klevis balliu

balliuuu.jpg
ger ta10:17 | 20/11/2019

Ish-deputeti i PD, Klevis Balliu ka dorëzuar në Prokurorinë e Tiranës kallëzim penal për projektin e Unazës së Re.

Në një prononcim për mediat, Balliu kërkoi që organi i akuzës të nisë menjëherë hetimet dhe të anulohen punimet, deri në përfundimin e hetimeve.

Sipas Balliut, kompania Sallillari është nën hetim te Loti 2  dhe ka fituar tenderin te Loti 1.

Ky është kallëzim penal i drejtuar Prokurorisë. Ky është mali me dokumente që tregojnë faktet që ky projekt ka qëllim vjedhjen. Si ka mundësi që kompania Salillari që është nën hetim te loti 2  ka fituar tenderin te loti 1. Unë ju ftoj ju të nxirrni të gjithë dokumentet që ka nxjerrë edhe PD, për shkeljet te Unaza. Që nga fakti që nuk është bërë konsulti mjedisor me qytetarët. Të gjitha aferat korruptive, dokumentet e falsifikuara dhe shkeljet e kësaj qeverie sot janë faktuar dhe kjo Prokurori duhet të nisë menjëherë hetimet. Këtu po bëhet fjalë për jetë njerëzish. Ata po shkatërrohen për shkak të një projekti korruptiv. Menjëherë Prokuroria duhet të pezullojë punimet dhe tenderin Salillari. Të pezullohen urgjentisht punimet tek Unaza . Është esenciale nisja e hetimeve tani urgjentisht. Nëse nuk nisin atëherë këtë prokurorë po presin të marrin hyrje falas”, tha Balliu.

Në të njëjtën linjë u shpreh edhe konsulenti ligjor i demokratëve, Çlirim Gjata, i cili theksoi se këtë aferë mund ta ndalojë vetëm qeveria.

Shkeljet janë aq të rënda, ka shumë duar që janë futur. Të bësh gjithë këtë projekt krroputiv. Çështja është aty për të fituar troje që shkojnë deri në 900 milion euro pastrim parsh ku janë përzierë edhe qeveritarë. Është një megaoperacion. Vetëm qeveria mund të jetë ajo që ta durojë këtë prokurori që të mos fillojë hetimet”, tha Gjata./abcnews.al

klevis-balliu-1-1280x791.jpg
ger ta11:07 | 18/11/2019

Demokratët janë të bindur se projekti i Unazës së Re është i mbuluar me hije të forta skandali e korrupsioni. Ish-deputeti demokrat Klevis Balliu denoncoi nga selia blu atë që e cilësoi si skandalin e rradhës pas atij të D-H Albania dhe që lidhet me mungesën e një leje ndërtimore për lotin ku po kryhen punimet.

Kompania që ka hartuar sponcoriazuar projektin nuk ka drejtues teknik në fushën e gjeodezise dhe këtë fakt demokratët e mbështetën në dokumentat që vetë Ministria e Infrastrukturës ka firmosur.

Balliu kërkesën e ka për organin e akuzës, të cilit krahas hetimeve i kërkoi ndalim të menjëhershëm të punimeve.

Prej më shumë se 1 jave, IKMT ka nisur prishjen e ndërtesave në lotin e parë të Unazës së Re, ku një pjesë e banesave kanë përfituar kompesim nga qeveria ndërkohë që pjesa tjetër e objekteve janë skualifikuar në procesin e legalizimit nga ALUIZNI.

Deklarata e plotë:

Projekti korruptiv i Unazës së Re, që po shkatërron shtëpitë e  qindra familjeve për vjedhjen e disa milionë eurove dhe ndërtimin e  disa komplekseve me pallate në të njëjtin vend është pa një leje të vlefshme ndërtimore.

Që prej një viti, Partia Demokratike ka publikuar dokumenta dhe të dhëna që tregojnë se projekti i Unazës së Re u nis si një projekt për të vjedhur, duke shkelur disa nga rregullat kryesore për ndërtimin e një vepre të tillë.

Rol kyç në skemën e vjedhjes me projektin e Unazës së Re ka Agjencia e Rrugëve, e cila, në kundërshtim me ligjin e sponsorizimeve, ka pranuar si dhuratë një projekt të gatshëm mbi 1 milionë euro nga kompania AVE CONSULTING.

Dokumentat provojnë se projekti teknik eshte jo i plotë. Atij i mungon studimi topografik, gjë që vërtetohet nga shkresa e 16 Tetorit 2018 e Autoritetit Kombëtar të Rrugëve.

Një shkresë tjetër, e 11 Dhjetorit 2018 e Ministrisë së Infrastrukturës, tregon kompania “AVE CONSALTING” ,që ka sponsorizuar projektin, në kundërshtim me ligjin, nuk ka drejtues teknik në fushën e gjeodezise. Ky është një fakt shtesë për mungesën e studimit topografik, pa të cilin nuk mund të projektohen detajet e zbatimit të projektit.

Mungesa e këtij studimi sjell pasoja juridike në pavlefshmërinë e lejes së ndërtimit të projektit që kushton 20 milionë euro për 1 kilometër. Duke mos patur një studim të fazes së parë të projektit, shkaktohet edhe një dëm i madh ekonomik, pasi volumet e punës llogariten keq, aksi i rrugës zhvendoset sipas interesave korruptivë të momentit dhe rritet kostoja e punimeve.

Përveç anës teknike, që bën të pavlefshëm lejen e ndërtimit, në këtë çështje ka edhe një konflikt të pastër interesi të kompanisë që gjoja i ka falur qeverisë një projekt 1.2 milionë euro. Nga njëra anë, Ave consulting, që ka projektuar shkatërrimin e qindra shtëpive tek Unaza e Re, ka fituar tenderin per të permbyllur procedurat e legalizimit te objekteve informale.

Parti Demkoratike i kërkon Prokurorisë të hetojë pa vonesë këtë aferë të rëndë korruptive, duke mos e zvarritur atë siç po bën me rastin e DH Albania, për të cilën, akoma pas një viti nuk ka asgjë konkrete.

Partia Demokratike do t’i dorëzojë Prokurorisë te gjitha dukementat e nevojshme për të nxjerrë në dritë këtë aferë korruptive, ku një grusht njerëzish duan të shtojnë pasuritë duke shkatërruar jetën e qindra familjeve.

Një prokurori e pavarur, që nuk sakrifikon drejtësinë për t’ia hedhur vetingut, ka në dorë të kërkojë pezullimin e menjëhershëm të zbatimit të këtij projekti korruptiv dhe të pavlefshëm juridikisht tek Unaza e Re!

Kur shqiptarët t’i besojnë Partisë Demokratike qeverisjen e vendit, zyrtarët apo privatet e përfshirë në këtë aferë do të përgjigjen para ligjit. Me ligjin tonë të ri Antimafia dhe me programin tonë “Ndiq paranë”, ata do të paguajnë çdo dëm që i është shkaktuar shtetit shqiptar dhe banorëve të Unazës së Re nga projekti korruptiv  20 milion euro për 1 km./abcnews.al

Afrim Qendro deklaron se është bërë studimi i gjeodisë nga kompania e tij, por nuk pranon ta publikojë këtë studim.

Përgjigjia e Ministrisë së Infrastrukturës e cila pohon se kjo kompani nuk ka gjeodet (topograf) duke hedhur poshtë Afrim Qendron që pretendon se ka një studim teknik për Unazën e Re.

klevis-balliu-deklarata-1280x631.jpg
nev ila10:09 | 14/11/2019

Ish deputeti Klevis Balliu në një deklaratë për median bashkë me avokatin e tij Genc Gjokutaj, pas daljes së tij nga Prokuroria e Tiranës, deklaroi se nuk shqetësohet për akuzat që i bëhen. Balliu Ishte thirrur nga Prokuroria e Tiranës, për tu njohur me akuzat për “kundërshtim të punonjësve të policisë” dhe “grumbullim i paligjshëm”.

“Ata që kanë dhunuar banorët e unazës së re do të shkojnë në kokërr të burgut. Për sa i përket këtyre akuzave nuk më shqetësojnë aspak. Ajo që na shqetëson sot është që disa qytetarë aty mbetën pa shtëpi, dhe dhuna që u ushtrua mbi ta nga policia. Gjatë gjithë kohës qeveria ka gënjyer kur ka thënë se nuk preken pronat, faktet tregoi se preken të gjithë. Ky projekt është fantazmë, aty thjesht do të zgjerohet rruga dhe do të ndërtojnë kulla oligarkët. Policia ka hedhur gaz lotsjellës brenda banesave të tyre dhe i ka dhunuar.

Gjithsesi, sot në darkë do të shihni disa dokumente se kush janë hajdutët e pronave. Ne sot do të paraqesim disa prova ku do të faktojnë se cilët janë hajdutët e vërtetë të pronave”, deklaroi Balliu./abcnews.al

balliu-3.jpg
in a08:31 | 12/11/2019

Tensione dhe përplasje të forta ka pasur mes banoreve të Unazës se Re dhe policisë që ka shkuar në mbështetje të aksionit të IKMT-së për lirimin e banesave, në vijim të projektit per Unazën.

Ish-deputeti, Klevis Balliu në një lidhje direkte me “ABC e mëngjesit” deklaron se banorët janë përgatitur që dje, në një sakrificë të paprecedentë në Shqipëri, duke pritur policinë e shtetit. “Një projekt korruptiv ku ka konflikt interesi. Qeveria dhe policia e shtetit në një akt barbar ka dhunuar banorët duke i lëshuar gaz lotsjellës, shumë banorë janë spital, dikush ka thyer këmbën, dikush tjetër ka thyer brinjët”, tha Balliu./abcnews.al

balliu-2.jpg
in a17:06 | 10/11/2019

Ish-deputeti i Partisë Demokratike, Klevis Balliu i pranishëm ditën e sotme në protestën e Unazës së Re, në një deklaratë të dhënë për mediat, shprehet se Rama pasi u kap duke vjedhur me një tender pa garë dhe agjensite në varësi të Ramës po e thellojnë vjedhjen. Duke dhënë detaje të reja për vjedhjen Balliu i bën thirrje kryeministrit që të mos e shtojë më shumë faturën për shqiptarët.

“Skandali, kompania INK në shkelje të ligjit do të mbikëqyrë cilësinë e punimeve tek Unaza ndërkohë paguhet nga Salillari si mbikëqyrëse për koncesionin e rrugës së kombit, ku operon së bashku me Kastratin”, deklaroi Balliu nga selia e Partisë Demokratike.

/abcnews.al

klevis-balliu-1280x699.jpg
nev ila12:30 | 09/11/2019

Partia Demokratike i kërkon qeverisë të zbatojë standardet e kërkuara nga kombet e bashkuara në lidhje me të drejtën e pronës. Duke iu referuar studimit të fundit të PNUD për banesat sociale, ish- deputeti Klevis Balliu pohon se “dëbimi me dhunë i qytetarëve nga banesat e tyre” është shkelje flagrante e të drejtave të njeriut.”/abcnews.al

bbaa.jpg
nev ila16:58 | 04/11/2019

Ish-deputeti i PD, Klevis Balliu në studion e ABC News me Juli Xhokaxhi theksoi edhe njëherë se opozita do të nxjerrë që tjerë emra të zyrtarëve të Ramës që janë të lidhur me krimin.

Filimisht rasti i Kajmakut dhe Valdrinin janë ndryshe dhe vërtetuan diçka që Edi Rama e ka të pamundur largimin nga krimi. Ai zgjodhi një kriminel se e ka të pamundur të ndahet nga krim.

Lulzim Basha po i shkërrmoq këta një e nga një. I denoncon Lulzim Basha. Ky për çfarë është aty, për të vjedhur se kriminelët i heq Lulzim Basha. Arktitekti i dekriminalizimit është Lulzim Basha.

Koha që dyshohet a ka apo s’ka dosje ka kaluar. Do të ketë denocime se linja e krimit të Edi Ramës nuk ndalet. Po të shikoni çfarë bëhet nëpër administrata. Është futur cdo drogaxhi i mundur”, tha Balliu.

Më tej ish deputeti u ndal edhe tek atentati ndaj prokurorit Arjan Ndoj, ku theksoi se duhet të merret nën hetim Rama që e kërcënoi.

“Atentati ndaj prokurori, nëse ju sot do më kërcënonit publikisht dhe nëse nesër atij i ndodh diçka prokuroria do ju merrte nën hetim. Edi Rama e ka këcënuar p[ublikkihst me masat më ekstreme.

Nuk do e dyshoja por prap hetimi duhet të nisë. Se pas dy ditëve i ndodhi. Po atë të voglin Braçen pse nuk merret nën hetim”, tha Balliu./abcnews.al

balliu.jpg
nev ila16:44 | 04/11/2019

Ish-deputeti i PD, Klevis Balliu në studion e Abcnews me Juli Xhokaxhi u shpreh se banorët e Unazës së Re po luftojnë me mish dhe me shpirt për banesat e tyre.

Balliu shtoi se prej 1 viti banorët kërkojnë vetëm dialog.

Madje deklaroi se kryeministri Rama ka ndaluar deputetët e PS të zhvillojnë takime me banorët e Unazës.

Duhet të kalojmë një hap edhe më shumë. Po shohim qytetarë që luftojnë me mish dhe shpirt. Ky projekt është ende në hetim dhe ata bëjnë ritenderime. Kemi një problem me kujtesën politike. Kjo protestë shërben për cdo qytetar që këtu ka pasur korrupsion. Nuk është as problemi dhe as cështja tek projekti. Nuk është cështja që qenkan disa nga ato shtëpita të palegalizuara. Përballë këtyre shtëpive sot janë pallate. Aty ka patur shtëpi të palegalizuara por nuk është nxjerrë asnjë banor pa u dëmshpërblyer në kohën e PD. Ka pasur deputetë që kanë kërkuar të dialogojnë dhe janë ndaluar nga Rama.

Në një vit nuk ka ardhur asnjë deputet. Muajt e para ata nuk pranonin deputetë të opozitës, sepse prisnin atë që i dhanë votën, Saimir Tahirin. Ata kanë 25 vite që janë pronarë të atyre banesave që i paguajnë taksa bashkisë”, tha Balliu./abcnews.al

 

klevis-balliu-2.jpg
ad min12:23 | 30/10/2019

Gjykata e Apelit të Tiranës rrëzoi animimin e ish-deputetit Klevis Balliu, duke lënë në fuqi masën e sigurisë “Detyrim paraqitje” ndaj tij. Balliu foli për mediat në dalje të gjykatës ku deklaroi se gjykata nuk merr parasysh faktin që protestat tek Unaza e re janë paralajmëruar.

Sipas tij shteti ka rëndë, ndërsa vjedhja dhe dhuna shtetërore janë kthyer në normë.

“Pse më kërkon mua dokumentacione që duhet ti ketë drejtoria e policisë apo diçka tjetër. Ato duhet ti paraqiste prokuroria ose dikush tjetër. Unë kam për detyrë ta njoftoj, dhe për sa kohë policia ka kthyer përgjigje atëherë është njoftuar. Gjykata nuk i merr parasysh këta. Fakti është që nuk duan protestën. Është bërë rrugë. Vijnë qytetarët futen nëpër burgje pse protestojnë! Vijnë anëtarët e opozitës pse protestojnë! Këta që vjedhin pse nuk futen në burgje. Pse Agim Kajmaku nuk paraqitet në gjykata? Pse rrinë në burg qytetarët që nuk paguajnë dritat dhe Saimir Tahirit ia kthejnë dënimin detyrim paraqitje. Pse nuk ia kthejnë banorëve të cilët janë kapur pse nuk paguajnë dritat. Kjo fakton që shteti ka rënë. Prokuroria është vënë në funksion të shtetit. Kapen ata që vidhen dhe nuk arrestohen ata që po i vjedhin. Sot Shqipëria është një narkoshtet nuk ekziston ligji. Vjedhja është thyer në sistem.  Dhuna shtetërore është kthyer në normë. Qytetarët enden nëpër gjyqe”, tha Balliu.

Ndër të tjera, Balliu theksoi se banorët kanë kërkuar dialog. Sipas tij nëse policia zgjedh përplasjen me banorët e Unazës së Re atëherë pasojat mund të jenë të parikuperueshme.

“Atje ka  dy rrugë, qeveri të zgjedhë të dialogojë me banorët ose të urdhërojë efektivët që të përplasen me banorët, e cila do të jetë me aq sa e njoh unë atë zonë, mund të ketë pasoja të parikuperueshme. Pse duhet të lejojmë përplasjen me qytetarët. Vjen përfaqësuesi i qeverisë dhe dialogun dhe e zgjidh problemin. Nëse zgjidhet dhuna mos harroni që përgjegjës është Edi Rama, sepse banorët kanë një vit që kërkojnë dialogun dhe jo dhunën”, u shpreh Balliu./abcnews.al

protesta-astiri.jpg
ad min19:39 | 21/10/2019

Banorët e Astirit kanë vazhduar me protestat e tyre, të cilat vijojnë prej gati një viti. Ata kërkojnë anulimin e projektit për Unazën e Re. Ata zhvilluan një protestë edhe këtë të hënë. Pas ndryshimeve në Kodin Penal, tanimë ata kanë vijuar me tubimet në trotuare.

Megjithatë në të dyja korsitë e rrugës kryesore kishte forca policie. Gjatë mbrëmjes së sotme nuk pati asnjë tension mes tyre dhe tubuesve.

Megjithatë banorët kanë kërkuar që policia të luftojë krimin e organizuar dhe të mos qëndrojë ndaj protestuesve. Edhe në këtë protestë kishte prezencë të përfaqësuesve të opozitës, si Klevis Balliu, Tritan Shehu dhe Kejdi Mehmetaj.

/ABC News Albania 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono