konferenca

rama-2.jpg
ger ta07:54 | 05/12/2019

Kryeministri Edi Rama në mbledhjen e jashtëzakonshme të qëverisë u shpreh se të dielën do të mbahet në Stamboll konferenca e madhe e donatorëve.

Dje në Samitin e NATO-s i kam bërë të gjitha bisedat e nevojshme dhe përsa i përket fazës së parë të gjithë janë gati nga një vlerësim i shpejtë që bëmë së bashku me Oltën, Gentin dhe Endrin, absolutisht ata që janë në nevojë për një çadër dimërore janë të mbuluar, është thjesht cështje kohe për transportin. Përsa i përket tranzicionit nga rrënoja nga banesa e re është e garantuar. KE dha 15 mln euro. Nuk do të jetë vetëm kjo ndihma e BE-së, kjo ishte e para pa burokraci. BE-ja, KE, po punon me ne edhe për dy mekanizma të tjerë për t’iu përgjigjur kërkesës për të rialokuar të gjitha fondet IPA për këtë drejtim, rindërtimin, që kanë qenë të planifikuara po destinuara dhe tjera mekanizimi i solidaritetit për emergjencat natyrore. Priten gjithë të dhënat se pa ato s’ka s’i bëhet dhe ato po mblidhen edhe nga vetë BE.

Konferenca e madhe e donatorëve është një sukses sepse krijon premisën për një qasje shtet me shtet në raport me Shqipërinë. Një instrumet ekstra me një potencial të konsiderueshëm. Me Erdogan do të jemi të dielën me konferencën e madhe të investitorëve në Stamboll, të besimit mysliman. Po vijojmë edhe në drejtim të vendeve të tjera të rajonit lindor. Do të kemi një mbështetje të konsiderueshme në raport me nevojën. Skenari i përgatitur nga ministria e Financave që praktikisht do të jetë program i vecantë në buxhetin e shtetit është ndërtuar që gjërat të bëhen pavarësisht sa fonde do të vijnë nga jashtë, zëre se nuk do të vijë asnjë lek dhe në proces do të axhustohen numrat nga nevojat. Ne do të bëjmë rindërtimin por edhe punët e tjera. Nuk do të prekim palcën e shtyllës kurrizore të buxhetit, sikur na është propozuar apo propaganduar si zgjidhje magjike” tha Rama./abcnews.al

emmanuel-macron.jpg
nev ila21:00 | 04/12/2019

Presidenti francez Emmanuel Macron tha gjatë samitit të NATO-s se duhet të zhvillohet një konferencë partnerësh për tw organizuar ndihmat për rindërtimin dhe shpenzimet e nevojave të para për Shqipërinë.

Macron theksoi se Franca është e gatshme që ta mikpresë një konferencë të tillë.

“Kam një mesazh miqësie e mbështetjeje për miqtë tanë shqiptarë. Shqipëria është përballur me tërmete të tmerrshme javën e fundit me mbi 50 të vdekur, me mijëra njerëz që kanë humbur banesat e tyre, me familje në zi. Franca ka dërguar që në orët e para ekipe të sigurisë civile që kanë bërë një punë të shkëlqyer siç Kryeministri Rama e evidentoi dje, kur ua tha zyrtarisht dje në vendin e tij. Ne do vazhdojmë bashkëpunimin teknik. Dua t’i shpreh Shqipërisë dhe shqiptarëve gjithë mbështetjen time. Uroj që javën e ardhshme gjatë samitit të Këshillit Europian ne të kemi një qëndrim të përbashkët mbi këtë çështje dhe dua që të arrijmë të organizojmë një konferencë partnerësh, publike e private njëkohësisht për të organizuar dhurimet për rindërtimin dhe shpenzimet e nevojave të para për Shqipërinë. Franca është krejt e gatshme që ta mikpresë një konferencë të tillë, por ne kemi nevojë për një konferencë solidariteti për Shqipërinë. E në këtë pikë, nuk pajtohem me shkëputjen e Shqipërisë me Maqedoninë e veriut. Dua të jem shumë i qartë. Mendoj se në planin gjeopolitik si dhe për çështje të ekuilibrit në rajon, nuk më duket gjë e mirë ndarja e axhendave. Pra këtu dua të jem krejt i qartë. Ç’ka relativizon edhe propozimin e bërë. Kishte shumë rreth tryezës që i thanë PO”, tha Macron./abcnews.al

cakaj-pacolli.jpg
ent ela09:27 | 25/11/2019

“Të bëjmë aq sa mundemi, të bëjmë për kombin aq sa dimë”. Me këto fjalë të Kenedit e nisi konferencën mbarëkombëtare në Tiranë, Ministri i Punëve të Jashme të Kosovës Behgjet Pacolli.

Ai deklaroi se duhet të qeverisimin nga një pozitë e arsyes dhe jo e ndjenjave. Pacolli theksoi se kosovarët e kanë adhuruar shumë lart çdo gjë që vinte nga Shqipëria, por tashmë ka ardhur momenti që të zbresim nga ky terren i ndjenjave në terrenin e arsyes dhe interesave.

“I përkas atyre kosovarëve që e kanë adhuruar shumë lart çdo gjë që vinte nga Shqipëria. Ndonëse ka prodhuar rrethana të reja në shtetin E kosovës në emër të këtij adhurimi dje dhe sot kemi identifikuar jorrallë udhëheqësit e shtetit amë, ndaj them le të zbresim nga terreni i ndjenjave në terrenin e arsye dhe interesave. Të qeverisimin nga një pozitë e arsyes jo e ndjenjave”.

Qeverisja sipas Pacollit kërkon modesti në shërbim të interesave dhe kërkesave të qytetarëve.

“Në vendet tona kërkohet modesti. Vetëm me modesti do të jemi afër qytetarit e interesave të kombit. Do ishte më e shëndetshme, modesti prej Shqipërisë, jo paternalizëm, por koordinim pa zhurmë”. /abcnews.al

KONFERENCA-NE-SPITALIN-AMERIKAN.mpg_snapshot_00.02-1280x720.jpg
nev ila17:05 | 18/11/2019

Radioterapia onkologjike shihet me përparësi nga Spitali Amerikan. Së fundit ka nisur bashkëpunimin dhe shkëmbimin e eksperiencave me univesitetin shtetëror të Ohajos, i njohur për kërkimet shkencore në këtë fushë.

Radioterapia onkologjike shihet me përparësi nga Spitali Amerikan. Së fundit ka nisur bashkëpunimin dhe shkëmbimin e eksperiencave me universitetin shtetëror të Ohajos, i njohur për kërkimet shkencore në këtë fushë.

Kanë nisur të konkretizohet bashkëpunimi i Spitalit Amerikan me departamentin e onkologjisë në universitetin shtetëror të Ohajos në SHBA. Konferenca më e fundit që u zhvillua në ambientet e Spitalit Amerikan ishte hapi i radhës për të ofruar standartet më të larta të mjekësisë në radioterapinë onkologjike.

Ne ndodhemi këtu për të bashkëpunuar dhe për të dhënë eksperiencën tonë në kërkimet e radioterapisë onkologjike”.

Jo vetëm kaq por doktor Blakaj tregon se së shpejti do të implementojnë teknika të avancuara në diagonsitikimin e kancerit.

Për Spitalin Amerikan të tilla bashkëpunime janë të rëndësishme për të ofruar arritjet më të fundit të mjekësisë për pacientët në Shqipëri./abcnews.al

QJ3A8783-1-1140x684.jpg
nev ila09:00 | 18/11/2019

Rreziqet që vijnë nga mungesa e kontrollit ndaj rrjetit 5G ishte në fokus të diskutimeve në tryezën që u mbajt në Tiranë për sfidat e sigurisë së NATO-s. Mesazhet e personaliteteve amerikane ishin që autoritetet shqiptare të tregohen të kudesshëm teksa përgatiten për të azhornuar rrjetin 5 G.

“Liderët shqiptar duhet të bëjnë zgjedhjen e tyre!”

Ish këshilltari për Sigurinë Kombëtare i Shteteve të Bashkuara të Amerikës dhe ish Komandati Suprem i Forcave të NATO-s në Europë, James Jones, e kishte të drejtpërdrejtë mesazhin për autoritetet shqiptare sa i përket përgatitjeve për të azhornuar 5G.

Kryetari i Kuvendit, z. Gramoz Ruçi, mori pjesë dhe foli në Mëngjesin e Punës” NATO, Demokracia dhe Siguria përballë rreziqeve të avancimeve të shpejta të teknologjisë së informacionit”

“Ndërkohë që Shqipëria përgatitet për të azhornuar rrjetet e saj në 5G vitin e ardhshëm është e detyrueshme që liderët e saj të vendosin se kujt do ti besojnë. Shqipëria duhet të mbetet një anëtare aktive dhe e angazhuar e NATO-s. Shqipëria duhet të jetë e sigurt të bashkohet me 5G me ata që ka vendosur NATO-s.

Mund ta mendojmë si një rrip dixhital dhe një strategji rrugore dhe shumë vende po bien në një strategji të rrezikshme. Kemi shumë arsye për të besuar me mes të tjerash Kina e shikon përdorimin e pajisjeve të saj 5G si platforma tregtare inteligjente të cilat vendosën në zemër të sistemeve të kombeve në të gjithë globin. Të gjitha këto teknologji dhe zhvillime dixhitale që ka Kina i japin asaj në dorë një lak shumë të fuqishëm ku 5G mund të shërbejë si kolona e pestë.”

Ndërsa Gjenerali Jones ndau me  ministra e ish ministra, deputetë  e ish deputetë mendimin se fituesi i kësaj gare do të ketë në dorë të vendosë norma e standarde zëri zyrtar  i Shteteve të Bashkuara të Amerikës në vendin tonë  Leyla Moses Onesh foli për partneritetin e palëkundur me Shqipërinë.

Megjithë këtë në takimin me temë “NATO, Demokracia dhe Siguria përballë rreziqeve të avancimit të shpejta të teknologjisë së informacionit Ones përsëriti sugjerimin.

 “Sikurse kemi thënë pak javë ma parë, disa gjera nuk janë për shitje,  edhe infrastruktura strukturore e sigurisë nuk mund të komprometohet për këtë arsye është jetike që të merrni në konsideratë, nëse furnitorët janë subjekt i kontrollit nga një qeveri e huaj,  pa shqyrtim të pavaruar,  dhe gjithashtu elemente të së drejtës intelektuale janë të respektuara , dhe është e rëndësishme çfarë rekordi ka në respektimin e shtetit ligjor.  Shtetet e Bashkuara Shqipëria dhe aleatët e NATO-S duhet të nxitojnë drejt këtyre siguruesve të komunikimit. Këto përpjekje jo vetëm do të përmirësojnë sigurinë kombëtare të vendit,  por do të ofrojnë dhe një hapësirë të sigurtë për inovatorët e sektorit privat.”

Në këtë aspekt kryetari i Kuvendit Gramoz Ruçi diferencon Shqipërinë nga vendet e rajonit. Gjithsesi për kreun  e Republikaneve Fatmir Mediu tentativat për shpërqendrim nuk duhet ta largojnë Shqipërinë nga fokusi.

Ky mëngjes pune erdhi në  Tiranë me  indicativë  ish ministrit të Mbrojtjes Fatmir Mediu./abcnews.al

lulzim-basha-konferenca-1280x608.jpg
nev ila19:37 | 15/11/2019

“Kjo qeveri është kapur për të disatën herë në flagrancë. Shumica e eksponentët e saj duke filluar nga kreu i saj është kokë e këmbë i korruptuar”. Kështu tha, mbrëmjen e sotme kreu i PD Lulzim Basha, gjatë komunikimit të tij me median.

Ndërsa ka vazhduar akuzat e tij për qeverinë dhe kryeministrin Rama, theksoi se zgjidhja e vetme për të dalë nga kriza që është futur vendi, janë Zgjedhjet e Parakohshme Parlamentare.

“Zgjidhja është fundi paligjshmërisë, padrejtësia dhe paligjshmëria e thellon krizën. Gjithcka që lind në shkelje të ligjit dhe kushtetutës prodhon krizë, varfëri dhe korrupsion. Nuk kemi më kohë, vendi kërkon zgjidhje dhe zgjidhja është zhvillimi i Zgjedhjeve të parakohshme Parlamentare, vetëm kjo do i japë zgjidhje kësaj krize. Ky parlament është faqja e zezë dhe një shfaqje e zezë.  Zgjidhja është e thjeshtë. Le të na shërbejë ky 3 ditësh i sjelljes më të shëmtuar të mazhorancës. Kjo ishte një përpjekje e dështuar e mazhorancës për të kapur Gjykatën Kushtetuese. Marrja në dorë e fatit të vendit, Zgjedhje të Parakohshme Parlamentare të garantuara në tërësinë e tyre. Ky është parashtrimi që doja të bëja sot”, deklaroi Basha.

I pyetur për projekt rezolutën e votuar ditën e sotme në parlament Basha tha:

“Parlamenti është kthyer në strehë të krimit. Çdo akt i këtij pseudoinstitucioni për ne është nul. Prokuroria është institucioni i parë që kapi Edi Rama. Tani është futur për të kapur Gjykatën Kushtetuese. Ne do të mundësojmë ngritjen sa më shpejt të SPAK. Edi Rama po e përdor Ardian Dvoranit për të kapur institucionet e drejtësisë përfshirë edhe ILDKP“, shtoi më tej kreu i PD.

Për deklaratën e kryeministrit Rama sot në parlament, i cili tha se për të gjitha veprimet,  për sa i përket  Gjykatës Kushtetuese, ka patur mbështetjen e atyre që kanë iniciuar reformën në drejtësi, dhe lidhur me vlerësimin që Basha ka, për qëndrimin e ambasadorëve në raport me institucionet, kreu i PD tha:

Ambasadorët të flasin për vete. Ndërsa Edi Rama e ka zakon të fshihet pas të tjerëve dhe preferon të fshihet pas grave ose pas ambasadave, kjo është historia e tij politike. Kam mirënjohje për të gjithë ata që kanë ndihmuar për reformën në drejtësi, por e kam të vështirë që të besoj se ndërkombëtarët i thonë Edi Ramës, që të kapë drejtësinë apo të ndërtoj një shtet të korruptuar, këtë nuk ja këshillojnë ndërkombëtarët. Megjithatë secili duhet të përgjigjet për përgjegjësitë që ka. Edi Rama gjithmonë i ikën përgjegjësive të tij duke u fshehur pas të tjerëve. Këto 6 vite vetëm ka vjedhur, ka bërë krime dhe ka kapur shtetin“, tha Basha./abcnews.al

 

 

presidenti-ilir-meta-1280x824.jpg
nev ila21:26 | 13/11/2019

Në konferencën për shtyp, mbrëmjen e sotme, presidenti  Meta deklaroi se, do të qëndrojë në detyrën e Presidentit të Republikës deri në datën 24 Korrik 2022.

“Asnjë dyshim deri në 24 korrik 2022, do të jem në krye të Institucionit të Presidentit, me dorën mbi Kushtetutë. Të paktën ju nuk duhet të keni asnjë dyshim për këtë”, deklaroi Meta.

Më tej Meta tha se Presidenti i republikës nuk ka asnjë përplasje me askënd.

“Ka një vullnet sistematik, të vendosur, institucional, zyrtar të presidentit të republikës për të bashkëpunuar me KED. Në këtë aspekt ka një informim të vazhdueshëm  nga ana e presidentit edhe për parlamentin, në mënyrë që të ketë bashkëpunim. Është presidenti ai që kërkon zgjidhje,  kërkon respektimin e kushtetutës. Është presidenti ai që ditën e Hënë nga Parisi i ka kërkuar kuvendit të ushtrojë me përgjegjësi kompetencat e tij sepse ky është proces që ka të bëjë me të ardhmen evropiane të Shqipërisë, që dikush nuk e do me patjetër. Për këtë proces do të informohet edhe Bundestagu por edhe vendet e tjera. Nuk ka individ mbi kushtetutën, nuk ka fuqi  mbi kushtetutën. Nga ana e presidentit ka vetëm kërkesë për bashkëpunim. Do ju vëmë në dispozicion të gjitha letrat tona drejtuar KED dhe kryetarit, se çfarë i kemi kërkuar, ia kemi dërguar në kohë”, tha Meta./abcnews.al

Lampard.jpg
Veronik Istrefaj17:09 | 04/11/2019

Chelsea luan nesër kundër Ajax, sfidë e vlefshme për javën e katërt të fazës së grupeve në Champions League. Strategu anglez po bën një punë të shkëlqyer në krye te Chelsea dhe sot në konferencën e tij për shtyp, ka treguar si mundet Ajaxi.

“Ne duhet të kuptojmë se Ajax është një skuadër me shumë kualitet dhe shumë e rrezikshme. Janë një skuadër shumë teknike. Megjithatë, ne kemi treguar një forcë të jashtëzakonshme pas ndeshjes së parë, që fatkeqësisht e humbëm. Si Chelsea, presim që të kualifikohemi nga ky grup, pasi jemi një klub i madh. Nëse tregojmë të njëjtën dëshirë dhe uri për të fituar siç kemi bërë ndeshjen e fundit, e mposhtim Ajaxin.

“Ng’olo Kante është në 100% të kondicionit fizik dhe i gatshëm për të luajtur. Të gjitha problemet e tij fizike janë lënë pas. VAR? Të gjithë duam të kemi futboll të bukur dhe të drejtë, por deri më tani, nuk po rezulton i suksesshëm. Besoj se do të luajmë me të njejtët futbollistë. Kovaciç dhe Jorginho do të jenë lojtarët kyç dhe pres që çdo top të kalojë në këmbët e tyre. E gjithë skuadra ka punuar mirë në stërvitje”, përfundoi Lampard./abcnews.al

Klopp.png
Veronik Istrefaj16:41 | 04/11/2019

Trajneri i Liverpool, Jurgen Klopp, foli para ndeshjes së nesërme kundër Genk, e vlefshme për Champions League (raundi 4). Në fjalën e tij, strategu gjerman preku shumë tema, nga dëmtimet, e deri te sfida me Manchester City në fundjavë, e vlefshme për kampionat.

DËMTIMET – “Askush nga lojtarët nuk është ankuar. Dje në stërvitje, të gjithë e dinin se çfarë detyrash kanë dhe se sa do të luajnë. Kjo është një periudhë ku ka shumë ndeshje dhe askush nuk do të luajë nëse nuk është në 100%. Dëmtime? Asgjë të re, të gjithë besoj se do të jenë të gatshëm”.

ROTACION – “Bëmë një ndeshje të lodhshme kundër Aston Villa, do të ketë rotacion. Po mendojmë dhe për sfidën e së dielës ndaj Manchester City. Edhe ju po e mendoni, apo jo? (qesh). Kemi një grup lojtarësh shumë të madh dhe të gjithë do të përdoren në këtë fazë kampionati”.

GENK – “Në një sfidë si kjo kundër Genk, duhet të luajmë me formacionin më të mirë të mundshëm. Kanë fituar ndaj Madridit në transfertë, prandaj nuk do të jetë aspak e lehtë. I mundëm në fushën e tyre, por të jemi të sinqertë: Nuk bëmë një ndeshje të mirë”.

ANKESAT – “Çfarë ankesash? Asnjë lojtar nuk ka problem. Bëmë ndryshime ndaj Arsenalit, pastaj ndaj Aston Villa, do të kemi ndryshime nesër. Asnjë lojtar nuk është ankuar. Do të luajmë nesër, më pas do të mendojmë për Cityn”, përfundoi Klopp./abcnews.al

rama-ballkani.jpg
ent ela12:03 | 28/10/2019

Kryeministri Rama në fjalën e tij në konferencën “Politika amerikane në Ballkanin Perëndimor” vlerësoi rolin e Shteteve të Bashkuara të Amerikës që ka ndikuar më së miri në jetën e shqiptarëve, të cilët thekoi ai sot janë më mirë se asnjëherë tjetër falë marrëdhënieve me SHBA-në.

“Nëse sot në rajonin tonë shqiptarët janë më mirë se asnjëherë tjetër krahasuar me të shkuarën e vështirë të kombit tonë dhe popullit tonë të shpërndarë në gjithë shtetet e rajonit, kjo i dedikohet kësaj marrëdhëniejeje speciale me SHBA dhe qasjes së SHBA ndaj shqiptarëve dhe vetë rajonit. I shkojmë më së miri kësaj marrëdhënieje dhe përkushtimit të shqiptarëve, fjalët e Nolit, i cili thotë se për Amerikën një vend kaq i madh që udhëheq njerëzimin në paqe liri e demokraci”.

Për Rama Ballkani Perëndimor është pasqyra e suksesit rrezatues të politikës së jashtme amerikane, ku nga konflikti e bombat, sot jemi në kushtet ku flasim për intensifikim rajonal.

“Nëse sot është vend më i mirë, kjo i dedikohet SHBA-së dhe Ballkani Perëndimor është pasqyra e suksesit rrezatues të politkës së jashtme amerikane pas përfundimit të luftës së ftohtë, ku historia e përmbledhur ku kemi jetuar si dëshmitarë okularë, që nisi me një konflikt të madh pastaj u shkua në bomba dhe nga bombat jemi në kushtet ku flasim për intensifikim rajonal dhe pse jemi ende larg zgjidhjes përfundimtare të paqes”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono