Kombëtare

cekici.jpg
G. P.14:21 | 23/05/2019

Endri Çekiçi vazhdon të luajë një sezon të madh në Ligën e Parë të Sllovenisë. Mesfushori shqiptar ka shënuar plot 6 gola, edhe pse u bashkua me skuadrën e tij vetëm në muajin Janar.

Mund të thuhet pa frikë se është i papërmbajtshëm. Endri Çekiçi vlerësohet si një nga lojtarët më të mirë të Ligës së Parë të Sllovenisë, diçka që e ka fituar falë lojës së tij, por sidomos me anë të golave.

Mesfushori ofensiv shqiptar ka shënuar plot 6 gola në 6 javët e fundit të kampionatit slloven, dhe ishte pikërisht ai që i dha fitoren Olimpijas së Ljubljanës me golin e vetëm në portën e Murës.

I transferuar në Janar, pasi u largua nga Dinamo e Zagrebit, 23-vjeçari tregoi aftësi të madhe përshtatjeje me skuadrën e tij të re. Pas një fillimi disi të vështirë, ai u bë shpejt protagonist dhe futbollist i formacionit bazë, duke luajtur shumicën dërrmuese të minutave në dispozicion.

Paraqitjet e pogradecarit dhe rrjetat e shënuara prej tij e ndihmuan Olimpijan që të mbante pa probleme vendin e dytë në kampionat, edhe pse me distancë nga Maribori që e fitoi titullin.

Çekiçi, madje, ishte i shkëlqyer në ndeshjen direkte në fushën e Mariborit, duke shënuar gol në fitoren 3-0 të skuadrës nga kryeqyteti. Në mënyrë logjike, mesfushori sulmues është kthyer në një kandidaturë serioze për t’u thirrur në ekipin kombëtar, nga trajneri Edoardo Reja./ABC News Albania 24/7

kombetare-1280x720.jpg
Sej rie23:00 | 20/05/2019

Trajneri i kombëtares shqiptare Edi Reja ka ftuar mesfushorin e Partizanit Bruno Telushi për ndeshjet kundër Islandës dhe Moldavisë. Futbollisti vlonjat është lojtari i tretë në radhët e Partizanit që do të grumbullohet me kuqezinjtë.

Kombëtarj shqiptare do të nis grumbullimin të martën për dy ndeshjet zyrtare ndaj Islandës dhe Moldavisë. Ndryshimet në pankinën kuq e zi pritet të sjell ndryshime edhe në listën e grumbullimit.

Trajneri i kombëtares Edi Reja do të ftojë në skuadër për dy takimet e radhës mesfushorin e partizanit Bruno Telushi. Futbollisti në fjalë ka qenë një ndër pikat më të forta të Partizanit në sezonin aktual ku u shpallen kampion të kategorie superior.

Titulli shërbeu si një asist për futbollistin vlonjat i cili do t’i bashkëngjitet edhe dy lojtarëve të tjerë të Partizanit si Alban Hoxha dhe Lorenc Trashi. Kjo është hera e parë që Teklushi do të grumbullohet me kombëtaren.

Partizani është skuadra shqiptare që përfaqësohet me tepër me futbollistë në kombëtare. Në kombëtare pritet të ftohen edhe emra të tjerë të rinj që shihen si baza për të ardhmen. Ndryshe nga grumbullimet e mëparshme, trajneri Edi Reja ka vendosur që të fillojë përgatitjet plot 2 javë para ndeshjes së parë. Trajneri Italian pritet të instalojë një frymë të re në ekip pas largimit të Kristian Panuccit./ABC News Albania 24/7

 

capello.jpg
G. P.22:48 | 06/05/2019

Trajneri Italian Fabio Capello ka dalë në mbrojtje të trajnerit të Juventusit, Masimiliano Allegri dhe ka kritikuar teknikun e Liverpool, Jurgen Klopp.

Trajneri italian Fabio Capello rikthehet të flasë rreth kritikave ndaj trajnerit italian Masimiliano Allegri. Ish-trajneri i kombëtares së Anglisë nuk është dakord për kritikat që i bëhen teknikut të Juventusit ndërkohë që Jurgen Klopp lavdërohet edhe pse nuk ka fituar asnjë trofe me Liverpool-in.

“E admiroj punën që bën Jurgen Klopp. Ka ndërtuar një skuadër të madhe, e cila është në garë në çdo kompeticion. Mendoj se është problem kur Allegri kritikohet dhe Klopp lartësohet. Allegri ka fituar pesë tituj në itali dhe e ka dërguar Juventusin në dy finale të Champions-it.

Nëse do të fitonte një herë Ligën e Kampionëve, ai do të konsiderohej si fenomen. Eliminimi nga Champions erdhi pas dëmtimit të lojtarëve. Nuk jam dakord që një trajner që fiton të kritikohet ndërkohë që trajneri tjetër të lavdërohet edhe pse nuk ka fituar asgjë, por vetëm se ka ndërtuar një ekip të fortë”, përfundon Fabio Capello./ABC News Albania 24/7

agolli.jpg
G. P.14:50 | 02/04/2019

Ish-kapiteni i kombëtares, Ansi Agolli, ka nisur një aventurë të re në futbollin amerikan. Ai tregoi për vazhdimin e karrierës dhe për kombëtaren, në emisionin “Pressing” në ABC News.

Lamtumira ishte e barabartë me një princ. Qarabag, klubi më i madh i Azerbajxhanit, e përcolli si hero Ansi Agollin, një shqiptar që veshi për 9 vite fanellën e tij, duke fituar gjithçka.

Pasi i vendosën në krah shiritin e kapitenit, shokët e skuadrës e shoqëruan përpara tifozëve. Sot, ish-kapiteni i kombëtares ndodhet në Amerikë, dhe tregoi kështu në emisionin “Pressing” në ABC News.

“Pas gati 9 vitesh në Qarabag që unë e quaj shtëpinë time të dytë, ishte momenti për të marrë vendime dhe mendoj e ishte një vendim i drejtë nga ana ime për të lëvizur në SHBA dhe për t’iu bashkuar familjes sime. Po njëkohësisht për të bërë edhe atë që unë dua më shumë, për të luajtur futboll”, tha Agolli.

Pyetja normale ishte sesi i duket Ansit, Amerika dhe futbolli i saj, ndërsa u bashkua me klubin e famshëm, Nju Jork Kozmos, ku dikur luajti Peleja e Bekenbaueri?

“Jam pritur mjaft mirë nga skuadra, mjaft ngrohtë. Sigurisht nuk është e lehtë nga ana ime për t’u ambientuar pasi kisha 9 vite duke luajtur me të njëjtën skuadër dhe tani po ndërroj ambient. Nuk është aq e thjeshtë megjithatë do përdor eksperiencën time për t’u ambientuar sa më mirë tek skuadra dhe për të bërë më të mirën tek kjo skuadër në vazhdim”, tha ai.

Çfarë mund të thotë ish-kapiteni për kombëtaren, në të cilën nuk bën më pjesë?

“Kur diçka nuk funksion dikush duhet të paguajë një faturë. Në rastin e parë këtë faturë e paguan trajneri. Ndiej keqardhje pasi në periudhën De Biasi u ndërtua një grup mjaft i mirë lojtarësh jo vetëm si futbollista, por edhe si njerëz. Me ardhjen e trajnerit të ri, ose me lënien e trajnerit aktual që është kjo kombëtare do të ketë atë vazhdimësinë që jemi mësuar më parë”, tha Agolli.

Ansi është optimist, por a e shikon veten sërish në kombëtare?

“Unë kam luajtur me kombëtaren 73 ndeshje. Kam bërë më të mirën time. Mendoj se nuk kam pishmane. Atë më pas e vendos ai që është për atë punë. Unë do jem gati gjithmonë, megjithatë do të thoja që lojtarët që kanë luajtur këtë periudhë në krahun e majtë, pavarësisht se skuadra nuk ka marrë rezultatet të mira, kanë bërë më të mirën”, tha ish-kapiteni i kombëtares./abcnews.al

sejdini.jpg
G. P.17:15 | 26/03/2019

Fitorja ndaj Andorrës ishte tepër e rëndësishme edhe pse jo e bukur. Ish-zëvendës trajneri i kombëtares, Farruk Sejdini, analizon gjendjen e ekipit përfaqësues dhe flet edhe për pasaardhësin e Kristian Panuçit.

Ky rezultat duhej, pavarësisht sesi. Kombëtarja bëri atë që duhet me suksesin ndaj Andorrës në Europian, duke lënë pas një moment tepër delikat, të paktën ky është Mendimi i një emri të njohur të futbollit shqiptar, si Farruk Sejdini.

Ish-zv/trajneri i ekipit përfaqësues, e vlerëson kështu ndeshjen e parë pa Panuçin.

“Unë do thosha që kjo ndeshje me të vërtetë ishte e lehtë në letër, por pati një vlerë dyfishe, jo vetëm se morëm 3 pikët që na mban akoma në garë, por mendoj që ishte më tepër për të qetësuar ekipin tonë përfaqësues. Në konceptin tim mungoi logjika, i ngeli rastësisë dhe nuk ishte akoma e qartë përfaqësuesja jonë për atë që kërkonte dhe atë që bënte”, tha Sejdini.

Sejdini fajëson ish-trajnerin për konfuzionin me të cilin po luan kombëtarja këto kohë.

“Problemi i logjikës besoj që është koncept trajner. Për të gjitha ndeshjet që na ka drejtuar Panuçi ky fenomen ishte i pranishëm dhe kjo tregoi se trajneri nuk futi një koncept. Futbollistët tashmë luajnë në Europë dhe edukatën sportive e kanë”, tha ai.

Çështja kryesore është ajo e trajnerit të ri.

Shqiptar apo i huaj dhe nga emrat e dalë në media, cili duket më i përshtatshëm?

“Unë mendoj që sidomos në këtë moment më mirë do ishte një trajner i huaj. Ne e dimë sa e vështirë është këtu. Nga emrat që përfliten mund të jetë më probabël Donadoni”, tha Sejdini./abcnews.al

hysaj.jpg
G. P.23:05 | 21/03/2019

Në konferencën e zakonshme për shtyp një ditë para ndeshjes doli edhe kapiteni i kombëtares shqiptare, Elseid Hysaj. Mbrojtësi shkodran tha se kombëtarja i ka mundësitë për të marrë tre pikë ndaj Turqisë. Sa i përket përjashtimit të Strakoshës, Hysaj la të kuptohej se është një vendim i saktë i trajnerit.

Kapiteni i kombëtares shqiptare të futbollit, Elseid Hysaj doli në konferencën e zakonshme për shtyp një ditë para ndeshjes ndaj Turqisë. Mbrojtësi që aktivizohet me Napolin në Itali tha se situata tek grupi i lojtarëve është mjaft i mirë dhe i kemi shanset për të arritur një fitore.

25-vjeçari la të kuptohej se përjashtimi i Strakoshës nga skuadra për dy ndeshjet kualifikuese të Euro 2020 ishte një vendim i drejtë i trajnerit. Në fund, Hysaj u shpreh i gatshËm për tË luajtur nË çdo pozicion që ka nevojë skuadra./abcnews.al

x1080-bkD-1280x647.jpg
ent ela22:58 | 02/03/2019

Fiorin Durmishaj pritet të jetë përforcimi i ri i ekipit përfaqësues për ndeshjen ndaj Turqisë. Trajneri Panuçi e ka ndjekur në Greqi, dhe ëhstë bindur për potencialin e sulmuesit.

Me 99 për qind të mundësive, kombëtarja do ta ketë sulmuesin e momentit. Fiorin Durmishaj pritet të përforcojë ekipin përfaqësues për ndeshjen e Europianit ndaj Turqisë në 22 mars të këtij viti, në “Loro Boriçi” të Shkodrës.

Trajneri Kristian Panuçi e ka ndjekur nga afër së fundmi, në Greqi, dhe është bindur për potencialin e sulmuesit që është i ri, vetëm 22 vjeç.

Me Panioniosin ka shënuar 11 gola në 27 ndeshje këtë edicion, nga të cilët 6 rrjeta për Superligën greke dhe 5 në Kupën e Greqisë.

Njëzetedyvjeçari vlerësohet lart për talentin dhe parametrat e tij fizikë, duke qenë 1.87 metra shtatlartë, tepër i fuqishëm, por edhe shumë i saktë pranë portës.

Falë kontributit të shqiptarit, Panioniosi ndodhet në mesin e tabelës së Superligës, duke qenë lart rrezikut për të rënë nga kategoria.

Për fat të keq, Durmishaj nuk mundi ta ndihmonte ekipin që të kualifikohej për në gjysmëfinalen e Kupës, eleminuar nga PAOK-u I Selanikut.

Ai ka luajtur 8 ndeshje dhe ka shënuar 1 gol për Shqipërinë U21, ndërsa edhe Federata Greke u interesua për të.

Pavarësisht se mban pasaportën greke, Durmishaj ka pranuar të vazhdojë të luajë për Shqipërinë, dhe duket se do të jetë një alternativë shumë e rëndësishme për të ardhmen, aq më tepër duke pasur parasysh moshën e tij tepër të re. /abcnews.al

Armando-Sadiku.jpg
G. P.17:31 | 11/12/2018

Armando Sadiku ka shanse reale për t’u kthyer në Zvicër tek Lugano. Presidenti i klubit zviceran shprehet se sulmuesi shqiptar është dëshira e tij numër 1 për Janarin.

Në asnjë mënyrë nuk është harruar. Armando Sadiku është dëshira më e madhe e Luganos, me klubin zviceran që shpreson ta marrë qoftë edhe për disa kohë nga Levante. Presidenti Renxeti, i intervistuar nga “Corriere del Ticcino”, e pranon hapur se “ai është në krye të listës sonë”, veçse me disa kushte.

Kushti kryesor është ai financiar, pasi sulmuesi i kombëtares shqiptare ka një rrogë të madhe në La Liga të Spanjës, të tillë që Lugano nuk e përballon dot. Gjithsesi, përshtypja është që kjo lëvizje mund të kryhet. Me 38 gola në 62 ndeshje për tiçinezët, Sadiku mbetet një nga lojtarët më të dashur për tifozët, të cilët e presin me krahë hapur.

Klubi zviceran do të duhet të bëjë një sforcim financiar dhe teknik për ta paguar dhe për ta përshtatur në skuadër, dhe “Korriere del Tiçino” shkruan se në janar mund të largohen nga ekipi tre lojtarë, Jao, Amuzi dhe Abedini. Sulmuesi 27-vjeçar e nisi karrierën në Cërrik, pastaj luajti me Gramozin dhe Elbasanin, por shpejt kaloi në Zvicër, ku luajti për Lokarnon, dy herë për Luganon, Zyrihun e Vaducin.

Më pas, provoi aventurën në Poloni me Legian e Varshavës. Janarin e kaluar, Sadiku hodhi hapin e madh në karrierë, tek Levante në La Liga të Spanjës, por nuk pati fat dhe shpejt pësoi një dëmtim të rëndë në gju. Ai është edhe shënuesi më i mirë aktiv i kombëtares shqiptare me 11 gola, si dhe njeriu që shënoi golin e vetëm të Shqipërisë në finalet e një Europiani./abcnews.al

bekimi.jpg
G. P.11:54 | 22/11/2018

Bekim Balaj është një nga emrat më të rëndësishëm të ekipit tonë përfaqësues. Kur shkodrani është në fushë dhe shënon, Shqipëria zakonisht fiton, siç ndodhi edhe ndaj Uellsit.

Kombëtarja e ka një lojtar që i sjell fat. Ky quhet Bekim Balaj, sulmuesi shkodran që thuajse sa herë është në fushë, nuk del i humbur. Sidomos, kur Balaj shënon. E tregoi jo vetëm në miqësoren e fundit, në suksesin 1-0 ndaj Uellsit, me rrjetën e tij nga pika e 11-metërshit.

Balaj ka qenë i rëndësishëm edhe më parë, edhe pse ndoshta teknikisht nuk është në nivelin e Sadikut, Cikalleshit apo Manajt. Nuk harrohet goli i rrallë dhe tepër i rëndësishëm në Aveiro të Portugalisë, në ndeshjen e parë në grup për eleminatoret e Euro 2016-ës.

Me atë gol, u sigurua fitorja më përcaktuese e edicionit, ndërsa Balaj ishte në fushë edhe në ndeshjen e paharruar në Beograd ndaj Serbisë, që përfundoi me ngritjen e dronit dhe përplasjen e lojtarëve në fushë.

27-vjeçari ishte gjithashtu shpëtimtari në duelin e luajtur gjatë dy ditëve ndaj Maqedonisë, kur realizoi golin e fitores në Shkodër. Kjo, në minutën e fundit shtesë për suksesin 2-1 në eleminatoret e Botërorit 2018.

Balaj plotëson pesë rrjetat e tij në 30 takime me përfaqësuesen, me golat në fushën e Lihtenshtajnit, po për eleminatoret e Botërorit fituar 2-0, dhe në miqësoren e humbur ndaj Bosnjë-Hercegovinës në Elbasan./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono