koreja e Jugut

korea-martesa.jpg
in a16:24 | 07/02/2020

Mijëra çifte në Korenë e Jugut, disa me maska në fytyrë për shkak të koronavirusit, lidhën kurorë në një ceremoni masive të organizuar nga Kisha e Bashkimit, pavarësisht shqetësimeve që ka ngjallur në vend përhapja e shpejtë e sëmundjes. Duke përfshirë dhe të afërmit e vizitorët, ishin rreth 30 mijë personat që morën pjesë në event.

Protagonistët u shprehën se pavarësisht shqetësimeve për përhapjen e virusit ata u shprehën se kishin marër masat e duhura dhe se ndiheshin të sigurtë.

Eventi ishte organizuar për të kremtuar njëkohësisht dhe 100 vjetorin e lindjes së udhëheqësit fetar korean Moon Sun-Myung, I cili u nda nga jeta në 2012-ën. Koreja e Jugut ka regjistruar 24 raste infektimesh nga koronavirusi, dhe i ka ndaluar hyrjen të gjithë atyre që kanë qenë së fundi në Uhan./abcnews.al

Ronaldo-Juventus.jpg
Igli Nikolli15:56 | 04/02/2020

Juventusi zhvilloi një miqësore verën e kaluar në Korenë e Jugut kundër një skuadre që përbëhej nga lojtarët më të mirë të kampionatit vendas. Ndeshja u mbyll në barazim 3-3 dhe ajo që ra në sy ishte mungesa e Cristiano Ronaldos.

Ylli i bardhezinjve kishte një shqetësim muskulor dhe nuk zbriti asnjë minutë në fushë. Kjo gjë ka sjellë acarimin e dy tifozëve të zjarrtë të lojtarit portugez. Ata kanë paditur agjencinë që organizoi miqësoren dhe kërkojnë dëmshpërblim për reklamim të rremë.

Gjykata e Incheonit u ka dhënë të drejtë dy tifozëve të acaruar prej faktit që nuk shijuan duke luajtur idhullin e tyre. Agjencia që organizoi ndeshjen, e njohur me emrin The Fasta, do t’u paguajë nga 282 euro të dyve.

Rreth 65 mijë tifozë ishin të pranishëm në stadiumin e Seulit në ndeshjen e korrikut, aty ku biletat kushtonin nga 23 në 300 euro. Agjencia kishte një kontratë me kampionët e Italisë, ku parashikohej që CR7 të luante të paktën 45 minuta. Problemi muskulor nuk e bëri të mundur diçka të tillë, por në vendin aziatik kanë një tjetër shqetësim. Të tjerë tifozë janë gati të padisin agjencinë për reklamim të rremë dhe kjo pritet të sjellë pasoja të tjera financiare. /abcnews.al

Shqiperia-U17-1.jpg
Igli Nikolli17:30 | 19/01/2020

Shqipëria U17 pësoi humbjen e parë në turneun miqësor “Mercedes Benz Aegean Cup” që zhvillohet në Turqi. Ekipi i Elvin Beqirit u mposht 2-0 nga moshatarët nga Koreja e Jugut.

Kuqezinjtë e nisën ndeshjen me këtë formacion: Simoni, Halili, Pano, Miftari, Stafa, Cela, Blakqori, Kote, Deda, Neziri, Cereni (c), teksa u aktivizuan edhe Kacanolli, Tahiri, Beluli dhe Musai. Pjesa e parë u mbyll pa gola, ndërsa në 45 minutat e dyta skuadra aziatike shënoi dy herë në minutat 48′ dhe 80′.

Shqipëria i kishte fituar nga 1-0 dy ndeshjet e para në grup, respektivisht kundër Maqedonisë së Veriut dhe Ukrainës. Të martën e 21 janarit do të luhet sfida për vendin e tretë ndaj Republikës së Irlandës. /abcnews.al

 

Çaste nga fillimi i ndeshjes
vrasesi-korean.jpg
ad min17:51 | 19/09/2019

Autoritetet në Korenë e Jugut besojnë se kanë zgjidhur çështjen e një vrasësi serial, i cili përdhunoi dhe vrau 10 femra rreth 30 vjet më parë.

Sipas testeve të ADN-së, të paktën tre prej vrasjeve lidhen me një 56-vjeçar të quajtur Lee Chun-jae. I dyshuari është duke vuajtur një dënim me burgim të përjetshëm për shkak se përdhunoi dhe vrau motrën në vitin 1994.

Ai i ka mohuar të gjitha akuzat për vrasjet e 7 femrave të tjera. Viktimat ishin adoleshente dhe gra deri në moshën 70-vjeçare.

Policia hetoi rreth 21.000 persona dhe krahasoi gjurmët e gishtërinjve të më shumë se 20.000 të tjerëve, por pa sukses. Viktimat, sipas të përditshmeve koreane, ishin mbytur me çorape.

Ngjarjet e asaj kohe ishin frymëzim i krijimit të Memories of Murder (Kujtimet e vrasjes), i cili është një prej filmave më të suksesshëm në Korenë e Jugut.

/abcnews.al

lingling.jpg
ent ela11:28 | 06/09/2019

Një tajfun i fuqishëm po i afrohet Koresë së Jugut. Lajmi është konfirmuar nga agjencia e lajmeve Jonhap, sipas të cilës gjatë së premtes tajfuni Lingling mund të mbërrijë në ishullin e Jeju. Ky do të jetë tajfuni i 13-të Brenda këtij viti, me erëra që arrijnë një shpejtësi prej 162 mijë kilometrash në orë. Por agjencia metereologjike koreanojugore paralajmëroi se shpejtësia e erës mund të arrijë deri në 200 kilimetra në orë. /ABC News Albania 24/7

cikalleshi.jpg
ad min14:45 | 29/08/2019

Sokol Cikalleshi mund të transferohet në Serinë A të Italisë. Sulmuesi i kombëtares pëlqehet nga klubi i Leçes.

Nuk është aspak i vjetër, por zakonisht kulmi profesional arrihet më shpejt. Duket se është rezervuar në moshën 29-vjeçare që Sokol Cikalleshi të luajë në një nga 5 kampionatet më të fortë të botës, në atë italian.

Sulmuesi i kombëtares shqiptare pëlqehet nga Leçe, një klub ndoshta jo i madh, por gjithsesi pjesë e Serisë A.

Drejtori sportiv i puljezëve, Mauro Meluzo, kërkon të forcojë ende një skuadër që ka nevojë të përballojë nivelin elitar dhe njëri prej emrave që ka në tavolinë, është edhe ai i shqiptarit.

Leçe dëshiron të mbijetojë në Serinë A, por nuk do ta ketë aspak të lehtë siç e tregoi humbja 0-4 në fushën e Interit, ndërsa trajneri Fabio Liverani ka nevojë për alternativa në mbrojtje e në sulm.

Kavajasi luan që prej vitit 2015 në Turqi, ku ka veshur fanelat e Istanbul Bashaksehirit, Akhisarit, Osmanlisporit e Gëztepesë, ndërsa ka pasur përvojë në Kroaci me Splitin dhe në Korenë e Jugut.

Në Shqipëri, u aktivizua me katër skuadra, Besën, Skënderbeun, Tiranën e Kukësin. Në total, ai ka luajtur gati 300 ndeshje për klubet dhe ka shënuar gati 90 gola. Me kombëtaren ka 31 ndeshje e tre gola, që nga viti 2010, duke qenë sërish njëri nga sulmuesit kryesorë, me trajnerët Kuzhe, De Biazi apo Edi Reja./ABC News Albania 24/7

kim.jpg
ad min13:45 | 16/08/2019

Koreja e Veriut ka vendosur të tërhiqet nga bisedimet e paqes me Jugun dhe në shenjë pakënaqësie ka testuar dy raketa të reja në gadishullin Korean. Lëvizja e Penianit erdhi pas një deklarate të presidentit koreano-jugor, se brenda vitit 2045 do të bashkonte dy Koretë.

Koreja e Veriut ka refuzuar bisedime të mëtejshme për paqen me Jugun, duke fajësuar për këtë vendim politikën dhe veprimet e Seulit. Krahas deklaratës, që ishte një përgjigje ndaj një fjalimi të presidentit koreano-jugor Mun Jae In, Peniani testoi mëngjesin e së premtes edhe dy raketa të reja në detin në brigjet e saj.

Bëhet fjalë për testin e gjashtë në më pak se një muaj, që është një reagim ndaj stërvitjes së përbashkët ushtarake mes Jugut dhe Shteteve të Bashkuara. Sipas autoriteteve në Seul, dy raketat e paidentifikuara u qëlluan rreth orës 1 të mëngjesit, me orën tonë, udhëtuan për 230 kilometra dhe arritën një lartësi prej 30 kilometrash.

Vetëm 6 ditë më parë, Veriu qëlloi dy raketa balistike me rreze të shkurtër veprimi në detin e Japonisë. Seria e testeve erdhi pavarësisht se presidenti amerikan Donald Trump dhe lideri Kim Jong un ranë dakord gjatë një takimi të mbajtur në qershor për rifillimin e negociatave të çarmatosjes bërthamore.

Në një fjalim me rastin e çlirimit të Koresë së Jugut nga pushtimi japonez, presidenti Mun u zotua për bashkimin e gadishullit Korean brenda vitit 2045. Ai tha se qëllimi për të arritur çarmatosjen bërthamore në gadishull është një nga pikat më kritike, në një kohë kur bisedimet dypalëshe kanë hyrë në ngërç./ABC News Albania 24/7

koreja.jpg
ad min12:19 | 17/04/2019

Pasi i vuri flakën apartamentit të tij, filloi të therte të gjithë banorët e ndërtesës ku jetonte.

Kjo është ngjarja e rëndë, e cila ndodhi në Korenë e Jugut të mërkurën. BBC raporton se pesë persona kanë vdekur. Viktima mbetën një vajzë 12-vjeçare, një burrë dhe 3 gra.

Ndërkohë 13 persona të tjerë janë plagosur gjatë incidentit që ndodhi në Jinju, në jug të vendit. Autori është një 42-vjeçar. Ai u arrestua dhe pranoi krimin. Nuk dihen ende shkaqet se pse kreu këto akte.

Pasi i vuri flakën apartamentit ai shkoi në katin e dytë të banesës dhe sulmonte të gjithë banorët që dilnin jashtë në korridor me një thikë. Mediat ndërkombëtare mësojnë se autori jetonte vetëm që prej Dhjetorit të 2015-s./abcnews.al

shperthimi.jpg
ad min14:57 | 22/11/2018

Dy Koretë kanë ndërmarrë hapa të mëtejshëm në afrimin mes tyre. Koreja komuniste shkatërroi me një shpërthim spektakolar një vendroje në kufi. Ndërsa është menduar edhe hapja e një rruge tokësore mes vendeve.

Hapa gjigandësh. Dy Koretë takohen në Zonën e Demilitarizuar, zonën e mbikqyrur që luan rolin e guzhinetës mes Koresë së Veriut dhe asaj të Jugut. Nga njëra anë është Pheniani, që ka shkatërruar një vendroje me një shpërthim jo të qetë dhe është angazhuar të bëjë të njëjtën gjë edhe për 20 vendroje të tjera, ndërsa nga ana tjetër janë ushtarët e jugut që janë angazhuar të bashkëpunojnë për gjetur zgjidhje paqeje me “vëllerërit”, e sipërm.

Fotografitë e fundit, të publikuara nga Ministri i Mbrojtjes e Koresë së Jugut, tregojnë ushtarë të dy palëve që qëndrojnë sëbashku në “Arrowhead Ridge”. Nuk është një vend çfarëdo, por tokë e përgjakur ku janë zhvilluar betejat e ashpra gjatë luftës së Koresë mes viteve 1950 dhe 1953. Ideja paqësore është ajo e ndërtimit të një rruge 3 kilometra të gjatë që do të kalojnë linjën e kufirit ushtarak brenda zonës së demilitarizuar.

Dy koretë do të jenë kështu të lidhura dhe do të mund të punojnë sëbashku në një projekt të përbashkët: atë të rikuperimit të trupave të ushtarëve të vrarë në konflikt. Pra është një rikthim në histori për të nisur të ardhmen, ndoshta sëbashku. Klima e çtensiomit është mbështetur edhe nga amerikanët. Stërvitjet ushtarake të përbashkështa mes SHBA-ve dhe Koresë së Jugut, të parashikuara për në pranverë të 2019-s, do të jenë të reduktuara për të favorizuar negociatat lidhur me programin bërthamor të Koresë së Veriut. Njoftimi është bërë nga sekretari i Mbrojtjes, Jim Mattis./abcnews.al

koreja.jpg
ad min11:07 | 19/09/2018

Në ditën e dytë të negociatave në Phenian, udhëheqësi i Koresë së Veriut dhe presidenti i Koresë së Jugut nënshkruan një marrëveshje për reduktimin e tensioneve mes dy Koreve dhe për çarmatimin e plotë bërthamor.

Lideri Korean Kim Jong-un dhe presidenti koreanojugor Moon Jae-in kanë firmosur në Phenian një marrëveshje të parë për reduktimin e tensioneve.

Ceremonia e transmetuar në mënyrë të drejtpërdrejtë nga televizioni shtetëror u zhvillua në ndërtesën ku kruhen takimet zyrtare dy palëshe. Në përfundim të samitit Kim premtoi se do të vizitonte Seulin shumë shpejtë.

Në këtë mënyrë, lideri koreanoverior dhe presidenti i Koresë së Jugut kanë nisur raundin e dytë të negociatave. Në qendër të vëmendjes ishte pikërisht progresi në procesin e çarmatimit bërthamor.

Pas firmosjes së marrëveshjes Moon Jae u shpreh se të dy Koretë kanë rënë dakord për herë të parë që të kryejnë hapa të qartë për çarmatimin bërthamor, duke përfshirë dhe mbylljen e përhershme të qendrës së pasurimit me uranium në vend.

Nga ana e tij, Kim u shpreh se marrëveshja kërkon një gadishull të lirë nga armë bërthamore dhe kërcënime për të avancuar në marrëdhëniet mes dy Koreve, drejt një epoke të re paqeje dhe prosperiteti.

Menjëherë pas samitit të Phenianit, presidenti amerikan Donald Trump konfirmoi me anë të një mesazhi në profilin e tij në Twitter se lideri koreanoverior kishte pranuar vizitën e inspektorëve si dhe mbylljen e përhershme të qendrave bërthamore. Ai gjithashu ka hequr dorë dhe nga testimet me raketa.

Në mesazhin e kreut të Shtëpisë së Bardhë shkruhej se Kim ka rënë dakord të lejojë inspektimet bërthamore, që janë thelbësore për negociatat përfundimtare dhe të vazhdojë me mbylljen përfundimtare të qendrave të pasurimit me uranium dhe atyre ku kryhen testet e raketave. E gjitha kjo në prani të ekspertëve ndërkombëtarë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono