Klosi

klosi-1280x718.jpg
G. P.18:44 | 18/02/2019

120 fidane i janë shtuar landfillit të rehabilituar në Shkodër. Grupit të vullnetarëve iu bashkua dhe ministri i Mjedisit dhe Turizmit Blendi Klosi, i cili tha se po planifikohet nisja e punës për të rehabilituar dhe pesë venddepozitime të tjera  ilegale të mbetjeve urbane. Ndërkohë, ministri i Mjedisit dhe Turizmit deklaroi se prej kohësh i ka kërkuar pushtetit lokal në të gjithë vendin  të marrë përgjegjësi për menaxhimin e mbetjeve urbane por në shumë qytete ky problem ende nuk është zgjidhur. “Nëse kryebashkiakët nuk do të veprojnë,- tha Klosi, –  Ministria do të kërkojë penalizimin e tyre”./abcnews.al

KLOSI-MBULIM.mpg_snapshot_00.01-1280x720.jpg
ent ela14:36 | 14/02/2019

Një Shën Valentin ndryshe, që bën thirrje jo vetëm për ta dashur më shumë njëri-tjetrin, por në veçanti për të dashur dhe mbrojtur natyrën dhe mjedisin ku jetojmë! Ky ishte mesazhi fushatës “Krijo oksigjenin tënd”, e cila këtë 14 shkurt u ndal në Tirane, ku i pranishëm ishte ministri i Mjedisit dhe Turizmit Blendi Klosi.

“Ne arritëm që mëngjesin t’ja falim natyrës, erdhëm dhe i dhuruam natyrës dashuri, shpresojmë shumë që kjo dashuri të shkojë për të gjithë ato njerëz, që ne duam”, u shpreh ministri  Klosi.

Të pranishëm në aktivitetin e mbjelljes së mimozave, bredhave dhe pemëve të blirit ishin edhe dy deputetet socialiste Blerina Gjylameti dhe Evis Kushi. /abcnews.al

 

 

 

51835830_2225003814453917_8383125023275089920_o-1280x960.jpg
ent ela17:59 | 13/02/2019

Mes 40 shteteve pjesëmarrëse nga gjithë bota në Panairin Ndërkombëtar Mesdhetar të Turizmit në Tel-Aviv, merr pjesë edhe Shqipëria. I pranishëm në këtë aktivitet ishte dhe ministri i Turizmit dhe Mjedisit Blendi Klosi i cili tha se shumë shpjet shoqëria IsraAir do të zgjerojë shtrirjen e fluturimeve direkte drejt Shqipërisë.

Sipas Klosit parashikohen 3-4 udhëtime në javë për periudhën Prill-Tetor. Ndërkohë ministri tha se vitin e shkuar rreth 15 mijë turistë izraelitë vizituan Shqipërinë./abcnews.al

 

KRONIKE-BALLUKU-KLOSI-LABINOT-ABC-M-4-T-2-HD.mpg_snapshot_00.23-1280x720.jpg
ent ela22:30 | 07/02/2019

Stacioni i radhës për aksionin qeveritar të kontrollit të ligjshmërisë së zbatimit të kontratave të HEC-eve, ishte fshati Labinot Mal në Elbasan. Dëgjesa publike ku ishin të pranishëm dy ministra, kishte në thelb burimin e fshatit, dhënë një kompanie për HEC.

Janë banorë të fshatit Labinot Mal në qarkun Elbasan, burimi i fshatit të të cilëve i është dhënë një kompanie për ndërtimin e një HEC-i. Shqetësimi u shpreh gjatë bashkëbisedimit me Ministren e Infrastrukturës e Energjisë, Belinda Balluku dhe Ministrin e Mjedisit, Blendi Klosi, të mbërritur në fshat për llogari të aksionit të kontrollit të ligjshmërisë së zbatimit të kontratave të HEC-eve në vend.

 “Duhen respektuar kontratat të cilat janë lidhur për krijimin apo zhvillimin e këtyre HEC-eve. Sepse shpesh ndodh, që duke vënë HEC-et në punë kanë ngelur fshatrat pa ujë, pa ujë vaditje, pa ujë të pijshëm. Ne nuk do të prishim kurrë në mënyrë arbitrare kontratat, por nga ana tjetër jemi të predispozuar plotësisht për të mbrojtur të drejtat e banorëve kudo që ato ndodhen dhe për të ruajtur pjesën mjedisore e cila vitet e fundit ka marrë një rëndësi të veçantë edhe për vetë ju”.

Ministri i Mjedisit, Klosi,  tha se dikasteri që drejton ka ngritur një grup pune për analizimin e gjithë problematikës së shfrytëzimit të burimeve ujore në vend.

“Ne duam të kuptojmë nga biseda me ju, nëse vendimmarrja që është marrë deri tashmë përsa i përket HEC-it a është e drejtë apo e gabuar, ne duam të kuptojmë sesa vlera ka që ne të gjejmë raportin e drejtë ku mund të zhvillojmë industrinë dhe për të prodhuar energji të gjelbër ku kemi mundësi të mbrojmë mjedisin, natyrën dhe të dëgjojmë komunitetin”./abcnews.al

klosi-ne-kruje-1280x692.jpg
ent ela16:46 | 05/02/2019

Problematikat e trashëguara nga venddepozitimi i mbetjeve urbane dhe guroret në Krujë po shkojne drejt zgjidhjes. Ministria e Turizimit dhe Mjedisit ka nisur nje fushate per rehabilitimin e ketyre territoreve.

Fushata krijo oksigjenin tënd e ndërmarrë nga Ministria e Turizimit dhe Mjedisit, e cila ka për qëllim rigjenerimin e zonave të dëmtuara, u ndal në Krujë. Ministri  Blendi Klosi ishte I pranishëm në një zonë që shërbente si vendgrumbullimi mbetjesh, e ndërsa sot ajo është rehabilituar duke u kthyer në lulishte dhe vend clodhës.

Blendi Klosi, Ministër i Turizmit dhe Mjedisit: “Do të kërkojmë një rehabilitim të plotë të të gjitha venddepozitime të mbetjeve urbane, janë plot 198 të evidentuara si ky që po rehabilitojmë sot në Krujë për ta shndërruar nga një venddepozitim mbetjesh urbane në një park për qytetin. Ky është aksioni i parë dhe do të vazhdojmë në 61 bashkitë për të përcaktuar ku do të jenë vendet legale për bashkitë në bazë edhe të kritereve minimale për vendepozitimin, do të ndërtojnë landfillet e tyre të vegjël për të shkuar pastaj në zgjidhjet rajonale”.

Gjatë vizitës së tij në Krujë, ministri Klosi nuk la jashtë vemendjes edhe çështjen aq të debatuar, siç është ajo e guroreve

Blendi Klosi, Ministër i Turizmit dhe Mjedisit: Së bashku me 3 ministri të tjera ne kemi ndërmarrë rehabilitimin përfundimtar dhe zhvendosjen e gjithë guroreve nga mali i Krujës, për të kaluar në një zonë tjetër dhe shpresojmë që brenda këtij muaji ne të përfundojmë të gjitha detajet për të filluar me fillimin e muajit mars, zhvendosjen e guroreve historike nga mali i Krujës, drejt një zone e cila është përcaktuar tashmë, por po negociohen detajet e fundit”.  

Ministria e Turizmit dhe Mjedisit synon që shumë shpejt zona e malit të Krujës të kthehet nga një gërmadhë urbane, në një atraksion të mirëfilltë turistik./abcnews.al

51161388_2215954062025559_7555733546892001280_o-1280x720.jpg
ent ela14:33 | 29/01/2019

Ministria e Turizmit dhe Mjedisit në kuadër të zbatimit të fushatës Krijo Oksigjenin Tënd, shpërndau libra edukative për mjedisin në shkollën “Ardian Klosi”. Ministri Blendi Klosi theksoi se këto libra do të t’jua shtojnë nxënësve dashurinë për mjedisin.

Edukimi i brezave është mënyra më e mirë për të kultivuar dashurinë për natyrën dhe kujdesin që të gjithë bashkë duhet të tregojmë për ta mbrojtur atë. Gjatë një aktiviteti në shkollën 9-vjeçare “Ardian Klosi”, ministria e Turizmit dhe Mjedisit shpërndau libra për edukimin e nxënësve për mjedisin. Ministri Blendi Klosi theksoi se ky libër i përgatitur nga ekspertët do t’ju shtojë dashurinë për natyrën fëmijëve.

Blendi Klosi: Ky libër i bukur i bërë me kaq shumë dashuri nga ekspertët e Mjedisit është bërë aq i mirë sa për çdo njërin nga ju që dini tashmë të lexoni kur ta merrni në dorë do kuptoni që është një liber, që ju shton dashurinë për natyrën, ju shton dashurinë për pemët, i mëson nxënësit e të gjitha niveleve se për të pasur më shumë dashuri për natyrën. Në datën 1 mars ne kemi ditën e pemëve ku do t’u kërkojmë gjithë fëmijëve në gjithë Shqipërinë që të mbjellin një pemë që ta kenë gjatë gjithë jetës së tyre ta dinë se ku e kanë mbjellë, ta rrisin atë dhe ta kenë atë si një simbol që ne e duam natyrën, e duam Shqipërinë qëtë jetë e bukur dhe e pastër. Prandaj unë do të doja shumë që këto pemë që do të mbjellim ne sot dhe pemët që do mbjellim me 1 mars, çdo famile ose çdonjëri nga ju të mbjellë qoftë edhe një pemë të vogël, të kujdest për të dhe kur të bëheni shumë të mëdhenj , të dini se ku është mbjellë pema juaj para shumë vitesh. 

Ministria e Turizmit dhe Mjedisit e ekspertët mjedisorë vlerësojnë se edukimi mjedisor duhet të jetë pjesë integrale e kurrikulave të shkollave, që në klasat e para në të gjithë vendin./abcnews.al

51263748_2214297468857885_3351568933340577792_o-1280x720.jpg
ent ela15:25 | 26/01/2019

Është hapur një qendër e re për turistët në Parkun Kombëtar të Llogarasë! Për ministrin e Turizmit dhe mjedisit Blendi Klosi qëllimi i këtij investimi është zhvillimi i turizmit në këtë zonë në 365 ditë të vitit.

I ka ardhur dita që shiritat për turizmin të priten edhe në dimër.

Qëllimin se pse ka shkuar në parkun kombëtar të Llogarasë së bashkua me ambasadorin e delegacionit evropian në Tiranë, e zbulon ministri i turizmit dhe mjedisit Blendi Klosi.

Klosi: “E bëmë jo pa qëllim inaugurimin e kësaqj qendre, në dimër, pasi do donim të falenderonim punën e palodhur të ambjentalistëve të kësaj zone, që nuk janë vetëm të inkuadruar në zonat zonat e mbrojtura, por janë pjesë edhe të universitetit të vlorës, për të dhënë një ide të qartë se çfarë është potenciali i llogarasë edhe në periudhën e dimrit. Ne po punojmë shumë që në kuadër të plotësimit të masave për 365 ditë turizëm në Shqipëri të promovojmë bukuri të tilla si kjo e Llogarasë”.

Financuesi i këtij projekti është Bashkimi Evropian, në emër të të cilit ambasadori Luixhi Soreka tha se është shumë i rëndësishëm promovimi i turizmit.

Luixhi Soreka: “Mbrojtja e parqeve dhe e këtij parku në veçanti është shumë e rëndësishme dhe këtu dua të falenderoj edhe ata që ruajnë parkun sepse ai duhet mbrojtur nga të gjitha rreziqet e mundshme. Siç e di edhe ministri, viti 2019 është shumë i rëndësishëm për turizëm. Së bashku ne do të lançojmë së shpejti një projekt shumë të rëndësishëm për turizmin, me rreth 40 milion euro, që do të vihet në zbatim nga banka europiane për rindërtim dhe zhvillim dhe synimi i tij është promovimi i turizmit, por i turizmit të qëndrueshëm”.

Ministri Blendi Klosi foli edhe për rëndësinë e fushatës që ka nisur në bashkëpunim me ministrinë e Infrastrukturës dhe Energjisë për të skanuar të gjitha lejet e dhëna për HEC-et, që dëmtojnë zonat e mbrojtura./abcnews.al

klosi-1280x702.jpg
ent ela16:16 | 23/01/2019

Ministri i Turizmit Blendi Klosi deklaron se në Shqipëri do të rritet edhe më tej numri i turistëve të huaj. Klosi i bëri deklarata gjatë prezantimit në Shqipëri të paketave turistike dimërore nga Mali i zi.

 Klosi“Oferta turistike e Shqipërisë dhe Malit të Zi, pothuajse tashmë të jetë e rakorduar edhe të ketë një dakordërsi 100% ndërmjet institucioneve shtetërore dhe komunitetit të biznesit”.

Hoxhiq: “Në 2018 patëm një rritje të shqiptarëve që bëjnë pushimet në Malin e Zi. Por, edhe anasjelltas. Dy vitet e fundit shumë shtetas të Malit të Zi, pushimet verore i kalojnë në Shqipëri”.

Klosi vuri në dukje objektivin e Ministrisë që drejton për të përfshirë Shqipërinë në ofertën e përbashkët turistike të rajonit./abcnews.al

Klosi-933x445.jpg
ent ela22:00 | 22/01/2019

Ministri i Mjedisit dhe Turizmit Blendi Klosi shpalli nisjen e sezonit të dytë të mbjelljeve, me fushatën “100 ditët e pemëve”. Prezantimi i kesaj fushate u zhvillua në shkollën “Bari Nela”, në Zallbastar të Tiranës. Sipas ministrit Klosi, “100 ditët e pemëve” është një fushatë disadimensionale për të shpalosur të 40 masat e parashikuara per tu ekzekutuar në 100 ditë në zbatim të dokumentit strategjik të qeverisë për Pyjet që Duam.

Sipas Klosit gjatë kësaj fushate do të mbillen pemë në 12 qarqet e vendit, ku do të përfshihen të gjithë qytetarët, të cilëve do ti kërkohet të mbjellin 5 pemët e tyre, vullnetarisht. Ministri Klosi i bëri apel qytetarëve që t’i bashkohen kësaj fushate me qëllim për të patur një mjedis më të pastër dhe një jetë më të shëndetshme./abcnews.al

KLOSI-TE-UNIVERSITETI-I-SPORTEVE-1280x720.jpg
ent ela17:14 | 18/12/2018

Ministri i Turizmit e Mjedisit thotë se Shqipëria i ka të gjitha mundësitë të presë akoma më shumë turistë vitin e ardhshëm, por duhen burime njerëzore profesionale menaxhimi. Deklaratën e bëri gjatë një ceremonie diplomimi në Universitetin e Sporteve.

Një turizëm me standarde nuk mund të bëhet pa profesionistë. E nënvizoi ministri i Turizmit e Mjedisit Blendi Klosi në ceremoninë e diplomimit të 16 studentëve në nivelin e dytë të studimeve për menaxhim sporti e turizmi në Universitetin e sporteve në kryeqytet.

“Ne sot kemi mundësinë reale në Shqipëri që të pranojmë më shumë turistë, por pranimi i më shumë turistëve do të thotë pranimi i më shumë shërbimeve dhe kush do të jenë në menaxhim, psh në Federatën Shqiptare të Rafting ne kemi problem shumë të madh. Ka hapësira të dyfishohet, trefishohet, katërfishohet si biznes, por nuk kemi guida. Të njëjtën gjë me alpinizmin, të njëjtën gjë me ecjet në natyrë, me guidat profesionale të cilat ne nuk kemi element të kualifikuar dhe zgjedhja që kanë bërë këto djem e vajza të shkëlqyera është një zgjedhje e drejtë për më shumë punësim”.

Ministri Klosi nuk la jashtë vëmendjes edhe debatin e krijuar ditët e fundit për arsimin e lartë, për të cilin mendon se mbi të gjitha janë universitetet ato që drejtojnë studentët drejt një arsimi më cilësor.

“Unë kam bindjen që edhe në këtë debatin e madh që kemi për reformën e universitetetve ajo cfarë po ndodh në këtë sallë është në fund të fundit edhe thelbi i bisedës. Një grup profesorësh kuptuan realitetin , në bashkëpunim me kompani biznesi arritën të kuptojnë që këtu ka nevojë për një master të profilizimit të studentëve që dalin nga ky fakultet për të gjetur një treg që është bosh, një treg që ka nevojë për kuadër, që ka pagesa të larta”.

Arsimimi dhe orientimi i të rinjve në fushat e turizmit sipas Klosit do të kontribuonte edhe më shumë në zhvilimin e turizmit të vendit tonë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono