kodi i etikes

kodi-i-etikes.jpg
ad min18:20 | 30/03/2018

ABC News ka zbardhur dokumentin e dakordësuar mes partive politike PS – PD dhe LSI lidhur me Kodin e Etikës. Ky kod u soll për miratim në seancë plenare në muajin Shkurt, për t’u shtyrë miratimi i tij në një fazë të dytë, pasi partitë politike ranë dakort në bashkëpunimin mes tyre në ndërtimin e këtij kodi. Versioni final i tij është punuar nga palët, të cilat pritet ta depozitojnë në Kuvend.

Pas përshëndetjes nga OSBE për futjen në rendin e ditës së seancës plenare të një muaji më parë dhe dakordësisë mes palëve për të zhgënjyer këtë urim të misionit në Tiranë, partitë politike kanë përfunduar materialin e bashkërenduar mes Partisë Socialiste – Partisë Demokratike dhe Lëvizjes Socialiste për Integrim: Kodin e Etikës.

Me interpretues kryesor kryetarët e rastit apo Këshillin për Rregulloret dhe mandatin dhe autoritetin përgjegjës për zbatim, Byronë e Kuvendit, ky kod vjen pas një pune të përbashkët të palëve.

Bie në sy neni 4, ai i detyrave të deputetëve, i cili sanksionon pjesëmarrjen e rregullt në veprimtarinë parlamentare në përputhje me Rregulloren e Kuvendit edhe pse kjo e fundit nuk përmban asnjë rresht detyrues lidhur me këtë pjesmarrje. Ilustrues është rasti i ish-ministrit Saimir Tahiri, sot ende deputet edhe pse pa shkelur në Kuvend prej Tetorit 2017.

Një tjetër reflektim i situatave të ndodhura në këtë legjislaturë është neni 7, i cili dënon votimin e deputetëve në emër të njëri–tjetrit.
Neni 8 do të jetë përgjegjësi për paraqitjen e deputetit, i cili duhet të paraqitet me veshje zyrtare, që përmbushin standartet e profesionalizmit.

Një specifikim tjetër është ajo çfarë ky kod i ndalon deputetit në pikën 2 të nenit 8, kur nuk lejon paraqitjen e tij në mungesë të gjendjes fizike apo konsumit të alkoolit dhe substancave narkotike ose psikotrope.

Duket se nuk kanë munguar edhe propozimet e zonjave deputete, të cilave pas miratimit të këtij kodi, Kuvendi u krijon mundësinë të marrin pjesë në punimet parlamentare bashkë me fëmijën e porsalindur.

Deputeti nuk duhet të përfitojë nga imuniteti i tij për të penguar veprimet e drejtësisë për të kërkuar arrestin, heqjen e lirisë në çdo lloj forme ose ushtrimi i kontrollit personal apo të banesës për kryerjen e një krimi të rëndë.

Një tjetër nen dukshëm i ndikuar nga çështja “Tahiri” dhe që qartësisht nuk ngarkon asnjë organ për zbatim veç ndërgjegjes së vetë deputetit.
Sa i përket interpretimit të këtij Kodi, përcaktues është vendi ku takimi zhvillohet. Është kompetencë e drejtuesit të seancës/komisionit apo organit përkatës, ku janë ngritur pretendimet për të vendosur mbi to. Ky vendim nuk është objekt diskutimi por deputeti brenda 2 ditëve mund t’i paraqesë kërkesë Këshillit për Rregulloren dhe Mandatet për nëj interpretim përfundimtar. Është ky Këshill, me përfaqësi të barabartë mes shumicës dhe pakicës parlamentare, kompetent për interpretim./abcnews.al

vlcsnap-error120-1280x720.jpg
ent ela13:34 | 27/02/2018

Përfshirja e Kodit të Etikës, që rregullon sjelljen e deputetëve në Kuvendin e Shqipërisë, në rendin e ditës së seancës plenare të së hënës ka ri-sjellë në vëmendje ndryshimet që pritet të sjellë.

I domosdoshëm por i pamjaftueshëm. Është ky mendimi i deputetëve të Parlamentit Shqiptar të ndodhur përpara një projektligji për Kodin e Etikës që rregullon sjelljen e tyre dhe kolegëve të tyre.

Mimi Kodheli: Të gjitha seancat e pluralizmit larg etikës, fillim  i mirë e mbështes, pjesa e margjinalizuar janë zonjat, shpresoj të demostrojmë të parët që ligjet që bëjmë t’i zbatojmë

Nard Ndoka – Deputet PDK: Parlamenti është arenë debati alternativash dhe idesh, shpesh ka devijuar, deputetët e kanë pasur modë tregimin e muskujve.

Oriola Pampuri: Kur ka një kod gjërat janë më të ligjëruara, nësë zbatohet shumë mirë. kur shkelet kushtetuta, kodi zbehet, janë të rëndësishme njëkohësisht.

Klajda Gjosha: Të mos përdorin kartonat me arrogancë, këtu duhet të fillojë kodi i etikës.

Fatmir Mediu: Shtëpia shkon sipas te zotit të shtëpisë, çështjet duhet të jenë të qytetarëve larg sharjeve dhe fyerjeve.

Ervina Salianji: 80% e tij janë të parashikuara në ligje të tjera, nga pikëpamja përmbajtësore nuk sjell gjë të re, përdorimi i telefonisë së lëvizshme ndalohet por nuk është ndjekur.

Përfshirjen në rendin e ditës së seancës plenare të 26 shkurtit e përshëndeti edhe prezenca e OSBE në Tiranë.

Përshëndesim përfshirjen e Kodit të Sjelljes të Deputetëve në seancën plenare dhe shpresojmë që të gjithë deputetët të kontibuojnë për finalizimin e tij me sukses. OSBE është krenare që ka ndihmuar Kuvendin në hartimin e Kodit, që përmbush standartet më të mira ndërkombëtare.

Parlamenti miratoi Kodin e Etikës në parim, për ta shtyrë miratimin nen për nen dhe në tërësi për një moment të dytë, pas integrimit të amendamenteve dhe pasqyrimit të disa ndryshimeve. Me kërkesë të kreut të grupit parlamentar demokrat, kreu i Parlamentit. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono