kontrolle

policia-rrugore.jpg
nev ila10:30 | 08/10/2019

Njësia operacionale e Policisë Rrugore në DPPSH në bashkëpunim me Policinë Rrugore të Ebasanit kontrolle blic, gjatë 12 orëve të fundit, në akset rrugore Tiranë – Elbasan, Elbasan – Librazhd dhe Elbasan – Peqin.

Në kuadër të masave për parandalimin e akisdenteve rrugore, kryesisht në akset rrugore në të cilat javën e fundit janë shënuar ngjarje rrugore, Drejtoria e Policisë Rrugore hartoi një plan të posaçëm masash në bashkëpunim me Drejtoritë Vendore të Policisë në qarqe.

Gjatë 12 orëve të fundit janë zhvilluar kontrolle blic nga Njësia Operacionale e Policisë Rrugore në bashkëpunim me Policinë Rrugore të Elbasanit duke përdorur makina të uniformuara, por edhe makina civile të pajisura me sistem sinjalizimi zanor.

Gjatë kontrolleve blic, në tunelin e Krrabës, janë eviedentuar dhe ndëshkuar 12 drejtues automjetesh, të cilët qarkullonin me shpejtësi nga 130 deri në 140 km në orë në brendësi të tunelit, si dhe 17 të tjerë për shpejtësi tej normave të lejuara.

Janë evidentuar dhe ndëshkuar 25 drejtues mjetesh për parakalime të gabuara, 11 drejtues motoçikletash pa kaskë mbrojtëse dhe 8 për xhama të errësuar me qese plastmasi.

Janë kontrolluar 112 mjete, në disa raste është bërë edhe kontroll fizik i personave dhe kontroll i imtësishëm i automjetit për sende të kundërligjshme.

Nga Policia Rrugore e Elbasanit janë arrestuar në flagrancë tre drejtues motoçikletash për mungesë të lejes së drejtimit.

Kontrollet blic do vijojnë në të gjitha akset rruge të vendit, me qëllim parandalimin e aksidenteve rrugore dhe rritjen e parametrave të sigurisë së jetës në rrugë.

Policia Rrugore fton qyetarët të denoncojnë në numrin 112 dhe në Komisaraitin Dixhital cdo shkelje të rregullave të qarkullimit rrugor duke u garantuar anonimat dhe reagim të shpejtë e të paanshëm./abcnews.al

sarande-1280x753.jpg
Sej rie16:00 | 12/08/2019

Edhe përgjatë vijës bregdetare vijoje kontrollet përsa i takon respektimit të ligjit nga hotelet, baret e restorantet.

Çdo hotel apo shtëpi në Sarandë e publikuar në booking është nën monitorimin e tatimeve.

“Gjatë gjithë periudhës nga data 4 Korrik deri dje janë kryer në total 420 kontrolle dhe janë konstatuar 191 shkelje të legjislacionit tatimor”.

33 njësive akomoduese iu është bllokuar aktiviteti. 30 prej tyre nuk ishin regjistruar në organet e tatimeve ndërsa tre nuk lëshonin kupon tatimor për herë të dytë.  Ndaj të tjerëve kanë vepruar gjobat.

“30 subjekte janë konstatuar të paregjistruara në organet tatimore, për të cilët është marrë masa e bllokimit deri në momentin e regjistrimit të tyre pranë QKB dhe organeve tatimore.
·         35 tatimpagues të penalizuar për shkeljen e mos lëshimit të kuponit tatimor (rasti i parë), ndërsa 3 tatimpaguesve u janë bllokuar ambientet për 30 ditë kalendarike për mos lëshim kuponi tatimor (hera e dytë).
·         15 tatimpagues janë penalizuar pasi janë konstatuar me punonjës të padeklaruar, nga të cilët 12 subjekte janë të pergjegjësisë tatimore “biznes i vogël” dhe 3 subjekte janë të përgjegjësisë tatimore “biznes i madh”.

Aksioni kundre informalitetit në zonën bregdetare do të vijojë përgjatë të gjithë sezonit turistik. Vetëm në Saranda nëntë grupe të tatimeve ane shpërndarë në terren.

TAKSE-FORCE-NE-VLORE-MBULIM_ABC-M2-T1.mpg_snapshot_00.02-1280x720.jpg
ent ela13:08 | 25/07/2019

 

Pas ultimatumit nga ministrat Lleshaj dhe Klosi, Task Force ka nisur kontrollet e plazheve në jug të vendit. Nga monitorimi i 66 stacioneve plazhi në Vlorë, shumë prej tyre nuk kanë lidhur kontratë me pushtetin vendor. Megjithatë kanë kulla vrojtimi dhe sinjalistikë ujore.

Në Himarë, inspektimi ka prekur deri më tani 80 stacione plazhi, nga të cilat është konstatuar se në  disa stacione nuk ka ende vrojtues për shkak se janë në proces ende të trajtimit dhe marrjes së certifikates, kurse rreth 90% e tyre nuk kanë një kontratë të lidhur me  bashkinë Himarë. Në bashkinë Sarandë, janë evidentuar gjithsej 104 stacione plazhi, ku disa prej tyre nuk kanë kontratë me bashkinë. Aksioni i Task Forcës vazhdon në të gjithë bregdetin. /ABC news Albania 24/7

kkk-1280x710.jpg
Sej rie18:00 | 20/06/2019

Ditën e hënë task-forca e turizmit do të nisë kontrollet e rrepta në të gjitha subjektet që ushtrojnë aktivitetin në zonta bregdetare. Ministri Bledi Klosi tha se nuk do te ketë tolerancë përballë shkeljeve që konstatohen.

 Të gjitha subjektet  që operojnë në zonat e plazheve do t’i nënshtrohen një monitorimi të rreptë nga ana e task-forcës së turizmit të ngritur nga ministri i Mjedisit dhe Turizmit.

Ministri Klosi bëri me dije se vendimi i Këshillit të Ministrave që përcakton detyrimet e të gjithë atyre që shfrytëzojnë plazhet deri tani nuk është zbatuar nga shumë subjekte dhe për këtë siguroi se do të ketë ndëshkime.

Kontrolli i të gjitha subjekteve do të fillojë më 24 qershor për të përfunduar më 27 Korrik./ABC News Albania 24/7

durres-1280x726.jpg
Sej rie15:40 | 14/05/2019

Pasiguria për cilësinë e ushqimeve është kthyer në shqetësim për konsumatorët. Ky fenomen ka prekur edhe banorët në Durrës. Ata kërkojnë që strukturat shtetërore të bëjnë kontrolle të rrepta për këtë problem.

Njerëzit po kanë frikë të ushqehen.

Nuk kanë besim për cilësinë e produkteve dhe kjo u është kthyer në sëmundje.

Në Durrës siguria e ushqimeve është shqetësim me vete për banorët e tij.

Dhe kjo amvise ka kohë që blen vetëm tek tregtarët që njeh.

Ka të tjerë që nuk njohin shitës të besuar. Por mundohen të zgjedhin mes produkteve atë që e mendojnë të padëmshëm për shëndetin.

Qytetarët  vënë në dyshim cilësinë e çdo produkti;  perimet, frutat, bulmetin dhe nënproduktet e tij.
Ata kërkojnë ashpërsim të masave. Kontrolle nga strukturat përkatëse.

Durrësi është në pritje të turistëve dhe pushuesve. Por pasiguria për produktet ushqimore nuk do e rendis atë ne top listën e zonave të preferuara, nëse vendorët nuk marrin masa për standardet dhe cilësinë. Konsumatori do të besojë në atë me të cilën ushqehet çdo ditë./ABC News Albania 24/7

policia-kontrolle.jpg
G. P.21:27 | 25/04/2019

Policia ka zhvilluar një aksion policor gjatë ditës së sotme në qytetin e Krujës në lidhje me grabitjen e Rinasit. Sipas burimeve, janë ushtruar kontrolle në banesën e Elton Piklit dhe Oltion Veselit, të cilët dyshohet se janë të përfshirë në grabitjen e bujshme të miliona eurove në aeroport.

Efektivet e policisë kanë kontrolluar edhe në zonat e thella malore dhe në zonën e Niklës me qëllim arrestimin e personave të tjerë që janë në kërkim për këtë ngjarje.  Nuk dihet nëse janë gjetur sende, para apo prova të tjera gjatë këtij kontrolli blic. Kujtojmë që Elton Pikli është arrestuar teksa tentonte të largohej drejt Bullgarisë./abcnews.al

droge-korca-1280x713.jpg
G. P.10:31 | 03/04/2019

74 doza kokainë dhe plot shiringa zbuloi policia në një lokal në qendër të Korçës. Pronari i tij, nje 33- vjeçar u shpall në kërkim, ndërsa policia ka bërë kontrolle në shumë biznese e automjete të këtij qyteti.

Edhe në Pogradec, u arrestua një shpërndarës droge, i cili mbante doza kokaine dhe kanabis në motor dhe i dërgonte porositë sa herë i kërkonin. Ai u kap në rrugën Pogradec -Tushemisht. Forcat e policisë në dy këto qytete vazhdojnë operacionin kundër shpërndarësve të drogës./abcnews.al

4ae22113-05c9-49d9-9cf7-4b2d24167ac2-1280x720.jpg
ent ela21:29 | 31/03/2019

Kontrolle të befasishme të policisë në rrugët, bizneset dhe në disa banesa në Elbasan. Aksioni në shkallë të gjerë u ndërmor mbrëmjen e se të dielës, ku forca të Drejtorisë së Policisë Elbasan, të mbështetura edhe nga FNSH dhe forcat “Shqiponja” ushtruan kontrolle në të gjitha kryqëzimet dhe akset rrugore të Elbasanit si dhe nëpër lagjet kryesore të këtij qyteti.

Mjaft drejtues automjetesh janë kontrolluar imtësisht për të zbuluar elementë kontingjente ose me precedentë penalë. Por, sipas të dhënave, kontrolle ka pasur edhe në disa lokale dhe biznese si dhe banesa.
Ende nuk ka një informacion zyrtar në lidhje me persona të ndaluar. Burime nga policia bënë me dije se këto janë kontrolle rutinë të policisë në kuadër të ruajtjes së rendit dhe qetësisë publike si dhe për të kapur persona të skeduar si të inkriminuar. Pas ngjarjes së fundit, ku mbeti i vrarë avokati i njohur Ravik Gurra, kontrollet dhe prania e forcave policore kanë qenë të vazhdueshme./abcnews.al

POLICIA-PER-FESTAT-E-FUNDVITTI.mpg_snapshot_02.05-1280x720.jpg
G. P.15:04 | 22/12/2018

Shefi i Rendit Publik në policinë e shtetit Albert Dervishaj detajoi planin e masave që do të merren për festat e fundvitit. Policia do të kalojë në shërbim të përforcuar në të gjithë vendin, ku vëmendja kryesore do të jetë sigurimi i rendit në sheshet kryesore dhe pikat e kalimit kufitar.

Festat e fundvitit po afrojnë, ndërsa policia thekson se ka kaluar në shërbim të përforcuar. Gjatë një deklarate për mediat Albert Dervishaj Shefi i Rendit në policinë e Shtetit pohoi se fokusi është sigurimi i rendit në sheshet kryesore dhe ato të qendrave tregtare.

Albert Dervishaj, shefi i rendit publik në Policinë e Shtetit: “Pikësynimi i këtyre masave është edhe analizimi i informacioneve që kanë të bëjnë me ngjarjet kriminale, me personat me precedentë kriminal. Me problematika të tjera të cilat janë të evidentuara gjatë kohës, me qëllim kapjen dhe identifikimin e personave autorë të veprave penale, të personave në kërkim dhe vënien e tyre para përgjegjësisë penale.”

Të gjithë drejtuesit e automjeteve duhet të jenë të kujdesshëm, pasi kontrollet do të ushtrohen jo vetëm në akset kombëtare, por edhe në ato në bredësi të qyteteve.

“Sigurimi i akseve rrugore nga lëvizja e automjeteve, të cilat janë shtuar në këtë prag fundviti. Do të mbështeten shërbimet e kontrollit të territorit edhe me grupet e reparteve të ndërhyrjes së shpejtë të Tiranës, të Shkodrës, të Fierit të cilat janë vënë në dispozicion të të gjitha strukturave vendore të policisë.”

Shefi i rendit nuk la pa përmendur edhe ndalimin e fishekzjarreve apo lëndëve piroteknike në pikat e pautorizuara.

“Parandalimi i përdorimit të fishekzjarreve në kushtet të pa lejuara nga ligji dhe nga aktet normative. Në zbatim të urdhërit të përbashkët të 3 ministrave: Ministrit të Brendshëm, Mbrojtjes, Financave dhe Ekonomisë, efektivat e policisë së shtetit në bashkëpunim me instuticione të tjera në kuadrin e task forcës së krijuar për këtë qëllimdo të ushtrojnë kontrolle në të gjitha objektet e licensuara që pordhojnë, tregotojnë apo mënyrën e përdorimit gjatë mbrëmjes së Vitit të Ri.”

Një vëmendje të veçantë do ti kushtohet rrezikut nga terrorizmi si edhe forcimit policor të pikave të kalimit kufitar./abcnews.al

dhimitraq-ziu.jpg
G. P.15:15 | 30/11/2018

Policia e Tiranës ka paralajmëruar tifozët që të mos shkaktojnë incidente në derbin e sotëm. Priten kontrolle të forta, sidomos për të mos lejuar që në stadium të hyjnë lëndë plasëse.

Është një nga ndeshjet me interesimin më të lartë. Edhe policia e di mirë sesa i rrezikshëm mund të bëhet hera-herës derbi i kryeqytetit, ndaj edhe synon të marrë të gjitha masat për të mos lejuar incidente. Një nga shqetësimet më të mëdha lidhet me përdorimin e mundshëm të lëndëve plasëse, si kapsollat, në stadiumin “Selman Stërmasi” për ndeshjen e Superligës të orës 18:00, ndaj edhe bëhet një paralajmërim. Ai që flet është zv. drejtori i Policisë së Tiranës, Dhimitraq Ziu.

“I bëj thirrje të gjithë spordashësve të gjitha shërbimeve dhe qytetarëve që të qëndrojnë larg mjeteve piroteksnike. Mos të marrin guximin të afrohen në stadium me lëndë piroteknike, fishekzjarre. Po ashtu kemi porositur të gjitha shërbimet, në të gjitha rrugicat, në të gjitha rrugët ku do të kalojnë tifozët do të ushtrohet kontroll dhe do të mbahet kontroll për mbajtjen e fishekzjarreve”, tha ai.

Në “Selman Stërmasi” priten disa mijë tifozë, por për fat shumica dërrmuese do të jenë të Partizanit, ndërsa ultrasit e palës tjetër kanë deklaruar se nuk do të shkojnë. Tifogrupi “Tirona Fanatiks” bëri me dijë se do ta bojkotojë derbin për shkak se nuk dëshiron të jetë në inferioritet numerik në stadiumin që e quan shtëpia e tij. Policia pritet të marrë edhe masa të tjera të forta, në mënyrë që të mos ketë skena siç ndodhi në Korçë, në ndeshjen Skënderbeu-Partizani, në javën e parë të Superligës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono