Komisioni

gazetare-esiona.jpg
eri Ida09:33 | 19/02/2020

Komisioni i Sigursië këtë të mërkurë do të nisë me shqyrtimin e aktit normativ për paketën anti KÇK, i cili pritet që të marrë një dritë jeshile. Gazetarja Esiona Konomi raporton për ABC News se ndryshe nga ligjet e tjera komisionet parlamentare ose e rrëzojnë se e miratjnë nuk kanë mundësi të bëjnë ndryshime apo modifikime në këtë ligj i cili është futur menjëherë në fuqi.

U bënë 19 ditë nga dita e sotme ku operacioni Forca e Ligjit po zhvillon në të gjithë shqipërinë mbi këtë akt normativ që ne e kemi njohur si Anti KÇK. Ky akt normativ që ka fuqinë e ligjit dhe ka hyrë menjëherë në fuqi duhet që brenda 45 ditësh të marrë në emër të parlamentit ndëryshe çdo gjë që është bërë në emër të tij zhbëhet. Ndryshe nga ligjet e tjera komisionet parlamentare ose e rrëzojnë se e miratojnë nuk kanë mundësi të bëjnë ndryshime apo modifikime. Kuvendi ose jep një karton të kuq ose jeshil. Nuk presim surpriza pasi dhe opozita parlamentare nuk është përcaktuese, nuk ka shprehur kundërshti për këtë akt normativ dhe duket se mazhoranca  do e udhëheqë këtë për ta çuar në sencë parlamentare”, tha gazetarja e ABC News.

Ndër të tjera, gazetarja e abcnews.al bën me dije se në komisionin e sigurisë pritet që disa deputetë të opozitës parlamentare të shprehin rezerva që lidhen me faktin se policia bëhet një supër polici duke marrë edhe kopetencat që ka ka pasur prokuroria dhe ministri i Brendshëm bëhet i fuqishëm duke futur nën ombrellën e tij edhe prokurorë të posaçëm apo prokurorin e Përgjithshmë, por nga e gjithë kjo pritet që akti normativ të marrë një votë jeshile.

Ndërkohë që pritet që te presidenti i Republikës mund të ketë një qëndrim të ndryshëm dhe ai mund të rrezikojë 45 ditët nëse e rikthen për shqyrtim, përveç aktit normativ në kuvend janë edhe pesë l;igje të tjerë që do të përdoren për të plotësuar paketën Anti KÇK./abcnews.al

damian-gjiknuri-oerd-bylykbashi.jpeg
nev ila13:31 | 14/01/2020

Duket se faktori ndërkombëtar ka ndikuar, siç edhe lideri demokrat Lulzim Basha e theksoi këtë të martë, për procesin e diskutimit për reformën zgjedhore.  Ajo është zhvendosur jashtë Parlamentit, për herë të parë me praninë e të gjitha palëve politike.

Dy përfaqësuesit e mandatuar sot të opozitës së bashkuar, ish-deputetët Petrit Vasili nga LSI dhe Oerd Bylykbashi nga PD, u ulën në një tryezë me dy bashkëkryetarët e komisionit të posaçëm parlamentar për reformën zgjedhore, Damian Gjiknuri dhe Rudina Hajdari.

Sipas raportimit të gazetares Esiona Konomi për abcnews.al, Damian Gjiknuri dhe Oerd Bylykbashi mendohet se kanë patur takime të fshehta mes tyre, larg komunikimit me publikun në mënyrë të vazhdueshme prej muajsh, ku kanë dakordësuar disa korniza të përgjithshme.

Është pranuar një depolitizim i administratës zgjedhore, por jo i plotë. Detaje do të rafinohen në këtë tryezë. Në përfundim të kësaj tryeze do të duhet të njoftohen se për çfarë kanë rënë dakord palët.

Ashtu siç është pranuar edhe nga ana e PS, kjo tryezë prej 4 personash, duket se do të vijojë këtej e tutje punën për Reformën Zgjedhore deri në finalizimin e saj.

Puna do të bëhet në këtë tryezë. Do të duhet të shohim këmbënguljen e Rudina Hajdarit për ndryshimin e sistemit, edhe pse ka munguar vullneti i mazhorancës dhe opozitës, për të ndërmarrë një hap të tillë. /abcnews.al

rudina-hajdari-zgjedhorja.jpg
nev ila12:10 | 19/12/2019

Ditën e sotme u paraqiten në Komisionin e Posacëm të Reformës Zgjedhore 2 kërkesa për ndryshimin e sistemit zgjedhor.

Kërkesat u paraqitën nga opozita brenda parlamentit, nga deputeti Myslym Murrizi dhe Halit Valteri.

Në përfundim të diskutimit kryetarja e këtij komisioni Rudina Hajdari, deklaroi se do të dëgjohen dhe do të diskutohen të gjithë draftet e paraqitura në formë propozimi për Sistemin Zgjedhor. Më tej Hajdari tha se të gjithë draftet do të shqyrtohen me të gjithë aktorët politikë përpara se të shkojnë në ODIHR për konsultim.

U diskutua drafti i tretë i prezantuar nga eksprertët. Ky propozim do të shqyrtohet në janar. Ekspertët prezantuan draftin e tyre për të gjithë strukturën zgjedhore.

Gjatë kësaj mbledhje pati dy kërkesa: kërkesa e parë erdhi për një propozim të opozitës për ndryshim të sistemit zgjedhor i cili do të shqyrtohet në Janar gjithashtu ekspertët prezantuan draftin e tyre në lidhje me strukturën e administratës zgjedhore dhe se si do të krijohen mekanizma të reja për transparencën që do të kërkohet nga subjektet zgjedhore gjatë votimit, gjatë procesit dhe pas procesit të votimeve. Pra do të gjehen mekanizma të tjera ku cdokush që tenton të vjedhë votën do të shkojë në burg. Kjo do të ngrejë besueshmërinë ndaj këtij insitutcioni. Kjo kërkesë në fakt ka ardhur si propozim i bashkimit Europian. Në një takim tjetër do të kemi edhe shoqërinë civile që na kanë ndjekur hap pas hapi, të cilët do të japin mendimin e tyre në lidhje me draftet. Nuk duam që subjektet politike të mos pranojnë draftet që hidhen në tryezën e diskutimit për refomën zgjedhore. është detyra jonë si politikanë të rikthejmë besimin shqiptarëve“, tha Hajdari.

E pyetur nga gazetarët nëse kishte diskutuar me Gjiknurin, për dyshimet e hedhura nga vetë ajo, në lidhje me një marrëveshje me dyer të mbyllura mes PD dhe PS, Hajdari u përgjigj:

Keni hedhur dyshime se po bëhet një marrëveshje PS-PD me dyer të mbyllura, e diskutuat këtë gjë me zotin Gjiknuri?

Memoria politike na tregon që kjo ka ndodhur më përpara. I referohem praktikës parlamentare që është bërë në 30 vitet e fundit. Ajo që po kërkoj është e thjeshtë, ne duam të kemni një proces zgjedhor transparent. Pra ky proces të mos bëhet vetëm për dy partitë kryesore por për të gjithë“, tha Hajdari.

Nëse sistemi ndryshon si do të garoni për të qenë pjesë e politikës? Me një parti të re apo si pjesë e nismës thurje?

“E rëndësishme të krijojmë kushte për të gjithë jo vetëm për Rudinën. Mendoj se aksioni ynë është të forcojmë demokracinë në vend dhe nëpërmjet reformës zgjedhore kjo mund të arrihet fare lehtë”./abcnews.al

388A5F28-33F9-41AA-B8B8-7838A81AD03D_w1023_r1_s.jpg
nev ila19:57 | 12/12/2019

Paketa anti-shpifje që ka ngjallur debat në Shqipëri dhe reagime nga organizatat ndërkombëtare, u bë temë diskutimi edhe në Komisionin e Helsinkit në Uashington të mërkurën.

Në kushtet kur Shqipëria merr kryesinë e radhës në OSBE në janar, këshilltari i Komisionit të Helsinkit, Bob Hand shprehu nevojën për një autoritet moral dhe në këtë frymë tha se një vullnet për të marrë parasysh kritikat ndaj paketës anti-shpifje do të jenë tregues.

Siç njofton kolegia Keida Kostreci, në diskutimin e Komisionit të Helsinkit, me anëtarët të delegacionit të Shqipërisë, në Asamblenë Parlamentare të OSBE-së, zoti Hand shtroi pyetjen se si ndikojnë ligjet e paketës anti-shpifje tek besueshmëria e saj për të nxitur vendet e tjera që të marrin hapa përpara.

Ditmir Bushati, kryetar i delegacionit të Shqipërisë në Asamblenë Parlamentare të OSBE-së dhe deputet i Partisë Socialiste tha se e kupton këtë shqetësim.

“I kuptojmë shqetësimet e shprehura nga shoqëria civile dhe përfaqësuesit e medias. I kemi parë dhe ndjekur kritikat jo vetëm nga OSBE-ja, sespe edhe BE-ja ka shprehur kritika lidhur me këto ligje dhe do të doja të shprehja bindjen time se në fund të këtij procesi, një zgjidhje racionale do të triumfojë”.

Qëndrimi i zotit Bushati lë të kuptohet se shumica është e hapur për ndryshime. Qeveria ka lënë të kuptohet se qeveria nuk po tërhiqet, duke thënë se çështja është tani në parlament.

Disa nga ato sfida me të cilat përballet OSBE-ja dhe do t’i duhet të merret Shqipërisë si kryetare e radhës, ajo i ka ende të pazgjidhura plotësisht vetë, si sistemi zgjedhor, lufta kundër korrupsionit dhe shteti ligjor, si edhe demokratizimi.

Një shembull është debati i fundit për paketën anti-shpifje. Zoti Hand tha se çështje si kjo vënë në pikëpyetje autoritetin moral të Shqipërisë kur trajton çështje të lirisë së medias në vende të tjera.

“Shqetësimi im kryesor është se është problematike për Shqipërinë ë Shqipëria t’i ketë këto ligje, por edhe do të jetë e vështirë që Shqipëria që të ngejë zërin për lirinë e shprehjes në ato vende të OSBE-së që kanë më shumë kufizime se Shqipëria në këtë drejtim”, i tha ai Zërit të Amerikës”.

Ai shtoi se “Shqipëria duhet të bëjë hapa përpara në këto fusha, nëse si kryetare e OSBE-së do që të nxisë dhe t’u kërkojë vendeve të tjera që të ndërmarrin hapa në një drejtim pozitiv”.

“Kështuqë kur e ngrita si çështje në diskutim, ishte në kontekstin që janë bërë kritika nga përfaqësuesi i OSBE-së për lirinë e medias, si edhe nga pjesë e mirë e shoqërisë civile. A ka gjë tjetër që qeveria e Shqipërisë ose anëtarët e parlamentit mund të bëjnë, që këto shqetësime të adresohen në një rishkim të projekt-ligjeve, të gjendet një zgjidhje që të ketë më shumë konsensus”.

Zoti Hand tha se mënyra se si trajtohet kjo çështje, mund të përdoret si një shembull pozitiv i angazhimit me shoqërinë civile dhe bashkëpunimin me institucionet e OSBE-së, për të marrë rezultatin më të mirë të mundshëm.

“Shpresoj që ky proces të mos jetë mbyllur, por të jetë në vazhdim e sipër dhe të kemi një zgjidhje të mosmarrëveshjeve lidhur me projekt-ligjet që ekzistojnë tani”, tha ai.

Rudina Hajdari, anëtare e delegacionit të Shqipërisë nga opozita, ra dakord me shqetësimet.

“Do të vazhdojmë të shprehim kundërshtimin tonë dhe të vëzhgojmë situatën”, tha ajo.

Duke shprehur shqetësimet për mungesën e vullnetit të qeverisë për kompromis, për çështje si reforma zgjedhore dhe paketa e ligjeve anti-shpifje, ajo tha për Zërin e Amerikës:

“Ne duhet t’u tregojmë vendeve të tjera anëtare që ne jemi një partner solid për ta marrë këtë sfidë përsipër.”

Në diskutimin e Komisionit të Helsinkit, anëtarë të delegacionit të Shqipërisë në Asamblenë Parlamentare të OSBE-së, folën për përparësitë që do të ndjekë Tirana në vitin kur mban kryesinë.

Zoti Hand solli edhe një perspektivë historike, duke rrëfyer se si në vitin 1991, në një seancë të Komisionit të Helsinkit, shkrimtari Ismail Kadare bëri thirrje që Shtetet e Bashkuara ta mbështesnin aplikimin e Shqipërisë për anëtarësim në Këshillin e Sigurisë dhe Bashkëpunimit në Evropë, jo si mbështetje për regjimin por për t’u dhënë shpresë njerëzve.

Ai iu drejtua zonjës Hajdari, vajzës së njërit prej protagonistëve të lëvizjes pro-demokraci dhe një nga figurat e Partisë Demokratike, Azem Hajdarit.

“Babai juaj, ndërhyri menjeherë duke thënë ‘e mbështet plotësisht zotin Kadare dhe kjo do të ishte një mbështetje e madhe morale për popullin e Shqipërisë që ka vuajtur aq shumë’”.

Zoti Hand sugjeroi që me kryesinë e radhës së Shqipërisë plotësohet një cikël dhe shprehu shpresën që kjo të jetë një nxitje për të çuar përpara procesin e demokracisë dhe tranzicionit deri kur t’i plotësojë të gjitha aspiratat për integrim evropian./VOA

palmer.jpg
ad min23:25 | 23/10/2019

I dërguari i posaçëm amerikan për Ballkanin Perëndimor, Matheë Palmer tha të mërkurën se u takon Kosovës dhe Serbisë nëse do të diskutohet apo jo çështja e kufijve në kuadër të përpjekjeve për normalizimin e marrëdhënieve ndërmjet tyre. Zoti Palmer tha se Vetëvendosje doli për herë të parë e para në zgjedhje, por shtoi se është e paqartë sesi do të sillet në qeveri zoti Kurti.

Gjatë një dëgjese në Komisionin e Punëve të Jashtme të senatit amerikan, zoti Palmer tha se Shtetet e Bashkuara duan të shohin një marrëveshje me autorësi lokale dhe që duhet të jetë gjithëpërfshirëse, raportoi Zëri i Amerikës.

“Ajo që ne do të dëshironim të shohim është një marrëveshje e qëndrueshme, që është në pronësi lokale, për të cilën të mund të binden si në Serbi ashtu edhe në Kosovë. Mendoj se është e rëndësishme të nënvizohet një marrëveshje që është gjithëpërfshirëse, që përbën normalizim të plotë, që është shumë dimensionale; ajo do të kishte një komponent të sigurisë, një komponent politik, një komponent ekonomik dhe tregtar, do të kishte edhe një komponent kulturor.”

Sa i përket faktit nëse kufijtë mund ose mund të mos jenë pjesë e një zgjidhjeje gjithëpërfshirëse, kjo varet nga palët për ta vendosur, tha zoti Palmer. Duke iu përgjigjur shqetësimeve për ndikimet që mund të kishte ndryshimi i kufijve në pjesë të tjera të rajonit, zoti Palmer tha:

“Unë e kuptoj absolutisht argumentin e ‘Kutisë së Pandorës’ që i ka bërë shumë vëzhgues në Ballkan të pyesin se nëse ndryshoni një kufi këtu çfarë ndodh me një kufi atje, ku duhet hequr vija? Unë mendoj se ky është një shqetësim legjitim. Dhe nëse palët lëvizin në drejtim të diskutimit të këtyre çështjeve, kjo është diçka me të cilën ne do të duhet të punojmë dhe të shohim se a është ky një rrezik që mund të menaxhohet siç duhet.”

Zoti Palmer tha se partitë politike fituese të zgjedhjeve në Kosovë e kanë bërë të qartë se nuk duan të flasin për këtë çështje. Ai tha se qeveria e re e Kosovës duhet të pezullojë tarifat ndaj mallrave serbe, ndërsa Serbia duhet t’i japë fund fushatës për delegjitimimin e pavarësisë së Kosovës, në mënyrë që të mundësohet rifillimi i bisedimeve.

Zoti Palmer i cilësoi zgjedhjet e 6 tetorit në Kosovë si shumë të rëndësishme për Kosovën, ndërsa nënvizoi se “kjo do të jetë qeveria e parë pa forcat që kanë pasuar ish Ushtrinë Çlirimtare të Kosovës… pa figurat nga e kaluara.” “Kjo dëshmon dëshirën e qytetarëve për ndryshim”, tha zoti Palmer duke theksuar se qeveria e re pritet të formohet nga lëvizja Vetëvendosje dhe Lidhja Demokratike e Kosovës.

“Vetëvendosje për herë të parë doli e para në zgjedhje. E njoh zotin Kurti, por si do të sillet në qeveri, është e paqartë”, tha ai, duke nënvizuar se Kosova tash duhet të formojë qeverinë, të zgjedhë ministrat. “Shpresoj se do të lëvizin shpejt”, meqë ka “punë për të bërë para se palët të ulen në tryezën e bisedimeve”, tha ai.

Zoti Palmer kritikoi Bashkimin Evropian që dështoi të hapte negociatat për anëtarësim me Shqipërinë dhe Maqedoninë e Veriut, një vendim që siç tha ai “dërgon mesazhe të gabuara tek Prishtina dhe Beogradi”./ABC News Albania

taulant-balla.jpg
ad min12:37 | 14/10/2019

Komisioni i Venecias sipas kryetarit të Grupit Parlamentar të Partisë Socialiste Taulant Balla dëshmoi në opinionin e tij se Presidenti i Republikës Ilir Meta nuk është bazuar në ligjet e vendit ndërsa vendosi të çdekretojë zgjedhjet e 30 Qershorit.  Balla gjithashtu iu përgjigj gazetarëve dhe rreth gjestit që Ambasadori i OSBE-së në vendin tonë Borchardt bëri para protestuesve të Unazës së Re.

“Komisioni i Venecias në opinionin e tij drejtuar Kuvendit të Shqipërisë qartëson se Presidenti i Republikës së Shqipërisë, Ilir Meta, në veprimet e tij nuk është bazuar në Kushtetutën e vendit dhe në kuadrin ligjor. Nuk besoj që ka ndonjë mendje juristin Shqipëri që kur thua nuk je bazuar në ligj dhe Kushtetutë nuk do të thotë që ke shkelur Kushtetutën. Po aq e rëndësishme është që është në tagrin e Kuvendit dhe gjykatës Kushtetuese të vlerësojë nëse kjo shkelje është e rëndë ose jo”, tha Balla.

Kreu i grupit parlamentar socialist komentoi edhe gjestin e ambasadorit Bernd Borchardt.

“Ambasadori i OSBE-së është një ambasador i një institucioni shumë të rëndësishëm. Mua më vjen keq që parti të caktuara në Shqipëri, për më së shumti PD, problemet e veta i sheh te qëndrimi i ambasadorëve. Ambasadorët për çdo rast shprehin qëndrimet e vendeve apo organizatave që kanë nderin të përfaqësojnë. I bëj thirrje PD-së që të heqë dorë nga sulmet ndaj ambasadorëve”, tha Balla./abcnews.al

tedi-blushi-1.jpg
ad min19:36 | 11/10/2019

Presidenca reagoi pas rekomandimit përfundimtar të Venecias duke nënvizuar se në raport thuhet qe Meta pati qëllim të zgjidhte krizën kur anuloi datën e zgjedhjeve. Ndërsa kryeministri publikoi 3 konkluzionet, ku Venecia i cilësonte të vlefshme zgjedhjet e 30 qershorit.

Zëdhënësi i Presidentit, Tedi Blushi akuzoi Taulant Ballën se ka shpërndarë informacione të rreme në Venecia, dhe nënvizoi faktin se opinioni i Venecias i njeh presidentit qëllimin e mirë brenda shtyrjes së zgjedhjeve.

Kryeministri, i cili nuk e mori bekimin e Venecias për të shkarkuar Presidentin e Republikës, rendit ato pjesë të opinionit që lënë në fuqi 30 qershorin.

“Bojkoti elektoral i subjekteve politike, edhe nëse ata përfaqësojnë një pjesë të madhe të votuesve, nuk mund të ndalojnë zhvillimin e zgjedhjeve të rregullta. Përndryshe, këto parti do të pengonin çdo proces zgjedhor. Anulimi i zgjedhjeve dhe më tej shtyrja e tyre cënoi të drejtën e shtetasve për të zgjedhur. Presidenti veproi në mungesë të bazës ligjore kur anuloi zgjedhjet dhe vendosi shtyrjen e tyre pa pasur një kompetencë të tillë në Kushtetutë dhe në ligj”.

Ngelet për tu parë nëse pas këtij raporti Komisioni Hetimor do të vijojë ose jo punën për shkarkimin e presidentit, dhe nga ana tjetër, nëse do të ndryshojë qëndrim Ilir Meta duke filluar me dekretimin e zgjedhjeve të pjesshme në Shkodër./ABC News Albania

edi-rama123-2.jpg
ad min17:31 | 11/10/2019

Tre janë përfundimet thelbësore që ka nxjerrë Komisioni i Venecias sipas Kryeministrit Edi Rama. Në një postim në rrjetet sociale ai thotë se ato konfirmojnë pa asnjë ekuivok drejtësinë e qëndrimit të Partisë Socialiste para dhe pas zgjedhjeve të 30 Qershorit.

I pari sipas Ramës është se Komisioni i Venecias konkludon se “Bojkoti i subjekteve politike, edhe nëse ata përfaqësojnë një pjesë të madhe të votuesve nuk mund të ndalojë zhvillimin e zgjedhjeve të rregullta. Përndryshe, këto parti do të fitonin mundësinë të pengonin çdo proces zgjedhor”.

“Anulimi i zgjedhjeve dhe më tej, shtyrja e tyre cenoi të drejtën e shtetasve për të zgjedhur”, është përfundimi i dytë që ka parë kryeministri nga raporti.

Më tej, kreu i qeverisë thotë se përfundimi i tretë është se “Presidenti veproi në mungesë të bazës ligjore kur anuloi zgjedhjet dhe vendosi shtyrjen e tyre pa pasur një kompetencë të tillë në Kushtetutë e në Ligj”.

Ndërkohë më herët, zëdhënësi i Presidentit Ilir Meta, Tedi Blushi, tha se kreu i grupit parlamentar të mazhorancës ka dërguar në media një material, i cili nuk tregon në mënyrë të drejtë për raportin përfundimtar të Komisionit të Venecias.

/abcnews.al

tedi-blushi.jpg
ad min17:19 | 11/10/2019

Zëdhënësi i Presidentit, Ilir Meta, Tedi Blushi, doli në një deklaratë për shtyp këtë të enjte në lidhje me raportin e Komisionit të Venecias që u publikua sot. Blushi akuzoi kreun e grupit parlamentar socialist, Taulant Ballën se ka prodhuar dhe shpërndarë në media një material që nuk përcjell në më mënyrë të drejtë opinionin e Komisionit të Venecias.

“Titrat dhe lajmet e gënjeshtërta të shpërndara në panik nga shteti i propagandës, dhe të qarkulluara nga përsheshngrënësit mediatikë të PPP-ve, janë një dëshmi e qartë e dëshpërimit dhe stresit, ku kanë rënë lolot e Rilindjes, me në krye famozin e mashtrimit dhe jo vetëm, Tao Tao, në lidhje me konkluzionet e Opinionit final të Komisionit të Venecias. Së pari dua t’ju bëj me dije një fakt të pakundërshtueshëm dhe lehtësisht të verifikueshëm, që nxjerr në dritë, para të gjithë shqiptarëve dhe opinionit ndërkombëtar, pacipësinë dhe pafytyrësinë e lolove të Rilindjes dhe famozit Tao Tao, që mashtrojnë dhe ndajnë në media, gjoja në emër të Venecias, raporte dhe konkluzione të pavërteta. Ky është dokumenti i vetëm zyrtar i publikuar sot nga Këshilli i Europës, në lidhje me konkluzionet e raportit final të Komisionit të Venecias. Ndërsa ky këtu është dokumenti që Tao Tao, lolot dhe përsheshngrënësit mediatikë kanë publikuar dhe shpërndarë me email, sms apo me titra. Dokumenti Tao Tao përhap lajmin e gënjeshtërt se sipas Venecias, Presidenti nuk mundet të anulojë zgjedhjet. Ndërkohë sipas deklaratës zyrtare për shtyp të Këshillit të Europës, mbi raportin final të Komisionit të Venecias thuhet si më poshtë: “Sipas opinionit të miratuar sot, i cili ishte kërkuar nga kryetari i Kuvendit të Shqipërisë, Gramoz Ruci, Komisioni i Venecias vëren se edhe në rast të gjendjes së jashtëzakonshme, siç është lufta apo katastrofa natyrore, Parlamenti do të duhej të miratojë legjislacion ad hoc (të posaçëm) për të shtyrë zgjedhjet”, thotë Blushi.

Sipas Blushit, ndryshe nga raporti i publikuar në media, Komisioni Venecias vërteton se Presidenti nuk e ka shkelur Kushtetutën, por së shpejti do të tregojë që Presidenti ka mbrojtur shkëlqyeshëm Kushtetutën.

“Duke i lënë në pacipësinë e tyre të gjithë lolot e shëmtuar të shtetit të propagandës dhe përsheshngrënësit e tyre mediatikë që nxitojnë të publikojnë lajme të pakonfirmuara, mbështetura mbi dokumente Tao Tao, ju sqarojmë se:

Opinioni Final i Komisionit të Venecias së shpejti bëhet publik dhe shqiptarët do e lexojë me sytë e tyre, e zeza mbi të bardhë, të vërtetën që Presidenti i Republikës Sh.T.Z Ilir Meta ka thënë gjithmonë:

Zero shkelje të kushtetutës! Zero shkelje të kompetencave kushtetuese! Mbrojtje e shkëlqyer e kushtetutës! Mbrojtje e shkëlqyer e konventës europiane të të drejtave të njeriut! Mbrojtje e shkëlqyer e vendimit të gjykatës së strasburgut për të drejtën e zgjedhjes! Mbrojtje e shkëlqyer e detyrimeve ligjore që ka shqipëria nga marrëveshja e stabilizim asocimit me bashkimin europian! Ju bëj me dije dhe ju konfirmoj me përgjegjësi maksimale se: Komisioni i Venecias vërtetoi sërish se Presidenti i Republikës nuk ka shkelur Kushtetutën e Republikës së Shqipërisë. Komisioni i Venecias gjithashtu ka vlerësuar maksimalisht thirrjet e Presidentit për dialog dhe përpjekjet e tij për arritjen e një kompromisi midis palëve, që ishin të rëndësishme për zgjidhjen e krizës. Kjo është e vërteta e vetme që në ditët në vazhdim do t’i bëhet e ditur çdo shqiptari”!

Raporti përfundimtar i Komisionit të Venecias pritet të publikohet të hënën e 14 Tetorit./abcnews.al

gjiknuri.jpg
ad min21:21 | 10/10/2019

Damian Gjiknurit i duket justifikim dhe absurditet kërkesa nga e opozitës për largimin e tij nga bashkëdrejtimi i Komisionit të Posaçëm për Reformën Zgjedhore. Gjatë një interviste në televizionin ABC News me gazetaren Mirela Milori, deputeti tha se nuk ka pushtet të madh në atë komision pasi është thjesht përfaqësues i Partisë Socialiste.

Sipas Gjiknurit, e gjitha është një sulm politik për shkak të rolit të tij. Ish-ministri theksoi se do t’i qëndrojë premtimit të tij për t’u larguar nga pozicioni për hir të vendit. Megjithatë problemi nuk është tek ai, por tek fakti që PD nuk njeh komisionin dhe parlamentin.

“Kjo është një përrallë, justifikim, është një absurditet. Unë s’kam ndonjë pushtet të madh aty, jam përfaqësues i PS në atë komision. Pastaj unë nuk kam asnjë hetim penal, as nuk jam i akuzuar për asgjë, nuk jam thirrur nga prokuroria, nuk kam kryer asnjë vepër të tillë që të vihet në dyshim personi im. Nëse unë do kisha përballje me drejtësinë, natyrshëm do përballesha me drejtësinë. Akuza politike. Pse jam sulmuar unë? Jam sulmuar për shkak të rolit tim politik. Unë kam qenë një nga drejtuesit e lartë elektoral. Kam bërë beteja dhe kam fituar kështu mund të bësh edhe armiq, por të zgjedhësh kundërshtarin në tavolinë nuk është normale. Të gjithë kanë akuza.

Unë kam thënë, po të isha unë pengesa kryesore ata le të vinin në komision. Do bëja një gjest që nuk është normal politik, por do e bëja për hir të vendit sepse do më dukej absurde që gjithë ajo trysni të përfundonte vetëm tek një emër. Nuk është problemi aty, por PD nuk e njeh komisionin, nuk njeh Parlamentin në tërësi”, shtoi Damian Gjiknuri, bashkëkryetari i Komisionit për Reformën Zgjedhore.

Bashkëkryetari socialist i komisionit parlamentar për reformën zgjedhore, Damian Gjiknuri deklaroi më 19 Shtator se është gati të rishikojë këtë pozicion, me kushtin që PD të përfshihet në këtë Reformë.

Intervista e plotë

 

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono