konstituimi

OK-HAPAT-PER-KUVENDIN-DHE-QEVERINE-KOSOVE.mpg_snapshot_00.26-1280x720.jpg
ent ela17:40 | 08/11/2019

Grupet e punës të Lëvizjes Vetëvendosje dhe Lidhja Demokratike e Kosovës, dy subjekte që janë renditur të parat në zgjedhjet në Kosovë, kanë mbajtur deri tani 6 takime për të përafruar programin qeverisës. Dy partitë kanë 30 ditë kohë deri sa presidenti të thërrasë seancë konstituive të parlamentit të ri të dalë nga zgjedhjet e 6 tetorit.

Megjithëse KQZ në Kosovë shpalli rezultatin përfundimtar të zgjedhjeve të 6 tetorit, ende mbeten një sërë procedurash për të shkuar deri në parlamentin dhe qeverinë e re. Dy partitë që kanë dalë të parat Lëvizja Vetëvendosje me 32 deputetë dhe Lidhja Demokratike e Kosovës me 29 deputetë tashmë kanë mbajtur gjashtë takime për të përafruar programin qeverisës të udhëhequr nga këto dy subjekte politike. Nisma nuk arriti të futej në Kuvend për 134 vota.

Instituti Demokratik i Kosovës (KDI) ka shpjeguar hapat drejt konstituimit të Kuvendit dhe formimit të Qeverisë.

Pas shpalljes së rezultateve përfundimtare nga Komisioni Qendror i Zgjedhjeve (KQZ), Presidenti thërret seancën konstituive të Kuvendit brenda 30 ditëve nga shpallja e rezultateve përfundimtare.

Në seancën konstituive, konfirmohen (verifikohen) mandatet e deputetëve. Pastaj Kuvendi konsiderohet i konstituuar pas votimit të suksesshëm të kryetarit dhe nënkryetarëve të tij. Në rastin tjetër sipas KDI-së, nëse Presidenti nuk e thërret këtë seancë, ajo mund të thirret nga vet Kuvendi.

Pas kësaj seanca e parë konstituive udhëhiqet nga deputeti më i vjetër dhe më i ri i Kuvendit.

Më pas kryetari i Kuvendit propozohet nga grupi më i madh parlamentar dhe zgjedhet me shumicën e votave të të gjithë deputetëve të Kuvendit. Me shumicë të votave zgjedhen edhe tre nënkryetarët, të propozuar nga tri grupet më të mëdha parlamentare dhe dy nënkryetarë që përfaqësojnë komunitetet që nuk janë shumicë në Kuvend.

Pas konstituimit të Kuvendit, Presidenti i propozon Kuvendit kandidatin për kryeministër. Kandidati për kryeministër, duhet ta paraqes përbërjen e kabinetit të tij qeverisës para Kuvendit të Kosovës brenda 15 ditës pas emërimit.

Nëse përbërja e propozuar e Qeverisë nuk merr shumicën e votave të nevojshme, Presidenti obligohet që brenda 10 ditësh të emëroj kandidatin tjetër sipas të njëjtës procedurë.

Më pas propozimi për kandidatin për kryeministër bëhet në konsultim me subjektin politik që ka fituar më së shumti ulëse në Kuvend. Qeveria konsiderohet e zgjedhur nëse merr shumicën e votave të të gjithë deputetëve të Kuvendit të Kosovës.

Në rastin kur përbërja e propozuar e Qeverisë nuk merr shumicën e votave nevojshme, atëherë Presidenti shpall zgjedhjet ku duhet të mbahen jo më vonë se dyzetë (40) ditë nga dita e shpalljes së tyre.

Por të gjitha këto procedura duhet të ndodhin pas shqyrtimit të të gjithave ankesave të subjekteve politike nga ana e PZAP-së dhe ankesave nga Gjykata Supreme. Sipas nenit 66 të Kushtetutës së Kosovës, brenda 30 ditëve pas shpalljes përfundimtare të rezultateve nga KQZ, presidenti duhet të thërras seancën konstituive të Kuvendit.

Nëse Presidenti nuk e bën këtë, seanca mund të thirret nga vet Kuvendi. Sipas KQZ-së pjesëmarrja e qytetarëve në zgjedhjet e 6 tetorit ishte 44,72 për qind. Ndërsa në bazë të rezultateve të KQZ-së, Lëvizja Vetëvendosje ka fituar 220 mijë e 811 vota apo 26,159 për qind, LDK 206 mijë e 458 vota apo 23,458 për qind, PDK ka 178 mijë e 645 vota apo 21.163 për qind, AAK-PSD koalicioni 100 për qind Kosovë ka 96 mijë e 883 vota apo 11, 477 për qind, Lista Serbe 57 mijë e 15 vota apo 6.754 për qind, Nisma-AKR-PD 42 mijë e 72 vota apo 4.984 për qind. /abcnews.al

lexzhe-1280x743.jpg
nev ila16:30 | 13/08/2019

Në Bashkinë e Lezhës nuk do të ketë rezistence gjatë kostituimin e Këshillit Bashkiak dhe betimit të kryetarit poçes i cili do të zhvillohet ditën e mërkure. Në një dalje për mediat kryetari demokrat në largim Fran Frrokaj tha se nuk do të prese në zyre Pjerin Ndreun, pasi sipas tij 30 qershori ishte një farsë. “Përfituesit në mënyrë jo korrekte me ligjet janë të majtët, por gjithsecili të paktën një herë kanë qenë në zyrën time dhe nuk e kam ndërmend të baltos 16 vite të punës time si kryetar bashkie dhe të nxis turma të ekzaltuara pro apo kundra atij. Dua ti uroj mbarëvajtje institucionit të bashkisë”, tha Frrokaj./ABC News Albania 24/7

KRONIKE-BETOHET-VELIAJ_ABC-M4-T2.mpg_snapshot_00.08-1280x720.jpg
ent ela22:20 | 30/07/2019

Kryetari i Bashkisë së Tiranës Erion Veliaj u betua para Këshillit Bashkiak të dalë nga zgjedhjet e 30 qershorit, se do të vijojë intensivisht punën për tranformimin e Tiranës. I pranishëm në mbledhjen e parë ishte edhe kryeministri Edi Rama, i cili tha se pavarësisht sulmeve politike, socialistët nuk i ndal asgjë për të punuar me përkushtim.

Erion Veliaj u betua pasditen e kësaj të marte, për një mandat të dytë në krye të Bashkisë së Tiranës.

“Betohem”.

Gjatë fjalës së tij të parë si kryetar i bashkisë më të madhe në Shqipëri, Veliaj solli në vëmendje situatën në të cilën e gjeti bashkinë 4 vjet më parë, ndërsa u zotua se do të vijojë me përkushtim maksimal punën për transformimin e Tiranës.

“Jam sot shumë krenar që Tiranën e kemi kthyer në një qytet shumë cilësor për fëmijët dhe do të doja që t’i kishim gjithmonë parasysh në të gjithë vendimmarrjet tona. 17 shkollat e reja janë në punë e sipër.  Ne kemi ndryshuar ligjet e Urbanistikës, çdo leje tani jo vetëm taksohet më shumë ndërtuesi, por kushtëzohet me marrjen e tokës së pandërtuar në dhuratë, pra në pronësi të Bashkisë, për t’u siguruar që të njëjtën gjë që po bëjmë me shkollat të bëjmë me kopshtet e çerdhet e Tiranës”.

Betimin e kryetarit të Bashkisë e parapriu konstituimi i Këshillit Bashkiak të Tiranës, ku kryetar u zgjodh zv.mninistri i Drejtësisë,  Toni Gogu. Në detyrën e nënkryetarëve u zgjodhën Vjollca Braho dhe Luan Bregasi.

Në mbledhjen e parë të këshillit të Ri bashkiak ishte i pranishëm edhe kryeministri Edi Rama, i cili listoi një sërë projektesh që do të gjejnë zbatim në 4 vitet e ardhshme.

“Piramida që do hapet, kampusi i ri universitar që  do ndërtohet brenda këtij mandati të sapo nisur sot, teatri tjetër kombëtar për fëmijët pas këtij për të rriturit, kopshti i ri zoologjik, unaza e madhe ajo që shtrihet përtej unazës së re dhe lidhet me Bregun e Lumit, parku olimpik që duhet të plotësohet sheshi Nënë Tereza që do të këmbësohet dhe ndërtesa e re e akademisë së arteve. Nuk do shembin këtë që është, por pjesa plotësuese që asaj i ka ardhur fundi u ndërtua në komunizëm por nuk është më. Biblioteka kombëtare, rrjeti i ri i agroturizmit përreth”.

Rama iu përgjigj edhe akuzave të opozitës për lidhje me oligarkët, duke folur me gjuhën e shifrave.

“Kryebashkiaku i dështuar që përmes një tatëpjete nga humbja në humbje kërkon të ngjitet dhe të bëhet kryeministër i dha 880 mijë metra katrorë ndërtim në vetëm 85 leje. Ndërsa kryebashkiaku ynë që sot nis zyrtarisht mandatin e dytë firmosi 130 metra katrorë ndërtim më pak për 100 leje ndërtimi më shumë. Tani, më falni, kush është i të ashtuquajturve oligarkë dhe pasanikë?”.

Gjatë mbledhjes së të martës, u bë edhe betimi i 61 këshilltarëve të rinj të bashkisë së Tiranës.  /ABC News Albania 24/7

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono