Klosi

MJEDISI-NE-KUADER-TE-NEGOCIATAVE.mpg_snapshot_00.22-1280x720.jpg
ent ela12:15 | 02/10/2019

Ministria e Turizmit dhe  Mjedisit ka nisur konsultimin e politikave mjedisore me akademikë, përfaqësues të biznesit dhe donatorët në kuadër të hapjes së negociatave me Bashkimin Europian.  Sipas ministrit Klosi nuk ka më kohë për ide, por ka ardhur koha për nisma konkrete. 

70 ndryshime ligjore në fushën e mjedisit duhet të ndërmarrë Shqipëria në kuadër të hapjes së negociatave me Bashkimin Europian. Ministri i Turizmit dhe Mjedisit Blendi Klosi takoi akademikë, përfaqësues të biznesit dhe donatorë të huaj për të diskutuar rreth kapitullit 27.

“Jam gati të pranoj çdo kritikë dhe çdo koment për çfarëdo që bëjmë. Besoj që kemi bërë gjëra shumë të mira, por besoj që  mund të bënim edhe shumë herë më mirë nga sa kemi bërë dhe mbase edhe ndonjë gjë e kemi bërë gabim. Ndaj të tre komunitetet janë të ftuar të jenë pjesë kritike e punës sonë për të shkuar në një Shqipëri europiane mjedisore”.

Ministri i Turizmit dhe Mjedisit kërkon nisma konkrete.

“Besoj që ka ardhur koha që të themi mjaft më me strategji dhe me ide. Ne na duhen shumë që të jemi konkretë dhe nga strategjitë të kalojmë në plane veprimi, nga idetë të kalojmë në nisma konkrete”.

Një ndër këto iniciativa solli ndërmend ministri Klosi është kthimi i Shqipërisë në vendin e parë në Europë pa qese plastike qershorin e vitit 2020. /ABC news Albania 24/7

KLOSI-I-PERGJIGJET-VELIAJT.mpg_snapshot_00.50-1280x720.jpg
ent ela18:00 | 27/09/2019

Ministri i Mjedisit dhe Turizmit, Blendi Klosi ka njoftuar heqjen e lejeve mjedisore për 5500 biznese që operojnë në fusha të ndryshme. Ministri Klosi i ka konsideruar si barrë për bizneset këto leje, ndërkohë që një ditë më parë, kryebashkiaku Erion Veliaj kërkoi kalimin e tyre tek pushteti vendor.

Parqet natyrore i përkasin bashkive, por leja mjedisore del nga Ministria e turizmit dhe mjedisit. Një ditë më parë kryebashkiaku i Tiranës Erion Veliaj artikuloi pakënaqësinë edhe duke e argumentuar.

Një mendim ndryshe ka Ministri i Turizmit dhe Mjedisit Blendi Klosi që përgjigjen ia dha në ditën ndërkombëtare të turizmit.

Sa i përket lejeve mjedisore të tipit c, ministri Klosi u shpreh se është kërkuar heqja e tyre.

Gazetarët kërkuan të sqarohen edhe mbi një tjetër deklaratë që bëri kryebashkiaku Veliaj të enjten. /ABC News Albania 24/7

KLOSI-NE-BERAT.mpg_snapshot_00.01-1-1280x720.jpg
ent ela16:30 | 21/09/2019

Ministri i Turizmit dhe Mjedisit Blendi Klosi iu bashkua qytetarëve të Beratit në aksionin e pastrimit të qytetit. Ndërhyrja në landfillin e këtij qyteti bëri të ditur ministri është në fazën finale.

Një problem gati 30 vjeçar i banorëve të Beratit duket se shumë shpejt do të gjejë zgjidhje.

“Jemi në fazën e fundit për një ndërhyrje të madhe në landfillin e Beratit që është një gangrenë e madhe 30 vjecare e këtij qyteti”.

Ministri i Mjedisit dhe Turizmit Blendi Klosi lajmin e dha ndërsa u bashkua në aksionin e pastrimit të lagjeve të qytetit. Nga Berati i drejtoi një thirrje qytetarëve.

Ministria e Mjedisit dhe Turizmit synon që Shqipëria më 1 qershor 2020 të jetë vendi parë në Europë që të zerojë përdorimin e qeseve plastike. /ABC news Albania 24/7

QESJA-E-FUNDIT-KLOSI.mpg_snapshot_00.00-1280x720.jpg
ent ela14:25 | 20/09/2019

Më  1 qershor të vitit 2020 Shqipëria do të jete vendi i parë europian pa qese plastike. Ministri i Mjedisit dhe Turizmit Blendi Klosi e shpalli nismën nga auditoret e Universitetit “Aleksandër Moisiu”.

“Qesja e fundit”! Kjo është nisma e fundit e Ministrisë së Turizmit dhe Mjedisit. Ministri Blendi Klosi e prezantoi ne auditorin e Universitetit “Aleksandër Moisiu” të Durrësit nga ku tregoi dhe synimin e tij.

 “Ka ardhur koha që si disa vende të tjera që janë më të avancuar në këtë aspekt por si të gjitha vendet që po shkojnë me shpejtësi drejt këtij reduktimi edhe Shqipëria të shënojë  në 1 qershor të vitit 2020 vendin e parë europian pa qese plastike.”

Nisma qe ka per synim eleminimit tërësor të plastikës një përdorimshe pranverën e vitit të ardhshëm do të konsultohet me të rinj, akademikë, shoqëri civile e grupe interesi dhe do te shoqerohet me ashepersimi te ligjit.

 “Ne kemi zgjedhur turizmin të jetë industria jonë kryesore, ekonomia që prodhon të ardhura për kaq shumë shqiptarë, kemi zgjedhur turizmin që të jetë biznesi i 10-20 viteve të fundit për këtë vend dhe në kuadër të vërejtjes  së parë që bëjnë turistët në Shqipëri, pra të qeseve plastike kudo dhe papastërtisë, ne duhet të marrim vendime të forta të cilat i shërbejnë një Shqipërie turistike por edhe një Shqipërie të pastër ambjentalisht.”

Ministri Klosi ftoi qytetarët të kontribuojnë për mbrojtjen e mjedisit dhe të refuzojnë që t’u shërbehet  me materiale plastike. /ABC News Albania 24/7

KRONIKE-KLOSI-OBT_ABC-M4-T2.mpg_snapshot_00.04-1280x720.jpg
ent ela19:33 | 12/09/2019

Ministri i Turizmit dhe Mjedisit Blendi Klosi ndodhet në Shën Pertërsburg, ku po mbahet Asambleja e Përgjithshme e Organizatës Botërore të Turizmit (UNTWO). Minister Klosi gjatë fjalës së tij vendosi theksi tek problematikat që shqetësojnë turizmin europian, rajonal dhe turizmin në Shqipëri.

Shqipëria merr pjesë për herë të parë në Asamblenë e Përgjithshme të Organizatës Botërore të Turizmit (UNTËO), që po mbahet në Shën Petersburg.  Ministi i Turizmit dhe Mjedisit Blendi Klosi mban postin e zv.Presidentit të Asamblesë së përgjithshme për Evropën. Klosi shprehet se në asamble janë diskutuar problematika që shqetësojnë turizmin europian, rajonal dhe turizmin në Shqipëri.

“Po ashtu është shumë e rëndësishme për të theksuar që Shqipëria tashmë konsiderohet një destinacion i ri turistik, një destinacion me shumë të ardhme, por që ka nevojë të diskutojë për disa problematika. Dhe në këtë asamble u diskutuan problematika që shqetësojnë turizmin europian, rajonal dhe Shqipërinë po ashtu, problematika që kanë të bëjnë me etikën e turizmit, me politikat që ndiqen për turizmin, por në radhë të parë me politikat që kanë të bëjnë me rëndësinë që ka turizmi për punësimin e më shumë njerëzve”.

Ndër të tjera Klosi vuri theksin tek diskutimet për shkëmbim përvojash dhe projektesh të përbashkëta me vendet e rajonit.

“Është shumë e rëndësishme për të kuptuar që turizmi tashmë është bërë një biznes dhe si biznes ka edhe kërkesat e tij të konkurrimit të vazhdueshëm dhe prandaj ne duhet të përgatitemi për të qenë në të njëjtin hap me vendet më të zhvilluara europiane të konkurrencës turistike e pse jo për t’u shndërruar në një destinacion konkurrues edhe me vendet e rajonit që padyshim edhe në konference evidentohen si sukseset më të mëdha të turizmit botëror”.

Në podiumin drejtues të Asamblesë së organizatës me 148 shtete anëtare, Ministri Klosi drejton disa nga panelet e punimeve të organit më të lartë drejtues të Organizatës. Si heqja e regjimit të vizave si shtysë për rritjen e turizmit, zhvillimi i tregjeve turistike, turizmi i natyrës, turizmi dhe edukimi profesional. /ABC News Albania 24/7

 

 

KLOSI-MBYLL-SMILE-ALBANIA_ABC-M4-T2.mpg_snapshot_00.14-1280x720.jpg
ent ela21:45 | 09/09/2019

Projekti “Smile Albania” shënoi mbylljen, me shpalljen e fituesve nga Ministria e Turizmit. Gjatë fjalës së tij, Klosi tha se të rinjtë ia kanë dalë që me buzëqeshjet e tyre të promovojnë mikpritjen shqiptare në të gjitha destinacionet turistike të vendit.

I erdhi fundi buzëqeshjes prittëse të turisitëve në pikat hyrëse të kufirit shqiptar.

Ministri i Turizmit dhe Mjedisit Blendi Klosi ka falenderuar të rinjtë që u bënë pjesë e programit Smile Albania.

Në aktivitetin që u shvillua në sheshin Skënderbej në kryeqytet, ministri Klosi shpalli edhe fituesit e konkursit të videos, buzëqeshjes dhe mirëseardhjes më të mirë.

Programi Smile Albania shoqëroi të gjithë sezonin veror me të rinj e të reja që i uruan mirëseardhjen vizitorëve të huaj e vendas me qëllim shndërrimin e Shqipërisë në një destinacion turistik evropian./ABC News Albania 24/7

KLOSI-VIZITON-TURISTIN-POLAK-MBULIM-ABC-M1-T2.mpg_snapshot_00.12-1280x720.jpg
ent ela17:00 | 30/08/2019

Ministri i Turizmit dhe  Mjedisit Blendi Klosi vizitoi në spitalin e Shkodrës turistin polak, Wojtek Markieëicz, qe u aksidentua mbremjen e te enjtes në Theth.

Bashkë me urimin për shërim të shpejtë ministri Klosi i dhuroi turistit të huaj dhe një set hartash të Shqipërisë me qëllim njohjen më të mirë të vendit tonë.

Mbi 230 mijë turistë polakë sipas ministrit të Turizmit dhe Mjedisit  vizituan Shqipërinë këtë vit.

Klosi theksoi nevojën për më shumë rregulla në menaxhimin e strukturave që organizojnë turistët ndërsa theksoi nevojën për pajisjen e infrastrukturës me harta teknike dhe guida të licensuara. /ABC News Albania 24/7

 

 

 

KLOSI-BEN-RAFTING-ABC-M5-T1.mpg_snapshot_00.02-1280x720.jpg
ent ela13:15 | 24/08/2019

Një destinacion i ri për turizëm të aventurës. Tashmë ata që do të vizitojnë Sarandën do të kenë mundësinë e një guide me kajak përgjatë lumit Bistrica.

Pushuesit  që zgjedhin Sarandën do të kenë një mundësi më shumë për turizëm.

Në kanalin e Cukës Federata Shqiptare e Rafting ka krijuar infrastrukturën dhe mjetet e nevojshme për të zhvilluar rafting.

Pas guidës së parë me kajak përgjatë lumit Bistrica ministri i i Turizmit dhe Mjedisit Blendi Klosi apeloi për më tepër oferta turstike ditore.

“Është shumë e rëndësishme që qendra të vërteta të zhvillimit të turizmit në Shqipëri e të qytetit të Sarandës të ketë shumë më tepër oferta ditore si kjo e kanalit të Çukës apo e gjithë zonës për t’u bërë me djemtë e rafting dhe të kemi mundësinë që po ashtu të zhvillojmë edhe oferta të tjera në Sarandë që kanë të bëjnë me bukuritë natyrore, me vizitat e parqeve arkeologjike dhe bukuritë e tjera shqiptare”.

Çdo përpjekje për të krijuar mundësi të reja në turizëm theksoi ministri Klosi është një arsye më shumë për ta kthyer Shqipërinë një destinacion turistik përgjatë të gjithë vitit. /ABC News Albania 24/7

META-DHE-KLOSI-BASHKE-PER-TOMORRIN.mpg_snapshot_00.07-1280x720.jpg
ent ela15:00 | 22/08/2019

Mali i Tomorrit bën bashkë ministrin e Turizmit dhe Mjedisit Blendi Klosi dhe Presidentin e Republikës. Ilir Meta rreshtohet publikisht kundër shkatërrimit të malit nga bizneset e guroreve dhe firmos peticionin për zgjerimin e zonës së mbrojtur. Në ceremoninë e organizuar me rastin e festës së bektashinjve Kreu i Shtetit dha këtë mesazh.

Ndersa ministri i Turizmit dhe Mjedisit Blendi Klosi u shpreh i vendosur për ta  kthyer malin e Tomorrit në simbol të turizmit fetar.

“Një hapësirë që shumë lehtë mund të kthehet në një simbol të turizmit shqiptar, turizmit religjoz apo për natyrën e bukur të kësaj zone. I jam bashkuar nismës së shumë të rinjve për të mbrojtur malin e Tomorrit, për ta shndërruar në një mal të magjishëm, aq të bukur sa Perëndia e ka krijuar dhe aq të fortë sa besimi ynë e ka mbajtur. Kalofshi një ditë të bukur, të paqtë me familjet tuaja dhe Abaz Aliu të gjithëve na ndihmoftë.”

Të rinjtë e projektit “Smile Albania” po vijojnë të mbledhin firma për të kundërshtuar vendimin e Gjykatës Administrative,  e cila ditë me parë rrëzoi vendimin e qeverisë për zgjerimin e zonës së Parkut Kombëtar në Malin e Tomorrit. /ABC News Albania 24/7

TOMOR-1280x719.jpg
ad min22:00 | 12/08/2019

Nga data 20 Gusht nis pelegrinazhi i shenjtë i besimtarëve bektashinj në malin e Tomorit, të cilit i bashkohen edhe qindra qytetarë të tjerë si dhe turistë të huaj. Ministri Klosi, ka garantuar marrjen e një sërë masash për të ofruar shërbimet e duhura për qytetarët përgjatë ditëve festive.

Në prag të nisjes së pelegrinazhit të shenjtë në Malin ne Tomorit, e njohur ndryshe si Festa e “Abaz Aliut”, ministri i Mjedisit dhe Turizmit, Blendi Klosi ka zhvilluar një takim në Prefekturën e Beratit, për masat që do të merren për menaxhimin e ditëve të pelegrinazhit.

Një tjetër plan masash po hartohet në bashkëpunim me policinë për të bërë të bërë të mundur sigurimin e qetësisë publike përgjatë ditëve festive. Ministri KlosI tha se do të ofrohet edhe shërbim i shtuar shëndetësor.

Gjatë ditëve të pelegrinazhit në malin e Tomorit, turistëve do të ofrohen një sërë aktivitetesh social- kulturore në qytetin e Beratit dhe bashkitë e tjera të këtij qarku. Pelegrinazhi i besimtarëve bektashinj në Tomor, të cilit i bashkohen edhe mijëra qytetarë të tjerë si dhe turistë të huaj, zhvillohet nga data 20 deri më 25 Gusht. Kurbani në majën e Kulmakut është një nga ritualet më të rëndësishme të festës së “Abaz Aliut”.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono