kokaina

LIROHET-ERMAL-HOXHA-1280x720.jpg
ent ela21:29 | 17/09/2018

Ermal Hoxha, nipi i ish-diktatorit komunist Enver Hoxha ka lënë qelitë e burgut ku vuante dënimin për trafik lëndësh narkotike pasi u lirua me kusht. Hoxha ka lënë qelinë në burgun e Fierit në 13 shtator, por lajmi i lirimit të tij është bërë ë ditur vetëm mbrëmjen e së hënës. Ermal Hoxhës i kishin mbetur edhe 1 vit e 8 muaj burg, kur përfitoi nga lirimi me kusht. Ai u dënua nga Gjykata e Krimeve të Rënda në korrik të 2017 me 10 vite burgim, por falë gjykimit të shkurtuar dënimi zbriti në 6 vite dhe 8 muaj burgim. Nipi i Enver Hoxhës u arrestua gjatë një aksioni ndërkombëtar i cili zbuloi një laborator kokaine në Xibrakë të Elbasanit.  Operacioni “Xibraka” u zhvillua më 14 Janar të 2015, në pranga ranë 11 persona mes tyre dhe 2 shtetas kolumbianë./abcnews.al

KOKAINA-SPANJE-MBULIM-ABC-M5-T2.mpg_snapshot_00.52.jpg
ent ela22:12 | 28/08/2018

Policia spanjolle sekuestroi 67 kg kokainë të fshehur brenda kokrrave të ananasit dhe arrestoi shtatë persona në Madrid dhe Barcelonë. Brenda lëvozhgës së frutit ekzotik, kontrabandistët kishin futur cilindra kompaktë të mbushur me kokainë të mbështjellë me dyll të verdhë.

Spanja, e njohur si destinacioni i preferuar i emigrantëve nga Amerika e Jugut, është një nga pikat kryesore të hyrjes së kokainës kolumbiane në Europë. Trafikantët po përdorin metoda gjithnjë e më kreative për t’i shpëtuar kontrolleve të agjentëve spanjollë, të cilët në vitet e fundit e kanë gjetur kokainën të fshehur në implante të gjirit, paruke dhe karrige për invalidët./abcnews.al

kampionë-në-konsumit-të-kokainës.jpg
ent ela14:45 | 24/08/2018

Shqipëria është ndër vendet më të vogla në botë, por në përpjestim me popullsinë ajo është e para në konsumin e kokainës. Kështu thotë një studim i prestigjozes “The Economist”, që e justifikon përdorimin e narkotikëve me faktin e të qenurit një vend tranzit.

Lufta ndaj drogës po hyn në një krizë të re, me kartelet e dhunshme që luftojnë për të marrë pjesën e tyre nga një industri që prodhon rreth 320 miliardë dollarë në vit. Prodhimi global dhe furnizimi me lëndë narkotike, siç është kokaina, janë në rritje dhe në botë numërohen rreth 18 milionë përdorues, në një kohë kur bota online po e bën gjithnjë e më të lehtë aksesin tek droga. Britania, Spanja, Australia dhe Shtetet e Bashkuara janë vendet ku konsumohet shumica e kokainës. Por përqindja më e lartë e përdoruesve në përpjestim me numrin e popullsisë rezulton në Shqipëri, me 2.3 për qind të banorëve që e përdorin rregullisht. Sipas “The Economist”, një kuotë e tillë shpjegohet edhe nga fakti se Shqipëria është një vend tranzit i kokainës, por edhe heroinës afgane.

Vendet e varfëra në Amerikën e Jugut, si Kolumbia, Peruja dhe Bolivia janë prodhuesit kryesorë. Sidoqoftë, Kolumbia renditet e 34-ta në listën e përdoruesve, me vetëm 0.7 për qind të popullsisë. Vendi në fjalë prodhon më shumë se gjysmën e kokainës që konsumohet në botë, rreth 60 për qind. Një kilogram kokainë që në xhunglat e Kolumbisë kushton 2 mijë e 200 dollarë, kushton 16 mijë nëse merret në Meksikë, ndërsa për të arritur në Europë çmimi shkon nga 53 deri në 55 mijë dollarë për kile. Grupet e krimit të organizuar po gjejnë gjithnjë e më shumë mënyra të reja për të transportuar sasi të mëdha kokaine, për t’u konsumuar në tregjet globale. Rrugët e vjetra të transportit të kanabisit po përdoren për të trafikuar kokainën, si për shembull Gjiri i Gjibraltarit, ku volumi i trafikut vitin e kaluar u rrit me rreth 300 për qind. Gjithashtu, narko-nëndetëset artizanale mund të transportojnë deri në 7.7 tonelata kokainë kolumbiane drejt Amerikës Qendrore dhe Meksikës. Pa anashkaluar faktin se përmes sulmeve kibernetike, trafikantët po depërtojnë në sistemet e monitorimit të autoriteteve për të shmangur zbulimin. Konfiskimet e kokainës në nivel global janë në rritje. Vitin e kaluar në Shtetet e Bashkuara u sekuestruan mbi 26 tonelata, në Kolumbi 13, në Brazil 2, Britani 2.1, Spanjë 8.7, në Kinë 1.2 dhe në Sri Lanka 928 kilogramë.

Por paralelisht po rritet edhe prodhimi global i drogave, që aktualisht është në nivelin më të lartë të regjistruar ndonjëherë. Shtetet e Bashkuara të Amerikës shpenzojnë çdo vit 40 miliardë dollarë për luftën kundër drogës, autoritetet atje arrestojnë çdo vit rreth 1 milion e gjysmë persona për krime të lidhura me drogën dhe burgosin rreth gjysmë milion prej tyre. Por ligjet e ashpra amerikane kundër narkotikëve kanë prekur kryesisht shtresat e varfëra dhe minoritetet. Edhe “toleranca zero” ndaj drogës ka dhënë pak rezultat në luftimin e vartësisë apo rasteve të mbidozës, që janë ndër më të lartat në botë e që nga viti 2012 në 2016 janë rritur nga 4.400 në 10 mijë e 400 raste. Rritja në shkallë globale e përdoruesve dhe trafikantëve ka bërë që ata t’i drejtohen dark ëeb-it për të blerë e shitur e për të ruajtur në të njëjtën kohë anonimatin, duke e futur luftën kundër drogës në një territor të paeksploruar. Me pak fjalë, është një betejë që autoritetet në të gjithë botën nuk mund ta fitojnë kurrë, shton “The Economist”./abcnews.al

roland-shembitrasi-3-709x445.jpg
ent ela17:50 | 22/08/2018

Roland Shëmbitrasi u ekzekutua me  8 Tetor 2017 në Greqi. Ndërsa sot policia njoftoi se familjes së tij i janë sekuestruar prona në vlerën  e 1 milion eurove. Shëmbitrasi ishte një nga eksponentët e rëndësishëm të trafikut të kokainës në lokalet e natës në Greqi dhe nihej me nofkën “Tenxherja”.

Roland Shëmbitrasi është me origjinë nga Korça dhe ka jetuar në Librazhd. Më pas, së bashku me familjen ka emigruar në Greqi ku dhe jetonte për disa vite me radhë në Athinë ku u vra në vitin 2017..

10 Tetor 2017 – “Tenxherja” dhe biseda me vrasësit

Hetuesit grekë janë të bindur se 39-vjeçari Roland Shëmbitrasi është ekzekutuar për trafikun e kokainës në lokalet e natës në Athinë. Roni, ashtu siç i flisnin miqtë, ishte bashkëpronar i lokalit të natës “Roy Bar” në lagjen “Glyfada” në kryeqytetin grek, pikërisht ku dhe u ekzekutua.

Megjithëse autorët janë ende të paidentifikuar, Shëmbitrasi duket se i ka njohur atentatorët e tij. Dëshmitarë që ndodheshin në ambientet e jashtme të lokalit, i kanë thënë policisë se mes viktimës dhe dy vrasësve pati një bisedë, raporton tvklan.al. Hetuesit grekë deri tani kanë mbledhur dëshmi dhe prova të vlefshme për hetimin, përfshirë këtu edhe pamjet e kamerave të sigurisë.

Biseda para vrasjes

Rreth orës 04:40 të mëngjesit të së dielës, dy autorët u shfaqën në lokal dhe shkuan direkt tek tavolina ku po qëndronte 39-vjeçari shqiptar me miqtë e tij. Njëri prej tyre ju drejtua Shëmbitrasit me ton të lartë: “Mua do ma hedhësh”?

39-vjeçari iu përgjigj ashpër: “Ik mos të të fus ndonjë”!

Në këtë moment, dy atentatorët nxorrën armët dhe qëlluan me tre plumba Roland Shëmbitrasin duke e lënë të vdekur. Ndërsa mbetën të plagosur shqiptari tjetër Gjergji Kapaj që ishte në tavolinë dhe dy grekë, klientë të lokalit.

Policia greke dyshon se shqiptari është ekzekutuar pasi kishte marrë një sasi droge dhe nuk kishte paguar furnizuesit e tij.

“Tenxherja”

Në qarqet e drogës, apo “mafia shqiptare” në Athinë sikurse i quan shtypi grek, Roland Shëmbitrasi njihej me nofkën “tenxherja”. Ai është bashkëpronar edhe i tre lokaleve të tjera, dy prej të cilave janë luksoze dhe ndodhen në lagjen “Kalithea” të Athinës. Në këto lokale nate shkojnë rregullisht këngëtarë të njohur grekë. Në vitin 2012, Shëmbitrasi ishte arrestuar nga policia pasi kishte punësuar një ekip prej 10 personash që shpërndanin kokainë me motora tek klientët VIP të 39-vjeçarit.

Ai ka marrë nofkën “tenxherja” për shkak se njihej për përpunimin që i bënte kokainës. Në fund, ai nxirrte një produkt të pastër për klientët e tij. Për këtë arsye, Roland Shëmbitrasi ishte edhe trafikanti më i shtrenjtë në Athinë, pasi 1 gram kokainë e shiste për 100 Euro. Ai kishte një klientelë të qëndrueshme. Pjesa më e madhe e tyre i përkasin botës së “shoëbiz” në Athinë dhe janë emra mjaft të njohur. Përveç se janë konsumatorë, shumë prej tyre performojnë në lokalet e natës ku ishte bashkëpronar edhe Shëmbitrasi./tvklan.al

harta-e-trafikut-1-933x445.jpg
ent ela21:48 | 25/06/2018

Alfred Vladi 33 vjeç dhe Elvis Vladi 38 vjeç janë dy kushërinjtë që janë shpallur në kërkim nga Policia e Shtetit si dy personat që kanë porositur automjetet “Toyota” nga Belgjika, brenda së cilave ishin fshehur 3.4 milionë Euro.

Alfred Vladi dhe Elvis Vladi janë djem xhaxhallarësh me njëri-tjetrin, me origjinë nga Peshkopia dhe banues në Tiranë.

Elvis Vladi rezulton të jetë i arrestuar në vitin 2015 në Londër të Britanisë së Madhe, si pjesë e një grupi kriminal që trafikonte kokainë. Në atë periudhë, grupi i tyre u kap në flagrancë me 16 kg kokainë. Nga gjykimi i çështjes, Elvis Vladi u shpall i pafajshëm nga ana e gjykatës angleze dhe u la i lirë.

SHTETET KU VEPRONTE ORGANIZATA KRIMINALE

Dyshohet se grupi kriminal, me të cilin në atë kohë u arrestua edhe Elvis Vladi, paratë që përfitonte nga shitja e kokainës i pastronte në Shqipëri. Pikërisht në këtë pistë janë fokusuar edhe hetimet e policisë shqiptare. Mësohet se grupi kriminal i shqiptarëve në Londër ushtronte veprimtarinë përveç Britanisë, edhe në Belgjikë e Holandë. Policia e Shtetit thotë se kontenieri me automjetet Toyota ishte nisur nga Belgjika. Më pas kishte mbërritur në portin e Durrësit tranzit nga porti i Barit në Itali.

SI FUNKSIONONTE PASTRIMI I PARAVE TË KOKAINËS DHE LIDHJA ME TOYOTA

Nga të dhëna të besueshme të tvklan.al rezulton se 33-vjeçari Alfred Vladi është administrator i “Tirana Rental Car”, firmë që jep automjete me qira. Kjo kompani është regjistruar për herë të parë më 16 Gusht 2017 me emër subjekti Alfred Vladi. Disa muaj më pas, më 7 Maj 2018 është ndryshuar emri i subjektit tregtar dhe është bërë “Tirana Rental Car”. Administrator sërish vijon të mbetet Alfred Vladi, ndërsa ortak është Flamur Vladi. Tvklan.al ka mësuar se Flamur Vladi është vëllai i Elvis Vladit, 38-vjeçarit të arrestuar para 3 vitesh në Londër dhe që më pas u shpall i pafajshëm. Për shkak të historisë që ka pasur në Londër, mendohet se për këtë arsye është regjistruar ortak i kompanisë Flamur Vladi, vëllai i Elvis Vladit.

Faksimile/ Ekstrakti i QKR i kompanisë Tirana Rental Car

Kompania “Tirana Rental Car”, në funksionin e saj thotë se jep makina me qira, të cilat janë kryesisht Toyota. Kjo firmë thotë gjithashtu se objekt i saj janë edhe shitblerje makinash, huadhënie, agjenci udhëtime, veprimtari për transfertë parash në emër dhe në llogari të një subjekti financiar jo bankë. Të gjitha shërbimet e pagesave dhe të transferimit të parave bëhen në emër dhe për llogari të një subjekti financiar jo bankë.

Ne foto Alfred Vladi

 

PISTA E HETIMIT

Burime konfidenciale nga policia thonë se ka dyshime të arsyeshme që paratë e pista mund të jenë sjellë në Shqipëri edhe përmes transferimit të tyre nga ana e “Tirana Rental Car”. Nuk dihet ende nëse shuma të tilla janë sjellë edhe herë të tjera në vendin tonë apo kjo ka qenë rruga e parë e këtij grupi kriminal. Eurot e përfituara nga shitja e kokainës në Angli transferoheshin më pas në Belgjikë apo dhe shtete të tjera ku kishte lidhje grupi i shqiptarëve të Londrës që drejtohej nga Gentian Cuka. Pas arrestimit të këtij të fundit në vitin 2015, drejtimin e grupit e morën njerëz të afërt me Cukën, thonë mediat angleze.

Pas mbërritjes së Eurove në Belgjikë, ato më pas silleshin në Shqipëri përmes transfertave nga ana e një subjekti financiar jo bankë apo përmes dërgesave me automjetet Toyota që porositeshin nga “Tirana Rental Car”. Kjo është pista ku janë fokusuar hetimet e agjentëve të Policisë së Shtetit.

Ne foto Edi Cani

Më pas shumat e parave pastroheshin duke u investuar në fusha të ndryshme. Ditën e djeshme, në Portin e Durrësit u gjetën 3.4 milionë Euro të fshehura në dy automjete Toyota. Zyrtarisht policia tha se ka arrestua katër persona; Agim Çeka 61 vjeç, Edi Lika (Cani) 41 vjeç, Klevi Lika 21 vjeç dhe Alban Mollaymeri 40 vjeç. Ky i fundit ishte personi që do të priste automjetet Toyota për llogari të kushërinjve Vladi.

Gjatë kontrollit të ushtruar në Portin e Durrësit, në automjetin tip ‘Bizark’ të drejtuar nga Agim Çeku dhe pronar Klevi Lika (Cani), në 2 automjete të ngarkuar në të, tip ‘Toyota’ janë gjetur një shumë e konsiderueshme eurosh dhe franga zviceriane, të padeklaruara. Gjithashtu janë ushtruar kontrolle në banesat dhe ambiente të tjera të personave të dyshuar. /tvklan.al

 

SHQIPTARI-ITALI-1280x720.jpg
ent ela14:32 | 02/06/2018

Është arrestuar në Itali shtetasi shqiptar me inicialet A.V. 33 vjeçarit iu sekuestruan 2 kilogramë kokainë dhe 60 mijë euro. Ai jetonte prej vitesh në Macerata ku ka në pronësi dhe një restorant policia italiane arrestoi një 33 vjeçar shqiptar në Macerata, pasi në banesë iu gjetën rreth 2 kilogramë kokainë. Policia i sekuestroi gjithashtu dhe 60 mijë euro cash, shumë që mendohet të jetë fituar nga shitja e drogës. 33 vjecari ishte sinjalizuar tek forcat e rendit nga disa banorë të zonës. Shqiptari, të cilit mediat italiane i kanë publikuar vetëm inicialet A.V. jetonte prej vitesh prej vitesh në Macerata ku kishte në pronësi dhe një restorant – piceri. Në kohën e arrestimit ai gjendej në një lokal. Burime nga policia bënë të ditur se paratë ai i mbante fshehur brenda dyshekut. /abcnews.al

armando-pezaku-1280x656.jpg
G. P.15:28 | 29/05/2018

Armando Pezaku, shoferi i kamionit që transportoi kontenierin me 613 kilogramë kokainë nga porti i Durrësit në Maminas kërkon lirimin nga qelia. Pezaku, i dyshuar për “trafik të narkotikëve” ka depozituar një kërkesë tek Krimet e Rënda ku kërkon shfuqizimin e masës “arrest në burg”.

Kjo kërkesë penale është regjistruar në gjykatë në 28 Maj dhe pritet të shqyrtohet nga gjyqtarja Irena Gjoka. Armando Pezaku qëndron në qeli nga java e parë e muajit Mars, kur u arrestua bashkë me menaxherin e “Arbi Garden”, Donaldo Lushaj.

Ai ka mbajtur qëndrim mohues në lidhje me akuzën. Ndërsa Arbër Çekaj, administratori i shoqërisë që importoi kontenierin me banane dhe kokainë të fshehur në të nga Kolumbia është arrestuar në Gjermani dhe pret ekstradimin në Shqipëri./abcnews.al

arber-cekaj.jpg
G. P.22:04 | 21/05/2018

Kryeministri i vendit, Edi Rama është shprehur se ka dyshime që  disa zyrtarë të lartë të Partisë Demokratike kanë lidhje me sasinë rekord të kokainës që u kap në Durrës.

Deklaratën, kryeministri Rama e bëri gjatë emisionit Mbrëmje në Abc News nga Mirela Milori, ku më tej u shpreh se kjo është arsyeja e acarimit të PD-së në lidhje me këtë çështje.

Mirela Milori: Do doja të dija do të ekstradohet Arbër Çekaj nga Gjermania tek ne apo do të shkojnë prokurorët atje që ta marrin në pyetje?

Edi Rama: Nuk e di! Këto janë procedura ligjore që nuk më takojnë mua, por di që procesi tashmë ka hyrë në një fazë të re me arrestimin e personit që është identifikuar si koka e trafikut (Arbër Çekaj). Nga ana tjetër nga të dhënat që unë disponoj, kuptohet në rrugë operative, por janë të mjaftueshme për të kuptuar se përse është gjithë ky acarim.

Mirela Milori: Pse është gjithë ky acarim? Pse PD qenka e acaruar nga kapja e 613 kg kokainë dhe ndalimi i një personi në Gjermani?

Edi Rama: Sepse ka dyshime shumë të arsyeshme që të çojnë drejt njerëzish shumë të lidhur me rangjet me të larta të PD.

Mirela Milori: Dyshime të arsyeshme apo informacione?

Edi Rama: Informacionet krijojnë dyshimin e arsyeshëm, pastaj është hetimi që duhet të provojë dyshimin e arsyeshëm me prova. /abcnews.al

KOKAINA-GJERMANI-1280x720.jpg
ent ela09:18 | 20/05/2018

Hetimi 1 vjeçar i autoriteteve gjermane identifikoi dhe çoi në pranga 13 shqiptarë si trafikantë të kokainës nga Ekuadori përmes konteniereve me banane. Nga ana tjetër, Krimet e Rënda në Shqipëri nisin verifikimin e pasurive të tyre në Shqipëri, bazuar në ligjin “Antimafia”.

Sasia prej 1.8 tonë kokainë e bllokuar në Gjermani në disa operacione policore në gjashtë muajt e fundit është trafikuar nga Ekuadori përmes ngarkesave me banane. Thuajse e njëjta skemë e përdorur edhe nga shoqëria “Arbi Garden” për sasine prej 613 kg kokainë të futur në portin e Durrësit në maj, dyshohet nga autoritetet gjermane të ketë funksionuar për futjen në këtë vend të drogës me vlerë tregu mbi 400 milionë euro.

Të paktën 13 nga të arrestuarit si të përfshirë në këtë grup kriminal janë shtetas shqiptarë. Autoritetet gjermane janë duke vazhduar hetimet për të dokumentuar dhe provuar rolin e secilit në grupin kriminal të përfshirë në trafikimin e drogës së fortë nga Amerika Latine.

Një pjesë e tyre janë me banim në Gjermani. Policia gjermane e konsideroi sukses operacionin e arrestimit të tyre, duke sqaruar se u godit një rrjet i madh të trafikut ndërkombëtar të drogës që drejtohej nga shqiptarët.

Ndërkohë hetimi për këtë rast nuk ka lënë pa prekur edhe territorin shqiptar. Pas shkëmbimit të informacionit në kuadër të marrëdhëniee të ndihmës juridike me palën gjermane, hetuesit e Krimeve të Rënda kanë nisur veprimet për verifikimin e pasurisë së shqiptarëve të arrestuar në gjermani. Bëhet fjalë për identifikimin e pasurive të tyre në Shqipëri dhe më tej kalimin në filtrat e ligjit anti-mafia, nëse ato janë siguruar në burime të ligjshme. /abcnews.al

 

media.media_.b1d049e0-75d6-46ba-9638-a881eeb13804.original1024-933x445.jpg
ent ela23:57 | 16/05/2018

Pas tonelatave me kokainë në Gjermani, qëndron mafia shqiptare. Kështu shkruajnë mediat gjermane, të cilat i referohen burimeve të tyre nga autoritetet në Mynih. Sasia prej 950 kg kokainë e kapur tre ditë më parë në Gjermani, u trafikua nga Ekuadori.

Sasia e saj kap vlerën e rreth 200 milionë Euro, e cila ishte fshehur në një dërgesë me banane. Hetuesit thonë se 1 kg kokainë në Ekuador kushton 1365 Euro, kurse në tregun e zi në Gjermani kushton 75.800 Euro. Sipas autoriteteve gjermane, kontrabandistët e refugjatëve i janë rikthyer trafikut të drogës për shkak të mbylljes së rrugëve të emigrantëve në Ballkan.

Kështu u shpreh ministri i Brendshëm i landit të Bavarisë në Gjermani, Joachim Herrmann. Dymbëdhjetë persona u arrestuan në total gjatë operacionit anti-drogë të policisë, shumica prej të cilëve janë shqiptarë. Një pjesë e tyre, janë me banim në Gjermani. Policia gjermane e konsideroi sukses këtë aksion, duke sqaruar se goditën një rrjet të madh të trafikut ndërkombëtar të drogës që drejtohej nga shqiptarët.

Kjo organizatë, sipas autoriteteve gjermane, ka trafiluar në total 1.8 ton kokainë me vlerë mbi 400 milionë Euro. Kokaina e fshehur mes bananeve ishte trafikuar nga Ekuadori në Hamburg. Të arrestuarit e kësaj organizate rrezikojnë dënimin deri në 15 vite burg. /tvklan.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono