kompetencat

drilona.jpg
nev ila14:25 | 18/06/2019

Komisioni Qendror i Zgjedhjeve ju kërkon bashkive të drejtuara nga opozitarët të mos bllokojnë procesin zgjedhor, pasi janë duke kryer vepra penale. Zëdhënësja e KQZ kërkoi nga bashkitë të sigurojnë ambientet zgjedhore, ndërsa Klement Zguri tha se këto deklarime nuk e përfaqësojnë atë.

Komisioni Qendror i Zgjedhjeve kërkon nga bashkitë që drejtohen nga opozita, të mos cënohen ambientet që janë vendosur në dispozicion të votimeve. Zëdhënësja e KQZ-se tha se ky institucion refuzon kërkesat e këtyre bashkive për të liruar ambientet.

KQZ ju kujton kryebashkiakëve apo funksionarëve të tjerë ligjore se veprimet e tyre pengojnë zgjedhjet dhe përbëjnë vepër penale.

Ky konflikt politik që ka vendosur tashmë përballë jo vetëm opozitën me mazhorancën, por edhe presidentin me kryeministrin, por reflektohet edhe në KQZ. Kryetari Klement Zguri, i vetmi i propozuar nga opozita, nuk merr pjesë në mbledhje. Ai tha sërish se deklarimet e zëdhënëses së KQZ nuk përfaqësojnë qëndrimet e tij, por vetëm të 4 anëtarëve të tjerë të komisionit.

Ndryshe nga këta anëtarë të propozuar nga PS, Zguri argumenton se pas dekretit të dytë të Metës dhe botimit të tij në Fletoren Zyrtare 30 Qershori është anuluar dhe puna në KQZ duhet ndërprerë./ABC News Albania 24/7

GJYLAMETI-1280x720.jpg
ent ela14:10 | 11/01/2019

Emërimi dhe shkarkimi i një ministri është tërësisht kompetencë e Kryeministrit të vendit dhe jo Presidentit. Kështu deklaroi në studion e ABC News deputetja socialiste Blerina Gjylameti, e cila e konsideron një rast të përsëritur të Presidentit Meta, mosdekretimin e Ministrit Gent Cakaj në postin e ministrit të jashtëm.

“Mendoj që në rastin konktet kemi të bëjmë me një skenar të përsëritur, edhe në rastin e ministrit  Brendshëm Sandër Lleshaj, Presidenti përdori të njëjtin argument. Presidenti nuk mund të mos dekretojë, kompetenca është tërësisht e Kryeministrit dhe jo Presidentit. Emërimi dhe shkarkimi është tërësisht komptencë e Kryeministrit”.

Sa u takon deklaratave në lidhje me dakordësinë për shkëmbimin e territoreve, Gjylameti i konsideron tërësisht të pavërteta. Sipas saj argumentimi i Presidentit është politik dhe jo juridik.

 “Deklaratat janë tërësisht jo të vërteta dhe argumentimi është politik dhe jo juridik. Presidenti po përpiqet të gjejë argumeta që nuk janë të ëvrteta. Sa i takon marrëveshjes për territorin është tërësisht  e pavertë”.

Gjylameti theksoi gjithashtu se Presidenti nuk bën opozitën, por është mbi palët dhe në interes të Shqipërisë. /abcnews.al

 

gjykata-e-llarte.jpg
G. P.16:04 | 16/06/2018

Gjykata e Lartë ka arsyetuar vendimin që njëson praktikën gjyqësore në çështjet e pronësisë. Vendimi i siguruar nga ABC News zgjidh çështjen e kompetencës së gjykimit të çështjeve të pronësisë, pas kaosit të krijuar nga mungesa e dispozitave tranzitore të ligjit “për trajtimin e pronës”.

Gjykata e Lartë ka zbardhur arsyetimin e një vendimi njësues që zgjidh çështjen e kompetencës në rastet konflikteve gjyqësore të kthimit e kompensimit të pronës. Në vendimin e shpallur në 7 Shkurt 2018 nga një Kolegj Civil i përbërë nga Artan Broci, kryesues dhe Medi Bici e Shkëlzen Selimi anëtarë, gjykata i jep fund qëndrimeve të ndryshme nga gjykata të ndryshme për shkak të mangësive të dispozitave tranzitore të ligjit “për trajtimin e pronës dhe përfundimin e procesit të kompesimit të pronave”.

Ky ligj hyri në fuqi në 23 Shkurt 2016 dhe prej tij u krijua Agjencia e Trajtimit të Pronës (ATP), organi të cilit i kaluan të drejtat dhe detyrimet e Agjencisë së Kthimit e Kompesimit të Pronës. Ndonëse pati si qëllim përfundimin e procesit të trajtimit të pronës përmes njohjes dhe kompensimit, mungesa e dispozitave kalimtare futi në “ngërç” procesin. Për këtë shkak Gjykata e Lartë, në një çështje të ardhur nga Apeli i Korçës shtroi katër çështje për njësim të praktikës gjyqësore.

Në përfundim Kolegji Vendosi se për shqyrtimin e padive të regjistruara në gjykatë pasdatës 23.06.2016 kur hyri në fuqi ligji “për trajtimin e pronës dhe përfundimin e procesit të kompesimit të pronave” të paraqitura nga ish-pronarët apo trashëgimtarët e tij kundër vendimit të dhënë nga ish-KKKP-të, ish-ZRVKKP-të, apo ish-AKKP-të, që ka vendosuar bazuar në ligjin e mëparshëm, gjykatë kompetente do të jetë gjykata e Apelit.

Përsa i përket kërkimeve për njohjen e së drejtës, kompetente është Gjykata e Apelit në territorin e të cilës ndodhet sendi i paluajtshëm. Për kërkimet për vlerën e kompensimit, kompetente është Gjykata Administrative e Apelit. Gjykata e Lartë vendoste se gjykimi i padive kundër vendimeve të ish-institucioneve të trajtimit të pronës mbi senbde të paluajtshme, kompetente janë gjykatat e Shkallës së Parë, ku ndodhet sendi i paluajtshëm.

Në të njëjtin vendim, Kolegji i Civil njësonte se gjykimi i padive kundër vendimeve të ish-AKKP-së, të ish-KKKP-ve, apo ish-ZRAKKP-ve, të ngritura dhe të regjistruara në gjykata para datës së hyrje së ligjit në fuqi, do të vazhdojë dhe do të përfundojë nga Gjykatat Civile të Shkallës së Parë në territorin e të cilave ndodhet sendi i paluajtshëm./abcnews.al

vlcsnap-error561-1280x720.jpg
us er15:46 | 18/12/2017

Pas betimit në Kuvend, Arta Marku do të ulet në poltronin e Prokurorit të Përgjithshëm, por perkohesisht deri ne zgjedhjen e kryeprokurorit nga keshilli i Larte i Prokurorise. Po cilat do të jenë kompetencat e saj?

 

 Prokurori i Përgjithshëm i Përkohshëm ka të gjitha kompetencat ligjore të Prokurorit të Përgjithshëm. Këto kompetenca, të cilat tashmë do të ushtrohen nga prokurorja Arta Marku, parashikohen në nenin 148/b të Kushtetutës dhe në nenin 38 të ligjit “për organizimin dhe funksionimin e prokurorisë në Republikën e Shqipërisë”.

Kompetenca e parë është përfaqësimi i akuzës në Gjykatën e Lartë dhe çështjeve në Gjykatën Kushtetuese, me përjashtim të rastit kur përfaqësimi bëhet nga Prokuroria e Posaçme. Në vijim, Prokurori i Përgjithshëm nxjerr udhëzime me shkrim për prokurorët dhe siguron mbarëvajtjen e punës në administratën e prokurorisë, përvec administratës së Prokurorisë së Posaccme. Ai propozon dhe administron buxhetin e prokurorisë dhe raporton në Kuvend për çështjen e kriminalitetit.

Në pikën “e” të ligjit përaktohet si kompetencë e Prokurorit të Përgjithshëm përcaktimi i strukturës së përgjithshme dhe rregullores standard për funksionimin e prokurorive si dhe miratimi i organikës në Prokurorinë e Përgjithshme.

Kreu i Prokurorisë së Përgjithshme, drejton, bashkërendon dhe mbikëqyr veprimtarinë e Policisë Gjyqësore si edhe kërkon fillimin e hetimeve për shkelje disiplinore dhe ankesa ndaj oficerëve të Policisë Gjyqësore. Ndër të tjera, kryeprokurorja Marku do të administrojë sistemin e përgjimeve si edhe mund t’i kërkojë Inspektorit të Lartë të Drejtësisë të kryejë inspektime tematike ose hetime për shkeljet individuale.

 

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono