konferenca

rama-edi-1-1280x707.jpg
nev ila21:14 | 30/06/2019

Me ovacione të shumta nga përkrahësit e PS-së, kryeministri Edi Rama në një dalje para mediave e ka quajtur 30 qershorin moment historik për Shqipërinë.

Rama nga selia rozë  tha se sot fitoi shpresa dhe qytetaria dhe humbi Shqipëria e djeshme “pa din e as imam”.

Të nderuar qytetarë, sot ishte 30 qershori i një Shqipërie që për shumë muaj përjetoi dramën e një përcarje të rëndë politike. Të frymëzuar nxitur dhe organizuar për të ndaluar rrugën e integrimit të popullit shqiptar në familjen e popujve të europës. sot ishte dita e zgjedhjeve që u kulmua e një përplasje historike mes antishtetit dhe shtetit, mes pandëshkueshmërisë dhe ndëshkueshmërisë, mes dhunës së të djeshmes, Shqipërisë së vjetër dhe shqipërisë së drejtë që duam. Sot fitoi e ardhmja fitoi qytetaria fitoi shpresa. Fitoi me të drejtë e me dinjitet Shqipëria e nesërme evropiane, humbi shqipëria e së djeshmes. Ishte fitore e vështirë mbase më e vështira sepse nuk luftuan mes vedit por luftoi vetë sistemi i brishtë demokratikë.  Sot 30 qershori që dukej sikur s’do vinte kurrë po ikën paqësisht. Faleminderit miqve e partnerëve të palëkundur të shqipërisë demokratike. Faleminderit SHBA-ve dhe përfaqësisë së saj në Tiranë, BE-së, faleminderit OSBE-së dhe çdo kujt tjetër dhe përfaqësuesit të nderuar që dhanë një dorë në këtë betejë absurde. Jo vetëm faleminderit por edhe ndjesë kujtdo nga miqtë e huaj që u bënë objekt i sulmeve të halldupëve që na turpëruan të gjithëve. Pas pak hyn një ditë e re që e gjen shqipërinë e çliruar. Dita e re vjen e ngarkuar me sfidën e re që hija e marrëzisë përçarëse ka lënë pas. Shqipëria nuk e meritoi çka pa e ç’dëgjoi këto kohë. Zgjedhësit e këtij vendi nuk e meritonin gjithë atë presion kriminal dhe mizerabël,  nuk e meritonte gjithë atë llum të zi të hedhura në mediat e botës të një qameti që nuk ndodhi. Sot populli foli qartë dhe bukur. Qoftë duke shkuar të votojnë apo jo folën me gjuhën e paqes. Ata kthyen ditën e paralajmëruar të qametit në ditë paqeje. U kry për bukuri me një llaf!

Ne do bëjmë tonën, duke u përulur përpara popullit. duke reflektuar shumë më tepër në nivelin qendror dhe vendor. Ne nuk fituam ndonjë betejë, por luftën e të gjitha zgjedhjeve të të gjithë radhëve. nga sot shqipëria nuk do të shohë më djegie mandatesh dhe fronte armiqësore politike. Kemi bërë punë gabim ndonjërën e kemi bërë edhe keq. njerëzit nga nesër do të jenë me plot të drejtë shumë më pak të duruar”./abcnews.al

konferenca-han.jpg
ent ela13:20 | 29/05/2019

“Shqipëria në veçanti ka vazhduar transformim madhor të sistemit të drejtësisë”. Kështu ka deklaruar në konferëncën për shtyp për prezantimin e progres raportit të Shqipërisë dhe Maqedonisë së Veriut.

“Për herë të parë nuk kemi pasur rrjedhje të raporteve. Për herë të parë lajme të mira. Janë bërë disa arritje të rëndësishme.

Shqipëria në veçanti ka vazhduar transformim madhor të sistemit të drejtësisië, i rëndësishëm për shfarosjen e korrupsionit dhe risjelljen e besimit në këtë fushë, luftën kundër krimit të organizuar dhe korrupsionit. Bashkëpunimi ndërkombëtar ka sjellë arritje,  edhe më shumë duhet bërë. Nuk kemi  arritur te fundi i përpjekjeve të përbashkëta”.

Për Maqedoninë ka vlerësuar marrëveshjen historike me Greqinë

“Ka arritur marrëveshjen historike me Greqinë. I vetmi vend që nuk ka konflikt me vendet e tjera”.

Sa i përket Kosovës Hanh tha se duhe ttë fokusohet te zbatimi i MSA dhe të shfuqizojë tarifat 100%, ndërsa shtoi se do bëjë sërish përpjekje në qershor zhbllokuar këtë situatë.

“Kosova duhet të fokusohet te zbatimi i MSA, të shfuqizojë tarifat 100% që të fillojë dialogu me Serbinë. Unë në qershor do bëj përpjekje tjetër për të zhbllokuar këtë situatë. Nuk e di nëse do kemi sukses, por do përdorim çdo mundësi që kemi që dëmton zhvillimin e këtyre dy vendeve dhe rajonit”.

Ai theksoi se gjithçka në bazohet në fakte të forta objektive. /abcnews.al

liri-berisha.jpg
G. P.23:00 | 06/04/2019

Bashkë ndaj autizmit është konferenca që u mbajt në kuadër të muajit të Ndërgjegjësimit ndaj Autizimit. Në Shqipëri nevojat për këtë komunitet janë ende të mëdha u shpreh drejtuesja e fondacionit “Fëmijët Shqiptarë”, dr. Liri Berisha.

Një në 59 fëmijë diagnostikohet me çrregullim të spektrit autik. Autizmi është bërë pjesë e shoqërisë globale si asnjëherë më parë dhe po kështu edhe pjesë e shoqërisë shqiptare.

Konferenca “Bashkë ndaj autizmit” u mbajt në kuadër të muajit të ndërgjegjësimit ndaj autizmit me qëllim qasjen e informacionit më të fundit për situatën e këtij çrregullimi në Shqipëri në funksion të rregullimit të politikave në këtë drejtim.

Në mesazhin e saj dr. Liri Berisha pasi bëri një përshkrim të përmbledhur të nismave dhe përpjekjeve të fondacionit në rrugëtimin gati 12-vjeçar në fushën e autizmit u shpreh se nevojat për këtë komunitet janë ende të mëdha.

“Pavarësisht ndryshimeve që janë krijuar për këta fëmijë duhet të krijohen alternativa të integrimit përmes arsimimit dhe trajtimit të nevojave të veçanta. Është shumë e rëndësishme pajisja e mësuesve me njohuritë e domosdoshme për të pasur të lehtë ndërtimin e marrëdhënieve në klasë me këta fëmijë, por unë mendoj se duhet dhe një stimul më shumë për mësuesit”, tha ajo.

Fondacioni solli në këtë konferencë edhe lajmin për publikimin e dy librave të rinj për prindërit, ku njëri prej tyre është manual praktik për terapinë në kushte shtëpiake i shoqëruar edhe me DVD. Ndërsa tjetri rrëfime dhe mesazhe nga prindërit për prindërit./abcnews.al

MATOSHI-KLOSI-SINKRON.mpg_snapshot_01.11-1280x720.jpg
ent ela13:30 | 05/04/2019

Konferenca mbi Klimën në Ballkanin Perëndimor që po zhvillohet në Tiranë ka nisur me një incident diplomatik. Delegacioni i Serbisë i kryesuar nga ministri serb i Mjedisit nuk ka pranuar që Kosova të ulet në tryezë me të drejta të plota përmes ministrit të Mjedisit Fatmir Matoshi, por ka kërkuar të përfaqësohet nën siglën e misionit të Kombeve të Bashkuara në Kosovë, UNMIK.

Tensionet Kosovë –Serbi mbërrijnë dhe në Tiranë. Një incident mes palëve ka shtyrë për rreth dy orë konferencën për klimën në Ballkanin Perëndimor. Detajet para gazetarëve i shpjegoi ministri i Mjedisit dhe Planifikimit Hapësinor Fatmir Matoshi.

Aktiviteti organizohej nga Kombet e Bashkuara, ndërsa Kosova ishte ftuar për të marrë pjesë nga mikpritësja e takimit, Shqipëria.

Kosova vinte me statusin e të ftuarit special për të cilën ministri shqiptar i Mjedisit dhe Turizmit Blendi Klosi tregoi se kishte dakordësinë e Kombeve të Bashkuara dhe Serbisë.

Pas rreth dy orë negociatash mes palësh me ndërmjetësim të ministrit të Mjedisit dhe Turizmit Blendi Klosi konferenca nisi në nivel teknik dhe në tryezë ishin të pranishëm si përfaqësues të delegacionit serb ashtu dhe atij kosovar.

Pavaresisht kësaj ministri i Mjedisit dhe Planifikimit Hapësinor Fatmir Matoshi atë çfarë kishte pasur për të thënë tregoi se ja kishte bërë të ditur në darkën e zhvilluar mbrëmjen e të enjtes.

Incidenti në Tiranë vjen një ditë pasi Kryeministrja e Serbisë konfirmoi para gazetarëve në Samitin e Dytë Digjital në Beograd se Kosova dhe Serbia do të përballen në Arbitrazh për taksën mbi mallrat serbe./abcnews.al

kuvendi-770x434.jpg
ent ela11:40 | 18/03/2019

Seanca e radhës e Kuvendit të Shqipërisë do të mbahet te enjten në orën 10.00.

Kjo  është vendosur nga Konferenca e Kryetareve e mbledhur paraditen e sotme. Ky vendim pritet të pasqyrohet edhe përmes njoftimit te seancës plenare në faqen zyrtare të Kuvendit të Shqipërisë.

Ndërkohe nuk ka ende një reagim nga opozita, lidhur me qëndrimin e saj në këtë ditë, nëse do të thërrasë apo jo proteste para Parlamentit si edhe në javët e kaluara. Pas protestës se 16 Marsit, opozita nuk ka deklaruar asnjë datë për manifestimin e radhës./abcnews.al

 

 

 

OK-KOMUNITETI-MYSLIMAN-ROLI-I-GRUAS.mpg_snapshot_00.02-1280x720.jpg
ent ela08:11 | 11/01/2019

“Roli i gruas në shoqërinë moderne sipas këndvështrimit islam” ka qenë tema në konferencën ndërkombëtare të zhvilluar nga Komuniteti Mysliman Shqiptar në bashkëpunim me Këshillin Botëror të Komuniteteve Myslimane.

Komuniteti Mysliman i Shqipërisë në bashkëpunim me Këshillin Botëror të Komuniteteve Myslimane dhe Departamentin e Shkencave Islame pranë Kolegjit Universitar “Bedër”, organizuan Konferencën Ndërkombëtare me temë ‘Roli i gruas në shoqërinë moderne sipas këndvështrimit Islam’.

Në fjalën e tij Kreu i Komunitetit Mysliman Shqiptar, Skënder Bruçaj tha se konferenca flet për vlerën e gruas në fenë islame dhe në shoqëri.

Në konferencën mbi rolin e gruas në shoqërinë moderne sipas këndvështrimit islam ishte edhe Sekretari i Përgjithshëm i Këshillit Botërorë i komuniteteve Myslimane.

Kreu i Komunitetit Mysliman Shqiptar, Skënder Bruçaj dha edhe një mesazh për aktorët kryesorë në vend për mbrojtjen e gruas. /abcnews.al

 

senida-mesi.jpg
ent ela19:14 | 23/11/2018

Sot u organizua Konferenca Kombëtare “SHQIPËRIA, Decentralizim në Progres…!”, ku u bë një vlerësim i ecurisë së decentralizimit, duke u përqendruar në aspekte të ndryshme të tij në vend, prezantuar përpjekjet dhe arritjet e deritanishme në fuqizimin e qeverisjes vendore, si dhe sfidat që dalin përpara në të ardhmen.
Konferenca u hap nga Zëvendëskryeministrja e Republikës së Shqipërisë Znj. Senida Mesi dhe Ambasadori i Konfederatës së Zvicrës në Tiranë Z. Adrian Maître; u bënë prezantime teknike nga Ministria e Brendshme dhe Ministria e Financave dhe Ekonomisë, si dhe u zhvilluan diskutime nga panel ekspertësh, përfaqësues politikë dhe të Bashkive, si dhe të institucioneve të ndryshme.

Në fjalën e saj, Zëvendëskryeministrja Mesi duke shprehur falenderimin për angazhimin shumë-vjeçar të qeverisë zvicerane ndaj zhvillimit dhe demokratizimit të qeverisjes vendore, u ndal tek reforma e organizimit administrative-territoriale duke e nënvizuar atë si një prej reformave që i ka hapur rrugë tashmë një procesi efektiv decentralizimi dhe ndërtimi të një autonomie reale vendore: përfaqësim më të mirë, demokraci vendore të prekshme dhe shërbime më cilësore e më lehtë të aksesueshme në secilën njësi të vendit. Ajo përmendi gjithashtu disa prej arritjeve të deritanishme të aktorëve vendorë që pas ndërmarrjes së kësaj reforme.

“Kemi rritje të ardhurash nga taksat dhe tarifat vendore të mbledhura nga bashkitë me 28%, si dhe rritje shpenzimesh për investimet vendore me 88 % në vitin 2017 krahasuar me vitin 2016. Në të njëjtën kohë, kemi përmirësim të treguesve makro-ekonomik lidhur me planifikimin e të ardhurave për pushtetin vendor, si dhe një orientim të zhvillimit të qëndrueshëm territorial nëpërmjet miratimit të Planeve të Përgjithshme Vendore, deri tani për 26 Bashki të vendit”, u shpreh Znj.

Mesi, teksa nënvizoi faktin që ka përmirësim të shtrirjes dhe menaxhimit të shërbimeve vendore, si në rastin e: menaxhimit të sistemit të ujitjes dhe kullimit, rritjes së mbulimit territorial të shërbimit zjarrfikës, shtimit të fondit të pyjeve dhe kullotave, shërbimit të transportit ndërlidhës në zonat rurale etj. Zëvendëskryeministrja Mesi u ndal gjithashtu tek rëndësia e krijimit të një administrate publike qendrore dhe vendore të gatshme për integrimin e vendit në Bashkimin Europian, në kuadër të së cilës ri-konfirmoi gatishmërinë e qeverisë shqiptare për të bashkëpunuar me pushtetin vendor për realizimin e këtij qëllimi.

“Shqipëria ka bërë progres të rëndësishëm në reformën territoriale dhe forcimin e bashkive. Decentralizimi është një mjet drejt qeverisjes së mirë vendore. Decentralizimi i pushtetit i sjell vendimet aty ku njerëzit janë, duke konsideruar aspiratat dhe nevojat e çdo komuniteti, sado i vogël apo i largët, si dhe nevojat e sektorit privat në këto komunitete”, tha Ambasadori Zviceran Adrian Maître. Ai përmendi se progresi është i dukshëm për sa i përket delegimit të më shumë funksioneve tek bashkitë, dhe shtoi se “ajo që duhet tani është zbatimi i ligjeve dhe konsolidimi i reformave”.

Një nga gjetjet kryesore të vlerësimit ishte se bashkitë e reja kanë rritur shkallën në kohezionin territorial dhe social dhe kanë një vizion të integruar për zhvillimin, pas tre vitesh të Reformës Administrative-Territoriale. Konferenca u mbështet nga Programi Zviceran për Decentralizimin dhe Zhvillimin Vendor (dldp) dhe shërbeu si një platformë dialogu për avancimin e procesit të decentralizimit. Mbështetja nga programi zviceran është dhënë që nga fillimi i Reformës Administrative-Territoriale në vitin 2015-të./abcnews.al

META-NE-MARSEJE-1280x720.jpg
ent ela15:47 | 13/11/2018

Presidenti i Republikës, Ilir Meta ishte i ftuar nderi në Konferencën ndërkombëtare të zhvilluar në Marsejë me temë “Mesdheu i së Ardhmes”.

Përveç rëndësisë së bashkëpunimit dhe krijimit të lidhjeve të forta mes dy vendeve, kreu i shtetit shqiptar foli edhe për sfidat serioze me të cilat përballet Shqipëria.

Lëvizshmëria e të rinjve mund të jetë diçka e mirë e mund të konsiderohet si bekim por, në njëfarë mënyre, ajo mund të shndërrohet edhe në një mallkim, nëse njerëzit nuk kthehen sërish në vendin e tyre- u shpreh presidenti Ilir Meta.Kërcënimi i largimit të të rinjve është një dukuri e shtrirë në rajonin e Ballkanit i cili nëse nuk trajtohet në shkaqet dhe rrënjët e tij, ai mund të prodhojë një cikël të rrezikshëm vicioz që vështirë se mund të shpërthehet e të këputet tha presidenti Meta në fjalën e tij drejtuar Konferencës ndërkombëtare në Marsejë. /abcnews.al

72ad285d-b285-4d35-bdd9-db94698ab132-1280x853.jpg
ent ela10:55 | 22/10/2018

Prokuroria e Krimeve të Rënda dhe Policia e Shtetit kanë dhënë zyrtarisht shifrat e bilancit të operacionit që u realizua në tre ditët e fundit në 12 qytete të vendit nga veriu në jug. Gjithsej janë lëshuar 44 urdhër-arreste për katër grupet kriminale. Nga operacioni u godit grupi i laboratorit të heroinës në Has, grupi i Shijakut, ndërsa janë arrestuar edhe dy ish-deputetët e PS, Arben Ndoka dhe Arben Çuko, që dolën nga përgjimet e grupit kriminal të Avdylajve.

Për zbulimin e laboratorit të Heroinës në Brenog të Hasit dhe prangosjen e 27 personave, të cilët janë të skeduar si anëtarë të katër grupeve kriminale, u angazhuan rreth 1500 forca policia në të gjithë vendin. Këto janë pamjet nga brenda laboratorit të drogës të shpërndara nga uniformat blu. Siç duket edhe nga pamjet brenda ambienteve të godinës në pronësi të Xhevit Shuti, agjentët e antidrogës gjetën fuçi dhe bidona me lëndë të parë që përdoret për përftimin e heroinës.

Në një konferencë të përbashkët për shtyp, drejtori i Policisë së Shtetit, Ardi Veliu dhe kreu i Prokurorisë së Krimeve të Rënda, Donika Prela, dhanë detaje për laboratorin e heroinës dhe si ranë në gjurmë të tij.

Ardi Veliu: Gjithashtu u godit një laborator i përpunimit të heroinës në fshatin Brenog në Has, ku ndër të tjera janë sekuestruar 182.5 kilogramë morfinë, e ndarë në 175 pako, 22 litra lëndë e lëngshme, të cilat përdoreshin për prodhimin e heroinës. Procedimi për këtë operacion ka nisur pas një referimi të Policisë së Shtetit në Prokurorinë e Krimeve të Rënda. Gjatë kësaj periudhe, veçanërisht me intensitet në muajt e fundit, për dokumentimin e kësaj dosjeje, janë përdorur metoda speciale të hetimit. Të arrestuar në flagrancë janë 5 shtetas për veprat penale “Prodhimi dhe shitja e narkotikëve”, “Trafikim i narkotikëve”, “Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale:

  1. Vehbi Berushi, 57 vjeç
  2. Flamur Çela, 48 vjeç
  3. Xhevit Shuti, 48 vjeç
  4. Mustaf Shuti, 76 vjeç
  5. Anila Shuti, 42 vjeç

U shpallën në kërkim 4 persona: 2 shtetas turq, 1 kosovar dhe 1 shqiptar”.

Donika Prela: “Ka pasur dyshime të arsyeshme se persona të paidentifikuar në bashkëpunim me njëri-tjetrin trafikonin lëndë narkotike nga Shqipëria në drejtim të Italisë si dhe vende të tjera të BE-së. Mbi këtë bazë janë kryer hetime si përgjime ambientale, vëzhgime etj, ytë realizuara në një periudhë kohore prej dy vjet”.

Po kështu nga përgjimet dolën edhe dy ish-deputetetët e Partisë Socialiste, Arben Ndoka dhe Arben Çuko. Laboratori i drogës u godit më mëngjesin e 18 Tetorit. Ndërkohë burime, nga policia pohojnë se Astrit Avdyli dhe anëtarët e tjerë të organizatës kriminale me qendër në Shijak të Durrësit ishin edhe poseduesit e lëndës narkotike, të cilët do ta eksportonin në shtetin Gjerman.

Ardi Veliu: Në zbatim të vendimeve të Gjykatës së Shkallës së Parë të Krimeve të Rënda, janë ekzekutuar vendime penale në disa qytete, si dhe janë ushtruar rreth 100 kontrolle banesash dhe ambientesh të tjera. Të arrestuar për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona”.
Po kështu edhe tre punonjës të policisë u prangosën të cilët kanë ndihmuar anëtarët e grupit kriminal të kalojnë kufirin në mënyrë të paligjshme dhe t’i shpëtojnë prangosjes.

Ardi Veliu: Në kuadër të këtij mega operacioni, ku u goditën këto 4 grupe kriminale, është zbuluar edhe implikimi i 3 punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale: 
1. Ardit Gjyriqi, nga Tirana;
2. Jasin Abdul, nga Saranda;
 
3. Bledar Koçi, nga Lushnja.Ndërkohë në kuadër të këtij procedimi janë arrestuar më herët edhe 12 persona për vepra të ndryshme penale që lidhen me fushën e narkotikëve”.
 

Gjatë kontrollit në më shumë se 100 objekte u zbuluan lëndë narkotike heroinë e kokainë, 3 pistoleta, presë për lëndë narkotike të llojit heroine, peshore elektronike si edhe13 mjete, ku njëri është i blinduar./abcnews.al

c7ed4556-dbe0-4979-86c8-2b962f1d2f95.jpg
G. P.16:12 | 18/10/2018

Ministri i Brendshëm, Fatmir Xhafaj, ka paralajmëruar se shumë shpejt publikut do t’i jepen lajme interesante. ABC News mësoi se bëhet fjalë për goditjen e një grupi trafiku narkotikësh në Shqipëri dhe Gjermani.

Ministri Xhafaj dhe drejtori i Policisë së Shtetit Veliu u takuan sot në Tiranë me drejtorin e policisë federale gjermane Dieter Roman.

Ministri i Brendshëm, Fatmir Xhafaj, ka paralajmëruar se shumë shpejt publikut do t’i jepen lajme interesante, duke nenkuptuar arrestime te rendesishme apo goditje grupesh kriminale.

“Gjatë këtyre ditëve rrini afër me Gentin dhe Bitën se do keni lajme interesante, se kur bashkëpunohet ka edhe gjëra të mra, të tjerat dalëngadalë”.

Pas kësaj deklarate të ministrit Xhafaj, ABC News mësoi nga burime te saj se aktualisht policia shqiptare në bashkëpunim me atë gjermane po zhvillojnë një operacion në fushën e trafikut te narkotikëve. Burimet folen per arrestime në Shqipëri dhe Gjermani, ndërsa detajet e operacionit do mesohen në një moment tjetër.

Bashkëpunimin me partnerët gjermanë, në goditjen e grupeve kriminale Ministri Xhafaj e theksoi edhe gjatë  deklaratës së përbashkët me drejtorin e policisë federale gjermane Dieter Roman, me të cilin u takua në Tiranë.

Fatmir Xhafaj, Ministër i Brendshëm: “Ky intensitet shkëmbimesh i nivelit të lartë me Gjermaninë, është tregues kuptimplotë i besimit mes palëve dhe marrëdhënieve të shkëlqyera të vendosura tashmë me Policinë Gjermane, marrëdhënie të cilat, nuk do ta teproja nëse theksoja, se janë modeli që ne dëshirojmë të ndjekim edhe me vendet e tjera”.

Dieter Romann, Drejtor i Policise Federale Gjermane: “Që prej vitit 2013, kemi në Tiranë, në Shqipëri oficerë ndërlidhës. Sigurisht siç u përmend edhe këtu, mbas pak kohësh do të angazhojmë edhe një ekspert tjetër të nivelit të lartë, i cili do të ndihmojë në koordinimin dhe konsolidimin e mëtejshëm të bashkëpunimit tonë në kuadër projektesh të ndryshme. Gjithashtu prej disa vitesh jemi tepër aktiv përsa u përket masave formuese, arsimuese dhe kualifikuese të punonjësve të policisë në Tiranë dhe në gjithë Shqipërinë”.

Kurse  në drejtorinë e Policinë e Shtetit u zhvillua ceremonia e dorëzimit të 20 automjeteve nga homologët gjermane. Flota e mjeteve do të ndihmojë punën e strukturave të policisë rrugore dhe disa sektorëve të tjerë të uniformave blu. Pala  gjermane garanton një bashkëpunim afatgjatë dhe strategjik të dy anshëm. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono