KLP

klp-1280x622.jpg
nev ila12:53 | 16/09/2019

Këshilli i Lartë i Prokurorisë u mblodh këtë të hënë  në nisje të sezonit të ri të punës duke marrë disa vendime.

Në një nga pikat e rendit të ditës në mbledhjen e sotme të KLP ka patur ndërprerjen si e përkohshme të Esmeralda Camit në Prokurorinë Dibër.

Bëhet me dije se me 8 vota pro nga KLP, është caktuar prokurori Rifat Kojku, i cili ka zëvendësuar pozicionin e Drejtuesit të Prokurorisë pranë Gjykatës së Shkallës së Parë Dibër.

KLP gjithashtu ka caktuar në pozicionin e Drejtuesit të  Prokurorisë pranë Gjykatës së së Shkallës së Parë Mat me 8 vota pro prokurorin Abaz Muça.

Drejtuesi aktual i Prokurorisë së Rrethit Gjyqësor Mat, Hysni Vata është shkarkuar nga detyra nga Komisioni i Pavarur i Kualifikimit me dt. 9 Shtator.

Ndërkohë Vladimir Mara dhe Esmeralda Cami kanë shprehur interes dhe kanë aplikuar për anëtarë të KLP, pas shkarkimit nga detyra nga KPA të anëtarit Gentian Osmani.

Esmeralda Cami, drejtuese e Prokurorisë Dibër, e cila nuk mund të merrte dosjen 184, pas shpalljes së moskompetencës nga Krimet e Rënda dhe kalimit të saj në Dibër, për shkak të konfliktit të interesit.

Ndërsa Vladimir Mara, prokuror i çështjes Tahiri e 339, u skualifikua nga gara për SPAK.

Në seancën e sotme kanë munguar  2 anëtarë, Nurihan Seiti dhe Bujar Sheshi.

Në mbledhje gjithashtu u miratua projekt-akti i vlerësimin në kuadër të rivlerësimit kalimtar për prokurorin Brahim Dragjoshi si dhe për prokuroren Pranvera Pustina.

Afati i fundit për aplikime në Këshillin e Lartë të Prokurorisë është dita e nesërme, data 17 shtator./abcnews.al

PLANE-KLP.mpg_snapshot_01.49-1280x720.jpg
ent ela11:00 | 02/09/2019

Ngritja e SPAK dhe zgjedhja e Prokurorit të Përgjithshëm janë dy prioritetet bazë të punës së Këshillit të Lartë të Prokurorisë në këtë sezon të ri. Në mbledhjen e sotme u miratua edhe buxheti afatmesëm i këtij institucioni deri në vitin 2022.

Këshilli i Lartë i Prokurorisë është mbledhur pas pushimeve të verës, duke nisur sezonin e ri. Dy sfidat kryesore të KLP-së në këtë sezon janë ngritja e SPAK dhe zgjedhja e Prokurorit të Përgjithshëm.

Gent Ibrahimi, kreu i KLP u shpreh gjatë mbledhjes së sotme së Këshilli i Lartë i Prokurorisë do të vazhdojë një proces transparent dhe eficent për vlerësimin e magjistratëve me profil prokuror.

Burime zyrtare nga KLP, konfirmuan se fillimisht Struktura e Posaçme Antikorrupsion mund të ngrihet edhe me më pak se 10 anëtarë. Sipas kryetarit Gentjan Ibrahimi 5 nga 15 kandidatët e përzgjedhur janë të konfirmuar zyrtarisht nga të dyja shkallët e vettingut, ndërkohë po pritet zbardhja e vendimit edhe për 3 të tjerë.

Kurse Besnik Muçi dhe Manjola Kajana janë ankimuar nga Komisioneri Publik. Ndërkohë 5 kandidatët Elisabeta Ymeraj, Anton Martini, Ndini Tavani, Anita Jella dhe Doloreza Musabelliu nuk kanë dalë akoma në Vetting.

Sfida tjetër e Këshillit të Lartë të Prokurorisë është ajo e pikëzimit të 4 kandidatëve për Prokuror të Përgjithshëm. KLP po pret zbardhjen e vendimit të kandidatit Olsian Çela dhe më pas ka 15 ditë kohë për të parë nëse Komisioneri Publik do të bëjë ankimim në Kolegjin e Posaçëm të Apelimit.

Ndërsa Arta Marku dhe Fatjona Memçaj e kanë kaluar me sukses procesin e rivlerësimit, kurse për avokat Lulëzim Alushaj Vettingu do të bëhet nga Qeveria e Prokurorëve.

Po në mbledhjen e parë të këtij sezoni Këshilli i Lartë i Prokurorisë miratoi me 10 vota buxhetin e tij afatmesёm për periudhën 2020-2022. Ky buxhet dedikohet për pagat e prokurorëve dhe stafit, shpenzimet operative dhe investimet.

Në vitin 2020 buxheti për KLP do të jetë rreth 240 milionë lekë, ndërsa dy vitet e tjera do të jetë më i ulët. Konkretisht në vitin 2021 do të jetë 165 milionë lekë dhe në vitin 2022 do të jetë 160 milionë lekë./ABC News Albania 24/7

KRONIKE-VAKANCA-NE-KLP_ABC-M4-T2.mpg_snapshot_00.07-1280x720.jpg
ent ela18:21 | 28/08/2019

Në fillim të shtatorit prokuroria e përgjithshme do të hap garën për antarë në Këshillin e Lartë të Krokurorisë. Vakanca në KLP u krijua pas shkarkimit të Gentian Osmanit nga Kolegji i Posaçëm i Apelimit. KLP tashmë ka në dorë vendimarrjen më të rëmndëshishme atë të rënditjes së 4 kandidatëve për prokuror të përgjithshëm. Ligji parashikon se në raste vakance kryerati ka dy vota.

Këshilli i Lartë i Prokurorisë mbeti me 10 anëtarë pas shkarkimit të Gentian Osmanit nga Kolegji i Posaçëm i Apelimit, më 31 korrik. Burime nga prokuroria e përgjithshmë konfirmojnë se në fillim të shtatorit do të hapet gara për të plotësuar KLP-në me anëtarin e 11. Largimi nga drejtësia i ish-prokurorit të çështjes “Tahiri” solli vakancë në KLP, organ i cili tashmë ka mbetur me 10 anëtarë. Kjo vakancë ka çekuilibruar balancat brenda Këshillit të Lartë të Prokurorisë, pasi ka në dorë vendimarrjen më të rëndësishme të rënditjes përfundimtare të 4 kandidatëve për Kryeprokuror të vendit. Nëse zëvëndësimi i Genatian Osmanit nuk bëhet, përpara se Këshilli i Lartë i Prokuroisë, të bëjë rënditjen e kandidatëve për Prokuror të Përgjithshëm, atëherë në bazë të ligjit kryetari i KLP-së ka dy vota. Akoma nuk është bërë e qartë se cila do të jetë lëvizja që do të bëjë qeveria e prokurorëve, do të pres antarin e ri, dhe më pas të dërgojë listen me kandidatët për kryeprokuror në kuvend, apo do të mblidhet në fillim të Shtatorit me vakancën dhe të bëjë rënditjen e 4 kandidtaëve. Të drejtë për të kandiduar për anëtarë në KLP e kanë vetëm prokurorët e shkallëve të para, pasi Osmani ishtë prokuror në Prokurorinë për Krime të Rënda. Do të jetë asambleja ajo që do të caktojë se kush do të jetë anëtari më i ri i Qeverisë së Prokurorëve.  Më herët KPA shkarkoi një tjetër anëtare të KLP-së Antoneta Sevdarin dhe asambleja e Prokurorëve vendosi që kandidati i vetëm në garë, Vatë Staka të bëhej pjesë e këtij këshilli. Një tjetër anëtar i KLP, i aknimuar nga Komisioneri Publik, është Besnik Cani, për të cilin ende nuk është caktuar një datë nga Kolegji i Posaçëm i Apelimit, se kur do ta zhvillojë për të seancën publike. /ABC News Albania 24/7

 

KLP-PER-OSMANIN.mpg_snapshot_00.02-1280x720.jpg
ent ela11:21 | 02/08/2019

Pas shkarkimit nga Kolegji i Posaçëm i Apelimit i prokurorit Gentian Osmani, i cili ishte edhe pjesë e Këshillit të Lartë të Prokurorisë, ky institucion ka shpallur vakancën për zëvendësimin e tij. Aktualisht, KLP ka mbetur me 10 anëtarë. Pas shpalljes së vakancës për Osmanin, KLP duhet t’i dërgojë letër Prokurorit të Përgjithshëm të përkohshëm që të rihapë garën dhe më pas të thërrasë Asamblenë e Prokurorëve. Të drejtë për të kandiduar për anëtarë në KLP e kanë vetëm prokurorët e shkallëve të para. Do të jetë asambleja ajo që do të caktojë se kush do të jetë anëtari më i ri i Qeverisë së Prokurorëve. /ABC News Albania 24/7

klp-2.jpg
G. P.12:19 | 01/08/2019

Këshilli i Lartë i Prokurorisë mbeti me 10 anëtarë pas shkarkimit ditën e djeshme të Gentian Osmanit nga Kolegji i Posaçëm i Apelimit. Shkarkimi vjen në një kohë kur KLP duhet të bëjë renditjen përfundimtare të 4 kandidatëve për kryeprokurorë të vendit. Por, për të zëvendësuar anëtarin e shkarkuar dje, KLP-ja duhet të ndjekë një sërë procedurash.

Pas kalimit në procesin e Vettingut të prokurorit Olsian Çela, u duk se ngërçi për zgjedhjen e kryeprokurorit të ri u zgjidh. Por shkarkimi këtë të mërkurë i njërit prej anëtarëve të Këshillit të Lartë të Prokurorisë, Gentian Osmani, duket se po prodhon një ngërç të ri.

Largimi nga drejtësia i ish-prokurorit të çështjes “Tahiri” solli vakancë në KLP, organ i cili tashmë ka mbetur me 10 anëtarë. Kjo vakancë ka çekuilibruar balancat brenda Këshillit të Lartë të Prokurorisë, pasi ka në dorë vendimmarrjen më të rëndësishme të renditjes përfundimtare të 4 kandidatëve për Kryeprokuror të vendit.

Sipas ligjit, për të zëvendësuar Gentian Osmanin Këshilli i lartë i Prokurorisë duhet të zhvillojë një mbledhje ku të shpallë vakancën. Më pas, KLP duhet t’i dërgojë letër Prokurorit të Përgjithshëm të Përkohshëm që të rihapë garën dhe më pas të thërrasë Asamblenë e Prokurorëve.

Të drejtë për të kandiduar për anëtarë në KLP e kanë vetëm prokurorët e Shkallëve të Para, pasi Osmani ishte prokuror në Prokurorinë për Krime të Rënda. Do të jetë asambleja, ajo që do të caktojë se kush do të jetë anëtari më i ri i qeverisë së Prokurorëve.

Më herët, KPA shkarkoi një tjetër anëtare të KLP-së Antoneta Sevdarin dhe asambleja e Prokurorëve vendosi që kandidati i vetëm në garë, Vatë Staka të bëhej pjesë e këtij këshilli.

Një tjetër anëtar i KLP-së, i ankimuar nga Komisioneri Publik, është Besnik Cani, për të cilin ende nuk është caktuar një datë nga Kolegji i Posaçëm i Apelimit, se kur do ta zhvillojë për të seancën publike./ABC News Albania 24/7

klp-2.jpg
Sej rie15:20 | 22/07/2019

Këshilli i Lartë i Prokurorisë ka zhvilluar mbledhjen e radhës duke caktuar drejtues të përkohshëm në disa prokurori, pas vakancës që ka shkaktuar shkarkimi nga vetingu i krerëve të mëparshëm. KLP vendosi që Altin Dumani të vazhdojë të mbajë pozicionin e Drejtuesit në Prokurorinë pranë Gjykatës së Apelit për Krime të Rënda, edhe pse ky i fundit në Shtatorë do të jetë pjesë e SPAK. Këshilli caktoi përkohësisht edhe Isa Jata në pozicionin e prokurorit në Prokurorinë e Apelit për Krime të Rënda.  Me 10 vota pro është miratuar projekt-vendimi për caktim të përkohshëm Julian Cafka si Drejtues në Prokurorinë pranë Gjykatës së Shkallës së Parë Gjirokastër. Rozeta Qirjaqi  në pozicionin e Drejtuesit në  Prokurorinë pranë Gjykatës së Apelit Korçë dhe Irena Çunotit prokurorë pranë kësaj prokurorie.  KLP caktoi Lazër Çardaku, në pozicionin e prokurorit në Prokurorinë e Apelit Shkodër. Ndërkohë është shtyrë shqyrtimi i kërkesave dhe miratimi i projekt-vendimeve për caktim në detyrë të znj. Edlira Bako dhe znj. Pranvera Gruda./ABC News Albania 24/7

klp-2.jpg
G. P.12:50 | 16/07/2019

Këshilli i Lartë i Prokurorisë ka prezantuar 15 kandidaturat për njësinë antikorrupsion e njohur ndryshe si SPAK. Renditja e tyre është bërë sipas pikëzimit që ata kanë marrë gjatë prezantimit të tyre në KLP.

I pari që kryeson listën është Aldin Dumani, menjëherë pas tij Anton Martini dhe Elisabeta Imeraj. Donika Prela, kreu i Prokurorisë së Krimeve të Rënda nuk ia ka dalë të renditet brenda 15 kandidatëve të tjerë për SPAK.

Po kështu jashtë listës janë edhe Besim Hajdarmataj, Vladimir Mara, Dritan Prençi, të tre prokurorë të Krimeve të Rënda, si edhe Enkeleda Xhengo, Maksim Sota dhe Dorina Bejko.

Kryetari i KLP-së, Gent Ibrahimaj tha se SPAK do të ngrihet menjëherë sapo një numër i konsiderueshëm nga kandidatët për Prokurorinë e Posaçme, të kalojnë të dyja shkallët e Vettingut, Komisionin e Pavarur të Kualifikimit, dhe atë të Apelimit.

I vetmi prokuror në listën e të përzgjedhurve që ka kaluar të dyja hallkat e Vettingut, është prokurori Arben Kraja./abcnews.al

klp-2.jpg
ent ela16:30 | 12/07/2019

Përfundon intervistimi i 22 kandidatët për SAPK nga Këshilli i Lartë i Prokurorisë. Sot u pyetën 4 prokurorët e fundit Ndini Tavani, Maksim Sota, Vladimir Mara dhe Dritan Prençi. Në  mesin e javës së ardhsahme do të bëhet dhe pikëzimi i tyre. SPAK peng i 3 hallkave të vetingut, pasi 12 nga 22 kandidatë nuk janë rivlerësuar.

Këshilli i Lartë i Prokurorisë ka përfunduar seancën maratonë të intervistimit të 22 kandidatëve për Prokurorinë e Posaçme Antikorrupsion.  SPAK do të përbëhet nga 15 prokurorët më të mirë të cilët kanë hetuar edhe dosjet që kanë bërë më shumë bujë në publik. Prokuroria e Posaçme antikorrupsion tashmë ka mbetur peng i 3  hallkave të vettingut pasi më shumë se gjysma e kandidatëve nuk janë rivlersuar. Të fundit që u përballën me provimin e KLP-së ishin Ndini Tavani prokurori që ka hetuar dosjen për vrasjen e Artan Santos, Maksim Sota që ka hetaur dhjetra dosje në Prokurorinë e Vlorës, si vjedha e njërës nga Bankat e Nivelit të dytë në këtë qytet, Vladimir Mara dhe  Dritan Prençi prokuror të dy dosjeve më të forta për momentin, atë të Ish-ministrit të brendshëm Sajmir Tahitri dhe dosjes 339 me aktualisht 74 të pandehur.

Prokurori Prençi ka pranuar para Këshillit të Lartë të Prokurorisë se është kërcënuar për shaka të detyrës, por që atë çështje vazhdon ta ketë në proces gjykimi. Këshilli i Lartë i Prokurorisë nga mesi i javës së ardhshme pritet që të bëjë edhe pikëzimin për 22 kandidatët për SPAK. Fokusi i KLP ka qënë për të tesuar edhe nga ana psikologjike prokurorët nëse janë ata të duhurit për të hetuar korrupsionin e zyrtarëve të lartë dhe krimin e organizuar. Gjatë testit të kandidatëve, ata janë  pyetur nëse kanë pasur ndonjëherë presion nga shefi që ka ndikuar në punën e tyre, duke nënkuptuar se në SPAK nuk do të gjenden në situate të tilla. Struktura e Posaçme Antikorrupsion mund të ngrihet edhe me 10 anëtarë nga 15 që është përcaktuar nga KLP. /ABC news Albania 24/7

klp-1280x720.jpg
nev ila21:35 | 10/07/2019

Pas këtyre dyerve po zhvillohet procesi me i rëndësishëm për përzgjedhjen e më të mirëve për në SPAK thënë ndryshe të prokurorisë së re që do hetojë krimin e organizuar dhe korrupsionin e zyrtareve të lartë. Në një proces që ka nisur që prej të hënës të gjitha ata që mendojnë se janë njerëzit e duhur për të hetuar korrupsionin janë ulur përballë Këshillit të Lartë të Prokurorisë.

Kandidatët kanë dhënë shpjegime jo vetëm karrierën, por edhe si do të hetojnë atë që pret i gjithë publiku. Këtë të mërkurë përpara anëtarëve të Këshillit të Lartë të Prokurorisë kanë qëndruar Edvin Kondili,  Elida Kaçkini, Dorina Bejko Behar Dibra, dhe kryeprokurorja e Prokurorisë së Tiranës, Elisabeta Imeraj.

Kjo e fundit është pyetur për çështjen e ish-drejtorit të burgjeve, Artur Zoto, i cili ka marrë pafajësinë në Apel. Lidhur me të, Imeraj është shprehur se ka respektuar ligjin dhe do të vepronte po njëlloj edhe tani.

E pyetur se çfarë do bënte më shumë në SPAK, prokurorja Imeraj ka deklaruar se rezultatet do të jenë më të mira, pasi do kenë edhe Byronë e Hetimit dhe kushte më të mira për të luftuar korrupsionin.

Pyetjet me të cilat janë përballur kandidatët e SPAK lidhen me anën profesionale, shkollimin, mënyrën si janë hetuar emra të njohur të botës së krimit etj. Ky proces pritet që të mbarojë të premten, ndërsa hapi i radhës për KLP-në është renditja ose pikëzimi i kandidatëve.

Por që SPAK të ngrihet, duhet pritur përfundimi i procesit të vettingut. Prokurorët Arben Kraja dhe Dritan Prenci janë të vetmit, që e kanë kaluar zyrtarisht vettingun, pa u përballur me një ankimim./ABC News Albania 24/7

KLP-INTERVISTA-MBULIM.mpg_snapshot_00.00-1280x720.jpg
ent ela13:50 | 08/07/2019

Këshilli i Lartë i Prokurorisë zhvilloi sot intervistat e para me 4 nga 22 kandidatët për Prokurorinë e Posaçme Antikorrupsion, apo siç njihet SPAK. Intervistimi i të gjithë kandidatëve parashikohet të zgjasë për 5 ditë.

Katër kandidatët e parë për anëtarë të SPAK u përballën sot me pyetjet nga Këshilli i Lartë i Prokurorisë OPDAT dhe OSBE.  Intervistat, që do vijojnë deri të premten, nuk do të jenë publike pasi kandidatët janë pyetur edhe për çështje e dosje konkrete. 12 nga 22 kandidatët nuk kanë dalë ende para organeve të vetingut.

Këshilli i Lartë i Prokurorisë nisi intervistat me 22 kandidatet për prokurorinë e Posaçme AntiKorrupsion, ose SPAK. Intervistimi i të gjithë kandidateve parashikohet të zgjasë për 5 ditë. Përballë anëtarëve të KLP, si dhe përfaqësuesve të OPDAT dhe OSCE dolën të parët 4 kandidatët Altin Dumani, Drejtues i komandur në Prokurorinë e Apleit për Krime të Rënda, Anita Jella, Prokurore në Prokurorinë e Durrësit, Anton Martini Prokuror në Prokurorinë për Krime të Rënda dhe Arben Kraja prokuror në Prokurorinë e Përgjithshme.

Pas përfundimit të intervistave kreu i KLP Gent Ibrahimi sqaroi për mediat se përse marrja e kandidatëve në pyetje po bëhet tërësisht larg medias.

Nga 22 kandidatë në garë procesin e vettingut e kanë kaluar vetëm 10 prej tyre. Kreu i Këshillit të Lartë të Prokurorisë sqaron se përse intervistat kanë nisur para se të përfundojë procesi në të gjitha shkallët e vetingut.

Për të qënë pjesë e Strukturës se Posaçme Antikorrupsion kandidati duhet të ketë kaluar më përpara me sukses në sitën e vettingut.

Deri më tani të konfirmuar nga Komisioni i Pavarur i Kualifikimit dhe që nuk janë ankimuar nga Komisioneri publik janë prokurorët Arben Kraja dhe Dritan Prençi. Ndërsa Prokurorët kandidatë për SPAK Besnik Muçi dhe Donika Prela kanë kaluar vetingiun në shkallën e parë, por për ta komisioni publik ka paraqitur ankimim në Komisionin e Posaçëm të Apelimit.

Pesë kandidatë të tjerë për SPAK, Edvin Kondili, Eneid Nakuçi, Vladimir Mara, Behar Dibra, Enkelejda Millonai dhe Manjola Kajana kanë kaluar në shkallën e parë të Vetingut, por nuk dihet ende nëse për ta do të ketë ankimim  nga komisioneri publik. Nga ana tjetër, 12  kandidatët e tjerë, nga 22 në total që garojnë për SPAK nuk i janë nënshtruar ende procesit të vetingut. SPAK do të përbëhet nga 15 prokurorë. Por  sipas rregullores së miratuar nga Këshilli i Lartë i Prokurorisë, Stuktura e Posaçme Antikorrupsion mund të funksionojë fillimisht edhe me 10 prokurorë, dhe më pas plotësohen vendet bosh. Por deri në këtë çast, të konfirmuar nga komisionet e dy shkallëve të vetingut janë vetëm dy prokurorë kandidatë për SPAK.

Kjo e bën të mundur fillimin e funksionimit të këtij institucioni, menjëherë pas ngritjes së tij, edhe nëse ka humbje ndër kandidatët që nuk kanë kaluar  ende sitën e vetingut./ABC News Albania24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono