kontrabandë

1550177736-8010.jpg
Sej rie13:10 | 12/06/2019

180 milion litra alkool të kontrabanduar me një dëm prej 80 milion eurosh. Është kjo akuza me të cilën janë arrestuar 20 persona dhe disa të tjerë janë shpallur në kërkim. Pijet kontrabandoheshin në 17 vende anëtare të Bashkimit Evropian.  

Policia financiare në Udine, së bashku me ushtarakë të 12 komandave të tjera, kryen arrestimin e 20 personave në shtatë rajone të Italisë. Ata akuzohen për ideimin, promovimin dhe pjesëmarrjen në një shoqatë kriminale. Shoqata ishte aktive prej vitesh në Evropë dhe trafikonte pije alkoolike në 17 vende anëtare të BE-së. deri tani llogaritet se janë kontrabanduar 180 milion litra alkool për një dëm prej 80 milion eurosh.

Operacioni arriti të shpërbëjë një bandë, drejtuesit e të cilës ishin në Mbretërinë e Bashkuar, dhe që trafikonte kryesisht vodka, uiski dhe pije të tjera alkoolike. Pikërisht këta drejtues janë shpallur në kërkim./ABC News Albania 24/7  

qafe-thaneee.jpg
G. P.14:01 | 17/11/2018

5 punonjës të doganës së Qafë-Thanës dhe 4 persona të tjerë janë arrestuar për shpërdorim detyre dhe kontrabandë mallrash. Të gjithë në bashkëpunim me njëri–tjetrin dyshohet se kanë futur kontrabandë një kamion me goma të përdorura.  

Policia e Korçës në bashkëpunim me Shërbimin e Çështjeve të Brendshme ka arrestuar 9 persona, 5 prej të cilëve punonjës në doganën e Qafë Thanës. Ata akuzohen se kaluan kontrabandë në doganë një kamion me goma të përdorura.

Në pranga ka përfunduar Stefan Hila, me detyrë përgjegjës turni në Doganën e Qafë Thanës, Anesti Tushinka, doganier, Ilir Spahiu, doganier, Lefter Duraj, përgjegjës turni i grupit të antikontrabandës, pranë Drejtorisë së Përgjithshme të Doganave, Mikel Goxharaj, inspektor i grupit të antikontrabandës pranë Drejtorisë së Përgjithshme të Doganave, Kelti Ristani, agjent doganor, Edmond Kodra, poseduesi i gomave, Stojmir Treneski, shoferi i kamionit dhe Petraq Dimko, poseduesi i ambjentit ku magazinohej malli kontrabandë.

Punonjësit e doganës në bashkëpunim me të tjerë persona futen kontrabandë një kamion me rreth 2100 goma të përdorura. Drejtuesi i kamionit u arrestua në kohën që po shkarkonte mallin në një magazinë pranë fshatit Sovjan të Pogradecit./abcnews.al

41527eea-1c55-4ead-ab08-9b54b019e92f.jpg
ent ela21:09 | 19/09/2018

Dy punonjës të autoritetit portual të Durrësit janë vënë në pranga për kontrabandë mallrash dhe shpërdorim detyre. Të arrestuarit janë Artan Dhima 49 vjeç, doktor në Autoritetin Portual Durrës dhe Zamir Çyrbja 41 vjeç, shoferi i ambulancës. Të dy dyshohet se në bashkëpunim me njëri-tjetrin merrnin steka duhani të markave të ndryshme në tragetet që ankoroheshin në Portin e Durrësit dhe i fusnin në mënyrë kontrabandë me një mjet ambulance.

Më pas këto mallra ua shisnin personave të ndryshëm. Në cilësinë e provës materiale policia ka sekuestruar 300 paketa të markave të ndryshme, 1 mjet te llojit ambulance, 1 automjet tip Ford dhe dy celularë./abcnews.al

ARRESTOHET-PER-KONDRABANDE-MBULIM-ABCM3T1.mpg_snapshot_00.20-1280x717.jpg
G. P.15:55 | 15/09/2018

Policia ka vënë në pranga një 57 vjeçar nga Korça me akuzën e kontrabandës së mishit nga Greqia. Bëhet fjalë për Nazar Dvoranin, të cilit uniformat blu dhe inspektorët e Autoritetit Kombëtar të Ushqimit i gjetën në dyqan një sasi prej 500 kg mish dhe produkte të tij. Malli, sipas policisë, ishte në gjendje të ngrirë dhe mbante mbrishkime greke.

Sipas policisë, me 1 gusht të këtij viti AKU e kishte bllokuar dyqani nën administrimin e Nazar Dvoranit pasi gjatë kontrollit të ushtruar konstatoi një sasi prej 350 kg mish jashtë standarteve higjeno-sanitare megjithëkëtë, 57 vjeçari vijonte të ushtronte aktivitetin./abcnews.al

kontrabanda-1280x590.jpg
G. P.14:17 | 05/04/2018

Goditet një grup kriminal që kryente kontrabandë mallrash, ndërsa u prangosën 17 persona e 5 të tjerë u shpallën në kërkim.

Sipas policisë së shtetit, u sekuestruan 2.7 ton kafe e dyshuar kontrabandë, vlera e së cilës në treg arrinte 900 mijë lekë.

Gjithashtu u bllokuan edhe 105 mijë paketa cigare pa pullë fiskale me vlerë 28 milionë lekë. Secili prej të ndaluarve kishte funksione të caktuara në këtë veprimtari te paligjshme si financues, transportues, magazinues apo tregtare.

Disa nga personat e arrestuar, sipas uniformave blu, janë me precedent penale,  të akuzuar më herët po për kontrabandë mallrash.

Malli i sekuestruar gjatë këtij operacioni policor shitej në dyqane, lokale dhe qendra tregtare.

Njoftimi i Policisë

Operacioni “Forca e Ligjit” godet një tjetër grup të strukturuar kriminal që operonte në Tiranë në fushën e kontrabandës. Policia ka ndaluar 17 persona dhe ka shpallur në kërkim 5 të tjerë, si anëtarë të këtij grupi. Sekuestrohet kafe, koli me cigare, automjete dhe shuma të mëdha lekësh.

Në kuadër të operacionit “Forca e Ligjit”, Seksioni për Krimin Ekonomik dhe Financiar në D.V.P. Tiranë, në bashkëpunim me Prokurorinë e Rrethit Gjyqësor Tiranë dhe Forcën e Posaçme për Operacione Speciale në D.V.P Tiranë, finalizoi me sukses operacionin “Kontrabanda 2018”.

Grupi ndiqej prej disa muajsh me metoda speciale të hetimit. Në kuadër të këtij operacioni u bë ndalimi i 17 shtetasve në kryeqytet, mes tyre të proceduar edhe më parë:

• Astrit Vila, 56 vjeç, banues në Tiranë
• Dashamir Ymeri 46 vjeç, banues në Tiranë, i dënuar më parë për “Kontrabandë me mallra për të cilat paguhet akcizë”.
• Edvin Aliko, 51 vjeç, banues në Tiranë.
• Xhoi Besholli, 23 vjeç, banues në Tiranë.
• Agim Velo, 44 vjeç, banues në Tiranë, i dënuar më parë për veprën penale “Kontrabandë me mallra për të cilat paguhet akcizë”.
• Merushe Xhani, 54 vjeçe, banues Tiranë, e dënuar për veprën penale “Kontrabandë me mallra për të cilat paguhet akcizë”.
• Olsi Hamolli, 39 vjeç, banues në Tiranë, i dënuar më parë për veprën penale “Kontrabandë me mallra për të cilat paguhet akcizë”.
• Artan Hamolli, 46 vjeç, banues në Tiranë.
• Valter Kondi, 56 vjeç, banues në Tiranë.
• Fredi Bejkollari, 44 vjeç, banues në Tiranë.
• Bujar Beqiri, 53 vjeç, banues në Tiranë.
• Divlon Gjoni, 33 vjeç, banues në Tiranë.
• Arben Pervataj, 44 vjeç, banues në Tiranë.
• Admir Zylfo, 31 vjeç, banues në Tiranë.
• Petrit Mëcuku, 60 vjeç, banues në Tiranë.
• Bektesh Gica, 56 vjeç, banues në Tiranë.
• Amario Hoxha, 29 vjeç, banues në Tiranë.

Janë shpallur në kërkim edhe 5 persona të tjerë, por për shkak të specifikës së hetimit nuk bëhen të ditura gjeneralitetet. Arrestimi i anëtarëve të dyshuar të këtij grupi kriminal, u bë pasi në bashkëpunim me njëri-tjetrin kryenin aktivitetin e kundraligjshëm për veprat penale “Kontrabandë me mallra për të cilat paguhet akcizë ose pezullim të plotë apo të pjesshëm, nga detyrimet doganore ose të akcizës dhe tregtim transportim i mallrave që janë kontrabandë”, parashikuar nga nenet 178/3 dhe 172/2 të Kodit Penal.

Çdonjëri prej të ndaluarve kishte funksione dhe role të caktuara në këtë veprimtari si financues, transportues, tregëtues dhe apo magazinues malli. Gjatë kontrollit në njësi tregtare, dyqane, lokale, magazina, banesa, kioska, Policia gjeti dhe sekuestroi në cilësinë e provave materiale:

• 2.7 tonë kafe e dyshuar kontrabandë, me një vlerë në treg rreth 900 mijë lekë;
• 2 automjete të markave ‘Mercedez Benz’ dhe ‘Volkswagen Passat’;
• 28 telefona të markave të ndryshme;
• 105 000 paketa të markave të ndryshme pa pullë fiskale, me vlerë shitjeje në treg, rreth 28 milionë lekë;
• 300 mijë lekë, etj.

Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të mësipërm, për veprat penale të “Kontrabanda me mallra për të cilat paguhet, akcizë ose pezullim të plotë apo të pjesshëm, nga detyrimet doganore ose të akcizës dhe tregtim, transportim i mallrave që janë kontrabandë dhe Shkelje të Drejtave e Pronësisë Industriale”.
Policia e Shtetit në bashkëpunim me Prokurorinë po vijon punën intensive në kuadër të Operacionit “Forca e Ligjit”, për realizimin e plotë të objektivit për shkatërrimin e të gjitha grupeve të skeduara kriminale dhe sekuestrimin e aseteve të tyre financiare./abcnews.al

kontrabanda.jpg
G. P.12:52 | 22/03/2018

Katër persona u arrestuan në Shkodër si kontrabandistë cigaresh me Malin i Zi. Ata janë Aleksandër Kontiç, 54 vjeç, rezident ne Podgoricë, Edmond Gjolaj, 44 vjeç, nga Malësia e Madhe, Ardian Okaj, 45 vjeç, nga Shkodra, Albert Hasanaj, 45 vjeç nga Malësia e Madhe.

Finalizimi i operacionit të koduar “Vijimësia” ka çuar në sekuestrimin e 90 koli me cigare, rreth 15 mijë euro, 7 telefona celularë dhe 3 automjete.

Sipas policisë, të arrestuarit në bashkëpunim me njëri-tjetrin kanë organizuar kontrabandim të cigareve të markave të ndryshme nga Mali i Zi për në Shqipëri, duke importuar dhe transportuar në rrugë ilegale, jashtë pikave doganore kryesisht në zonën kufitare të Malësisë së Madhe, nga kufiri i gjelbër dhe me mjete lundruese nëpërmjet liqenit të Shkodrës./abcnews.al

vlcsnap-error857-1280x720.jpg
us er14:45 | 10/01/2018

Një sasi cigaresh kontrabandë janë sekuestruarnë pikën e kalimit kufitare të Qafë Thanës.

Gjate kryerjes se procedures se skanimit ne kamionin e drejtuar nga Agim Veseli jane konstatuar 50 koli cigare kontrabande  të cilat do te hynin ne Shqiperi.

Drejtuesi i kamionit eshte ndaluar dhe akuzohet per vepren penale “kontrabandë me mallra që paguhet akcizë”.

Ndërsa policia kufitare ka bllokuar kamionin me gjithë ngarkesën./abcnews.al

 

vlcsnap-error645.jpg
us er19:01 | 07/11/2017

6100 koli me cigare janë bllokuar në Portin e Durrësit. Lajmi është bërë i ditur nga Drejtoria e Përgjithshme e Doganave, që njofton se bllokimi është bërë mbrëmjen e së hënës, pas një hetimi të nisur në 30 tetor të këtij viti, bazuar në informacionet e marra nga strukturat inteligjente të partnerëve ndërkombëtarë. Pas verifikimit të elementëve të sigurisë së 5 konteinerëve,- thuhet në njoftimin e doganave- rezultoi se plumbçet e tyre ishin origjinale dhe të padëmtuara. Në total, tek të pestë kontenierët ndodheshin 6100 koli ose 3 milionë 50 mijë paketa cigare, sasi e njëjtë me ate të pasqyruar tek dokumenti i transportit i paraqitur në doganë.
Duke iu referuar dosjes së të dhënave të disponueshme të Drejtorisë së Përgjithshme të Doganave, vlera e 6100 kolive cigare, është rreth 610 mijë euro, kurse shuma e detyrimit doganor të llogaritur për këtë sasi cigaresh, është rreth 428 milionë lekë. Në njoftim theksohet se paketat e cigareve ishin të papajisura me pulla fiskale. Strukturat hetimore të Drejtorisë së Përgjithshme të Doganave kanë referuar materialin në Prokurorinë e Durrësit dhe kanë marrë të gjitha masat për sekuestrimin dhe konfiskimin e këtij malli të paligjshëm, i cili mendohej se do të kalonte për përdorim ilegal në tregjet europiane./abcnews


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono