klopp

Klopp.jpg
Veronik Istrefaj21:17 | 17/02/2020

Trajneri i Liverpool, Jurgen Klopp, iu bëri thirrje të tijve të kenë kujdes para ndeshjes së nesër në Ligën e Kampionëve kundër Atletico Madrid. Strategu i ‘Reds’ vlerësoi dhe Diego Simeonen, duke e quajtur një ndër trajnerët më të mirë në botë.

“Ata nuk kanë luajtur aq keq sa njerëzit mendojnë. Unë e di se ata janë detyruar të bëjnë ndryshime dhe janë në një periudhë tranzicioni. Kjo kërkon kohë dhe njerëzit nuk ju japin kohë. Ata humbën Griezmann, Juanfran, Gabi…

Duhet të rindërtojnë ekipin dhe ata e kanë bërë atë. Kam parë pesë nga ndeshjet e tyre këtë sezon, 90 minutat e plota dhe nuk ka të bëjë me lojën tërheqëse, ka të bëjë me atë që funksionon dhe çfarë është e suksesshme.

Ata janë një makinë e vërtetë dhe nëse nuk je i përqendruar, atëherë Atletico të godet. Unë jam gjerman dhe admiroj gjëra të tilla. Por ne jemi gjithashtu të organizuar dhe jemi këtu për të provuar të fitojmë takimin.

Unë nuk e njoh Simeonen sa duhet për të thënë se sa të ngjashëm apo sa të ndryshëm jemi. Ai ishte një lojtar i madh dhe unë nuk isha lojtar i klasit botëror. Më pëlqen organizimi i mirë që ai i ka bërë ekipit të tij. Simeone ka tetë vite tek Atletico, kjo është një kohë me të vërtetë e gjatë. Njerëzit thonë se unë jam emocional, por unë ndoshta jam në notën 4, ndërsa Diego është një nivel 12. Ne kemi shkëmbyer mesazhe dhe nesër do të takohemi për herë të parë. Do të jetë interesante”, përfundoi Klopp./abcnews.al

klopp-1-e1581801150549.jpg
Veronik Istrefaj22:14 | 15/02/2020

Trajneri i Liverpool, Jurgen Klopp, iu thuri elozhe të tijve për fitonte 0-1 në transfertën ndaj Norwich, në “Carrow Road”. Pasi analizoi ndeshjen dhe pasi pranoi se titulli kampion nuk është fituar ende, strategu gjerman foli edhe për dënimin e Manchester Cityt.

Klopp, për dënimin e Manchester City nga UEFA, tha: “Ishte një shok. “Uau” e madhe. E vetmja gjë që mund të them është për futbollin. Ajo që ata kanë bërë në fushën e futbollit është e jashtëzakonshme. Pjesa tjetër, unë nuk e di. Ju besoni njerëzit me të cilët punoni, kështu është. Më vjen keq Guardiolën dhe lojtarët e Cityt”, u shpreh Klopp./abcnews.al

Liverpool.jpg
Veronik Istrefaj19:58 | 10/02/2020

“FranceFootball”, e përditshmja franceze, ka arritur të zbulojë një prapaskenë të merkatos së janarit. Bëhet fjalë për ekipin e Liverpoolit, që gjatë merkatos së dimrit, u mjaftua vetëm me afrimin e fantazistit japonez, Takumi Minamino.

Siç zbulon prestigjiozja franceze, të kuqtë e Jurgen Klopp ishin në merkato edhe për sulmuesin e Villareal, Samuel Chukwueze. Për kartonin e sulmuesit të “Nëndetëses së Verdhë”, Liverpool ka ofruar 35 milion euro, por drejtuesit e klubit spanjoll, e kanë refuzuar.

Nigeriani është një nga lojtarët më të mirë të Villareal dhe jo më kot Klopp ishte i “fiksuar” pas tij. Megjithatë, nëse trajneri gjerman e do në “Anfield” Chukwuezen, duhet të tentojë sërish në verë, me një ofertë të përmirësuar./abcnews.al

MArtinelli.jpg
Veronik Istrefaj18:31 | 08/02/2020

Talenti i Arsenalit, Gabriel Martinelli, i është përgjigjur trajnerit të Liverpoolit, Jurgen Klopp. Trajneri gjerman tha se Martinelli është një talent që vjen një herë në shekull.

Gabriel Martinelli, për Marca, tha: “Jam shumë krenar që një nga trajnerët më të mirë në botë, i ka thënë ato fjalë për mua. Tani duhet të qëndroj me këmbë në tokë, të punoj shumë dhe mundohem të arrij gjëra të mëdha”.

Martinelli iu bashkua Arsenalit gjatë merkatos së verë, për vetëm 6 milion sterlina. Ai pritej që të integrohej me skuadrat e moshave, por ka shkëlqyer në ndeshjet që ka luajtur dhe është shndërruar në titullar fiks për “Topçinjtë”./abcnews.al

Liveprool.jpg
Veronik Istrefaj23:58 | 05/02/2020

Takumi Minamino ishte blerja e vetme e Liverpool në merkaton e janarit dhe ardhja e fantazistit japonez, ka ndryshuar disi planet e Jurgen Klopp në Champions League. Në fillim të sezonit, çdo klub dorëzon një listë prej 25 lojtarësh në UEFA, futbollistë që luajnë në Champions League.

Gjithashtu, edhe pas merkatos së janarit, dorëzohet një listë e përditësuar dhe kjo listë e Liverpool, është publikuar sot, ku surpriza ishte lënia në shtëpi e mbrojtësit Van de Berg, për t’i bërë vend Minaminos. Liverpool megjithatë, nuk i vuan alternativat në mbrojtje, madje Klopp ka grumbulluar dhe talentët e akademisë, Neco Williams e Yasser Larouci.

Lista e plotë e Liverpool në Champions League:

Portierët: Alisson Becker, Adrian, Andy Lonergan, Caoimhin Kelleher
Mbrojtësit: Virgil van Dijk, Dejan Lovren, Joe Gomez, Andy Robertson, Joel Matip, Adam Lewis, Trent Alexander-Arnold, Neco Williams, Yasser Larouci
Mesfushorët: Fabinho, Georginio Wijnaldum, James Milner, Naby Keita, Jordan Henderson, Alex Oxlade-Chamberlain, Adam Lallana, Xherdan Shaqiri, Curtis Jones, Harvey Elliott
Sulmuesit: Roberto Firmino, Sadio Mane, Mohamed Salah, Takumi Minamino, Divock Origi/abcnews.al

Klopp-Emre-Can-Liverpol.jpg
Veronik Istrefaj17:12 | 04/02/2020

Trajneri i Liverpool, Jurgen Klopp, ka komentuar mbi transferimin e Emre Can te Dortmund. Klopp dhe Can kanë bashkëpunuar te Liverpool për disa sezone, ndërsa strategu gjerman ka qenë dhe ish-trajner i Dortmundit. Për këtë transferim, Klopp tha:

“Jam shumë i lumtur për Borussia Dortmundin dhe për Emre Can. Është një transferim ku përfitojnë të dyja palët. Emre është lojtari perfekt për një klub si Dortmundi.

Borussia ka siguruar një lojtar fantastik, një njeri shumë të mirë mbi të gjitha. Emre Can mund të luajë kudo në mesfushë dhe është një profesionist i vërtetë”, tha Klopp për ish-lojtarin e tij.

Liverpool-2.jpg
Veronik Istrefaj23:22 | 01/02/2020

Skuadra e Liverpool është një makineri pa asnjë defekt. Pas 23 javësh kampionat, të besuarit e Jurgen Klopp kanë 22 fitore dhe vetëm 1 barazim, duke vazhduar të mbeten ekipi i vetëm në Premier League që nuk njohin asnjë humbje.

Në fakt, kjo formë e shkëlqyer e Liverpool vijon që nga sezoni i shkuar. Në total, Liverpool ka 42 ndeshje pa humbje, vetëm 7 ndeshje më pak se Arsenali, që disa vite më parë, mbyllte 49 ndeshje pa humbje.

Në 34 ndeshjet e fundit të vlefshme për kampionat, Liverpooli ka fituar 33 dhe ka barazuar vetëm një, duke marrë në total 100 pikë nga 102 të mundshmet. Skuadra e ndërtuar nga Jurgen Klopp, duket e pandalshme!/abcnews.al

Klopp.jpg
Veronik Istrefaj19:24 | 01/02/2020

Trajneri i Liverpool, Jurgen Klopp, i thuri elozhet më të mira skuadrës së tij pas fitores 4-0 kundër Southampton, por dhe kundërshtarit, duke i komplimentuar për shpirtin e tyre të garës.

Klopp foli për BBC Sport pas ndeshjes, aty ku u shpreh: “Mendoj se natyra e lojtarëve të mi, për t’u përmirësuar ndeshje pas ndeshje, na dha fitoren sot. Southampton meriton të gjitha komplimentet e mundshme, e goditën portën tonë më shumë se ne do të dëshironim.

Megjithatë, kjo është Premier League, të gjitha skuadrat janë të frikshme. Në pjesën e dytë, ndryshuam disa gjëra taktikisht dhe kjo gjë na ndihmoi të arrinim te fitorja. Edhe kur ndeshja ishte 4-0 në favorin tonë, Southampton nuk u dorëzua dhe donin me doemos të na vinin në vështirësi.

Kam një kohë shumë të gjatë që jam pjesë e futbollit, por nuk kam parë një shpirt gare si ky i Southampton. Mënyrën si e nisën sezonin, humbën 0-9 ndaj Leicester, por tani kanë arritur të vënë gjërat në rrugën e duhur, kjo gjë është “woow”. E meritojnë çdo fjalë të mirë”, përfundoi Klopp./abcnews.al

Minamino-Liverpool-e1580149925385.jpg
Veronik Istrefaj20:33 | 27/01/2020

Takumi Minamino është blerja e vetme e Liverpool deri më tani në këtë merkato janari. Mesfushori bëri një fillim sezoni të shkëlqyer për Salzburg, çka bëri që Liverpool të paguajë klauzolën e tij prej 7.5 milion sterlinash.

Edhe pse ka disa javë që nga transferimi i tij, Minamino nuk ka arritur të tregojë të gjitha aftësitë e tij, pavarësisht se Klopp i ka besuar disa herë. Këtë gjë e ka kuptuar dhe vetë 25 vjeçari, i cili tha se ka ende shumë vend për përmirësim.

“Duhet të rritem shumë taktikisht, të vendosem mirë në fushë dhe të tregoj faktin se mund të luaj kudo në mesfushë. Kam luajtur në rolin tim natyral deri më tani, por për Klopp, do të luaj kudo.

Kam kuptuar se për të luajtur në formacionin e Liverpool, duhet të jem më agresiv, të shfaqem në pozicione të rrezikshme dhe të vrapoj pafund. Jam i gatshëm ta bëj këtë gjë dhe dua të jem sa më i suksesshëm me këtë klub”, tha 25 vjeçari./abcnews.al

Klopp.jpeg
Veronik Istrefaj08:23 | 24/01/2020

Trajneri i Liverpool, Jurgen Klopp, arriti një fitore të madhe mbrëmë në transfertë përballë Wolverhampton, duke fituar në minutat e fundit me rezultatin 1-2. Përballë “Ujqërve”, të kuqtë e tij bënë një ndeshje të madhe, por vuajtën shumë në disa minuta, kur Adama Traore po shndërrohej në një rrezik konstant nga krahu i djathtë.

Pikërisht për sulmuesin anësor të Wolves, Klopp pati fjalët më të mira, duke i thurur elozhe 23 vjeçarit: “Ai është një nga lojtarët që kur i sheh në fushë, thua: ‘Uauuu’. Një lojtar shumë i shpejtë.

Po, shumë lojtar i mirë. Nuk është vetëm ai, e gjitha skuadra e Wolves është e mbushur me kualitet, por Adama është i pabesueshëm”, tha Klopp mes të tjerash. Elozhet për Adama Traore kanë ardhur dhe nga Pep Guardiola disa javë më parë dhe spanjolli i Wolves po shndërrohet në një nga lojtarët më të mirë në Premier League./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono