korce

protestuesit-maliq.jpg
nev ila12:54 | 23/10/2019

Protestuan para bashkisë së Maliqit, dënohen nga gjykata tre protestues të opozitës.

Gjykata Shkallës së Parë në Korçë ka shpallur fajtorë, duke dënuar tre të rinj, që morën pjesë në njê prej protestave të opozitës, të mbajtur në muajin mars para Bashkisë së Maliqit.

Ernald Muçollari, Ledion Maksuti dhe Hyxhers Mete, janë dënuar me 90 mijë lek të reja gjobë, për prishje të rendit dhe qetësisë publike e kryer në bashkëpunim.

Ata kanë përfituar uljen e 1/3 së dënimit, pasi proçesi u zhvillua me gjykim të shkurtuar, çfarë uli masë e gjobës në 60 mijë lek të reja./abcnews.al

qeli-tortura-korce-1280x724.jpg
nev ila14:27 | 21/10/2019

Në ndërtesën e ish komitetit të Partisë në Korçë janë zbuluar disa qeli burgu dhe hetuesie të kohës së komunizmit. Në mure ka dëshmi të torturave ndaj të dënuarve, shumica e të cilëve aristokrate korçarë.

Punimet për restaurimin e ndërtesës së ish-Komitetit të Partisë, në qendër të Korçës, zbuluan se bodrumet e saj kanë shërbyer gjatë kohës së diktaturës si qeli torturash dhe hetuesie.

Në muret e  ngushta, kanë mbetur të paprekura mbishkrime, data, emra apo thënie të të dënuarve politikë. Në ndërtesën e cila pas çlirimit të vendit u kthye në zyra hetuesie dhe qeli burgu, janë mbajtur kryesisht aristokratë korçarë.

Ekzistenca e disa ndërtesave të tilla, që janë përdorur si burgje gjatë diktaturës lind nevojën që qyteti të ketë një muze, për të dëshmuar trashëgiminë historike të kësaj periudhe.

Gjatë periudhës së diktaturës në Korçë, janë dënuar politikisht 900 persona, 120 prej të cilëve janë pushkatuar dhe qindra familje janë internuar./abcnews.al

alarmi.mp4_snapshot_00.05-1280x720.jpg
G. P.19:34 | 15/10/2019

Identifikohet dhe procedohet, autori i telefonatës së rreme të kryer sot tek organet e rendit, sipas të cilës, në mjetin e një gjyqtari ishte vendosur lëndë plasëse.

Specialistët e Seksionit për Hetimin e Krimeve, në Komisariatin e Policisë Korçë, në vijim të punës për zbardhjen dhe dokumentimin e ngjarjes së ndodhur më datë 15.10.2019, referuan materialet shtesë pranë Prokurorisë të Rrethit Gjyqësor Korçë, në ngarkim të shtetasit:

Neim Behari, 34 vjeç, banues në Lapardha, Berat (i cili aktualisht vuan dënimin në IEVP-Drenovë, për veprën penale “Vrasja”).

Gjatë kryerjes së veprimeve hetimore rezultoi se ky shtetas, kishte telefonuar Policinë nga ambientet e IEVP-së, duke pretenduar se në mjetin e gjyqtarit M.K, ishte vendosur lëndë e dyshuar plasëse, e cila nuk u konstatua gjatë kontrollit të ushtruar.

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.

markelian-kuqo-1-1280x708.jpg
nev ila15:53 | 15/10/2019

Identifikohet autori i telefonatës së rreme për një bombë në mjetin e gjyqtarit të Korçës, Markelian Kuqo. Sipas policisë ai është 34-vjeçari Neim Behari, një i dënuar për vrasje në burgun e Drenovës.

Një 34-vjeçar që vuan dënimin në burgun e Drenovës ka dhënë alarmin për një bombë në makinën e gjyqtarit të Korçës Markelian Kuqo. Ngjarja ndodhi mesditën e kësaj të marte në qytetin e Korçës.

Policia sapo u njoftua bëri kontrollin në makinën e parkuar pranë gjykatës dhe njoftoi se ishte alarm fals. Po nuk vonoi dhe forcat RENEA rrethuan makinën dhe morën në mbrojtje gjyqtarin.

Pas kontrollit të dyte u saktësua që në makine nuk kishte asnjë lëndë plasëse. Sipas policisë telefonata është bërë nga Neim Behari, i dënuar në burgun e Drenovës. Ai ka vrarë një taksist për ta grabitur në vitin 2005.

Ndërsa në vitin 2016 nga burgu i Fushe Krujës ka kërcënuar se do të bënte vrasje me kallashnikov në Tiranë. Disa orë më vonë, vetë gjyqtari kur doli nga zyra tha se ishte i qetë dhe se nuk kishte nevojë për mbrojtje kurse telefonata i është bërë nga një grup kriminal.

Mësohet se gjyqtari Markelian Kuqo, ka dhënë vendimin për lirim me kusht të Gert Gjeneralit, vrasësi i Naim Zyberit./ABC News Albania

alarmi.mp4_snapshot_00.05-1280x720.jpg
Autor E14:14 | 15/10/2019

Një telefonatë ka alarmuar policinë e Korccës sipas të cilës një gjyqtari i ishte vendosur lëndë shpërthyese në makinë.

Gazetarja Daniela Zizi bën me dije për abcnews.al se alarmi është dhënë nga burgu i Drenovës në Korçës.

Në foto: Gjyqtari Markelian Kuqo

Gjyqtari në fjalë është ai që ka dhënë vendimin për lirimin me kusht të Gert Gjinararit, i njohur ndryshe edhe si Gert Gjenerali, i cili ka qenë i dënuar për vrasjen e Naim Zyberit.

Pas verifikimeve të bëra policia nuk ka zbuluar asgjë në makinën e gjyqtarit Markelian Kuqo duke e klasifikuar rastin si një alarm fals.Megjithatë, edhe pse policia ka thënë se alarmi është fals, mësëohet se makina në këto momente është rrethuar nga forcat RENEA dhe ato të xhenios pasi dyshohet se pakoja gjendet brenda. Gjithashtu policia ka marrë në mbrojtje gjyqtarin. /abcnews.al

grabitja-korce.mp4_snapshot_00.13-1280x720.jpg
ent ela08:13 | 15/10/2019

Një çift të moshuarish u terrorizuan mbrëmë në Korçe nga 2 grabitës ende të paidentifikuar që hynë në banesën e tyre, të armatosur dhe të maskuar. Ngjarja ka ndodhur rreth orës 21,45 në  shtëpinë e Foni Rrapos, në lagjen 3 të qytetit. Pasi kanë ushtruar dhunë ndaj dy të moshuarve, që jetojnë të vetem, grabitësit kanë marrë një sasi parash dhe janë larguar me shpejtësi. Mësohet nga të dhënat e para se familjes i janë grabitur rreth 1 milionë leke të vjetra.

Dy të moshuarve u është dhëna ndihma e parë mjekësore. Grupi hetimor po punon për identifikimin dhe kapjen e autorëve te grabitjes.

Ndiqni dëshminë e dhënë nga i moshuari Foni Rrapo, që u dhunua nga grabitësit, bashkë me bashkëshorten në banesen e tyre. /abcnews.al

negociata.jpg
G. P.12:29 | 14/10/2019

Ambasadorja e Francës në Shqipëri, Christine Vasac, ka komentuar nga Korça çështjen e negociatave mes Shqipërisë dhe BE-së.

“Nuk dua të fshihem pas gishtit, ju keni ngritur pyetjet për rrugën europiane. Ju prisni, ne presim të gjithë bashkë përgjigjen e rëndësishme. Ne nuk dimë çfarë vendimi do jepet. Ky vendim do merret në unanimitet. Dje kancelarja Merkel dhe Macron janë takuar në një takim të rëndësishëm. Janë pyetje që na shpëtojnë dhe nuk i kapim dot. Është e vërtetë që Shqipëria dhe Maqedonia e Veriut presin një vendim për hapjen e negociatave për në BE. Por ka subjekte që janë po aq të rëndësishëm siç është çështja e Brexit. Ky është një problem i madh jo vetëm për Francën, por gjithë vendet e Europës dhe na intereson të gjithëve. Dijeni që dosja e hapjes së negociatave për Shqipërinë është shumë e rëndësishme sepse ne jemi miqësi vjetër me Shqipërinë dhe Maqedoninë”, tha Vasac.

Ndërkohë kreu i Bashkisë së Korçës, Sotiraq Filo, tha se shpreson që Franca të luajë një rol të rëndësishëm në rrugën e Shqipërisë drejt BE-së./abcnews.al

STUDENTET-NE-KORCE.mpg_snapshot_00.13-1280x720.jpg
ent ela16:13 | 05/10/2019

Të sapodiplomuarit në Universitetin “Fan Noli” në Korçë presin të punësohen, por disa prej tyre kanë qëllimin të largohen jashtë vendit. Sektorin privat këta studentë e shikojnë më fitmprurës ndaj nuk preferojnë punësim në shtet.

E vetmja me medalje ari e këtij viti akademik në Korçë beson se e ka të sigurte punësimin. Studentja e degës matematikë -fizikë Klodiana Dhëmbi nuk e mendon largimin jashtë vendit.

Ata që kanë në dorë një diplomë të degës së teknologji –informacionit e quajnë veten më me fat. Pritshmëritë për t’u punësuar janë të larta kryesisht jashtë vendit. Por shumë nga ata preferojnë sektorin privat si me fitimprurës.

Por të sapodiplomuarit në degën e  marketing-turizmit thonë se tregu vendas është i vogël dhe ju jep pak shpresë për t’u punësuar. Gjermania mbetet synimi i afërt për ata që mendojnë se mund t’ja dalin edhe jashtë me njohuritë që kanë fituar.

Ata te gjuhëve të huaja e kanë pasur më të lehtë të aplikojnë dhe më pas të fitojnë një vend pune në Gjermani, duke pranuar të punojnë edhe jashtë profilit të formimit.

Universiteti “Fan Noli” ka katër fakultete,të cilat ofrojnë 48 programe studimi,të nivelit të parë,por edhe master profesional dhe shkencor. Shtatë prej këtyre programeve i përkasin ciklit dy vjeçar profesional,për të  cilin ka pasur interes të lartë nga maturantët. /ABC news Albania 24/7

 

aksidneti-korce.mp4_snapshot_00.06-1280x720.jpg
ent ela11:05 | 04/10/2019

Një makinë ka përplasur një motor në lagjen 16 të qytetit të Korçës. Për pasojë, drejtuesi i motorit është në gjendje kritike për jetën.

Ai është dërguar në spital, ndërsa drejtuesi i makinës është shoqëruar në komisariatin e policisë.

Ende nuk dihen shkaqet e ngjarjes, por dyshohet se makina ishte me shpejtësi tej normave të lejuara. /ABC News Albania 24/7

KORCE-GOGOZHARJA.mpg_snapshot_00.05-1280x720.jpg
ent ela16:24 | 03/10/2019

Në Korçë fermerët që kultivojnë specin e gogozhares së famshme po falimentojnë. E para se ka superprodhim dhe e dyta janë ndërprerë eksportet.

Gogozharja e Korçës shkonte edhe në tryezat e europianëve, por sot çdo gjë ka ndryshuar. Fermerët  ndryshe nga vitet e tjera e kanë të pamundur të gjejnë treg, për këtë lloj të veçantë speci që kultivohet vetëm në juglindje.

Superprodhimi i kësaj kulture tejkalon kërkesat e tregut rajonal, kurse ndërprerja e eksporteve ka gjetur të papërgatitur fermerët. Edhe pse sezonit të gogozhares po i vjen fundi, në Porodinë prodhimi ka mbetur ende në fusha.

Interesi i pakët nga tregtarët e shumicës rezervon fermerët ta vjelin duke e lënë të kalbet. Të tjerët e kanë ambalazhuar prodhimin stok dhe janë në pritje të blerësve nga zonat e tjera.

Duke parë mungesën e tregut, shumica e fermerëve kanë reduktuar sipërfaqet e mbjella me këtë kulturë, e cila ka qenë mjaft e preferuar në tregjet e huaja. Çmimi i ulët i grumbulllimit po i mban larg fermerët edhe nga industria përpunuese.

Fermerët që kanë dështuar me shitjet, e kanë hedhur prodhimin nëpër kanale. Të tjerët ankohen se ndryshimi i orarit të tregut të shumicës,i cili funksionon vetëm gjatë natës,ka ndikuar në uljen e sasisë së prodhimeve të shitura.

Zona e Korçës dhe Devollit kanë sipërfaqet më të mëdha të mbjella me këtë kulturë, e cila është ndër produktet kryesore të zahireve të dimrit. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono