klandestine

police-bxl.jpg
nev ila19:33 | 11/11/2019

Policia arrestoi dy anëtarët e një organizate nën akuzën për “trafik qëniesh njerëzore” këtë fundjavë. Bëhet fjalë për një italian dhe një shqiptar. Udhëheqësi i kësaj bande u dënua të Mërkurën e kaluar, me 5 vjet burg dhe një gjobë 896,000 euro.

Shqiptari u arrestua ndërsa ishte duke u larguar në Bruksel. Dy të arrestuarit ishin anëtarët e vetëm të organizatës kriminale që ishin akoma të lirë. Më herët autoritetet belge kishin arrestuar edhe 4 pjesëtarë të kësaj organizate.

Organet hetimore kishin rënë në gjurmët e kësaj organizate vitin e kaluar. Më pas telefonat e dy anëtarëve të arrestuar, shqiptarit dhe italianit, ishin vënë nën përgjim.

Gjatë bisedave telefonike autoritetet belge zbuluan të gjithë “metodat e punës” së shqiptarëve. Si bazë për organizimin dhe gjithë veprimtarinë e kësaj organizate përdorej Bar-Coffe “The Brain” në Bruksel, cila ishte në pronësi të shqiptarit, i dyshuar si kreu i kësaj organizate.

Sipas prokurorit,  kjo bandë punonte me transport kamionësh të garantuar. Klandestinët paguanin 13,000 paund për një vend në kabinën e shoferit. Gjatë vitit 2018 ata kishin kontrabanduar 112 persona në Britani të Madhe.

Prokuroria belge njoftoi se tashmë ishte zbuluar gjithë aktiviteti i kësaj bande. Ata do të vuajnë dënimin e tyre në shtetin belg./abcnews.al

arrestimi123.jpg
ad min13:44 | 25/10/2019

Pesë transportues klandestinësh të huaj janë arrestuar nga policia në Pogradec. Ata ishin të gjithë nga Tirana dhe po mundësonin kalimin në mënyrë të paligjshme të 19 emigrantëve. Një nga transportuesit u shpall në kërkim.

Sipas policisë, në periferi të qytetit të Bilishtit policia kapi një minibus “Volkswagen” me 15 shtetas të huaj, me qëllim kalimin e tyre më pas drejt vendeve të BE-së, kundrejt pagesës 1000 deri në 1500 Euro secili.

Në aksin rrugor Pogradec-Qafë Thanë në dalje të Pogradecit dy nga të arrestuarit nuk iu bindën urdhrit të policisë, por ata u kapën vetëm pas pak minuta ndjekje. Gjithashtu në fshatin Memëlisht nje tjetër makinë brenda së cilës ishin 4 klandestinë./ABC News Albania

 

EMIGRANTET-NE-DEVOLL--1280x720.jpg
ent ela13:37 | 15/10/2019

Policia kufitare dhe misioni Frontex ndalojnë 22 klandestinë nga vendet e Lindjes. Grupi i refugjatëve , midis të cilëve edhe 10 fëmijë janë të kombësisë kurde, afgane dhe siriane.

Sipas Policisë Kufitare refugjatët janë ndaluar në thellësi të tokës shqiptare dhe në afërsi të Trestenikut dhe Vërnikut në Devoll.

Pas intervistave, familjarët u dërguan në qendrën e pritjes në Babrru të Tiranës, kurse pjesa tjetër është kthyer mbrapsht në Greqi.

Çdo ditë policia kufitare ndalon mbi 20 klandestinë që hyjnë ilegalisht nga Greqia dhe kanë synim vendet e BE. /abcnews.al

klandestine-1.jpg
ad min10:47 | 26/09/2019

Një 26-vjeçar u arrestua nga policia e Pogradecit pasi u kap në flagrancë duke transportuar me një furgon 24 shtetas të huaj.

Emigrantët kishin ardhur nga Lindja e Mesme dhe me ndihmën e të riut do të kalonin në mënyrë të paligjshme drejt vendeve europiane.

Në këmbim 26-vjeçari u merrte paratë shtetasve të huaj./ABC News Albania 24/7

smugling.jpg
ad min09:01 | 12/09/2019

Një shofer autobusi është dënuar nga autoritetet britanike pasi u kap duke transportuar klandestinë shqiptarë. Mediat raportojnë se David James u dënua me 16 muaj burg për krimin që bëri.

Mësohet se ai tentoi të transportonte dy shqiptarë në Kent për 2 mijë Paund. Avokati i 31-vjeçarit deklaroi se e kishte kryer krimin për shkak të situatës së rëndë ekonomike. Por kjo nuk e ndaloi gjyqtarin e çështjes që ta dënonte të riun.

David James

“Kreve një krim kundër ligjit britanik për emigracionin për shumën e 2 mijë Paundëve. Pranove ta merrje rrezikun përsipër, me mjetet që lëviznin lartë e poshtë duke shpresuar se nuk do të të kapnin. Por kur të ndaluan, në bagazh zbuluan dy shqiptarë”, tha Rupert Lowe, i cili e dënoi 31-vjeçarin me 16 muaj heqje lirie./abcnews.al

MBULIM-KLANDESTINET.mpg_snapshot_00.10-1280x720.jpg
ent ela16:03 | 09/09/2019

Dy persona u prangosën nga policia e Tiranës dhe një tjetër u shpall në kërkim pasi, akuzohen për kalimin e paligjshëm të kufirit.

Gjatë operacionit të koduar “Itinerari” u godit tentativa e kalimit të paligjshëm të kufirit të klandestinëve sirian me qëllim dërgimin në vende të BE-së. Në bashkëpunim me njëri-tjetrin, ata dyshohet se me makinat e tyre private, kundrejt shpërblimit monetar kanë marrë 8 emigrantë në qytetin e Bilishtit, në afërsi të kufirit të gjelbër me Greqinë, për t’i sjellë në Tiranë. Më pas klandestinës do të dërgoheshin drejt kufirit të gjelbër me Malin e Zi, me destinacion final vendet e Bashkimit Europian. /ABC News Albania 24/7

klandestine.jpg
ad min15:51 | 01/09/2019

Policia greke ka vënë në pranga një shqiptar pasi tentoi të trafikonte klandestinë. I arrestuari është 21 vjeç, ndërsa identiteti i tij nuk është bërë publik. Sipas asaj që mësohet, 21-vjeçari u kap teksa  transportonte 26 klandestinë me furgon. Për secilin prej tyre, ai merrte nga 2 mijë euro.

Mediat greke shkruajnë se shqiptari nuk i ndaloi një postblloku të autoriteteve. Përkundrazi shtoi shpejtësinë dhe u fut në një rrugë rurale në Asprovalta. Këtu la makinën dhe tentoi të arratise në këmbë, por u arrestua.

26 personat që gjeti policia ishin me origjinë nga Bangladeshi dhe Pakistani. Të gjithë ata kishin hyrë në mënyrë të paligjshme në territorin grek pasi nuk kishin dokumente.  /abcnews.al

Capture-4.jpg
nev ila16:07 | 16/06/2019

Gjykata e Elbasanit dha masën e sigurisë për tetë personat të cilët u arrestuan tre ditë më pare pasi akuzohen për kalimin e paligjshëm të klandestineve që vinin nga Siria, Turqia dhe Iraku drejt vendeve të BE.  Për 5 prej tyre u dha masa e sigurisë “arrest me burg”, kurse tre të tjerët u lanë në detyrim paraqitje. Në burg u la një shtetas turk dhe katër të tjerë.

Këta persona në bashkëpunim me njëri- tjetrin, vepronin si grup kriminal, duke organizuar transportin  e klandestinëve të huaj nga Kufiri i Gjelbër me shtetin grek në drejtim të Tiranës dhe më pas në drejtim të Mal të Zi.

Ata paguanin shuma të mëdha Eurosh te organizatori i trafikut./ABC News Albania 24/7

elbasan-2-1280x695.jpg
ad min16:47 | 13/06/2019

Një grup kriminal që trafikonte klandestinë nga Siria, Turqia dhe Iraku drejt vendeve të BE-së është goditur nga Policia e Elbasanit. Në pranga kanë përfunduar 8 persona mes tyre edhe koka e grupit, një shtetas turk, por me banim në Tiranë.

Këta persona në bashkëpunim me njëri-tjetrin, organizonin transportin e shtetasve të huaj nga kufiri i gjelbër me shtetin grek në drejtim të Tiranës dhe më pas në Mal të Zi. Sipas informacioneve të policisë, klandestinët paguanin shuma të konsiderueshme eurosh tek organizatori i këtij trafiku.

Gjatë operacionit u sekuestruan në cilësinë e provave materiale celulare, vlera monetare, si dhe automjete me të cilat këta shtetas realizonin aktivitetin kriminal./ABC News Albania 24/7

7-grupe.jpg
ad min11:07 | 04/06/2019

51 të pandehur do të dalin para drejtësisë pas përfundimit të hetimeve të Prokurorisë së Krimeve të Rënda të arrestuar gjatë operacionit të koduar “One if by land” dhe të realizuar në Mars të vitit të kaluar. Prokurori Eugen Beci ka dorëzuar dosjen me 95 fashikuj në gjykatë, ku pjesë e saj janë dhe 450 kompakt disqe me përgjime dhe materiale të tjera.

Këta persona në bashkëpunim me njëri-tjetrin akuzohet se trafikonin shtetas shqiptarë drejt Shteteve të Bashkuara, Kanadasë dhe Anglisë kundrejt shumave që varionin nga 30 mijë dollarë për në Amerikë e Kanada deri në 10 mijë Paund në Angli. Mbi të gjithë të pandehurit rëndojnë akuzat e trafikimit të qenieve njerëzore në kuadër të grupit të strukturuar kriminal.

Gjatë operacionin u shkatërruan 7 grupe kriminale që vepronin në Shqipëri, Bullgari, Greqi, Spanjë, Francë, Republikën Domenikane, Itali, Britani, Irlandë, SHBA e Kanada. Pjese e operacionit ishin dhe autoritetet amerikane e kanadeze./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono