konfindustria

konfindustria-parlamenti-1280x712.jpg
nev ila18:51 | 06/10/2019

Pasoja negative në ekonominë e vendit parashikon Konfindustria për shkak të ligjeve të miratuara së fundmi në Kuvend.

Mungesa e gati 1/7 së deputeteve në Parlament dhe një oponencë pa cilësi, sipas Gjergj Buxhukut, po prodhojnë ligje korruptive.

Konfederata e Industrive të Shqipërisë vë në pikëpyetje cilësinë e ligjeve me ndikim afatgjatë në ekonominë e vendit miratuar së fundmi në Parlament ndër to dhe kontratat koncesionare.

Administratori i Përgjithshëm Gjergj Buxhuku arsyet i jep përmes një njoftimi për shtyp.

“Në Kuvendin e Shqipërisë mungon pothuaj 1/7 e numrit të përgjithshëm të deputetëve dhe cilësia e oponencës ndaj akteve ligjore të sjella nga qeveria ka qenë e ulët në komisione parlamentare dhe në seanca plenare. Rëndësia dhe koha e kushtuar akteve ligjore me ndikim ekonomik dhe financiar ka qenë e ulët dhe është shmangur pothuaj krejtësisht pjesëmarrja e grupeve të interesit dhe informimi publikut”, tha Buxhuku.

Në kushtet kur Kuvendi i Shqipërisë sipas Buxhukut nuk funksionon normalisht si nga numri dhe nga profesionalizmi, por dhe përqendrimi tek kriza politike dhe integrimi në Bashkimin Evropian këto ligje rrezikojnë zhvillimin ekonomik të vendit.

“Në rast të kundërt aktet ligjore të miratuara rrezikojnë seriozisht të jenë të paarsyetuara profesionalisht, subjektive dhe deri të tipit korrupsionit “state capture/kapje e shtetit” me pasoja të rënda në afatgjatë për zhvillimin ekonomik të vendit”, tha ai.

Për situatën e krijuar Konfindustria ngarkon me përgjegjësi shumicën politike, por jo vetëm.

“Përgjegjësi të drejtpërdrejtë në gjendjen e mësipërme ka edhe pakica politike me largimin e saj nga vendimmarrja ligjore. Në Kuvendin e Shqipërisë, në legjislaturën në vazhdim brenda muajit shtator 2019 janë miratuar kontrata koncesionare të tipit PPP me vlerë 330 milionë euro, që përbëjnë mbi 3% të PBB.”

Ndër projektligjet e dërguara në Kuvend së fundmi Konfindustria përmend dhe fiskalizimin elektronik dhe krijimin e Koorporatës Shqiptare të Investimeve./ABC News Albania 24/7

buxhuku-1280x716.jpg
ent ela12:29 | 29/09/2019

Konfindustria kërkon nga Kuvendi i Shqipërisë, që draft ligji i “Korporatës Shqiptare të Investimeve” duke parë rëndësinë e veçantë të tij, të mos miratohet në seance plenare, por të kalojë fillimisht në një debat të gjerë publik dhe me grupet e interesit.

Eshtë shqetësuese, që qeveria shqiptare bëhet e ndjeshme në vendimarrjen e saj ligjore vetëm nga ndërhyrjet e institucioneve ndërkombëtare, sikurse ndodhi edhe me draft ligjin e Korporatës Shqiptare të Investimeve.

Kështu shprehet në një njoftim për shtyp Konfindustria e cila vlerëson se është e papranueshme, që ligje me ndikim të thellë dhe afatgjatë në ekonomi dhe në konkurencën e lire në treg, sikurse është edhe projekt ligji në fjalë, të kalojnë dhe miratohen nga qeveria dhe ekzekutivi të kalojnë pothuaj në heshtje të plotë nga qeveria.

“Konfindustria shpreh shqetësimin, se tashmë po bëhet praktikë normale për ekzekutivin, që ligje me ndikim të ndjeshëm dhe afatgjatë për ekonominë, biznesin dhe qytetarët, miratohen me shpejtësi dhe pothuaj në fshehtësi për publikun e gjerë dhe grupet e interesit.

Sipas konfinduatrias në vendet e zhvilluara demokratike akte të tilla ligjore, përvec tejdukshmërisë publike të plotë dhe debateve të hapura me grupet e interesit, nuk mund të hyjnë në fuqi në një afat më të shkurtër se dy vjet nga miratimi.  Në rastin në fjalë konfederata e industrive të Shqipërisë vë në dukje se nuk është zhvilluar asnjë debat publik dhe informacionet janë shumë të pakta për thelbin, qëllimet ,raportin përftim-humbje dhe rreziqet e mundshme të projekt ligjit në afatgjatë. /ABC News Albania 24/7

 

konfindustria-leter.jpg
G. P.12:01 | 08/09/2019

Konfindustria ka reaguar për arrestimet e fundit lidhur me aksionin anti-informalitet, duke kërkuar nga institucionet e drejtësisë dhe ekzekutivit, që të jenë të kujdesshëm dhe profesionalë në ngritjen e akuzave ndaj bizneseve.

Sipas Konfindustrisë, akuzat e ngritura duhet të jenë tërësisht të bazuara, të pandikuara nga politika dhe konkurrenca në treg e bizneseve, korrupsioni dhe shfaqjet mediatike për përfitime personale përballë procesit të Vetting-ut.

“Rastet e përsëritura të ndalimeve të bujshme nga organi i Prokurorisë të drejtuesve të bizneseve, përfshi dhe rastet e fundit të skemave fiktive të TVSH, shoqëruar me paaftësinë e akuzës për t’i mbrojtur në gjykatë, prodhojnë pasoja mjaft të dëmshme ndaj konkurrencës së lire në treg në afatgjatë”, thuhet në reagimin e Konfindustrisë.

Më tej, ky institucion kujton se rasti i ndalimeve të bujshme të muajit Janar 2019 me akuzën për përvetësim në vlerën e 18 milionë euro me skema fiktive të TVSH, ku askush nuk është në dijeni sot, se çfarë është bërë nuk duhet të përsëritet.

Konfindustria thekson se dëmi moral dhe financiar shkaktuar qytetarëve dhe bizneseve nga publikimi në media i emrave, në rastin kur akuzat e ngritura nga prokuroria rrëzohen me vendim gjykate, është mjaft i lartë.

Në fund të reagimit, Konfindustria thotë se skemat mashtruese të TVSH, në vlera kaq të larta financiare nuk mund të krijohen dhe zbatohen pa pjesëmarrjen dhe korrupsionin e përfaqësuesve të gjithë niveleve të agjencive shtetërore të përgjegjësisë dhe problematikave në legjislacionin në fuqi./ABC News Albania 24/7

gjergj-buxhuku-1280x720.jpg
ent ela14:15 | 28/07/2019

Lufta kundër informalitetit duhet të bëhet në themel jo me aksione të përkohshme. Kështu e vlerëson Konfindustria planin operacional të qeverisë duke nënvizuar se përfundimet e kontrollit të kryer në autostradën Tiranë – Durrës janë mjaft shqetësuese.

Në parim e mbështesin nismën e qeverisë për të luftuar informalitetin, por në praktikë kanë dyshime se do të jenë aksione të përkohshme.

Është ky qëndrimi  i Konfederatës së industrive të Shqipërisë. Në një njoftim për shtyp sqarojnë se për t’i dhënë zgjidhje përfundimtare punës në të zezë të ekonomisë duhet të kërkohet ndryshim në themelin e ndërtimit dhe funskionimit të sotëm të tregjeve, përfshirë tregun e karburanteve, si tregu më i madh me afër 1.3 miliard euro/vit qarkullim dhe mbi 10% të PPB.

 “Konfindustriavlerëson, se shkalla e lartë e informalitetit në ekonomi nxitet së pari, nga ngarkesa e lartë fiskale, që p.sh në sektorin e karburanteve arrin në mbi 60% të cmimit fundor, së dyti nga korrupsioni i qartë, subjektivizmi dhe paaftësia e agjencive shtetërore zbatuese, që në shumicë gjen hapsira ligjore të lëna qëllimisht në system dhe së treti,nga lufta e ashpër për mbijetesë e operatorë venë kushtet e ngadalësimit të ekonomisë kombëtare”.

Për Konfindustrian shembull mjaft shqetësues janë përfundimet e kontrollit të kryer në autostradën Tiranë – Durrës dhe të bëra publike së fundmi nga përfaqësues të lartë të qeverisë.

“Sipas të dhënave zyrtare të kontrollit, pikat e shitjes së karburantit, të ndodhura në zonën më të rëndësishme ekonomike të vendit, ishin në shkelje të hapur me ligjin në fuqi. Në shumicë dërrmuese shitja e karburantit kryhej me “dorë” dhe jashtë sistemit “online” ligjor, duke krijuar të gjitha kushtet e mundshme për abuzim dhe korrupsion”.

Dëmet financiare,që i shkaktohen buxhetit të shtetit, qytetarëve dhe bizneseve vetëm nga sektori i karburanteve janë të shkallës në mbi 150 milion euro/vit, pa përfshirë dëmet në shëndetësi dhe mjedis, pasojë e cilësisë së dobët të produkteve në qarkullim.- deklaron Konfinduatria sipas të cilës gjithcka më sipër është kosto shtesë e drejtpërdrejtë e çmimit fundor të karburanteve në Shqipëri edhe kështu nga më të shtrenjtit në rreshtimin botëror. /ABC News Albania 24/7

karburantet-1280x722.jpg
nev ila10:33 | 20/07/2019

Konfindustria i kërkon qeverisë të tërhiqet nga dhënia me koncesion e shërbimit të kontrollit të aparateve matës të karburanteve.

Administratori i Përgjithshëm Gjergj Buxhuku përmes një njoftimi për shtyp vlerëson se procesi është i paligjshëm dhe në kundërshtim të plotë me interesin publik.

Me këtë koncesion sipas Konfindustrias në treg krijohet një kompani private monopol. Ajo do ti marrë buxhetit të shtetit rreth 70 milion euro ndërkohë që investimi që do të kryhej arrin 500 mijë euro.

Koncesionari privat thotë Buxhuku mund të lidhë marrëveshje të fshehta me operatorë të caktuar për të abuzuar me volumet e shitjes në dëm të konsumatorëve. Këto volume përllogarit Konfindustria, aktualisht shkojnë në vlerat 20-25 milion euro/vit./ABC News Albania 24/7

MBULIM-KONFINDUSTRIA-PER-KARBURANTET.mpg_snapshot_00.04-1280x695.jpg
ent ela13:10 | 13/07/2019

Konfindustria do t’i kërkojë zyrtarisht Kuvendit të Shqipërisë të mos miratojë në asnjë rast akte ligjore, që parashikojnë  rritjen e mëtejshme të barrës fiskale në formën e taksave dhe tarifave mbi karburantet. Sipas Konfindustrisë nisma e fundit ligjore e qeverisë për krijimin e Agjencisë së Rezervave të Sigurisë së Karburanteve, do të çojë drejtpërdrejtë në rritjen e çmimeve.

Çmimi i karburanteve nuk duhet të pësojë më rritje. Kjo kërkesë do t’i dorëzohet zyrtarisht Kuvendit nga Konfederata e Industrive të Shqipërisë, me argumentin se Shqipëria radhitet sot në 20-25 vendet më çmimin më të lartë të karburanteve në botë, ku barra fiskale përbën deri në 60% të çmimit fundor për bizneset dhe qytetarët.

“Çmimi shumë i lartë bashkuar me cilësinë jashtë standardit të karburanteve në qarkullim, ka pasoja mbytëse dhe shkatërruese në ekonominë kombëtare, fuqinë konkuruese të prodhimeve & shërbimeve vendore, tërheqjen e investimeve të huaja, falimentimin e biznesit, industrive dhe mirëqënien e qytetarëve”.

Nëpërmjet një njoftimi për shtyp Konfindustria shprehet se nuk është parimisht kundër krijimit të një enti shtetëror të rezervave të sigurisë së karburanteve, por thekson, se mekanizmi financiar i parashikuar në projektligj, që çon drejtpërdrejt në rritjen e barrës fiskale dhe si rrjedhim rritjen e çmimit fundor të karburanteve për bizneset dhe qytetarët është i papranueshëm.

“Financimi i ngritjes dhe funksionimit të entit shtetëror në fjalë mund të bëhet nga vlerat shumë të larta të tatimeve dhe taksave, që sot bizneset dhe qytetarët paguajnë për karburantet.

Vetëm pagesat për taksën e qarkullimit arrijnë shumën prej mbi 120 milion euro/vit”.

Sipas Konfindustrias Vullneti politik i ekzekutivit në vite përrregullimin e tregut të karburanteve ka munguar plotësisht, duke i shkaktuar humbje financiare, ekonomike, shëndetësore dhe mjedisore prej qindra milionë euro në vit ekonomisë kombëtare, buxhetit të shtetit, industrive, bizneseve dhe qytetarëve shqiptarë. /ABC News Albania 24/7

aaaaa.jpg
G. P.12:27 | 23/06/2019

Konfindustria shpreh shqetësimin për shtyrjen e radhës të afatit kohor të miratimit nga Kuvendi i Shqipërisë të ligjit, që ndalon lidhjen e projekteve të Partneritetit Publik Privat dhe kontratat koncesionare “të pakërkuara” të parashikuar brenda muajit Qershor 2019.

Sipas Konfindustrias kjo është shkelja e dytë kohore radhazi e zotimit qeveritar para FMN/Fondit Monetar Ndërkombëtar dhe institucioneve të tjera financiare të huaja për ndërprerjen e kontratave koncesionare të tipit të“pakërkuar” në sektorët e infrastrukturës rrugore.

Afati i parë ishte muaji Shtator 2018. Konfindustria bën të ditur se ka kërkuar zyrtarisht pranë ekzekutivit dhe Kuvendit të Shqipërisë, se në projekt ligjin përkatës të ndalimit të lidhjes së kontratave “ të pakërkuara” duhet të përfshihen pa përjashtim të gjithë sektorët e tjerë të ekonomisë dhe jo vetëm në infrastrukturën rrugore.

Konfindustria vlerëson, se Shqipëria është e papërgatitur institucionalisht për mbrojtjen e interesit publik në afatgjatë në përdorimin e PPP dhe kontratat koncesionare në përgjithësi dhe të tipit “pakërkuar” në veçanti./ABC News Albania 24/7

byro-politike-20-maj-1280x704.jpg
nev ila21:39 | 20/05/2019

Në mbrëmjen e sotme në “Byro politike” me gazetaren Juli Xhokaxhi, kanë qenë të ftuar përfaqësues të sektorëve të konfidustrisë shqiptare. Të ftuar ishin, Gjergj Buxhuku President i Konfindustrias, Enver Mehmeti Kreu i Shoqatës së Turizmit në Shqipëri, Fatos Çoçoli ekspert i ekonomisë dhe gazetar, Alban Zusi Drejtor Ekzekutiv i Industrialistëve Ushqimore.

Të pyetur nga Juli Xhokaxhi se si ka ndikuar situata politike aktuale në vend në ekonominë shqiptare ata kanë theksuar se vendi është në krizë dhe pritet që vështirësia të jetë edhe më e madhe në muajt në vijim.

Presidenti i konfindustrias Gjergj Buxhuku tha se:

Situata e mossuksesit në Sektorin ekonomik në fakt kthehet më pas në problematikë në politikë. kemi të bëjmë me një sistem ekonomik dhe politik që ka falimentuar dhe këto janë shenjat e dhënies në praktikë të pasojave të falimentimit të një sistemi të plotë politik dhe ekonomik, pra sistemi politik ka prodhura një sistem ekonomik i cili është ezauruar

Ndërsa gazetari Fatos Çoçoli mendon se politika është e përpërgjegjshme që e ka sjellë situatën deri këtu.

Po jemi të vonuar, protesta e dhunshme që na dëmtoi ishte ajo e shkurtit. shpresoj që kjo dalje e fortë e përfaqësuesve të disa industrive kryesore të vendit të shërbejë për të frenuar deri diku atë dëm që politika me mënyrën e saj të papërgjegjshme po i bën interesave ekonomike të këtij vendi”.

Enver Mehmeti kreu i shoqatës së turizmit në shqipëri tha se efektet e kësaj krize politiko-ekonomike do ti shtrijë efektet e saj edhe në vitet e ardhshme.

Po kalojmë një suituatë ku vërteton se demokracia është e brishtë, përsëritje ciklesh mendoj ku për momentin kërkojmë të dimë arsyen dhe mënyrën e daljes nga kjo krizë. zhvillimet e fundit kanë dëmtuar jo vetëm imazhin por edhe ekonominë shqiptare, dëmton moralin e sipërmarrësve, të punonjësve. në industrinë e turizmit mund ta themi në mënyrë shumë të sinqertë se pas krizës së 97ës është dashur shumë vite të rikuperohet gjurmët që la në botë. situata aktuale ka filluar të trondisë tregun e industrisë së turizmit botëror të cilën me shumë mund kemi ndërtuar në këto vite. Rrisku është monetar, dimensional. Muajt maj, qershor dhe korrik janë vendimarrëse në përcaktimin e tregjeve në 2020. kjo klimë pasigurie do të transferohet në 2020”, tha Mehmeti.

Për Alban Zusin Drejtorin Ekzekutiv të Industrialistëve Ushqimore 4 muajt e fundit kanë qenë dukshëm problematikë dhe me ekonomi në rënie.

Po të shohësh parametrat e ekonomisë këto 4 muaj do të vëmë re se të gjithë parametrat janë në rënie, kemi tkurrje të eksporteve, edhe të fasonerisë, dhe kemi rritje të importeve. jemi shumë të shqetësuar për atë që po  ndodh, të gjithë klientët tanë thanë se kanë rënë shitjet sidomos muaji maj”, theksoi Zusi./abcnews.al

KONFINDUSTRIA-PER-KODIN-PENAL.mpg_snapshot_00.01-1280x720.jpg
ent ela14:50 | 05/05/2019

Konfindustria mbështet nismën për ashpërsimin e ndëshkimeve ndaj shkelësve të standardeve të sigurisë në prodhimet ushqimore dhe bujqësore në tregun vendas, përmes ndryshimeve në Kodin Penal. Paralelisht ajo kërkon marrjen e masave shoqëruese për zbatimin efektiv të tij nga agjencitë shtetërore. “Në të kundërt – thotë Administratori i Përgjithshëm i Konfindustrisë Gjergj Buxhuku – krijohen kushte për rritjen e shkallës së korrupsionit, goditjen e bujqësisë, industrisë agroushqimore dhe turizmit, biznesit të ndershëm dhe humbjen e mëtejshme e besimit të konsumatorëve”.

Konfindustria vlerëson, se shkak kryesor për sigurinë ushqimore të rrezikuar në tregun shqiptar është paaftësia, subjektivizmi dhe korrupsioni i agjencive shtetërore të fushës. /ABC News Albania 24/7

VIOL-XHAFAJ-INTERVISTE-ME-GJEGJ-BUXHUKUN-1280x720.jpg
ent ela11:30 | 22/04/2019

Disa nga ndryshimet në projekt ligjin për Kodin Rrugor cënojnë interesin publik. Me këtë arsyetim Konfederata e sindikatave të Shqipërisë do ti kërkojë Kuvendit të Shqipërisë të mos miratojë në seancë plenare projektligjin për disa ndryshime në Kodin Rrugor dhe njëkohësisht Presidentit të Republikës për të mos ta dekretuar.

Deputetët e Kuvendit duhen të ngrenë kartonin e kuq për projekt ligjin e Kodit rrugor e po ashtu presidenti Ilir Meta duhet të refuzojë dekretimin e tij.

Shqetësimi vjen nga Konfindustria e cila nëpërmjet një njoftimi për shtyp bën me dije se disa nga ndryimet e propozuara jo vetëm cënojnë interesin publik por janë me tipare të qarta klienteliste te tipit “kapje e shtetit”, duke rënduar në mënyrë të drejtpërdrejtë financiarisht kostot e punës se biznesit dhe jetesës së qytetarëve shqiptarë.

“Eshtë e papranueshme dhe antikushtetuese, që qytetarët dhe bizneset të penalizohen në mënyrë automatike deri në 50 mijë lekë gjobë për siguracionin e çdo automjeti edhe në kushtet e mospërdorimit të tij. Rasti i mësipërm është i pashembullut në vendet e Rajonit, në Bashkimin Evropian dhe më gjerë”.

Sipas konfederatës së sindikatave të Shqipërisë penalitetet nga zbatimi i parashikimeve ligjore në projektin e Kodit Rrugor të sjelle për miratim në Kuvendin e Shqipërisë mund të shkojnë në shumë miliona euro në vit për bizneset dhe qytetaret e mbi 6oo mije mjeteve motorrike.

“Gjithashtu, procedurialisht projekt ligji i Kodit Rrugor është kaluar për miratim në ne seance plenare Kuvendin e Shqipërisë pa u njohur për publikun shqiptar, pa u debatuar me grupet interesit dhe duke shfrytëzuar gjendjen e trazuar politike dhe funksionimin jo normal të Kuvendit të Shqipërisë”.

Për Konfindustrian gjendja bëhet edhe më e rëndë në kushtet kur Gjykata Kushtetuese prej kohësh është praktikisht jofunksionale. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono