konfirmim

MB-VIKTIMA-NGA-MENINGITI_frame_0-1280x720.jpg
R D10:05 | 16/01/2020

Në vendin tonë ka vetëm 1 person që është konfirmuar zyrtarisht se ka humbur jetën nga meningiti. Bëhet fjalë për policin 27-vjeçar Metani.

Abcnews.al siguron ekskluzivisht rezultatin e analizave për dy personat e tjerë që u dyshuan për meningit ku konfirmohet se rezultati është negativ. Këto të dhëna i janë dërguar ISHP-së.

Burime të besuara i thanë abcnews.al se janë marrë tamponet dhe janë analizuar në laborator për një grua 33-vjeçe që vdiq në Durrës si dhe një burrë 30-vjeç që vdiq në Tiranë. Nga analizat që janë bërë, rezulton se janë negative sa i përket bakterit të meningokokut.

Nga se kanë vdekur?

Burimi tha se nuk janë analizuar shkaktarët e tjerë që mund të kenë çuar në mortalitet, dyshimi ka qenë për meningit dhe grip, por rezultuan negative.

Këto analiza u bënë pasi vdekjet ishin në kohë të afërt me shenja të ngjashme. “Eshtë një fenomen që ka ndodhur shumë shpejt. Bëhet fjalë për datat 8 dhe 9 janar. Jemi në punë e sipër dhe po marrim simptomat për tre pacientët që kanë ndërruar jetë” deklaroi Silva Bino pak ditë më parë.

Ajo sqaroi se “është infeksion i rrymës së gjakut nga meningokoku, që merret me rrugë frymëmarrje dhe persona që kanë imunitet të dobët, sidomos të rritur mund të bëjnë meningokok semi. Në varësi të ngarkesës së bakterit ai mund të jetë vetëm në gjak dhe shakton dëmtime të tilla sa nuk arrin të prekë cipën e trurit”.

Simptomat e meningjitit

Ky infeksion jep temperaturë, dhimbje koke, nauze të vjella, fotofobi (bezdi nga drita), përgjumje deri në koma dhe ngrirje të qafës. Mjekësia nuk bëhet dot nga studio apo interneti, bëhet nëpërmjet kontaktit me pacientin.

Nëse forma është më fulminante që në momentet e shfaqjes së temperaturës shfaqen brenda pak orësh njollat dhe tregon që kemi me meningokoksemi. Po dolën njollat risku është shumë i lartë. /abcnews.al

Lexo edhe:CFARE DEKLAROI MINISTRJA NE ABC NEWS

kpk.jpg
R D09:30 | 10/12/2019

Komisioni i Pavarur i Kualifikimit dha mëngjesin e sotëm vendimin për gjyqatrin Klodian Kurushi. KPK vendosi të konfirmojë në detyrë gjyqtarin e Krimeve të Rënda, Kurushi. Disa minuta më pas mori lajmin e mirë dhe prokurori Xholi. Prokurori i Apelit të Tiranës, Genti Xholi kaloi me sukses vettingun duke u konfirmuar në detyrë.

***

Klodian Kurushi ka përfunduar Shkollën e Magjistraturës në vitin 2001 dhe e ka nisur karrierën në drejtësi nga Gjykata e Sarandës. Në nëntor 2005, Kurushi është emëruar gjyqtar i Gjykatës së Krimeve të Rënda, detyrë të cilën vazhdon ta kryejë edhe pas 14 vitesh. Ai është gjithashtu  pedagog në Fakultetin e Drejtësisë si dhe ekspert dhe trajnues në Shkollën e Magjistraturës.

Kurushi u vlerësua pozitivisht për figurën dhe profesionalizimin; ndërkohë, Komisioni identifikoi dy gjetje lidhur me veprime të mundshme fiktive në përfitimin e një kredie të butë për të cilat ai dha shpjegime duke mos i konsideruar si të tilla.

Këto gjetje janë identifikuar gjatë verifikimit të një apartamenti në pronësi të Kurushit me sipërfaqe 79.8 m2 në Tiranë, të blerë në vitin 2013 me vlerë totale 6.3 milionë lekë.

Si burim krijimi për këtë pasuri, Kurushi ka deklaruar një kredi me kushte lehtësuese 5 milionë lekë dhe të ardhura nga puna. Nga kredia ka rezultuar të mos jenë shlyer ende 2.5 milionë lekë. Në kontratën e porosisë, është konstatuar se sipërfaqja ka qenë 83.8 m2. Sipas relatores Zhegu, gjyqtari Kurushi ka shpjeguar se diferenca ishte sipërfaqja e përbashkët e zbritur nga kontrata e porosisë. Ndërkohë që për këstin e parë 5 milionë lekë dhe të fundit 1300 euro nuk janë identifikuar problematika, për pagesën e këstit të dytë në shumën 500 mijë lekë.

***

Genti Xholi e ka filluar karrierën në sistemin e drejtësisë në vitin 2000, si prokuror në Prokurorinë e Tiranës, institucion të cilin e ka drejtuar për një periudhë kohe. Në vitin 2010, ai është emëruar prokuror në Prokurorinë e Apelit Tiranë, detyrë të cilën vazhdon ta kryejë edhe pas 9 vitesh.

Sipas relatores Firdes Shuli, prokurori Xholi ka pasqyruar në deklaratën veting një akt noterial për trashëgiminë e përfituar nga gjyshi i ndjerë, truall me sipërfaqe 303 m2 dhe të një shtëpie. Sipas Komisionit, kjo pronë i përkiste gjyshit të prokurorit Xholi dhe është konkluduar se deklarimet e tij përputhen me dokumentacionet e verifikuara. Shuli tha se nuk rezulton që lidhur me këtë pronë të ketë konflikte për shkak të trashëgimisë.

Komisioni identifikon paqartësi për likuidimin e vlerës së një apartamenti me sipërfaqe 146.3 m2 të blerë për vlerën 4 milionë lekë në vitin 2010 në Pogradec. Sipas relatores Shuli, subjekti ka shpjeguar se 3 milionë i ka paguar kur ka lidhur kontratën, kurse 1 milion 15 ditë më vonë kur bashkëshortja ka marrë një kredi. Në fjalën e tij, prokurori Xholi sqaroi se kishte një diferencë kohore 15 ditë për një pjesë të vlerës, pasi shuma 3 milionë ishte depozituar në fillim. Ai pohoi se bashkëshortja punonte në Raiffeisen Bank dhe për këtë arsye e përfitonte kredinë për një kohë të shkurtër dhe pa kolateral.

/Abcnews.al

 

WhatsApp-Image-2019-12-02-at-7.54.06-PM-1-600x400.jpeg
R D10:09 | 04/12/2019

Komisioni i Pavarur i Kualifikimit konfirmoi në detyrë gjyqtaren e Gjykatës së Shkallës së Parë për Krimet e Rënda, Iliriana Olldashi.

Gjyqtarja u rivlerësua pa probleme nga Komisioni i Pavarur i Kualifikimit në të tre kriteret. Trupa gjykuese përbëhej nga Pamela Qirko kryesuese, Xhensila Pine relatore dhe Etleda Çiftja anëtare.

Iliriana Olldashi e ka filluar karrierën në sistemin e drejtësisë në vitin 2000 si gjyqtare në Gjykatën e Fierit. Në vitin 2005, ajo është emëruar gjyqtare në Gjykatën e Krimeve të Rënda në Tiranë, detyrë të cilën e kryen edhe aktualisht.

Sipas raportit të dorëzuar pranë KPK nga Inspektoriati i Lartë i Deklarimit dhe Kontrolli të Pasurive e Konfliktit të Interesit, ILDKPKI, gjyqtarja Olldashi nuk kishte probleme në deklarimin e pasurisë.

kpk123.jpg
ad min09:23 | 25/10/2019

KPK konfirmon në detyrë prokuroren e Krimeve të Rënda, Sonila Muhametaj. Prokurorja Muhametaj është një nga prokurorët “rebelë” që kundërshtoi që të pranonte shortin e paligjshëm për të dhënë pretencën për grupin e Emiljano Shullazit.

Për këtë arsye Prokurorja e Përgjithshme e Përkohshme Arta Marku pasi vendosi masë disiplinore ndaj prokurorëve që refuzuan shortin, e transferoi Sonila Muhametajn në prokurorine e Pukës.

Por ky transferim u refuzua nga Gjykata Administrative./abcnews.al

cakaj-haavisto.jpg
nev ila18:04 | 02/10/2019

Finlanda ka konfirmuar mbështetjen e saj për hapjen e negociatave për anëtarësim e Shqipërisë në Bashkimin Evropian.

Qëndrimin e qeverisë finlandeze e shprehu ministri i jashtëm Pekka Haavisto, gjatë takimit që zhvilloi në Tiranë me ministrin në detyrë për Evropën dhe punët e jashtme Gent Cakaj.

Janë të ndryshme e të shumta temat që e kanë sjellë në Tiranë ministrin e jashtëm të Finlandës por më e rëndësishmja është marrja e një po-je zyrtare të qeverisë që përfaqëson për hapjen e negociatave të Shqipërisë në Tetor me Bashkimin Evropian.

“Ne mendojmë që Ballkani Perëndimor nuk është në qoshe të largët, është në qendër të Evropës dhe ne i mbështesim bisedimet që po zhvillohen me Serbinë dhe Malin e Zi dhe tani duam që Shqipëria dhe Maqedonia e Veriut të nisin bisedimet. Sigurisht ne nuk jemi të vetëm në marrjen e vendimit. Duam që vendimi të merret me unanimitetin e të gjitha shteteve anëtare”, deklaroi Haavisto.

Ministri në detyrë për Evropën dhe punët e jashtme Gent Cakaj u shpreh edhe Komisioni Evropian e ka të qartë që Shqipëria i ka përmbushur mjaftueshëm detyrimet e saj për nisur procesin e bisedimeve për anëtarësim.

Në konferencën e përbashkët për shtyp ministri në detyrë Cakaj nënvizoi se bisedimet me ministrin Haavisto u ndalën dhe tek procesi i liberalizimit të vizave për Kosovën, ku të dy ministrat nënvizuan edhe nevojën urgjente për përmbyllen e këtij procesi në mënyrë që qytetarët e Kosovës të lëvizin si të gjithë qytetarët e vendeve të Rajonit. /ABC News Albania 24/7

kpa-123.jpg
ad min09:21 | 13/09/2019

Gjyqtari i Gjykatës Administrative Gentian Medja është konfirmuar në detyrë nga Kolegji i Posaçëm i Apelimit. Ndërkohë, Komisioni i Pavarur i Kualifikimit shkarkoi gjyqtarin e Apelit për Krime të Rënda Gjovalin Përnoca, për shkak të problemeve me pasurinë.

Kolegji i Posaçëm i Apelimit ka vendosur të lërë në fuqi vendimin e Komisionit të Pavarur të Kualifikimit për gjyqtarin e Gjykatës Administrative Shkalla e Parë Tiranë Gentian Medja, duke e konfirmuar ne detyrë.

Komisioneri Publik, e kishte ankimuar me herët me argumentin se hetimi për aftësitë profesionale nuk ishte bërë i plotë nga KPK-ja. Pas provave të sjella nga gjyqtari Medja, Komisioneri Publik, kërkoi konfirmimin në detyrë. Ky është vendimi i dytë pozitivë i dhënë nga Kolegji i Posaçëm i Apelimit, pas atij të Nertina Kosovës.

Komisioni i Pavarur i Kualifikimit ka shkarkuar nga detyra gjyqtarin e Gjykatës së Apelit për Krime të Rënda, Gjovalin Përnoca. Vettingu për gjyqtarin u bë për të tre kriteret e rivlerësimit, pasurinë, pastërtinë e figurës dhe aftësitë profesionale.

Gjatë hetimit, KPK-ja kishte konstatuar një sërë problematikash në lidhje me pasurinë e gjyqtarit. Gjovalin Përnoca kishte një karrierë të gjatë në sistemin e  drejtësisë. Që nga viti  2003, Përnoca është zgjedhur gjyqtar i Gjykatës së Apelit për Krime të Rënda, detyrë të cilën e ka ushtruar tashmë prej 15 vitesh.

/ABC News Albania 24/7

konfirmim-ne-detyre.jpg
ad min11:41 | 31/07/2019

Kreu i Prokurorisë së Apelit për Krime të Rënda Altin Dumani ka kaluar me sukses sitën e Vettingut. Komisioni i Pavarur i Kualifikimit vendosi që ta konfirmojë në detyrë, kandidatin potencial për drejtues të SPAK. Dumani është renditur i pari në listën e Këshillit të Lartë të Prokurorisë.

Komisioni i Pavarur i Kualifikimit konfirmoi në detyrë drejtuesin e Apelit të Krimeve të Rënda, Altin Dumani.

KPK e zhvilloi hetimin në tre 3 kriteret e vlerësimit, ligjshmërinë e pasurisë, pastërtinë e figurës dhe aftësitë profesionale. Ku në të tre kriteret e vlerësimit Altin Dumani rezultoi të ishte i pastër.

Dumani është njëherazi kandidat për Strukturën e Posaçme Antikorrupsion, duke ju referuar kriterit të aftësive profesionale Këshilli i Lartë i Prokurorisë e ka renditur atë të parin në listë, duke ngritur dyshime se Dumani do të jetë edhe kreu i ardhshëm i SPAK.

Ajo që ishte e habitshme gjatë seancës dëgjimore për kreun e Apelit për Krime të Rënda  ishte reagimi i Theo Jacobs vëzhgues i Operacionit Ndërkombëtar të Monitorimit, që njihet për “dorën e hekurt”.

Jacobs nuk bëri asnjë pyetje dhe u shpreh se Dumani ishte me fat. Nga 15 kandidatët e SPAk deri më tani kanë kaluar Vetting 10 prej tyre, prej të cilëve vetëm Besnik Muçi është i akimuar nga Komisioneri Publik.

Ndërsa 5 kandidatët e tjerë për të cilët Komisioni i Pavarur i Kualifikimit e ka përfunduar hetimet por do ti njoh ata me rezultatet në Shtator. Kandidatët e Strukturës së Posaçme Antikorrupsion që nuk kanë kaluar akoma në sitën e vettingut janë, Elisabeta Imeraj, Anton Martini, Doloreza Musabelliu, Ndini Tavani dhe Anita Jella./ABC News Albania 24/7

votimet.jpg
ad min15:31 | 19/07/2019

Pas bashkisë së Durrësit, procesi i konfirmimit të fituesve të 30 Qershorit ka vijuar edhe në disa rrethe të tjera. Gjykata e Elbasanit ka njohur si kryebashkiak të Prrenjasit Nuri Belbën si dhe ka konfirmuar si fitues në Belsh Arif Tafanin.

Në Vlorë, gjykata ka njohur si kryebashkiak të Selenicës kandidatitn socialist, Pëllumb Binaj, ndërsa gjykata e Shkodrës ka konfirmuar Fran Tucin në krye të bashkisë së Fushë Arrëzit. Edhe Gjykata e Krujës ka njohur si fitues Artur Bushin.

Deri më tani, më shumë se gjysma e fituesve janë certifikuar nga gjykatat, ndërsa të tjerat janë ende në proces. Për 5 bashki pritet si fillim të shprehet Kolegji zgjedhor, pasi ka pasur ankimim nga Bindja Demokratike./ABC News Albania 24/7

70853Bashkimi.jpg
ad min11:54 | 03/07/2019

Komisioni Evropian ka rrëzuar kërkesën e Holandës që i kërkoi Bashkimit Evropian aktivizimin e mekanizmit të pezullimit të lëvizjes së lirë në zonën Shengen për qytetarët e Shqipërisë. Arsyeja e këtij vendimi është se nuk plotësohen rrethanat për të pezulluar vizat për vendin tonë.

Shqiptarët do të vazhdojnë të udhëtojnë të lirë drejt Holandës. Nuk do të ketë rikthim vizash. Qëndrimin e Komisionit e bën të ditur Gazetarja e ABC News në Bruksel Erisa Zykaj sipas të cilës:

“Pas një vlerësimi të kujdesshëm të përmbajtjes së njoftimit të marrë nga Holanda dhe bazuar në informacionin në dispozicion dhe të dhënat përkatëse, Komisioni konsideron se në situatën aktuale, rrethanat për të aktivizuar mekanizmin e pezullimit të vizave nuk plotësohen. Komisioni Evropian  do të vazhdojë të monitorojë nga afër përmbushjen e standardeve të liberalizimit të vizave për Shqipërinë, si dhe për vendet e tjera që përfitojnë nga udhëtimi pa viza”.

Ky vendim i Komisionit Evropian është publikuar në Twitter edhe nga ambasadori i BE në Shqipëri Soreca.

“Pas një vlerësimi të kujdesshëm të përmbajtjes së kërkesës së ardhur nga Holanda dhe bazuar në informacionin e disponueshëm e të dhëna të rëndësishme, Komisioni Evropian vlerëson se në situatën aktuale, nuk ekzistojë rrethanat për të aktivizuar mekanizimin e pezullimit të vizave”, shkruan Soreca.

Menjëherë pas vendimit te Komisionit Evropian ka reaguar dhe kryeministri Edi Rama ne twitter sipas të cilit refuzimi i kërkesës së qeverisë holandeze erdhi pasi Shqipëria nuk ka shkelur asnjë kriter.

“Ja dhe vizat s’u rikthyen siç predikuan e trumpetuan lajmësit e qametit që s’ndodhi”, shkruan Rama.

Komisioni Evropian e nisi më 5 Qershor vlerësimin për pezullimin e vizave për Shqipërinë bazuar në kërkesën nga qeveria e Holandës, në vijim të rezolutës së aprovuar nga Parlamenti i Holandës./ABC News Albania 24/7

psg.png
ad min22:05 | 25/05/2019

Tomas Tuchel konfirmohet si trajner i Paris Saint Germain-it edhe për sezonin e ardhshëm. Gjermani rinovoi kontratën me klubin francez, pavarësisht nga dështimet dhe polemikat.

Spekullimet ishin të shumta, por klubi nuk u nxitua. Tomas Tuchel do të vazhdojë të jetë trajner i Paris SG, të paktën edhe sezonin tjetër, pasi u konfirmua dhe iu dha zgjatje e akordit në kryeqytetin e Francës.

Komunikata e klubit ishte e thjeshtë dhe e drejtpërdrejtë: Tomas Tuchel rinovon kontratën deri në 30 qershor 2021!

Mendohej se gjermani 45-vjeçar mund të shkarkohej menjëherë në fund të një sezoni tepër të vështirë, dhe që përfundoi si mos më keq, me humbjen 1-3 në fushën e Reimsit, në ndeshjen mbyllëse të kampionatit.

Ishte edhe ndeshja ku Kilian Mbape humbi shansin për të fituar Këpucën e Artë, duke shënuar vetëm një gol, ndërsa i duheshin katër për të barazuar Mesin.

Tuhelit iu dha besim nga presidenti i klubit, Naser Al Helaifi, pavarësisht nga eleminimi tronditës në Champions, kur pas fitores 2-0 në Angli, PSG-ja u mund 1-3 në Francë nga Mançester Junajtid, që në turin e dytë.

Po ashtu, parizienët pësuan një dështim të rëndë në finalen e Kupës së Francës, kur u mundën me penallti nga Rena. Ishte pikërisht ndeshja, në të cilën Mbape u përjashtua me karton të kuq, duke lënë ekipin me 10 vetë.

Ishte edhe sfida kur Nejmar e humbi edhe më shumë mendjen, duke goditur me grusht një tifoz, dhe duke marrë dënimin nga Disiplina për gjestin e tij. Kjo disfatë nxorri në sipërfaqe çarjen mes dy yjeve, pasi Nejmari kritikoi sjelljen e të rinjve, pra edhe të Mbapesë.

Tuhel, pranoi të rinovonte edhe pse është i ndërgjegjshëm, madje e ka deklaruar publikisht, se dy superlojtarët edhe mund të largohen.

Trajneri pritej të shkarkohej edhe për përplasjen e ashpër me presidentin Al Helaifi, në tunelin e stadiumit të Lilës, pas humbjes 1-5, ndërsa kërkoi më shumë pushtet për të vendosur mbi lojtarët.

U arrit deri aty sa e përditshmja “L’Ekip” deklaroi se Tuhel u rebelua ndaj klubit. Gjithsesi, konfirmimi i gjermanit në stol nuk është një përjashtim, sepse sheikët nuk i kanë shkarkuar trajnerët e tyre pas sezonit të parë.

Kështu ndodhi me Ançelotin, Blankun apo Emerin, kështu edhe me Tuhelin, ndërsa shpresa është që të arrihet triumfi në Champions./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono