Komisioni

vlcsnap-error396-1280x720.jpg
ent ela15:14 | 29/01/2018

Pas rrëzimit nga parlamenti të listës me emrat e kandidatëve jogjyqtare dhe joprokurorë për anëtarë të KLP dhe KLGJ, nënkomisioni i ligjeve përzgjodhi sot sërish me short një listë të re kandidatësh. Ajo kalon sërish për miratim në seancën më të afërt parlamentare dhe për t’u miratuar kërkon 84 vota.

Është kjo lista e dalë nga raundi i dytë i përzgjedhjes së antarëve jo-gjyqtarë dhe jo-prokurorë nga nënkomisioni parlamentar me 5 antarë, tre nga mazhoranca dhe dy nga opozita.
Hedhja në short e listës me kandidat të sekretarit të përgjithshëm erdhi pas diskutimit emër për emër dhe dështimit edhe njëherë nga ky nënkomision për të dhënë katër votat e nevojshme për kualifikimin e një kandidati.
Opozita kërkoi edhe këtë herë të dytë të përzgjedhjes së kandidatëve, që ky nënkomision të mund të heqi me votat e 4 antarëve kandidatët që sipas tyre nuk plotësojnë kriteret kushtetuese, ligjore apo morale. Oerd Bylykbashi kërkoi zbatimin e votimit në emër të interesit publik, plotësisht i mundur me vullnet politik, sipas tij.

Në këtë mënyrë nënkomisioni, përjashtoi vetëm me 3 vota nga gara kandidatin Altin Hazizaj, jashtë çdo procedure të parashikuar në ligj apo shkruar në rregullore.
Nga emrat e përzgjedhur sipas këtij shorti të dytë, sipas debatit në nënkomision, avokatja e përzgjedhur për KLGj-në Fatmira Luli, sipas opozitës ka ushtruar profesionin e gjyqtares përpara vviteve ’90. Gjithashtu një pjesë e tyre, si rasti i anëtarëve të shoqërisë civile për KLP-në, Andi Muratej dhe KLGj-në të përcaktuar nga Operacioni Ndërkombëtar i Moniorimit si pa përvojën e mjaftueshme.

Lista e re i paraqitet kryetarit të Kuvendit dhe hidhet në votim në seancën më të afërt të Kuvendit, parashikon neni 35 i ligjit për organet e qeverisjes së sistemit të drejtësisë. Dy të tretat e antarëve, pra 84 vota, është sërisht numri i nevojshëm për miratimin e listës në bllok./abcnews.al

vlcsnap-error918-1-1280x719.jpg
us er13:45 | 30/11/2017

Gjashtë deputetëve maqedonas të arrestuar i është hequr imuniteti pasi Komisioni për mandate dhe imunitete miratoi kërkesën e Gjykatës Penale. Ndërkohë që ka reaguar dhe ambasadori amerikan në Shkup, i cili tha se deri në momentin e vërtetimit të akuzave ata duhet të konsiderohen të pafajshëm.

Komisioni për Çështje të Rregulloreve dhe të Mandatit dhe Imunitetit në Maqedoni miratoi kërkesën e  Gjykatës  Penale për heqjen e imunitetit të 6 deputetëve: Kërste Mukovski, Johan Tarcullovski, Luben Arnaudov, Sasho Vasilevski, Lupco dimovski, Zhaklina Peshevska. Në fillim të seancës fjalën e mori anëtari i LSDM-së, Aleksandër Kiraçovski, i cili deklaroi se do të votojnë pro heqjes së imunitetit ndërkohë në sallë nuk ishin të pranishëm anëtarët e VMRO-DPMNE-së. Nga Komisioni për Çështje të Rregulloreve dhe të Mandatit dhe Imunitetit raporti do të dorëzohet tek kryetari i Kuvendit Talat Xhaferi në seancë prej 2 ditësh i cili pastaj duhet të caktojë seancë plenare. Gjashtë deputetët janë ndër 36 të arrestuarve të cilët akuzohen për akt terrorist ndaj rendit kushtetues dhe sigurisë në vend në lidhje me ngjarjet e 27 prillit të këtij viti në Kuvendin e Republikës së Maqedonisë.

Për këtë cështje ka reaguar dhe ambasadori amerikan në Shkup, Xhes Bejli, i cili tha se arrestimet masive për ngjarjet e 27 prillit në Kuvend, janë zhvillime të rëndësishme dhe se po i ndjek me vëmendje të madhe. Bejli shtoi se policia dhe prokuroria duhet të kenë transparencë të plotë lidhur me këto zhvillime. Gjithsesi ai theksoi se deri në momentin që do të vërtetohen akuzat, ata duhet të konsiderohen të pafajjshëm duke shtuar se roli i parlamentit në këtë çështje është thelbësor./abcnews.al

 

vlcsnap-error406-1-1280x720.jpg
us er13:49 | 27/11/2017

Komisioni i Ekonomisë i kaloi për miratim Kuvendit paketën fiskale. Pavarësisht kundërshtive të opozitës, anëtarët e mazhorancës në komision miratuan ndryshimet përfundimtare të kësaj pakete.

Paketa fiskale e vitit të ardhshem është gati për votën përfundimtare në séance e Kuvendit, pas miratimit të ndryshimeve të fundit në Komisionin e Ekonomisë.

Heqja e disa taksave në sektorin e turizmit u miratua pavarësisht kundërshtive të opozitës për shtrembërim të tregut, e manovrës për pastrim parash.

 Mes disktuimesh, u hoq edhe akciza tek pijet energjike vendosur tre vite më parë

 Nga taksa e pronës, është vendosur të përjashtohen pensionistët kur jetojnë vetëm dhe disa familje në nevojë përfshirë edhe shtëpitë e njohura nga shteti si monument culture.

Një propozim që nuk kaloi në komision ishte ai i unifikimit të akcizës së gazit në 3 lekë për litër.

Manzhoranca pranoi se vendosja e akcizës, ndryshe nga ç’pritej është aplikuar edhe për konsumatorët familjarë dhe jo vetëm për automjetet me impiant gazi./abcnews.al

 

vlcsnap-error171-3-1280x720.jpg
us er13:02 | 14/11/2017

Në komisionet parlamentare është përmbyllur parimisht buxheti i vitit të ardhshëm. Opozita ka shprehur rezervat e saj, duke theksuar se asnjë prej sektorëve jetikë për ekonominë nuk ka rritje fondesh.

Mëngjesi i së mërkurës ishte afati i fundit që komisionet parlamentare të shpreheshin në parim për buxhetin e vitit 2018, pranë Komisionit të Ekonomisë. Por, kjo nuk e ka penguar Komisionin e Ekonomisë.

E ndërsa z. Braçe shprehu qëndrimin zyrtar të komisioneve që janë përgjigje në kohë, Jorida Tabaku solli shqetëesimet e ngritura nëpër komisione nga deputetë të Partisë Demokratike.

Opozita theksoi se për shumë fusha me ndjeshmëri të lartë sociale, qeveria nuk ka rritur financimet.

Deputetët e PD kanë theksuar se për ndihmën ekonomike nuk ka shtese të fondit, ndërsa infrastruktura vendore dhe rajonale kanë 21% fonde më pak. Projekt buxheti u miratua në parim nga komisioni i ekonomise vetëm me votat e maxhorancës./abcnews.al

 

 

 

vlcsnap-error349-1280x720.jpg
us er16:08 | 13/11/2017

Ndërkohë që debatet mes mazhorancës dhe opozitën po shoqërojnë të gjitha komisionet parlamentare ku diskutohet buxheti 2018, përjashtim bëri Komisioni i Jashtëm, ku ishte ftuar ministri për Diasporën, Pandeli Majko. “E drejta e votës së emigrantëve dhe diasporës kërkon konfidencën e të dyja palëve, por mbi të gjitha transparencën e Qeverisë”, është shprehur Majko. Ministri gjeti mirëkuptimin e opozitës. Demokrati Tritan Shehu nënvizoi se ka ardhur koha që shqiptarëve jashtë Atdheut t’u njihej e drejta e votës, aty ku jetojnë. Ndërsa në emër të LSI-së, Klajda Gjosha u shpreh e gatshme të mbështesë me fonde që kjo të bëhet realitet. Sikur të mos mjaftonte kjo dakortësi e palëve, mazhoranca dhe opozita ishin të një mendje, gjithashtu, për të thirrur në Komision ministrin e Jashtëm, Ditmir Bushati, në lidhje me bisedimet disaditore që zhvilloi me homologun grek në Kretë, mbi çështjet e pazgjidhura mes dy vendeve./abcnews.al

vlcsnap-error810-1280x720.jpg
us er12:11 | 10/11/2017

Në seancën e konstituimit të Komisionit të Posaçëm për Reformën Zgjedhore, kreu i Kuvendit Gramoz Ruçi vlerësoi si risi faktin që ky komision u ngrit që në nisje të mandatit qeverisës. Por të vonuar e shikon bashkëkryetari i këtij komisioni demokrati Oerd Bylykbashi, si pas të cilit për herë të parë që nga vitit 2001 OSBE/ OHDIR shkruan si rekomandim të parë pas zgjedhjeve ngritjen e këtij komisioni./abcnews.al

 

 

 

shengen_655x356_46775-640x348.jpg
us er16:37 | 20/10/2017

Komisioni i lirive civile në Parlamentin Europian miratoi sistemin e ri të udhëtimit dhe autorizimit, ETIAS, për qytetaret që qarkullojne pa viza në zonën Shengen, sikurse janë dhe shqiptarët. Sipas këtij sistemi, këta qytetarë do të plotësojnë një formular personal në pikat kufitare,ndërsa do të ketë kontrolle të hollësishme për ata që paraqesin rrezik në aspektin e sigurisë, migrimit të parregullt, ose rrezik të lartë të epidemisë.

Por për tu zbatuar, kërkohet zbatimi korrekt I procedurës së përcaktuar nga sistemi ETIAS.

Ndizet drita jeshile për shtetasit ekstrakomunitarë që përfitojnë nga heqja e vizave në zonën shengen

Janë eurodeputetët e komisionit të lirive civile të Parlamentit Evropian që I kanë thënë PO këtij sistemi të ri. Por ka një procedurë që duhet ndjekur.

Sipas sistemit të ri ETIAS, qytetarë si ata shqiptarë, që qarkullojnë pa viza në zonën Shengen do t’ju duhet të plotësojnë një formular elektronik me të dhënat e tyre personale.

Në këtë formular do të shënoni së pari emrin, datën, vendin e lindjes, seksin dhe shtetësinë. Formulari do të përfshijë gjithashtu informacionin e dokumentit të udhëtimit, vlefshmërinë, vendin e lëshimit, adresën e shtëpisë, informacionin e kontaktit, si dhe vendin e parë të parë të hyrjes në zonën Shengen.

Një nga të rejat që ofron sistemi ETIAS është, se të dhënat do të kontrollohen automatikisht nga sistemi i informacionit të Shengenit dhe database i Europolit dhe Interpolit.

Në këtë kuadër, eurodeputetët kanë mbështetur pa rezerva edhe faktin, se aplikanti do të duhet të informojë autoritetet për çdo dënim për vepra penale të rënda si terrorizmi, shfrytëzimi seksual i fëmijëve, trafikimi i qenieve njerëzore, trafik droge, vrasje, përdhunim, si dhe të çdo vendimi administrativ paraprak për të lëshuar territorin e një vendi të BE-së gjatë dhjetë viteve të fundit.(eurodeputetet)

Sistemi i ri europian i udhëtimit dhe autorizimit, ETIAS, do të lejojë kontrolle të hollësishme për udhëtarët pa viza që konsiderohen se paraqesin rrezik në aspektin e sigurisë, migrimit të parregullt ose rrezik të lartë të epidemisë. Proçedura e plotêsimit të formularit ka njê kosto prej 10 eurosh. Nuk do paguajnë këtë kosto personat nën 18 vjeç dhe mbi 60 vjeç, familjarët e qytetarëve të BE-së, si dhe studentët dhe kêrkuesit.

Komisioni Europian ka parashikuar kohë të mjaftueshme për shtetet anëtare, nê mënyrë që ETIAS të jetë tërësisht operacional në 2020.

https://youtu.be/G3_pJqW6FgY

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono