kolonitë

Benjamin-Netanjahu.jpg
ent ela22:50 | 10/09/2019

Në përpjekje për të siguruar rizgjedhjen, kryeministri i Izraelit Beniamin Netanjahu u ka premtuar votuesve se në rast fitoreje do të aneksojë të gjitha kolonitë hebraike. Duke reaguar, pala palestineze ka deklaruar se një lëvizje e tillë do të asgjësonte çdo shans për paqen.

Kryeministri i Izraelit, Beniamin Netanjahu ka deklaruar se do të aneksojë pjesë të Bregut Perëndimor nëse rimerr detyrën javën e ardhshme. Ai ka bërë të ditur se do të aplikojë sovranitetin e Izraelit edhe në Luginën Jordaneze dhe në veri të Detit të Zi, një lëvizje kjo që ka gjasa të mbështetet nga partitë e djathta, me të cilat Netanjahu synon të bëjë koalicion. Izraeli ka pushtuar Bregun Perëndimor që prej vitit 1967, por i ka ndalur aneksimet. Netanjahu, që udhëheq partinë e djathtë Likud, po bën fushatë në prag të zgjedhjeve të përgjithshme që mbahen të martën e ardhshme. Sondazhet sugjerojnë se Likud ndodhet kokë më kokë me partinë Bardheblu të qendrës dhe për të siguruar qeverisjen mund të formojë një koalicion. “Nëse ju, qytetarë të Izraelit, më jepni një mandat të qartë, zotohem se me formimin e qeverisë së re sovraniteti i Izraelit do të shtrihet në Luginën Jordaneze dhe në veri të Detit të Zi”, ka thënë Netanjahu. Sa i takon kolonive hebraike në Bregun Perëndimor, kryeministri izraelit ka shtuar se do të presë derisa presidenti Donald Trump të publikojë planin e tij për paqen mes Izraelit dhe Palestinës. Sipas tij, e ashtuquajtura “marrëveshja e shekullit” do të publikohet disa ditë pas zgjedhjeve. Por duke reaguar, diplomati palestinez Saeb Erekat ka deklaruar se një aneksim i tillë do të varroste çdo shans për paqen. /ABC News Albania 24/7

netanjahu-1280x720.jpg
ent ela19:20 | 07/04/2019

Kryeministri izraelit Beniamin Netanjahu ka deklaruar se nëse rizgjidhet, do të aneksojë të gjitha kolonitë në Bregun Perëndimor. Deklarata vjen në përpjekje për të marrë sërish detyrën e kreut të qeverisë.

Kryeministri izraelit Benjamin Netanjahu ka deklaruar se do të aneksojë kolonitë hebraike në Bregun Perëndimor në rast se rizgjidhet në krye të qeverisë. Izraeli shkon në zgjedhje ditën e martë dhe Netanjahu po garon për votat e partive të krahut të djathtë, që mbështesin aneksimin e pjesshëm të Bregut Perëndimor. Në bazë të ligjit ndërkombëtar, kolonitë janë ilegale, por vetë shteti hebre e kundërshton këtë. Netanjahu u pyet lidhur me çështjen gjatë një interviste televizive.

“Ju po më pyesni nëse po lëvizim drejt fazës së ardhshme dhe përgjigja ime është po, po lëvizim drejt saj”, deklaroi Netanjahu. Në Bregun Perëndimor jetojnë rreth 400 mijë izraelitë, ndërsa 200 mijë të tjerë në Jeruzalemin lindor.

Njëkohësisht atje jetojnë dhe 2.5 milionë palestinezë, të cilët duan të krijojnë shtetin e tyre në këto zona, si dhe në Rripin e Gazës. Për Izraelin, palestinezët po e përdorin çështjen e kolonive si një pretekst për t’iu shmangur bisedimeve për paqen. Për shtetin hebre, kolonitë nuk përbëjnë pengesë për negociatat dhe janë një temë e negociueshme.

“Unë do ta zgjeroj sovranitetin e Izraelit dhe nuk do të bëj dallime mes kolonive në bllok dhe atyre të izoluara”, ka thënë ndër të tjera Netanjahu. Muajin e kaluar, Shtetet e Bashkuara njohën si territor izraelit Lartësitë Golan, të cilat i janë marrë Sirisë në vitin 1967./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono