koalicioni opozitar

opozita-ne-presidence-1280x705.jpg
nev ila15:51 | 19/11/2019

Lulzim Basha preferoi të përdorte hyrjen kryesore të Presidencës, ndërkohë që përfaqësuesit e tjerë të opozitës mbërritën njëri pas tjetrit nga porta anësore e kreut të Shtetit.

Në takimin me dyer të mbyllura që zgjati për 90 minuta kreu i shtetit shprehu shqetësimin e tij lidhur me ngërçin e krijuar me emërimet në Gjykatën Kushtetuese.

“Manipulimi i procesit të emërimeve të anëtarëve të Gjykatës Kushtetuese, duke synuar kapjen e Gjykatës Kushtetuese përmes rrëmbimit të të drejtës kushtetuese të Presidentit të Republikës për të bërë emërimet e tij, është skandali më flagrant i Reformës në Drejtësi dhe shkeljes së Kushtetutës” sqaroi Presidenca në fund të takimit.

Grupi i punës që po punon për reformën zgjedhore, pritet të bëj publike fillimin e javës së ardhshme draftin final dhe ofertën kryesore të opozitës për reformën zgjedhore.

Si për të treguar se reforma zgjedhore është një kërkesë qendrore e ndërkombëtarëve, kreu i ambasadës së BE-së në Tiranë, Luigi Soreca zhvilloi edhe një takim 30 minutësh me kreun e demokratëve Basha.

Ditët e ardhshme opozita do të ketë gati produktin e saj të reformës, ndërkohë që OSBE pritet të jetë ndërmjetësues mes palëve për të shkrirë propozimet në një Kod të ri zgjedhor që të votohet brenda këtij viti në parlament./abcnews.al

lulzim-basha-live-1280x695.jpg
nev ila11:58 | 19/11/2019

Në një prononcim për mediat kreu i PD tha se në takimin e zhvilluar në Presidencë me Kreun e shtetit, u fol për krizën politike në vend dhe tentaivat e kryeministrit Rama për kapjen e institucioneve të drejtësisë dhe jo vetëm.

“Prova dhe fakte tronditëse vërtetojnë se qëllimi i Kryeministrit dhe e qeverisë së tij është kapja e institucioneve në drejtësi dhe në veçanti kapja e Gjykatës Kushtetuese. Provë më shumë se me këtë qeveri Reforma në Drejtësi është iluzion, e kemi parë në manipulimin zgjedhor, në rastin e dosjeve 339, 184. PD dhe opozita e bashkuar kërkon një reformë sipas Kushtetutës dhe jo sipas planeve dhe anktheve të qevrisjes aktuale. E dyta diskutuam domosdoshmërinë e zgjidhjes së krizës politike. Prej më shumë se dymuajsh opozita ka shprehur gadishmërinë e saj për zhvillimin e një dialogu transparent, për një reformë zgjedhore ashtu siç e kërkon Bundestagu, e ndërkohë prej 4 muajsh, Edi Rama ka refuzuar dialogun dhe ndërmjetësimin ndërkombëtar, të ofruar nga institucionet ndërkombëtare. Shtyrja e afatatit të komisionit të reformës zgjedhore, është tjetër përpjekje për ti hedhur “hi” syve shqiptarëve, dhe faktorit ndërkombëtar. Opozita e bashkuar nuk ka kërkuar shtyrjen, për kalendat greke, të reformës zgjedhore. Kemi patur refuzim të dialogut, kushtëzim dhe shtyrje të dialogut. Për opozitën propozimet do të jenë gati, jo më vonë se fillimi i dhjetorit. Rrugëdalje e vetme nga kriza është zhvillimi i zgjedhjeve parlamentare dhe vendore, në të njëjtën kohë. Ne do të vazhdojmë në këtë kërkesë të pandryshueshme“, tha Basha./abcnews.al

takimi-presidenca2-640x398-1.jpeg
nev ila10:37 | 19/11/2019

Përfundon takimi i presidentit Meta me përfaqësuesit e opozitës. Basha dhe aleatët e tij. Takimi ka zgjatur më shumë se 60 min në zyrën e presidentit.

Presidenca do të dalë me qëndrim zyrtar për rezultatet e takimit por gjithashtu edhe Basha sot pritet  të dalë gjithashtu me një qëndrim zyrtar nga selia e PD në lidhje me konkluzionet e takimit.

Në fokus të diskutimit të këtij takimi ka qenë çështja dhe ngërçi i krijuar për Gjykatën Kushtetuese.

Sipas gazetarit të ABC News Juxhin Mustafaraj, burime nga presidenca njoftuan për abcnews.al se, aktualisht shkresat për kallëzimin e kreut të KED Ardian Dvorani, janë gati për tu dorëzuar në organin e akuzës.

Ky takim u zhvillua me kërkesë të Kreut të Shtetit Ilir Meta. Në vazhdim nga Presidenca është njoftuar se Meta do të kryejë një sërë takimesh, me aktorë dhe faktorë politikë në vend, për të diskutuar mbi krizën aktuale në të cilën ndodhet vendi./abcnews.al

takimi-presidenca-1280x853.jpeg
nev ila08:54 | 19/11/2019

Kreu i Shtetit, Ilir Meta pret sot në orën 09:00 në një takim në Presidencë, krerët e partive opozitare, që janë jashtë parlamentit. Siç shihet edhe në foto, mësohet se disa prej tyre kanë mbërritur tashmë në Presidencë.

Takimi vjen pak ditë pasi Presidenti Ilir Meta u bëri ftesë publike dhe kërkoi të takohet me të gjithë kryetarët e Partive, për të diskutuar lidhur me situatën ku ndodhet vendi.

Në fakt ky është takimi i parë që presidenti Meta merr pas krizës që ndodhi në zgjedhjet vendore të 30 qershorit. Meta edhe atëherë tentoi dhe zhvilloi takime me përfaqësuesit e opozitës.

Meta do të zhvillojë sot takime me Këshillin e Ambasadorëve, ish-Ministra të Jashtëm dhe përfaqësues të lartë diplomatik. Më pas Meta do të ketë edhe takime me ish-presidentët e Republikës.

Meta ka deklaruar se do të konsultohet me të gjithë faktorët dhe aktorët politikë, për të marrë vendime të forta. Gjithashtu Presidenti, do të zhvillojë takim edhe me ish-ministrat e drejtësisë, me sa duket për të diskutuar lidhur me Gjykatën Kushtetuese.

Mbetet për tu parë se çfarë vendimesh do të marrë Kreu i Shtetit pas takimeve dhe konsultave me ta./abcnews.al

SINKRON-KQZ-MANDATI-BRAHO-1280x720.jpg
ad min13:13 | 03/05/2019

Është regjistruar koalicioni i dytë në Komisionin Qendror të Zgjedhjeve pas atij të Partisë Socialiste me 21 parti. Nën siglën “Shpresa për ndryshimin”, 7 parti opozitare kërkojnë të shkojnë në zgjedhjet e 30 Qershorit pasi e shohin si rrugën e vetme për zhvillimin demokratik të një vendi.

Shpresa për ndryshimin është koalicioni i dytë që është regjistruar për zgjedhjet vendore në 30 Qershor. Janë shtatë parti që kanë vendosur t’i vihen përballë mazhorancës socialiste që do të kandidojë së bashku me 21 parti të tjera nën siglën “Aleanca për Shqipërinë Evropiane”. Partitë opozitare që janë bërë bashkë janë:

“Shpresa për ndryshimin”

Aleanca Kuq e Zi
Bashkimi Liberal Demokrat
Demokracia e Re Europiane
Aleanca Popullore
Partia Balli Kombëtar
Partia Emigracioni Shqiptar
Partia Ora e Shqipërisë

 “Të vetëdijshëm se rruga e vetme kushtetuese për përtëritjen dhe zhvillimin e një shoqërie demokratike është pjesëmarrja në proceset e saj zgjedhorë, të shqetësuar se rrethanat politike të tanishme në Shqipëri po ndikojnë për krijimin e një klime mosbesimi në vlerat e institucioneve demokratikë, ne si një grup i partive politike opozitare kemi vendosur së bashku për të marrë pjesë në zgjedhjet e ardhshme vendore si koalicion me emërtimin ‘Shpresa për Ndryshimin’”.

Nëpërmjet kësaj letre, shtatë partitë politike i drejtohen Komisionit Qendror të Zgjedhjeve për regjistrimin e tyre si koalicion në zgjedhjet e ardhshme vendore./ABC News Albania 24/7

basha-7.jpg
ad min13:45 | 29/04/2019

Pas aleatëve edhe demokratët do të prezantojnë platformën e tyre për zgjidhjen e krizës në vend. Lajmin e bëri të ditur vetë kryedemokrati Lulzim Basha.

“Nuk ka asnjë mospërputhje mes PD dhe koalicionit. PD ka përfunduar javën e kaluar të detyrave të qeverisë tranzitore në raport me zgjedhjet e lira dhe të ndershme. Koalicioni opozitar po vazhdon me mirëkuptim, bashkëpunim dhe sinergji të plotë për të ecur përpara. Çështjet e tjera janë detaje të parëndësishme sepse kryesorja është kjo. Zotimi i gjithë koalicionit opozitar është regjistrimi i zgjedhjeve dhe pjesëmarrja në zgjedhje është kur të ketë me të vërtetë zgjedhje dhe jo një tjetër farsë kriminale kusht i padiskutueshëm për këtë mbetet largimi i Edi Ramës nga qeveria dhge një qeveri tranzitore që do të plotësojë kushtet”, tha Basha.

Deklaratën kreu i Partisë Demokratike e bëri në përfundim të takimit zhvilluar në selinë blu me përfaqësues të Institutit Ndërkombëtar Republikan me qëllim adoptimin në partinë demokratike të sistemit të përzgjedhjes së kandidatëve për deputet nga anëtarësia përmes parimit një anëtar një votë./abcnews.al

5cbec206860ee4f18927d-1072-4bf4-835e-6da1ccddd290-1280x960.jpg
ent ela15:10 | 23/04/2019

Tetë parti opozitare zyrtarizuan koalicionin politik që ka në bazë kauzën për zgjedhje të lira pa Edi Ramën. Kryetari I PD Lulzim Basha që firmosi marrëveshjen me secilën parti, deklaroi se ky koalicion do pamundësojë zgjedhjet nëse nuk garantohen kushtet për votë të lirë e të ndershme.

Opozita e bashkuar ka zyrtarizuar koalicionin për pamundësim dhe mospjesmarrje në zgjedhje ku nuk garantohen kushtet për votime të lira e të ndershme.

Rruga e vetme për garantimin e këtij kushti, sipas marrëveshjes së firmosur nga i gjithë kampi opozitar, është qeveria tranzitore. Në dalje, firmëtarët, konfiurmuan qëndrimet e tyre.

Duka: “Jemi të vendosur në rrugën e zgjedhjeve të lira e të ndershme dhe askush nga ne nuk do të cedojë për arritjen e këtij objektivi”.

Mediu: “Marrëveshja e re e koalicionit opozitar është detyrë qytetare për të penguar zgjedhje farsë, shkatërrimin e opozitarizmit dhe institucioneve kushtetuese në vend.”

Shehi: “Beteja jonë fillon nga mosregjistrimi në zgjedhje. E rëndësishme është që harku opozitar po zgjerohet përditë me parti, me njerëz, me ide për të bërë të pamundur vazhdimin e këtij regjimi”.

Dule: “Të shprehin kundërshtinë e vet të përditshme në çdo formë e mënyrë për të thënë se çdo sekondë që rri më tepër në pushtet Edi Rama, është një kosto më tepër për çdo familje”.

Ndoka: “Ky sistem është në agoni. Edi Rama është i vetmuar dhe i çoroditur. Ai duhet të kuptojë se nuk bën dot zgjedhje pa opozitën.”

Idrizi: “Rama po kërkon të emërojë opozitën. Ne nuk bëhemi pjesë e farsës zgjedhore, por jemi bashkuar për t’i dhënë vendit zgjidhje politike”.

Kryemadhi: “Absolutisht nuk ka asnjë lloj tërheqje, këtu nuk është problemi Edi Rama individ, këtu është problemi Edi Rama fenomen. Edi Rama, nuk po flasim për të birin e Kristaqit dhe Anetës, por po flasim për Edi Ramën i cili është telekomanda e krimit të organizuar shqiptar dhe ndërkombëtar i cili e ka kthyer Shqipërinë në kështjellën mbrojtëse të grupeve kriminale”.

Përshkallëzimi i aksionit opozitar në të gjithë vendin dhe miratimi i një Platforme të përbashkët politike është një tjetër qëllim me rëndësi sipas Lulzim Bashës, e ksaj marrëveshjeje.

“Në orët dhe në ditët në vijim ky koalicion do të zgjerohet me të tjera parti politike dhe është i hapur dhe i gatshëm të ndërtojë bashkëpunim dhe partneritet me të gjithë faktorët e tjerë të shoqërisë, grupime qytetare, grupe interesi për t’i dhënë Shqipërisë të ardhmen europiane që meriton.

Angazhohemi, po kështu, që të çojmë përpara reformën në drejtësi, larg ndikimeve politike, duke nisur me dhënien fund krizës kushtetuese dhe formimin e Gjykatës Kushtetuese, funksionimin e Gjykatës së Lartë dhe një Prokurorie larg ndikimeve politike dhe ligjit me një standard dhe jo dy standarde.

Nuk do të ketë zgjedhje farsë në Shqipëri pa u ndëshkuar krimi elektoral, pa u ndëshkuar dhe pa u vënë para përgjegjësisë Edi Rama dhe bashkëpunëtorët e tij në këtë krim elektoral duke nisur me Vangjush Dakon dhe Damian Gjiknurin, për t’i dhënë fund tranzicionit, për të diktuar së bashku me sovranin standardin europian në zgjedhje, në demokraci, në shtetin e së drejtës, në ekonomi dhe kudo.

Në funksion të këtij misioni kombëtar, akti i parë i këtij koalicioni që merr jetë sot, do të jetë formësimi, së bashku me të gjithë faktorët shoqërorë dhe qytetarë, i Platformës Për Zgjedhje të Lira e të Ndershme, i reformimit të thellë të sistemit politik, ndalja e krizës ekonomike”.

Sipas marrëveshjes së firmosur nga 8 parti opozitare, qeveria tranzitore do të ketë për qëllim mbajtjen e zgjedhjeve të parakohshme parlamentare, përgatitjen për zgjedhje vendore dhe parlamentare të lira e të ndershme, realizimin dhe ndjekjen e zbatimit të reformës zgjedhore me fokus shkëputjen e politikës dhe krimit, si dhe krijimin e klimës së besimit për zbatimin e reformës në drejtësi dhe çdo reforme të nevojshme për përshpejtimin e nisjes së negociatave të Shqipërisë me Bashkimin Europian. /abcnews.al

basha-live-23-1280x674.jpg
ent ela12:15 | 23/04/2019

Kryetari i Partisë Demokratike Lulzim Basha në një deklaratë për mediat pas firmosjes së marrëveshjes së bashkëpunimit me koalicionin opozitar  për zgjedhjet e ardhshme, tha se kjo do t’i japë Shqipërisë të ardhmen evropiane që meriton. Sipas tij angazhimi i parë i koalicionit evropian është dhënia fund e krimit elektoral.

‘Kjo fillon duke i dhënë fund krimit elektoral dhe angazhimi i parë i koalicionit opozitar të kthejë vendimmarrjen në duart e shqiptarëve, kurrë më nuk do kthhen zgjedhje falco, qeveri falco që grabisin paratë e shqiptarëve .

Do angazhohemi përmes aksionit që zgjedhjet të jenë të lira, të ndershme.

Nuk do ketë zgjedhje farsës në Shqipëri pa u ndëshkuarr krimi elektoral dhe pa u vënë para përgjegjësisë Vangjush Dako e Damian Gjiknuri”.

Basha theksoi se ky nuk është thjesht një pakt i opozitës, por një mision kombëtar për t’i dhënë fund tranzicionit.

“Pakti, marrëveshja opozitare nuk është thjesht konfirmim i mazhorancës së re morale e politike, nuk qëndron vetëm përgjegjësia e fitores së zgjedhjeve, por një mison kombëtar për t’i dhënë fund tranzicionit për të diktuar standardin evropian dhe shtetin e së drejtës dhe në funksion të kësaj akti i parë do ejtë formësimi in platfrmës për zgjedhje të lira, të ndershme reformimi i sistemit politik dhe ndarja e krizës politike, jo për të pasuruar një grusht oligarkësh, por për të sjellë punësim, siguri për shqiptarët”.

Hap i panegociueshëm për kreun opozitar mbetet largimi i Ramës dhe krijimi i një qeverie tranzitore.

“Hap i panegociueshëm mbetet largimi i shkaktarit të kësaj gjendje, shkaktari i krimit elektoral me qeveri, shëndetësi, arsim falco, largimi i Ramës dhe një qeveri tranzitore që përmes masave të zbatojë ligjin aktual për zgjedhje të lira, të ndershme ku të fitojë sovrani”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono