korce

termete.jpg
ger ta18:25 | 23/01/2020

Lëkundje tërmeti janë regjistruar këtë pasdite në Juglindje të vendit. Sipas Institutit të Gjeoshkencave, lëkundjet janë regjistruar me magnitudë 3.5  të shkallës Rihter, 20 km në jug të Korçës.

Sakaq, thellësia është e tërmeti ka qenë 18 km. Lëkundjet janë ndjerë në të gjithë rrethin e Korçës./abcnews.al

korce3.jpg
in a15:01 | 20/01/2020

Banorët e Floqit në Korçë janë të paqartë për vlerën e përfituar të kompesimit. Ata pretendojnë se shumën e përfituar duhet ta ndajnë sërish me Bashkinë.

Por ky fakt është kundërshtuar nga bashkia, të cilët të kontaktuar nga “ABC News” thanë se banorët janë keqkuptuar, pasi fondi i përcaktuar për ta që në fillim ka qenë 50 %.

Ndërkohë durimit të banorëve të cilët presin prej muajsh presin riksontruksionin e banesave të dëmtuar nga tërmeti i 1 qershori në 2019, u erdhi fundi.

Një pjesë e tyre janë mbledhur këtë të hënë para zyrës së prefektit për të kërkuar nga prefekti një zgjidhje për kompesimin e përfituar. Banorët janë të paqartë për mënyrën e ndarjes së dëmshpërblimit.

“Më kanë bërë një vlerësim me 2 milion lekë të vjetra dhe nga këto 50% i mban shteti”, shprehet një banor.

Gjithashtu një tjetër banor shprehet njësoj, ai thotë se nga paratë e kompensuara 50 % i mban shteti. “Shteti jep, shteti i mban”, shprehet ai.

I kontaktuar nga “ABC News” kryetari i Bashkisë Sotiraq Filo tha se banorët janë keqkuptuar. Sipas ligjit të kompesimit për banesat e dëmtuara vlera e përfituar nga emergjencat civile është 50%, pjesa tjetër kompesohet nga vet banorët./abcnews.al

kryemadhi.jpg
R D15:50 | 18/01/2020

Monika Kryemadhi njësoj si Lulzim Basha është e bindur që ulja e palëve në një tryezë konsensuale për reformën zgjedhore ishte një fitore për opozitën. Në një takim me strukturat e LSI-së në Korçë, Kryemadhi foli me bindje se reforma do të pasohet nga zgjedhjet e parakoshhme.

“Opozita e Bashkuar e detyroi Rilindjen e Rames te pranojë zgjidhjen tonë për reformën zgjedhore”, u shpreh ajo.

Kur opozita e ka përmbushur të vetmen kërkesë nga Bundestagu, Kryemadhi thirrjen e ka për qeverinë të cilës i kërkon që të dorëzojë para drejtësisë vjëdhësit e votave.

“Pas dakordësimit për reformën i duhet kësaj qeverie që te mos mbaj peng të ardhmen e vendit. Duhet të zbatoje 8 kushtet e tjera të Bundestagut, mes tyre vënia në pranga të të korruptuarve”, vijoi kryetarja e LSI.

E bindur se vendi do të ketë një proces të afërt zgjedhor, thirrjen e ka për një bashkim kombëtar përballë Edi Ramës. Partitë opozitare krahas angazhimit të tyre në tryezën e reformës zgjedhore dhe Këshillin Politik i kanë bërë thirrje strukturave të bëhen gati për zgjedhje. /abcnews.al

SHKODER-BASHKIA-HIPOTEKA.mpg_snapshot_00.18-1280x720.jpg
R D16:39 | 17/01/2020

Gjykata e Korçës ka shpallur fajtorë dhe ka dhënë dënimin për ish-zyrtarët e Hipotekës, të akuzuar për falsifikim të dokumenteve dhe shpërdorim detyre. Ata akuzohen se në bashkëpunim me njëri-tjetrin kanë prodhuar dokumenta pronësie fikteve.

Në dosje, thuhet se qytetarët shkonin për të regjistruar pronat e tyre dhe janë pajisur me certefikata fiktive, ndërsa të dhënat nuk regjistroheshin në sistem.

Të dënuarit janë:

Erisild Gorari, akuza: Falsifikim dhe shpërdorim detyre, dënimi: 3 vjet burgim.

Arsidesa Hysa, akuza: Falsifikim; dënimi: 2 vjet burgim.

Erjon Arif, akuza: Falsifikim; dënimi: 2 vjet burgim.

Eriston Ziu, akuza: Falsifikim; dënimi: 1 vit burgim.

Andrea Zallemi, akuza: Falsifikim; dënimi: 4 muaj burgim.

/abcnews.al

floq-termeti.jpg
nev ila13:46 | 17/01/2020

Kjo banesë e familjes Pelivani në Floq të Korçës u dëmtua nga tërmeti. Për 6 muaj 6 pjesëtarë e saj u strehuan në një shkollë të fshatit, me shpresën se qeveria siç dhe premtoi, do t’ju riparonte totalisht banesën.

Siç tregon zonja e shtëpisë Pembja, edhe pse fondi i caktuar për ta ishte i konsiderueshëm, se çfarë u bë më paratë, nuk ka informacion, për sa kohë në banesën e saj, vetëm një restaurim të pjesshëm iu bë.

Tani ata janë të detyruar të mblidhen të gjithë për të jetuar në një dhomë.

“Na takonte 12 milionë e 300 po nuk i morëm, ja u lamë të na i bënin shtëpinë me aq bëhet një shtëpi nga e para”.

Sipas kësaj të moshuare disa riparime u detyruan ti bëjnë edhe vetë se dimri është i ftohtë.

“Blemë vetë çimenton dhe hekurin që e shtruam”.

Pembja thotë se as rritjen e mbesës nuk po e shijon dot se ajo u ngrit në këmbë në kushte të jashtëzakonshme.

“Kam ndenjur 5 muaj në shkollë, aty u ngrit mbesa më këmbë”, thotë ajo.

Edhe Bledar Mulla ka të njëjtin shqetësim, për riparimin e banesës, pasi s’ka ku jeton dhe ka marrë para borxh.

“Deri tani, më bënë gjysmën e çatisë, dy dhomat dhe kaq, të tjerat vajta mora borxh për ti bërë”.

Ai hedh dyshime të forta kur thotë se përse për restaurimin e banesave të dëmtuara në Floq pati diferencime.

“Nuk e di si u bënë, ca u bënë të reja, ca pjesë-pjesë, se çfarë ndodhi nuk e di, se me mik, se me parti, shumë e padrejtë është”.

1 qershor të vitit 2019 banesat e disa fshatrave të Korçës u shembën dhe u dëmtuan nga tërmeti. Vetëm Floqi numëron 120 shtëpi të dëmtuara, nga të cilat 40 janë shembur totalisht.

Qeveria ndau një fond për rindërimin dhe restaurimin e tyre, por jo të gjithë kanë përfituar deri tani në mënyrë të barabartë./abcnews.al

korce-1.jpg
in a16:54 | 15/01/2020

Në Qarkun e Korçës ka ngrica për shkak të temperaturave të ulëta. Burime të “ABC News” pranë spitalit të Korçës bëjnë me dije se 20 persona kanë kërkuar ndihmë mjekësore për shkak të frakturave në gjymtyrë.

Gazetarja Ledjona Xheladinaj kërkoi informacion zyrtar, por drejtoria e spitalit rajonal Korçë, refuzoi të përgjigjet.

Burime te “ABC News” raportojnë se 20 persona kanë shkuar në spital sepse kanë rrëshqitur dhe kanë pësuar fraktura.

Të gjitha rrugicat e qytetit juglindor kanë ngrirë prej temperaturave ekstremisht të ulëta. Mosha e tretë e ka edhe më shumë vështirë për të lëvizur nëpër rrugë dhe për pasojë pjesa më e madhe e personave që janë drejtur në siptal me krisje apo thyerje gjymtyrësh i përkasin të moshuarve.

“Abc News” kërkoi informacion zyrtar në spital, por drejtori refuzoi kërkesën./abcnews.al

vrasja-korce.jpg
nev ila18:00 | 09/01/2020

Vrasja e Altin Balliut, një vit më parë në Korçë ka përplasur Prokurorinë me Gjykatën. ABC News ka zbardhur dosjen hetimore të vrasjes. Gjykata ka vendosur që ta kthejë çështjen për rihetim pasi ka konstatuar mangësi në zbardhjen e ngjarjes.

Ndërsa familjarët pretendojnë se prokurori i çështjes po favorizon autorin e vrasjes, Olger Mustafa, duke kërkuar dënim me 20 vite burg. Vrasja e Altin Balliut në janar të 2019-së, ka përplasur Gjykatën dhe Prokurorinë e Korçës, për shkak të pretendimeve të familjarëve të viktimës dhe autorit të dyshuar.

Gjykata e Korçës ka vendosur që të kthejë për hetime të mëtejshme çështjen me argumentin se hetimet janë të paplota. Gjykata vlerëson se nuk është hetuar nga prokuroria konflikti që ka ndodhur përpara se të kryhej vrasja. Gjithashtu sipas gjykatës, nuk është bërë në mënyre të rregull transkriptimi i pamjeve filmike nga kamerat e sigurisë të bizneseve që kanë regjistruar ngjarjen.

Përplasja për këtë çështje ka nisur pas akuzës së ngritur nga Prokuroria, ndaj autorit Olger Mustafa. Prokuroria e akuzon Musten për “Vrasje me dashje”, ndërsa familjarët dhe avokati i viktimës pretendojnë se duhet të bëhet klasifikimi i akuzës në “vrasje në rrethana të tjera cilësuese ndaj dy ose më shumë personave, duke vënë në rrezik shumë njerëz”.

Sipas akuzës së prokurorisë, autori i krimit nuk mund të dënohet më shumë se 20 vite burg, ndërsa vepra penale e pretenduar nga familjarët e ka marzhin e dënimit nga 20 deri me burgim të përjetshëm.

Familjarët i kanë dërguar një ankesë Këshilli të Lartë të Prokurorisë për prokurorin Edmond Shytko, duke theksuar se ai po favorizon vrasësin e të afërmit të tyre.

Familjarët e Altin Balliut kërkojnë nga KLP që prokurori të zbatojë urdhrat e gjykatës për të rimarrë në pyetje të gjithë dëshmitarët dhe gjithashtu të zbardh me procesverbal numrat e telefonave të paidentifikuar që kanë komunikuar me autorin përpara se të kryhej krimi.

I dyshuari Olgert Mustafa u vetdorëzua në policinë e Korçes në mars të vitit të shkuar, ku ka deklaruar se është ndjerë i fyer dhe se krimin e ka kryer në gjendje të rënduar psikologjike. /abcnews.al

ksidenti-korce-1280x720.jpeg
nev ila21:22 | 07/01/2020

Një aksident është regjistruar së fundmi në Korçë.

Njoftohet se në këtë aksident janë përfshirë dy automjete të cilat janë përplasur me njëra tjetrën duke lënë të plagosur rëndë një person.

Nga të dhënat paraprake ABC News ka mësuar se nga ky aksident ka mbetur i plagosur drejtuesi  i mjetit tip Nissan me targa AA 748 OG.

Ndërsa në automjetin tjetër të përfshirë në këtë aksident, Mercedes Benz me targa AA 083 VU ngjyrë e zezë, në të cilin udhëtonin një çift bashkëshortësh sëbashku me vajzën e mitur,  ka mbetur e plagosur rëndë bashkëshortja e drejtuesit të këtij mjeti.

Vajza e vogël e çiftit fatmirësisht nuk është lënduar nga kjo përplasje.

Policia gjithashtu ka njoftuar se nga përplasja e dy automjeteve janë shkaktuar gjithashtu dëme të mëdha materiale.

Ndërkohë e plagosura është dërguar me urgjencë në spitalin e Korçës.

Policia po punon për zbardhjen e shkaqeve të këtij aksidenti./abcnews.al

vinci.jpg
in a10:36 | 07/01/2020

Gjykata e Korçës ka lënë të lirë Flamur Pallën, përgjegjësin teknik dhe Aurel Zyma manovratori i vinçit, të cilët u arrestuan pak ditë më parë pas aksidentit ku humbi jetën nje 36 vjeçar.

36- vjeçari në momentin e aksidentit po punonte në një pallat në ndërtim, ndërsa mbeti i plagosur edhe shoku i tij punëtor.

Prokuroria ka kërkuar për Flamur Pallën dhe Aurel Zymën masën e sigurisë ‘detyrim paraqitje’, kërkesë që është pranuar nga gjykata.

Ndërkohë Prokuroria është në pritje të konkluzioneve të ekspertëve, për të përcaktuar shkakun e vdekjes së 36 vjeçarit, Elvis Josifi dhe plagosjen e kolegut të tij në 3 janar.

Kujtojmë që ngjarja e rëndë ka ndodhur afër Pazarit të Vjetër në Korçë./abcnews.al

Lexo edhe: VIDEO/ Dëshmitarja rrëfen momentin kur vinçi goditi 35-vjeçarin në Korçë

korcaaa-1.jpg
R D20:05 | 05/01/2020

Reshjet e borës kanë paralizuar një pjesë të zonave të Qarkut të Korçës. Segmeti Korçë-Qafë e Qarrit dhe Korçe-Ersekë janë më problematike pasi ka prezencë akulli. E njëta situatë është edhe me rrugën që të çon drejt Dardhës. Ndërsa era e fortë që përfshiu vendin pas mesditës ka bërë që të ndërpritet energjia elektrike në disa zona.

Reshjet e dëborës dhe era e fortë kanë shkaktuar probleme në Qarkun e Korçës. Në disa segmente ka prezencë akulli dhe është i detyruesëshëm përdorimi i zinxhirëve për lëvizje të sigurt me makinë.

Gazetarja Ledjona Xheladinaj raporton se ka prezence akulli edhe segmenti rrugor Korçe-Erseke, ku drejtuesit e automjeteve duhet të tregojnë kujdes. Kjo rrugë është e pandriçuar, gjë që rrit rrezikun për aksidente të mundshme.

Në këtë rrugë janë dy borëpastruese që po hedhin grip për ta bërë rrugën më pak të rrëshqitshme dhe për të shmangur aksitetet.

Nga autoriteti rrugor shqiptar thuhet për Abc News se problem është edhe rruga që të çon drejt Dardhës. Aty qarkullimi bëhet me vështirësi dhe drejtuesit e automjeteve këshilliohen që të vendosin zinxhirët për të bërë udhëtimin më të sigurt.

Akset e tjera nacionale janë të kalueshme normalisht. Gjithashtu era e fortë dhe moti i keq kanë sjellë probleme edhe me furnizimin me energji elektrike. Zonat malore sic është Lozhan, Shtyllë dhe Mokër, prej disa orësh qëndrojnë në terr. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono