Klotilda Ferhati

mirela.jpg
in a19:16 | 07/11/2019

Deputetja e PS-së, Klotilda Ferhati e ftuar në “Mbrëmje në ABC” me Mirela Milorin ka komentuar ngërçin në të cilën gjendet Gjykata Kushtetuese. Ligjet e Reformës në Drejtësi janë hartuar pikërisht për të evituar situatat që krijojnë ngërçe: shprehet deputetja e PS.

“Ne kemi dhe një vendimarrje të mëparshme të Gjykatës Kushtetuese, e cila e ka analizuar faktin se fryma e ligjeve të reformës në drejtësi është zhbllokuese”, deklaroi Ferhati. Sipas saj sot jemi në një situatë kur koherenca është ndryshe nga kur është miratuar ligji.

“Shumica e kandidaturave duhet të plotësohen tani dhe nëse Presidenti apo Kuvendi nuk vendosin të emërojnë një nga tre kandidatët e listuar nga Këshilli i Emërimeve në Drejtësi brenda një afati prekluziv prej 30 ditë, kandidati i parë në listë emërohet gjyqtar i Gjykatës Kushtetuese”, shprehet Ferhati.

Në lidhje me punën e Komisionit Hetimor, u shpreh se: Komisioni është duke përmbyllur detyrën e tij që ka afat deri në 8 Dhjetor, dhe në ndërkohë Presidenti në veprimtarinē e tij ka detyrë të respektojë Kushtetutën dhe ligjin.

E pyetur për Reformën Zgjedhore nga pikëpamja teknike, deputetja e PS-së është shprehur se janë realizuar disa mbledhje për të punuar ngushtësisht me ekspertët e Komisionit.

Çështje shumë e rëndësishme është administrimi zgjedhor, ku po punohet që pjesë e saj të jenë individë jo-politikë, tha Ferhati. Deputetja e PS-së e sheh idenë e zgjedhjeve të parakohshme të parealizueshme, “Nuk kemi asnjë arsye për të menduar zgjedhje të parakohshme”, ka thënë Ferhati. /abcnews.al

LAJME-19-00.mpg_snapshot_10.37-1280x720.jpg
ent ela20:30 | 03/07/2019

Teksa në studion e Mirela Milorit deputetja socialiste Klotilda Ferhati diskutonte për dialogun mes opozitës dhe mazhorancës për reformën zgjedhore, ka qenë kryetari demokrat Lulzim Basha që në një transmetim të drejtpërdrejtë njoftoi mbajtjen e një proteste kombëtare të hënën e 8 korrikut, pas takimit që ky i fundit pati me kryetarët e degëve.

Dhe në këtë kontekst deputetja socialiste u shpreh se vendi nuk mund të ngelet peng i protestave të opozitës, që janë me militantë të PD dhe LSI. Sipas saj opozita nuk mund të marrë pushtetin me protesta, por vetëm nëpërmjet votës.

“Forumi i PS është besimi nëpërmjet votës dhe nuk e shoh forcën time te dobësimi i kundërshtarit. Këta shkatërruan ëndrrat e elektoritit të vet, por përkeqësoi ekonominë e vendit dhe të shqiptarëve. Nuk mund të ngelet vendi peng i protestave të opozitës se ato kanë militanëtë të PD dhe LSI.

Nuk mundet me protesta partitë e opozitës që kanë bojkotuar dialogun parlamentar e partiak të kërkojnë pushtet jo nëpërmjet votës, po nëpërmjet mjeteve jo demokratike. Nëse kërkojmë dialog dhe përgjigja është protestë a mund të bëhet dialog?

61 bashkitë nuk i morëm na i besuan shqiptarët se respektuam demokracinë, sistemin zgjedhor dhe në fund të ditës arritëm në një situatë atipike, tensione, protesta, molotov, dhunë dhe prapë triumfoi demokracia. PS ndikoi që procesi i zgjedhjeve të 30 qershorit të kryhej sipas parimeve të demokracisë se nëse dikush tenton të marrë pushtetin, duhet ta marrë në kutinë e votimit”.

Zërat për manipulim të pjesëmarrjes në votime, Ferhati i quan të gënjeshtërt për të zbehur 30 qershorin, q ëu votua duke rrëzuar  alibinë e opozitës për përplasje.

“Këta janë zëra për të zbehur atë që në 30 qershor u votua dhe ranë poshtë të gjitha alibitë e opozitës për përplasje. Janë të gjitha fiktive, të stisura qët ë pengohej një proces demokratik si 30 qershori”. /abcnews.al

 

LAJME-19-00.mpg_snapshot_09.30-1280x720.jpg
ent ela20:10 | 03/07/2019

Deputetja socialiste Klotilda Ferhati ka komentuar gjithashtu në studion e  Mbrëmje në ABC News edhe deklaratat më të fundit të Presidentit Ilir Meta. Në këndvështrimin e saj, Kreu i Shtetit e ka kthyer institucionin e Presidencës në qesharak, duke tejkaluar rolin e tij dhe duke cënuar sovranitetin e popullit.

“Për herë të parë institucioni i Presidentit është kthyer në qesharak dhe nuk shoh asnjë mënyrë riparimi të kësaj situate. Presidenti e ka tejkaluar rolin e tij dhe nuk e ka një të drejtë të parashikuar në Kodin Zgjedhor po ka cënuar sovranitetin popullit. Ne kemi diskutuar për çështje të shkeljes kushtetuese, por kanë cënuar, jo vetëm sovranitetin, por edhe të ndërhynë në të drejtën e zgjedhjeve dhe janë situata shumë të rënda”.

Për Ferhatin Presidenti e ka thyer parimin e unitetit kombëtar dhe parimet kushtetuese.

“Për reagimet e fundit e ka kthyer në qesharak institucionin. Nuk ndihem mirë që dëgjoj Presidentin e vendin tim, ka shkelje me anulimin e zgjedhjeeve, parimeve kushteuese dhe thyerje të parimit të unitetit të kombit, në momentin kur qëndron në njërën anë dhe nuk qëndron mbi palët. Ndihem e keqardhur dhe më vjen keq”.

E pyetur sesi do të reagojë mazhoranca në 12 gusht nëse kryebashkiakët e djathtë nuk lirojnë bashkitë, ajo përgjigjet:

“Paligjshmëritë që kanë kryer opozita e rrugës nuk ka çuar kurrkund. Kryetarët e bashkive me vendim gjykate vërtetohen që janë kryetarë bashkish të dalë nga zgjedhjet. Dhe në këtë moment veprojnë mekanizmat e ekzekutimit të vendimeve të formës së prerë. Është vepër penale kundërshtia.

Shpresoj shumë reflektim të opozitës dhe Presidentit. Të ndalohen këto sjellje që bien ndesh me parimet e demokracisë. Dialogu është vetmja zgjidhje dhe dialogu për reformën zgjedhore”. /abcnews.al

ferhati-1280x579.jpg
ent ela19:57 | 03/07/2019

“Mundësia për dialog është gjithmonë, po nuk mund të jetë pafundësisht”. Është kjo përgjigjia që dha deputetja e Partisë Socialiste Klotilda Ferhati në studion e Mbrëmje ABC News të Mirela Milorit, e pyetur nëse do të ketë dialog pa kushte me opozitën sa i takon reformës zgjedhore.

“Ne kemi qenë gjithnjë të hapur për dialog, kemi bërë gjithnjë ftesë për dialog ndaj opozitës që është në rrugë”.

Sipas Ferhatit opozita e la popullin në mes të rrugës duke djegur mandatet, por është pjesë e mundësive për dialog sa i takon reformës zgjedhore.

“Kemi një opozitë legjitime në parlament dhe një opozitë që e la popullin në mes të rrugës duke djegur mandatet, por është pjesë e mundësive për dialog sa i takon  reformës zgjedhore dhe ka të njëjta mundësi dhe të drejta me anëtarë e komisionit. Në të njëjtën situatë janë edhe partitë opozitare.

Ne nuk tërhiqemi nga ftesa për dialog, mungesa e dialogut ka ardhur për efekt të opozitës së rrugës, mazhoranca dhe Kryeministri disa  herë ka kërkuar dialog me opozitën e rrugës, kjo ka ardhur për shkak të bojkotit të opozitës. Mundësia për dialog është gjithmonë, po nuk mund të jetë pafundësisht”.

E pyetur nëse mazhoranca mund ta bëjë këtë reformë me opozitën në Parlament Ferhati tha se, që në nisje të saj Kryeminsitri ka kërkuar përfshirjen e të gjithë aktorëve politikë, ndërsa apeloi që gjithkush që ka interes për të, të reflektojë me pjesëmarrjen

“Edhe pa ndodhur djegia e mandateve kur është ngritur komisioni i reformës, ne kemi parashikuar që pjesë e dialogut nuk do jetë mes aktorëve politikë, parlamentarë, pikërisht për t’iu përgjigjur interesit publik. Reforma zgjedhore një qëllimi kanë, është që zgjedhësve t’u kthehet besimi te sistemi zgjedhor. Qyetarët të ndihen që garanton të drejtën e votës.

Kryeminsitri ka qenë i pari për të përfshirë të gjithë aktorët politikë, nëse sa i takon faktit do ketë kohë apo jo, gjithkush që ka interes për reformën zgjedhore të fillojë të reflektojë me pjesëmarrjen”. /abcnews.al

klotilda-1280x718.jpg
ad min15:59 | 01/07/2019

Deputetja e PS-së Klotilda Ferhati për mikrofonin e ABC News nga një qendër votimi në Njësinë Nr.3 në Tiranë tha se zgjedhjet e një ditë më parë janë mbajtur brenda të gjitha standardeve. Ajo ka komentuar edhe rastin e bëri publik ku rezulton se në disa bashki, kandidatë kanë marrë më shumë vota sesa numri i pjesëmarrësve që morën pjesë në votime./abcnews.al

klotilda-ferhati-abc.jpg
ad min17:58 | 24/04/2019

Kuvendi ndryshoi formulën për Komisionin e Reformës Zgjedhore. Mazhoranca dhe opozita e re kanë vendosur që ky komision të bëhet me 10 anëtarë, 5 nga mazhoranca 4 nga grupimet opozitare në parlament dhe një nga Partia Demokratike, e cila e ka refuzuar.

E ftuar në emisionin “Mbrëmje ABC” nga Mirela Milori, deputetja e Partisë Socialiste, Klotilda Ferhati, sqaroi se punës së komisionit i është shtuar edhe një objektiv tjetër. Bëhet fjalë për çështjen e ndryshimit të sistemit zgjedhor.

“Komisioni Reformës zgjedhore nuk e ka përmbushur dot misionin e tij nga momenti që u krijua e deri më sot për shkak të bojkoti të ish-deputetëve të opozitës dhe për këto arsye ndryshimi thelbësor ka të bëjë me shtyrjen e afatit nëq mënyrë që objektivat që kishte ky komision të përmbushen sepse tashmë është e pamundur për kaq kohë sa ka ngelur të mbyllej puna e këtij komisioni. Është shtuar afati deri në Nëntor të 2019-s dhe është shtuar në objektin e punës së komisionit përveç ndryshimeve në Kodin Zgjedhor sa i takon adresimit të gjithë rekomandimeve të OSBE/ODHIR në zgjedhjet e mëparshme, në përputhje me të gjitha standardet më të mira dhe shtohet çështja e ndryshimit apo jo të sistemit zgjedhor që ne kemi në vend dhe ka të bëjë me hapjen e një debati duke u dhënë një mundësi të gjithë aktorëve politikë në parlament edhe jashtë për të diskutuar nëse është e udhës që i shërben interesit publik të vendit që të ndryshojë sistemi. Pra kjo i shtohet në objekt edhe punës së komisionit”, tha Ferhati.

Megjithatë edhe nëse ndryshimet në Kodin Zgjedhor arrihen që tani me punën e komisionit, ato do të jenë të aplikueshme vetëm në zgjedhjet e ardhshme kombëtare.

“Mendohet që nëse arrihen ndryshimet në Kodin Zgjedhor nuk do të jenë të aplikueshme përveçse në më të hershmen e vet në zgjedhjet kombëtare të 2021-shit. Kështu që çfarë do që të arrihet do jetë e aplikueshme në 2021-shin. PS është e hapur të diskutojë çdo lloj çështje që i shqetëson faktorët politik, por i shërben edhe interesit publik”, tha deputetja./abcnews.al

MIRELA-ME-TE-FTUAREN-ORA-18.mpg_snapshot_04.25-1280x720.jpg
ent ela19:26 | 12/03/2019

Konflikti i banorëve të gjimnazi Petro Nini dhe protesta e 16 marsit e opozitës u diskutuan në studion e Mirela Milorit me deputeten socialiste Klotilda Ferhati.

Në pamundësi të gjykimit të vendimit të Gjykatës, sa i takon konfliktit të banorëve për shembjen e banesës te Petro Nini, Ferhati thekson se ajo që u servir në media e rëndoi situatën, pasi u thanë lajme të pavërteta.

“Strukturat duhet të marrin masa. Ne nuk e gjykojmë dot nëse një vendim është i drejtë apo i gabuar, por ajo që u servir në media e rëndoi situatën, se u thyanë lajme të pavërteta. E vërtetaq ishte që situata ishte për zbatim të detyrimeve ligjore se Përmbarimi kërkon ndërhyrjen e policisë kur ekzekuton vendime të tilla. Mënyra si u servirën ishte e gabuar dhe thellonte më shumë dhimbjen. Edhe sensibilizimi ka patur ndikimi, por sensibilizimi duhet të bëhet në raport me të vërtetën, por nuk jam dakord me lajmet e pavërteta dhe të paverifikuara”.

Sa i takon situatës aktuale politke në vend, Ferhati thekson se e ka cënuar dhe të ardhmen e vendit, pasi ka ndikur në ekonominë dhe interesat e qytetarëve të thjeshtë.

“Politika që ka ndjekur opozita duke filluar nga bojkoti dhe protesta e djegia  e mandateve që solli protesta të dhunshme janë elementëtë që e kanë cënuar demokracinë dhe të ardhmen në vend kanë ndikuar dhe në çështjet ekonomike dhe interesat e qytetarëve të thjeshtë. Ndikon te turizmi dhe operatorët turistikë, sjell më pak të ardhura dhe te familjet shqiptare që kanë turzimin bazë të ardhurash”.

Deputetja socialiste theksoi gjithashtu se mazhoranca nuk pranon asnjë diskutim me opozitën për të marrë pushtetin në tavolinë.

“Dialogu është një nga instrumentat më të shëndetshëm, por në rastin konkret ne nuk pranojmë të bëjmë asnjë diskutim me opozitën që ka braktisur demokracinë dhe del nga mekanizmat ligjorë e kushtetues që ka ky vend. Dialogu po, por ne nuk pranojmë kurrë asnjë diskutim me opozitën që u jep atyre pushtet në tavolinë dhe cënon parimet kushtetuese”.  /abcnews.al

MIRELA-ME-TE-FTUAREN-ORA-18.mpg_snapshot_08.43-1280x720.jpg
ent ela19:00 | 12/03/2019

Deputetja socialiste njoftoi se nesër do të miratohet ligi për nxitjen e punësimit. E ftuar në studon e ABC News Ferhati theksoi se nga ky ligj përfitojnë grupe në nevojë dhe persona me aftësi të ndryshme.

“Nesër miratojmë ligjin për nxitjen e punësimit, ku për herë të parë krijojmë mekanizmat e duhur ligjore që gërshetohen politikat  e ndihmës ekonomike me punësimin. Marrim në konsideratë grupet në nevojë si nënat kryefamiljare, persona me aftësi të ndryshme, invalidëve dhe grupeve të shoqërisë, ata të ndihmës ekonomike dhe ata që nuk kanë gjetur mundësi në tregun e punës dhe do i përshtaten nevojave dhe ndjeshmërive të secilës kategori.

Jam e kënaqur që kemi arritur këtu, sepse pas miratimit të ligjit për strehimin social dhe atij për ndihmën juridike falas edhe ky ligj është pjesë e paketës së solidaritetit”.

Por ajo që theksoi Ferhati është krijimi i një  fondi social, i cili detyron punëdhënësin me 25 punonjës të punësojë patjetër një person me aftësi ndryshe, dhe në rast të mosrealizimit të këtij detyrimi ligjor, ka detyrim të derdhë një pagë minimale mujore ne fondin social, i cili do shërbejë për politika punësimi për këtë kategori.

“Fondi i punësimit ka një buxhet të rritur, do krijohet një fond social se parashikohet që ndërmarrjet me 25 punonjës do të duhet patjetër të punësojnë një person me aftësi ndryshe, ose persona që nuk shikojnë ose invalidë të pjesshëm për punë dhe nëse nuk do mundet të realizohet ky detyrim ligjor, do ketë një detyrim për punëdhënësin që të derdhë masën e një page minimale mujore  në fondin social dhe ky fond do përdoret nga shteti për të nxitur politika të reja punësimi për kategori të veçanta. Ky ligj kërkon shumicë të thjeshtë”.

Ky ligj pasi të jetë dekretuar nga Presidenti do të hyjë në fuqi 15 ditë pas botimit në fletoren zyrtare.

Në seancën e nesërme parlamentare do të jetë i pranishëm edhe kryeministri i Maqedonisë së Veriut, Zoran Zaev. /abcnews.al

klotildas-1280x731.jpg
ent ela19:14 | 16/02/2019

Deputetja e PS-së Klotilda Ferhati ka folur për protestën e opozitës, e cila u mbajt para Kryeministrisë. Socialistja u shpreh se nëse qytetarët do të flisnin për shqetësimet, normalisht që qeveria do t’i analizonte kërkesat e tyre. Deputetja gjithashtu theksoi se liderët e opozitës bënë sehir.

“Nëse do kishte qytetarë që do flisnin normalisht që do të gjykoheshin dhe do analizoheshin nga ana jonë. Nuk kishte grupe interesi që të flisnin për shqetësimet. Ne pamë vetëm liderët që flisnin dy- tre herë. Ata bënin një hap para dhe një pas që tentonin të hynin në ndërtesën e Kryeministrisë”.

Më tej ajo tha se ndihej e keqardhur për protestën që organizoi opozita pasi sipas saj kishte edhe akte dhune.

“Unë jam e keqardhur për protestën e sotme të opozitë e cila që në fillim ndodhi me akte të dhunshme ndaj pronës publike. U bënë dy muaj punë për një protestë që opozita pretendonte se do rrëzonte qeverinë apo Kryeministrin Rama. Unë jam e bindur që qëllimi i vërtetë është se ata duan të fitojnë pushte në tavolinë. Ata erdhën sot në Tiranë me një trumë njerëzish dhe nuk pati asnjë diskutim për t’i orientuar se kush ishte qëndrimi i opozitës. Nuk u tregua se për çfarë kishin ardhur qytetarë atje. E vetja gjë që fituan ishte rrëzimi i “Kërpudhës” i një vepër arti. E keqardhur për dhunë dhe liderët e opozitës bënë sehir ndërsa aktet e dhunës ndodhnin”./abcnews.al

byroja.jpg
ad min11:17 | 26/05/2018

Në pritje të protestës ishte tema që u diskutua këtë të premte në “Byro Politike” nga Juli Xhokaxhi.

Të ftuar në studio ishin: Dhurata Çupi, deputete e PD; Klotilda Ferhati, deputete e PS; Alfred Lela, analist dhe Alfred Peza, gazetar.

Mes të ftuarve u diskutua rreth arsyeve që njerëzit pritet të dalin në shesh për të protestuar. Sipas deputetes Çupi, kjo do të jetë një nga protestat më të mëdha në Shqipëri.

Ndërkohë sipas deputetes tjetër, Klotilda Ferhati, protesta është e pakuptimtë sepse opozita duhet të jetë në parlament për të punuar me ligjet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono