kokaine

lefteralla.jpg
R D17:20 | 25/02/2020

Pamjet e kryebashkiakut të Bulqizës, Lefter Alla duke konsumuar kokainë u publikuan nga gazetari Artan Hoxha në Abc News, pas së cilës SPAK nisi hetimet. Duket se nga testi i drogës Alla ka rezultuar negativ, ndaj ka reaguar ish-deputeti i PD-së, Flamur Noka. Në një status ironik në facebook, ai thotë se të gjithë shqiptarët e panë duke pirë kokainë, por policia e Lleshit thotë se nuk është ashtu siç duket.

Statusi i Flamur Nokës

Skena që kemi parë është kjo: kryebashkiaku i Bulqizës, me anë të një karte, bën gati 2-3 viza të holla te bardha në një pjatë. Ul kokën, thith me hundë nga e majta në të djathtë masën e bardhë të përgatitur.

Pyetjes se çfarë po thithte kryebashkiaku i Bulqizës, qytetarët iu përgjigjën: kokainë.

Pyetjes a po merrte kokainë kryebashkiaku i Bulqizës, i emëruar nga Edi Rama, policia shkencore e Sandër Lleshajt, i emëruar nga Edi

Rama, iu përgjigj: Nuk është ashtu siç duket. Kryebashkiaku që lëviz kokën nga e majta në të djathtë duke thithur me hundë një lëndë të ndarë në viza të bardha, nuk po konsumon kokainë.

Për të shpjeguar këtë arritje të re të policisë shkencore të Edi Ramës, duhet të na vijë në ndihmë Edi Rama. Ai duhet të na ndihmojë me përgjigjen e pyetjes: Përveç kokainës, çfarë merret tjeter me hundë dhe ngjan me një vizë të bardhë?!

Po SPAK si e priti këtë rezultat? Ashtu siç e kishte llogaritur: nuk është ashtu siç duket. SPAK urdhëroi analizat e urinës, që tregojnë gjurmët e kokainës maksimumi deri në 2 javë pas konsumimit të fundit, në vend që të urdhëronte testin me fije floku, që tregon gjurmët e kokainës, edhe kur ajo është konsumuar prej vitesh.

“Nuk është ashtu siç duket”- është moto me të cilën qeveris Edi Rama, edhe kur e kapin në flagrancë me kokainë, edhe kur e kapin duke vjedhur vota, edhe kur e kapin duke vjedhur me tendera e koncesione. /abcnews.al

Lexo edhe: SPAK fillon hetimin ndaj Lefter Allës: Artan Hoxha i nxorri videon duke thithur kokainë

kamioni-banane-droga-maqedoni.jpg
R D13:18 | 20/02/2020

Një kamion me kokainë që kaloi nëpër dy dogana shqiptare u kap mbrëmjen e djeshme në Maqedoninë e Veriut. Mediat raportuan se ka patur në total 1.3 ton kokainë. Ndërsa ministri teknik për Punë të Brendshme në Maqedoninë e Veriut, Naqe Çulev deklaroi se gjatë aksionit të mbrëmshëm në Krushopek të Sarajit është konfiskuar vetëm 1 kilogram kokainë. Ndërkohë që janë arrestuar 4 persona të cilët janë ndaluar në stacionin policor. Bëhet fjalë për operacion ndërkombëtar, ku janë përfshirë disa vende.

“Në shtetin tonë është konfiskuar vetëm një kilogram, sasia tjetër është në shtet tjetër, bëhet fjalë për një sasi të madhe por nuk mund ta them për të mos dëmtuar hetimin. Ditëve në vijim do të mësoheni me detajet por edhe sasinë e drogës”, tha Çulev duke mos shpalosur më shumë detaje nën arsyetimin se dëmton procesin hetimor.

Pra sipas tij, pjesa më e madhe është kapur në një shtet tjeter ku ka kaluar kjo maune, por pa e specifikuar se për cilin vend bëhet fjalë.

“Gjithçka që do të shtoja, vetëm se do të dëmtoja hetimin. Këto që thuhen këtu janë oficiale, gjitha tjerat janë spekulime”, tha Çulev.

Burime për ABC News kanë thënë se sasia e drogës ishte e fshehur në një maune me banane, që ka hyrë që dje nga dogana e Hanit të Hotit dhe ka dalë ne Qafë Thanë, për të udhëtuar drejt Maqedonisë. Besohet se destinacioni final i lëndës narkotike ka qenë Sllovenia.

Shoferi ka ndaluar për të bërë një pushim 20 minuta në aksin Elbasan-Librazhd, ndërsa kokaina u zëvendësua me allçi dhe paracetamol në Itali.

Autoritet tona e kanë mbajtur nën vëzhgim, pasi kanë patur informacion për kamionin, dhe e kanë lejuar që të kaloje në Shqipëri në koordinim me të gjithë autoritetet ndërkombëtare të përfshira në këtë operacion. Në këtë aksion kanë marrë pjesë DEA Amerikane, Guardia di Financa, policia shqiptare dhe autoritete të tjera të vendeve fqinje. /abcnews.al

artan-hoxha-abc.jpg
ger ta22:49 | 19/02/2020

Gazetari i Abc News, Artan Hoxha ka komentuar aksionin e sotëm në Maqedoninë e Veriut, ku u sekuestrua një sasi prej 1.3 ton kokaine.

Kamioni më lëndën narkotike kaloi përmes Shqipërisë dhe një gjë të tillë e konfirmoi sot për Abc News edhe kreu i SPAK, Arben Kraja duke theksuar se kamioni ka qenë nën vëzhgim.

Ndërkaq, sipas gazetarit ajo që u mundua të shitej si meritë e Policisë shqiptare se ka marrë pjesë në aksion tregoi se: “Kamioni me 1.3 ton kokainë u prit me “nderime” në Shkoder dhe u përcoll me “respekte” në Pogradec”.

Komenti i plotë i gazetarit:

Kamioni me 1.3 ton kokaine u prit me “nderime” ne Shkoder dhe u percoll me “respekte” ne Pogradec….

Nje lajm i bujshem u publikua ne media gjate oreve te pasdites per kapjen rekord te 1.3 toneve kokaine ne nje magazine frutash ne fshatin Krushopek te Maqedonise se Veriut.

Pavarsisht tentatives per ti veshur merita policise sone, per pjesemarrjen e saj ne nje operacion nderkombetar kunder narkotrafikut,(te organizuar kryesisht nga agjensite antidroge te SHBA dhe Italise), e vetmja gje qe te mbetet ne mendje eshte fakti se:

Kamioni me 1.3 tone kokaine, u prit me “nderime” ne doganen e Hanit te Hotit ne Shkoder, dhe u percoll me “respekte” ne doganen e Qafe Thanes ne Pogradec, per tu arrestuar pastaj dy shofere dhe nje magazinier ne nje fshat te Maqedonise se Veriut!!!!!!!!!\

A nuk ngjan pak si historia e kontenierit me 613 kg kokaine te kapur ne Maminas, ku u arrestuan vetem dy shofera dhe nje hamall magazine bananesh????!!!!!

/abcnews.al

88.jpg
in a09:13 | 16/02/2020

Policia e Kosta Rikës ka sekuestruar dje 5 tonë kokainë, sasinë më të madhe të drogës në historinë e vendit. Mediat e huaja shkruajnë se droga kishte si destinacion Holandën. Kokaina ishte vendosur në 202 valixhe që përmbanin gjithsej 5048 pako kokainë ku peshonin rreth një kg secila.

Ndërkohë ministri i Brendshëm, Michael Soto Rojas bëri me dije se droga ishte fshehur në një ngarkesë me lule zbukuruese në portin e Limonit, i cili ishte destinuar për Roterdamin.

Ndërkohë, në pranga ka rënë një 46-vjeçar Costa Rican, i cili dyshohet të jetë pjesë e trafikut të drogës./abcnews.al

droge-1.jpg
eri Ida09:35 | 14/02/2020

Policia e Shtetit ka vënë në pranga një 41-vjeçar, të cilit në autormjetin që lëvizste ju gjet lëndë narkotike e tipit heroinë dhe kokainë.

Policia bën me dije se i ndaluari është shtetasi me iniciale B.M banues në Elbasan.

Gjithashtu mësohet se gjatë kontrollin fizik dhe në automjetin me të cilin lëvizte, Policia gjeti dhe sekuestroi në cilësinë e provës materiale doza me heroinë dhe kokainë, si dhe automjetin me të cilin ai lëvizte.

Policia Elbasan:
Policia e Elbasanit ka goditur një rast të shpërndarjes së drogave të forta në doza të vogla.

Në vijim të punës për parandalimin dhe goditjen e shpërndarjes së drogave të forta në doza të vogla, specialistët për Hetimin e Narkotikëve dhe Trafiqeve në Drejtorinë Vendore të Policisë Elbasan arrestuan në flagrancë shtetasin B. M., 41 vjeç, banues në Elbasan, pasi gjatë kontrollit fizik dhe në automjetin me të cilin lëvizte ky shtetas, Policia gjeti dhe sekuestroi në cilësinë e provës materiale doza me heroinë dhe kokainë, si dhe automjetin me të cilin ai lëvizte.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Prodhimi dhe shitja e narkotikëve”./abcnews.al

ast1.jpg
R D19:12 | 25/01/2020

Autoritetet greke zbuluan mëngjesin e së shtunës rreth 1.18 ton kokainë në Agrinjo, pranë Patras. Mediat vendase raportuan se sasia e drogës u gjet në disa dhoma të një kompleksi të marrë me qira. Lënda narkotike ka hyrë përmes portit privat të Katakolos dhe më pas është fshehur në kompleksin e fshatit turistik te Astakos. Tetë persona u arrestuan mes të cilëve 6 shqiptarë.

Gjatë një deklarate për shtyp, mbrëmjen e së shtunës, drejtuesit e policisë greke thanë se kapo i organizatës kriminale është 41-vjeçari shqiptar Aleksandër Pemaj. Sipas policisë, Pemaj ka qenë edhe herë të tjera në burg, madje ai është dënuar disa herë nga drejtësia për vepra penale tepër të rënda. Ai ka qenë anëtar i bandës së Marian Kolajt, një i arratisur nga burgjet greke, i cili u ekzekutua prej policisë greke, gjatë një përleshjeje të armatosur në afërsi të kufirit shqiptar.

Drejtori i policisë së Atikës, deklaroi se hetimet lidhur me këtë organizatë ishin nisur prej të paktën 6 muajsh, mbas informacioneve të marra nga autoritetet amerikane, se një sasi e madhe droge do të nisej nga Republika Domenikane me destinacion Greqinë, dhe në vazhdim do të shpërndahej në Shqipëri dhe Spanjë. Përveç 8 të arrestuarve janë identifikuar edhe disa shtetas shqiptare dhe arabe, të cilët aktualisht edhe pse janë identifikuar ende nuk janë arrestuar.

Në cilësinë e provës materiale u sekuestruan, sasia prej 1 181 kg kokainë e pastër, vlera e së cilës llogaritet në mbi 50.000.000 euro, u sekuestruan edhe shuma cash prej 231.000 euro, 3 pistoleta, 1 kallashnikov, 5 autovetura dhe 19 celularë. Kreu i policisë greke, tha se hetimet do të vazhdojnë, ndërsa priten edhe arrestime të tjera në Greqi, Shqipëri dhe Spanjë. /abcnews.al

Emrat e shqiptarë të arrestuar:

Aleksandër Pema
Arbër Përdeda
Ergon Tusi
Erlin zotaj
Lek Doda
Maksim Preçi

ast1
ast3
ast1
ast2-thumb-large
Screenshot_6-32
juristi.png
R D11:50 | 23/01/2020

Juristi i njohur Ferdinand Doja i ftuar sot në studio me Juli Xhokaxhi tha se video e publikuar në Abc News, ku shfaqet kryetari i Bashkisë së Bulqizës, Lefter Alla duke konsumuar kokainë është shumë e rëndë. Sipas tij, qeveria duhet ta kishte shkarkuar menjëherë Allën, ndërsa prokuroria të nisë hetimet për të zbuluar autorët që kanë kërcënuar gazetarin Artan Hoxha. Ndër të tjera, u shpreh se “disa kryetarë bashkish po veprojnë si rrugaçë, si kriminelë të sprovuar”.

Ferdinand Doja: Përdorimi i lëndëve narkotike nuk parashikohet si veper penale në Kodin Penal. Kjo është e dënueshme moralisht. Është një akt i paprecedent për një kryetar bashkie. Veper penale është kërcënimi që i është bërë gazetarit Artan Hoxha. Sot qeveria jonë duhet të kishte marrë masa për këtë kryetar bashkie. Nuk dua t’i jap ngjyra politike, por ai është qytetari i parë i atij qyteti. Çfarë morali jep ai tek të rinjtë, tek qytetarët e tij?! Një i zgjedhur nga qytetarët që konsumon lëndë narkotike në ambient publik duhet të ishte shkarkuar menjëherë.

Në Kodin Penal parashikohet dënimi për atë që përshtat ambientet e lokalit për të konsumuar lëndë narkotike, kurse vetë përdoruesi është i përjashtuar nga dënimi penal, por prapë këmbëngul se edhe pse nuk e kap ligji penal, ndaj tij duhet të kishte masë administrative. Nuk mundet ai të rrijë sot kryetar bashkie.

Ndërsa sa i përket kërcënimit të gazetarit, kjo është shumë e rëndë dhe duhet të nisin hetimet. Nëse Kryetari i Bashkisë ka kërcënuar gazetarin për të mos nxjerrë videon duhet të shkojë në burg.


Edhe pse ai mbase nuk e ka kërcënuar vete personalisht, dihet se kush është i përfshirë, dihet kush i ka çuar njerëzit për të kërcënuar gazetarin. Për këtë prokuroria dhe policia duhet të veprojnë menjëherë, pa humbur kohë.

Xhokaxhi: A duhet ta kishte marrë policia në pyetje Lefter Allën?

Doja: Policinë nuk e ndalon asgjë të bëjë hetime, këtë person mund ta thërrasë për të dhënë shpjegime se ku e ka marrë lëndën narkotike, për të vajtur tek shpërndarësi dhe tek grosisiti. Hetimi duhet të kishte filluar për këtë pjesë.

Xhokaxhi: A duhet të hetojë prokuroria, duke marrë indicie nga materiali i publikuar në media?

Doja: Jemi dëshmitarë se nga indiciet mediatike kanë filluar çështje penale dhe kanë çuar njerëz në burg. Kjo për mua është indicie për të regjistruar një çështje penale, qoftë edhe pa autor. Siç është bërë presion ndaj gazetarit mund të jetë bërë presion edhe ndaj personave të tjerë. Hetimet duhet të nisin menjëherë nga Prokuroria.

Xhokaxhi: Z. Alla ka mohuar çdo gjë, ka thënë se është video-montazh. Të gjithë kryebashkiakët e tjerë të kapur nga dekriminalizimi kështu kanë vepruar?

Doja:  Sepse kanë pritur të shohin se çfarë provash ka. Por mund të them se ky është rast tjetër nga ata të mëparshmit që janë shkarkuar për shkak se të Dekriminalizimit. Ky për mua është rasti më i rëndë: Një kryebashkiak që merr lëndë narkotike në publik! Sa i përket mashtrimit, nuk është veper penale, por rrethanë rënduese në një proces gjyqësor. Por duhet të dimë se drejtuesit vendorë kanë edhe përgjegjësi morale, jo vetem ligjore.

Juli Xhokaxhi: Agim Kajmaku i Vorës është arratisur, po kjo a është veper penale?

Doja: Nuk është veper penale arratia, është rrethanë rënduese. Një person që i fshihet drejtësisë nuk përbën vepër penale. Në rastin konkret po shohim se disa kryetar bashkish që po veprojnë si rrugaçë, si kriminelë të sprovuar. Ky duhet të jetë mësim edhe për politikën. Aty duhet të shkojnë njerëzit që e meritojnë.  /abcnews.al

lefteralla.jpg
Autor E20:46 | 22/01/2020

Ashtu siç ishte paralajmëruar, gazetari i Abc News Artan Hoxha ka publikuar videon e kryebashkiakut të Bulqizës Lefter Alla duke thithur kokainë në një ambient publik.

Gazetari tha se pamjet janë kapur nga kamera sigurie dhe momenti është fiksuar disa kohë më parë.

“Kemi të bëjmë me një rast që është shumë i rëndë. Kjo konfirmon akuzat e PD që kërkoi të fusë me ligj testin për narkotikët për funksionarët e lartë. Wshtë një rast që përbën problem. Kemi të bëjmë me njerëz që janë zgjedhur me votën e qytetarëve dhe marrin vendime për të mirën e qytetarëve. Për mirëadminstrimin e zonës. Problematika tjetër është se si është e mundur që këta persona i shpëtojnë filtrit të përzgjedhjes nga ata që i kandidojnë. Këtu është një ambient publik dhe bëhet fjalë për një moment diskreditues”, tha Artan Hoxha.

 

Ndër të tjera gazetari bëri edhe një thirrje ndaj policisë duke thënë se duhet të ketë kujdes ndaj personave të caktuar në Bulqizë pasi janë kërcënuar familje me jetë për videon në fjalë.

“Unë bëj një profesion që e kam zgjedhur ta bëj dhe e di shumë mire që të përballesh dhe të publikosh të vërtetat që shkaktojnë dëme sigurisht që do të ketë reagime. Dje gjatë gjithë ditës dhe darkës, sot për arsye shëndetësore nuk mbërrita dot te Enkeli. Por ka pasur shumë ndërhyrje. Ti qendrosh ballas të vërtetës, është e vështirë, unë do ti kërkoj meqë jam në studio policisë së qarkut Dibër që të ketë në vigjilencë dhe në shikim para syve sot se nëse do të ketë ngjarje pas publikimit të videos. Kanë kërcënuar me jetë njerëzish dhe kanë kërcënuar me jetë familje vetëm që të mos i publikojnë, Janë njerëz që ata mendojnë se janë futur në këtë histori”, tha Hoxha, duke shtuar se edhe vetë personalisht ka marrë kërcënime të formave të ndryshme. /abcnews.al

lefterallaaa12-1280x720.jpg
Autor E18:42 | 22/01/2020

Rrjeti ka shpërthyer në ironi ndaj kryebshkiakut të Bulqizës Lefter Alla, video duke pirë kokainë e të cilit u publikua pak më parë në Abc Neës nga gazetari Artan Hoxha.

Disa ironizojnë reagimin e tij dhe disa të tjerë raportin me Ramën.

Në studion e Abc News, Artan Hoxha tha se kishte patur kërcenime me jetë për disa familje nga kriminelë të regjur të Bulqizës për videon e Lefter Allës duke thithur kokainë.

Hoxha tha se edhe vetë ai ka patur presion për të mos e publikuar videon.

Në një reagim të mëvonshëm, Lefter Alla nuk komentoi përmbajtjen e videos, por tha se kemi të bëjmë me një montazh të PD-së.

Më poshtë sjellim fotot me epike të rrjetit për videon e publikuar nga Abc News:

 

 

 

8a82b3a2-e30a-4caf-990b-1a1ed718389e.jpg
Autor E18:14 | 22/01/2020

Kryebashkiaku i Bulqizës i filmuar duke pirë kokainë në një video të publikuar nga gazetari i Abc Neës Artan Hoxha ka reaguar pak më parë duke thënë se bëhet fjalë për një montazh.

Madje sipas tij, kemi të bëjmë me presion të nxitur nga Partia Demokratike, ndërsa zotohet se do të vijojë t’u shërbejë qytetarëve të Bulqizës.

Alla përpiqet ta politizojë çështjen duke përfshirë PD-në në këtë histori.

Artan Hoxha tha më parë se videoja është filmuar në një lokal ku Lefter Alla duket qartësisht duke konsumuar lëndë narkotike të tipit kokainë.

Gazetari tha se kriminelë të lidhur me Lefter Allën kanë kërcënuar familje me jetë.

Reagimi i plotë i tij:

Është për të ardhur keq kur një parti që ka bërë histori në këtë vend, një parti që pretendon se është alternativë qeverisëse, e redukton aksionin e vet politik në montazhe e transmetime videosh me Babale. Por, është akoma më kriminale kur kjo parti, e koordinon aksionin e vet politik me grupe biznesi e grupe kriminale, që dikur plaçkisnin pasurinë e Bulqizës me bekimin e Partisë Demokratike. Dhe sot, që Bulqizën nuk e drejton më PD dhe atyre ju është prerë rruga e grabitjes, kthehen të gjithë bashkë në montazhierë për të më shantazhuar mua!

Montazhi që po shfaqin sot është seria e radhës e telenovelës Babale, që si për turp shfaqet në TV me Ervin Salianjin, të njëjtin njeri që sajoi Babalen e që sot është dënuar me burg për mashtrimin e vet në atë telenovelë e do të përballet me gjykatën edhe për këtë rast.

Nuk ka shanse që t’ju ecë ky shantazh.
Unë nuk jam në detyrë për të kënaqur orekset e mbushur xhepat e klientëve të PD që për vite me radhë e kthyen Bulqizën në një parajsë për grabitje e ferr për qytetarët. Jam këtu për të punuar për qytetarët e thjeshtë dhe jam krenar që një nga punët më të mira që kam bërë ka qenë largimi i asaj tufe grabitësish që sot montojnë video në SHQUP. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono