koalicion

Screenshot_1.png
R D17:39 | 02/02/2020

Qeveria e re  “Kurti” pritet të votohet nesër në Parlamentin e Kosovës. Pas 4 muajsh negociata, Vetëvendosje hoqi dorë nga posti i kryeparlamentarit, ndërsa LDK-ja nga kërkesa për marrëveshje për çështjen e Presidentit. Albin Kurti dhe Isa Mustafa treguan detajet në një konferencë për mediat. 

Gazetarja Blerta Dalloshi Berisha raporton se Lëvizja Vetëvendosje dhe Lidhja Demokratike e Kosovës zyrtarisht kanë konfirmuar se janë pajtuar për bashkëqeverisje në 4 vitet e ardhshme.

Krerët e të dyja partive Albin Kurti e Isa Mustafa në një konferencë të përbashkët për media thanë se kjo marrëveshje është në dobi të Kosovës.

Albin Kurti: U takuam dhe u dakorduam që të takohemi edhe nesër që ta zgjedhim qeverinë e re. Ne tashmë e kemi nënshkruar marrëveshjen e jemi marrë vesh për të gjitha, edhe për ndarjen e përgjegjësive në kuadër të qeverise së re.

Isa Mustafa: Besojmë se është një marrëveshje e mirë. Në interes të ndryshimeve që duhet të ndodhin në vendin tonë. Kemi ardhur bashkarisht në një zgjidhje të cilën e vlerësojmë se është zgjidhja e duhur për Republikën e Kosovës.

Sa i përket postit të Kryeparlamentarit, Kurti tha se Glauk Konjufca nuk do të jap dorëheqje por do të vijë në ekzekutiv. Ndërsa, nesër VV do të propozojë një emër të LDK-së për kryetar të Kuvendit.

Kurse, Mustafa tha se janë pajtuar që posti i Presidentit mos të jetë pjesë e kësaj marrëveshje.

Qeveria Kurti do të ketë 15 ministri dhe 33 zëvendësministra.

“Këshilli Drejtues i Lidhjes Demokratike të Kosovës njëzëri i ka thënë po koalicionit me Vetëvendosjen. Edhe Lëvizja Vetëvendosje organizoi referendum për të marrë aprovimin e koalicionit me LDK-në”, theksoi Kurti.

Deputetët e Kuvendit të Kosovës pritet të votojnë të hënën qeverinë “Kurti”, dy ditë pa u bërë 4 muaj nga zgjedhjet e parakoshme në Kosovë./abcnews.al

bytyci-i-ftuar.png
R D17:28 | 17/01/2020

Analisti i njohur, Enver Bytyçi tha se Albin Kurti mund të dalë jashtë loje edhe pse LVV ka dalë parti e parë nga zgjedhjet e 6 tetorit 2019. Negociatat e tij me Isa Mustafën duket se janë në ngërç përsa kohë nuk kanë arritur dakordësinë për formimin e qeverisë.

I ftuar në studion e Abc News, nga gazetari Endri Xhafo, pedagogu dhe analisti i çështjeve të rajonit, Enver Bytyçi tha se zgjedhjet e parakohshme janë opsionit i fundit për Kosovën. Sipas tij, nëse nuk gjendet zgjdhja mes LVV-LDK, mund të provohet koalicioni mes LDK dhe PDK, që drejtohet nga Kadri Veseli, por që qytetarët e njohin si “partia e Thaçit”.

“Nëse nuk arrin partia e parë të formojë koalicionin dhe të çojë emrin e mandatarit për Kryeministër në Presidencë, atëherë partia e dytë mund të nominojë kandidatin për Kryeministër. Është e përcaktuar në Kushtetutën e Kosovës”, tha Bytyçi.

“LDK-ja e Isa Mustafës po shkon drejt një koalicioni me partinë e Hashim Thaçit, kjo përshtypje më krijohet mua, duke parë refuzimin e vazhdueshëm që i bën LDK-ja ofertës së Albin Kurtit. Intrigat e Isa Mustafës janë të dukshme në raport me Albin Kurtin”, shpjegoi më tej argumentat e tij Enver Bytyçi.

Më tej ai tha se LVV ka vetëm një gabim taktik, pasi ekspontentë të kësaj partie kanë folur në mënyrë të tepruar në media, ndërsa LDK-ja ka qenë më e kujdesshme së paku në publik. /abcnews.al

maxresdefault-6.jpg
So Nila13:37 | 13/01/2020

Koalicioni mes LDK-së dhe Vetëvendosjes duket se së shpejti do të jetë gati.Deputeti i zgjedhur i Lidhjes Demokratike të Kosovës, Haxhi Avdyli këtë të hënë është shprehur optimist se koalicioni me Lëvizjen Vetëvendosje do të arrihet, por thotë se kjo bëhet vetëm me balancim të ndarjes së pushteteve.

Avdyli pas takimit me  ish-shefin e OSBE, William Walker është shprehur se pozita e kryeparlamentarit për LDK nuk është pengesë, pasi mund të gjenden formula të tjera.

“Nënkryetarja Vjosa Osmani e informoi për angazhimin e LDK-së që sa më shpejt të ndodhë koalicioni i cili është votuar nga shumica e qytetarëve. Besojmë shumë që ky koalicion do të ndodhë. E kuptojmë frustrimin e qytetarëve për vonesat, për këto janë diskutimet që ndodhin edhe në shtetet demokratike. Përfundimi i këtij koalicioni do të jetë në të mirë të qytetarëve. Ku do të ketë balancimi i pushteteve”, tha ai.

Gjithahstu deputeti I LDK-së ka pranuar se diskutimet ndërmjet Lëvizjes Vetëvendosje dhe Lidhjes Demokratike janë në fazën përfundimtare dhe se kanë mbetur edhe disa detaje për t’u diskutuar.

Ndërkohë sa i përket pozitës së kryeparlamentarit, Avdyli tha zgjedhja e Glauk Konjufcës nuk është pengesë drejt arritjes së koalicionit pasi mund të gjenden formula të tjera.

ee.jpg
nev ila19:51 | 19/12/2019

Kryetari i Partisë Demokratike, Lulzim Basha në mbledhjen e përbashkët të kryesisë dhe të ish-grupit parlamentar ka deklaruar se është i mirëpritur kushdo që kundërshton regjimin e Ramës, duke u drejtuar i hapur për të zgjeruar koalicionin opozitar.

“Është momenti që të mirëpresim këdo që kundërshton regjimin e Ramës, që është në opozitë me të dhe kërkon të kontribuoje. Koalicioni ynë duhet bërë më i gjerë, me çdo faktor, për të bërë sa më të shpejtë rotacionin politik”, tha ai.

Po kështu ai tha se brenda janarit PD do kete gati programin ekonomik si dhe draftin për reformën zgjedhore.

Paralelisht ne jemi në përfundim të programit tonë ekonomik për ta nxjerrë vendin nga kriza. PD është kthyer në shpresë për shumicën e qytetarëve. Me qindra te rinj janë afruar pranë PD, pedagoge, mjekë, juristë, profesionistë nga të gjitha fushat që duan të japin kontributin e tyre në ndryshimin e vendit. Sa më mirë të dëgjohet zëri i qytetareve, aq me i fortë do të jetë reagimi ynë. Brenda janarit do të përfundojë hartimi i alternativës sonë, në mënyrë konkrete, me përllogaritje për çdo fushë. Të gjithë duhet ta dinë sot si do të jetë situata e tyre në qeverinë tonë. Objektivi ynë është garantimi i votës së qytetarëve në zgjedhje të lira dhe të ndershme, nisje e negociatave për anëtarësim, zhvillim ekonomik dhe punësim për shqiptarët”,tha Basha./abcnews.al

Lexo edhe:Basha: Në Janar, reforma zgjedhore që i hap rrugë zgjedhjeve të parakohshme

koalicioni.jpg
ad min16:23 | 05/09/2019

Dy parti rivale serbe formuan koalicion për të garuar së bashku në zgjedhjet e 6 tetorit në Kosovë. Iniciativa Qytetare serbe, SDP është shkrirë në Listën Serbe. Një prej deputetëve të SDP-së dha dorëheqjen pasi nuk ishte dakord me këtë lëvizje.

Iniciativa Qytetare serbe SDP e tashmë liderit të vrarë të saj Oliver Ivanoviç, do të jetë pjesë e Listës Serbe, parti kjo e përkrahur nga Beogradi për zgjedhjet e 6 Tetorit në Kosovë.

Kjo iniciativë që deri më tash është konsideruar rivale me Listën Serbe ka marrë vendim që të shkrihet në këtë listë pasi siç thuhet në njoftim, serbët në Kosovë kanë nevojë për unitet, mbështetjen e shtetit të Serbisë dhe ruajtjen e interesave kombëtare.

Por kjo nuk i ka pëlqyer aspak anëtarit të kësaj iniciative Marko Jakshiç, i cili ka dhënë dorëheqje. Nëpërmjet një statusi në Facebook, ai thotë se nuk do që askush ta asiociojë atë me Listën Serbe.

“Do të më vinte turp, edhe nga njerëzit, por edhe nga Oliver Ivanoviç i cili nuk është më mes nesh. Por mirë. Të gjithë sipas zgjedhjes së tyre”, ka shkruar Jakshiç në Facebook.

Kanë reaguar edhe dy asamblistë tjerë të kësaj iniciative të cilët kanë thënë se nënkryetarja e kësaj partie Ksenia Bozhoviç i ka tradhtuar. Ndërsa partitë tjera serbe të mbledhura bashkë në një koalicion parazgjedhor të quajtur Liria. Me këtë bashkim synon të sfidojnë listën serbe.  Për analistin Imer Mushkolaj, krijimi i këtij koalicioni serb është i rëndësishëm.

“Lista serbe më shumë ka punuar për interesat e Beogradit sesa interesat e serbëve të Kosovës. Me këtë koalicion do të fitojë vota dhe duke e dëmtuar Listën Serbe do të jetë një alternativë për qytetarët serbë të Kosovës që të votojnë këtë koalicion”.

Oliver Ivanoviç ka udhëhequr me iniciativën qytetare SDP-në që nga viti 2013, ai është vrarë para më shumë se një viti para zyrave të tij në veri të Mitrovicës. Deri më tash janë arrestuar tre persona si të dyshimtë se janë të përfshirë në këtë vrasje, ndërsa në arrati është i dyshuari tjetër, Milan Radojiçiç, ish-nënkryetar i Listës Serbe. /ABC News Albania 24/7

flamuri-serb-1280x714.jpg
nev ila14:12 | 28/08/2019

Në prag të zgjedhjeve të përgjithshme në Kosovë, partitë rivale serbe vendosin të sfidojnë Listën serbe. Ata kanë krijuar një koalicion të gjerë parazgjedhor për të garuar në zgjedhjet e parakohshme të 6 tetorit.

Disa parti politike serbe janë bashkuar për të garuar në një koalicion të gjerë në zgjedhjet 6 tetorit.

Këtij koalicioni të cilit i prin Sllavisha Petkoviq i janë bashkuar partia e Nenad Rashiqit, ajo e Rada Trajkoviqit dhe Dragisha Miriqit.

Qëllimi i tyre është që qytetarët serbë të kenë një alternativë më shumë karshi Listës Serbe e cila konsiderohet partia më e madhe serbe në Kosovë.

“Për shkak të mënyrës se si vepron Lista Serbe , jemi të detyruar të bashkohemi dhe dhe ti kundërvihemi kësaj partie me idetë tona. Marrëveshja është arritur kemi vënë principet e koalicionit dhe jemi të hapur për të gjithë që duan të na bashkohen”, tha Sllavisha Petkovic nga Koalicioni i Gjere i Partive Serbe.

Edhe Partia e Pavarur Liberale Serbe është e gatshme të marrë pjesë në zgjedhjet e ardhshme parlamentare, por ankohet në fushatën agresive të Listës Serbe.

 

Sic e shihni fushata ende nuk ka filluar ndërsa ata (Lista Serbe) kanë filluar me kërcënime të kundërshtarëve politik. Ata kanë filluar të marrin madje edhe anëtarë të partive kundërshtare në partinë e tyre, dhe sikur kjo nuk mjafton ata po merren edhe me shpifje ndaj nesh. Kjo është mënyra në të cilën ata funksionojnë qe 5 vjet që kur kanë hyrë në politikë. Atfosfera edhe në këto zgjedhje duket se do të jetë e njëjtë. Ne nuk jemi organizatë mafioze e as kriminale. Kushdo të vij vjen e kushdo shkon. Është vullnet i tyre i lirë”, tha Sllobodan Petrovic nga Partia e Pavarur Liberale Serbe.

Lista Serbe do të marrë vendimin për pjesëmarrje në zgjedhjet e parakohshme më 6 tetor në Kosovë, pas konsultimeve me presidentin e Serbisë, Aleksandër Vuçiç.

Konsultimet priten gjatë dhjetë ditëve të ardhshme në Beograd.

Kjo parti e ka përkrahjen e Beogradit dhe direkt të presidentit të Serbisë Aleksandër Vuçiç./ABC News Albania 24/7

isis.jpg
ad min18:53 | 31/05/2019

Lufta kundër Shtetit Islamik, përveç militantëve të grupit terrorist ka marrë jetën edhe të 1.300 civilëve në Siri dhe Irak. Ka qenë vetë koalicioni ndërkombëtar anti-ISIS që ka publikuar numrin e viktimave, ndërkohë që sipas grupeve të të drejtave të njeriut, bilanci është shumë më i lartë.

Koalicioni anti-ISIS i udhëhequr nga Shtetet e Bashkuara ka vrarë mbi 1 mijë e 300 civilë në Irak dhe Siri që prej vitit 2014. Lajmin e ka bërë të ditur vetë misioni ushtarak, që ka nënvizuar se civilët janë vrarë pa dashje në bombardimet kundër objektivave të Shtetit Islamik, të nisura 5 vjet më parë.

Koalicioni i udhëhequr nga Shtetet e Bashkuara hyri në veprim pasi militantët e ISIS morën nën kontroll pjesë dërrmuese territori si në Siri dhe në Irak. Organizata terroriste vendosi ligjin e saj brutal mbi miliona njerëz që ranë nën kontrollin e saj dhe organizoi sulme të shumta vdekjeprurëse në mbarë botën.

Shifra e fundit e publikuar nga koalicioni është pak më e lartë se ajo e publikuar 8 muaj më parë, kur kuota e civilëve të vdekur ishte 1 mijë e 100. Në deklaratën për shtyp thuhet se po verifikohet ndërkohë vdekja e 111 personave të tjerë.

Sidoqoftë, të dhënat bien ndesh me ato të grupeve për të drejtat e njeriut, të cilat pretendojnë se numri i viktimave është shumë më i lartë. Një grup monitorimi me bazë në Mbretërinë e Bashkuar ka deklaruar se bilanci real është 13 mijë civilë të vrarë.

Edhe organizata Amnesti International ka akuzuar koalicionin e udhëhequr nga SHBA se mohon vazhdimisht shkallën reale të dëmeve në njerëz./ABC News Albania 24/7

TAULANT-BALLA-1280x731.jpg
ad min13:27 | 30/04/2019

Partia Socialiste ka firmosur marrëveshjen me 23 parti aleate për të shkuar në zgjedhjet e 30 Qershorit së bashku nën një sigël të vetme, “Aleanca për Shqipërinë Evropiane”. Sa i përket propozimit të opozitës së bashkuar për t’u ulur në një tryezë, kryetari i grupit parlamentar socialist ka përsëritur se nuk do të pranojnë dialog me kushte.

Janë rikthyer pas në kohë socialistët për të garuar se bashku me aleatët nën të njëjtën sigël Aleanca për Shqipërinë Evropiane. 23 partitë dolën nga selia e Partisë Socialistë këtë të martë me një marrëveshje në duar.

Tashmë që aleatët dihen, socialistëve u ka mbetur të mësojnë se kë do të kenë kundërshtarë në zgjedhjet e 30 Qershorit për të cilat këmbëngulin se do të zhvillohen.

Në listat e partive të regjistruara në Komisioni Qendror të Zgjedhjeve opozitarët që do ti vihen përballë Partisë Socialiste janë Bindja Demokratike e Astrit Patozit, Partia Zgjidhja e Koço Kokëdhimës, Bashkimi Liberal Demokrat e drejtuar nga Arian Starova, Partia për Liri, Demokraci dhe Etikë e Arian Galdinit, Bashkimi Demokrat Shqiptar me kryetar Ylber Valteri, Partia Ora e Shqipërisë e drejtuar nga Zef Shtjefni, si dhe Partia Kombëtare Konservatore e drejtuar nga Kujtim Gjuzi. Asnjë prej këtyre emrave duket se nuk është fiksuar në memorien e socialistëve.

Ndërkohë fushata e partisë më të madhe në vend është përqendruar në mesazhet për forcat politike që nuk janë regjistruar në Komisionin Qendror të Zgjedhjeve.

Nuk flet me të njëjtën siguri Taulant Balla për propozimin e aleatëve të Partisë Demokratike për tu ulur në një tryezë të thirrur nga presidenti I republikës.

Socialistët kanë hedhur hapin e radhës drejt zgjedhjeve të 30 Qershorit me firmosjen e koalicionit të ri me 23 partitë i cili do të regjistrohet në dy Maj në Komisionin Qendror të Zgjedhjeve./ABC News Albania 24/7

takim.jpg
ad min18:23 | 31/01/2019

Dita e sotme ka pasur një axhendë të ngjeshur për liderët e shtetit në Kosovë.

Në mbrëmje Presidenti Hashim Thaçi, kryeparlamentari Kadri Veseli, kryeministri Ramush Haradinaj dhe zëvendëskryeministri Fatmir Limaj kanë zhvilluar sërish një takim në Presidencë.

Taksa ndaj mallrave serbe, kërkesa e SHBA për heqjen e saj, qëndrimet e ndryshme për këtë kërkesë dhe rreziku i cënimit të koalicionit ishin në fokus të bisedimeve.
Pasi kanë dalë nga ky takim askush prej tyre nuk ka bërë ndonjë deklaratë për mediat. Mësohet se bisedimet do të vijojnë edhe në ditët e tjera./abcnews.al

angela-merkel.jpg
ad min23:00 | 03/07/2018

Aleatët e kancelares Merkel në koalicion bashkëqeverisës në Gjermani nuk kanë gjetur gjuhën e përbashkët lidhur me planin për emigracionin. Sipas socialdemokratëve, duhet ende kohë për të konvertuar propozimet konservatore për emigracionin në një paketë ligjesh të arsyeshme.

Politika për emigracionin e zgjedhur nga Angela Merkel për të shpëtuar koalicionin qeverisës ka shkaktuar skepticizëm në radhët e partnerëve të saj, të cilët kanë kërkuar më shumë bisedime.

Kancelares gjermane i nevojitet si mbështetja nga partnerët e rinj, ashtu edhe ajo nga vendet anëtare të BE-së nëse dëshiron që plani i saj për të kufizuar numrin e azilkërkuesve të ketë sukses.

Por liderët e tre partive që bëjnë pjesë në aleancën e saj dështuan të binin dakord me të në një takim të mbajtur pasditen e së martës, që zgjati dy orë e gjysmë.

“Ne bëmë progres, por nuk arritëm të gjejmë gjuhën e përbashkët”, deklaroi Andrea Nahles, kryetar i Social-Demokratëve.

Olaf Scholz, zëvendës kancelar dhe ministër i Financave nga e njëjta parti, tha se duhet ende shumë kohë për të konvertuar propozimet konservatore për emigracionin në një paketë ligjesh të arsyeshme.

Të hënën, CDU-ja e Merkel dhe aleatët bavarezë të Unionit Kristian Socialist ranë dakord për të ngritur qendra tranziti në kufirin me Austrinë, ku ndodhen emigrantë të regjistruar në vendet e tjera, me qëllim kthimin e tyre mbrapsht.

Pakti u duk se shpëtoi koalicionin qeverisës nga rrëzimi, por një sondazh i publikuar të martën ka treguar se shumica e gjermanëve nuk bien dakord me të. Edhe social-demokratët, të cilët refuzuan një plan të tillë tre vjet më parë, nuk shprehën menjëherë konsensusin e tyre. Pa harruar se janë edhe vendet e BE-së që duhet të pranojnë të marrin emigrantët e larguar drejt Gjermanisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono