KLGJ

klgj-1280x721.jpg
nev ila19:51 | 12/11/2019

KLGJ ka vendosur kualifikimin e gjyqtarëve Ervis Pupe, Ilir Panda dhe Sokol Sadushi për në Gjykatën e Lartë. Në njoftimin e saj KLGJ ka vendosur gjithashtu, të skualifikojë nga kjo garë kandidaturën e Eduart Qehajaj dhe Florin Demollarit, pasi sipas rezultateve të verifikimit të kushteve dhe kritereve ligjore të kandidimit, ata nuk plotësonin të gjithë kriteret e kërkuara.

Ilir Panda
Sokol Sadushi

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

“Sot më datë 12.11.2019, Këshilli i Lartë Gjyqësor, zhvilloi mbledhjen e radhës në të cilën miratoi disa vendime të rëndësishme. Më konkretisht, pasi u njoh me rezultatet e verifikimit të kushteve dhe kritereve ligjore të kandidimit për në Formimin Fillestar në Shkollën e Magjistraturës, për magjistrat, profili gjyqtar, për kandidatin z. Eduart Qehajaj.  Këshilli vendosi skualifikimin e tij.  Kandidati ka të drejtën e ankimit në Gjykatën Administrative të Apelit, brenda 5 ditëve nga dita e njoftimit të vendimit të arsyetuar të Këshillit të Lartë Gjyqësor.

Më tej Këshilli, pasi verifikimit të kushteve dhe kritereve ligjore për rekrutimin si gjyqtar, vendosi skualifikimin e kandidatit Florin Demollari. Kandidati ka të drejtën e ankimit në Gjykatën Administrative të Apelit, brenda 5 ditëve nga dita e njoftimit të vendimit të arsyetuar të Këshillit të Lartë Gjyqësor. Gjithashtu, Këshilli pasi verifikoi kushtet dhe kritereve ligjore për rekrutimin si gjyqtar, vendosi të kualifikoi kandidatin z. Hazbi Balliu.  

Në vijim të mbledhjes, Këshilli pasi dëgjoi relatorët për verifikimin e kushteve dhe kritereve ligjore për rekrutimin e kandidatëve nga radhët e juristëve të spikatur, për në Gjykatën e Lartë, vendosi kualifikimin e kandidatëve z. Ervin Pupe, z. Ilir Panda dhe z. Sokol Sadushi.  

Gjithashtu, Këshilli i Lartë Gjyqësor bazuar në kërkesat e gjykatave të ndryshme vendosi caktimin e gjyqtarëve për gjykimin e çështjeve gjyqësore të veçanta”, thuhet në njoftimin e KLGJ.

Ndërkohë mbledhja e radhës e Këshillit, për nisjen e procedurës së përzgjedhjes për emërim në Gjykatën e Lartë të kandidatëve, nga radhët e juristëve të spikatur (jogjyqtarë), është ditën e mërkurë, datë13.11.2019, ora 12.30. /abcnews.al

KRONIKE-KLGJ.mpg_snapshot_00.16-1280x720.jpg
ent ela17:38 | 04/11/2019

KLGJ ka relatuar në mbledhjen e sotme se stoku i Gjykatës së Lartë deri më 30 qershor 2019 është 32106 mijë dosje që presin radhën për t’u shqyrtuar, numër që pritet të rritet pasi Gjykata Supreme është jashtë funksionit. KLGJ ka miratuar dorëheqjen e gjyqtarit Agim Bendo, në prag të vettingut. Gjyqtari ka theksuar se po dorëhiqet për arsye shëndetësore.

Këshilli i Lartë Gjyqësorë në mbledhjen esotme të  diskutoi mbi raportin periodik në lidhje me veprimtarinë e gjykatave.

Anëtarja Brunilda Kadi relatoi se deri më 30 Qershor të këtij viti në Gjykatën e Lartë, janë 32106 çështje stok, ndërkohë që numri vijon që të rritet, pasi gjykata supreme është jashtë funksioni. Kadi propozon të merren masa paraprake nga KLGJ, të cilat do të ndihmojnë në shqyrtimin e sa më shumë çështjeve në momentin kur Gjykata e Lartë të jetë funksionale.

Anëtarja e KLGJ theksoi se probleme me zvarritjen dhe dosje stok ka edhe në gjykata të tjera, duke ju referuar konkretisht Gjykatës Administrative të Apelit Tiranë ku numërohen rreth 7000 mijë dosje, ndërsa Gjykata e Tiranës ka mbi 500 dosje të zvarritura tej afateve të arsyeshme. Këshilli i lartë Gjyqësor ka miratuar dorëheqjen e Gjyqtarit të Gjykatës së Apelit Agim Bendo.

Gjyqtari në kërkesën për t’u liruar nga posti është shprehur se do të largohet për arsye shëndetësore, por në fakt Bendo ka dhënë dorëheqjen në prag të Vettingut, pasi verifikimet kanë nisur që gjatë muajit shtator të vitit 2018,  ndërsa do të përballej me Komisionin e Pavarur të Kualifikimit në muajin Dhjetor. Agim Bendo ka patur në gjykim mjaft çështje të rendësishme, si dosjen për “21 janarin”,  Dosja e “Hakmarrja për Drejtësi”, si dhe çështjen e Bankës së Shqipërisë. /abcnews.al

 

 

 

2d2fcbc7-5731-47ad-9057-ade97962e659.jpg
ent ela10:27 | 30/10/2019

Këshilli i Lartë Gjyqësor organizon sot një takim me partnerët ndërkombëtarë (Donor Coor) për të diskutuar fushat e mundshme të bashkëpunimit.

Në këtë takim janë të pranishëm edhe përfaqësues të selive diplomatike të akredituara në Tiranë; përfaqësues të Ambasadës Amerikane, Gjermane, Franceze, Austriake, Italiane, Holandeze, Suedeze, Norvegji Spanjës, Këshillit të Evropës, Delegacionit të BE-së, OSBE, Banka Botërore etj., si dhe drejtues të EURALIUS dhe USAID.

Në fjalën e saj kryetarja e KLGJ-së Naureda Llagami kërkoi bashkëpunim për rritjen e drejtësisë

“Qytetarët kanë nevojë për akses në drejtësi. Është e nevojshme pasja e një bashkëpunimi aktiv së bashku, na ndihmoni të shkojmë përtej sot. Kemi gjetur bashkëpunim të shkëlqyer me USAID, EURALIUS e më gjerë. Kemi nevojë për ndihmën tuaj për rritjen e drejtësisë”.

Ndërsa përfaqësuesi i ambasadës gjermane ndërsa shprehu mbëhstetjen e Gjermanisë, njoftoi projektet e tjera për drejtësinë.

“Gjermania e ka mbështetur Shqipërinë, jo vetëm politikisht por edhe ne sistemim e drejtësisë. Jemi aktiv në EURALIUS, në donacione të tjera. Kemi disa projekte të tjera në drejtësia”.

Përfaqësuesja e ambasadës franceze shprehu gatishmërinë për të bashkëpunuar edhe në vijim.

“E kemi ndjekur reformën në drejtësi. Kemi një bashkëpunim të mirë për magjistraturën. Po zhvillojmë projekte të reja me Ministrinë e Drejtësisë. Nuk jemi donator aktualisht, por jemi të gatshëm që të bashkëpunojmë në vijim. Do zgjedhim mënyrat e suportit në javët në vijim”. /abcnews.al

klgj-1280x720.jpg
ad min11:41 | 26/09/2019

Këshilli i Lartë Gjyqësor caktoi këtë të enjte kryetarin e komisionit për mbrojtjen e gjyqtarëve. Pas propozimit të Brikena Ukperajt, Këshilli vendosi në krye të komisionit Medi Bicin.

Ai do të ketë një mandat dyvjeçar. Bici do të jetë kryetari i komisionit që do të garantojë mbështetje për anëtarët në përbërje të tij, por edhe të gjyqtarëve në tërësi.

Gjithashtu, drejtuesja e Këshillit të Lartë Gjyqësor u bëri thirrje të gjithë juristëve të spikatur të aplikojnë për vendin vakant në Gjykatën e Lartë, i cili do të zëvendësojë Xhezair Zaganjorin.

Në ligj është parashikuar se kryetari i Gjykatës së Lartë duhet të vijë nga radhët e anëtarëve jogjyqtarë./abcnews.al

PD-PER-KLGJ.mpg_snapshot_00.16-1280x720.jpg
ent ela14:00 | 28/07/2019

Caktimi i gjyqtarëve të përkohshëm në Gjykatën e Lartë me vendim të Këshillit të Lartë Gjyqësor bie ndesh me Kushtetutën. Ky reagim i Partisë Demokratike vjen nëpëemjet një deklarate për shtyp ku nënvizon se për gjyqtarët e Gjykatës së Lartë duhet të japë pëlqimin edhe Presidenti i Republikës.

Është dhunuar Kushtetuta dhe Këshilli i Lartë Gjyqësor është degraduar në një koorporatë prive të kryeministrit.

Këtë shqetësim ka shprehur Partia Demokratike nëpërmjet një deklarate për shtyp.

“Caktimi i gjyqtarëve të përkohshëm në Gjykatën e Lartë me vendim të Këshillit të Lartë Gjyqësor bie ndesh me Kushtetutën. Sipas Kushtetutës duhet që për gjyqtarët e Gjykatës së Lartë të japë pëlqimin edhe Presidenti i Republikës”.

Për Partinë Demokratike është shumë e rëndësishme që çështjet me natyrë urgjente, të cilat lidhen me shqyrtimin e kërkesave për ekstradim, të zgjidhen brenda afateve ligjore dhe pa rrezikuar që kriminelët të lirohen për shkak të mungesës së gjykatës. Por, kjo duhet të realizohet në përputhje me Kushtetutën, sepse, ndryshe, mund t’u shërbejë kriminelëve si alibi për të kërkuar lirimin e tyre- shprehen demokratët.

“Këshilli i Lartë Gjyqësor ka për detyrë të ndjekë të gjitha procedurat ligjore për të vënë në funksonim sa më parë Gjykatën e Lartë dhe jo të dhunojë Kushtetutën me emërim gjyqtarësh të përkohshëm sipas modelit antishtet të Edi Ramës për të kontrolluar drejtësinë me prokurorë e gjyqtarë të përkohshëm”.

Kjo drejtësi sipas Partisë Demokratike ka për qëllim të mbrojë nga ndëshkimi Edi Ramën dhe t’u japë vrasësve dhe kriminelëve një alibi për t’i shpëtuar drejtësisë së vërtetë! /ABC news Albania 24/7

klgj-1.jpg
ad min18:16 | 26/07/2019

Këshilli i Lartë Gjyqësor zgjodhi në mbledhjen e sotme dy gjyqtarë me mbi 13 vite eksperiencë dhe që kishin kaluar Vettingun, si anëtarë të të përkohshëm në Gjykatën e Lartë.

Dy gjyqtarët që u zgjodhën më short janë Albana Boksi dhe Sokol Binaj nga gjykata e Apelit për Krime të Rënda. Këshilli i ka caktuar ata vetëm për të shqyrtuar 4 çështje të ekstradimit, të cilat janë në përfundim të afateve ligjore dhe rrezikonin lirimin e të arrestuarve për llogari të shteteve të tjera.

Aktualisht në Gjykatën e Lartë është anëtar vetëm Ardian Dvorani, pasi sot u shkarkuar nga Kolegji i Posaçëm i Apelit edhe kryetari i Gjykatës së Lartë Xhezair Zaganjori.

Dvorani tashmë ka edhe kompetencën e kryetarit deri në momentin që gjykata supreme e vendit do të plotësohet me të gjithë anëtarët. Këshilli i Lartë Gjyqësorë ka shtyrë për në vjeshtë pikëzimin e 21 kandidatëve jogjyqtarë të gjykatës së lartë për shkak të pushimeve të Gushtit.

Këshilli i Lartë Gjyqësor ka formuar trupën gjykuese për 4 çështje në Gjykatën e Lartë./ABC News Albania 24/7

klgj-1280x714.jpg
nev ila20:58 | 23/07/2019

Këshilli i lartë Gjyqësor ka gjetur zgjidhjen për zhbllokimin e Gjykatës së Lartë.

Në mbledhjen e kësaj të marte, u vendos që shqyrtimi i çështjeve të bëhet nga gjyqtarë të gjykatave të Apelit, të cilët duhet të kenë jo më pak se 13 vite eksperiencë pune, e të kenë kaluar vettingun.

Kjo zgjidhje e KLGJ është një nga tre opsionet që misioni EURALIUS sugjeroi për të bërë funksionale Gjykatën e Lartë. Sipas ekspertëve evropianë, ky opsion duhej të ishte masa e fundit që duhej ndërmarrë vetëm në raste të veçanta.

Në Gjykatën e Lartë ka shkuar në 32 mijë numri i dosjeve në pritje, ndërsa ka disa çështje ekstradimi të cilave nëse u kalojnë afatet, rrezikojnë lirimin e personave që presin ekstradimin e zgjidhja e KLGJ ka patur parasysh këtë situatë delikate.

Aktualisht Gjykata e Lartë ka mbetur vetëm me 2 gjyqtarë, nga 19 që duhet të ketë. Për 3 kandidatë jo gjyqtarë ka nisur verifikimi, ndërsa për kandidatët gjyqtarë duhet të përfundojë procesi i vettingut në të dyja shkallët. Cka do thotë se bazuar në këtë proces, ngritja e Gjykatës së Lartë do kërkojë edhe disa muaj./ABC News Albania 24/7

etilda-gjonaj-1280x960.jpeg
nev ila17:15 | 11/07/2019

Plan strategjik për sistemin gjyqësor, Gjonaj: S’ka asnjë forcë për t’i penguar institucionet e reja, debatet politike një ditë do harrohen kurse reforma në drejtësi i shërben brezave.

Ministria e Drejtësisë dhe Këshilli i Lartë Gjyqësor kanë zhvilluar një takim konstruktiv ku është prezantuar projekt-plani strategjik 2019-2020 për sistemin gjyqësor i cili vjen si derivat dhe kërkesë në zbatim nga Strategjia ndërsektoriale e drejtësisë e miratuar me vendim të Këshillit të Ministrave.

Pasi është njohur nga kryetarja dhe anëtarët e grupit të punës lidhur me planin e veprimit, ministrja Etilda Gjonaj ka vënë theksin te rëndësia që ka kjo iniciativë në kuadër të ngritjes së institucioneve të reja të drejtësisë.

Teksa ka falënderuar hartuesit e planit strategjik, Gjonaj ka bërë edhe një rezyme të zbatimit të reformës në drejtësi, ku nënvizoi se “procesi i ngritjes së organeve të reja tashmë janë në fazën ku s’ka më asnjë forcë për t’i penguar në ushtrimin e përgjegjësisë së tyre kushtetuese dhe ligjore”.

Gjithashtu ajo komentoi telegrafikisht edhe sulmet politike ku tha se:

Ata që mundën veç ta vonojnë, por kurrsesi ta ndalojë, uroj ta kenë kuptuar se dëshira dhe nevoja e një populli të tërë për drejtësi është aq e madhe sa s’mund të asgjësohet nga retorika politike të cilat në fund të ditës do të harrohen, ndërsa të nesërmes do t’i ngelen veç institucionet e shëndetshme të një shteti që po vrapon drejt familjes evropiane.”

Ndër të tjera Gjonaj shprehet:

“Me ftesë nga Këshilli i Lartë Gjyqësor, ndoqa me interes prezantimin e projekt-planit strategjik 2019-2020, për plotësimin dhe forcimin e sistemit gjyqësor në përputhje me Strategjinë Ndërsektoriale të Drejtësisë. Jam besimplotë se procesi i reformimit do ta kalojë periudhën transitore për të vijuar me funksionimin efektiv të sistemit të drejtësisë. Plotësimi i vendeve vakante dhe funksionimi i Gjykatës së lartë si pjesë edhe e planit strategjik të KLGJ-së do të jetë një ndër prioritetet Këshillit të Lartë Gjyqësor. Shqiptarët tashmë janë dëshmitarë të historisë, se si mundëm të hedhim themelet dhe nisëm të rindërtojmë këtë pallat drejtësi që po ngjall shpresën për të ndryshuar, ashtu siç na ka shtuar forcën për të punuar. Ata që mundën veç ta vonojnë, por kurrsesi ta ndalojë, uroj ta kenë kuptuar se dëshira dhe nevoja e një populli të tërë për drejtësi është aq e madhe sa s’mund të asgjësohet nga retorika politike të cilat në fund të ditës do të harrohen, ndërsa të nesërmes do t’i ngelen veç institucionet e shëndetshme të një shteti që po vrapon drejt familjes evropiane”, shprehet Gjonaj.

Strategjia Ndërsektoriale e Drejtësisë dhe Plani Strategjik i KLGJ-së, janë të ndërlidhura me përparësitë e politikave kombëtare, ku ndër të tjera synohet:

  • Përshpejtimi i Reformës së Pushtetit Gjyqësor dhe Akordimit të Burimeve. (Bërja funksionale e Gjykatës së Lartë si prioritet emergjent, duke marrë masat e nevojshme për plotësimin e vendeve vakante në një kohe sa më të shpejtë)
  • Përcaktimi dhe Zbatimi i Standardeve për Ekselencë gjyqësore. ( Rritja e transparencës në emërimet dhe promovimet e gjyqtarëve dhe administratës gjyqësore, përmes sigurimit të standardeve të meritokracisë)
  • Ofrimi Efikas i Shërbimeve dhe funksionimi më i mirë i gjykatave. (Rritja e efikasitetit, saktësisë se te dhënave dhe efektivitetit ne menaxhimin e ceshtjeve gjyqesore nepermjet zhvillimit te nje sistemi elektronik te unifikuar per menaxhimin e ceshtjeve sipas standardeve ndërkombetare.)
  • Zhvillimi i Kapaciteteve të Brendshme të KLGJ-së.( Hartimi i akteve nënligjore për zbatimin e reformës gjyqësore, ushtrimin e përgjegjësive nga ana e KLGJ-së me qellim sigurimin e pavarësisë gjyqësore)
  • Hartimi i Strategjive të Efektshme për Komunikimin e Jashtëm. ( Ofrimi dhe zbatimi i mënyrave novatore dhe të përshtatshme për palët e interesit, në veçanti përmes sistemeve online, për rritjen e bashkëpunimit të publikut me KLGJ-në, personelin administrativ dhe gjykatat).

Në vitin  2016, Shqipëria miratoi reforma kushtetuese dhe legjislative gjithëpërfshirëse, me qëllim forcimin e integritetit dhe qeverisjes së gjyqësorit në vend. Këto reforma përcaktonin edhe ngritjen e institucioneve të reja, përfshirë Këshillin e Lartë Gjyqësor (KLGJ), Këshillin e Lartë të Prokurorisë, Këshillin e Emërimeve në Drejtësi dhe Inspektoratin e Lartë të Drejtësisë./abcnews.al

gjykata-e-larte-1-1280x723.jpg
ad min15:50 | 10/07/2019

Këshilli i Lartë Gjyqësor parashikon të plotësimi i Gjykatës së Lartë, ku po presin për shqyrtim 31 mijë dosje, të nisë në muajin shtator. Kryetarja e KLGJ-së i tha Komisionit të Ligjeve se Gjykata e Posacme Antikorrupsion do të fillojë të ngrihet sapo SPAK-u të jetë gati.

31 mijë dosje presin drejtësi në raftet e Gjykatës së Lartë.

Ky institucion është nxjerrë jashtë funksionit, pasi procesi e vettingut shkarkoi 17 gjyqtarë të lartë dhe konfirmoi në detyrë vetëm 2 prej tyre.

Por që drejtësia e vonuar, si një drejtësi e mohuar të mos zgjasë, Këshilli i Lartë Gjyqësor angazhohet që plotësimi i Gjykatës së Lartë të fillojë në shtator.

Kryetarja e KLGJ-së ju përgjigj dhe interesimit të Komisionit të Ligjeve, për ngritjen e Gjykatës së Posaçme Antikorrupsion që do të zëvendësojë Krimet e Rënda.

Llagami pranoi se mungesat në gjyqësor kanë shkaktuar vështirësi në sistem, por tha se institucioni që ajo drejton do të jetë serioz, për të mos bërë asgjë me shpejtësi, që mund të cënojë profesionalizimin e të emëruarve në sistem./ABC News Albania 24/7

gjyakata-e-larte.jpg
ad min15:27 | 05/07/2019

Javën e ardhshme hapet gara për anëtarët jo gjyqtarë të Gjykatës së Lartë. Këshilli i Lartë Gjyqësor miratoi projekt-aktet dhe kriteret që duhet të plotësoj çdo kandidat. Kjo lëvizje e KLGJ-së erdhi pas kritikave të presidentit të Republikës Ilir Meta.

Pak ditë pas letrës së Presidentit të Republikës, ku i drejtoi gishtin Këshillit të Lartë Gjyqësor se është 6 muaj e 20 ditë me vonesë për t’i dërguar listën e emrave për kandidatë për anëtarë të Gjykatës së Lartë, KLGJ-ja hodhi një gjysmë hapi duke miratuar projekt rregulloren që do ti hap rrugën garës për anëtarët jo gjyqtarë. Gjykata e Lartë ka në përbërje të saj 19 anëtarë, ku 4 prej të cilëve do të jenë nga jashtë sistemit të gjyqësorit.

Këshilli i Lartë Gjyqësorë ka përcaktuar se juristët e spikatur do të vlerësohen për tre kritere, aftësitë profesionale, morale dhe menaxheriale.  Në rendin e ditës të KLGJ-së nuk ishte i përfshirë dhe nuk është caktuar akoma se kur do të hartohet projekt-akti për kriteret që duhet të ketë një gjyqtarë që të jetë anëtar i Gjykatës së Lartë. Anëtarët gjyqtarë duhet që më përpara të kenë kaluar të gjitha hallkat e Vetingut, pra KPK dhe KPA. Vetëm procesi i kalimit të Vetingut kërkon minimalisht 4 muaj kohë.

Praktikisht Gjykata e Lartë do të jetë jashtë funksionit edhe për disa muaj.  Presidenti Meta duhet që të presë mbase edhe disa muaj që në tavolinën e tij të ketë listën e plotë me emrat e kandidatëve për Gjykatën Supreme. Zyrtarisht gara për anëtarët jo gjyqtarë pritet të hapet javën që vjen, por akoma nga këshilli nuk është caktuar koha që do të kenë në dispozicion anëtarët për të kandiduar.

Për secilin prej kandidatëve do të kërkohet informacion në institucionet e tjera siç janë Drejtoria e Sigurimit të Informacionit të Klasifikuar, Inspektoriati i Lartë i Deklarimit dhe Kontrollit të Pasurive dhe Konfliktit të Interesit, Shërbimi Informativ Shtetëror etj. Në mbledhjen e Këshillit nuk u diskutua as rekomandimi i EURALIUS, për komandim të përkohshëm të gjyqtarëve nga nivelet me të ulëta në Gjykatën e Lartë,  i cili ka hasur kundërshtime si nga presidenti, ashtu edhe nga anëtarët gjyqtarë të KLGJ-së.

Qeveria e re gjyqësore ka ndjekur rregullat e KLD-së duke i mbyllur dyert mediave pavarësisht interesit të madh që ka publiku, i rritur ndjeshëm pas kritikës që bëri Presidenti i Republikës. Gjykata e Lartë është aktualisht me dy anëtarë Xhezair Zaganjorin që po zhvillon betejen e tij në Kolegjin e Posaçëm të Apelimit dhe Ardian Dvoranin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono