kongresi amerikan

180207192557-nancy-pelosi-house-speech-exlarge-169.jpg
ent ela12:52 | 08/02/2018

Demokratja 77 vjeçare Nancy Pelosi ka thyer çdo rekord në Kongresin Amerikan, duke folur për tetë orë pa ndërprerje për programin që mbron fëmijët e emigrantëve në Shtetet e Bashkuara të Amerikës. Fjala e saj u ndoq dejtpërsëdrejti në Tuiter nga më shumë se 280 mijë përdorues.

Një fjalim pa ndërprerje dhe i gjatë tetë orë, në mbrojtje të emigrantëve të rin që janë sjellë në Shtetet e Bashkuara të Ameriëks nga prindër klandestinë. Në këtë mënyrë, liderja e minorancës në dhomën e deputetëve në kongresin amerikan, 77 vjeçarja italo amerikane Nancy Pelosi, me maratonën e saj ka thyer të gjitha rekordet për kohëzgjatjen e një fjalimi. Një sfidë oratorie, e cila u ndoq në mënyrë të drejpërdrejtë në Tuiter nga më shumë se 280 mijë përdorues internet.

Rekordi i mëparshëm mbahej nga ish kryetari i dhomës së deputetëve, republikani John Boehner, i cili në vitin 2009 foli për një orë për shkëmbimin e kuotave të gazrave ndotës.

Me sipërmarrjen e saj Pelosi e ka bërë dhe më  të pasigurtëligjin për buxhetin i cili duhet të miratohet Brenda së enjtes për  të evituar mbylljen e administrates amerikane. Marrëveshja e arritur në senat nuk parashikon një zgjidhje afatgjatë për fëmijët e emigrantëve. Për këtë arsye duhet të rikthehet në dhomën e deputetëve ku do të kërkohet dhe mbështetja e opozitës demokrate./abcnews.al

vlcsnap-error863-1280x720.jpg
ent ela15:13 | 07/02/2018

Sfidat gjeopolitike në Europën juglindore ishin në qendër të diskutimeve të forumit të mbajtur në një nga sallat e kongresit amerikan. Pjesëmarrësit, përfaqësues politikë të këtyre vendeve, u bënë apel Shteteve të Bashkuara të Amerikës që të jenë më active në rajon.

Është zhvilluar në një nga mjediset e Kongresit amerikan forumi mbi sfidat gjeopolitike në Evropën Juglindore. Pjesëmarrësit ku përfshiheshin ligjvënës amerikanë, si edhe politikanë të rajonit dhe vendeve evropiano-perëndimore, shprehën shqetësimin rreth përpjekjeve ruse për ndërhyrje në rajon dhe ndikimin që mund të kenë rrethana të tjera gjeopolitike në botë tek stabiliteti në rajon.

Përballë sfidave të brendshme të jashtme me të cilat përballet Evropa Juglindore, politikanët e këtyre vendeve kërkuan që Shtetet e Bashkuara të jenë më aktive në rajon. Ish-ministri i Mbrojtjes dhe kryetari i Partisë Republikane të Shqipërisë, Fatmir Mediu ishte një nga organizatorët e forumit.

Ai tha se “çështjet e para kanë të bëjnë me mënyrën e qeverisjes në vendet tona që kanë të bëjnë me respektimin e lirive, procesin zgjedhor, luftën kundër korrupsionit, krimit të organizuar dhe pastaj partneritetin dhe fokusin tonë si vend anëtar i NATO-s apo të ardhmen evropiane”.

Ministri i Inovacionit dhe Ndërmarrësisë së Kosovës, Besim Beqaj theksoi nga ana e tij rëndësinë e zhvillimit të marrëdhënieve ekonomike në rajon në funksion të stabilitetit.

Ligjvënësit amerikanë si senatorët Jim Inhofe dhe Roger Wicker dhe anëtari i Dhomës së Përfaqësuesve, Michael Turner, shprehën shqetësimin për veprimet e Rusisë dhe thanë se Shtetet e Bashkuara janë të interesuara në stabilitetin e Evropës Juglindore.

George Tsereteli, President i Asamblesë Parlamentare të OSBE-së, tha se bashkëpunimi është i nevojshëm për të përballuar të gjitha problemet që shqetësojnë rajonin.

Në këtë forum që trajtoi çështje jetike për Evropën Juglindore, mendimet që shprehën pjesëmarrësit, nxorrën në pah jo vetëm nevojën për diskutimin e sfidave gjeopolitike ballë për ballë, por edhe se sa i varur është stabiliteti rajonal dhe botëror tek marrëdhëniet mes vendeve dhe dy anëve të Atlantikut./abcnews.al

 

 

CAF36175-0AFF-474E-A878-05A1A0BF2B33_cx0_cy10_cw0_w1023_r1_s.jpg
ent ela10:54 | 30/01/2018

Donald Trump do mbajë sot në mbrëmje fjalimin e parë si president drejtuar kombit amerikan. Përpara kongresit, Trump pritet të fokusohet tek vizioni i tij për një Amerikë të sigurtë e të fortë. Disa të zgjedhur demokratë do jenë të veshur me të zeza në shenjë solidariteti me viktimat e sulmeve seksuale.

Për më pak konvencionalin e presidentëve, ushtrimi më tradicional i politikës amerikane është një sfidë personale.

Nga tribuna e Kongresit, mbrëmjen e kësaj të marte, para miliona teleshikuesve, Donald Trump duhet të mishërojë unitetin e kombit dhe besimin tek e ardhmja. Për Trump, fjalët dhe politikat e të cilit, vazhdojnë të ndajnë thellësisht vendin, nuk është hiç i lehtë roli i përbashkuesit.  Por kjo përpjekje do shënojë një proces të ngadaltë normalizimi: teksa Presidenti po e fiton pak nga pak përmasën e funksionit të vet, vendi po mësohet gradualisht me qasjen e tij provocative e reformatore.

Tashmë në çerekun e parë të mandatit të tij, Presidenti do mbajë fjalimin e parë formal drejtuar kombit, një traditë e fiksuar në Kushtetutë dhe e respektuar në këtë formë, që prej presidentit Uidrou Uillson në 1913.

Ky rast për të evidentuar sukseset, është një ushtrim që nuk e lodh presidentin Trump. “ Ai do përmendë gjithcka ka arritur në drejtim të uljes së taksave, të krijimit të vendeve të punës, të rritjes së pagave dhe të rekordeve të arritura në Bursë” thotë një këshilltar i tij. Për Karl Rov, një ish strategjist i Xhorxh Bush, “Trump duhet të tregohet i përmbajtur e të mos i bëjë shumë komplimente vetes. Më shumë ai duhet të përgëzojë popullin amerikan dhe Kongresin.”

Tema e fjalimit të Presidentit amerikan do jetë “Të ndërtojmë një Amerikë të sigurtë, të fortë dhe krenare”. “Toni i tij do jetë bipartizan dhe me shikim nga e ardhmja”, rrëfen një nga redaktorët e tij. Përveç ekonomisë, të cilën ai synon ta clirojë sa më shumë nga pengesat, presidenti do trajtojë 4 çështjet kryesore: planin e tij për të rinovuar infrastrukturën e vendit, reformën e emigracionit, synimin e tij për barazi tregtare dhe sfidat ndërkombëtare. “Ai do e ftojë Kongresin të veproje dhe do paraqesë ide të reja” thonë burime nga Shtëpia e Bardhë, pa thënë më shumë. Mesazhi kryesor që presidenti do japë është se ai ka në vëmendje të gjithë amerikanët.

Ndërkaq në kongres, situate mes dy partive mbetet e tensionuar sa i takon sfidës së fundit për ndërprerjen e shërbimeve qeveritare apo hetimet e prokurorit special Robert Myler për ndërhyrjet e Rusisë në presidencialet e fundit.

Mendohet se disa të zgjedhur demokratë do jenë të veshur me të zeza, në shenjë solidariteti me viktimat e agresioneve seksuale, shumica e të cilëve kanë akuzuar vetë Trumpin.

Përgjigja ndaj fjalimit të Trump i është besuar të zgjedhurit të Masacusets, yllit demokrat në ngjitje, 37 vjeçarit Xho Kenedi, nipi i ish-presidentit të ndjerë./abcnews.al

vlcsnap-error653-1-1280x720.jpg
gra moz21:37 | 11/01/2018

Kongresi Amerikan ka miratuar një ligj që i lejon agjentët e inteligjencës të përgjojnë persona, të cilët dyshohen se mund të jenë një kërcënim potencial për SHBA. Lidhur me këtë çështje, presidenti Donald Trump ka habitur qytetarët pasi fillimisht u shpreh kundër më pas tha se kishte drejtuar punimet për ligjin.

5 vjet pas shpërthimit të skandalit “Nsagate”, ku Eduard Snouden zbuloi se Shtetet e Bashkuara spiunuan sistematikisht të gjithë botën, duke përfshirë udhëheqësit e vendeve mike dhe vetë amerikanët, Dhoma e Përfaqësuesve miratoi ligjin “FISA”, ose ndryshe “Akti i Mbikqyrjes së Inteligjencës së Jashtme”. Kjo autorizon agjentët kompjuterikë të Agjencisë Kombëtare të Sigurisë që të vazhdojnë të shqyrtojnë mesazhet dhe thirrjet telefonike të kujtdo që konsiderohet një kërcënim potencial për SHBA.

Masa për lejimin e përgjimit është aprovuar me 256 vota pro dhe 164 kundër, pavarësisht gafës së presidentit Donald Trump, i cili me anë të një mesazhi në Tuitër, la të kuptohet se nuk kishte kuptuar asgjë nga ligji. Fjalët e kreut të Shtëpisë së Bardhë ngjallën panik në Uashington, pasi u dyshua se nuk ishin fjalët e Trump. “Dhoma e Përfaqësuesve voton për ligjin kontrovers FISA. Ky është një ligj që mund të jetë përdorur, me ndihmën e dosjeve të rreme dhe të diskredituara, për të monitoruar dhe abuzuar fushatën zgjedhore të Trump nga administrata e mëparshme dhe të tjerët?”, shtron pyetjen lideri amerikan.

Ndërsa pa kaluar shumë kohë, Trump publikon një mesazh tjetër po në Tuitër: “Personalisht kam drejtuar rregullimin e procesit të demaskimit që prej marrjes së detyrës dhe votimin e sotëm rreth përgjimit të jashtëm ndaj kriminelëve të huaj në një vend të huaj. Ne kemi nevojë për të! Tregohu i zgjuar”.

Në vetëm një orë, presidenti amerikan ka treguar një paqëndrueshmëri të madhe në qëndrimin e tij. Sipas analistëve, kjo shton dhe më shumë dyshimet lidhur me shëndetin mendor të Trump./abcnews.al

vlcsnap-error436.jpg
us er22:40 | 14/11/2017

Kongresi Amerikan po shqyrton autoritetin e presidentit Donald Trump për zotërimin e kodeve bërthamore, që i lejojnë atij të nisë në çdo kohë një sulm nuklear. Kjo është hera e parë në 40 vitë që bëhet një diskutim i tillë.

Kongresi Amerikan po shqyrton nëse i duhen besuar presidentit Donald Trump kodet më të rëndësishme të vendit. Për herë të parë në 40 vite, po ekzaminohet autoriteteti i kreu të shtetit për të lëshuar një sulm bërthamor. Seanca e Komitetit të Marrëdhënieve me Jashtë të Senatit u titullua “Autoriteti për të Urdhëruar Përdorimin e Armëve Bërthamore”.
Disa senatorë shprehën shqetësim se presidenti mund të urdhëronte në mënyrë të papërgjegjshme një sulm bërthamor. Ndërsa të tjerët thanë se ai duhet të ketë autoritetin për të vepruar pa ndërhyrje nga ligjvënësit. Hera e fundit që Kongresi ka debatuar një çështje të tillë ishte marsi i vitit 1976.

Ky diskutim vjen pas paralajmërimeve të presidentit Trump se do të lëshojë “zjarr dhe zemërim, siç bota asnjëherë nuk kishte parë”, mbi Korenë e Veriut, nëse ajo do të vazhdonte të zgjeronte programin e saj të armëve bërthamore. Muajin e kaluar kreu republikan i Komitetit të Senatit, Bob Corker, akuzoi kreun e Shtëpisë së Bardhë se po fut Shtetet e Bashkuara në një rrugë drejt Luftës së Tretë Botërore.

Shqetësimet e ligjvënësve amerikanë vijnë pas përshkallëzimit të situatës me Korenë e Veriut, që kërcënon Uashingtonin me sulme bërthamore. Në bazë të ligjit aktual, presidenti Trump mund të nisë në çdo kohë një sulm bërthamor duke përdorur kodet në një mekanizëm të quajtur “Futbolli”, që udhëton kudo me liderin amerikan. Për të lëshuar një raketë bërthamore, Trump nuk është i detyruar të konsultohet me askënd dhe as të marrë leje nga askush./abcnews.al

vlcsnap-error019.jpg
us er10:58 | 08/11/2017

Danica Roem është transgjinori i parë i zgjedhur në një kongres shtetëror amerikan, në Virxhinia. Një fitore me një domethënie të dyfishtë meqënse gazetarja 33 vjecare, nga rradhët e dmeoktarëve ka marrë vendin në Richmond, që ka qenë prej 13 mandatesh i republikanit Robert G. Marshall, i njëjti që kishte mbështetur një projektligj që do të kufizonte aksesin në tualetet publike që transgjinorët mund të përdornin./abc news

vlcsnap-error274.jpg
us er15:35 | 02/11/2017

Kongresi Amerikan ka publikuar disa artikuj të krijuar nga Rusia ne rrjetet sociale për të ndikuar në fitoren e Donald Trump në zgjedhjet presidenciale. Në materialet që janë lexuar nga 126 milionë amerikanë, kandidatja demokrate Hilari Klinton krahasohej me Djallin.

“Amerikë, kemi një problem. Pavarësisht se këtu gjenden mendjet më të ndritura të komunitetit tonë teknologjik, Rusia ishte në gjendje të armatosë platformat tuaja për të na përçarë, të krijojë lajme të rreme për ne dhe të diskretitojë demokracinë tonë”. Me këto fjalë, Xheki Speir, përfaqësuese demokratike në Komisionin e Inteligjencës së Dhomës, në seancën e dytë dëgjimore, ka treguar artikujt e fashmëm të përdorur nga rusët në mediat sociale për të ndërhyrë në fushatën elektorale amerikane të 2016-s, duke favorizuar Donald Trump.
Shfaqja e disa shembujve të përmbajtjeve të sponsorizuara nga Kremlini në prani të avokatëve të Google, Facebook dhe Tuiter, konfirmoi drejtëpërdrejtë hipotezat se sa e madhe ishte shtysa e Moskës për të manipuluar votën në Shtetet e Bashkuara, përmes lajmeve false dhe dezinformimit.

Për shembull: “Aktivistët me ngjyrë”, dhe “Kthe distinktivin” ishin dy profile false që u krijuan me qëllimin për të nxitur votuesit e shqetësuar nga raportet e policisë me komunitetin afroamerikan. Më tej është krijuar edhe profili “Ushtria e Jezusit”, që ilustronte në faqe një luftë mes Krishtit dhe djallit me shkrimin: “Satani thotë: Nëse unë fitoj, edhe Klinton fiton”. Postimet e Rusisë në Facebook, tregojnë drejtuesit e rrjetit social në komisionin e Senatit Amerikan që heton ndërhyrjet e Moskës në zgjedhje, janë lexuar nga 126 milionë amerikanë.

Gjithashtu, Kremlini ka ndikuar tek votuesit dhe me anë të Instagramit. Senatori demokrat, Martin Heinrish, gjatë seancës ka kritikuar ashpër presidentin Donald Trump dhe i ka përkufizuar reklamat në rrjete sociale si një mashtrim.

vlcsnap-error084.jpg
us er20:52 | 26/10/2017

Dhoma e ulët e kongresit amerikan miratoi me diferencë të ngushtë votash, planin e presidentit Tramp për reduktim drastik taksash. Demokratët por edhe një pjesë e republikanëve votuan “Kundër”. Sipas tyre, flitet vetëm për ulje taksash për të pasurit dhe kështu rrezikohet rritja e defiçitit buxhetor.

Dhoma e ulët e Kongresit Amerikan miratoi të enjten, paketën e propozuar nga presidenti Donald Tramp për reduktimin drastik të taksave. Paketa Tramp, pjesë e pr/buxhetit të vitit 2018 u miratua me një shumicë të ngushtë votash në Dhomën e Përfaqësuesve të dominuar nga republikanët. Në favor votuan 216 kongresistë dhe 212 kundër.
Ndër të tjera plani parashikon reduktimin me 4.6% të taksës për të ardhurat individuale, duke e çuar në 35%. Taksa e korporatës ulet me 15% dhe bie në nivelin 20%. Në 25% bie edhe taksa për biznesin e vogël, që reduktohet me 14.6%.
Jo të gjithë republikanët votuan “Pro” planit Tramp për taksat. Por këtë herë ata ishin më shumë se në dy votimet e dështuara të mëparshme. Mbështetësit e Trampit janë optimistë se reduktimi i taksave do të vërë në lëvizje ekonominë, duke rritur konsumin, e po ashtu edhe të ardhurat në buxhet. Ndërsa kundërshtarët brenda republikanëve, ashtu si edhe demokratët thonë se taksat lehtësojnë më tepër shtresën e pasur dhe korporatat e mëdha. Për këtë arsye, sipas tyre rrezikohet një rritje e mëtejshme e defiçitit buxhetor. Plani pritet të bëhet publik javën e ardhëshme pasi të marrë edhe miratimin e senatit, ku republikanët kanë 52 nga 100 vendet e dhomës së lartë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono