Komisionin

thaci-1-1280x725.jpg
ad min09:21 | 23/04/2019

Mediat në Kosovë raportojnë se kryetari i Komisionit Hetimor për rastin e dëbimit të gjashtë shtetasve turq, Xhelal Sveçla, konfirmoi se ka marrë një letër Presidenca, sipas të cilës, kreu i shtetit Hashim Thaçi s’do të mund të përballet me komisionin parlamentar hetimor për dëbimin e shtetasve turq.

Ai shtoi se Presidenti i vendit ka kërkuar një shtyrje për në datën 26 prill.

Por nga ana tjetër anëtari i komisionit nga Aleanca për Ardhmërinë e Kosovës, Muharrem Nitaj, tha se komisioni nuk ka arritur ta përpilojë një raport brenda afatit kohor dhe ka kërkuar 1 muaj shtyrje.

Kjo është hera e katërt që Thaçi nuk i përgjigjet kërkesës së Komisionit.

/abcnews.al

basha-5-1280x651.jpg
ad min18:50 | 15/04/2019

Kryetari i Partisë Demokratike Lulzim Basha inkurajon Komisionin Evropian që të iniciojë një mision monitorimi në Shqipëri për sistemin e sundimit të ligjit.

Deklaratën shefi i opozitës e bëri nga Ljubjana e Sllovenisë, ku ishte i ftuar i Institutit ndërkombëtar të Studimeve për Lindjen e Mesme e Ballkanin.

Duke folur për perspektivën e Shqipërisë në Bashkimin Evropian dhe bashkëpunimin rajonal, Basha tha se monitorimi më efektiv i reformave të Sundimit të Ligjit, në vendet që kërkojnë anëtarësim mund të arrihet duke u mbështetur në shembullin pozitiv të të ashtuquajturit Raporti Priebeqë ka ndihmuar në tejkalimin e një krize serioze të demokracisë dhe sundimit të ligjit në Maqedoni në 2015.

Sipas Bashës, me modelin Priebe, Komisioni Evropian ka nisur monitorimin e të gjithë sistemit të Sundimit të Ligjit në Bosnje dhe Herzegovinë, e të njëjtën gjë duhet të bëjë edhe me Shqipërinë./abcnews.al

dialogu-1280x697.jpg
ent ela22:57 | 25/02/2019

Platforma për dialogun me Serbinë nuk ka arritur të marrë konsensusin e komisionit të punëve të jashtme të Parlamentit të Kosovës. Sipas deputeteve te ketij komisioni, drafti lë hapësira për negociimin e territorit të Kosovës.

Platforma për dialogun me Serbinë i lë hapësirë negocimit për territorin e Kosovës, vlerëson kryetarja e komisionit për punë të jashtme Vjosa Osmani. Gjatë shqyrtimit të platformës, Osmani tha se në të mungon fjala që territori është i panegociueshëm.

Platforma nuk kaloi në mungesë kuorumi. Ndërsa kryeministri Ramush Haradinaj gjatë një takimi që ka pasur me përfaqësuesit e familjarëve të të pagjeturve i ka kërkuar Delegacionit të Dialogut që të kenë bashkëpunim me këto shoqata, në mënyrë që sipas tij, kjo temë të ngritët edhe në dialogun ndërmjet Kosovës dhe Serbisë.

Në platformën për dialogun me Serbinë si temë është futur edhe cështja e të pagjeturve. Edhe 20 vjet pas luftës së fundit në Kosovë janë 1.647 persona që ende nuk dihet asgjë për fatin e tyre./abcnews.al

komisioni-1280x703.jpg
ad min16:35 | 04/02/2019

Në Komisionin Parlamentar të Shëndetësisë sot pati debate mes deputetëve opozitarë dhe ministres Ogerta Manastirliu. Në fokus të sulmeve të deputetëve opozitarë ishte koncesioni i check-up, ndërsa ministrja foli për investimet në shëndëtësi.

Komisioni i Shëndetësisë zhvilloi seancë dëgjimore me ministren e Shëndetësisë, Ogerta Manastirliu me rastin e ditës botërore të luftës kundër kancerit. Teksa ministrja Manastirliu po bënte bilancin dhe arritjet e qeverisë në shëndetësi, nuk munguan debatet e ashpra mes saj dhe nëkryetarit të Komisionit, Bardh Spahia për koncesionet e Check Up-it

Deputeti Spahia e akuzoi ministren për mungesë serioziteti për një çështje aq serioze siç është lufta kundër kancerit.

Ministrja e Shëndetësisë, Manastirliu shmangu akuzat e PD-së, duke theksuar se qeveria ka investuar në shëndetësi dhe është shtuar buxheti për të.

Ministrja e shëndetesisë theksoi se prej muajsh nuk ka më mungesë medikamentesh për sëmundjet tumorale, pasi shteti ka garantuar furnizimin e tyre për çdo pacient./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono