Korea e Jugut

gettyimages-993228912.jpg
G. P.10:07 | 16/08/2018

Një grua në Korenë e Jugut është arrestuar pasi ka bërë në fshehtësi një foto nudo të një modeli dhe e ka ndarë atë nëpër rrjetet sociale, duke shkaktuar kështu dhe debate mbi seksizmin dhe standartin e dyfishtë në vend.

25 vjeçarja, e cila është gjithashtu një modele nudo, u dënua me 10 muaj burgim, pasi e kreu fotografinë në një kolegj arti në Seul. Gjithashtu, ajo do të duhet të bëjë 40 orë këshillimi mbi dhunën seksuale. Por ky lloj dënimi i rrallë për raste të tilla, ka bërë të mundur që të ketë reagime të ashpra nga protestuesit, të cilët janë të mendimit se policia dhe gjykata japin dënime preferenciale ndaj rasteve ku janë të përfshirë meshkujt.

Korea e Jugut është në mes të një epidemie të “kamerave spiune pornografike”, të njohura ndryshe si “molka”, të cilat kanë të bëjnë me meshkuj që filmojnë femrat pa dijeninë e tyre teksa ndërrohen nëpër ambiente si pishina apo palestra dhe duke i postuar ato nëpër rrjete të materialeve për të rritur. Më shumë se 6000 raste janë reportuar vetëm vitin e kaluar, me 80% të viktimave femra. Sipas statistikave të qeverisë, vetëm 8.7% e atyre të cilët zihen pre duke filmuar në fshehtësi burgosen në arrestimin e tyre të parë. Në 6465 rastet e vitit të kaluar, vetëm 119 të akuzuar janë dënuar.

Një turmë protestuesish tashmë ngrenë krye çdo muaj në Seul për këtë padrejtësi. Me pankartat “My life is not your porn” (Jeta ime nuk është pornoja jote), ata kërkojnë dënimin e atyre që filmojnë bashkë më personat që i shohin këto video.

Seo Seung-hui, aktivistja e Mbrojtjes së Dhunës Kibernetike Seksuale në Seul u shpreh se: “I gjithë reagimi nga policia për këtë rast të rrallë ku viktima është mashkull mbetet e pa dëgjuar më parë. Shumë rrallë i shohim të reagojnë në këtë mënyrë në rastet kur viktimat janë femra.”

Megjithatë, me vendimin e dhënë, gjykata tha se gruaja e paidentifikuar duhet të ndëshkohet, pasi ajo ka dëmtuar dinjitetin personal të viktimës. Viktima, sipas autoriteteve, po kalon çrregullime serioze të stresit post traumatik dhe me shumë gjasa ai nuk do të mundet më të vazhdojë karrierën e tij si model nudo.

Korea e Jugut, vend me një rrënjosje të parimeve patriarkale, është në mes të një beteje ndaj ngacmimeve seksuale. Vitin e kaluar, lëvizja #MeToo ka ekspozuar një numër të madh meshkujsh të akuzuar për ngacmime dhe sulme seksuale, duke përfshirë madje dhe një politikan të rëndësishëm të vendit./abcnews.al

north-korea-south-korea-donald-trump-twitter-900072.jpg
G. P.14:05 | 13/08/2018

Një samit i tretë mes presidentit koreanojugor Mun Jae-in, dhe liderit koreanoverior Kim Jong Un do të ndodhë në Penian në shtator. Lajmi është publikuar nga mediat koreano jugore.

Takimi mes dy liderëve është pjesë e përpjekjeve për të zgjidhur tensionet me Uashingtonin, për sa i përket programit bërthamor të Penianit. Takimi i fundit u zhvillua në një klimë tensioni dhe shqetësimi në rritje rreth synimeve reale të Penianit për të hequr dorë nga arsenali i tij bërthamor, ashtu si u premtua në takimin historik me presidentin amerikan Tramp. Kreu i fundit i shtetit koreanojugor që ka shkelur në kryeqytetin e Koresë së Veriut ishte presidenti i atëhershëm Roh Mu-hiun në vitin 2007./abcnews.al

vlcsnap-error218-1280x720.jpg
us er22:32 | 10/01/2018

Presidenti amerikan, Donald Trump dhe ai i Koresë së Jugut, Moon Xhae-in u dakordësuan për konsultime të ngushta lidhur me dialogun me Korenë e Veriut. Ndërkohë, më herët Moon Xhae-in theksoi se rivendosja e bisedimeve mes koreve është meritë e Trump.

Presidenti amerikan, Donald Trump gjatë një bisede telefonike me homologun e tij koreanojugor Mon Xhae-in, ka thënë se vlerëson dialon mes dy Koreve. Sipas tij këto bisedime mund të çojnë në hapjen e negociatave për denuklarizimin e vendit komunist dhe do të sjellë hipoteza për mbledhje mes Uashingtonit dhe Penianit në kohën e duhur dhe kushtet e përcaktuara. “Dy liderët kanë rënë dakord të zhvillojnë konsultime të ngushta rreth drejtimit të bisedimeve Koresë së Veriut dhe Koresë së Jugut”, thuhet në një njoftim të lëshuar nga presidenca e Seulit.

Biseda e tyre telefonike, vjen pas deklaratës së Mon Xhae-in, i cili tha se merita kryesore, për rihapjen e bisedimeve mes dy koreve pas 2 vitesh shkëputje, i takon Trump. Presidenti i Koresë së Jutu paralajmëroi Penianit se do të përballem me sanksione më të ashpëra nëse provokimet vazhdojnë.

“Mendoj se presidenti Trump ka merita të mëdha për rivendosjen e bisedimeve mes dy koreve. Unë dua t’i tregoj atij mirënjohjen time. Ato mund të kenë ardhur si rezultat i funksionimit të presionit dhe sanksioneve të drejtuara nga Shtetet e Bashkuara”, tha Mon Xhae-in në një konferencë për shtyp. Gjithashtu kreu i shtetit tregoi ambicjet e tij lidhur me negociatat. “Raundi i parë i bisedimeve ishte për përmirësimin e marrëdhënieve mes Veriut dhe Koresë së Jugut”, theksoi Mon Xhae-in duke nënvizuar se qëllimi kryesor i bisedimeve është trajtimi i çështjes së denuklarizimit të Penianit./abcnews.al

vlcsnap-error687-1280x720.jpg
us er19:12 | 09/01/2018

Në mbledhjen e parë pas dy viteve mes Koresë së Veriut dhe asaj të Jugut janë arritur disa marrëveshje. Peniani ka pranuar zhvillimin e bisedimeve me Seulin për uljen e tensioneve ndërsa ka përjashtuar negociatat për programin e saj bërthamor. Koreja e Veriut ka pranuar edhe dërgimin e një delegacioni në Lojërat Olimpike Dimërore në Korenë e Jugut.

Koreja e Veriut dhe ajo e Jugut kanë rënë dakord për mbajtjen e bisedimeve ushtarake për të ulur tensionin ndërkufitar. Ky zhvillim ka ardhur pas mbledhjes së parë të nivelit të lartë që është mbajtur pas më shumë se 2 vitesh. Peniani do të dërgojë një delegacion në Lojërat Olimpike Dimërore të 2018 që zhvillohen në Korenë e Jugut në muajin shkurt. Mësohet se në të do të përfshihen pjestarë të Komitetit Olimpik Kombëtar, atletë, nxitës tifozësh, interpretues të artit, spektatorë, një ekip demonstrues taekwondo dhe media në lojërat olimpike. Ndërsa Jugu do të ofronte lehtësitë dhe pajisjet e nevojshme.

“U arrit gjithashtu marrëveshje për të rivendosur një linjë telefonike ushtarake të pezulluar dy vjet më parë”, tha qeveria e Seulit. Megjithatë Koreja e Veriut tha të martën se nuk do të diskutojë për armët e saj bërthamore në bisedimet e ardhshme me Seulin, sepse ata synojnë vetëm Shtetet e Bashkuara dhe jo “vëllezërit” në Korenë e Jugut.
Pas një dite negociatash, të dy palët dolën me një deklaratë të përbashkët. Sipas dokumentit, Koreja e Veriut dhe ajo e Jugut do të bisedojnë edhe për zona të tjera të pacaktuara në bisedimet e nivelit të lartë për të përmirësuar marrëdhëniet. Kjo bëhet e ditur nga agjencia e lajmeve e Seulit, Yonhap.

“Jugu i kërkoi Veriut t’i jepte fund çdo akti armiqësor që mund të rriste tensionet, ndërsa Veriu ra dakord lidhur me nevojën për të garantuar një mjedis të qetë në gadishull”, tha një deklaratë qeveria e Seulit. Ndërkohë, sipas mediave ndërkombëtare, kreu i delegacionit të Koresë së Veriut në fjalën e tij hapëse të takimit ishte suhmë neutral. Ri Son-guan tha se shpreson që bisedimet do të sjellin një “dhuratë të mirë” për vitin e ri dhe se Peniani kishte një “qëndrim serioz dhe të sinqertë”.

Takimi i parë pas dy vitesh mes dy vendeve u mbajt në Panmunxhom, një zonë kufitare e demilitarizuar që ndryshe cilësohet si fshati i paqes. Në bisedime morën pjesë 5 zyrtarë të Koresë së Veriut dhe 5 të Koresë së Jugut. Ndërsa lideri Kim Jong-un dhe presidenti Mon Xhae-in e kanë ndjekur takimin me anë të raportimeve televizive./abcnews.al

vlcsnap-error763-1280x720.jpg
us er12:40 | 07/01/2018

Koreja e Veriut dhe ajo e Jugut kanë përcaktuar përbërjen e delegacioneve që do të marrin pjesë në takimin e parë mes dy vendeve që prej 2015. Qëllimi kryesor i këtij takimi është pjesëmarrja e Penianit në Lojërat Olimpike Dimërore.

Dy koretë kanë dakordësuar përbërjen e delegacioneve respektive që do të marrin pjesë të martën në takimin e parë të nivelit të lartë që zhvillohet mes dy vendeve pas më shumë se 2 vitesh. “Delegacioni i Koresë së Veriut do të përbëhet nga pesë anëtarë dhe kryesohet nga Ri Son-gëon, i cili kryeson Komitetin për Bashkimin e Koresë në vendin e tij”, njoftoi Ministria për Unfikimin e Koresë së Jugut.

Seuli propozoi të shtunën të dërgonte një delegacion të udhëhequr nga ministri i Unifikimit Cho Myoung-gyon, i cili do të përbëhej nga katër persona të tjerë, dy zëvendësministra të Unifikimit dhe dy zëvendësministra të sportit. Të premten, Peniani pranoi propozimin e Koresë së Jugut për të mbajtur një takim në Panmunjom më 9 janar për të diskutuar dërgimin e një delegacioni të Koresë së Veriut në Lojërat Olimpike Dimërore që fillojnë në shkurt dhe zhvillohen në PyeongChang të Koresë së Jugut.

Vendimi erdhi pasi lideri i Koresë së Veriut Kim Jong-un në fjalimin e fundvitit shprehu dëshirën e tij për të përmirësuar mardhëniet dhe për të dërguar një delegacion në PyeongChang. Nga ana tjetër Seuli dhe Uashingtoni ranë dakord të shtynin zhvillimin e manovrave ushtarake vjetore, të cilat regjimi komunist i Penianit i konsideron një provë për pushtimin, deri pas Lojrave Olimpike Dimërore. Pjesëmarrja e Koresë së Veriut në PyeongChang dhe një mirëkuptim më i mirë mes dy koreve, të cilat mbesin teknikisht në luftë, mund të ndihmojnë në zbutjen e tensioneve rajonale pas 2017, të shënuara nga testet e vazhdueshme raketore të Koresë së Veriut dhe toni luftarak i presidentit amerikan Donald Trump./abcnews.al

vlcsnap-error073-1280x720.jpg
us er11:33 | 03/01/2018

Koreja e Veriut ka rihapur pas dy vjetësh linjën telefonike me Korenë e Jugut. Ky zhvillim është konfirmuar nga zyrtarët e Penianit. Ndërsa telefonata e parë është zhvilluar gjatë ditës së sotme.

Koreja e Veriut ka rihapur linjën telefonike në Korenë e Jugut, gati dy vjet pasi ishte çaktivizuar me urdhër të liderit Kim Jong-un. Seuli zyrtar konfirmoi se gjatë të mërkurës kishte marrë një telefonatë nga Veriu në 15:30 me orën lokale. Udhëheqësi i Koresë komuniste më parë kishte thënë se ishte i hapur për dialog me Seulin dhe për të dërguar një ekip në Olimpiadën Dimërore në jug muajin e ardhshëm.

Të dy vendet nuk kanë mbajtur bisedime të nivelit të lartë që nga dhjetori i vitit 2015. Koreja e Veriut preu menjëherë kanalin e komunikimit, duke refuzuar ti përgjigjet thirrjeve, sipas autoriteteve në Jug. Ndërsa një zyrtar i Koresë së Veriut njoftoi rihapjen e linjës telefonike në një deklaratë televizive. Ai tha se të dy vendet do të diskutonin mbi çështjet praktike rreth një propozimi për të dërguar një delegacion të Koresë së Veriut në Lojrat Dimërore në Pyeongchang në shkurt. “Ne do të kemi kontakt të ngushtë me Korenë e Jugut në një mënyrë të sinqertë dhe besnike”, shkruan agjencia e lajmeve Yonhap duke cituar zyrtarin e Penianit.

Zyra e shtypit e presidentit të Koresë së Jugut, Moon Jae-in, tha se rivendosja e këtij kanali të komunikimit ishte “shumë domethënës”. “Ai krijon një mjedis ku komunikimi do të jetë i mundur në çdo kohë”, nënvizon zyra e shtypit.

Sipas Ministrisë së Bashkimit të Koresë së Jugut, ekzistojnë gjithsej 33 linja të drejtpërdrejta që Koreja e Veriut dhe Koreja e Jugut kanë përdorur më përpara për të komunikuar me njëri-tjetrin. Kjo linjë telefonike e veçantë, e themeluar në vitin 1971, është e bazuar në Panmunjom. Fshati kufitar, në zonën e çmilitarizuar, është vendi ku dy koretë kanë biseduar historikisht. Në një fjalim të Vitit të Ri, lideri suprem Kim Jong-un foli për uljen e tensioneve dhe shkrirjen e “marrëdhënieve të ngrira Veri-Jug”. Ai tha se pjesëmarrja në Lojërat do të ishte “një mundësi e mirë për të treguar unitetin e njerëzve” në Korenë e Veriut. Nga ana tjetër Seuli është shprehur i gatshëm të mirëpresë sportistët e Penianit./abcnews.al

vlcsnap-error993-1-1280x721.jpg
us er14:40 | 31/12/2017

Një tjetër anije e mbushur me naftë që do të furnizonte Korenë e Veriut është sekuestruar nga Seuli. Mjeti lundrues ishte me flamur të Panamasë ndërsa ekuipazhi ishte kryesisht me persona të shtetësisë kineze.

Autoritetet e Koresë së Jugut kanë sekuestruar një anije tjetër mbi dyshimin se do të furnizonte Penianin me naftë duke shkelur sanksionet ndërkombëtare. Lajmi është konfirmuar nga zyrtarët e Seulit. Mjeti lundrues me flamur të Panamasë, që quhet Koti, po mbahet në një port afër qytetit perëndimor të Pejongtaek.
Koreja e Jugut më herët konfiskoi një anije të regjistruar në Hong Kong, e dyshuar për transferimin e fshehtë të 600 tonë naftë të rafinuar në një anije të Koresë së Veriut. Organizata e Kombeve të Bashkuara i vendosi sanksion Koresë së Veriut si kundërpërgjigje për testet raketore dhe zhvillimin e programit bërthamor.

“Anija e fundit e konfiskuar, e cila ka një ekuipazh kryesisht me persona nga Kina dhe Birmania, është një bartës 5100 tonë naftë”, njoftoi agjencia e lajmeve e Koresë së Jugut “Jonhap”. Seuli zbuloi të premten se ka sekuestruar anijen e regjistruar në Hong Kong, “Lighthouse Winmore”. Kjo anijë kishte në hyrë në portin “Yesou” në Korenë e Jugut me 11 tetor për të mbushur me naftë të rafinuar dhe u nis për në Taivan pas 4 ditësh. Por në vend të Taivanit, ka trasnferuar naftën tek një anije e Koresë së Veriut dhe 3 mjete të tjera lundruese në ujrat ndërkombëtarë me 19 tetor, sipas zyrtarëve të Seulit.
Këto zhvillime vijnë pas akuzave të presidentit amerikan, Donald Trump se Kina po shkel sanksionet ndërkombëtare duke furnizuar Penianin me naftë. Nga ana tjetër Pekini ka mohuar një zhvillim të tillë./abcnews.al

vlcsnap-error399-1-1280x720.jpg
us er21:24 | 29/12/2017

Koreja e Jugut ka sekuestruar një anije të Kinës që kishte furnizuar Korenë e Veriut me naftë duke shkelur sanksionet e OKB-së. Kjo konfirmon edhe njëherë se Pekini mbështet regjimin e Kim Jong-un në vend të komunitetit ndërkombëtar.

Korea e Jugut ka zbuluar se ka sekuestruar një anije të regjistruar në Hong Kong muajin e kaluar, e cila dyshohet se do të furnizonte me naftë regjimin e Penianit, duke shkelur sanksionet ndërkombëtare. Zyrtarët thanë se “Lighthouse Winmore” kishte transferuar fshehurazi 600 ton naftë të rafinuar në një anije të Koresë së Veriut. Një rezolutë e Këshillit të Sigurimit të OKB-së ndalon transferimin mes anijeve të çdo malli të destinuar për Penianin.

Këto zbulime vijnë pasi Kina mohoi pretendimet e presidentit amerikan, Donald Trump se Pekini ka lejuar dërgimin e naftës në Korenë komuniste. Anija hyri në portin Yeosu në Korenë e Jugut më 11 tetor për t’u ngarkuar me naftë të rafinuar dhe u nis për në Tajvan katër ditë më vonë, njoftoi agjencia e lajmeve Yonhap. “Por në vend që të shkojë në Tajvan, mjeti lundrues transferoi naftën në një anije të Koresë së Veriut dhe tre anije të tjera në ujërat ndërkombëtare më 19 tetor”, thanë zyrtarët e Koresë së Jugut.

Kjo shkel një rezolutë të Këshillit të Sigurimit të OKB-së të miratuar më 11 shtator. Neë York Times tha se transferimi u kap në fotografitë satelitore të SHBA, të publikuara nga Thesari i Shteteve të Bashkuara në nëntor, ndonëse nuk u zbulua se emri I anijes ishte “Lighthouse Ëinmore”. Seuli njofton se mjeti lundrues, që u sekuestrua pas kthimit në portin Yeosu në nëntor, do të mbetet në Korenë e Jugut.

Ndërkohë, që nga tetori janë verifikuar nga satelitët amerikanë rreth 30 transferime karburanti në mënyrë të paligjshme nga anije kryesisht që vinin nga Kina. Duke qenë aleati I vetëm I Koresë së Veriut, Pekini duket se po mundohet ta ndihmojë regjimin e Kim Jong-un. Por këtë e bën duke shkelur sanksionet e vendosura nga OKB lidhur me testimet raketore dhe zhvillimin e programit bërthamor./abcnews.al

Gazetar i ABC News: Xhevahir Qardaku

vlcsnap-error464-1-1280x720.jpg
us er15:57 | 21/12/2017

Një zjarr i rënë në një ndërtesë tetë katëshe në Korenë e Jugut, ka shkaktuar 28 viktima dhe rreth 30 të plagosur. Lajmi është konfirmuar nga autoritetet vendore ndërsa një zëdhënës i zjarrfikësve pranoi se bilanci i viktimave mund të jetë dhe më i lartë. Skuadrat e ndërhyrjes së shpejtë po përpiqen ende të marrin situatën nën kontroll, në një kohë që raportohet se ka ende shumë banorë që janë bllokuar në ndërtesën në flakë./abcnews.al

vlcsnap-error922-1280x720.jpg
us er12:52 | 21/12/2017

Rojet e Koresë së Jugut, qëllojnë me të shtëna paralajmëruese në drejtim të ushtarëve koreano-veriorë, të cilët po kërkonin një koleg të arratisur nga Veriu për në Jug. Ushtari koreano-veriorë kishte kaluar kufirin, duke shfrytëzuar mjegullën e dendur, pranë një pike kontrolli.

Ushtria e Koresë së Jugut, ka qëlluar me të shtëna paralajmëruese në drejtim të rojeve Korenao-Verior, të cilët kërkonin një ushtar që ishte arratisur nga Veriu.

Ushtari koreano-veriorë kishte kaluar në Zonën e Demilitarizuar. Zyrtarë të ushtrisë Koeano-Jugore, raportojnë se – ushtari kishte kaluar duke shfrytëzuar mjegullën e dendur në një pikë kontrolli. Ata, shtuan se ky është ushtari i katërt i Koresë së Veriut që arratiset për këtë vitë.

Incidenti i së enjtes, ndodhi në një pikë kontrolli në perëndim të frontit. Zëdhënësi ushtarak i koreano-jugorë, deklaroi se mjegulla e rëndë kishte pushtuar zonën, duke kufizuar pamjen në rreth 100 metra, por gjithsesei lëvizjet e ushtarit korenao-veriorë u diktuan nga pajisjet e mbikëqyrjes. Ndërsa, në lidhje me gjendjen e të ndaluarit – ai, shtoi se – ushtari ndodhet në paraburgim dhë është i sigurtë dhe se hetimet do të vazhdojnë për të zbuluar arsyen e kalimit të kufirtit.

Sipas, raportit të ushtrisë, ushtari ishte një 19-vjecarë që në kohën e kalimit të kufirt mbante një kallashnikov me vete, por nuk pati asnjë shkëmbim zjarri.

Ministria e Mbrojes se Koresë se Jugut, deklarojnë se pas kalimi të kufirt, një grup rojesh koreno-veriore iu afruan kufirit duke kërkuar kolegun e tyre. Ky ishte edhe momenti kur ushtarakët koreano-jugorë qëlluan rreth 20 të shtëna paralajmëruese në drejtim të Koresë së Veriut.

Zyrtarët koreano-jugorë, konfimuan se pas rreth 40-minutash u dëgjua kundërpërgjigjja e koreano-veriorëve me të shtëna, por nuk u gjet asnjë plumb që të kishte kaluar kufirin.

Zona e Demilitarizuar e kufirit ndërmjet dy Koreve, është një nga zonat më të mbrojtuara në botë. Ajo është e fortifikuar nga të dyja anët me tela me gjemba, kamera survejimi, rrethim elektrik dhe mina tokësore.

Mininstria e Mbrojtrjes, Koreano-Jugore, konfimon se kalimet e kufirt nga veriu në jug janë rritur këtë vit me 15 persona, krahasur me pesë të vitit të kaluar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono