Kombëtarja

Xhaka-Xhaka1.jpg
Veronik Istrefaj18:59 | 17/02/2020

Taulant Xhaka ka dhënë një intervistë të gjatë për mediet në Zvicër, aty ku ka prekur shumë tema delikate rreth zgjedhjes së tij mes Shqipërisë dhe Zvicrës. Në fjalën e tij, mesfushori i kombëtares tha: “Në Shqipëri, janë shumë të pasionuar pas Kombëtares. Menjëherë të kthejnë në një hero popullor.

Në fakt, ka raste që unë shkoj në restorante në Shqipëri dhe ata nuk më marrin lekë për ushqimet e konsumuara, por m’i japin falas. Reputacioni që gëzojnë atje sportistët profesionistë që përfaqësojnë Kombëtaren është vërtet i madh.

Si e zgjodha Shqipërinë? Familja nuk më ndërhyri fare. Vendimi erdhi se u tregova unë i paduruar dhe shkova te Shqipëria. Isha 19-vjeç, mosha ideale për të ndërmarrë hapin në një ekip kombëtar. Mund të kisha pritur një telefonatë nga Zvicra, por nuk ishte e sigurt nëse do të vinte ndonjëherë.

Unë arrita të luaj në Euro 2016 me Shqipërinë dhe u përmbush ëndrra e madhe, prandaj nuk pendohem për këtë vendim. Shqipëria e shprehu interesimin për mua shumë herët dhe doja ta provoja veten time në këtë eksperiencë, në një moshë të re.

Kurrë nuk ka qenë një vendim kundër Zvicrës, Mirënjohje që pritën familjen time, që u linda dhe u rrita atje. Por doja të fitoja një përvojë me Kombëtaren sa më shpejt të ishte e mundur dhe për fat të keq nuk u bë u mundur me Zvicrën”, tha Xhaka./abcnews.al

Ismajli.jpg
Vladimir Prenga10:12 | 12/02/2020

Ardian Ismajli po shkëlqen në Kroaci dhe për të shtatën herë është përfshirë në formacionin më të mirë të javës, duke barazuar Dominic Livakovic të Dinamo Zagreb. Mbrojtësi i Hajduk Split ka spikatur në fundjavë sërish.

Referuar Instat Sport, Telesport.hr ka publikuar 11 më të mirët e javës. Ismajli ka fituar 11 duele nga 15, ndërkohë që ka fituar 6 topa. Tre prej tyre në gjysmëfushën e kundërshtarit. Mbrojtësi si zakonisht ka vijuar të regjistrojë një numër të lartë pasimesh të sakta, is dhe ka ndërprerë 10 aksione.

Një javë më parë kishte më shumë shqiptarë në formacionin më të mirë, pasi kishin shkëlqyer Jon Mersinaj, Francesco Tahiraj dhe Lirim Kastrati. Ky i fundit madje ishte lojtari më i mirë i javës. /abcnews.al

 

Formacioni më i mirë i javës së 21-të në Kroaci
Duka-Panucci-1280x729.jpg
Veronik Istrefaj13:49 | 07/02/2020

Ish-trajneri i Shqipërisë, Christian Panucci, ka dhënë një intervistë të gjatë për “Gazzetta Dello Sport”, aty ku foli dhe për aventurën e tij në Shqipëri. Trajneri italian tha se Duka kishte dhënë disa deklarata të shëmtuara pas largimit të tij, si dhe pranoi se stoli i Shqipërisë, ishte puna më e vështirë për t’u marrë përsipër.

“Kur mbërrita në Shqipëri, skuadra ishte në vend të katërt në grupin kualifikues për Botërorin e 2018. Në fund, e mbyllën të tretë. Shqipëria është një shtet shumë i komplikuar.

Pas Euro 2016, stoli më i vështirë për t’u marrë përsipër, ishte i Shqipërisë. Ishte stoli më i vështirë, pasi skuadra vite nga një Europian i arritur për herë të parë, të kryeje stërvitje ishte “gjysmë-vetëvrasje”.

Në kualifikueset e Euro2020, ishim në vend të katërt. Të renditeshim të tretët, do ishte arritje e suksesshme, të dytët një mrekulli. Megjithatë, unë jam i lumtur, një eksperiencë e jashtëzakonshme për mua.

Presidenti i Federatës Shqiptare ka thënë disa deklarata të shëmtuara për mua, por kur isha unë atje, sillej si president dhe nuk ndërhynte në asgjë. Më la të punoj i qetë”, përfundoi Panucci./abcnews.al

Uzuni.jpg
Veronik Istrefaj19:16 | 04/02/2020

Sulmuesi i kombëtares shqiptare, Myrto Uzuni, ka dhënë një intervistë ekskluzive për “Albeu”, aty ku ka prekur shumë tema rreth karrierës së tij, jetës personale, ofertave të shumta, si dhe ka zbuluar me kë është tifoz dhe se kush është lojtari i tij i preferuar.

VITI 2019 – “Nuk ishte viti im më i mirë 2019, mendoj se 2020 do jetë viti më i mirë se 2019”.

SHOKËT NË KOMBËTARE – “Miqësi kam me të gjithë çunat, po më shumë kam me Roshin, Balajn, Manajn dhe Baren”.

OBJEKTIVAT – “Lokomotiva e Zagrebit këtë sezon objektiv ka kupat e Europës”.

GOLI I PARË I VITIT – “Golin e parë do ja dedikoj familjes time”.

KOHA E LIRË – “Kohën e lirë e kaloj më së shumti në stërvitje, shtëpi, stërvitje dhe Playstation”.

AIR ALBANIA – “Është një stadium shumë i bukur, dua të lë gjurmë tek “Air Albania”.

KAMPIONATI I PREFERUAR – “Mendoj se kampionatet që më përshtaten janë spanjolli dhe holandezi”.

OFERTAT – “Kam pas shumë interesime kanë ardhur madje dhe në klub, por mendoj se do më bej më mirë akoma dhe këto 6 muaj dhe më pas të shohim”.

SUPERIORE – “Po e ndjek Kategorinë Superiore. Mendoj se Tirana shpallet kampion”.

TIFOZ – “Skuadra qe unë bej tifo është Reali i Madridit”.

MESSI APO RONALDO – “Normalisht CR7, pasi ai është bërë ai që është sot falë punës dhe vullnetit”.

SUKSESI – “Normalisht këtë sukses ja dedikoj familjes pasi ata nuk kanë reshtur kurrë së më mbështeturi dhe është me e pakta që mund t’iu kthej”, përfundoi Uzuni./abcnews.al

Albania-futsallë.jpg
Igli Nikolli20:39 | 30/01/2020

Kombëtarja shqiptare e futsallës ka zhvilluar sot ndeshjen e dytë për eliminatoret e Euro 2020. Kuqezinjtë e drejtuar nga Erind Resuli janë befasuar nga Andorra me rezultatin 1-0. Duelet po zhvillohen në Bullgari dhe kjo ishte humbja e parë. Shqipëria fitoi dje 4-1 kundër San Marinos, por sot nuk ia doli të gjente rrugën e rrjetës.

Resuli e nisi takimin me këtë formacion: Da Silva, Brahimi, Mezini, Selmanaj, Halimi (kapiten), por vendosi një gol i shënuar në minutën 29’59 nga ekipi kundërshtar. Ndeshja e tretë dhe e fundit do të luhet me datë 1 shkurt (ora 19:00) dhe përballë kuqezinjve do të jenë vendasit e Bullgarisë. /abcnews.al

Roland-Luci.jpg
Veronik Istrefaj10:44 | 10/01/2020

Ish-sulmuesi i kombëtares shqiptare të futbollit, Roland Luçi, nuk është përmbajtur aspak dhe ka shpërthyer kundër Sindikatës së Futbollistëve, e cila ka marrë përsipër organizimin e ndeshjes së sotme, e njohur si Ndeshja e Yjeve. Sipas Luçit, kjo Sindikatë është dordolece, si dhe ylli më i madh i viteve të fundit, Ismail “Ballist” Morina, e meritonte të ishte në ‘krye të sofrës’.

Postimi i Roland Luçit në rrjetet e tij sociale:

“Për aktivitetin bamirës te nesërm qe uroj te shkoje sa me suksesshëm, nuk e kam pare listën e yjeve te Kombëtares shqiptare, sigurisht yjeve te matur me kandarin e Sindikatës se futbollisteve qe del hapur si dordolec i Federatës ne ketë rast, por pashe disa reaksione mbasi mora vesh se shume kishin mbetur “mbrapa listës”, dhe për pasoje kane lindur diskutime.

Po aq e vështire ishte tu dërgohej atyre qe mendohen te aktivizohen ftesa reale, kurse gjithë te tjerëve për kortezi nga një ftese fiktive? Pse kandari i Andi Lilës apo ndonjë miopi tjetër qe merr rrogën ne Federate është ai qe përcakton kush është yll e kush satelit?

E me ftesa për te gjithë, duke filluar me Bizin e madh, paçka se s ka asnjë shans qe te luaj, bile as ta shikoj aktivitetin, por mund te përshëndeste nga tribuna se do te ndihej pjese e tij, e kështu s’do te kishte as diskutime, supozime e mallkime.

Nejse, unë ne fakt e kisha tjetër kund. Shikoni, ylli me i madh mungonte dhe askush nuk e përmend, ylli pa te cilin do e shihnim Evropianin ne ëndërr.

Ismail Morina, Ballisti i famshëm i tre pikëshit serb dhe dronit te Beogradit ishte ai qe na dërgoi ne Evropian dhe ai duhej te ishte simbolikisht aty, ne krye te sofrës”./abcnews.al

presing-cekici-1-1280x613.jpg
Veronik Istrefaj23:08 | 06/01/2020

16 ndeshje të luajtura, 8 gola të shënuar: Këto janë statistikat e Endri Çekiçit me skuadrën e Olimpija Ljubjanës në Slloveni. Në studion e “Pressing”, fantazisti kuqezi foli sa i mungesës së ftesës në kombëtare, si dhe nuk e fshehu zhgënjimin e tij.

KOMBËTARJA – “Të jem i sinqertë, unë e prisja një ftesë. Kur e shikon listën dhe nuk e sheh emrin tënd, rikthehesh të punosh edhe më fort që herën tjetër të jesh aty. Të them të drejtën, u mërzita disi. Unë nuk e kuptova shumë mirë, do të vazhdoj të punoj.

Sa i përket forcës fizike, po luaj minuta të plota te klubi im, po luaj në disa pozicione. Nuk di si ta shpjegoj këtë mungesën e forcës fizike. Klubi na jep të dhënat pas çdo ndeshje dhe unë jam ndër lojtarët që gjithmonë vrapoj më shumë. Ndoshta, duhet të vrapoj edhe më shumë (qesh)”.

TEUTA – “Dua të falënderoj trajnerin Magani që më dha mundësinë të luaj në moshën 16 vjeçare. Fati deshi që të largohesha nga Teuta pa luajtur shumë ndeshje. Dua të falënderoj edhe presidentin Hasanbelliu”.

E ARDHMJA – “Momentalisht, ka shumë zëra dhe interesime. Unë jam i fokusuar tek ekipi im. Nëse vjen një mundësi e mirë, pse jo. Trajneri i Olimpija më ka mbështetur, që kur erdhi më dha mundësinë të tregoj aftësitë e mia. Ai më ka ndihmuar që të jem edhe më i qetë psikologjikisht”./abcnews.al

Berisha-Panucci.jpg
Veronik Istrefaj17:08 | 04/01/2020

Christian Panucci nuk ishte për asnjë moment një trajner i dashur për futbollistët e kombëtares tonë kuqezi, që nuk besonin aspak te strategu italian. Që nga largimi i Panuccit, kombëtarja jonë kuqezi ka marrë rezultate më pozitive dhe futbollistët duken se kanë raporte të shkëlqyera me teknikun Reja.

Në “Air Albania Stadium”, do të luhet me datë 10 janar miqësorja e yjeve dhe çdo e ardhur nga shitja e biletave, do të shkojë për familjet e prekura nga tërmeti. Andi Lila ka qenë një nga promovuesit më të mëdhenj të kësaj ndeshje dhe në profilin e tij në Instagram, bie në sy një koment i portierit të kombëtares, Etrit Berisha. Gardiani kuqezi ka thumbuar ish-trajnerin Christian Panucci, duke komentuar: “Panucci, është në formacion?”

Ky koment ka marrë menjëherë përgjigjen e Andi Lilës, që ka shkruar: “Nuk e ka grumbulluar De Biassi me sa kam parë. Mbrojtës i djathtë është Zambrotta”./abcnews.al

 

Komenti i Etrit Berishës
Duka-Reja.jpg
Veronik Istrefaj18:05 | 10/12/2019

Edi Reja do të ketë kontratë që do të rishikohet çdo vit, me Federatën Shqiptare të Futbollit. Italiani dhe presidenti Duka shpresojnë të bashkëpunojnë deri në Botërorin 2022, por nuk është çudi që të ndahen para kohe.

Në parim parashikohet që të jenë gjatë së bashku. Edi Reja dhe Armand Duka janë marrë vesh dhe, me gjasë, kanë hedhur gjithashtu firmën në kontratë, për një marrëveshje të dytë në stolin e kombëtares shqiptare, që parashikon kohëzgjatje deri në Kupën e Botës 2022.

Burime në Federatën Shqiptare të Futbollin sqaruan për Abc Neës-in se, sidoqoftë, në kontratë ka një klauzolë sipas së cilës të dyja palët do ta rishikojnë pas çdo viti. Trajneri ka deklaruar se nuk ka punuar kurrë me kontrata afatgjata, pasi ka dashur që ta kishte gjithnjë fatin e tij në duart e veta.

Duka, ndërkaq, ka pasur shqetësim lidhur me rezultatet, por edhe me shëndetin e teknikut italian që sot është 74 vjeç. Burimet në Federatë shtuan për televizionin se trajneri I pohoi presidentit se kishte pasur kontakte nga Napoli, por kishte refuzuar gjithçka sepse kishte dhënë fjalën tek Shqipëria.

Rroga e trajnerit pritet të jetë ajo që ka qenë më parë, dhe që kanë pasur edhe paraardhësit e tij, De Biazi e Panuçi, 22-23 000 euro në muaj. Shifra totale arrin në 600 000 euro, ndërsa do të shtohet edhe me rreth 100 000 euro të tjera, nëse Reja do të arrijë kualifikimin për në fazën finale të Botërorit në 2022.

Shpërblimi në rast arritje të Botërorit është ai që iu dha edhe De Biazit: 200 000 euro. Kombëtarja nis ndeshjet zyrtare në Ligën e Kombeve në periudhën nga shtatori deri në nëntor 2020, ndërsa faza finale do të jetë në qershor 2021.

Eliminatoret e Botërorit nisin në mars 2021 dhe përfundojnë në nëntor të po atij viti, me Play-Off në mars 2022. Përpara ndeshjeve zyrtare, ekipi I drejtuar nga Reja pritet të luajë miqësore në mars dhe qershor 2020./abcnews.al

Duka-Reja.jpg
Igli Nikolli17:20 | 09/12/2019

Trajnerët e përfaqësueseve të Shqipërisë kanë pasur një takim pune me Armand Dukën ditën e sotme. Interesi i madh është për Edoardo Rejën dhe të ardhmen e tij në krye të kombëtares kuqezi. Tani nuk ka më dilema dhe italiani konfirmon rinovimin në një prononcim për A2.

Është e vërtetë që takimi ka të bëjë me rinovimin, por ne nuk kemi nevojë për letra. Kemi folur më përpara dhe akordi është gjetur prej kohësh. Sot jam së bashku me bashkëpunëtorët e mi për të folur me presidentin dhe për të dëgjuar nëse ai është i kënaqur nga ne apo jo. Duka do të bëjë më të mirën dhe ka një plan konkret, me të cilin jam dakord, pasi kemi biseduar rreth këtij projekti të ardhshëm. Shpresoj të jemi në lartësinë e duhur.

Unë punoj edhe pa pagesë. Pa u paguar! Është një projekt afatgjatë, mua do të më pëlqente të qëndroja sa më gjatë, por nuk i dihet. Nuk jam më i ri. Nëse jam mirë si tani, vazhdojmë edhe 10 vjet së bashkë. Fillimisht duhet të programojmë dhe më pas të shohim rezultatet dhe si do të luajë skuadra. Ka mjaft punë për t’u bërë.

Më intereson projekti dhe stimujt janë të duhurit, ashtu si edhe lidhja me këtë vend, mbi të gjitha në këtë moment vështirësie për Shqipërinë e veçanërisht për Durrësin. Gjithmonë, duhet të vendosen objektiva, kombëtarja duhet t’i ketë. Tani do të nisim vëzhgimet në të gjithë Europën dhe të përqendrohemi edhe te nivelet e të rinjve, për të hedhur bazat që Kombëtarja të ketë gjithmonë lojtarët më të mirë. Në këtë mënyrë arrin rezultate të larta dhe besueshmëri“, thekson 74-vjeçari.

Një koment të shkurtër jep edhe Duka, kreu i futbollit shqiptar. Presidenti i FSHF-së thekson se palët janë mbledhur për realizimin e një projekti të përbashkët dhe nuk ka asnjë problem në lidhje me rinovimin e Rejës.

Bashkë me të gjithë stafin jemi duke bërë një projekt për të ardhmen. Më pas, do të bëjmë një marrëveshje të përbashkët me të gjithë. Parimisht nuk është se kemi ndonjë pikë që na ndan“, deklaron Armanad Duka. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono