashmërive në politikat e tyre populiste dhe Brexit.

Mosmarrëveshjet për Iranin

Në samit, Macron prezantoi një plan për të ulur tensionet në rritje në Gjirin Persik duke hequr pjesërisht embargon e naftës amerikane ndaj Iranit në këmbim të kthimit të Teheranit për të zbatuar në përputhje të plotë marrëveshjen e vitit 2015 që kufizon programin e saj bërthamor.

Ai i tha televizionit LCI se anëtarët kanë rënë dakord për një veprim të përbashkët për Iranin.

I pyetur nëse e mbështet presidentin Macron për t’i dhënë mesazhin Teheranit në emër të vendeve të G-7, Trump tha: “Jo, nuk e kam diskutuar këtë”.

Presidenti Trump vazhdon t’i rezistojë presionit nga homologët e G7-ës për t’u rikthyer në paktin bërthamor me Iranin, një marrëveshje që konsiderohet si një arritje e administratës Obama. Presidenti Trump e braktisi marrëveshjen vitin e kaluar dhe vendosi sanksione të ashpra ndaj Teheranit.

Ministri i Jashtëm iranian Mohammad Javad Zarif mbërriti në Biarritz, të dielën pasdite. Një zyrtar i lartë francez tha se presidenti Macron e ftoi atë në një përpjekje për të lehtësuar tensionet.

Trump nuk pranoi të komentojë për ardhjen e zotit Zarif.

Risjellja e Rusisë në G7

Trump tha se rikthimi i Rusisë në G-7 është “një punë që do të dojë kohë”.

“Ne kemi një numër udhëheqësish që dëshirojnë të shohin kthimin e Rusisë në grup,” tha ai, por nuk përmendi cilët ishin ata.

” Nuk u mor asnjë vendim,” tha presidenti Trump.

Sekretari i Thesarit Steve Mnuchin nënvizoi rëndësinë e përfshirjes së Rusisë. “Ka zona të botës ku ne kemi interesa të përbashkëta që janë të rëndësishme,” tha ai.

Në vitin 2014, anëtarët e G8 pezulluan anëtarësimin e Rusisë pas aneksimit të Krimesë, një pjesë e territorit të Ukrainës të cilën Moska ende e mban të pushtuar.

Macron ka theksuar se ripranimi i Rusisë në G7 pa zgjidhjen e krizës së Ukrainës do të nënvizonte “dobësinë” e grupimit. “Do të ishte një gabim strategjik për ne,” tha ai.

Në fillim të kësaj jave Gjermania dhe Britania gjithashtu hodhën poshtë idenë për të ftuar Rusinë përsëri në grup.

Të shtunën, Donald Tusk i cili si president i Këshillit Evropian përfaqëson 28 shtetet anëtare të Bashkimit Evropian tha se ka më shumë arsye tani për përjashtimin e Moskës, duke përfshirë “provokimin rus në detin Azov”, një referencë e dukshme për ndalimin e marinarëve ukrainas vitin e kaluar .

BE dhe Shtetet e Bashkuara kanë vendosur sanksione ndaj Rusisë për rolin e saj në konfliktin e Ukrainës.

Koreja e Veriut

Gjatë një takimi dypalësh me presidenti Trump, kryeministri japonez Abe dënoi me forcë provat e fundit me raketave të udhëheqësit të Koresë së Veriut, Kim Jong Un.

“Pozicioni ynë është shumë i qartë,” tha kryeministri Abe përmes një përkthyesi. “Lëshimi i raketave balistike me rreze të shkurtër nga Koreja e Veriut shkel qartë rezolutat e Këshillit të Sigurimit të OKB-së”.

Ushtria e Koresë së Jugut njoftoi për herë të parë për dy predha, që dyshohet të jenë raketa balistike me rreze të shkurtër që Koreja e Veriut lëshoi të shtunën në Detin e Japonisë, i njohur edhe si Deti Lindor. Ky është lëshimi i shtatë i realizuar që kur Koreja e Veriut i dha fund një ndërprerje 17-mujore të provave në fund të korrikut.

Presidenti Trump kërkoi të minimizojë kërcënimin bërthamor të Koresë së Veriut.

“E kuptoj se si ndihet Kryeministri i Japonisë,” tha Trump. “Është ndryshe. Por, dua të them, e kuptoj plotësisht”.

Trump tha se ai nuk është “i lumtur” për provat, por nuk i konsideron ato shkelje. Ai tha se udhëheqësi i Koresë së Veriut nuk është i vetmi që teston ato raketa.

“Jemi në botën e raketave, pavarësisht nëse ju pëlqen apo jo,” tha presidenti Trump./VOA

5d60d377370f2cb72f8b4609.jpg
ent ela15:30 | 24/08/2019

Presidenti amerikan Donald Trump reagoi pas hedhjes së dy raketave të reja nga ana e Koresë së Veriut. Kreu i Shtëpisë së Bardhë deklaroi se liderit koreanoverior i pëlqen të testojë raketa dhe një gjë e tillë nuk shkel asnjë marrëveshje mes Penianit dhe Uashingtonit.

Koreja e Veriut hodhi dy raketa të reja nga bregu i saj lindor, sipas asaj që konfirmohet nga ushtria e Koresë së Jugut në Seul. Sipas rojeve bregdetare japoneze bëhet fjalë për raketa balistike me rreze të shkurtër, si raketat e tjera të lëshuara javët e fundit. Hedhja e raketave ndodhi mëngjesin e të shtunës në Sondol në pjesën lindore të vendit. Raketat fluturuan për 380 kilometra duke arritur një lartësi prej 97 kilometrash. Qeveria japoneze përgenjështroi lajmin se raketat kishin përfunduar në një zonë ekonomike ekskluzive.

Testet raketore, shtatë në një muaj, po komplikojnë dhe më shumë negociatat për ç’armatimin bërthamor mes Penianit dhe Uashingtonit. Presidenti amerikan Trump dhe lideri i Koresë së Veriut Kim Jong Un vendosën të rifillojnë negociatat në qershor, por cdo gjë ka mbetur aty. Peniani rifilloi hedhjen e raketave në 25 korrik në shenjë proteste kundër manovrave ushtarake të përbashkëta mes Koresë së Jugut dhe Shteteve të Bashkuara të Amerikës. Një lëvizje që Peniani e interpreton si një përgatitje për pushtim të mundshëm. Këshilli i Sigurisë Kombëtare i Presidencës koreanojugore shprehu shqetësim për situatën e krijuar duke shtuar se Seuli po përpiqet të bindë Penianin të ulet sërish në tryezën e negociatave.

Uashingtoni ndërkohë bëri të ditur se po monitoron situatën duke u konsultuar me aleatët japonezë dhe koreanojugorë. Kreu i Shtëpisë së Bardhë Tramp u shpreh se hedhjet e vazhdueshme të raketave nuk shkelin asnjë marrëveshje me Penianin. Tramp para gazetarëve u shpreh se Kim Jong Un –ut i pëlqejnë të testojë raketa dhe se nuk është folur asnjëherë për të kufizuar raketat me rreze të shkurtër. Sipas tij shumë vende testojë raketa të tilla. /ABC News Albania 24/7

kim.jpg
G. P.13:45 | 16/08/2019

Koreja e Veriut ka vendosur të tërhiqet nga bisedimet e paqes me Jugun dhe në shenjë pakënaqësie ka testuar dy raketa të reja në gadishullin Korean. Lëvizja e Penianit erdhi pas një deklarate të presidentit koreano-jugor, se brenda vitit 2045 do të bashkonte dy Koretë.

Koreja e Veriut ka refuzuar bisedime të mëtejshme për paqen me Jugun, duke fajësuar për këtë vendim politikën dhe veprimet e Seulit. Krahas deklaratës, që ishte një përgjigje ndaj një fjalimi të presidentit koreano-jugor Mun Jae In, Peniani testoi mëngjesin e së premtes edhe dy raketa të reja në detin në brigjet e saj.

Bëhet fjalë për testin e gjashtë në më pak se një muaj, që është një reagim ndaj stërvitjes së përbashkët ushtarake mes Jugut dhe Shteteve të Bashkuara. Sipas autoriteteve në Seul, dy raketat e paidentifikuara u qëlluan rreth orës 1 të mëngjesit, me orën tonë, udhëtuan për 230 kilometra dhe arritën një lartësi prej 30 kilometrash.

Vetëm 6 ditë më parë, Veriu qëlloi dy raketa balistike me rreze të shkurtër veprimi në detin e Japonisë. Seria e testeve erdhi pavarësisht se presidenti amerikan Donald Trump dhe lideri Kim Jong un ranë dakord gjatë një takimi të mbajtur në qershor për rifillimin e negociatave të çarmatosjes bërthamore.

Në një fjalim me rastin e çlirimit të Koresë së Jugut nga pushtimi japonez, presidenti Mun u zotua për bashkimin e gadishullit Korean brenda vitit 2045. Ai tha se qëllimi për të arritur çarmatosjen bërthamore në gadishull është një nga pikat më kritike, në një kohë kur bisedimet dypalëshe kanë hyrë në ngërç./ABC News Albania 24/7

north-korea.jpg
G. P.18:00 | 01/08/2019

Koreja e Veriut ka pësuar një tjetër dezertim në radhët e ushtrisë së saj. Një efektiv ka kaluar ish-zonën ushtarake që ndan dy Koretë duke depërtuar në Jug, ku është marrë nën arrest nga autoritetet vendase.

Autoritetet në Korenë e Jugut kanë ndaluar një ushtar koreano-verior që kishte kaluar ilegalisht ish-zonën ushtarake që ndan dy Koretë. Zyrtarët në Seul deklaruan se ushtari ishte lokalizuar gjatë orëve të natës përmes pajisjeve termike.

Persona të shumtë arratisen nga Koreja e Veriut çdo vit, por dezertimet përmes ish-zonës ushtarake janë jashtëzakonisht të rrezikshme dhe të rralla. Në Nëntor të vitit 2017, një ushtar koreano-verior u qëllua nga ish-kolegët e tij teksa përpiqej të kalonte zonën.

Ndërkohë, në incidentin e fundit personi u lokalizua gjatë mesnatës pranë lumit Imxhin, që rrjedh nga Koreja e Veriut drejt asaj të Jugut, përmes ish-zonës ushtarake në perëndim të Gadishullit Korean.

Ai u mor nga trupat koreano-jugore dhe po mbahet nën arrest. Dezertimi vjen një ditë pasi regjimi në Penian testoi dy raketa me rreze të shkurtër veprimi. Mediat lokale bënë të ditur se testet, të mbikëqyrura nga lideri Kim Jong un, ishin për të provuar një sistem të ri lëshimi të raketave të kalibrit të madh.

Gjithashtu, regjimi shtoi se testet ishin edhe një paralajmërim për Korenë e Jugut në lidhje me stërvitjet ushtarake që janë planifikuar të zhvillohen më vonë gjatë muajit me Shtetet e Bashkuara./ABC News Albania 24/7

trump-kim-jong.jpeg
nev ila15:10 | 04/07/2019

Korea e Veriut ka akuzuar Shtetet e Bashkuara të Amerikës se janë të vendosur për veprime armiqësore pavarësisht marrëveshjes më të fundit mes dy vendeve për të rinisur negociatat për programin bërthamor.

Sipas raportimeve të BBC, delegacioni i Penianit në OKB pretendon se Shtetet e Bashkuara të Amerikës janë të fiksuar pas sanksioneve si dhe ka akuzuar Uashingtonin se po përpiqet të minojë atmosferën paqësore në gadishullin Korean./ABC News Albania 24/7

kim-dhe-trump.jpg
G. P.12:20 | 23/06/2019

Kim Jong Un ka marrë një letër personale nga presidenti amerikan Donald Trump. Lideri koreano-verior e ka vlerësuar maksimalisht letrën në fjalë, por megjithatë nuk dihet se cilat do të jenë hapat e ardhshëm mes Uashingtonit dhe Penianit lidhur me çështjen bërthamore.

Lideri koreano-verior Kim Jong Un mori një letër të dërguar personalisht nga presidenti i Shteteve të Bashkuara, Donald Trump. Sipas mediave ndërkombëtare, Kim e cilësoi letrën “të shkëlqyer” dhe deklaroi se do t’i shqyrtojë me seriozitet propozimet që mban ajo.

Ai gjithashtu vlerësoi lidershipin e Donald Trump, për të cilin tha se ka një “kurajë të jashtëzakonshme”. Sidoqoftë, nuk dihet data e saktë se kur letra ka mbërritur në Penian dhe se çfarë përmban ajo. Bisedimet mes Shteteve të Bashkuara dhe Koresë së Veriut kanë hyrë në ngërç që nga dështimi i samitit të Vietnamit, i mbajtur në shkurt, që u mbyll pa një marrëveshje mes palëve.

Ajo amerikane kërkon që vendi aziatik të heqë dorë nga programi bërthamor, ndërsa Peniani kërkon që Uashingtoni të nisë heqjen e sanksioneve. Në këtë drejtim, letra përbën një zhvillim të rëndësishëm në marrëdhëniet mes dy vendeve. Shtuar kësaj fjalët e ngrohta që presidenti Trump ka përdorur në drejtim të Kim kohët e fundit.

Më herët gjatë muajit ai tha se Koreja e Veriut ka një potencial të madh nën drejtimin e Kim, ndërsa gjatë një vizite në Japoni e cilësoi atë një “djalë shumë inteligjent” dhe paralajmëroi se pret që gjëra pozitive të ndodhin së shpejti për vendin e izoluar aziatik. Pak ditë më parë, Peniani u vizitua nga presidenti kinez Xi Jinping, i cili i përcolli Kim mesazhin se duhet të rikthehet në tryezën e bisedimeve me Shtetet e Bashkuara./ABC News Albania 24/7

koreja-e-veriut.jpg
G. P.23:59 | 29/05/2019

Mes Shteteve të Bashkuara dhe Koresë së Veriut është rritur klima e mosbesimit. Peniani zyrtar ka akuzuar Uashingtonin se pavarësisht thirrjeve për dialog synon të aplikojë opsionin ushtarak me qëllim pushtimin e Koresë së Veriut.

Peniani zyrtar ka akuzuar të mërkurën Shtetet e Bashkuara se nuk po tregojnë mirëbesim në negociatat dypalëshe dhe se po kryejnë teste bërthamore dhe stërvitje ushtarake me qëllimin dashakeq për të pushtuar Korenë e Veriut me anë të forcës.

Në reagimin e radhës, Ministria e Jashtme koreano-veriore është ankuar për fushatën e vazhdueshme të sanksioneve amerikane, në kuadër të të cilave së fundmi Shtetet e Bashkuara sekuestruan anijen më të madhe tregtare të vendit aziatik.

“Përdorimi i forcës nuk është aspak monopol i Shteteve të Bashkuara”, ka paralajmëruar qeveria koreano-veriore. Në deklaratë saktësohet se Shtetet e Bashkuara kanë kryer teste bërthamore më 13 Shkurt, pak ditë para samitit të dytë mes presidentit Donald Trump dhe liderit Kim Jong Un.

“Uashingtoni ka treguar kështu qëllimin e tij se kërkon një zgjidhje të bazuar tek forca, edhe pse publikisht mbështet dialogun”, vijon deklarata.

Në të përsëriten sulmet ndaj këshilltarit të Trump për sigurinë, John Bolton dhe ndaj sekretarit të Shtetit Mike Pompeo, të cilët akuzohen se kanë fyer dinjitetin e liderit suprem të Koresë së Veriut dhe kanë përdorur fjalor të papërshtatshëm, duke e cilësuar vendin një “regjim kriminal”./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono