Koçijançiç

kocijancic.jpg
nev ila16:30 | 30/04/2019

Në një deklaratë për mediat, zëdhënësja e komisionit evropian, Maja Koçijançiç, u shpreh se samiti i Berlinit tregoi qartë mbështetjen e Bashkimit Evropian për lehtësimin e dialogut Kosovë – Serbi.

Zëdhënësja e Komisionit Evropian, Maja Koçijançiç, ka deklaruar se takimi i Berlinit,  BE- Ballkan ka përçuar një sinjal mbështetjeje për më shumë angazhim nga Bashkimi Evropian për lehtësimin e dialogut midis Prishtinës dhe Beogradit.

Koçijançiç ka nënvizuar, se puna dhe përpjekjet e Bashkimit Evropian në këtë drejtim do të vazhdojnë edhe në takimin e liderëve të Ballkanit në 8 dhe 9 maj në Tiranë në kuadër të procesit të Brdo-Brionit. Koçijaniç këtë deklaratë e ka bërë gjatë konferencës së mesditës së Komisionit Evropian.

“Takimi në Berlin prodhoi një sinjal të qartë për mbështetjen e mëtejshme dhe me më shumë angazhim  lidhur me vazhdimin e lehtësimi të dialogut midis Prishtinës dhe Beogradit. Kjo është e rëndësishme, sepse çdo angazhim për lehtësimin nga BE-ja të bisedimeve midis Prishtinës dhe Beogradit është i mirëpritur.  Kjo nënkupton se do ketë takime të mëtejshme për dialogun. Çdo takim në këtë kuadër ndihmon dhe shihet si kontribut për mbështetjen e dialogut të ndërmjetësuar nga BE. Puna dhe kontaktet midis palëve vazhdojnë. Mogherini do jetë me liderët e Ballkanit pas dhjetë ditësh në Tiranë për procesin e Brdo-Brioni, ku pritet që të vazhdojë kontaktet edhe lidhur me dialogun Prishtinë-Beograd. Si u vutë në dijeni, ajo është takuar me liderët e Ballkanit në Berlin”, deklaroi Koçijançiç.

Procesi i Brdo-Brionit ka lindur zyrtarisht në 20 mars 2010 si një iniciativë e përbashkët e Sllovenisë dhe Kroacisë për të forcuar bashkëpunimin rajonal të vendeve të Ballkanit dhe përshpejtuar avancimin e vendeve në kuadrin e reformave të integrimit evropian./ABC News Albania 24/7

KOO-1280x646.jpg
ad min22:00 | 18/02/2019

Bashkimi Europian ka dalë kundër vendimit të opozitës shqiptare për të djegur mandatet. Brukseli i ka bërë thirrje klasës politike që të gjejë konsensusin për reformat që i duhen vendit për anëtarësimin në BE në Parlament dhe jo jashtë tij.

Bashkimi Europian ka kritikuar nismën për djegien e mandateve nga partitë e opozitës shqiptare, duke deklaruar se debatet politike duhet të zhvillohen në Parlament. “Parlamenti është baza e çdo demokracie europiane. Është një vend ku debatet për reformat dhe zhvillimet përkatëse duhet të diskutohen dhe të merren përpara e jo të bojkotohen”, ka deklaruar Maja Koçijançiç, zëdhënëse e shefes së Politikës së Jashtme të BE, Federika Mogerini. Sipas zëdhënëses, thirrjet e disa anëtarëve të partive opozitare për të bojkotuar Parlamentin dhe për deputetët që të heqin dorë nga mandati i tyre aktual janë kundërproduktive dhe bien ndesh me përpjekjet e vendit për zbatimin e reformave të kërkuara nga BE.

“Presim që qeveria dhe opozita të angazhohen në diskutime konstruktive me qëllim tejkalimin e situatës aktuale politike”, ka shtuar Koçijançiç. Vendimin e opozitës për djegien e mandateve parlamentare e ka komentuar edhe raportuesi për Shqipërinë në Parlamentin Europian, Knut Flekenshtein. I pyetur nga ABC News, Fleckenstein ka deklaruar se nuk është hera e parë që Shqipëria përballet me një situatë të tillë. “Për mendimin tim, asgjë nuk ka ndryshuar gjatë 5 viteve të fundit në këtë drejtim”, ka thënë Flekenshtein. Eurodeputeti ka theksuar se, është detyra e opozitës të ofrojë një alternativë ndaj politikës aktuale në Parlament dhe madje edhe jashtë tij nëse është e nevojshme. “Në fund të ditës, çdo anëtar i Parlamentit vendos nëse ai ose ajo dëshiron të heqë dorë nga mandati i dhënë nga populli”, ka shtuar Flekenshtein./abcnews.al

HARADINAJ-PER-TAKSEN-ABC-M3-T1.mpg_snapshot_00.00.jpg
ent ela17:30 | 05/02/2019

Kryeministri i Kosovës Ramush Haradinaj i është përgjigjur ashpër deklaratës së Maja Konçijançiç sipas së ciilës dhe Trepca duhet të jetë temë diskutimi në dialogun me Serbinë. Haradinaj tha se Bashkimi Europian ka humbur rrugën për sa i përket Kosovës

Pas mbledhjes së qeverisë Kryeministri i Kosovës Ramush Haradinajjj deklaroi dhe njëherë më shumë se taksa 100 për qind e vendosur ndaj produkteve serbe do të qëndrojë derisa Kosova të njihet si shtet i pavarur nga Beogradi.

Ai sqaroi se vendosja e taksës është një vendim i Kosovës, i argumentuar dhe se kushtëzimi id ialogut me Beogradin është i papranueshëm. Haradinaj tha se nëse do të bënte Kosova një listë kushtesh, atëherë Serbia duhet të kërkojë fillimisht falje për krimet që janë bërë në Kosovë, kthimin e të pagjeturve e kështu me radhë. Sipas tij kushti për heqjen e taksës është një shantazh i pastër nga pala serbe.

Më herët Haradinaj reagoi dhe ndaj deklaratave të Maja Koçijançiç, zëdhënëses së shefes për politika të jashtme në Bashkimin Europian, Federika MOgerini, lidhur me Ligjin për Trepçën ku ripërsëriti se Brukseli ka humbur rrugën në oborr. Ai theksoi s efutja e kësaj teme në dialog është ftesë për destabilizim, dhe se Kosova i ka bërë detyrat e  shtëpisë për sa i përket Trepçës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono