kokaine

gove.jpg
G. P.16:50 | 08/06/2019

Një nga kandidatët për kryeministër në Britaninë e Madhe Michael Gove deklaroi se 20 vjet më parë kishte përdorur kokainë, dhe shpresonte që kjo gjë të mos pengonte garën e tij politike. Ndërsa kandidati tjetër Dominic Raab, pranoi për BBC se kishte përdorur marijuanë në rini. 

“Kam përdorur drogë në disa raste, në festa, 20 vjet më parë. Në atë kohë isha një gazetar i ri, ishte një gabim. Shoh prapa dhe do doja të mos e kisha bërë”. Michael Gove, një nga kandidatët më të favorizuar si pasardhës i Theresa Mej në Partinë Konservatore, pranoi për britaniken Daily Mail se kishte përdorur kokainë dikur.

Duke menduar për garën politike aktuale ai u shpreh se nuk besonte që gabimet e së kaluarës do e skualifikonin. Rrëfimi i tij vjen pak para publikimit të librit: Michael Gove: Një burrë në nxitim e sipër – që gazetari Ouen Ben i ka dedikuar figurës së politikanit 51-vjeçar. Gove, sipas librit, ka pranuar përdorimin e drogës në vitin 2016, nën presionin e stafit të tij gjatë garës për lidershipin e konservatorëve. Pyetjes specifike, sipas një burimi anonim, ai i është përgjigjur: Po, kokainë.

Sipas sondazheve Gove renditet i treti në garën për postin e Theresa May, para tij qëndrojnë Boris Johnson dhe Jeremy Hant. Sipas Dominic Raab, një tjetër kandidat për kryesimin e konservatorëve, ky rrëfim nuk duhet të sjellë përjashtimin e tij nga gara. Përkundrazi sinqeriteti i tij duhet vlerësuar. Raab nga ana e tij pranoi për BBC se kishte përdorur marijuanë në rini, por rrallë. Gjithsesi ai theksoi se nuk kishte përdorur asnjëherë droga të rënda./ABC News Albania 24/7

kokaina-1-1280x664.jpg
G. P.14:37 | 03/06/2019

Caktohet gjyqtarja paraprake për dosjen e trafikut të 613 kilogramë kokainë, me të pandehur Arbër Çekaj, Donaldo Lushaj dhe Armando Pezaku.

Nga shorti është përcaktuar gjyqtarja Miliana Muça, ndërsa seanca paraprake për këtë dosje është vendosur të jetë në datën 7 Qershor, në orën 12:00. Arbër Çekaj ndodhet më Gjermani dhe pritet të gjykohet në mungesë. Sasia e kokainën u kap në Maminas në fund të shkurtit, gjatë vitit të kaluar.

Mësohet se prokuroria është në pritje të dy letërporosive, njëra prej të cilave nga Ekuadori. Autoriteteve të huaja u është kërkuar informacion lidhur me dy sasi të ndryshme kokaine të kapura në Ekuador, në periudha kohore të ndryshme./ABC News Albania 24/7

MBULIM-ARRESTIM-DROGE-TIRANE.mpg_snapshot_00.06-1280x720.jpg
ent ela13:24 | 26/05/2019

Pronari i një lokali nate në Tiranë është arrestuar në flagrancë këtë fundjavë, pasi shpërndante kolainë në lokal për klientët.

Sipas njoftimit të policisë, nga kontrolli i kryer në ambientet e lokalit që ndodhet në Kamëz, me pronar dhe menaxher shtetasin Sh.I,  Specialistët për Hetimin e Narkotikëve  gjetën në banak  të fshehura  11 doza të dyshuara me  lëndë narkotike kokainë, të cilat u sekuestruan në cilësinë e provës materiale së bashku me dy telefona celular dhe një automjet.

Pronari 45 vjeçar banues në Kamëz është arrestuar  në flagrancë për veprat  penale “Prodhim dhe shitje të lëndëve narkotike” dhe “Përshtatje e lokalit për përdorim droge”,

Po sipas njoftimit të policisë, ai kishte qenë u dënuar më parë  për veprën penale të  “Mashtrimit”.

Dy persona të tjerë janë proceduar në gjendje të lirë  u proceduan penalisht për veprën penale  “Moskallëzim krimi”. /ABC news Albania 24/7

bishana.jpg
G. P.09:00 | 23/05/2019

Policia e Fierit ka finalizuar një operacion antidrogë, gjate të cilit u sekuestruan kokainë dhe heroinë, ndërsa e gjithë familja përfundoi në pranga.

E gjithë familja me biznesin e drogës. Secili pjesëtar kishte rolin e tij, që nga blerja me sasi të mëdha të kokainës dhe heroinë, deri tek shpërndarësit në doza nëpër qytet.

Kjo u zbulua gjatë operacionit “Shënjestra, ku u sekuestruan një kilogram kokainë dhe 1. 4 kilogramë heroinë. Në pranga përfunduan tre pjesëtarët e një familje dhe një i katërt është në kërkim.

Sipas policisë lokale droga u gjet në banesën e të arrestuarve dhe një pjesë e heroinës ishte ndarë në doza të vogla gati për shitje.

Gjithashtu në cilësinë e provës materiale u sekuestrua dhe 1 armë gjahu pa leje. Të njëjtat burime konfirmojnë se në pranga u vendosën babë e bir, Ilir Tafa dhe Griselt Tafa, përkatësisht 47 vjeç dhe 22 vjeç nga Bishanaku i Fierit.

Po policia ka arrestuar dhe kunatën e 42-vjeçarit, një 51-vjecare Tefta Tafa nga Bishanaku, megjithatë nuk dihet roli i saj. Policia ka proceduar penalisht në gjendje të lirë 2 persona të tjerë dhe ka shpallur në kërkim vëllain e Ilir Tafës, 55 vjeç, i cili është dhe burri gruas së arrestuar.

Njëri nga të arrestuarit, Ilir Tafa, ka qenë i dënuar më parë për grabitje me dhune. Kjo familje akuzohet për prodhim, trafikim dhe shpërndarje të kokainës dhe të heroinës./ABC News Albania 24/7

kokaine-ne-karkaleca.jpg
nev ila13:52 | 02/05/2019

Shkencëtarët kanë gjetur kokainë, në karkalecat e ujërave të ëmbla, ndërsa kryenin testime për përmbajtjen e kimikateve në lumenjtë e Suffolk, provincë angleze pranë Londrës.

Sipas studimit, shkencëtarët kishin marrë mostra, nga 15 zona të ndryshme, rezultatet e të cilës dolën në të njëjtin përfundim. Përveç kokainës, studiuesit kanë konstatuar edhe praninë e ketaminës. Studiuesit u shprehën se kjo ishte një gjetje e habitshme.

Sipas BBC, studimi i botuar në revistën “Environment International”, verifikonte nivelin e mikro-ndotësve të ndryshëm në karkalecat e ujërave të ëmbla.

Ky studim tregon se kokaina u gjet në të gjitha kampionet e testuara. Bashkë me kokainën dhe ketaminën, karkalecat kishin të përhapura edhe shumë pesticide të gjurmëve farmaceutike./abcnews.al

kokaine.jpg
G. P.13:22 | 29/04/2019

Katër persona u arrestuan dhe 10 të tjerë po hetohen në gjendje të lire nga Policia e Tiranës, pasi akuzohen se shpërndanin lëndë narkotike në doza të vogla, në afërsi të shkollave të kryeqytetit.

Gjatë kontrolleve janë sekuestruar doza kokainë, kanabis, shiringa me lëndë narkotike heroinë, peshore elektronike e sende të tjera, që shërbenin për shitje në doza të vogla të drogave të forta.

Policia thekson se grupi u zbulua gjatë kontrolleve të fundit, të kryera në lokale, automjete dhe ambiente të ndryshme në  kryeqytet, ku fokusi kryesor ishin monitorimi i shkollave 9-vjeçare dhe të mesme./abcnews.al

l_-fermati-alla-dogana-con-19-chili-di-cocaina-gwue.jpg
Sej rie09:25 | 24/04/2019

Një ngarkesë e madhe e kokaine u kap dje në mëngjes, pak para agimit, nga Rojet e Kufirit në San Pietro di Stabio.  Droga është gjetur nga agjentë në një makinë gjermane teksa kalonte në San Pietro di Stabio. Në bordin e makinës, siç raportohet nga autoritetet ishte një grua dhe një burrë me origjinë shqiptare. Kokaina ishte e fshehur në makinë dhe u zbulua falë njësisë së qenve dhe grupit të specializuar. Çifti është ndaluar nga policia. Ndërsa lënda narkotike nëse do shitej në treg të zi do të arrinte vlerën e dy milionë eurove./abcnews.al

drazhi-k..png
G. P.10:38 | 17/04/2019

Një gjykatë apeli në Britani i rriti dënimin një korrieri droge shqiptar, i cili u kap pasi kishte fshehur kokainën në vesh.

Klevis Drazhi, 20 vjeç, u ndalua në Moorgate më 19 Janar. Kur u pyet për lejen e drejtimit dhe sigurimet, mediat shkruajnë se Drazhi dorëzoi një leje drejtimi shqiptare false dhe një celular.

Në këtë moment, agjentët në shërbim vunë re një letër të bardhë të mbështjellë brenda veshit të tij. Pasi kontrolluan edhe makinën, policia zbuloi 11 doza me kokainë dhe 1.305 Paund cash.

Klevis Drazhi

Në dëshminë e tij, 20-vjeçari tha se ishte detyruar të shpërndante drogë nga një anëtar i mafias shqiptare. Ai pranoi gjithashtu se kishte hyrë në Mbretërinë e Bashkuar në mënyrë ilegale.

Drazhi, i cili banonte në Edmonton, u dënua fillimisht me 11 muaj burg nga Gjykata e Kurorës së Londrës. Por mediat britanike shkruajnë se pas ankimimit në Gjykatën e Apelit, dënimi i tij u rrit dhe shkoi në 30 muaj.

Ky dënim i Drazhit ka kënaqur të gjitha autoritetet, sipas të cilëve, Londra duhet të ketë zero tolerancë mbi personat që merren me lëndë narkotike./abcnews.al

kokaina-malte.jpg
nev ila11:36 | 15/04/2019

Autoritetet në Maltë kanë sekuestruar në portin më të madh të ishullit një sasi prej 91 kilogramë kokainë, që sipas mediave lokale kishte si destinacion Shqipërinë. Droga po transportohej në tre kontejnerë të nisur nga Amerika e Jugut.

Agjentët e doganave në portin Friport të Maltës kanë sekuestruar një sasi lënde narkotike të llojit kokainë, një pjesë e të cilës kishte si destinacion Shqipërinë. Sipas mediave lokale, bëhet fjalë për 76 pako drogë me peshë mbi 91 kilogramë dhe me vlerë 10 milionë euro, sasi kjo që u bllokua ditën e diel.

Departamenti i Doganave në Friport bëri me dije se droga ishte e fshehur në tre konteinerë të nisur nga Amerika e Jugut, dy prej të cilëve kishin si destinacion portin e Durrësit në Shqipëri dhe një tjetër atë të Selanikut në Greqi.

Policia vendase raportoi se në kontenierin e parë kishte 20 pako kokaine, me peshe 24 kg në vlerë prej 2.7 milionë euro, ndërsa në kontenierin e dytë ishin të paketuara 40 pako, me peshë 48 kg me vlerë 5.4 milion euro. Kontenieri i tretë përmbante 16 paketa, me peshë 19.25 kg, me një vlerë prej 2.2 milion euro. Ata bënë me dije se, kontenieri i parë dhe i  tretë ishin me destinacion portin e Durrësit, në Shqipëri.

Autoritetet malteze sqaruan se agjentët e doganave zgjodhën një seri konteinerësh për të skanuar dhe pas konstatimit të disa parregullësive në dokumentacion ushtruan një kontroll fizik, përmes të cilit zbuluan kokainën që ishte fshehur në një pjesë frigoriferike.

Lidhur me ngjarjen ka nisur një hetim, që i ka kaluar nën kontroll një prokurori lokal. Pak ditë para zbulimit të së dielës, autoritetet doganore në Friport kishin sekuestruar një sasi tjetër prej 24 kilogramë kokainë. Dy rastet e fundit e çojnë drogën e sekuestruar nga autoritetet malteze në Friport, një ndër portet më të ngarkuara të Europës, në 606 kilogramë, me vlerë tregu 68 milionë euro./abcnews.al

policia-e-durresit.jpg
G. P.21:09 | 27/03/2019

Dy kilogramë e 160 gramë heroinë është sekuestruar mbrëmjen e sotme në portin e Durrësit. Në njoftimin zyrtar të policisë lokale thuhet se lënda narkotike ishte fshehur në trupin e drejtuesit të një kamioni, i cili do të udhëtonte drejt Italisë.

Droga ishte e paketuar në disa qese dhe u bllokua gjatë kontrollit të detajuar në port. Aksioni u krye nga Policia Kufitare në bashkëpunim me Policinë e Durrësit. Drejtuesi i kamionit, shtetasi me inicialet E.D është vënë në pranga, ndërsa janë shoqëruar në komisariat dy persona të tjerë për t’u marrë në pyetje në lidhje me këtë trafik droge.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono