komisar

kristaq-leci-1280x732.jpg
nev ila11:33 | 13/08/2019

Arrestohet ne Greqi Kristaq Leci i akuzuar si bashkëpunetor në vrasjen e Komisarit te policise Artan Cuku, mbi 2 vjet me pare.

Kristraq Leci  dyshohet se ka qenë personi që ka informuar ekzekutorin Mikel Shallari për çdo lëvizje të viktimës.

Policia greke ka arrestuar  Kristaq Lecin, që dyshohet si bashkëpunëtori i Mikel Shallarit në ekzekutimin e drejtuesit te larte te policise Artan Cuku pranë banesës së tij ne Tirane.

Në komunikatën zyrtarë të policisë greke thuhet se është arrestuar një 30 vjeçar shqiptarë pasi ishte në kërkim nga drejtësia jonë, i akuzuar për vrasjen e një zyrtari të lartë të Policisë  në 8 Prill të 2017 .

Leci u arrestua të Hënën në Athinë pasi ishte shpallur në kërkim ndërkombëtar nga autoritetet tona si bashkëpuntor  në vrasjen e Artan Cukut.

Sipas hetimeve tw prokurorisë shqiptare kjo vrasje ishte porositur nga Bledar Jambelli, një person që ishte arrestuar më parë nga komisari Cuku. Pikërisht ky arrestim dyshohet të ketë qënë edhe shkaku për urdhërimin e vrasjes së ish- drejtorit të policisë, në shenjë hakmarrjeje.

Kristaq Leci, sipas informacioneve të bëra publike  dhe hetimeve të prokurorisë, thuhet se ka qenë ai që ka informuar Mikel Shallarin për lëvizjet e komisar Cukut. Leci gjithashtu njihej edhe me emrin Gerti Kajo.

Komisari Artan Cuku u ekzekutua nga Mikel Shallari, i cili ka rrëfyer në gjykatën e krimeve të rënda të gjithë ngjarjen e plotë duke zbuluar edhe emrin e porositësit. Bledar Janbelli ishte larguar nga Shqipëria menjëherë pas vrasjes se Cukut.

Ai u arrestua pak muaj më parë nga autoritetet Greke, por u lirua pasi gjykata e Lartë e Greqisë vendosi të rrëzonte kërkesën për ekstradimin e tij, me argumentin se në vendin tonë i rrezikohet jeta.

Mbetet  për tu parë se çfarë vendimi do të japë drejtësia greke për Kristaq Lecin, apo do të veprojë në të njëjtën mënyrë si me Jambellin./ABC News Albania 24/7

 

policia-1.jpg
G. P.15:40 | 14/03/2019

Shërbimi për Çështjet e Brendshme dhe Ankesave ka marrë në pyetje 10 anëtarët e komisionit të gradave në Policinë e Shtetit të zhvilluar në Nëntor të 2018. Prokuroria ka regjistruar kallëzimin për shpërdorim detyre për anëtarët e dy komisioneve, pas disa denoncimeve të oficerëve të policisë për shitje të tezës.

Pas skandalit të anulimit të konkursit të gradave, në Nëntor të 2018 për “Kryekomisar” dhe “Komisar” në Policinë e Shtetit, anëtarët e komisionit janë marrë në pyetje. Me urdhër të Prokurorisë së Tiranës, Shërbimi për Çështjet e Brendshme dhe Ankesave pyeti 10 anëtarët e komisionit të gradave që kishin për detyrë të mbikëqyrnin testimin.

Pas anulimit të testit të parë me urdhër të kreut të Policisë së Shtetit, Ardi Veliu, të mbajtur më 7 Nëntor për gradën “Komisar”, shumë nga pjesëmarrësit bënë kallëzimin në Prokurorinë e Tiranës.

Disa oficerë policie ankimuan rezultatet e testimit për mënyrën e organizimin dhe favorizimin e individëve të caktuar përmes publikimit të tezës më herët para se të zhvillohej konkursi. Organi i akuzës ka regjistruar kallëzimin penal pas referimit të bërë nga SHÇBA për “Shpërdorim detyre”, anëtarët e dy komisioneve të gradave.

Gjykata Administrative e Shkallës së Parë në Dhjetor shpalli moskompetencë, duke e dërguar dosjen gjyqësore në Apel, pas kërkesë-padisë të bëra nga sindikata e Policisë së Shtetit që kërkonte të njihej e drejta e fituesve të garës për gradën, “Komisar”. Në të dy konkurset merrnin pjesë rreth 1000 efektiv të policisë, ku vende vakante për t’u plotësuar nga fituesit e gradave në Policinë e Shtetit ishin afërisht 200./abcnews.al

padia.jpg
G. P.15:49 | 26/12/2018

Gjykata Administrative shpalli moskompetencë për kërkesë-padinë e bërë nga sindikata e Policisë së Shtetit që kërkonte të njihej e drejta e fituesve të gradës “Komisar” në konkursin e zhvilluar më 7 Nëntor. Ky konkurs u anulua disa ditë më pas me një urdhër të Drejtorit të Përgjithshëm të Policisë së Shtetit.

Gjykata Administrative ka shpallur moskompetencë për kërkesë-padinë e bëra nga sindikata e Policisë së Shtetit që kërkonte të njihej e drejta e fituesve të garës për gradat “Komisar” të mbajtur më 7 Nëntor. Në vendimin e gjykatës, të siguruar nga ABC News,  thuhet se, ky institucion ka vendosur shpalljen e moskompetencës funksionale dhe e dërgon dosjen gjyqësore në Gjykatën Administrative të Apelit.

Kreu i policisë së Shetit, Ardi Veliu kishte udhëruar anulimin e testimit, por nuk kishte dhënë shpjegime për vendimin e tij, duke ngritur dyshime te konkurentët fitues.  Ndërkohë për të njëjtën çështje, u depozituan në Prokurorinë e Tiranës shumë ankesa  nga konkurentët e gradave “Kryekomisar” lidhur me parregullsi ne konkursin e zhvilluar edhe në 12 Nëntor.

Prokuroria  e Tiranës kërkoi shpjegime nga numri një i policisë Veliu, zëvëndsa e tij, Aida Hajnaj si edhe nga kreu i akademisë së Sigurisë Bilbil Mema për mënyrë se si u krye testimi. Sipas pretendimeve të aplikantëve, të cilët kanë bërë kallëzimin në prokurori, ata pohojnë se rregullorja për gradën “Kryekomisar” ndryshoi formatin e testit pak minuta para nisjes së konkursit.

Verifikimi ka nisur në bazë të nenit 248 të Kodit Penal për “shpërdorim detyre”, ku disa nga konkurentët dyshohet se janë favorizuar e disa të tjerë kanë paguar për të fituar në dy konkurset e zhvilluara për gradat “Kryekomisar” dhe “Komisar”, në datat 7 dhe 12 Nëntor./abcnews.al

MBULIM-TESTIMI-PER-GRADAT-PERFUNDON-NE-GJYKATE-ABCM3T1.mpg_snapshot_00.16-1280x720.jpg
G. P.15:01 | 27/11/2018

Dërgohet në Gjykatën Administrative urdhëri i anulimit të testimit për gradën “Komisar”, që u zhvillua në datën 7 nëntor, i cili mban firmën e drejtorit të përgjithshëm të policisë së Shtetit, Ardi Veliu. Në kërkesë-padi oficerët që morën pjesë në testimin për gradën “Komisar” kërkojnë pavlefshmëri të urdhrit të testimit dhe rezultatit, deri në zbardhjen e vendimit përfundimtar nga Gjykata Administrative. 460 konkurentë ishin pjesëmarrës në konkursin e gradës Komisar të zhvilluar në ambientet e Akademisë së Sigurisë.

Më herët, Shërbimi për Çështjet e Brendshme dhe Ankesave gjeti shkelje dhe kallëzoi në Prokurorinë e Tiranës procesin e gradës “Komisar” dhe “Kryekomisar”. Ndërkohë 100 konkurent ankimuan vendimin e dhënë nga komisioni, të cilët prentendojë parregullsi gjatë procesit si edhe publikim të tezës së provimit./abcnews.al

akademia-e-sigurise.jpg
G. P.14:16 | 20/11/2018

Pas shumë kontestimesh si edhe akuzash për publikim të tezës ka rinisur konkursi i gradës Komisar në Policinë e Shtetit. Pranë Shërbimit për Çështjet e Brendshme dhe Ankesave ka shkuar në 100 numri i denoncimeve nga konkurentët, ndërsa prokuroria po verifikon procesin e datës 7 Nëntor.

Një javë pas urdhërit të drejtorit të Përgjithshëm të Policisës së Shtetit, Ardi Veli, i cili anuloi tesitmin e për gradën Komisar,pasi u vërejtën shumë mangësi, duke cënuar edhe besimin e rezultatit të testimit, të martën ka rinisur konkursit. Ndryshe nga hera e parë që u zhvillua në Akademinë e Sigurisë, procesi i dytë për gradën Komisar, u krye në Agjencinë Kombëtare të Provimit në Ministrinë e Arsimit.

147 oficerë të monitoruar në kushte të rrepta sigurie dhe në vëzhgimin e kamerave ishin të parët që u futën për të zhilluar testimin vetëm më pyetje alternative. Konkursi do të vijojë për 4 ditë për shtak të numrit të lartë të konkurentëve, afërsisht 460 të tillë. Ndërkohë përgjigja do të jepet menjëherë në mënyrë elektronike nëpërmjet pajisjes, “Skaltron”, ndryshe nga hera e parë që u dha disa ditë vonë. Këto masa kaq ekstreme nga drejtori Veliu, u morën pas shumë akuzave për kopjim apo edhe publikim të tezës si edhe shitje të saj, para se të zhvillohej provimi i datës 7 nëntor i gradës Komisar.

Më herët, Shërbimi për Çështjet e Brendshme dhe Ankesave gjeti shkelje dhe kallëzoi në Prokurorinë e Tiranës procesin e gradës Komisar dhe Kryekomisar. Ndërkohë ka shkuar në 100 numri i ankimimit nga konkurentët e dy gradave pranë SHÇBA-së, të cilët prentendojë parregullsi gjatë procesit si edhe publikim të tezës së provimit. Në verifikim për këto kallëzime, janë kreu i policisë Ardi Veliu, zëvendësja e tij, Aida Hajnaj si edhe drejtoi i Akademisë së Sigurisë, Bilbil Mema./abcnews.al

kryekomisari.jpg
G. P.16:14 | 19/11/2018

Numri i ankesave sa vjen e rritet nga konkurentët e gradës kryekomisar, të cilët kanë bërë kallëzim në prokurorinë e Tiranës. Sipas tyre, rregullorja për gradën ndryshoi vetëm pak minuta para para testimit, ku u shtuan edhe pyetjet me zhvillim.

Pas disa ankesave të bërë në prokurori nga konkurentët e gradave kryekomisar lidhur me parregullsinë të zhvilluar të hënën e 12 Nëntorit, organi i akuzës ka nisur verifikimet.

ABC News ka siguruar listën e personave fitues të gradës Kryekomisar, ku nga 260 konkurentë, vetëm 30 prej tyre u shpallën fitues. Për mënyrën se si u shpallën në krye të kësaj liste, prokuroria e Tiranës kërkon shpjegime nga numri një i policisë Veliu, zëvëndësja e tij, Aida Hajnaj si edhe nga kreu i akademisë së Sigurisë, Bilbil Mema.

Sipas pretendimeve të aplikantëve, të cilët kanë bërë kallëzimin në prokurori, ata pretendojnë se rregullorja për gradën kryekomisar pak minuta para nisjes së konkursit ka ndryshuar formati i testit. Ishin po aq, 100 pyetje, por vetëm 50 ishin me alternativa, ndërsa 50 të tjerat me shtjellim.

Por çfarë parashikon ligji në këtë rast?

Në rregulloren e Policisë së Shtetit, përcaktohet qartësisht se si duhet të kryhet korrigjimi i testit. Në pikën 4, të nenit 168 të kësaj rregulloreje, sqarohet pikërisht procesi i testimit me shkrim, ku thuhet: “Si rregull, testi me shkrim korrigjohet në formë elektronike, brenda ditës dhe rezultatet u bëhen të ditura aplikantëve nëpërmjet afishimit në ambientet e zhvillimit të testimit”.

Pra në ligj parashikohet që edhe nëse testi i zhvilluar me shtjellim duhet të korrigjohet në mënyrë elektronike gjë që nuk ka ndodhur kështu. Si pretendim nga konkurentët janë nxjerrë edhe emrat e disa prej fituesve ku ndër të tjera është e një i afërm i kreut të Policisë së Shtetit, Ardi Veliu, si edhe dy pedagogë të Akademisë së Sigurisë. Ndërkohë nuk është përcaktuar ende se kur do të zhvillohet konkursi për gradën komisar, të anuluar nga Ardi Veliu pa dhënë asnjë shpjegim, ku konkurentë ishin afërsisht 460 efektivë policie./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono