Kombëtare

Xhaka.png
Veronik Istrefaj22:38 | 12/11/2019

Taulant Xhaka duket se nuk po gjen qetësi. Mesfushori kuqezi është larguar sërish nga grumbullimi me kombëtaren, raportojnë mediet sportive në vend.

Xhaka ka përdorur si justifikim faktin se është dëmtuar me Basel, duke e lënë kombëtaren kuqezi. Trajneri Reja duhet të shikojë për alternativa të tjera në mesfushë, pasi përveç Xhakës, i gatshëm për ndeshjen kundër Andorrës nuk do të jetë as Klaus Gjasula.

Mesfushori 29-vjeçar u ndëshkua me karton të verdhë në minutat e fundit kundër Moldavisë, duke plotësuar numrin e kartonëve. Një situatë aspak e mirë në repartin e mesfushës në prag të sfidës ndaj Andorrës./abcnews.al

Tite.png
Igli Nikolli19:32 | 25/10/2019

Brazili do të zhvillojë edhe dy ndeshje miqësore për këtë vit. Me datë 15 nëntor është klasikja kundër Argjentinës, ndeshje që do të luhet në Arabinë Saudite.

Katër ditë më vonë, pesë herë kampionët e botës do të zbresin sërish në fushë. Përballë do të jetë Korea e Jugut dhe takimi do të luhet në Emiratet e Bashkuara Arabe.

Trajneri Tite ka shpallur listën e lojtarëve të grumbulluar. Lucas Paqueta po has vështirësi te Milani, por kjo nuk e ka penguar rikthimin e tij në kombëtare.

Lista e lojtarëve të grumbulluar
Portierë
: Alisson, Daniel Fuzato, Ederson
Mbrojtës: Danilo, Militao, Felipe, Marquinhos, Thiago Silva, Emerson, Alex Sandro, Renan Lodi
Mesfushorë: Arthur, Casemiro, Fabinho, Paqueta, Douglas Luiz , Philipe Coutinho
Sulmues: David Neres, Firmino, Gabriel Jesus, Richarlison, Rodrygo, Willian

Neymar mungon për shkak të dëmtimit të pësuar kundër Nigerisë, teksa Daniel Fuzato i Romës dhe mbrojtësi Emerson i Betisit thirren për herë të parë në kombëtaren latine.

Tite zgjodhi të mos grumbullonte asnjë lojtar që luan në Brazil. Kampionati vendas nuk është mbyllur ende dhe trajneri i Brazilit nuk dëshironte të krijonte pakënaqësi tek asnjë ekip. /abcnews.al

REja-1.png
Veronik Istrefaj18:31 | 10/10/2019

Trajneri i Shqipërisë, Edoardo Reja, ishte i pranishëm në konferencën për shtyp para ndeshjes kundër Turqisë. Në fjalën e tij, numri një i stolit kuqezi tha:

GRUPI – “Grupi i ri po funskionon, po punojmë mirë në të gjitha aspektet. Kemi konsideratë të lartë për skuadrën turke. Calhanoglu e njoh, pasi jam italian dhe e ndjek kampionatin Serie A. Ne duhet të jemi në maksimumin e potencialit tonë dhe ta shprehim në fushën e lojës. Nëse nuk jemi në 100%, do e humbin ndeshjen. Duhet të bëjmë një përfaqësim sa më dinjitoz, pasi ky ekip e meriton”.

TAKTIKAT – “E njoh skuadrën turke, kam ndjekur ndeshjet më të rëndësishme të saj. Ka fituar kundër Francës dhe ka treguar një lojë shumë të mirë. Ne duhet të jemi taktikisht shumë të vendosur, të rregullt, sepse Turqia është ekip i fortë, me lojtarë perfekt fizikisht. Kanë shënuar dhe në goditje standarte. Duhet te jemi 100% të fokusuar. Në radhë të parë, dua të shoh përmirësim nga skuadra ime, përqëndrim dhe vëmendje maksimal. Duhet të shprehim sa më mirë veten tonë”.

DEBUTUES – “Nuk do të kemi debutues nga minuta e parë, por kemi dy lojtarë në pankinë që po presin shansin e tyre. Mund të aktivizohen si zëvendësues”./abcnews.al

Memushaj1.png
Veronik Istrefaj18:09 | 10/10/2019

Ledian Memushaj do të jetë kapiten i Shqipërisë në mungesë të Elseid Hysaj. Para sfidës kundër Turqisë, mesfushori ishte i pranishëm në konferencë për shtyp në krah të trajnerit Reja. Në fjalën e tij, futbollisti kuqezi tha:

KAPITEN – “Po, jam i kënaqur që mbaj shiritin e kapitenit, por do isha më i lumtur që këti të ishte Elsi ose Mërgimi, pasi janë lojtarë të rëndësishëm. Ndeshja kundër Turqisë është shumë e vështirë, por e kemi përgatitur sa më mirë”.

FORMA – “Kemi shanse të përsërisim të njëjtën ndeshje si kundër Islandës. Jemi përgatitur shumë mirë këtë javë, do të japim maksimumin. E dimë vështirësinë e sfidës.

PËRBALLJET ME TURQINË – “Duam të ndryshojmë rezultatin e ndeshjes së shkuar. Kur luajtëm miqësore këtu para dy vitesh, skuadra luajti shumë mirë, përveç meje, pasi u ndëshkova me karton të kuq. Kemi ndryshuar shumë nga ndeshja e parë në Shkodër. Kemi lojtarë të rinj dhe me kualitete, që po tregojnë cilësitë e tyre”.

AMBIENTIMI – “Normale, kemi nevojë për më shumë kohë që të ambientohemi. Ta harrojmë edhe ndeshjen me Islandën dhe të fokusohemi te kjo ndeshje e vështirë. Dhuratë për Rejën? Shpresoj t’ia japim nesër”./abcnews.al

Hector-Cuper.jpg
Igli Nikolli14:00 | 25/09/2019

Hector Cuper është një trajner me shumë eksperiencë dhe totalisht i pafat. Argjentinasi firmosi gushtin e kaluar me kombëtaren e Uzbekistanit pas pjesëmarrjes në Botërorin Rusi 2018 me Egjiptin.

Pak më shumë se një vit ka zgjatur aventura e 64-vjeçarit në stolin e kombëtares aziatike. Federata e Uzbekistanit ka bërë publike në rrjetet sociale lajmin e ndërprerjes së kontratës me Cuper.

Palët kanë rënë dakord për t’i dhënë fund bashkëpunimit dhe rrugët e tyre janë ndarë. Cuper njihet për finalet e humbura, që janë kthyer në makthin e trajnerit të njohur argjentinas. /abcnews.al

Seedorf.jpg
Igli Nikolli11:45 | 21/09/2019

Kombëtarja e Kamerunit ka zgjedhur trajnerin e ri. Clarence Seedorf dhe zëvendësi Patrick Kluivert u shkarkuan me datë 16 korrik. Trajnerët holandezë nuk arritën t’i çonin kamerunasit më larg se faza 1/16-ve të Kupës së Kombeve të Afrikës, ku u eliminuan 3-2 nga Nigeria.

Paraqitja në turne ka zhgënjyer drejtuesit e qeverisë afrikane që prisnin një përfaqësim më dinjitoz, sidomos për faktin se Kameruni mbante statusin e kampionit në fuqi të turneut.

Një ndër arsyet që çuan në këtë fund të parakohshëm të bashkëpunimit ka qenë dhe kërkesat financiare të larta të holandezit, i cili ishte trajneri më i paguar në Afrikë me një pagë që i kalonte 700 mijë dollarët në vit.

Postin e tij e ka marrë Toni Conceicao. 57-vjeçari portugez ka gjetur akordin me drejtuesit e federatës dhe është gati të nisë aventurën me “Luanët e pamposhtur”.  Conceicao ka një eksperiencë të madhe me klube, ndërsa kjo është hera e parë që do të ulet në stolin e një kombëtarej. /abcnews.al

RAMA-PER-TATRIN-DHE-EKONOMINE.mpg_snapshot_01.17-1280x720.jpg
ad min12:30 | 03/08/2019

Një tjetër personazh i skenës shqiptare është përdorur sot nga Kryeministri Rama si provë se shumica e artistëve duan teatër të ri.

“Spiro Duni, aktor dhe regjizor që është ngjitur vetë dhe ka ngjitur trupa aktorësh në skenën e Teatrit Kombëtar, duke krijuar vlera e promovuar talente, kërkon si shumica dërrmuese e komunitetit teatror, që karakatina e qerestesë, tanimë e kthyer në kështjellën prej tallashi të politikanëve aktorë e të aktorëve politikanë, të shembet një orë e më parë për t’ia lënë vendin godinës së re të Teatrit Kombëtar”,-shkruan Rama.

Ndërsa citon SPIRO DUNIN të ketë thënë:

“Ndërtimi i Teatrit të ri është emergjencë kombëtare në këtë atdhe zhurmëmadh! Asnjë cm2 nuk cenohet nga ky truall dhe besoj që të zotët ndër vite do të kenë stendat e tyre të mirënjohjes në hollet e tempullit të ri!”/ABC News Albania 24/7

cekici.jpg
ad min14:21 | 23/05/2019

Endri Çekiçi vazhdon të luajë një sezon të madh në Ligën e Parë të Sllovenisë. Mesfushori shqiptar ka shënuar plot 6 gola, edhe pse u bashkua me skuadrën e tij vetëm në muajin Janar.

Mund të thuhet pa frikë se është i papërmbajtshëm. Endri Çekiçi vlerësohet si një nga lojtarët më të mirë të Ligës së Parë të Sllovenisë, diçka që e ka fituar falë lojës së tij, por sidomos me anë të golave.

Mesfushori ofensiv shqiptar ka shënuar plot 6 gola në 6 javët e fundit të kampionatit slloven, dhe ishte pikërisht ai që i dha fitoren Olimpijas së Ljubljanës me golin e vetëm në portën e Murës.

I transferuar në Janar, pasi u largua nga Dinamo e Zagrebit, 23-vjeçari tregoi aftësi të madhe përshtatjeje me skuadrën e tij të re. Pas një fillimi disi të vështirë, ai u bë shpejt protagonist dhe futbollist i formacionit bazë, duke luajtur shumicën dërrmuese të minutave në dispozicion.

Paraqitjet e pogradecarit dhe rrjetat e shënuara prej tij e ndihmuan Olimpijan që të mbante pa probleme vendin e dytë në kampionat, edhe pse me distancë nga Maribori që e fitoi titullin.

Çekiçi, madje, ishte i shkëlqyer në ndeshjen direkte në fushën e Mariborit, duke shënuar gol në fitoren 3-0 të skuadrës nga kryeqyteti. Në mënyrë logjike, mesfushori sulmues është kthyer në një kandidaturë serioze për t’u thirrur në ekipin kombëtar, nga trajneri Edoardo Reja./ABC News Albania 24/7

kombetare-1280x720.jpg
ad min23:00 | 20/05/2019

Trajneri i kombëtares shqiptare Edi Reja ka ftuar mesfushorin e Partizanit Bruno Telushi për ndeshjet kundër Islandës dhe Moldavisë. Futbollisti vlonjat është lojtari i tretë në radhët e Partizanit që do të grumbullohet me kuqezinjtë.

Kombëtarj shqiptare do të nis grumbullimin të martën për dy ndeshjet zyrtare ndaj Islandës dhe Moldavisë. Ndryshimet në pankinën kuq e zi pritet të sjell ndryshime edhe në listën e grumbullimit.

Trajneri i kombëtares Edi Reja do të ftojë në skuadër për dy takimet e radhës mesfushorin e partizanit Bruno Telushi. Futbollisti në fjalë ka qenë një ndër pikat më të forta të Partizanit në sezonin aktual ku u shpallen kampion të kategorie superior.

Titulli shërbeu si një asist për futbollistin vlonjat i cili do t’i bashkëngjitet edhe dy lojtarëve të tjerë të Partizanit si Alban Hoxha dhe Lorenc Trashi. Kjo është hera e parë që Teklushi do të grumbullohet me kombëtaren.

Partizani është skuadra shqiptare që përfaqësohet me tepër me futbollistë në kombëtare. Në kombëtare pritet të ftohen edhe emra të tjerë të rinj që shihen si baza për të ardhmen. Ndryshe nga grumbullimet e mëparshme, trajneri Edi Reja ka vendosur që të fillojë përgatitjet plot 2 javë para ndeshjes së parë. Trajneri Italian pritet të instalojë një frymë të re në ekip pas largimit të Kristian Panuccit./ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono