korca

aksidenti-ne-korce.jpg
G. P.13:38 | 19/07/2019

Një 60-vjeçar ka mbetur i plagosur në një aksident pasi zetori me të cilën udhëtonte u përmbys në hyrje të qytetit të Korçës.

Sipas policisë, 60-vjeçari ishte pasagjer në zetor dhe menjëherë pas aksidentit drejtuesi i mjetit është larguar nga vendngjarja. I lënduari ndodhet në spitalin rajonal të Korçës, por pa rrezik për jetën./ABC News Albania 24/7

leonard-olli-1.jpg
G. P.18:17 | 27/06/2019

Korça ka në afërsi të saj dy-tre bomba ekologjike për të cilat nuk flet askush. Kështu u shpreh këtë të enjte kandidati i Bindjes Demokratike për kryetar bashkie atje, Leonard Olli.

Ai ishte i ftuar në studion e ABC News përballë gazetares Juli Xhokaxhi ku theksoi se Korça është qyteti më i ndotur pas Tiranës. Ndërkohë si bomba ekologjike renditi edhe burgun e Drenovës, por edhe faktin që kurora e gjelbër e qytetit juglindor është zhdukur.

“A e dini ju sot që Korça është qyteti më i ndotur pas Tiranës. Mendoni se merrni ajër të pastër dhe sidomos ditëve të Krishtlindjeve ta dini që merrni ajrin më të ndotur duke shkaktuar dëm të pallogaritshëm në shëndetin e njerëzve. A e dini ju që në afërsi të Korçës ka dy-tre bomba ekologjike që nuk flet askush. Burgu i Drenovës që është në një afërsi 6 kilometra nga qyteti. A e dini që është i paintegruar në sistemin e ujërave të zeza? A e dini që sistemi i ujërave të zeza të burgut të Korçës sipas ekspertëve kalon në rrjedhje të lirë në të gjithë basenin ujor dhe shkon shumë pranë Turanit që është baseni kryesor që furnizon me ujë të pijshëm qytetin. Kush ka bërë një analizë në raport me  këtë? Kush ka bërë një studim në raport me këtë? Sa herë është matur cilësia e ajrit në Korçë? Po fakti që kurora e gjelbër e qytetit është denatyruar komplet. Fakti që pjesa jugperëndimore është lënë në mëshirë të fatit. E kam parë me sytë e mi, por edhe me kamera, edhe e fotografuar. Korça përtej fasadave është shumë herë më e madhe”, tha Olli.

Kandidati i Bindjes Demokratike deklaroi gjithashtu se ka gjetur një vendim të Këshillit Bashkiak të Korçës, në të cilën këshilltarët pa kryer asnjë tender, kishin bërë një vizitë 3 ditore në Korfuz me paratë e qytetarëve. Ai theksoi se edhe pse ka pasur investime në qytet, ato kanë qenë sa për fasadë pasi nuk kanë sjellë rritje të ekonomisë.

“E dini çfarë kam gjetur në një vendim të Këshillit Bashkiak? Vizitën e 32 këshilltarëve në Korfuz. Se ashtu ishte një punë dhe fondet nuk ishin bërë me tenderim që vizita të tenderohej nga agjencitë turistike, por ishte përcaktuar një element X nga ana e financierëve dhe 32 këshilltarë kishin kaluar 3 ditë të bukura në Korfuz. Jo me lekët e tyre ama, me lekët e bashkisë. Epo janë lekët e korçarëve ata. Nuk e mohoj pjesën e fasadës, por është një pjesë që nuk ka prodhuar asgjë për qytetin, pra investimet nuk kanë sjellë  rritje të ekonomisë për qytetin”, theksoi Olli./abcnews.al

KRONIKE-KORCE-TERMETI_ABC-M2-T1.mpg_snapshot_00.10-1280x720.jpg
ent ela13:39 | 01/06/2019

Disa tërmete të fuqishme që u regjistruan mëngjesin e sotëm në Korëe kanë dëmtuar mbi 70 shtëpi dhe katër persona kanë mbetur të plagosur lehtë. Më të prekurit janë fshatrat Floq, Mollas dhe Nikolicë. Banorët të tronditur dhe në panik kërkojnë ndihmë me çadra nga emergjencat civile.

Banorët e Korçës janë zgjuar të alarmuar. Disa goditje të fuqishme tërmeti u tronditen themelet e shtëpive. Gjithçka ndodhi rreth orës 16:30. Lëkundjet  ende vazhdojne. Juglindja nuk kishte parë të tilla tërmete që prej vitit 1960.

“Unë kam qenë i vogël në klasë të shtatë, ky tërmet ka rënë nuk mbaj mend si ky tërmet”.

Më të prekurat nga tërmeti janë fshati Floq, Mollas dhe Nikolicë. Mbi 70 shtëpi kanë pësuar  dëmtime. 10 prej tyre janë të pabanueshme. Katër banorë të fshatit Floq kanë marrë lëndime të lehta në trup. Bashkëfshatarët e tjerë në panik kanë braktisur shtëpitë. Dhe po qendrojnë në rrugë.

“Desh na zuri brenda, na bllokoi dhe dërën dhe të tëra”.

“Janë hapur të ngjita tavanet nuk mbajnë gjë”.

Banorët nuk kthehen më në shtëpi nga frika e lëkundjeve të tjera.

“Lagje e kishës 90% është e rrëzuar fare”.

“Ne jemi të gjithë komplet përjashta, nuk kemi ku të vemë”.

Ata kërkojnë ndërhyrjen e autoritteeve për të sjelle çadra por emergjencat civile deri tani do të furnizojnë fshatin Floq vetëm me 40 te tilla.

“I kanë lënë tërë përjashta banorët, s’kemi ku banojmë”.

Dëmtime ka në shtëpitë e amortizuare, kryesisht të ndërtimeve të viteve 1960 -1980. Policia ka kaluar në gjendje gatishmërie.

Nga informacionet e marra prej OSHEE Kolonjë mësojmë se ka çarje të mureve dhe rrezik shembjeje të kabinave elektrike në fshatrat Boshanj, Milec, Selenicë e Pishës, Çlirim, Qytezë, Shtikë dhe me dëmtime të shumta janë Pepellash, Blush, Qafzes, Qesarake, Kaltanj, Helmës.

Situata po ndiqet nga Prefektuara dhe të gjithe institucionet. Ndërkohë vazhdojnë verifikimet për shtëpi të tjera të dëmtuara nga nga tërmeti.

Nga informacionet e marra është raportuar se lëkundjet e tërmetit janë ndier në zonat përreth epiqendrave. Në Njësinë Administrative Mollaj, fshatin Dvoran, raportohen për 2 banesa të dëmtuara, dhe në fshatin Floq 3 banesa.

Lëkundjet sizmike me intensitet më të ulet vazhdojnë të ndihen në vazhdim në jug të vendit, si Gjirokastër e Korçë./ABC news Albania 24/7

minatoret-ne-proteste.jpg
G. P.11:02 | 23/05/2019

Ndërsa në parlament pritet të miratohet projektligji për minatorët dhe metalurgët, minatorët e Korçës, Ersekës dhe Devollit dolën në proteste para Prefekturës.   Syrja Ruci, kreu i sindikatës së minatorëve të Korçës tha se “po na gënjejnë për statusin, ne kërkojmë të drejtat tona”.

Ruci tha se vetëm vitin e fundit mbi 20 minatorë nga Korça kanë humbur jetën nga sëmundjet profesionale dhe ilaçet nuk rimbursohen. Ata pretendojnë që projektligji në parlament nuk plotëson kërkesat e tyre, ndaj do të përshkallëzojnë protestat deri në grevë urie./ABC News Albania 24/7

policia-naten-800x450-1-696x392.jpg
G. P.21:21 | 15/05/2019

Një oficer i policisë gjyqësore pranë prokurorisë së Korçës është arrestuar nga Shërbimi për Çështjet e Brendshme dhe Ankesat. Sipas një njoftimi zyrtare, E,S., 39 vjeç, akuzohet për “Vjedhje duke shpërdoruar detyrën” dhe “Falsifikim i formularëve”.

Në cilësinë e provës materiale u sekuestrua telefoni që i përkiste një shtetasi të arrestuar më parë, e sipas vendimit të Prokurorisë oficeri duhet t’ja kthente në cilësinë e sendit të bllokuar në momentin e ndalimit.

Drejtoria Vendore e Policisë Korçë e pezulloi dhe nisi menjëherë ecurinë disiplinore për shkelje të rëndë të detyrës ndaj oficerit të vënë nën akuzë. KLapja e tij u krye pas një denoncimi mediatik./abcnews.al

basha-2.jpg
Sej rie16:53 | 08/05/2019

Opozita është e bindur se zgjedhje në 30 Qershor nuk do të ketë. Nga Korça e Devolli, ku u takua me qytetarët, Lulzim Basha përsëriti se vendit i duhet qeveri tranzitore.

Fushata e partisë Demokratike është përqendruar në zgjedhjet e parakohshme parlamentare pasi të tjera zgjedhje nuk do ketë garanton kryedemokrati Lulzim Basha.

Nga Korça në Devoll, kryetari i Partisë Demokratike përsërit se beteja nuk mbaron me largimin e Edi Ramës.

“Është vetëm fillimi. Me largimin e Edi Ramës dhe një qeveri tranzitore, krijohen kushtet për zgjedhje të lira e të ndershme”.

Për Lulzim Bashën mazhoranca e vërtetë politike morale dhe numerike e Shqipërisë është Partia Demokratike dhe aleatët e saj. Ditën e mbylli me një surprizë siç e quan ai pritjen që i bën elbasanasit në kthim./ABC News Albania 24/7

ardian-takaj-1280x715.jpg
G. P.22:19 | 07/03/2019

Vendimi i arbitrave për të bojkotuar kampionatin është mbështetur nga presidenti i Skënderbeut Ardjan Takaj. Ai tha për TV Klan se ishte vetë situata e krijuar me dhunën e ushtruar ndaj Eldorian Hamitit në sfidën Kamza – Laçi që shkaktoi këtë situatë.

Ardjan Takaj, president i Skënderbeut: Është e drejtë e arbitrave që ta kërkojnë me këtë situatë dhe këtë që ndodhi. Mua më vjen mirë ta kërkojnë dhe ta kërkojnë deri në fund, sepse është shumë e rëndësishme edhe për futbollin shqiptar.

Për presidentin e Skënderbeut mungesa e policisë në ambientet e brendshme të stadiumit la pasoja që në fillim të kampionatit pikërisht në një ndeshje të zhvilluar në Korçë.

Ardjan Takaj, president i Skënderbeut: Shenjat kampionati i dha që në javën e parë, në Korçë dhe e dinim dhe e kemi paralajmëruar dhe e kemi kërkuar që të kthehet policia. Ne duam që të zgjidhet situata një orë e më parë. Të bëhet një ligj i ri për njerëzit që hyjnë në fushat e futbollit.

TV Klan kontaktoi edhe me përfaqësues të klubeve të tjerë të  Superligës, si Partizani, Kukësi, Tirana, etj të cilët nuk pranuan të prononcoheshin për situatën e krijuar në futbollin shqiptar.

Tv Klan

dita-e-veres.jpg
G. P.15:51 | 01/03/2019

Në Korçë ikja e dimrit është festuar sipas riteve tradicionale. Banorët natën kanë ndezur zjarret si simbole të ndërrimit të stinëve.

Në Korçë, stina e ftohtë ka mbaruar. Dimri për korçarët, në mënyrë simbolike, largohet ditën e fundit të Shkurtit. Dita e parë e stinës së re, është festuar në çdo shesh dhe rrugicë të qytetit, ku të gjithë bashkë, fëmijë dhe të rritur kanë ndezur zjarret tradicionale të kësaj feste pagane, që nga shekujt vjen si Dita e Verës.

“Të tërë kontribuojmë si lagje dhe bëjmë një zjarr, domethënë për të larguar dimrin e fortë, dimrin e acartë”.

Kapërcimi i zjarreve, që mbart simbolikën e purifikimit dhe largimit të së keqes është pjesë e ritualit të festës, tradita e së cilës përcillet e pandryshuar ndër breza.

“Çdo vitet e tjera, edhe këtë vit, shyqyr Zotit që na mbajti koha e mirë, ta festojmë.”

Edhe pse festë pagane, 1 Marsi në Korçë njihet si festa e besimtarëve ortodoksë. Në juglindje Dita e Verës festohet në dy data, 1 dhe 14 mars, që është edhe dita zyrtare e kësaj feste./abcnews.al

skender-gega-1.jpg
G. P.14:40 | 26/01/2019

Trajneri i Partizanit, Skënder Gega, është i kënaqur me fitoren në Korçë, ndërsa diskuton shanset e ekipit të tij për titull. Esat Mala mbetet lojtar vendimtar për kryeqytetasit

Nuk mund të dyshohet se këtë fitore e priste si ujët e paktë. Edhe pse objektivi i vetëm është titulli, sërish trajneri Skënder Gega e donte një fitore ndaj Skënderbeut, dhe padyshim që u lumturua shumë, aq më tepër që u arrit në Korçë. Kryeqytetasit kishin dy vjet pa suksese me kampionët, ndërsa goli i Malës i dha qetësinë në krye, si dhe duket se e largoi shumë Skënderbeun nga pretendimet për të mbrojtur titullin. Sidoqoftë, Gega nuk është një trajner që entuziazmohet para kohe. Jo vetëm kaq, por trajneri nuk ndan mendimin se Skënderbeu tashmë është pa shpresë.

Partizani nuk doli pa pasoja nga Korça. Ardit Hila u dëmtua duke nxjerrë shpatullën dhe do të mungojë ndoshta 4 javë, po ashtu tifozët janë ende të shqetësuar që ekipi vazhdon të fitojë minimalisht, duke shënuar vetëm nga një gol. Po ashtu, lojtari i rëndësishëm Lorenc Trashi nuk do të luajë në ndeshjen tjetër të Superligës ndaj Kamzës, pasi doli me të kuq. Gjithsesi, Gega nuk duket i shqetësuar. Autori i golit, Esat Mala, është padyshim një ndër protagonistët e sezonit. Ai ka shënuar katër herë, dhe të gjitha kanë qenë rrjeta me peshë, si ndaj Kukësit, Tiranës, Luftëtarit në Gjirokastër dhe tani Skënderbeut. Tri fitore e një barazim ka marrë Partizani nga golat e lojtarit ofensiv që, ndoshta, në verë mund të largohet nga Superliga./abcnews.al

49204753_1958593980928392_2210350746463895552_n.jpg
ent ela09:11 | 25/12/2018

Një defekt në  transformatorin e nënstacionit të Korçës ka lënë pa energji  disa lagje të qytetit dhe disa fshatra.

Pa energji elektrike ka mbetur edhe Voskopoja, Vithkuqi, Voskopi dhe fshatrat e fushës së Korçës.

Prej mbrëmjes së djeshme mungon energjia edhe në Devoll. Mësohet se defekti në transformator ka ardhur si pasojë e motit të keq. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono