koncesion

shehaj-1280x646.jpg
Sej rie17:00 | 16/07/2019

Partia Demokratike akuzon qeverinë se ka shkelur ligjin dhe vendimin e gjykatave duke e dhënë me koncesion kontrollin e pompave që furnizojnë qytetarët me karburant. Ish-deputeti i Partisë Demokratike Agron Shehaj tha se ky koncesion i heq arkës së shtetit 100 milionë euro për 20 vjet dhe ia jep ato klientëve të kryeministrit.

Monopol i ri në tregun e hidrokarbureve. Është ky denoncimi i radhës nga selia e Partisë Demokratike. Sipas ish deputetit Agron Shehaj qeveria ka dhënë me koncesion kontrollin e pompave që furnizojnë qytetarët me karburant në kundërshtim me vendimin e datës 27 maj 2019 të Gjykatës Administrative të Tiranës e cila vendosi pezullimin e tenderit.

“Gjykata ka anuluar tenderin sepse “kriteret e dokumentacionit të koncesionit janë në kundërshtim me ligjin në fuqi” dhe urdhëron ministrinë të “ndryshojë kriteret dhe të fillojë tenderin nga fillimi”.

Pompat e karburantit praktikisht, kontrollojnë shitësin që të mos mashtrojë konsumatorin në sasinë e karburantit. Aktualisht kontrolli bëhet 2 herë në vit dhe qeveria arkëton pothuajse 60 euro për çdo kontroll sqaron ish deputeti demokrat.

  “Sot ky shërbim bëhet nga Drejtoria  e Metrologjisë dhe sjell në arkat e shtetit rreth 5 milionë euro në vit. Me dhënien e këtij shërbimi në koncesion, nëse nuk ndryshon tarifa, kompania e përzgjedhur nga Rama do të përfitojë këtë shumë për 20 vitet e ardhshme. Praktikisht 100 milionë euro nuk do të shkojnë më në arkën e shtetit por në xhepat e Ramës dhe miqve te tij”.

Duke treguar edhe procedurën që është ndjekur ish deputeti i Partisë Demokratike nënvizon se është ministria e Financave ajo që ka shkelur ligjin dhe ka shpërfillur vendimin e Gjykatës. Koncesioni i heq arkës së shtetit 100 milionë euro për 20 vjet dhe ia jep ato klientëve të Edi Ramës dhe familjes së tij deklaron Agron Shehaj.

“Investimi është prej vetëm 600.000 euro, kurse përfitimet janë shumë herë më të mëdha, 100 milionë euro. Kohëzgjatja prej 20-vjetesh është e pajustifikueshme, ka si qëllim vetëm krijimin e një monopoli”.

Partia Demokratike bën të ditur se ky koncension dhe të gjithë të tjerët që janë në kundërshtim me ligjin do të anulohen në të ardhmen./ABC News Albania 24/7

lixhat-1280x695.jpg
ent ela16:47 | 29/01/2019

Një përfaqësi e banorëve të lagjes së Llixhave në Peshkopi, zhvilluan një takim me prefektin për t’u sqaruar në lidhje me dhënien me koncesion të ujit të llixhave. Banorët kërkojnë shfuqizimin dhe anulimin e këtij vendimi sipas tyre korruptiv, pasi është në dëm të 35 hoteleve, dhe më shumë se 200 familjeve pritëse. Ata thonë se janë taksapagues të rregullt dhe gjithë investimet e tyre, janë bërë në funksion të llixhave.

Prefekti kishte thirrur për t’u informuar mbi procedurën, edhe dy përfaqesuesit e Bashkisë në Këshillin e Basenit ujor Drin – Bunë, Hasan Manja dhe Ramazan Zili. Prefekti siguroi banorët se shqetësimet e tyre do t’ia përcjellë prefektit të Shkodrës, në cilësinë e kryetarit të këshillit të basenit dhe kryeministrit, për t’u shqyrtuar sërish mënyra se si është vepruar për dhënien me koncesion të llixhave./abcnews.al

 

 

hoteli1-780x439-933x445.jpg
G. P.12:36 | 22/12/2018

Ka përfunduar afati për dorëzimin e ofertave nga operatorë të ndryshëm ekonomik për dhënien me koncension të Aeroportit të Kukësit. Ministria e Infrastukturës dhe Energjisë bën me dije se Komisioni, ka përzgjedhur dy kompani që kanë ofruar një investim prej afro 8 milionë eurosh.

Aeroporti i Kukësit ka një ofertë konkrete dhe dy kompani që janë përzgjedhur ta ndërtojnë. Lajmin e njofton Ministria e Industrisë dhe Energjisë sipas të cilës afati përfundimtar për dorëzimin e ofertave nga operatorë të ndryshëm ekonomik në procedurën konkuruese ka përfunduar me datë 20 dhjetor të këtij viti.

“Komisioni, pas hapjes së ofertave konstaton se ka paraqitur ofertën e tij për këtë procedurë një operator ekonomik dhe më konkretisht bashkimi i përkohshëm i shoqërive Global Technical Mechanics shpk dhe Bami shpk, ku në marrëveshjen e bashkëpunimit midis tyre është përcaktuar se 30% e punimeve, nëse do të akordohet kontrata e koncesionit/ppp, do të kryhen nga Global Technical Mechanics shpk dhe 70 % nga Bami shpk”. 

Një nga kriteret kualifikuese të kësaj procedure ishte pjesëmarrja e një shoqerie/ekspertesh me përvojë në fushën e operimit dhe manaxhimit të aeroporteve e pajisur me licencat përkatëse lëshuar nga autoritetet ndërkombëtare të aviacionit, nëpërmjet një marrëveshje/kontrate me operatorin ekonomik. Në dokumentet e dorëzuara nga konsorciumi që ka paraqitur ofertë në këtë procedurë gare është përfshirë dhe marrëveshja mes konsorciumit dhe kompanisë hollandeze NACO me eksperiencë në fushën e menaxhimit dhe administrimit të aeroporteve.

Komisioni është duke vazhduar shqyrtimin e të gjithë dokumentacionit të paraqitur në formë elektronike nga ky bashkim shoqërisë dhe bën të ditur se oferta financiare e paraqitur nga Global Technical Mechanics shpk dhe Bami shpk është rreth 8 milionë euro7.999.393 euro pa tvsh./abcnews.al

KATER-RRUGET-ME-KONCENSION-1280x720.jpg
ent ela17:16 | 01/08/2018

Katër janë akset rrugore që qeveria ka dhënë me koncesion, të cilat do kapin vlerën e vetë programit të qeverisë “1 miliard euro”.  Në materialin në vijim ju sjellim profilin e këtyre rrugëve.

“Rruga Thumanë – Kashar, Rruga e Arbrit, Rruga Milot – Balldren, Rruga Orikum – Dukat”

Këto janë katër akset kombëtare që do të jepen me koncension duke përmbyllur  kështu programin Një Miliardë euro të qeverisë.

Në total vlera për ndërtimin e këtyre projekteve llogaritet 700 milionë euro, por me të gjitha interesat që do t’u paguhen privatëve , kostoja arrin në një miliardë euro.

Autostrada Thumanë-Kashar do të kalojë në 14 fshatra në Bashkinë e Tiranës, Vorës dhe Krujës.

Qëllimi është lidhja me rrugën Tiranë–Durrës, duke kaluar kryesisht nëpër toka bujqësore, në perëndim të rrugës ekzistuese që lidh Thumanën me Fushë-Krujën, pa e prekur atë.

Rruga 20, 8 km e gjatë do të kushtojë  225, 821, 553 euro.

Rruga e Arbrit

Pas tymit të kuq që shpërtheu në një tunel të vogël në Klos në 17 qershor të këtij viti, ka nisur puna në rrugën e arbrit. Segmenti 26, 2 km është I ri dhe do të bashkojë Dibrën me Tiranën.

Kjo rrugë kushton me gjithë mirëmbajtjen për 10 vjet, me gjithë operimin e tunelit, 250 milionë euro.

Rruga do të ketë tunele më të gjatë me standarte rigoroze, me tunel emergjence.

Rruga Milot-Balldren

“Rruga e re do të ndërtohet me standarde ndërkombëtare të kategorisë A, me një gjatësi rreth 18 km, me 6 korsi nga të cilat dy janë të emergjencës, rrugët sekondare ndërlidhëse, me gjatësi rreth 9.5 km. Do të ndërtohen urat e reja te Drinit dhe te Matit, paralele me urat ekzistuese, nënkalime si dhe vepra te tjera, të gjitha këto për të lehtësuar dhe rritur sigurinë në qarkullimin e automjeteve të zonave përreth

161, 500,000 euro llogaritet për ndërtimin dhe mirëmbajtjen e rrugës Milot Balldren. Kohëzgjatja e kontratës është 13 vjet.

Rruga Orikum – Dukat

Projekti i katërt i paketës “1 miliard” është rruga Orikum-Duka. Kostoja e projektit është parashikuar 50 milionë e 572 mijë euro. Ndërtimi i saj nis në rrugën e Portit të jahteve për të kaluar më pas në Bypassin e Orikumit dhe përfundon në Dukat. /abcnews.al

 

 

 

partia-demokratike.jpg
G. P.12:29 | 11/02/2018

Pas deklaratave publike, demokratët kërkojnë zhvendosjen e çështjes së inceneratorëve në Kuvend.

Përmes një kërkese drejtuar kryetarit të Kuvendit, deputetët e PD kërkojnë zhvillimin e një interpelance urgjente me Ministrin e Infrastrukturës dhe Energjisë, Damian Gjiknuri, për të raportuar në lidhje me informacionet zyrtare të koncesioneve të inceneratorëve Elbasan, Fier dhe Tiranë.

Sipas ligjvënësve demokratë, mënyra se si janë zhvilluar proceset e tenderimit dhe dhënies së koncesioneve si dhe lidhjet e kompanive fituese, ngrenë hije dyshimi për ligjshmërinë dhe menaxhimin e tyre dhe lidhjen me politikën e qeverinë.

PD ngre shqetësim dhe për një tjetër moment që saktëson kontrata e bërë publike mbi këtë koncension.

“Nga të dhënat e kontratës të bëra publike rezulton se qeveria do të detyrojë OSHEE që të blejë me një çmim të përcaktuar energjinë nga ky ent. Rrjedhimisht, shoqëria koncesionare do të përfitojë edhe nga shitja e energjisë elektrike, përpos përfitimeve të tjera, duke rënduar edhe me rritjen e cmimit të energjisë për publikun”.

Në argumentet që demokratët listojnë për thirrjen e kësaj interpelance nënvizohen dhe të dhenat mbi njërën nga kompanitë fituese të koncensionit, e cila rezulton të jetë e regjistruar në Parajsat Fiskale të Vendeve të Ulëta.

Ndaj PD kërkon nga Kuvendi që të përfshijë në rend ditë këtë interpelancë, me qëllim marrjen e një informacioni të plotë mbi procedurat e koncesionit të inceneratorëve./abcnews.al

vlcsnap-error780-1280x720.jpg
G. P.17:15 | 05/02/2018

Kontrata që vendos Qendrat Shëndetësore në shërbim të koncesionit të Check-Up është e paligjshme sipas Partisë Demokratike. Në një deklaratë për mediat, deputeti Bardh Spahija ka akuzuar qeverinë se po detyron personelin mjekësor t’i shërbejë koncesionarit duke i imponuar popullsisë që t’i drejtohen qendrave ambulatore për të kryer Chek-up-in. Partia Demokratike i kërkon Ministrisë së Shëndetësisë të tërheqë këtë kontratë, në të kundërt demokratët do të ndjekin rrugën ligjore./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono